Last Update : 18-September-2012, Tuesday

 

બહેતર હૈ, એન્થની સે પૂછોઃ બી આર ચોપરાએ કહ્યું

સિનેમેજિક - અજિત પોપટ
 

 

વાત છે લગભગ ૧૯૫૫-૫૬ની. સિનિયર સાજિંદાઓને તારીખ યાદ નથી. એક ઘટના ચોક્કસ છેઃ બી આર ચોપરાની દિલીપકુમાર, અજિત અને વૈજયંતીમાલાને ચમકાવતી ફિલ્મ નયા દૌરના એક ગીતને રેકોર્ડિંગ પહેલાં ફાઇનલ ટચ અપાઇ રહ્યો હતો. આના હૈ તો આ રાહ મેં કુછ ફેર નહીં હૈ, ભગવાન કે ઘર દેર હૈ, અંધેર નહીં હૈ...ગીત હતું. તમને ફિલ્મના પ્રસંગો યાદ હોય તો આ ગીત પછી દિલીપ અને અજિત વચ્ચે ગેરસમજ થાય છે. બંને બાથંબાથી પર આવી જાય છે અને એકબીજા સામે ફેંકેલા પથ્થરો ટકરાય ત્યારે પથ્થરો પર ઇન્ટરવલ શબ્દ કોરાઇ જાય છે. આમ વાર્તાના વહેણમાં પણ આ ગીત મહત્ત્વનો ફાળો આપવાનું હતું. ખુદ બી આર ચોપરા ત્યાં હાજર હતા. બધું બરાબર છે ? એવો સવાલ બી આર ચોપરા સામે જોઇને પૂછાયો ત્યારે બી આરએ મ્યુઝિક એરેંજર સામે પ્રશ્નસૂચક દ્રષ્ટિ કરી. એરેંજરે પોતાની છાતી પર હાથ મૂકીને ઇશારો કર્યો, જાણે કહેતા હોય મૈં હું ના...ગયા અઠવાડિયે જે અનોખા મ્યુઝિક એરેંજર કમ કમ્પોઝરની વાત શરૃ કરી હતી એ એન્થની ગોન્સાલ્વિસ આ ગીતના એરેંજર હતા.
'હંુ કદી કોઇની પાસે શાસ્ત્રીય સંગીત શીખ્યો નથી, જે કંઇ સારું સાંભળ્યું છે એમાંથી તર્જો બનાવું છું' એવું આપણા સૌના લાડકા સંગીતકાર ઓ પી નય્યરે એક કરતાં વધુ વખત કહ્યું હતું. પરંતુ ઓ પી નય્યર હોય યા મદન મોહન હોય કે પછી શંકર જયકિસન હોય યા કલ્યાણજી આણંદજી હોય- ઉત્તમ મ્યુઝિક એરેંજર અને સહાયક સંગીતકાર સ્વરનિયોજકનો અડધો અડધ માનસિક ભાર હળવો કરી નાખતા રહ્યા છે.
શંકર જયકિસન સાથે સેબાસ્ટિયન અને ફ્રેન્કી ફરનાન્ડો હતા એમ એસ ડી બર્મન સાથે બાસુ અને મનોહારી હતા. પરંતુ આ બધા વચ્ચે એક કોમન કડી હતી જેને આપણે એન્થની ગોન્સાલ્વિસના નામથી ઓળખીએ છીએ. આપણા સંગીતકારોને મદદરૃપ થવા આ ગોવાનીસ સંગીતકાર ભારતીય સંગીતના પાયાના સિદ્ધાંતો પણ શીખ્યો. સ્ટાફ નોટેશનનો તો ખાં હતો. મુંબઇમાં સ્થિર થયા પછી એ ભારતીય સંગીતનો પણ જાણકાર બન્યો. તમે નયા દૌૈરનું મુહમ્મદ રફીએે ગાયેલું આ ગીત ફરી સાંભળો. ઓ પી નય્યરની મૂળ તર્જને અનુરૃપ ફ્રન્ટગ્રાઉન્ડ મ્યુઝિક અને ત્યારબાદ સંઘેડાઉતાર હોય એવું બૅકગ્રાઉન્ડ મ્યુઝિક. રફી સાહેબ તાર સપ્તક પર ઉપાડ કરે છે- આના હૈ તો આ... રાહ મેં...કુછ ફેર....નહીં હૈ... અને જે ફ્રન્ટગ્રાઉન્ડ મ્યુઝિક છેડાય છે એમાં ક્યાંય મૂળ બંદિશની રસક્ષતિ થતી નથી. ઊલટું ગીત વધુ આસ્વાદ્ય બનતું જણાય છે. આ ખૂબી મ્યુઝિક એરેંજર એન્થનીની હતી.
૧૯૩૯-૪૦ની આસપાસ એન્થની મુંબઇ આવ્યા. એમની પાસે પાશ્ચાત્ય સંગીતનું ભાથું હતું. એમના પિતા પ્રભુ ગોન્સાલ્વિસ ગોવાના એક ચર્ચ સાથે સંકળાયેલા હતા. ચર્ચમાં ભગવાન ઇસા મસીહની પ્રાર્થનાનાં જે ભક્તિગીતો ગવાતાં એમાં એન્થનીના પિતા ઓર્ગન અને પિયાનો વગાડવા ઉપરાંત ગાયકોને માર્ગદર્શન આપતા. પિતા પાસેથી ભક્તિગીતોનો વારસો લઇને એન્થનીએ મુંબઇમાં પગ મૂક્યો હતો. ગયા શુક્રવારે બરજોર લોર્ડની વાત કરી હતી. એ રીતે એન્થનીએ પણ થોડાઘણાં નહીં સેંકડો ગીતોમાં પોતાની કમાલ દેખાડી હતી. એક તબક્કે તો લતાજી અને મન્ના ડેને લઇને ૧૦૦ સાજિંદા સાથેનું એક મ્યુઝિક ગુ્રપ પણ બનાવ્યું હતું. સંગીતકારો જેટલો જ વિશ્વાસ લતાજીને પણ એન્થનીની સર્જનકલા પર હતો.
એનું કારણ એન્થનીએ વિવિધ સંગીતકારો સાથે આપેલા એક એકથી ચઢિયાતાં ગીતો. પાંચ-સાત ગીતો યાદ કરવા હોય તો નોંધી લો- નૌશાદસાહેબનું અમર ગીત આવાઝ દે કહાં હૈ દુનિયા મેરી જવાં હૈ (અનમોલ ઘડી), દિલ મેરા તોડા (ફિલ્મ મજબૂર, સંગીત ગુલામ હૈદર), જિયા બેકરાર હૈ આઇ બહાર હૈ (બરસાત, શંકર જયકિસન), વગેરેેમાં એન્થનીએ વાયોલિન છેડયું હતું અને આ ગીતોમાં એરેંજરની કામગીરી બજાવી હતી- દિલ જલતા હૈ તો જલને દે (પહલી નજર, અનિલ વિશ્વાસ), જબ ઉસને ગેસુ બિખરાયે (શાહજહાં, નૌશાદ), દિલ ને તો દિયા ધોખા (બેદર્દી, રોશન), યે રાત યે ચાંદની ફિર કહાં (જાલ, એસ ડી બર્મન), હમ આપ કી આંખોં મેં ઇસ દિલ કો (પ્યાસા, એસ ડી બર્મન), સુહાના સફર ઔર યે મૌસમ હસીં (મધુમતી, સલિલ ચૌધરી), ફિલ્મ નયા દૌરનાં બધાં ગીતો... આ યાદી ઘણી લાંબી થઇ જાય. આપણે થોડાથી સંતોષ માનીએ. એન્થની વિશે વધુ વાતો કરીએ એ પહેલાં કહી દઉં. એન્થની ઇઝ નો મોર. થોડા સમય પહેલાં એ આ ફાની દુનિયાને છોડી ગયા.
(વધુ આવતા શુક્રવારે)

Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
દેશભરના ટ્રાન્સપોર્ટરોની આજે મુંબઇમાં મહત્ત્વની બેઠક
રિઝર્વ બેંકે રૃ.૧૭૦૦૦ કરોડની પ્રવાહિતા વધારવા સીઆરઆર પા ટકા ઘટાડયો ઃ કેન્દ્રની ત્રિપુટી ખુશ

ચંડીગઢ પોલીસે રાષ્ટ્રીય વીરતા પુરસ્કાર વિજેતા યુવતી સામે ફરિયાદ નોંધી

ગ્રાન્ટ રોડમાં સ્કાયવૉક પરથી ભિખારણે પોતાની જ બે માસૂમ બાળકીને નીચે ફેંકી
સિંધુદુર્ગના દરિયા કિનારે પાકિસ્તાની માર્કાવાળી ચરસ ભરેલી થેલીઓ મળી

આજથી ટ્વેન્ટી-૨૦ વર્લ્ડકપ ઃકઈ રીતે નક્કી થશે ચેમ્પિયન ?

ખેલાડીઓ વચ્ચે જામશે ખરાખરીનો જંગઃ કોઇપણ ટીમ બાજી મારી શકે છે
જો હવામાન સારૃ રહેશે તો ચાહકોને ખૂબ જ રોમાંચક ક્રિકેટ માણવા મળશે

જૂનના અંતમાં ચીનનું બાહ્ય દેવું વધીને ૭૮૫ અબજ ડોલર થયું

પાકે. અણુશસ્ત્રોના વહનની ક્ષમતા ધરાવતી બાબર મિસાઈલનું પરીક્ષણ કર્યું
ઇંડા ખાવાથી હૃદયને ધુમ્રપાન કરવા જેટલું જ નુકસાન થાય છે

આઠ કલાક કરતા વધારે કામ કરવાથી હૃદયરોગનો ખતરો ૮૦ ટકા જેટલો વધે

અવકાશ મથકનો દોરીસંચાર સુનીતાએ સંભાળ્યો ઃ ઈતિહાસમાં બીજી મહિલા
પાકિસ્તાને વોર્મઅપ મેચમાં ભારતને પાંચ વિકેટથી પરાજય આપ્યો
સાઉથ આફ્રિકાએ ન્યુઝીલેન્ડ સામે રોમાંચક વિજય મેળવ્યો
 

 

 

Gujarat Samachar Plus

રિક્ષાચાલકની મેક્સિકોમાં હોમલેસ વર્લ્ડકપ માટે પસંદગી
પીઠને ઉઘાડી બતાવતો 'સ્કૂપ બેક ડ્રેસ'
દેશી કાપડને મળ્યો છે વિદેશી ટચ
વજન ઉતારવા અને સેક્સલાઇફ સુધારવામાં મદદરૃપ 'ધ બેડરૃમ વર્કઆઉટ'
આકર્ષક યુવતી જોતા જ કલ્પનાના ઘોડા દોડાવતા પુરુષ
ટ્રાફિકની જાણકારી હવે મોબાઇલમાં
 

Gujarat Samachar glamour

મલ્લિકા શેરાવત 'કેએલપીડી'માં સિમ્પલ છોકરીની ભૂમિકામાં
પ્રિયંકાનો નવો આલ્બમ ''ઈન માય સિટી'' લોન્ચ થયો
બિપાશા સફળતાનો ભાર પોતાના ખભે લઈ ફિલ્મી-નાવ ચલાવે છે
તુષાર દુબઇમાં યલો પર્સ લેવા આકુળ વ્યાકુળ બન્યો
રાની મુખર્જી આઇટમ સોન્ગ કરશે
જગજીતસિંહના નામનો રસ્તો નહીં બને
 
 
 
 
 
 
 

Gujarat Samachar POLL

 

The Milk-Man Of India Passed Away

 
webad3 lagnavisha
 

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
plus

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved