Last Update : 08-September-2012, Saturday

 

મૈં ઔર મેરી ખામોશી...

- મન્નુ શેખચલ્લી

 

કોલસાનું એક મોટું ગોડાઉન હતું.
એમાં એક મિંદડી જેવા મેનેજરને બેસાડયા હતા. મૂળે તો ગોડાઉનના માલિક એક નાના શેઠ હતા. પણ નાના શેઠ હજી બહુ નાના હતા અને નાના શેઠની મા 'ત્યાગભુવન'માં રહેતાં હતાં, એટલે મિંદડી મેનેજરને ગોડાઉનની મુખ્ય ખુરશીમાં બેસાડયા હતા.
જોકે ગોડાઉનના અસલી માલિક નાના શેઠ પણ નહોતા. પરંતુ નાના શેઠના પર-નાનાજી એક સમયે ૧૮-૧૮ વરસ લગી ગોડાઉનનો કારભાર સંભાળતા હતા. એ પછી નાના શેઠનાં નાનીજી પણ એ જ ગોડાઉનનો કારભાર સંભાળતાં. છેલ્લે છેલ્લે નાના શેઠના બાપુજી ગોડાઉનના કર્તાહર્તા હતા. એટલે બિચારા નાના શેઠ એમ જ સમજી બેઠા હતા કે આ આખું ગોડાઉન એમના દાદા-પરદાદાની પોતાની જ માલિકીનું છે.
હકીકતમાં તો ગોડાઉન પ્રજાનું હતું. પણ પ્રજાને આ વાતની છેલ્લા ૬૫ વરસથી ખબર જ નહોતી.
પરંતુ ગોડાઉનના મિંદડી મેનેજરને એક વાતની બરોબર ખબર હતી કે પોતે મિંદડી જેવા છે એટલે જ એમને આ ખુરશી પર બેસવા મળ્યું છે.
મેનેજરને નાના શેઠ તથા નાના શેઠનાં 'ત્યાગમૂર્તિ' માતાજીની કડક સૂચના હતી કે ''અમને પૂછ્યા વિના તમારે એક પણ શબ્દ બોલવો નહિ!''
મિંદડી મેનેજર એટલા આજ્ઞાાકારી હતા કે ઉપરની સુચનાનું પોતે પાલન કરશે એવું કહેવા માટે પણ મોં ખોલતા નહોતા! માત્ર માથું હલાવતા હતા.
એક દિવસ ધોળે દહાડે કાળા કોટ પહેરેલા મોટા મોટા વેપારીઓ મોટા મોટા ડઝનબંધ ખટારા લઇને આવ્યા અને ગોડાઉનનો આખો માલ ધડાધડ ખટારાઓમાં ભરવા માંડયો.
મિંદડી મેનેજર શું બોલે? કારણ કે 'શું બોલવાનું' એ પણ પૂછ્યા વિના ના બોલી શકાય.
કાળા કોટવાળા વેપારીઓએ ઉઘાડેછોગ આખું ગોડાઉન ખાલી કર્યું. છતાં મિંદડી મેનેજર ચૂપચાપ આંખો બંધ કરીને બેસી રહ્યા.
વેપારીઓને ટીખળ સુઝી. એમણે પહેલાં તો મિંદડી મેનેજરના હાથ કોલસાથી કાળા કર્યા. પછી મોં કાળું કર્યું. પછી ચડ્ડી બનિયાન સિવાયનાં તમામ કપડાં ઉતારીને જતા રહ્યા!
બીજા દિવસે હાહાકાર મચી ગયો. લોકો પૂછવા લાગ્યા કે ''મિંદડી મેનેજર, તમે એક ઊંહકારો પણ કેમ કર્યો નહિ? બાજુમાં બીજી દુકાનો હતી, સામે જ રસ્તો ક્રોસ કરીએ ત્યાં પોલીસચોકી હતી, અરે, ટેબલ પર ફોન હતો, છતાંય તમે કોઇને કંઇ કહ્યું કેમ નહિ?''
આખરે મિંદડી મેનેજર આંખો પટપટાવીને ઠાવકું સ્મિત આપતાં ઝીણી અવાજે બોલ્યા ઃ
''માલુહિઝા ફરમાઇયેગા...''
''હેં???'' આખું ટોળું દંગ થઇ ગયું. ''તું શું બોલે છે? અમે પૂછીએ છીએ કે ચોરી કેમ થઇ, અને તું મુશાયરામાં ખોવાયેલો છે? તારી પાસે કોઇ જવાબ જ નથી?''
મિંદડી મેનેજરે હળવો ખોખારો ખાધો. બધા કાન સરવા કરીને સાંભળવા લાગ્યા. મિંદડીશ્રી બોલ્યા ઃ
''હજારોં જવાબોં સે અચ્છી હૈ... ખામોશી મેરી!''
ટોળું હજી સ્તબ્ધ છે પણ અમુક શાણા લોકો એ કવિહૃદયને બિરદાવી રહ્યા છે!
''વાહ વાહ... દુબારા! દુબારા!''
- મન્નુ શેખચલ્લી

Share |
 

Gujarat Samachar Plus

અમદાવાદનો વારસો જર્મનીમાં રજૂ થશે
બડે મિયાં તો બડે મિયાં,છોટે મિયાં ભી સુભાન અલ્લાહ
વેસ્ટ મટીરિયલ્સમાંથી બનાવી રિસાઇકલ્ડ રોકિંગ ચેર
બાળકો પણ ઈચ્છે છે મારી મમ્મી મોડર્ન હોય
વધતી જતી વયની અસરને અટકાવવા રોજ ખાઓ ટામેટાં
ઘરનું ભોજન બક્ષે છે દીર્ધાયુ
ડિઝાઇનીંગ ડ્રેસીંગ સાથે લાજવાબ આભૂષણો
 

Gujarat Samachar glamour

સોનાક્ષી સિંહાને ડેડીએ સરપ્રાઈઝ આપી
દીપિકા એક્સ-લવરની જાસૂસી કરે છે
કરીના 'હોટેસ્ટ વુમન ઓફ ધ ઈયર'
મારે ગ્લેમર-ઢીંગલી જરાય નથી બનવું ઃ ઇલેના
કરીનાનું પુસ્તક ડિસેમ્બરમાં રીલીઝ થશે
'જ્ઞાાન હી આપકો આપકા હક... ' ગીત બિગ-બી ગાશે
તમારી અંદર રહેલી ફેશનને ફોલો કરો
 
   
   
   
 
 
 

Gujarat Samachar POLL

 

Mid-Air Collision @ Jamanagar

 
webad3 lagnavisha
   

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved