Last Update : 05-September-2012,Wednesday

 

આજનું પંચાગ આજનું ભવિષ્ય સુપ્રભાતમ્ આજનું ઔષધ આજ ની જોક આજની રેસીપી
 

આજ નું પંચાગ

તા. ૫-૦૯-૨૦૧૨, બુધવાર
અધિક ભાદરવા વદ પાંચમ
જૈન-પંદરનું ઘર
મૃત્યુયોગ સવારના ૧૧ ક. ૫૩ મિ. સુધી

 

દિવસના ચોઘડિયા ઃ લાભ, અમૃત, કાળ, શુભ, રોગ, ઉદ્વેગ, ચલ, લાભ.
રાત્રિના ચોઘડિયા ઃ ઉદ્વેગ, શુભ, અમૃત, ચલ, રોગ, કાળ, લાભ, ઉદ્વેગ.

 

અમદાવાદ સૂર્યોદય ઃ ૬ ક. ૨૪ મિ. સૂર્યાસ્ત ઃ ૧૮ ક. ૫૩ મિ.
સૂરત સૂર્યોદય ઃ ૬ ક. ૨૪ મિ. સૂર્યાસ્ત ઃ ૧૮ ક. ૫૦ મિ.
મુંબઈ સૂર્યોદય ઃ ૬ ક. ૨૫ મિ. સૂર્યાસ્ત ઃ ૧૮ ક. ૪૯ મિ.
નવકારસી સમય ઃ (અ) ૭ ક. ૧૨ મિ. (સૂ) ૭ ક. ૧૨ મિ. (મું) ૭ ક. ૧૩ મિ.
જન્મરાશિ ઃ- આજે જન્મેલ બાળકની મેષ (અ.લ.ઈ) રાશિ આવશે.
નક્ષત્રઃ- અશ્વિની સવારના ૧૧ ક. ૫૩ મિ. સુધી પછી ભરણી
ગોચરગ્રહ ઃ- સૂર્ય-સંિહ, મંગળ-તુલા, બુધ-સંિહ, ગુરૂ-વૃષભ, શુક્ર-કર્ક, શનિ-તુલા, રાહુ-વૃશ્ચિક, કેતુ-વૃષભ, હર્ષલ (યુરેનસ)-મીન, નેપચ્યુન-કુંભ, પ્લુટો-ધન, ચંદ્ર-મેષ.
વિક્રમ સંવતઃ ૨૦૬૮ શોભન નં. શાકેઃ ૧૯૩૪, નંદન સંવત્સર, જૈનવીર સંવતઃ ૨૫૩૮
દક્ષિણાયન શરદ ૠતુ રા.દિ. ભા/૧૪
માસ-તિથિ-વાર ઃ- અધિક ભાદરવા વદ પાંચમને બુધવાર.
- મૃત્યુયોગ સવારના ૧૧ ક. ૫૩ મિ. સુધી
- જૈન, પંદરનું ઘર
મુસલમાની હિજરીસન ૧૪૩૩ શવ્વાલ માસનો ૧૮ રોજ
પારસી શહેનશાહી વર્ષ ૧૩૮૨ ફરવરદીન માસનો ૧૯ રોજ ફરવરદીન

 

[Top]
 

આજ નું ભવિષ્ય

 

મેષ ઃ આજે આપે તન-મન-ધનથી વાહનથી સંભાળવું તેમજ વિવાદથી દૂર રહેવું. અગત્યની ચર્ચા વિચારણામાં બોલી નાંખવું નહીં.

 

વૃષભ ઃ ખર્ચ ખરીદી થાય. સરકારી-ખાતાકીય-કાનૂની કામકાજમાં, નોકરી-ધંધાના કામમાં સમય-શ્રમ-નાણાંનો વ્યય થાય.

 

મિથુન ઃ આપના રોજીંદા કામમાં સાનુકૂળતા રહે. ધંધો-આવક થાય. ઉઘરાણીના નાણાં છુટા થવાથી રાહત રહે. કામ ઉકેલાય.

 

કર્ક ઃ હૃદય-મનની વ્યગ્રતા-ઉચાટ છતાં તમારે તમારા નોકરી ધંધાના કામમાં સ્વસ્થતા-સાવધાની જાળવવી પડે.

 

સંિહ ઃ નોકરી-ધંધાના કામ અંગે બહાર જવાનું થાય. કોઈને મળવાનું થાય. પરદેશના, બહારગામના કામમાં પ્રગતિ જણાય.

 

કન્યા ઃ આકસ્મિક ચંિતા-ઉપાધિ-બિમારી-વિવાદના કારણે આપ શારીરિક-માનસિક-આર્થિક તકલીફ-મુંઝવણમાં રહો.

 

તુલા ઃ આપના સાંસારીક પ્રશ્નમાં, પ્રેમ મિત્રતા-લાગણીના સબંધમાં, પુત્ર પૌત્રાદિકના કામમાં રાહત અનુભવો. નોકરી-ધંધામાં રાહત રહે.

 

વૃશ્ચિક ઃ હરિફવર્ગ-ખટપટ-ઈર્ષા કરનારથી. નોકરી ધંધામાં તમારું કામ રૂકાવટવાળું રહે. રાજકીય પ્રતિસ્પર્ધાથી ચંિતા-મુશ્કેલી રહે.

 

ધન ઃ ધંધામાં કામ ઉકેલાય, ઉઘરાણીના નાણાં છુટા થાય. નવા કામ ધંધા અંગે કોઈને મળવાનું થાય. નોકરીમાં કામ ઉકેલાય.

 

મકર ઃ પત્નીના સગા સંબંધી-મિત્રવર્ગના કારણે, માતૃપક્ષના કારણે ચંિતા-તકલીફ જણાય. નોકરી-ધંધામાં ઉચાટ રહ્યા કરે.

 

કુંભ ઃ વ્યર્થ પરિભ્રમણ મકાન-જમીન-ધંધાની દલાલી, કામગીરી અંગે જણાય. નોકરીમાં સહકાર્યકરથી ચંિતા રહે.

 

મીન ઃ નોકરી-ધંધાના-કુટુંબ-પરિવારના- સંતાનના કામમાં ઘ્યાન આપી શકો. આવક-ખર્ચ થાય. વાહન ધીમે ચલાવવું.

 

જન્મ તારીખ વર્ષ સંકેત તા. ૫-૦૯-૨૦૧૨, બુધવાર

આજથી શરૂ થઈ રહેલ આપના જન્મવર્ષના પ્રારંભમાં એક સો દિવસ નોકરી-ધંધામાં તેમજ નાણાંકીય આયોજનમાં, જવાબદારીમાં સંભાળવા. તે પછી આપને આકસ્મિક કોઈ સારી તક પ્રાપ્ત થાય. મકાન, વાહન કે અન્ય ચીજવસ્તુની ખરીદી થાય.

 

વિશેષમાં - આપના સાંસારીક જીવનમાં ગેરસમજ, વિવાદ, બિમારીના કારણે, સાસરી પક્ષના પ્રશ્ને, મિત્રવર્ગના પ્રશ્ને વર્ષની શરૂઆતમાં જણાય. અવિવાહીતને વિવાહ-લગ્નના નિર્ણયમાં ત્વરીત ઉતાવળ કરવી નહીં. વિવાહ-લગ્ન વચ્ચે ચાર, છ મહિનાનો સમય રાખવો.

 

- આ વર્ષમાં આપની આવક, સુખસંપત્તિમાં સુધારો થાય. નાણાંભીડ ખેંચ ચંિતા મુંઝવણમાંથી મુક્ત થતા જાવ. જેમને આવક ન હોય તેમને આવક શરૂ થાય.

 

- સ્ત્રી વર્ગને ગાયનેક તકલીફ, કમરની તકલીફથી સંભાળવું પડે. તે સિવાય પતિ-સંતાનની પ્રગતિ જણાય.

 

- વિદ્યાર્થીવર્ગને મહેનતનું શુભ ફળ પ્રાપ્ત થાય પરંતુ પરીક્ષા સમયે આરોગ્યની કાળજી રાખવી.

 

સુપ્રભાતમ્

- દ્રઢ નિશ્ચયવાળા માણસો વંદન કરવા લાયક હોય છે, માત્ર (દ્રઢ નિશ્ચય વગરની) ઊંચાઈ કામની નથી. ચાતક કોણ છે? એક તુચ્છ પક્ષી છે પણ (તેના દ્રઢ નિશ્ચયને લીધે) ખુદ ઈન્દ્ર (મેઘ રાજા) એને માટે પાણી લઈ આવે છે.

 

- અનુ. કુલીનચંદ્ર યાજ્ઞિક

[Top]
 
 

આજ નું ઔષધ

રુચિવર્ધક ચટણી

 

આચાર્ય દ્રઢબલને પ્રણામ કરીને આવનાર મઘ્યમ વયના કાપડના વેપારી અનંતરાયે ટૂંકમાં પોતાની સમસ્યાનું કથન કર્યું. એમને ઘણા સમયથી ભોજન વખતે રુચિ થતી નથી. ખાવાનું મન થાય અને આનંદથી ભોજન કરવાની ઈચ્છા, રુચિ તો થવી જોઈએને? છતાં તે બેય સમય પરાંણે જમતા હતા.

આચાર્ય દ્રઢબલે જોયું કે એમનું વજન તો ભારવાળુ હતું જ. પાયાની સલાહ સવાર-સાંજ સમય કાઢીને એક એક કલાક ચાલવાની આપી. બે સમય ભોજન સિવાય વચ્ચે બીજું કંઈ ભોજન કે નાસ્તાના નામે પેટમાં નાખવાનું નહિ. હાસ્તો માપસર ભોજન અને ચાલવાના નિયમથી પણ પાચન સુધરે અને જઠરાગ્નિ પ્રદીપ્ત થતા ભોજનની રુચિ પણ થાય. રુચિવર્ધક એક ચટણી પણ બતાવી. જે ભોજનના આરંભ પહેલા ચાટી ચાટીને ખાધા પછી ભોજન શરૂ કરવાનું.

કોથમીરના પાન, કાળા મરીના દાણા, જીરૂં, જરાક હંિગ, નમક, ગોળ આ બધામાં આદુનો રસ પણ ઉમેરવો. એમાં લીંબુ પણ નીચોવવું. આ બધા જ દ્રવ્યોને લસોટીને એની ચટણી બનાવવી. આજના સમયમાં મિક્સરમાં નાખીને પણ તે બનાવી શકાય.

આ રુચિવર્ધક ચટણી છે. આ ચટણીના દ્રવ્યો જઠરાગ્નિને પ્રદીપ્ત કરશે. ભોજનના આરંભે આવી ચટણીનું સેવન હંમેશા પથ્ય છે. સજીવ દેહમાં ભૂખ લગાડનાર, પાચન કરનાર સત્ય તે જઠરાગ્નિ છે. જઠરાગ્નિ મંદ હોય તો અનેક રોગો-વિકારો થાય. બેઠાડું જીવન હોવા છતાં સમય કાઢીને ચાલવાનો નિયમ પાળવો. આ પાયાના સત્ય છે. અગ્નિ પ્રદીપ્ત હોય અને સુપેરે પાચન થતું હોય તો કોઈ રોગ ન થાય.
- લાભશંકર ઠાકર

Top]
 

આજ ની જોક

કવિ છગન કવિ સંમેલન નિમિત્તે મુંબઈ પહોંચ્યા અને જ્યાં એમના માટે રૂમ બુક કરાવેલી એ હોટલમાં એ સીધા પહોંચ્યો. એનો સામાન લાવનાર બોય લલ્લુએ સામાન રૂમમાં બરોબર ગોઠવી દીધો, જગમાં ઠંડુ પાણી ભરી લાવ્યો અને પછીએ કવિ છગન સામે જોઈને ઉભો રહ્યો. કવિ છગન સમજી ગયો એણે પાકીટ કાઢીને જોયું તો એમાં હજાર, પાંચસો રૂપિયાની નોટો હતી. કવિ છગન બોય લલ્લુને ૧૦ રૂપિયા ટીપ આપવા માગતો હતો પણ દસની નોટ એકેય નહોતી. એટલે કવિ છગને ખિસ્સામાં હાથ નાખીને પરચુરણ કાઢ્‌યું પણ પરચુરણ દસ રૂપિયાનું નહોતું થતું.
આથી કવિ છગનને થયું કે, મારો એક કવિતા સંગ્રહ મારા હસ્તાક્ષર એમાં કરીને આપું તો એને એ વેચવા જશે એટલે મારા હસ્તાક્ષર કરેલો સંગ્રહ હોવાથી બે- ચાર હજાર રૂપિયા તો મળી જ જશે.
એમ વિચારીને કવિ છગને થેલીમાંથી પોતાનો નવો કવિતા સંગ્રહ કાઢીને એમાં પોતાના હસ્તાક્ષર કરીને બોય લલ્લુને આપ્યો.
લલ્લુએ એ ‘અમૂલ્ય’ પુસ્તક લઈને આમતેમ ફેરવીને જોયું અને પછી કવિ છગનને એ પાછું આપતા બોલ્યો, ‘પેલું પરચુરણ આપો... ચાલશે !’

[Top]
 

આજ ની રેસીપી

ઘરમાં મીની પાર્ટી માટેની વાનગીઓ

મકાઈના બોલ્સ

 


સામગ્રી ઃ એક કપ મકાઈના દાણા, ૧/૨ કપ ચીઝની છીણ, ૧/૨ કપ પનીરની છીણ, બે સ્લાઇસ બ્રેડ (કિનારીઓ કાપેલી), ચાર બાફીને મસળેલું બટાટું, એક ચમચો બારીક સમારેલી કોથમીર, ૧/૨ ચમચો બારીક સમારેલ લીલાં મરચાં, એક ચમચી વાટેલું આદું, એક ચમચી વાટેલું લસણ, ૧/૨ કપ મેંદો અથવા વેસણ, ૧/૪ ચમચી સોડા, એક ચમચી મીઠું, એક ચમચી મરીનો પાઉડર, તળવા માટે તેલ.

 

રીત ઃ મકાઈના દાણાને કૂકરમાં ૧/૪ કપ પાણી અને મીઠું નાખી બરાબર બાફી નાખો. પછી તેને મિક્સીમાં અધકચરા ક્રશ કરી લો હવે તેલ સિવાયની તમામ સામગ્રીને આ અધકચરા મિશ્રણમાં નાખી મિક્સ કરો.

 

તેલ ગરમ કરો અને મિશ્રણમાંથી વડા જેવડા કદનાં બોલ્સ લઈ તેલમાં તળતાં જાવ. બ્રાઉન રંગનાં અને કરકરાં થાય એટલે બ્રાઉન પેપર પર કાઢી લો.

 

આ ગરમાગરમ બોલ્સ ચટણીને સોસ સાથે પીરસો.

[Top]
   
   
   
 
 
 

Gujarat Samachar POLL

 

Mid-Air Collision @ Jamanagar

 
webad3 lagnavisha
   

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ


 
 
Gujarat Samachar © 2012 All Rights Reserved