Last Update : 29-August-2012,Wednesday

 
૨૦૧૪માં કેન્દ્રમાં કોંગ્રેસને પછાડીને ભાજપ શું સત્તામાં આવી શકશે?
- વડાપ્રધાન પદના પોતાના પક્ષના ઉમેદવારનું નામ અગાઉથી જાહેર નહીં કરવાની ભૂલ ભાજપ કરશે?
- કોંગ્રેસની કેન્દ્ર સરકાર લોકપ્રિયતા ગુમાવી રહી છે ત્યારે એનો લાભ લેવાની આવડત ભાજપમાં કે સંઘમાં છે ખરી?

૧૯૯૯માં ભાજપે લોકસભાની ૩૩૯ બેઠકો લડેલી.
એ પછી ૨૦૦૪માં ભાજપે ૩૬૪ અને ૨૦૦૯માં ૪૨૪ બેઠકો લડેલી.
એટલે કે, સત્તા ઉપર આવવા માટે લોકસભામાં કુલ બેઠકોની અડધી બેઠકો જીતવી જોઈએ એના કરતાં ભાજપ વધારે બેઠકો લડતો હતો.
એ જ રીતે, ૨૦૦૯ની ચૂંટણી પહેલાં એક વર્ષ અગાઉ ભાજપે વડાપ્રધાન પદના પોતાના પક્ષના ઉમેદવાર તરીકે લાલકૃષ્ણ આડવાણીનું નામ જાહેર કરી દીધેલું.
એ પછી ૨૦૦૮ના જાન્યુઆરીમાં એટલે કે ૨૦૦૯ની ચૂંટણી પહેલાં ભાજપ અને એના એનડીએના નેતાઓએ સત્તાવાર રીતે આડવાણીને વડાપ્રધાનપદના નેતા તરીકે જાહેર કરેલા. વડાપ્રધાન બનવા માટે આડવાણીને એટલો બધો અભરખો હતો અને એટલો વિશ્વાસ હતો કે તેઓ જ વડાપ્રધાન બનશે. પણ ત્યારે ભાજપ તરફી દેશભરમાં વાતાવરણ હોવા છતાં ગુજરાતમાં ભાજપને ૧૦ ઓછી મળી અને ગુજરાતમાં કોંગ્રેસને એટલી બેઠકો વધુ મળી જેના કારણે એટલે ગુજરાત ભાજપના કારણે કેન્દ્રમાં ભાજપ સત્તામાં આવી શકી નહીં અને આડવાણી વડાપ્રધાન થઈ શક્યા નહીં.
પાંચ વર્ષ પહેલાં ગુજરાતમાં ભાજપની અત્યારે છે એ કરતાં ઘણી ઘણી વધારે બોલબાલા હતી અને કોંગ્રેસ તો સાવ મરેલી હતી. છતાં ગુજરાતમાં ભાજપને ૧૦ સીટ ઓછી મળી જેના કારણે કેન્દ્રમાં ભાજપ સત્તામાં આવી શક્યો નહીં.
જોકે આડવાણી ભાજપની હાર ત્યારે પણ નહોતા ગણતા અને હજી પણ નથી ગણતા. એટલે જ હમણાં એમણે મનમોહન સરકારને 'ઈલલીજીએટ ચાઈલ્ડ' કહેલી જે શબ્દો એમને પછી સોનીયા ગાંધી વિફર્યા એટલે પાછા ખેંચી લેવા પડેલા.
ગુજરાત ભાજપે નરેન્દ્ર મોદીનો પ્રતાપ પૂર્ણ કળાએ તપતો હતો છતાં ૨૦૦૯માં ભાજપને ગુજરાતે ૧૦ સીટ ઓછી આપી ત્યારે અત્યારે ભાજપની સ્થિતિ ગુજરાતમાં કેવી છે એનો અંદાજ લગાવી જોવાની જરૃર છે.
એ વખતે યુપીએ સરકાર એટલે મનમોહન સરકારની સ્થિતિ જોકે આજ કરતાં ઘણી સારી હતી. મનમોહન સરકારને ડાબેરીઓનો ટેકો હતો એ ડાબેરીઓએ પાછો ખેંચી લીધેલો અને મનમોહન સરકાર ઉથલી પડશે એવું ભાજપના નેતાઓ માનતા હતા (શેખચલ્લી પણું) પણ એવું કશું થયું નહીં અને મુલાયમસિંહના પક્ષના ટેકાના કારણે મનમોહન સરકાર ટકી ગઈ.
બીજી બાજુ મનમોહન સરકારે રાઈટ ટુ ઈન્ફોર્મેશન, નરંગા જેવા કાયદાઓ પસાર કરેલા એટલે એ જોરમાં હતી.
વળી અત્યારે જે સ્કાય કૌભાંડો છાપરે ચડીને મનમોહન સરકારની બદનામીની ભૂંગળો મારે છે એ ત્યારે પ્રકાશમાં નહોતી.
અત્યારે મનમોહન સરકાર ઘેરી મુસીબતોમાં છે. માનોને મુસીબતોના પહાડ એની ઉપર તૂટી પડયા છે. સૌથી પહેલી અને મોટી મુસીબત મોંઘવારીની છે. ભાવો એવા વધ્યા અને વધે છે કે સામાન્ય વર્ગના અને મધ્યમ વર્ગના કુટુંબને જીવવું દોહ્યલું થઈ ગયું છે. ઇચ્છા ન હોય તો પણ ભ્રષ્ટાચાર આચરવો જ પડે! કોંગ્રેસ કે સરકારની નીતિ જેવું કશું દેખાતું નથી. દેશની અંદર અને બહાર બન્ને તરફ દેશ માર ખાય રહ્યો છે.
આમ છતાં, એનો લાભ લઈ શકવાની કોઈ પણ વિરોધપક્ષની કે ભાજપની સ્થિતિ નથી. વિરોધ પક્ષો વૈચારિક રીતે એવા વેરવિખેર છે કે જેમ ગયા વખતે તેઓ વડાપ્રધાન તરીકેના ઉમેદવારને નક્કી કરી શક્યા હતા એમ આ વખતે નક્કી કરી શક્તા નથી અને ઉલટાનું વડાપ્રધાન તરીકેના વિરોધપક્ષના અને ભાજપના ૬-૮ ઉમેદવારો છે. ખુદ ભાજપના પ્રમુખ ગડકરીએ ભાજપના છ ઉમેદવારો વડાપ્રધાનપદના દાવેદાર છે એવું કહ્યું છે. (જો કે એમના કે કોઈ પણ રાજકારણીના બોલવા ઉપર કદી વિશ્વાસ ન મૂકાય.)
જ્યારે એનડીએના એક નેતા શરદ યાદવ કહે છે કે લોકસભામાં કોઈ એક પક્ષ કે સંયુકત મોરચો સાદી બહુમતી મેળવે પછી જ વડાપ્રધાનના નામનો વિચાર થઈ શકે... પહેલાંથી નહી.
આડવાણીએ તો ભાજપ સત્તામાં આવે એ બાબતે નાહી નાંખ્યું છે.
હવે, સાદી બહુમતિની વાત કરીએ તો, એ સાદી બહુમતિ મેળવવા માટે પણ દરેક મતદાર વિસ્તારમાં દરેક મતદારને પક્ષની નીતિ અને કાર્યક્રમોની સમજણ આપવા દરેક મતદારનો સંપર્ક કરવો પડે.
સંયુક્ત મોરચો (એનડીએ) એટલે એમાં જોડાયેલા દરેક પક્ષની પોતાની આગવી ઓળખ હોય... બધા પક્ષો ભેગા થઈને ભળી ગયા ન હોય.
ભાજપ ઉપર જોવું તેમ, દર વખતે, પોતાને સાદી બહુમતિ મળી જાય. એ રીતે ઉમેદવારો ઊભા રાખીને ચૂંટણી લડે છે. એ કારણે તથા બીજા જોડાયેલા પક્ષો વામણા હોવાના કારણે વિરોધપક્ષોમાં સૌથી મોટો હોય તો એક જ પક્ષ છે.
દા.ત. બંગાળમાં સરકાર તૃણમૂલ કોંગ્રેસની છે કે ઉત્તરપ્રદેશમાં મુલાયમના સમાજવાદી પક્ષની છે કે તમિલનાડુમાં જયલલિતાની સરકાર છે પણ એમાંના એક પણ પક્ષની લોકસભામાં ત્રણ આંકડા તો શું પણ ૪૦ કરતાં વધુ બેઠક નથી જ્યારે ભાજપની ત્રણ આંકડા સુધીની બેઠક છે.
આમ છતાં કેન્દ્રમાં સરકાર રચવા માટે ભાજપનો પનો ટૂંકો પડે છે. બીજા પક્ષોનો સહારો એ લે તો જ કેન્દ્રમાં સત્તામાં આવી શકે છે. હવે એમાં પણ, મુલાયમ, જયલલિતા કે મમતા પાસે જે સંખ્યામાં બેઠકો હોય છે એટલી સંખ્યા બીજા કોઈ વિરોધપક્ષોની નથી પણ એ ત્રણેય પક્ષ અને ડાબેરીઓ ભાજપ સાથે બેસવાના વિરોધી છે. જરૃર પડે તેઓ કોંગ્રેસને ટેકો આપે છે પણ ભાજપને અસ્પૃશ્ય રાખે છે.
એનડીએમાં જોગયેલા પક્ષોમાં સંપૂર્ણપણે પ્રાદેશિક જ કહેવાય એવા બે પક્ષ છે. જેની પાસે બે આંકડાની બેઠકો છે. એમાંનો એક પક્ષ શિવસેના છે જેની ૧૧ બેઠકો છે અને બીજો નીતીશકુમારનો જનતાદળ છે જેની ૨૦ બેઠકો છે. તેઓ કેન્દ્રમાં પોતાની સરકાર રચી શકે નહીં એટલે ભાજપને કે કોઈ બીજા પક્ષને (દા.ત. કોંગ્રેસને) ટેકો આપી શકે.
૨૦૧૪ની ચૂંટણીમાં માનો કે (માનો કે, ધારો કે, જો અને તો, વગેરે અનુમાનો હવે કરવાના આવશે) ભાજપને બહુમતી મળી તો એઆઈએડીએમકે જેવા પક્ષ કે જેમને વડાપ્રધાન કોણ થાય એની સાથે નિસ્બત નથી એવા પક્ષો ભાજપને ટેકો આપવાની શક્યતા રહે છે. તો એનડીએની સરકાર બને. ભાજપના એવા જોડાણથી એનડીએનો કોઈ પક્ષ નાખુશ થાય તો પણ ભાજપને વાંધો ન આવે.
તો પછી ભાજપે નીતીશકુમાર (જેડીયુ) કે શિવસેનાથી ડરવાની જરૃર નથી. ચૂંટણી પતી જાય અને ભાજપ બહુમતીમાં આવે તો કોઈની પણ દરકાર કર્યા વિના પોતે ઇચ્છે તેને વડાપ્રધાનનો તાજ પહેરાવી શકે છે.
આપણો દેશ એક લોકશાહી દેશ હોવા છતાં મોટા ભાગની જનતા એક નેતાના ફરતે ફરતી હોય છે. દા.ત. મહાત્મા ગાંધી. પછી નેહરૃ કુટુંબ. વચ્ચે જે.પી. અને વી.પી. આવી ગયા. પછી અટલબિહારી બાજપેયી અને આડવાણી.
ત્યારે લાખ રૃપિયાનો સવાલ એ ઉભો જે પક્ષ કોંગ્રેસનો વિકલ્પ થવાનો દાવેદાર છે એ પક્ષ લોકસભાની ચૂંટણીમાં વડાપ્રધાનપદના પોતાના ઉમેદવારનું નામ જાહેર કર્યા વિના કઈ રીતે જઈ શકે?
આના સંદર્ભમાં ભાજપમાં વડાપ્રધાન પદના ઘણા ઉમેદવાર દાવેદાર છે. એમ કહેવું કેટલું વાજબી ગણાય? ભાજપ એક તરફ કોંગ્રેસના વડાપ્રધાન માટે 'આઝાદી પછીના નબળામાં નબળા વડાપ્રધાન' તરીકેની ટીકા કરતો હોય અને બીજી તરફ પોતાના કોઈ એક જ ઉમેદવારને વડાપ્રધાનપદના દાવેદાર તરીકે આગળ કરી શકતો ન હોય... તો એ પણ પક્ષની એક પ્રકારની નબળાઇ જ કહેવાય.
ભાજપે ભૂલવું ન જોઈએ કે રાજ્યોમાં એણે જ્યારે જ્યારે અને જ્યાં જ્યાં મુખ્યપ્રધાન પદના દાવેદાર તરીકે વ્યક્તિની જાહેરાત કરી છે ત્યાં ત્યાં અને ત્યારે ત્યારે એ જીત્યો છે. દા.ત. ગુજરાત, મધ્યપ્રદેશ, છત્તીસગઢ, કર્ણાટક વગેરેમાં એ જોવાયું. જ્યારે તાજેતરમાં ઉત્તરપ્રદેશમાં મુખ્યપ્રધાનપદના ઘણા દાવેદાર હતા એટલે ત્યાં એ જીતી શક્યો નહીં અને ગોવામાં એણે એક જ વ્યક્તિની જાહેરાત કરેલી તો ત્યાં એ જીત્યો.
એટલે ૨૦૧૪ની લોકસભાની ચૂંટણીમાં ભાજપે પોતાનો જે કોઈ ઉમેદવાર વડાપ્રધાનપદનો દાવેદાર હોય એ પોતાના સહયોગી પક્ષને માન્ય હોય કે ન હોય પણ એને જાહેર તો કરી દેવો જ જોઈએ. કોઈ એક જોડીદાર રાજ્યકક્ષાનો એટલે પ્રાદેશિક પક્ષ રાષ્ટ્રીયકક્ષાના પક્ષ ઉપર દબાણ કે દાદાગીરી કરે એ ચલાવી ન લેવાય.
આ સંદર્ભમાં જોવામાં આવે તો, જેમ ભાજપ મનમોહનસિંહને 'નબળા' હોવાની છાપ મારે છે એમ ભાજપના ગડકરી પણ 'નબળા' જ પુરવાર થાય છે. પોતાની કે પક્ષની વાત તેઓ ખોંખારીને કહી શકતા નથી.
જ્યારે આડવાણી તો અત્યારથી જ પાણીમાં બેસી ગયા છે. એ સિવાયના ભાજપના વડાપ્રધાનપદના જે ઉમેદવારો છે એ પોતાના પાસા ગુપચુપ ગોઠવી રહ્યા છે.
ગુણવંત છો. શાહ

 

લપડાક
આ આયોજન પંચને બંધ કરો અથવા આહુલવાલિયા સહિત આખા સ્ટાફને છૂટો કરો!
જેના વડા આહુલવાલિયા જેવા ગરીબોની હાંસી કરનારા છે (અને છતાં માફી નથી માંગતા) એ આયોજન પંચ 'કોના બાપની...' કરીને તાગડધિન્ના કરે છે. માહિતી અધિકારનો ઉપયોગ કરવાથી જણાયું છે કે એના સ્ટાફે ૧૪ મહિનાના ૪૨૬ દિવસ દરમ્યાન ફક્ત નાશ્તાપાણી કરવા પાછળ ૮૪,૧૮,૫૭૩ રૃપિયા ઉડાડી દીધા છે અને એ બદલ આહુલવાલિયા શરમાવાના બદલે ગાજે છે!
નાસ્તાપાણીનો આ ખર્ચ મારા-તમારા ખિસ્સામાંથી જ થયો છે. આયોજન પંચનો સ્ટાફ ૧૧૬૦ જણનો છે.
આ ઉપરાંત બીજા મંત્રાલયની નાસ્તાપાણીના ખર્ચાની જે માહિતી મળી તે આ પ્રમાણે...
૨૦૧૧ની ૧ એપ્રિલ, ૨૦૧૨ના ૩૦ મે સુધીમાં ગૃહમંત્રાલયે એટલે કે એના સ્ટાફે નાસ્તાપાણી પાછળ ૮૮ લાખ, ૮૩ હજાર, ૧૭૨..., સંરક્ષણ મંત્રાલયના સ્ટાફે ૭૯,૭૯,૦૬૮..., એચઆરડી મંત્રાલયે ૩૭,૯૭,૧૩૫..., માહિતી અને પ્રસારણ મંત્રાલયે ૩૩,૧૮,૫૦૨..., ગ્રામવિકાસ મંત્રાલયે ૨૩,૦૯,૨૯૫, રાષ્ટ્રીય વિકાસ પરિષદે ૧૩,૩૨,૮૯૫ રૃપિયા નાસ્તાપાણી પાછળ આપણા જનતાના ખર્ચે તાગડધિન્ના કરેલા.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
લખનઉમાં મહાવીર ભગવાનની ખંડિત મૂર્તિ ખસેડી નવી મૂર્તિ સ્થપાશે
આદર્શ કાંડના આક્ષેપો પડતા મુકાવવા અશોક ચવ્હાણ હાઈ કોર્ટને શરણે

મુંબઇ ડુપ્લિકેટ નોટોના ધંધાનું પણ પાટનગર ઃ દિલ્હી બીજા નંબરે

દેશમાં એક હજાર વ્યક્તિદીઠ એક ડોક્ટરની ભલામણ પર વિચારણા
અબુ જુંદાલને પાકિસ્તાનમાં આતંકવાદી આકાઓએ આઠ-આઠ નામ આપ્યાં હતાં
ક્રુડ ઓઈલ ભડકી ૧૧૫ ડોલરઃ ફુગાવાનું જોખમ વધ્યું, વ્યાજ દરોમાં ઘટાડાની શક્યતા નહીં
સોનામાં અમદાવાદ તથા દિલ્હી બજારમાં રૃ.૩૧૪૦૦ની નવી ઉંચી ટોચ દેખાઈ
સૌરાષ્ટ્ર- કચ્છમાં મગફળી અને કપાસનો ૭૦ ટકા પાક નિષ્ફળ

દેશના ચાહકોની નજરે ઉન્મુક્ત અને સ્મિત પટેલ વર્લ્ડકપના શિલ્પી

લક્ષ્મણ ઘરઆંગણે રમાતી ટેસ્ટ જોવા માટે ગયો જ નહીં
ભારતીય હોકી ટીમના ખેલાડી શિવેન્દ્ર સિંઘનો આક્ષેપ
યુ એસ ઓપનમાં આ વખતે ચેમ્પિયન સ્ટોસુર ફેવરિટ નથી
ક્લાઇસ્ટર્સ યુ.એસ. ઓપન બાદ નિવૃત્ત થઈ જશે

બેંકોની જથ્થાબંધ થાપણોમાં ધરખમ ઘટાડાની ગણતરી આ સ્ત્રોત પર આગામી થોડા સમય માટે આધાર ઘટાડશે

તા. ૮ સપ્ટે.ને શનિવારે શેરબજાર ખુલ્લા રહેશે
 
 

Gujarat Samachar Plus

ફેશનેબલ સેકસી શુઝનો ટ્રેન્ડ
મેન ઈન સર્ચ ઓફ બ્યુટી
પ્રસૂતિના ફેવરીટ બુટીક
સેકસી એકટ્રેસ અને lipstic
શહેરમાં ૫૦ સ્કૂલો વચ્ચે પેઇન્ટિગ કોમ્પિટિશન યોજાઇ
હેવીવેઇટનો શિકાર બની રહી છે શહેરની વર્કંિગ વિમેન
 

Gujarat Samachar glamour

મિનિષાને બિકિનીમાં શૂટંિગની મઝા પડી
સલમાનને તૌરાની ૧૦૦ કરોડની ઓફર
અક્કી-ફરાહ વચ્ચે દુશ્મનીના મૂળમાં શાહરૂખ
અક્ષયે નંબર-પ્લેટમાં ત્રણેય ધર્મો સમાવ્યા
સંજુબાબાએ સ્ટાફનું મહેનતાણું નિર્માતા માથે નાંખ્યું
પદ્‌મિની, શાહિદની માતા બની કમ બેક કરશે
 
   
   
   
 
 

Gujarat Samachar POLL

 
webad3 lagnavisha
   

Follow Us

Facebook Twitter

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved