Last Update : 23-August-2012,Thursday

 
૨૦૧૨ની લંડનની ઓલિમ્પિકમાં મેડલો મેળવીને આપણા દેશનું નામ ઉજાળનાર છ એ છ રમતવીરો ગરીબીમાં ઉછરેલા અને ગામડામાં રહેનારાઓ છે
- સુશીલકુમારના પિતા બસ ડ્રાઈવર છે અને બાપરોબા નામના ગામમાંઔએ રહે છે
- ૨૯ વર્ષનો યોગેશ્વર ભેસવાન કાલાનમાં રહે છે અને સરકારી સ્કુલમાં એના મા-બાપ શિક્ષણ આપે છે
- વિજયકુમાર હરસૌરમાંઔરહે છે અને પિતા નિવૃત્ત સૈનિક છે
- મેરી કોમ કંગાથલમાં રહે છે અને એના પિતા ખેડૂત છે
- દેવેન્દ્રસિંહ યુરેનબામમાં રહેનારો છે અને પિતા ખેડૂત છે
- કૃષ્ણ મુનીયા આગરોહાનો છે અને પિતા દૂધનો ધંધો કરે છે

૮૩ રમતવીરોની ભારતીય ટુકડી લંડનની ઓલિમ્પિક ખેલ મહાકુંભમાં ગયેલી એમાંથી છ રમતવીરોએ પદકો મેળવ્યા એ આનંદની વાત છે પણ સવા અબજ જનસંખ્યાના દેશ માટે ગૌરવની વાત ન કહેવાય... જો કે દેશના હરિયાણા અને મણિપુર જેવા નાના રાજ્ય માટે ગૌરવની વાત કહેવાય કારણ કે છમાંના બબ્બે એટલે કુલ ચાર ખેલાડી એ રાજ્યોના હતા. જ્યારે હિમાચલ પ્રદેશનો એક અને દિલ્લીનો એક હતો. ફડાકાબાજ સરકાર જેની છે એ ગુજરાત માટે લાંછનરૃપ કહેવાય. બાકી મહારાષ્ટ્ર, કેરળ, કર્ણાટક, તમિળનાડુ, આન્ધ્ર, બંગાળ, ઉત્તરપ્રદેશ જેવા મોટા અને પ્રમાણમાં સમૃદ્ધ રાજ્યો માટે પણ નીચાજોણું ગણાય. બાકી હોકી જેવી રમત કે જે એક વખત આપણા દેશ માટે ગૌરવરૃપ હતી અને જેણે આપણા દેશને અગિયાર અગિયાર મેડલ અપાવેલા એમાં આ વર્ષે પણ આપણા દેશને નાલેશી મળી.
એ સાથે દેશની મહિલાઓ માટે ગૌરવની વાત કહેવાય કે જે દેશમાં અત્યાચારોના કારણે સ્ત્રીઓના બળવાના અને બાળવાના, આપઘાતના આંકડા ઊંચા છે એ જ દેશમાં બબ્બે મહિલા ખેલાડીઓએ દેશનું નામ મહિલા ક્ષેત્રમાં ઉજ્જ્વળ રાખ્યું છે. એમાં એક મહિલા બોક્સર છે અને બીજી ''ડીસ્ક થ્રો''ની વિજેતા છે. ત્રીજી એક મહિલા શાયના નેહવાલ બેડમીંગ્ટનમાં બ્રોન્ઝ પદક મેળવવા સુધી પહોંચેલી.
બીજી, શહેરમાં વસનારા અને ઉપલા વર્ગને શરમાવા જેવી બાબત એ છે કે આ છએ છ રમતવીરો ગામડાગામના રહેવાસી છે. આપણા દેશના ગામડાઓમાં રતનો પડેલા છે એ આ છ રમતવીરોએ પુરવાર કરી બતાવ્યું.
આપણા દેશ માટે વ્યક્તિગત બબ્બે પદક મેળવનાર ૨૯ વર્ષના સુશીલકુમારની વાત કરીએ તો... દિલ્લીના નજરગઢ નજીકના બાપરોલા નામના ગામનો એ રહીશ. એના પિતા બસ ડ્રાઈવર છે. એટલે એને રમતવીર બનવા માટે કોઈ પણ પ્રકારનો ટેકો મળી શકે નહીં. છતાં એણે ૨૦૦૮માં બેજીંગ ઓલિમ્પિકમાં બ્રોન્ઝ પદક મેળવ્યું હતું અને ૨૦૧૨માં લંડનમાં રજત પદક મેળવ્યું. હવે રીયોડી જાનેરોમાં ઓલિમ્પિક થશે એમાં ગોલ્ડન મેડલ તેઓ મેળવે એવી આખા દેશની શુભેચ્છાઓ છે અને એમનો પોતાનો દ્રઢ નિશ્ચય છે.
જોકે એમણે ૨૦૧૦માં મોસ્કોમાં ચેમ્પીઅનશીપ જીતીને સુવર્ણપદક મેળવેલું. એ જ રીતે ૨૦૧૦માં દિલ્લીમાં કોમનવેલ્થ ગેઈમમાં પણ સુવર્ણપદક મેળવેલું. વળી ૨૦૧૦માં દિલ્લીમાં એશિયન ચેમ્પીઅનશીપ મેળવેલી.
સુશીલકુમારના દાદા પણ કુશ્તીબાજ હતા. પૌત્ર ઓલિમ્પિકમાં મેડલ મેળવે છે એ જોવા જોકે તેઓ રહ્યા નથી.
કુશ્તીબાજ પહેલવાન ૨૯ વર્ષના યોગેશ્વર દત્ત પણ હરિયાણાના ભેંસવાલ કલાન નામના ગામડાનું રતન છે. એના પિતા સરકારી સ્કુલમાં શિક્ષક છે. એના ગામમાં કુશ્તીબાજો (ઉત્તરપ્રદેશ, હરિયાણા વગેરે ઉત્તર ભારતના રાજ્યોમાં કુશ્તીના અખાડા ગામેગામ હોય છે. શહેરોમાં પણ હોય છે.) એટલે એને આઠ વર્ષની ઉંમરથી કુશ્તીબાજ થવાની તમન્ના હતી.
દોહામાં એશિયન ગેઈમ્સમાં એણે પહેલીવાર બ્રોન્ઝ મેડલ જીતેલો. આ વખતે પણ લંડન ઓલિમ્પિકમાં એણે બ્રોન્ઝ મેળવેલો. ૨૦૧૨માં અગાઉ ગુમીમાં એશિયન ચેમ્પીઅનશીપમાં જોકે એણે ગોલ્ડ મેડલ મેળવેલો. એજ રીતે ૨૦૧૦માં દિલ્લીમાં કોમનવેલ્થ ગેઈમ્સમાં એણે ગોલ્ડ મેડલ જીતેલો.
શુટીંગમાં લંડન ઓલિમ્પિકમાં સિલ્વર મેડલ મેળવનાર ૨૬ વર્ષના વિજયકુમાર પણ હિમાચલપ્રદેશના હમીરપુરના હરસૌર નામના ગામડામાં રહે છે અને એના પિતા નિવૃત્ત સૈનિક છે. એની ગરીબી એવી છે કે ૨૦૦૬માં મેલબોર્નમાં કોમનવેલ્થ ગેઈમ્સમાં એણે શુટીંગમાં જ્યારે ગોલ્ડ મેડલ જીતેલો ત્યારે એની પાસે એ ખબર પોતાના મોંએથી માબાપને આપવા કે માબાપાએ એ ખબર બહારથી સાંભળ્યા તો અભિનંદન આપવા કોઈની પાસે મોબાઈલ ફોન નહોતો.
લંડન ઓલમ્પિકમાં રજતચંદ્રક મેળવ્યા પછી એ પોતાના ગામમાં શુટીંગ માટેની અકાદમી ખોલવા માંગે છે. લંડન ઓલિમ્પિક પહેલાં બેજીંગમાં ૨૦૦૯માં પણ રજતચંદ્રક મેળવેલો અને ૨૦૧૧માં ફોર્ટ બેજીંગમાં પણ રજત ચંદ્રક જ મેળવેલો.
બાકી ૨૦૦૬માં મેલબોર્નમાં સુવર્ણચંદ્રક અને દિલ્લીમાં ૨૦૧૦માં પણ સુવર્ણચંદ્રક મેળવેલો.
ચોથો રમતવીર દેવેન્દ્રસિંહ ૨૦ વર્ષનો છે અને ગરીબ ખેડૂત પિતાનો પુત્ર છે. એ મણિપુરના ઈમ્ફાલ પાસેના યુરેમબામ અવાંગ લાઈકાઈ નામના ગામડામાં રહે છે.
લંડન ઓલિમ્પિકમાં પદક મેળવનાર આ રમતવીરે બ્રિટિશ બોક્સર આમીરખાનની પ્રશંસા મેળવેલી. લંડન પહેલાં તેહરાનમાં ૨૦૧૦માં રજતપદક મેળવનાર આ રમતવીર ત્રણ રૃમ (બધું મળીને)ના ઘરમાં રહે છે પણ રૃમોમાં લાદી નથી પણ ગરીબીને કારણે માટીનું લીપણ છે. એના પિતા એટલા બધા ઘરડા છે કે એ ખેતી કરી શકતા નથી અને મોટાભાઈ પીઠની પીડાના કારણે ઊભા રહી શકતા નથી. ઘરનો નીભાવ એની એકલાની આવક ઉપર છે. એનો મોટા ભાગનો સમય એ લશ્કરમાં નોકરી કરતો હોવાથી પૂનાની આર્મી સ્પોર્ટસ ઈન્સ્ટીટયુટમાં તાલીમ લેવામાં જાય છે. એ ઘરે આવે ત્યારે ખેતર તરફ ધ્યાન આપી શકે છે.
એણે જે ચન્દ્રકો મેળવ્યા એ ઉપરાંત ૨૦૧૦માં અમેરિકામાં વર્લ્ડ મીલીટરી ગેઈમ્સમાં બોક્સીંગમાં બ્રોન્ઝ મેળવેલો અને ૨૦૦૬માં ફેડરેશન કપમાં બેસ્ટ બોકસરનો ખિતાબ મેળવેલો.
મહિલા ''રમતવીરો''માં બોક્સીંગમાં લંડન ઓલિમ્પિકમાં બ્રોન્ઝ (૫૧ કીલો વજન) મેળવનાર ૨૯ વર્ષની મેક મેરીકોમ પણ મણિપુરના કાંગયાલ નામના ગામડામાં રહે છે. એના પિતા પણ ગરીબ ખેડૂત જ છે.
એટલે એણે એના પિતાને મદદ કરતા કરતા બોક્સીંગની તાલિમ લેવી પડેલી. પાટનગર ઈમ્ફાલથી ૨૦ કી.મી. દૂર છે છતાં એણે હામ હોવાથી બોક્સીંગમાં પાંચ વખત વર્લ્ડ ચેમ્પીઅન હાંસલ કરેલી છે. એના તાલિમી શિક્ષક (કોચ) કહે છે કે, ''એ જ્યારે તાલિમ લેવા આવેલી ત્યારે ઓલિમ્પિકમાં કે બીજી સ્પર્ધામાં વિજેતા પદ મેળવવાના સ્વપ્ન સાથે નહીં આવેલી પણ પોતાના ગરીબ મા-બાપને જાતે કમાણી કરીને મદદરૃપ થવાના આશયથી આવેલી. એ બોક્સીંગ શીખી ન હોત તો એનું જીવન અંધકારમય હોત.''
આ પહેલાં એણે વર્લ્ડ એમેચ્યોર ચેમ્પીઅનશીપ મેળવવા ૨૦૧૦માં બ્રીજટાઉનમાં ગોલ્ડ, ૨૦૦૮માં નીન્ગો સીટીમાં ગોલ્ડ, ૨૦૦૬માં દિલ્લીમાં ગોલ્ડ, ૨૦૦૫માં પુડોલ્કમાં ગોલ્ડ, ૨૦૦૨માં આંતાલ્યામાં ગોલ્ડ એ પ્રમાણેના ખિતાબ મેળવેલા. એ ઉપરાંત ૨૦૧૦માં એશિયન ચેમ્પીઅનશીપમાં ગોલ્ડ મેળવેલું.
છઠ્ઠી ''રમતવીર'' ખેલાડી મહિલા. ૩૫ વર્ષની ઉંમરની કૃષ્ણા પુનીયા નામે છે અને ''ડીસ્ક થ્રો''માં એણે ચન્દ્રક મેળવ્યો. હરિયાણાના હિસ્સારના આગરોલા ગામડામાં એ રહે છે. એના પિતા દૂધનો ધંધો કરે છે.
આ બધી સ્પર્ધાત્મક રમતોમાં જેને શુદ્ધ ભારતીય રમત કહેવાય એ કુશ્તી છે જેને પ્રાચીન સમયમાં મલ્લ વિદ્યા આપણે કહેતા હતા તેમજ યુદ્ધમાં કુશળતા મેળવવા માટેનું એ એક અંગ ગણાતી હતી.
આપણા બે રમતવીરોએ કુશ્તીમાં જ પહેલવાનગીરીમાં જ રજતચંદ્રક અને બ્રોન્ઝ ચન્દ્રક મેળવીને આપણી પ્રાચીન પરંપરાને ટકાવી રાખી છે. વર્ષો પહેલાં ''ગામા'' પહેલવાને ભારતની મલ્લવિદ્યાનો ધ્વજ ઊંચો રાખેલો જેને સુશીલકુમારે અને યોગેશ્વર દત્તે ઓલિમ્પિકમાં જાળવી રાખ્યો. ઓલિમ્પિક રમતોમાં આ બન્ને રમતવીરોએ આપણા દેશની પ્રાચીન પરંપરાની લાજ રાખી છે. બાકી બેડમિંગ્ટનથી માંડી ક્રિકેટ કે ડીસ્ક થ્રો કે બોક્સીંગ ભારતીય પરંપરાની રમતો ન ગણાય.
રજતચંદ્રક વિજેતા સુશીલકુમારે અને કાસ્યચન્દ્રક વિજેતા યોગેશ્વર દત્તે એક કલાકના કુશ્તીના સમયમાં દાવપેચો રમીને ત્રણ વખત વિજય મેળવ્યો.
પહેલવાનનું જીવન પેલા યોગસાધના કરનાર યોગી જેવું હોય છે. નિયમ અને સંયમ તથા શિસ્તનું પાલન કરીને એણે પોતાને કુશ્તીની કલામાં પારંગત થવું પડે છે. શારીરિક શક્તિ પ્રાપ્ત કરવા માટે એ જરૃરી છે.
પહેલવાનગીરી ઉત્તર ભારતના યુવાનોનું એક અંગ છે. દા.ત. અગાઉ કેન્દ્રમાં પ્રધાન રહેલા સ્વ. રાજનારાયણ એક પહેલવાન હતા અને અત્યારના ઉત્તર પ્રદેશના નેતા અને અગાઉ કેન્દ્રમાં પ્રધાન હતા એ મુલાયમસિંહ પણ પહેલવાનગીરીનો શોખ કરી ચુકેલા છે. મુલાયમસિંહ અત્યારે પહેલવાનગીરીના અખાડા પણ ચલાવે છે અને સ્પર્ધાઓ પણ રાખે છે. મહારાષ્ટ્ર અને આન્ધ્રમાં પણ પહેલવાનગીરીનો શોખ યુવાનો પોષે છે.
બાકી રમતગમતની બાબતમાં ગુજરાતનું નામ ક્ષિતિજમાં પણ દેખાતું નથી. પેલા અભિનેતા દારાસિંહ પણ પંજાબના હતા.
- ગુણવંત છો. શાહ

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           

આજથી ભારત અને ન્યુઝીલેન્ડ વચ્ચે પ્રથમ ટેસ્ટ મેચનો પ્રારંભ

લક્ષ્મણે ડિનર પાર્ટીમાં કેપ્ટન ધોનીને આમંત્રણ જ ના આપ્યું
ભારતીય ફૂટબોલ ખેલાડીઓને માત્ર રૃ.૬૦૦ રૃપિયાનું ડેઇલી એલાઉન્સ!!!
ન્યુઝિલેન્ડ ભારતની ભૂમિ પર હજુ એક પણ ટેસ્ટ શ્રેણી જીત્યુ નથી
ટી-૨૦ રેન્કિગમાં બાંગ્લાદેશ પછી ઓસ્ટ્રેલિયાને નવમો ક્રમ
નિફ્ટી ૫૫ પોઇન્ટ ઉછળીને ૫૪૨૧, સેન્સેક્ષ ૧૯૪ પોઇન્ટ તેજીએ ૧૭૮૮૫ પાંચ મહિનાની ટોચે
ચાંદીમાં રૃા. ૧૦૩૦નો ઊછાળો નોંધાતા ૫૫૦૦૦ને પાર ઃ મક્કમ સોનું
વધુ કૃષિ કોમોડિટીઓને ૨૦૧૩ માટેના કોન્ટ્રેકટસમાંથી બાકાત રખાઈ
ભિવંડીમાં બાંગ્લાદેશી મતદાર શોધી આપે તો રૃા. બે કરોડનું ઇનામ
રાજ ઠાકરેની સભા પર નજર રાખવા પોલીસે 'નેત્ર'નો ઉપયોગ કર્યો

સોરી આઈ એમ લેટ ઃ અમિતાભે પત્રકારોની જાહેરમાં માફી માગી

ટીવી ચેનલની ઓબી વાન સળગાવનારા બે સહિત ૧૯ની ધરપકડ
મુંબઈ સહિત ઠેરઠેર રાજ ઠાકરેના પૂતળાની હોળી
ઊંચા વ્યાજના દરો અને ખરાબ ચોમાસાની બીજા ત્રિમાસિકનાં ઔદ્યોગિક ઉત્પાદન પર અસર થશે

આંતરરાષ્ટ્રીય બજારોની નરમાઈને પગલે ભારતમાં પણ કોફીના લિલામમાં ઢીલાશ

 
 

Gujarat Samachar Plus

અમદાવાદની ૯૦ ટકા સ્કૂલોમાં સાયન્સ બેઝ એક્ટિવીટીનો અભાવ
સૌથી વઘુ બંગાળી, મરાઠી અને અંગ્રેજી ભાષાની બુક્સને ગુજરાતીમાં વાંચવાનું પસંદ કરે છે
નવરાત્રીના નવ દિવસનું મેગા પ્રિ પ્લાનંિગ
છેલ્લા ૨૨ વર્ષથી ચાલતો ટિફિન સેવાનો યજ્ઞ
બ્રેકફાસ્ટ એટલે મેઇન મીલ ઓફ ઘ ડે
બાળકની ઓલઓવર એક્ટિવિટી પર પેરેન્ટસ નજર
 

Gujarat Samachar glamour

‘હિરોઈન’ના આઈટમ સોંગમાં ચમકે છે કરીનાની હલકટ જવાની
અજય દેવગનને ‘સન ઓફ સરદાર’ માટે નોટિસ !
સોનૂ દ્વિઅર્થી શબ્દોવાળા ગીતો નહીં ગાય !
મનીષાની સ્વ.અશોક મહેતાને હૃદયાંજલિ!
સોનાક્ષીની ખાન ટીમમાંથી ‘હકાલપટ્ટી’
અમદાવાદીઓની મદદથી જગજીતસંિહને શ્રદ્ધાંજલિ !
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved