Last Update : 22-August-2012,Wednesday

 

પુરુષ ઈન્દ્રિયનું ઉત્થાન દીર્ઘ કાળ માટે રહી જાય ત્યારે...

અંગત અંગત- મુકુલ ચોક્સી

 

સામાન્ય રીતે સેક્સ થેરાપીસ્ટો પાસે આવતા પુરુષ દર્દીઓને શિશ્નમાં પૂરતું ઉત્થાન ન થતું હોવાની સમસ્યા હોય છે. પણ ક્યારેક આથી તદ્દન ઉલટો બનાવ પણ નવી સમસ્યા ઊભી કરતો જોવા મળે છે. જેમ ‘દુષ્કાળ’થી લોકો પીડાતા હોય છે, તો ક્યારેક ‘અતિવૃષ્ટિ’ પણ હેરાન થઇ શકે છે. તે જ રીતે એક તરફ વિશ્વમાં લાખો લોકો અપૂરતા શિશ્નોત્થાનથી પીડિત છે, તો કેટલાક લોકો તદ્દન વિપરિત ગણાય એવી ‘અતિ ઉત્થાન’ યા ‘દિર્ઘ શિશ્નોત્થાન’ની વિચિત્ર લાગતી સમસ્યાથી પણ પીડાતા હોવાનું જાણવા મળે છે. આ વિચિત્ર રોગના કિસ્સાઓ આશ્ચર્ય પમાડે એવા હોય છે.
કલકત્તામાં મઘ્યમવયના પુરુષની સેક્સલાઇફનો એક વિચિત્ર કિસ્સો પ્રકાશિત થયો હતો. ૫૫ વર્ષની ઉંમરના આ પુરુષને સમાગમ બાદ શિશ્ન પાછું યથાવત્‌ શિથિલ સ્થિતિમાં ન આવ્યું અને ૨૧ દિવસ સુધી એમને એમ જ ઉત્થાનિત અવસ્થામાં રહેવા પામ્યું. જ્યારે તે ડોકટર પાસે ગયો ત્યારે તેનો દુખાવો અસહ્ય હતો અને ડોકટરો પણ અચંબામાં પડી ગયા કે આ માણસે આ પેઈનફૂલ પરિસ્થિતિ સાથે પૂરા એકવીસ દિવસ કઇ રીકે કાઢ્‌યા? છેવટે કલકત્તાની વૉકહાર્ટ હોસ્પીટલના યુરોસર્જન ડૉ. મુખરજીએ આ પુરુષની અટપટી શસ્ત્રક્રિયા કરી અને તેના લંિગને પૂર્વવત્‌ અવસ્થામાં લાવી દીઘું.
જોકે આવું ભાગ્યે જ બને છે. મોટે ભાગે ‘પ્રાયાપીઝમ’ તરીકે ઓળખાતી આ દીર્ઘ, ‘અતિશય શિશ્નોત્થાન’ની ગંભીર અવસ્થામાં પુરુષો વઘુમાં વઘુ બે-ત્રણ દિવસમાં તો મેડીકલ હેલ્પ લેવા અચૂક પહોંચી જ જાય છે, કારણ કે ‘દીર્ઘ શિશ્નોત્થાન’ ખૂબ જ પીડાકારક પણ હોય છે. આ પુરુષને કરવામાં આવી તેવી જટીલ ‘શન્ટ સર્જરી’ દ્વારા પ્રાયાપીઝમનું દીર્ઘ શિશ્નોત્થાન દૂર કરવામાં આવે તો પણ ઘણા પુરુષો ત્યાર બાદ કાયમી, ઈરીવર્સીબલ, સાજી ન થઇ શકે એવી પરમેનન્ટ ઈમ્પોટન્સી (યા નપુંસકતા)નો ભોગ બની જાય છે. ઘણા મેડીકલ પ્રેકટીશનર્સે પણ આવા પ્રાયાપીઝમના કેસ ભાગ્યે જ જોયા હોવાથી સામાન્ય લોકોમાં આઈના વિષે બહુ ઓછી જાણકારી પ્રર્વતે છે. સામાન્ય રીતે પુરુષોને શિશ્નોત્થાન ન થવાની તકલીફ હોય છે. આવા પુરુષોને મનમાં કદાચ ‘કાયમી ઉત્થાન’ની વાત સાંભળીને ઈર્ષા ઉપજે. પણ ‘પ્રાયાપીઝમ’ (અતિઉત્થાન) એ પૌરુષહીનતા (ઉત્થાનના અભાવ) કરતાં વધારે ગંભીર અને અકળાવનારી બિમારી ગણાય છે.
વૉકહાર્ટ હોસ્પીટલાં થયેલ શન્ટ સર્જરીમાં કોર્પોરા કેવર્નોેઝાના લોહી ભરેલા નળાકારોને એકમેકથી અલગ પાડતી ફાઈબ્રસ પેશીઓમાં કાણા પાડીને શન્ટીંગ કરવામાં આવ્યું હતું.
આજના ‘પોસ્ટ વાયેગ્રા’ કાળમાં નપુંસકતાની સારવાર લઇ રહેલા કેટલાક પુરુષો જો વાયેગ્રા અસરકારક ન નીવડે તો ‘સેલ્ફ ઈંજેકશન’ની પઘ્ધતિ અપનાવે છે. તેમાં ક્યારેક કોઇને ‘આકસ્મિક કોમ્પ્લીકેશન’ તરીકે આવા ‘દીર્ઘકાલીન અતિઉત્થાન’ ઊર્ફે પ્રાયાપીઝમની સમસ્યા અચાનક ઉદ્‌ભવી શકે છે.
તબીબી સમજ પ્રમાણે જો પુરુષનું જનનાંગ સમાગામ બાદ પણ ઢીલું ન પડે અને કલાક બાદ પણ પૂર્ણ ઉત્થાનિક અવસ્થામાં રહે તો તેને ‘પ્રાયાપીઝમ’ કહેવામાં આવે છે. આ સમસ્યા એક ગંભીર મેડીકલ ઈમરજન્સી કહેવાય છે અને તત્કાળ સારવાર માગી લે છે. ‘પ્રાયાપીઝમ’ બે પ્રકારના હોય છે. એક તો કુદરતી અથવા શરીરના અન્ય કોઇ રોગને લીધે થતું પ્રાયાપીઝમ. બીજું દવા યા સેક્સ માટેની ‘ઈંજેકશન થેરાપી’ (પાપાવરીન, ફેન્ટોલેમાઈન, ક્લોરપ્રોમેઝીન, પ્રોસ્ટાગ્લેન્ડીન)ને કારણે થતું પ્રાયાપીઝમ (આયેટ્રોજેનિક/ડ્રગ ઈન્ડયુસ્ડ).
પહેલા પ્રકારના ‘પ્રાકૃતિક દીર્ઘ શિશ્નોત્થાન’ કરનારા ઘણા રોગો છે. સીકલ સેલ ડીસીઝ, પોલીસાઇથેમિયા, લ્યૂકેમિયા વગેરે લોહીના એવા રોગો છે જેમાં લોહીની ઘટ્ટતા વધી જાય છે. જ્યારે શિશ્ન ઉત્થાનિત થાય છે ત્યારે સામાન્ય સંજોગોમાં લોહી ઈન્દ્રિયની રક્તવાહિનીઓમાં ભરાયેલું રહે છે. ઉત્થાનિક (ઈરેક્ટ) અવસ્થામાં ઈન્દ્રિયની લોહીની નળીઓ (આર્ટરીઝ) ખુલ્લી હોવાથી લોહી તેમાં જમા થાય છે. જે સ્ખલન બાદ શિરાઓમાં ખૂલી જવાથી વહન થઇને શિશ્નની બહાર નીકળી જાય છે. સીકલ સેલ જેવા લોહીની ગટ્ટતા વધારતા રોગોમાં લોહીના લાલકણો શિશ્નના સાઉનુ્રસ્યોઈઝડમાં જામ થઇ જવાથી ઈરેકશન લાંબો સમય સુધી એમનું એમ રહી જવા પામે છે. આ એક શિશ્નમાં લોહીના ‘ટ્રાફિક જામ’ જેવી પરિસ્થિતિ ગણી શકાય. શિશ્નમાં રક્તના આ ટ્રાફિક જામને કારણે નવું લોહી પરિવહનમાં આવી શકતું નથી કે જૂનું અશુદ્ધ લોહી શિશ્નની બહાર જઇ શકતું નથી. જો શિશ્નને લાંબો સમય શુઘ્ધ, ઓક્સિજન યુક્ત લોહી ન મળે તો ગેંગ્રીન યા મૃત્યુ સુધીના ગંભીર કોમ્પ્લીકેશન પણ સંભવી શકે છે. અશુઘ્ધ લોહી શિશ્નમાં આવેલ કોર્પોરાની દિવાલોના સ્નાયુઓને શિથિલ કરી નાખે છે જેથી તેમાં લોહીનો ટ્રાફિક જામ થઇ જાય છે.
નપુંસકતા માટેની એડવાન્સ્ડ ટ્રીટમેન્ટ માટે વપરાતા કેટલાક ઈંજેકશનો પણ પ્રાયાપિઝમ માટે કારણભૂત બની રહે છે. ‘ઈન્ટ્રાકેવર્નોઝલ વાઝોડાઇલેટર થેરાપી’ અથવા તો ઈન્ટ્રાકેવર્નોઝલ વાઝોએક્ટીવ ડ્રગ્ઝ (આઇ.સી.વી.એ.ડી.) તરીકે જાણીતી આ ટ્રીટમેન્ટમાં નાનકડી ઈન્સ્યુલીન સીરીંજ દ્વારા ઈમ્પોટન્સીથી પીડાતા પુરુષના શિશ્નમાં પાપાવરીન, ફેન્ટોલેમાઇન, ક્લોરપ્રોમેઝીન, ફીનોક્સીબેન્ઝેમાઇન, બાઈમીક્સ, ટ્રાઈમીક્સ, પ્રોસ્ટાગ્લેન્ડીન ઈ-૧, પ્રકારના ઈંજેકશન મૂકવામાં આવે છે. જેની આડઅસર રૂપે અકસ્માતે કોઇકને પરસીસ્ટન્ટ પેઈનફૂલ ઈરેકશન થઇ શકે છે. ચારેક કલાક બાજ દુખાવો શરૂ થઇ શકે છે અને છ કલાકની અંદર જો તત્કાળ સારવાર દ્વારા આ પ્રાયાપીઝમને દૂર ન કરાય તો ‘કાયમી નપુંસકતા’ થઇ શકે છે.
આની સારવારમાં ‘કન્ટીન્યુઅસ કેવર્નોઝલ ડ્રેનેજ’ની પઘ્ધતિ અપનાવાય છે. જેમાં સહુ પ્રથમ શિશ્નની એક બાજુના કોર્પોરા કેવર્નોઝામાં મોટી સાઈઝની, આશરે ૧૮ ગોજની આસપાસની સ્કાલ્પવેન/બટરફ્‌લાય નીડલ દાખલ કરવામાં આવે છે. જેથી તંગ, એન્ગોર્જડ પેનીસમાંથી જામી ગયેલા લોહીને બહાર નીકળવાનો માર્ગ મળી રહે છે યા સ્ટરાઇલ નીડલ દ્વારા આપમેળે, ધીમે ધીમે, જેટલું લોહી ડ્રેઈન થાય તેટલું થવા દેવામાં આવે છે. આ ક્રિયામાં શરૂઆતમાં ૫૦થી ૧૦૦ મીલીમીટર જેટલું ભુરાશ પડતું, ઘટ્ટ, અશુઘ્ધ, ઓક્સિજનરહિત લોહી ધીમે ધીમે બહાર વહી આવે છે. જેથી શિશ્ન હળવે હળવે ઢીલું, શીથિલ તથા ફ્‌લેસીડ બને છે.
આ દરમિયાન જો બ્લડ ક્લોટ થયેલ યા ગંઠાઇ ગયેલ જણાય તો સ્લો સલાઇનયુક્ત ડ્રેનેજ પણ કરી શકાય છે. ક્યારેક ફ્‌લેસીડીટી આવ્યા બાદ રીફીલીંગ થઇને પુનઃ દીર્ઘોત્થાન પણ થઇ શકે છે. શિશ્નની ઉત્તેજક પેશીઓ (કોર્પોરા) અંદરથી એકબીજા સાથે મુક્ત રીતે જોડાયેલી / કનેકટેડ હોવાથી એક જ બાજુથી આ ડ્રેઇન કરવાથી પૂરતું પરિણા મળે છે, પરંતુ કોકવાર જો તે મળે તો બીજી બાજુ પણ આ રીતે કેવર્નોઝલ ડ્રેઇન કરવું પડે છે.
જો આટલી પ્રક્રિયા બાદ પણ પુરુષ તેના પ્રાયાપીઝમથી મુક્ત ન થાય તો એડ્રીનાલીન નામનું એક ઈમરજન્સી દ્રવ્ય અત્યંત લધુત્તમ માત્રામાં ઈન્જેક્ટ કરવામાં આવે છે. અને તે પણ જો સફળ રીતે શિશ્નને પૂર્વવત્‌ રીતે લૂઝ ન કરી શકે તો આખરી ઉપાય તરીકે ‘શન્ટ’ સર્જરી કરવામાં આવે છે. ઓડ્રીનાલીન હૃદય ઉપર અસર કરી શકે તેમ હોવાથી દર્દીના ધબકારા તથા બ્લડપ્રેશરનું સતત મોનીટરંિગ જરૂરી બની રહે છે. વાસ્તવમાં પ્રાયાપીઝમ થાય ત્યારબાદ સારવાર લેવા કરતાં તેને થતું જ રોકવું મહત્વનું છે અને તે માટે દર્દી તથા ડોકટરોએ આટલી કાળજીઓ લેવી જરૂરી છે ઃ
(૧) જેમને ડાયગ્નોસ્ટિક યા થેરાપ્યુટિક વાઝોડાઇલેટર ઈંજેકશન આપવાના હોય તે દર્દીના લોહીની લેબોરેટરી તપાસ કરીને સી.બી.સી. તેમ જ સીકલીંગ ટેસ્ટ કરીને લોહીને ઘટ્ટ કરનાર રોગ નથી ને તેની ખાતરી કરી લેવી જોઇએ.
(૨) પહેલીવાર માત્ર સાત-આઠ મીલીગ્રામ જેટલું ઓછું પાપાવરીન આપીને ચેક કરી જોવું, ત્યારબાદના સેશનમાં જ ધીમે ધીમે ડોઝ વધારતા જવું. ટેક્સબુકમાં ભલે સીઘું ૩૦થી ૪૦ મીલીગ્રામ સીઘું આપવાનું જણાવ્યું હોય!
(૩) મેગાડોઝ એટલે કે ૪૦થી ૬૦ મીલીગ્રામ પાપાવરીન યા બાઈમીક્સ આપતી વખતે વિશેષ કાળજી રાખીને પ્રાયાપીઝમનું ઘ્યાન રાખવું.
(૪) દર્દીને લેખીત સૂચના આપવી કે સેલ્ફ ઈંજેકશન લીધા બાજ સમાગમ બાદ તરત યા ઈંજેકશન લીધાના કલાકેકમાં જો લંિગ પૂર્વવત ઢીલું ન થાય તો તત્કાળ ડોકટરનો સંપર્ક કરવો.
(૫) ધારેલું ઉત્થાન ન મળે તો વળી પાછું બીજું ઈંજેકશન લેવાની ઉતાવળી ભૂલ ન કરવી.
(૬) પાપાવરીન ઈંજેકશન વખતે સાથે અન્ય કોઇ ઈરેકટોજેનિક ડ્રગ જેવી કે યોહીમ્બીન, ટ્રાજાડોન, સીલ્ડેનાફીલ યા એપોમોર્ફીન ન લેવાઇ હોય તે જરૂરી છે.
(૭) પાપાવરીનના ડોઝના કેલ્ક્યુલેશનમાં ઘ્યાન રાખવું. તથા રાત્રે સેલ્ફ ઈંજેકશન લેવાયું હોવાથી સમાગમ બાદ કુદરતી ઊંઘ આવવાથી ઊંઘી ન જવું. શિશ્નોત્થાન દૂર થયા પછી જ ઊંઘવું.
(૮) સમાગમ બાદ કલાકેકમાં શિશ્ન પૂર્વવત્‌ ન થાય તો બરફ લગાડવાથી (વાઝોકોન્ટ્રીકશનને લીધે) યા બીજી વાર સમગામ (યા હસ્થમૈથુન) કરવાથી પણ શિશ્નોત્થાન દૂર થઇ શકે છે. તો તો કરી જોવું. જો કે પાપાવરીન પોતે ઈંજેક્યુલેટરી રીસ્પોન્સ લંબાવતું હોવાથી બધા માટે બીજી વાર સમાગમ શક્ય નથી બનતો.
(૯) જોકે ભલે ‘ફાઈનલેફ્રીન’ નામના ઈંજેકશન મળે છે, જે પ્રાયાપીઝમને દૂર કરી શકે છે.

Share |
 

Gujarat Samachar Plus

અમદાવાદની ૯૦ ટકા સ્કૂલોમાં સાયન્સ બેઝ એક્ટિવીટીનો અભાવ
સૌથી વઘુ બંગાળી, મરાઠી અને અંગ્રેજી ભાષાની બુક્સને ગુજરાતીમાં વાંચવાનું પસંદ કરે છે
નવરાત્રીના નવ દિવસનું મેગા પ્રિ પ્લાનંિગ
છેલ્લા ૨૨ વર્ષથી ચાલતો ટિફિન સેવાનો યજ્ઞ
બ્રેકફાસ્ટ એટલે મેઇન મીલ ઓફ ઘ ડે
બાળકની ઓલઓવર એક્ટિવિટી પર પેરેન્ટસ નજર
 

Gujarat Samachar glamour

‘હિરોઈન’ના આઈટમ સોંગમાં ચમકે છે કરીનાની હલકટ જવાની
અજય દેવગનને ‘સન ઓફ સરદાર’ માટે નોટિસ !
સોનૂ દ્વિઅર્થી શબ્દોવાળા ગીતો નહીં ગાય !
મનીષાની સ્વ.અશોક મહેતાને હૃદયાંજલિ!
સોનાક્ષીની ખાન ટીમમાંથી ‘હકાલપટ્ટી’
અમદાવાદીઓની મદદથી જગજીતસંિહને શ્રદ્ધાંજલિ !
 
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved