Last Update : 16-August-2012,Thursday

 
પોતાના માટે નહીં પણ બીજાના માટે જીવતી આ ૧૨ હસ્તીઓને આજના સ્વાતંત્ર્ય દિને સલામ !

- ભિખારી બાળકોની સંભાળ રાખનાર નવીન
- સેક્સના વર્કરોને મુક્ત કરાવતી તૃષ્ણા
- દર્દીઓનો દેવતા રાશીદ ગનીખાન
- ૮૦૦ બાળકોને ભણાવતો બાબરઅલી
- ઘવાયેલાઓની સેવાસુશ્રુષા કરતો પીયૂષ
- જરૂરતમંદોને કપડા વહેંચતી અંશુ ગુપ્તા

આપણા દેશમાં સમાજ સેવા કરનારા હજારો લોકો છે અને ગામેગામ તથા શહેરે શહેરે તેઓ મૂંગામૂંગા સેવા કરી રહ્યા છે. પેલી અણ્ણા ટોળકી એટલે કે કેજરીવાલની જેવો કશો ડેંડાટ નહીં કેજરીવાલ પણ પહેલાં એવા જ મૂંગામૂંગા સેવા કરનારા હતા પણ એમાંથી એમને મહત્ત્વકાંક્ષા જાગી.
એ જ રીતે અણ્ણા પણ નાસિક નજીકના એક નાનકડા ગામમાં રહીને સેવા જ કરી રહ્યા હતા.
બન્નેને પ્રસિદ્ધિની કોઈ અપેક્ષા જ નહોતી. કેજરીવાલને એની સેવાના પુરસ્કારરૂપે મેગાસેસ એવોર્ડ મળેલો અને અણ્ણાને પદ્મભૂષણનો ઇલ્કાબ મળેલો.
એમાંથી કેજરીવાલને મહત્ત્વકાંક્ષાઓ જાગી અને અણ્ણાની લોકપ્રિયતાનો લાભ લઈને સીડી ચઢવા માટે અણ્ણાની પડખે ચઢી ગયા.
બાકી તેઓ જેમ પહેલા મૂંગા મૂંગા કશી જ અપેક્ષા વિના સેવા કરતા હતા એ સલામ કરવાને લાયક હતું.
એવી પણ અલગ પ્રકારની સેવા કરી રહેલી અનેક વ્યક્તિઓમાંની ૧૨વ્યક્તિઓનું આજના સ્વાતંત્ર્ય દિને સ્વાગત કરીએ.
એવા એક છે નવીન ગુલીયા.
ૂૂપૂનાની નેશનલ ડીફેન્સ એકેડમીમાં સૈનિકનું શિક્ષણ લઈને તેઓ દહેરાદૂનની ઇન્ડિયન મિલીટરી અકાદમીમાં દાખલ થયા. ત્યાંની કડક અને કઠણ તાલીમ મેળવીને તેઓ બહાર નીકળવાના હતા એના થોડાક દિવસ અગાઉ જ એક અકસ્માતમાં એમના શરીરનો કમર નીચેનો ભાગ ખોટો થઈ ગયો અને વ્હીલચેરમાં બેસીને એમણે જીવનના બાકીના વર્ષો પૂરા કરવા પડે એવી સ્થિતિ આવી ગઈ પરંતુ નવીન ગુલીયા એથી હાર્યા નહીં એમણે મોટર વસાવી અને પોતે જ એ ડ્રાઇવ કરી શકે એવા એમાં ફેરફાર કરાવ્યા. કારમાં એમણે લડાખ સુધીની મુસાફરી કરીને લિમ્કા બુક ઓફ રેકોર્ડસમાં નામ કર્યું.
એક દિવસ એણે રસ્તામાં ભૂખ અને ઠંડીથી પીડાતી એક બાળકીને જોઈ એ જ દિવસથી તેમણે જરૂરિયાતવાળા બાળકો માટે એક સંસ્થા શરુ કરી. સંસ્થાનું નામ રાખ્યું ‘આપણી દુનિયા આપણો આશરો’ એ સંસ્થા દ્વારા તેઓ બાળકોની જરૂરિયાતો પૂરી કરે છે. તેઓ કોઈ અનાથાશ્રમ નથી ચલાવતા પણ બાળકોને એમના ઘરે જ રાખીને મદદ કરે છે.
સેવાનું એ કામ કરતા કરતા એક દિવસ ગોવાની ખુશી નામની એક છોકરી મળી ગઈ. બન્નેએ સાથે મળીને સેવાઓ કરવા માંડી. ૨૦૦૪માં બંનેએ લગ્ન કરી નાખ્યા અને હવે બન્ને પેલું સેવાનું કામ કરે છે.
નવીનથી અલગ પ્રકારનું પણ સેવાનું જ કામ કરે છ તૃષ્ણા મજમુદાર.
એ બીજી છોકરીઓ જે ઉંમરે પ્રેમ અને લગ્નના સપના જોતી હોય છે એ ૨૨ વર્ષની ઉંમરની છે પરંતુ એ બદનામ વિસ્તારો એટલે કે સેક્સ વર્કરોના વિસ્તારોમાં ફરીફરીને ત્યાંની ભોળી બાળાઓને મુક્ત કરાવવાનું કામ કરે છે. મુક્ત કરાવીને ફરી એમને ફરી ઠેકાણે પાડવાનું કામ પણ કરે છે. એ ભોળી બાળાઓ ઉપર થતા અત્યાચાચારોની વાતો એણે સાંભળી ત્યારથી એને છોડાવવાનું કામ શરુ કર્યું સગીર વયની એટલે કે ૧૬- ૧૭ વર્ષ કરતા નાની ઉંમરની છોકરીને ફોસલાવીને અથવા એનું અપહરણ કરીને આ ધંધામાં નાંખવાની પ્રવૃત્તિ જ્યાં મોટા પાયે ચાલે છે એ મુંબઈમાં તૃષ્ણાએ પડાવ નાંખ્યો.
તૃષ્ણાને સૌથી વઘુ તકલીફ ફંડની પડે છે. દાનની દાતા કંપનીઓ અને વ્યક્તિઓ તૃષ્ણાને જોઈને વિચારે છે કે હજી પરિપક્વ ઉંમરની નથી. તૃષ્ણાની એ સંસ્થાનું નામ ‘ક્રાંતિ’ છે અને મુંબઈમાં એક ઓરડામાં એની ઓફિસ છે. છોડાવી લાવેલી છોકરીઓ (બાળાઓ)ને સુવરાવીને એ હંમેશા સુવે છે ફક્ત ચાર કલાક એ ઉંઘે છે.
આ રીતે બીજાના માટે જીવનાર ત્રીજી વ્યક્તિ રાશિદ ગનીખાન. લોકો એમને ‘ગરીબોના ફરીસ્તા’ અથવા ‘દર્દીઓના દેવતા’ કહે છે. તેઓ નવાબી કુટુંબમાં જન્મ્યા છે પણ એ રશિદ ગનીખાન ગરીબોની સારસંભાળ કરવામાં જીવન વ્યતીત કરે છે. અલીગઢની સરકારી હોસ્પિટલમાં તેઓ દરરોજ હોય હોય ને હોય જ. દર્દીને મળવું, એના રોગ પ્રમાણેના યોગ્ય ડોક્ટરને મળીને દર્દીની તકલીફો દૂર કરાવવી, દર્દીને મળીને એને હંિમત આપવી, સ્પેશ્યાલીસ્ટ ડોક્ટરને મળવું વગેરે કામ કરે છે. અલિગઢમાં બહારગામથી આવતા ગરીબ દર્દીઓને રહેવા માટે એમણે કેટલાક રૂમો બનાવી રાખ્યા છે.
રશિદગની ખાનના પિતા એમને ડોક્ટર બનાવવા માગતા હતા પણ પિતાનું અચાનક મૃત્યુ થતા ભણવાનું પડતું મૂકવું પડેલું પણ એમની પત્ની ડો. રેશમાખાન એમની એ ઉણપ પૂરી કરી આપે છે અને પતિની સેવામાં બધી જ રીતે મદદગાર થાય છે. તેઓ કહે છે કે, ‘તમારી આંખો ખુલ્લી રાખો અને જરૂરતમંદોને કામ લાગો.’
આવી જ રીતે દર્દ અને દર્દીઓ માટે તેમજ સરકારને એટલે સમગ્ર દેશને ઉપયોગી થાય એવું કામ કરનાર છે ભારત બાયોટેક નામની કંપનીના માલિક, સંચાલક અને વડા ડો. કૃષ્ણ એલા. એમણે બનાવેલી ત્રણ ત્રણ દવા એટલે ટીપા- રસી આજે આખા દેશમાં સરકાર અને દર્દી વાપરે છે અને દર્દને ભગાડે છે.
એમણે બનાવેલી એચ એન બેક બ્રાન્ડની એક રસી (વેક્સીન) સ્વાઇન ફ્‌લૂ દૂર કરનારી છે. આ કંપનીએ બનાવેલી એચ વન સ્વાઇન ફ્‌લુ વેક્સીન સંપૂર્ણપણે સ્વદેશી છે અને દેશમાં જ વિકસીત કરેલી છે. એમની મનોકામના હતી કે હેપીટાઇટીસ સ્વાઇન ફ્‌લુ જેવી બીમારીઓની દવા આપણા દેશમાં જ બનાવવી અને વિદેશો પર આધાર ન રાખવો. એમણે બનાવેલો એચ એન બેક જુદા જુદા ટેસ્ટ (પરીક્ષણો)માંથી પસાર કરાવીને ઉપચારને યોગ્ય બનાવવાનો છે.
૧૯૯૫માં જ્યારે ડો. કૃષ્ણા એલાએ કહેલું કે એ હેપીટાઇટીસ બીની રસી એક ડોલરમાં મળે એવું કરશે ત્યારે લોકોએ એમને ‘ઘૂની’ અને ‘ખસી ગયું છે’ કહીને એમની હાંસી ઉડાવેલી.
એ વખતે એ રસી ૩૫ ડોલરમાં આયાત કરાતી હતી. ડો. કૃષ્ણાએ ૧૫ કરોડ રૂપિયાનું રોકાણ કરીને અંતે જે રસી બનાવી એ આજે ૧ ડોલરમાં વેચે છે તો પણ નફો કરે છે. (એટલે દવા કંપનીઓ કેટલો નફો કરતી હશે એ વિચારો !)
હેપેટાઇટીસ બીની રસી બનાવીને ડો. એલાએ પોલિયોની સસ્તી રસી બનાવી સરકારને પોલિયોની રસી પહોંચતી કરતાનાર આજે ડો. એલાની ભારત બાયોટેક કંપની પહેલા નંબરે છે.
એ પછી એમણે કૂતરો કરડી ગયો હોય ત્યારે અપાતી રસી રેબીજ બનાવી છે જે અત્યાર સુધી આપણે વિદેશથી લાવવી પડતી હતી.
બાબરઅલી પણ આ બધા જેવો એક સેવાભાવી છે પણ એ બધા કરતાં ઉંમરમાં નાનો એટલે ૧૮ જ વર્ષનો છે. અને દુનિયાનો સૌથી નાનો હેડમાસ્ટર છે મુર્શિદાબાદમાં એની સ્કૂલ છે જેમાં ૮૦૦ બાળકો ભણે છે.
પાછો બાબરઅલી પોતે બીએના છેલ્લા વર્ષમાં ભણે છે. જ્યારે પાંચમી ભણતો હતો ત્યારે એણે ઘરની પાછળના ખુલ્લા મેદાનમાં નિશાળ નિશાળની રમત શરૂ કરેલી. ધીરેધીરે નિશાળ નિશાળની એ રમતે ગંભીર રૂપ લીઘું અને બાબર અલીએ ૮ બાળકોને રીતસર ભણાવવાનું શરૂ કર્યું. આજે એ સંખ્યા ૮૦૦ થઈ ગઈ છે. બીજા લોકોએ પણ બાબરને મદદ કરવા માંડી અને સ્કુલને સરકારી માન્યતા અપાવવાના પ્રયત્નો કર્યા. સ્કુલમાં ૮મી સુધી જ ભણાવાય છે અને ભણનારા બધા જ ગરીબ કુટુંબના છે. એ સ્કુલનો સમય બપોરના ૩થી સાંજના ૭નો છે જેથી બાળકો પોતાના માતા-પિતાને કમાવવામાં મદદ કરી શકે. વળી સવારે એની પોતાની કોલેજ હોય છે. હવે એની બહેન જે ૧૧મીમાં ભણે છે એ પણ એને મદદ કરવા લાગી છે.
જો કે બાબર અલી કોઈપણ વિદ્યાર્થી પાસેથી ફી નથી લેતો પણ લોકો એને મદદ કરે છે જેમાંથી એ ખર્ચો કાઢે છે. બ્રિટનના બીબીસી ટી.વી.ના રેડિયો કેન્દ્રો એના આ કાર્યનો ખાસ કાર્યક્રમ પ્રસારિત કર્યો હતો.
પિયુષ તિવારી પણ આવા જ સેવાકાર્યની પણ સેવાના અલગ ક્ષેત્રની હસ્તી છે. ત્રણ વર્ષ પહેલાં એ માર્ગ અકસ્માતમાં એના ભાઈનું મૃત્યુ થયેલું ત્યારે જો સમયસર એની સારવાર થઈ શકી હોત તો એ બચી જાત. એનો દાખલો લઈને પિયુષે ‘‘મિશન સેવ લાઈફ’’ નામની સંસ્થા બનાવી.
એ સંસ્થા દ્વારા એ નાગરિકો અને પોલિસોને જીવન કેમ બચાવવું એ વિષે શિક્ષણ આપતા વર્ગો ચલાવે છે. પોલિસોને એ વર્ગોમાં શીખવવામાં આવે છે કે અકસ્માત વખતે ઘવાયેલી વ્યક્તિને સલામત રીતે હોસ્પીટલ કઈ રીતે પહોંચાડવી.
એ વર્ગોમાં પોલિસો અને બીજા નાગરિકોને ડોક્ટરો શીખવે છે કે અકસ્માત પામેલાના હૃદયના ધબકારા કઈ રીતે ચાલુ કરવા, લોહી વધારે પ્રમાણમાં વહી ગયું હોય તો દર્દીને કઈ રીતે હોસ્પીટલ પહોંચાડવો, ઘવાયેલાને મોટર કે રીક્ષામાં કઈ રીતે રાખીને હોસ્પીટ લઈ જવો વગેરે જાણકારી ડોક્ટરો આપે છે. પૂતળાઓ રાખીને એનું ડેમોસ્ટ્રેશન પણ બતાવવામાં આવે છે.
આ સિવાય બીજા જે સેવાવ્રતવાળા કાર્યકરો છે એમાં અપર્ણા બેનરજી, ડો. સુબોધકુમાર સંિહ, યુ.વી. સંિહ, પારોમિતા ગોસ્વામી, વગેરે અનેક છે.

ગુણવંત છો. શાહ

સંવાદ-વિવાદ
અફઘાનિસ્તાનમાંથી તાલિબાનોએ દૂર કરેલી ભારતીય સંસ્કૃતિની ૮૦૦ કરતાં વઘુ કલાકૃતિઓ ક્યાં છે ?
અફઘાનિસ્તાનના તાલિબાની મુસલમાનો પોતાને કટ્ટરપંથી મુસ્લિમ તરીકે ગણીને અફઘાની મુસલમાનો અને મહિલાઓ ઉપર ભલે ત્રાસ ગુજારતા હોય પણ એમના બાપદાદા ભારતના મુસલમાનોની જેમ હિન્દુ જ હતા. એ બધા વટલાયેલા હિન્દુઓ જ છે. કારણ કે... અફઘાનિસ્તાન એટલે કૌરવોની માતા, ઘૃતરાષ્ટ્રના પત્ની ગાંધારીનું પિયર ગાંધાર. જે સમ્રાટ અશોકનો શિલાલેખ આપણા જૂનાગઢમાં મળેલો છે એ અશોકનું સામ્રાજ્ય અફઘાનિસ્તાન અને એથી આગળ સુધી વિસ્તરેલું હતું જેના કારણે અફઘાનિસ્તાનમાં બૌદ્ધધર્મ ફેલાયેલો અને બૌદ્ધની વિશાળકાય (કર્ણાટકમાં બાહુબલીની ઊભી મૂર્તિ છે એવી ઊંચી) મૂર્તિ ઉપરાંત બીજી અનેક મૂર્તિઓ આખા અફઘાનિસ્તાનમાં પથરાયેલી હતી.
કટ્ટરપંથી તાલિબાનોએ મૂર્તિભંજક ઈસ્લામધર્મના નામે એ બધી મૂર્તિઓનો નાશ કરવા માંડ્યો અને બૌદ્ધની બામિયાનની જે ઊભેલી ભવ્ય મૂર્તિ હતી અને જેને યુનોનું રક્ષણ હતું એને પણ તોડીફોડીને ભુક્કા બોલાવી દીધા.
એ અફઘાનિસ્તાન અત્યારે તાલિબાનોના કારણે ગૃહયુદ્ધમાં બરબાદ થઈ રહ્યું છે. મુસલમાન જ મુસલમાનને મારી નાંખે છે. ત્યાં શાંતિ સ્થાપવા અમેરિકાનું લશ્કર છે અને એને વફાદાર સરકાર છે પરંતુ તાલિબાનો જેર નથી થયા.
એ તાલિબાનોએ ભારતીય સંસ્કૃતિને લગતી જે મૂર્તિઓ અફઘાનિસ્તાનમાં ઠેરઠેરથી દૂર કરેલી એ તસ્કરો ઉઠાવી ગયેલા. એ કલાકૃતિઓ પાછળથી બ્રિટનના કસ્ટમ વિભાગે અને લંડનની પોલિસે કબજે કરેલી જે લગભગ ૮૦૦ કરતાં વઘુ છે અને એ હિન્દુ દેવતાઓ, બૌદ્ધ, દેવીઓ વગેરેની છે. એમાં હાથીદાંડની બનેલી કલાકૃતિઓ પણ છે. અત્યારે એ બધી જ કલાકૃતિઓ લંડનના બ્રિટિશ સંગ્રહાલયમાં છે.

 

યુરેકા
મોનાલિસા કોણ છે એ હાથ લાગ્યું ?
પેરીસના સંગ્રહાલયમાં રહેલી મોનાલિસાની મહાન કલાકૃતિમાંની રમણીય રમણી કોણ છે, એના હાસ્યનું રહસ્ય શું છે, વગેરે સવાલો સેંકડો વર્ષથી થતા રહ્યા છે જેના જવાબ એ કૃતિને ૫૦૦ વર્ષ થયા છતાં જડ્યા નથી. ચિત્રકાર કલાસમ્રાટ લિયોનાર્દ દ વંિચીની એ મહાન કલાકૃતિની રમણી વિષે તાજેતરમાં નવું સંશોધન થયું છે.
ઈટલીના ફલોરેન્સના એક કોન્વેન્ટની ફર્શ પર પડેલી એક સંદૂકમાંથી એક હાડપીંજર મળ્યું છે જેને મોનાલીસા ચિત્ર માટે મોડેલ બનનાર મહિલા લિજા મેરાર્દિની માનવામાં આવે છે. એ લિજા રેશમી કાપડના એક મોટા ધનાઢ્‌ય વેપારીની પત્ની હતી. એનું મૃત્યુ ૧૫૪૨માં થયું હતું. એ નન બની ગઈ હતી.
એ હાડપીંજરના ડીએનએ વગેરે મેળવીને ફોરેન્સીક નિષ્ણાતો દ્વારા એનો ચહેરો બનાવાશે અને એ ચહેરાને વિન્ચીની મહાનકલાકૃતિ સાથે સરખાવાશે.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
દાઉદની પાર્ટીમાં ગયો હતો પરંતુ અંડરવર્લ્ડ સાથે સંબંધો નથી ઃ સંજય દત્ત
મલ્ટીપ્લેક્સમાં મરાઠી ફિલ્મ બતાવવા માટે શિવસેના અને મનસેનું દબાણ

વિલાસરાવના અવસાન સાથે જ સમગ્ર લાતુરમાં સ્વયંભૂ બંધ

અક્ષય કુમારે રાજેશ ખન્નાના પ્રશંસકોને આપી 'અનોખી ભેટ'
કલાકારોની નિર્માણ સંસ્થાઓ હવે નવા કલાકારોની શોધ ચલાવશે
સુનીલ શેટ્ટીની ૧૮ વર્ષની પુત્રી અથિયા અભિનયની કારકિદી શરૃ કરશે
કરણ જોહરની ફિલ્મમાં કરીના કપૂર અને હૃતિક રોશન સાથે આવે તેવી શક્યતા
બોબી દેઓલ- બિપાશા બાસુ ૧૧ વર્ષે ફરી સાથે કામ કરશે
દારૃની ૩૪૦ કરોડના એક્સાઈઝ ચોરી કૌભાંડની પુનઃ તપાસ સોંપાઈ
પુત્રનો જન્મદિવસ મનાવી પરત ફરેલા પિતાનું અપહરણ-લુંટ

બે યુવાનો ઉપર હુમલો કરનારા દિપડાને ગામલોકોએ પતાવી દીધો

ચવેલીની પરિણીતા પાસે રૃા ૨૦ લાખ દહેજ માંગી સળગાવી દેવાની ધમકી
દૂધ મંડળીના ૫.૪૦ લાખના ઉચાપત કેસમાં ગુનાની કબુલાત
સશસ્ત્ર પોલીસે અંકુશ ન રાખ્યો હોત તો ઘણા મોત થાત ઃ પોલીસ કમિશનર
આઝાદી દિનના આગલા દિવસે વિલાસરાવનો આત્મા શરીરના બંધનમાંથી આઝાદ
 
 

Gujarat Samachar Plus

અમે સાપ પકડવાને બદલે મહેનત કરવાનું શરુ કરી દીઘું
સાપુતારામાં મોન્સૂન છે પણ ફેસ્ટિવલ નથી
હિટ ફિલ્મ પછી ગિટારમાં ગીર્દી
સ્વતંત્રતાનો એ રણકો આજે પણ સચવાયેલો છે
મોન્સૂન મંત્ર ઉપવાસ કરો અને હેલ્ઘી રહો
વેસ્ટર્ન આઉટફિટમાં એઝટેક પ્રિન્ટની બોલબાલા
ગોલ્ડન કલરમાં મોર્ડન વેઅર
 

Gujarat Samachar glamour

શું શાહરૂખની ટીકા-ટિપ્પણી કરી ગોવંિદાએ ચમકવું છે ?
‘‘કેબીસી-૬’’નો ઓગસ્ટનાં છેલ્લા સપ્તાહમાં પ્રારંભ !
સારાને ઈન્ડસ્ટ્રીથી દુર રાખવા માંગુ છુ-સૈફ
શું કેટ સલમાનની ફક્ત ફ્રેન્ડ જ છે?
કેટરીનાએ જાહેરાતના સાત કરોડ લીઘા
અમિષા પટેલ -વિક્રમ ભટ્ટના અફેર ઉપર ફિલ્મ બનશે !
જન્માષ્ટમીને લીધે ‘‘કૃષ્ણ ઔર કંસ’’ કરમુક્ત કરાઈ !
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

Ravipurti In PDF

પૂર્તિઓ

 
 
Gujarat Samachar © 2012 All Rights Reserved