Last Update : 12-August-2012,Sunday

 

‘ગોલ્ડમેડલ સોનાનો નહંિ, પરસેવા-સંકલ્પ-હંિમતનો બને છે!’

સ્પેકટ્રોમીટર- જય વસાવડા
- ઓલિમ્પિકની સમાપ્તિ સમયે વિશ્વના મહાન સ્પોર્ટસ ચેમ્પીયનોના લાઇફલેસન્સ જેવા વિનંિગ કવોટ્‌સ

લંડન ઓલિમ્પિક શરૂ થવાના એક દિવસ અગાઉની સાંજે લંડન શહેરમાં ફરતા ફરતા ઓલિમ્પિકની આબોહવાથી ફેફસાં ફુલાવ્યા હતાં. માસ્કોટના મેજેન્ટા ગુલાબી રંગે રંગાયેલો એરપોર્ટ સ્ટાફ... ધરખમ કંપનીઓના તોતંિગ હોર્ડંિગ્સ... વિકાડેલી સર્કસથી ટ્રાફેલ્ગર સ્કવેર થઇ વેસ્ટમિનિસ્ટર એબી સુધી અનેક દેશોના લહેરાતા રંગબેરંગી ઘ્વજ... ઓલિમ્પિકની સોનેરી મશાલની પ્રતિકૃતિ સાથે તસ્વીર પડાવવા પડાપડી કરતા ચાહકો પર પડતી કેમેરાની રૂપેરી ફલેશલાઇટ્‌સ.... ટુરિસ્ટસનો માનવમેળો અને ગેઇમ્સ માટે સિકયોરિટીનો પહેરો...
આજે આ મહારમતોત્સવની પૂર્ણાહુતિ તમે વાંચતા હશે ત્યાં થઇ ગઇ હશે. મેડલ ટેલીમાં નેચરલી વઘુ વસતિવાળું ચીન હશે અને વઘુ સુવિધાવાળું અમેરિકા હશે. ઓછા વિસ્તાર અને ઓછા પૈસાવાળા દેશો ય હશે. ભારત તળિયે જઇ બેઠુ હશે. હવે અનેક વખત થઇ ચૂકેલી એના કારણો અને નિવારણોની ચર્ચા ફરી કરીને ઓલિમ્પિકના ઓવરડોઝ પછી ફરી માથું નથી દુખાડવું. પણ એક વાત જરૂર કરવી છે. વી નીડ ટુ બિલ્ટ સ્પોર્ટસ એટિટયુડ. ખેલની ખુશી, ખુમારી અને ખુદ્દારી. ક્રિકેટ તો આપણે ત્યાં કોમનમેન માટે ય સટ્ટાબાજીનો જૂગારી અખાડો છે. પણ રમતગમત એક સ્પેશ્યલ સ્ટ્રેન્થ માંગે છે. જે મેદાનમાં જ નહીં, માર્કેટમાં પણ ઉપયોગી થાય છે. ધ હંગર ફોર પાવર. જુસ્સા અને જોશની છલાંગ. વેલોસિટી ઓફ વિકટરી. તાકાત અને તરવરાટની દોટ. સ્પિરિટ ઓફ ફાઇટંિગ. જીતવાની જીજીવિષા.
જીંદગી એક સ્પર્ધા છે. હર એક શ્વાસ એક રેસ છે. લોહીમાં ઓકિસજન, રક્તકણો, શ્વેતકણો, હિમોગ્લોબીન સ્વીમંિગ કોમ્પિટિશન કરે છે. હાર્ટના સ્ટેડિયમમાં જમ્પંિગ ચેમ્પીયનશિપ રચાય છે. જઠર- આંતરડામાં ખોરાકનું જીમ્નાસ્ટિકસ ચાલે છે. આંખના પલકારાનું એથ્લેટિકસ છે અને બ્રેઇનના ન્યુરોન ઝબકારાની ટોર્ચ ઝળહળે છે. કિડનીનું મેરેથોન ફિલ્ટર ચાલે છે અને લીવરનું ફેટ સાથે બોકિસંગ. ચામડી પર સ્પર્શ વોલીબોલ રમે છે, અને કરોડરજજૂના મણકા પર પ્રેશરનુ શૂટંિગ થયા કરે છે. પેન્ક્રિયાસ સ્યુગર સાથે કુસ્તી કરે છે અને શિરા- ધમનીઓનું આખું સ્ટેડિયમ છે!...
ચાલો ઓલિમ્પિકના ઇતિહાસમાં અમર બનેલા ધમાકેદાર ખેલાડીઓના પાવર કવોટ્‌સ પર નજર નાખીને જીંદગીની રમતમાં ઝઝૂમવાની પ્રેરણા મેળવીએ, અને રમતના મેદાનમાં જીતવાનું મનોબળ! લેટ્‌સ લર્ન ફ્રોમ વિનર્સ એટિટયુડ!
નવ વખત ઓલિમ્પિક ગોલ્ડ જીતેલા અમેરિકન તૈરાક માર્ક સ્પિટ્‌ઝનું મેનેજમેન્ટના સેમિનાર્સમાં વિખ્યાત બનેલું કવોટ હતું ઃ ઇફ યુ ફેઇલ ટુ પ્રિપેર, યુ પ્રિપેર ટુ ફેઇલ! જો તમે તૈયારીમાં નિષ્ફળ જાવ છો, તો પછી નિષ્ફળતા માટે તૈયાર રહો! આર યુ રેડી ટુ લિસન ફ્રોમ ચેમ્પીયન્સ? ગેટ, સેટ, ગો!
* * *
(૧) ‘પ્રેશર એટલે મહાન તકોનો પડછાયો!’ (માઇકલ જોન્સન)
યસ, કોઇપણ અઘરૂં કામ સામે આવે એટલે એનું દબાણ ઉભું થાય છે. જેટલું કામ અટપટું કે અઘરૂં હોય, એટલું દબાણ વઘુ હોય. પણ એ જો પસાર કરો તો જવલંત સિદ્ધિની રોશનીમાં માથાબોળ ન્હાવા મળે! દરેક સફળતા પોતાનું પ્રેશર લઇને આવે છે, અંધારામાં એ હેન્ડલ કરે, એ અજવાળામાં જીતે છે!
(૨) ‘એથ્લીટ બનવું એટલે ૧૦ ગર્લફ્રેન્ડસ હોવી! તમારે બધીને ચાહવી પડે, અને એક પણ ગુમાવવી પોસાય નહંિ!’ (ડેલી થોમ્પસન)
એક જ પ્રકારનું કામ કરવાથી કે એક જ પ્રકારની કસરત કરવાથી પૂરો વિકાસ ન થાય. બોડી ફિટનેસ જાળવવી હોય તો ખોરાકમાં ઘ્યાન રાખવું પડે, પણ સાવ ડાયેટંિગ કરો તો ય, શરીર નબળું પડે. ઓવરઇટંિગ કરો તો ય ચરબી ચડે. કાર્ડિયો એકસેસાઇઝ કરવી પડે અને બોડીબિલ્ડંિગ પણ. દંડ પણ કરો, દૌડ પણ લગાવો. પગના સ્નાયુ પણ મજબૂત થવા જોઇએ અને કાંડાના પણ! એકને પરફેકટ કરતાં બીજું નબળું પડે એ ન ચાલે. એથ્લેટિક બોડીના એકે એક રિફલેકસીસ આંખથી આંગળીઓ સુધી રિધમમાં હોય છે! (અને એટલે જ આપણે ત્યાં એના રમતવીરો બહુ પાકતા નથી!)
(૩) ‘એક નંબર બનવું હોય તો, બે નંબર પર રહીને તાલીમ લેવી પડે!’ (મોરિસ ગ્રીન)
વેલ સેઇડ. એવરીવન વોન્ટસ ટુ બી નંબર વન. પણ એ માટે નંબર વનનો ઠાઠઠઠારો અને ગુમાન મૂકીને નંબર ટુ બનીને શીખવું પડે. જાણવા શીખવાની વૃત્તિને બદલે સામાને પાઠ ભણાવવાની એરોગન્સ ઠેર-ઠેર જોવા મળે છે. કોઇ કશું શીખવાડવા જાય, ત્યાં ઝૂકીને શિષ્યભાવે દલીલો કે તોફાનો વિના તાલીમ લેવી પડે. નંબર ટુ બની વઘુ વિદ્વાન કે સમર્થ માર્ગદર્શકનો પડયો બોલ ઝીલવો પડે, ધીરજ રાખીને ચીંધેલું તપ કરવું પડે. નંબર ટુની નમ્રતા અને અદબથી જે ઘડાય છે, એ જ નંબર વનનો તાજ પહેરે છે!
(૪) ‘હું આગ બનાવું છું. રોજ જયારે હું તૈયારી કરૂં છું કે તાલીમ લઉં છું, એમાં વઘુને વઘુ બળતણ હોમું છું અને છેલ્લે જયારે સ્પર્ધાની ઘડી આવે ત્યારે માચિસ પેટાવું છું!’ (મિયા હેમ)
ઘણાંખરા ભારતીય ખેલાડીઓ કે યુવાનોમાં આ જ અભિગમ ઘટે છે. કાં તો જોરમાં આવીને બધા શરૂઆતમાં જ એટલી સટાસટી બોલાવી દે છે કે પછી જયારે ખરી કસોટી આવે, હાંફી જાય છે, થાકી જાય છે. શકિતને સંકોરવાની છે, સાચવી સાચવીને સ્ટેપ બાય સ્ટેપ વધારતા જવાની છે. ધીમે ધીમે જયારે વિશાળ જથ્થો બને અને ખરી જરૂર પડે ત્યારે એનો ભડકો જલાવી બધાને આંજી દેવાના છે! આ એક રાતની વાત નથી. એમાં અનેક રાતોના ઉજાગરા જોઇએ!
(૫) ‘જયારે સૂરજ તપે છે, ત્યારે હું કંઇપણ કરી શકું છું. કોઇ પર્વત એટલો ઉંચો નથી કે ચડી ન શકાય. કોઇ પડકાર એવો નથી, જેને પહોંચી ન વળાય!’ (વિલ્મા રૂડોલ્ફ)
રોમમાં ૧૯૬૦માં ત્રણ ગોલ્ડ મેડલ જીતીને લીજેન્ડ બની જનારા એથ્લેટના આ શબ્દો પહેલી નજરે ઓવરકોન્ફિડન્સ લાગે, પણ સપનાનું ઉઘરાણી જેવું છે. લાખ માંગો તો પચ્ચીસ હજાર મળે! સૂરજ રોજે રોજ ઉગે છે અને તપે છે. મતલબ જેને આગળ વધવું જ છે, એના માટે કોઇ ખાસ દિવસ નથી. હર દિન, હર પલ એની સ્પોર્ટંિગ ઇવેન્ટ ચાલુ જ છે. બસ, ઉંડો શ્વાસ લો, જાત પર ભરોસો રાખો અને આંખમાં આંખ મિલાવી મુસીબતોને કહી દો- આ દેખેં જરા, કિસ મેં કિતના હૈ દમ! કમ ઓન, આઇ શેલ પંચ યુ ઓન ધ ફેસ.
(૬) ‘કયારેય તમારા સપનાઓ પર ઉંમરની સાંકળ ના બાંધો!’ (ડારા ટોરેસ)
આ ચાર ગોલ્ડ મેડલ જીતનાર અમેરિકન સ્વીમરે ૧૯૮૪ની લોસ એન્જલ્સ ઓલિમ્પિકમાં પહેલો ગોલ્ડ મેડલ જીત્યો હતો, અને ૨૦૦૦ની સિડની ઓલિમ્પિકમાં પુરા ૧૬ વરસ પછી (જે આજકાલ તો સ્પોર્ટસમાં જીતવાની ઉંમર ગણાય છે!) છેલ્લો ગોલ્ડ મેડલ મેળવ્યો! ધોળા વાળ થતાં હોય છે, રક્તવાહિની નહંિ! કરચલી ચહેરા પર પડતી હોય છે, હૃદય પર નહંિ! સ્ટે ફિટ, સ્ટે હિટ. ઉંમર ગમે તે હોય, સપના જોશો તો એ પૂરા કરવાનું અને પૂરા કરવા માટે જીવવાનું મન થયા કરશે!
(૭) ‘તમે સીધા જ બીજા માળે કૂદકો મારી શકતા નથી. એના માટે સીડીનું એક-એક પગથિયું ચડવું પડે છે. બહું ઉંચુ લક્ષ્ય રાખો અને એ પૂરૂં ન થાય, તો ઉત્સાહ કડવાશમાં ફેરવાઇ જાય છે! એવા નિશાન રાખો કે જયાં પહોંચી વળાય અને તબક્કા વાર એની ઉંચાઇ વધારતા જાવ. આ જ શિખર પર પહોંચવાનો રસ્તો છે!’ (એમિલ ઝાટોપેક)
આ છે બનાવટી મોટિવેટર અને અસલી ખેલાડી વચ્ચેનો તફાવત. ખોટા આંબા-આંબલી બતાવીને સકસેસના મેઇડ ટુ ઓર્ડર પડીકાં વેંચવાવાળાઓને બદલે ખરેખર નક્કર વિજેતાઓનું ઘડતર કરવાવાળા આવો વાસ્તવિક ડોઝ આપે છે. ગેઇમ્સ હોય કે લાઇફ, ટોપ પર પહોંચવા માટે ડિસિપ્લીન જોઇએ. ધીરજ અને મક્કમતાથી કામ કરવાનું તપ કરવું પડે. કોઇ જૂએ કે ન જૂએ, ટોકે કે ન ટોકે! એકસાથે હવાઇ કિલ્લાઓ ચણવાને બદલે એક પછી એક ઇંટ ગોઠવી ઇમારત બનાવવી પડે! રોજેરોજ જાતને થોડો ‘પુશ’ આપવો પડે.
(૮) ‘રમત એટલે રમત. આ મેદાનમાં બનતી ઘટના છે, હિસાબી બેલેન્સશીટમાં બનતી નહંિ!’ (સેબાસ્ટીયન કો)
ગમે તેટલું કમર્શિયલાઇઝેશન આવે, અંતે તો બઘું જ આર્થિક ફાયદાથી નહંિ થાય. અંદર પણ કશીક ક્ષમતા જોઇએ. ટેલન્ટ કે ફિટનેશ વિના ફકત પૈસા ખર્ચવાથી એથ્લેટ બનતા હોત તો બધા અબજપતિઓના સંતાનો ઓલિમ્પિક ગોલ્ડ મેડાલીસ્ટ હોત! સ્પર્ધામાં આગળ રહેવા ગમતી રમત રમો, મેદાનમાં પરફોર્મન્સ બતાવો એ મુખ્ય ઘ્યેય હોવું જોઇએ, વળતર તો એની બાયપ્રોડકટરૂપે આવે છે! કેવળ પૈસા પર નજર હશે, તો પછી ફોકસ સ્પોર્ટ પર નહંિ રહે, અને સરવાળે રમત જશે તો પૈસા પણ જશે! (કમાણી ખાતર જ ભણવા -ભણાવવાવાળાઓ... સાંભળો છો?)
(૯) ‘મને બધા પૂછે છે કે સ્પર્ધા સમયે મારા મનમાં શું ચાલે છે? હું જાણતો નથી. હું મારા શરીરને જે કરવું હોય એ કરવા દઉં છું, બસ!’ (ઇયાન થોર્પ)
વઘુ પડતાં ધાર્મિક પલાયનવાદને લીધે આપણી પ્રજા ફિલસૂફ થઇ ગઇ છે. ભગવાને બનાવેલા પોતાના જ શરીરને પ્રેમ કરી શકતી નથી. ભારતને રમતના મેદાનમાં સતત પછડાટો એટલે મળે છે કે ત્યાં બહુ બઘું લાંબુલચ વિચારવાનું નથી હોતું. ચુસ્ત તંદુરસ્ત ફુર્તીલા બદનને બચપણથી જ છુટું મૂકી દેવાનું હોય છે. એરિક લિડેલ નામનો બ્રિટિશ એથ્લીટ કહેતોઃ ઇશ્વરે મને ઝડપી જ બનાવ્યો છે, અને હું જયારે દોડું છું, ત્યારે ભગવાનનો આનંદ અનુભવી શકું છું! યસ, લવ યોર બોડી. ઉપરવાળો પણ તમે એની પાસેથી કામ લેતા હશો, એ જોઇ રાજી થશે. બહુબધા વિચારો કરવાવાળો રાઇટર બની શકે, રેસંિગ રનર નહંિ! રમતી વખતે વિચારો નહંિ, શરીરને સ્પર્શતા પવનને અનુભવી અંદર ઉતારો. વેલેરી બોર્ઝોવ નામની સોવિયેત એથ્લીટના મતે મેદાનમાં માઇન્ડ કંટ્રોલ એ ટેલન્ટ એન્ડ હાર્ડવર્ક જેટલું જ જરૂરી છે.
(૧૦) ‘મારામાં અને બીજા ખેલાડીઓમાં ફરક એ છે કે એ લોકો સ્પર્ધામાં ભાગ લેવા જાય છે. હું સ્પર્ધા જીતવા જાઉં છું!’ (ડેવિડ બેડફોર્ડ)
કીલર ઇન્સ્ટંિકટ. દુનિયા પર છવાઇ જવું હોય તો સુષ્ઠું સુષ્ઠું પોચકાં ન ચાલે. બધા જીતી ન શકે. ફાઇન. પણ આપણે ત્યાં તો હારને સ્વીકારી જીતની તૈયારીને બદલે આશ્વાસનો આપીને હારને શણગારવાનો ગૃહઉદ્યોગ ચાલે છે. લાઇફ ઇઝ ટફ. એમાં કોઇ બચાવ ન ચાલે. માઇકલ જહોન્સન જ કહેતો કે ‘ગોલ્ડ મેડલ કોઇ એકને હરાવવાથી નથી મળતો, તમામને હરાવવાથી મળે છે!’ આપણે જીતીને આરામ કરવાની ટેવવાળા છીએ. જેટલી વાર મેદાનમાં ઉતરીએ ત્યારે આપણો કર્મયોગ ‘યુદ્ધસ્વ’નો જ હોવો જોઇએ. હશે, ચાલશેવાળી એટિટયુડથી સુપરપાવર નથી બનાતું. સિકંદર બનવું હોય તો વિજય એ જ અંતિમ લક્ષ્ય જોઇએ!
(૧૧) ‘જો તમે સાચી રીતે જીતી શકતા નથી, તો તમે જીતવાને લાયક નથી!’ (સ્ટીલ બિશપ)
એ પર્સનલ ફેવરિટ કવોટ! જીતવા માટે બઘું જ કરી છૂટવું, પણ ફ્રી એન્ડ ફેઅર પ્રેકટિસ. અંચઇ કરીને જીતનારો વિનર બનતો હશે, ચેમ્પીયન નહંિ! મેનિપ્યુલેશન કરીને, ટોળકી જમાવીને કોઠાકબાડા કરીને, ખોટા રસ્તે કે ચાપલૂસી અને ખટપટથી જીતવું એ સ્પોર્ટ નથી. પોલિટિકસ છે, ટ્રિકબાજીથી જીતનારાને દુનિયા મોડી ઓળખે, પણ એ તો અંદરથી જાણે જ છે કે આ જીતની જીદમાં ગોલ્ડનો ગિલેટ છે! મેરી લો રોટન નામની જીમ્નાસ્ટને યાદ કરવા જેવી છે. એ કહેતીઃ ટ્રોફી પર તો ઘૂળ જામી જાય છે, પણ યાદો તાજી રહે છે! બાળકોને રમવાની ભૂલભૂલામણીમાં એક ઉંદર ચીતરેલો હોય અને વચ્ચે ચીઝનો ટુકડો હોય, જયાં પહોંચવાનું હોય! ઓલિમ્પિયન મેટ બિયોન્ડી કહી ગયો છે કે એવી ‘મેઝ’ને ક્રોસ કરી સેન્ટર પોઇન્ટ પર પહોંચવાનું મહત્વનું છે, ત્યાં પડેલું ચીઝ (વાંચો, ફાયદો) નહંિ!
(૧૨) ‘જો તમને એની મજા ન પડતી હોય, તો એ કરતા નહંિ. જીંદગી બહુ ટૂંકી છે!’ (ડેબી મેયર)
યસ. સ્પોર્ટ ઇઝ ઇન ફર્સ્ટ. વિન એટ લાસ્ટ. જો રમતને પ્રેમ કરો તો જ ફન આવે, મેડલને પ્રેમ કરો તો નહંિ. શેનોન મિલરની કેવી મસ્ત ટિપ છે, ઓલિમ્પિક જ નહંિ પણ લાઇફની હર્ડલ રેસ માટે! ફકત મેડલ્સ કે તાળીઓ માટે જ રમવા ન જાવ, પણ એટલે રમવા જાવ કે રમવામાં મજા પડે! એ રીતે પરિણામ કંઇપણ આવે તમે જીતેલા જ છો! યે હુઇ ન બાત. એમિલ ઝાટોપેકની પણ અનુભૂતિ આવી જ છેઃ જીતવું જ હોય તો ૧૦૦ મીટરની રેસમાં ઉતરો, પણ અનુભવ લેવો હોય તો મેરેથોનમાં ઉતરો! અને રમવાનો આનંદ છે, માટે જ રમત સહુ કોઇને સદીઓથી બેહદ પસંદ છે. લાઇફ ઇઝ સ્પોર્ટ, લેટ્‌સ એન્જોય ઇટ! ડોન્ટ બી ઓલ્ડ, ગો ફોર ગોલ્ડ!
ફાસ્ટ ફોરવર્ડ
‘કોઇ બાબતની લિમિટ હોતી નથી. લોકોને ભલે અશકય લાગે બસ કલ્પના શકિત જોઇએ નવા સપનાઓ માટે!’ (સૌથી વઘુ મેડલ્સ સાથે ગ્રેટેસ્ટ ઓલિમ્પિયન બની ૨૭ વર્ષે જ ટોચ પર નિવૃત્ત થનાર તેજસ્વી તૈરાક, પાણીદાર પ્રતિભા માઇકલ ફેલ્પ્સ)

Share |
 

Gujarat Samachar Plus

અમે સાપ પકડવાને બદલે મહેનત કરવાનું શરુ કરી દીઘું
સાપુતારામાં મોન્સૂન છે પણ ફેસ્ટિવલ નથી
હિટ ફિલ્મ પછી ગિટારમાં ગીર્દી
સ્વતંત્રતાનો એ રણકો આજે પણ સચવાયેલો છે
મોન્સૂન મંત્ર ઉપવાસ કરો અને હેલ્ઘી રહો
વેસ્ટર્ન આઉટફિટમાં એઝટેક પ્રિન્ટની બોલબાલા
ગોલ્ડન કલરમાં મોર્ડન વેઅર
 

Gujarat Samachar glamour

શું શાહરૂખની ટીકા-ટિપ્પણી કરી ગોવંિદાએ ચમકવું છે ?
‘‘કેબીસી-૬’’નો ઓગસ્ટનાં છેલ્લા સપ્તાહમાં પ્રારંભ !
સારાને ઈન્ડસ્ટ્રીથી દુર રાખવા માંગુ છુ-સૈફ
શું કેટ સલમાનની ફક્ત ફ્રેન્ડ જ છે?
કેટરીનાએ જાહેરાતના સાત કરોડ લીઘા
અમિષા પટેલ -વિક્રમ ભટ્ટના અફેર ઉપર ફિલ્મ બનશે !
જન્માષ્ટમીને લીધે ‘‘કૃષ્ણ ઔર કંસ’’ કરમુક્ત કરાઈ !
 
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved