Last Update : 10-August-2012, Friday

 
દારાસિંહ એના વખતમાં બઘા જ અભિનેતાઓ કરતાં વધારેમાં વધારે મહેનતાણું મેળવતા હતા !

- અમિતાભના ‘‘જલસા’’ બંગલાની દિવાલ ઉપર દારાસંિહનો ફોટો લટકે છે- કુશ્તીની ૫૦૦ કરતાં વઘુ સ્પર્ધા લડેલા
- મુંબઈના અડધા કરતાં વઘુ થિએટરોમાં દારાસંિહની ફિલ્મો ધમધોકાર ચાલતી
- ભારતની પ્રાચીન મલ્લયુઘ્ધ વિદ્યાને એમણે પ્રતિષ્ઠા અપાવી
- દારાસંિહ દીલના બાદશાહ હતા

ધર્મેન્દ્ર ફિલ્મોમાં કામ મેળવવા જ્યારે સંઘર્ષ કરી રહ્યો હતો ત્યારે નિર્માતા સુબોધ મુખર્જીએ (હવે વિલાતી જતી આજની અભિનેત્રી રાની મુખર્જીના વડીલ કાકા દાદા) એની મજાક કરતા કહેલું કે, ‘‘અમારે ફિલ્મના હીરોની જરૂર છે, હોકીના ખેલાડીની નહીં.’’
પછી હિન્દી ફિલ્મોમાં ‘‘હી-મેન’’ (એટલે પહેલવાન જેવો) તરીકે ઓળખાતા ધર્મેન્દ્રએ પોતાના સંઘર્ષના એ દિવસો યાદ કરતા કહેલું કે, ‘‘અસલી હી-મેન તો દારાસંિહજી છે...’’
સ્વર્ણ મંદિરના પવિત્ર શહેર અમૃતસરની નજીક આવેલા ધરમૂચક નામના ગામડામાં ૧૯ નવેમ્બર ૧૯૨૮ના દિવસે જન્મેલા અને ૧૨ જુલાઈ ૨૦૧૨ના રોજ મુંબઈ હોસ્પીટલમાંથી જૂહુ પરના પોતાના ઘરે અવસાન પામનાર, ખેડૂત સુરતસંિહ રંધાવા અને બલવંત કૌરના મૂખ દીદારસંિહ નામમાંથી દારા સંિહ નામ પામેલ પુત્રે જ્યારે કુશ્તીમાંથી કલાકાર બનવા ફિલ્મોમાં પ્રવેશ કર્યો ત્યારે આપણો દેશ ચીન સામેની લડાઈમાં તાજો જ હારેલો હતો અને દેશમાં વ્યાપેલી હતાશાને ભૂલાવીને દેશની શક્તિ સંપન્નતા દેખાડવાની જરૂર હતી જે માટે દારાસંિહથી વઘુ યોગ્ય વ્યક્તિત્વ ત્યારે નહોતું.
દીદારસંિહ નાનપણથી જ શરીરે હ્રષ્ટપુષ્ટ હતો. એટલે પિતાએ એને ખેતીના કામમાં લગાવ્યો જ્યારે એનો નાનો ભાઈ સરદારાસંિહની ભણવામાં રૂચિ જોઈને એને સ્કુલમાં દાખલ કરેલો.
પાકને ઝડપથી કાપવાનો રેકર્ડએ દિવસોમાં દારાસંિહે જે કરેલો એ પંજાબમાં આજદિન સુધી અતૂટ રહ્યો છે.
ખેતી કરવા સાથે એ કુશ્તીમાં પણ રસ લેતો હતો. એ વર્ષોમાં બેંગકોક, કુઆલામ્પુર વગેરે શહેરો હજી ઊભા થતા હતા. જ્યારે સંિગાપુર ઊભું થઈ ગયું હતું. એટલે ત્યાં નોકરી કરવા એના કાકા એને સંિગાપુર લઈ ગયા.
સંિગાપુરમાં કુશ્તીના કાર્યક્રમ નિયમીત ચાલતા હતા એટલે કુશ્તીના શોખીન દારાસંિહે એક કુશ્તી હરિફાઈમાં ભાગ લીધો અને એમાં જાણીતા વિદેશી પહેલવાનને ચિત્ત કરી દીધો એટલે બધાએ સલાહ આપી કે, ‘‘તારા માટે પહેલવાનગીરી વઘુ સારી છે.’’ એને દૂધ, પિસ્તા, બદામ, ઈંડા ખવડાવવાની જવાબદારી બધા પ્રશંસકોએ લઈ લીધી પરિણામે સંિગાપુરમાં મોટા મોટા નામોવાળા પહેલવાનોને ઘૂળ ચાટતા કરીને ફ્રીસ્ટાઈલ કુશ્તીના સેંકડો મુકાબલા કર્યા.
ભારત પાછા ફર્યા એટલે ત્યારે મોટા ભાગે પારસીઓ કુશ્તીની સ્પર્ધાના કાર્યક્રમો રાખતા હતા... એટલે દારાસંિહને ઓફરો કરી.
શીખ હોવાના કારણે દાઢી, માથે લાંબા વાળ અને પાઘડી એમને રાખવા પડતા હતા પણ કુશ્તીમાં એ અડચણરૂપ થવા લાગેલા. અંતે કુશ્તી સ્પર્ધાના આયોજકોના કહેવાથી એમણે માથા અને દાઢીના વાળ કાઢી નાંખ્યા. ‘‘દારાસંિહ’’ નામ રાખવાની સલાહ પણ એમણે આપી એટલે દીદારમાંથી દારા થઈ ગયા.
૧૯૫૦ના દસકામાં કુશ્તીની સ્પર્ધાઓ આખા મનોરંજનના ફિલ્મ કે રેડિયો સિવાય બીજા સાધનો નહોતા. દારાસંિહ મુંબઈથી દિલ્લી, બનારસ, લખનૌ, કાનપુર, કલકત્તા, ઈંદોર, સુરત, વડોદરા એમ આખા દેશમાં ફરતા અને પહેલવાનોને ઘૂળ ચાટતા કરતા. ફ્રી સ્ટાઈલ કુશ્તી થતી. એની સ્પર્ધાના કાર્યક્રમો હાઉસફુલ રહેતા. (આજે પણ ટીવી પર જેમ ક્રિકેટની ખાસ ચેનલો ચોવીસે કલાક ચાલે છે એમ કુશ્તીની પણ કેટલીક ચેનલો ચોવીસ કલાકની ચાલે છે. એ કુશ્તી પણ ક્રિકેટની વગેરેની જેમ ‘‘ફીક્સીંગ’’ જ હોય છે છતાં ચાલે છે !) દારાસંિહ આંતરરાષ્ટ્રીય કક્ષાના પહેલવાનોને પોતાની સાથે રાખતા. ઈંદોરમાં તો એમણે પહેલવાનોને તાલીમ આપવાના વર્ગો રાખેલા. ડબલ્યુ ડબલ્યુ એફ ઈ (એટલે વર્લ્ડ વ્રેેસ્ટલંિગ ફેડરેશન એન્ટરટેઈનમેન્ટ) જેમ જ એમનો પ્રચાર થતો. ‘‘એ દારા, તું ક્યાં ભાગી જાય છે ? હું તને ફાડી નાંખીશ’’ ‘‘દારા, તું ક્યાં જાય છે ?, અહીં આવ, તને દરિયામાં ફેંકી દઈશ,’’ જેવા વાક્યોનો પ્રચાર થતો.
દારાસંિહનો સૌથી મોટો હરિફ એ જમાનાનો વિશ્વનો મોટા દાનવ જેવો કીંગકોગ હતો. કીંગ કોંગ અને દારાસંિહની જ્યાં હરિફાઈ થતી ત્યાં ખળભળાટ મચી જતો.
એવા કીંગ કોંગને ઊચકીને માથા ઉપર ચક્કર ચક્કર ઘુમાવીને પોતાના કરતાં બે-ત્રણ ગણા વઘુ વજનવાળા એ પહેલવાન કીંગ કોંગને રીંગની બહાર ફેંકવા એ જેવી તેવી વાત નહોતી.
૧૯૫૦ના દશકાના છેલ્લા મહિના હતા. કુશ્તીના જ્યાં વઘુ અખાડા છે એવા ઉત્તર પ્રદેશના બનારસમાં કીંગ કોંગ સાથે દારાસંિહની કુશ્તી હતી. કીંગ કોંગને હરાવ્યો પછી ‘‘ટાઈગર’’ જોગંિદર સંિહ આવ્યો. ત્યારે ‘‘એટમ બોમ્બ’’ નામનો એક પહેલવાન હતો. એટમ બોમ્બ એટલે વિનાશ. એને પણ દારાએ પછાડેલો.
દારાસંિહ ‘‘સફળતાના’’ પર્યાય બની ગયા હતા. તેઓ દૂરંદંશી હતા. એમણે સમયને પારખી લીધો હતો. ડબલ્યુ ડબલ્યુ એફ આઈ નાજનક સાચા અર્થમાં દારાસંિહ છે.
ટાઈગર જોગંિદર સંિહને ઘૂળ ચાટતા કર્યા પછી એમણે ‘‘રૂસ્તમે હંિદ’’નો ઈલ્કાબ ૧૯૫૪માં જીત્યો ત્યારે ફિલ્મોના નિર્માતાઓનું એમની તરફ ઘ્યાન ગયું. પ્રેક્ષકોને આકર્ષવા માટે ફિલ્મોમાં જેમ કવાલી, નૃત્યો વગેરે રાખવામાં આવે છે એમ દારાસંિહની કુશ્તી અને રીંગના દ્રશ્યો ફિલ્મમાં લેવાનો પહેલો વિચાર અને આચાર દિલીપકુમાર અને મઘુબાલાવાળી ફિલ્મ ‘‘સંગદીલ’’માં તથા કિશોરકુમાર અને વૈજયન્તીમાલાની ફિલ્મ ‘‘પહેલી ઝલક’’માં થયો. એ રીતે બીજી કેટલીક ફિલ્મોમાં પણ એમના દ્રશ્યોના ટુકડા લઈને નિર્માતાઓ કમાણી કરવા લાગ્યા અને દારા સંિહને પ્રસિઘ્ધિ મળવા લાગી.
દરમ્યાનમાં ૧૯૬૨માં એમને ‘‘કીંગ કોગ’’ ફિલ્મમાં અભિનય કરવાની તક મળી અને એમનું નસીબ એકદમ પલટાઈ ગયું.
એ ફિલ્મના નિર્માતાએ જ્યારે દારાસંિહને કહેલું કે, એ તેને એક્ટીંગ માટે લેવા માંગે છે ત્યારે દારા સંિહે કહેલું કે, ‘‘મેં આજ સુધી એક પણ ફિલ્મ જોઈ નથી, પછી એક્ટીંગ હું કઈ રીતે કરીશ ?’’
‘‘આપ એની ફીકર ન કરો.... ફિલ્મના દિગ્દર્શક બાબુભાઈ મિસ્ત્રી છે જે આવા કામના અનુભવી છે.’’
‘‘કીંગ કોંગ’’ ફિલ્મનું કામ દારાસંિહને સારું લાગ્યું અને પૈસા પણ ઘણા મળતા હતા. મૂળ વાત એ હતી કે દારાસંિહે જોયું હતું કે પહેલવાનો પાસે ઘડપણમાં દવાના પણ પૈસા નથી હોતા એટલે એમને કુશ્તીબાજમાંથી કલાકાર બનવાનું ‘‘રિસ્ક’’ જોખમ ઉઠાવવાનું ઠીક લાગ્યું.
એ જોખમ એમને ફાયદાકારક રહ્યું. સાઠના દસકામાં ‘‘કીંગકોંગ’’ ફિલ્મની સફળતાએ ફિલ્મોમાં એક નવો ટ્રેન્ડ શરૂ થયો. એમની હીરોઈન જે પાછળથી રાજેશ ખન્નાની હીરોઈન રહેલી એ મુમતાજ હતી. મુમતાજ સાથે એમણે ૧૪ ફિલ્મો કરેલી. સાઠના દસકામાં એક સમય એવો હતો કે મુંબઈના અડધા થિએટરોમાં દારાસંિહની ફિલ્મો ચાલતી હોય અને એ પણ હાઉસફુલ ! એ જ રીતે એ જમાનામાં એ બધા કરતાં વઘુ રૂપિયા એક ફિલ્મના મેળવતા હતા... રૂપિયા ૪ લાખ ! જ્યારે એની સાથે મુમતાજને રૂપિયા ૨ લાખ ૫૦ હજાર મળતા. (૬૦ વર્ષ પહેલાંની વાત છે)
દારાસંિહે લગભગ ૧૫૦ ફિલ્મોમાં કામ કર્યું જેમાં કીંગકોંગ, રૂસ્તમે બગદાદ, ફૌલાદ, સેમસન, આયા તુફાન, હરક્યુલસ, વીર ભીમસેન, શેરદીલ, બોક્સર, રાકા, લૂટેરા, સંિકદરે આજમ, સરદાર, નસીહત, તૂફાન, બલરામ શ્રીકૃષ્ણ. ચીફ ઓફ બગદાદ, રૂસ્તમ, બજરંગ બલી, ગુરૂ સુલેમાન ચેલા પહેલવાન, ચંબલકી રાની, રાખી ઔર રાઈફલ વગેરે.
આ ફિલ્મો એકશન, પૌરાણિક ધાર્મિક વગેરે પ્રકારની છે. એ પછી ઉંમર થતા એમણે ચરિત્ર ભૂમિકાઓ કરવા માંડી. પ્રેમ દિવાને, પ્રતિજ્ઞા, ધર્મસંકટ, કલ હો ન હો, બોર્ડર હિન્દુસ્તાન કા, શરાર, ફર્જ, દિલ્લગી, જુલ્મી, કહર, જબ વી મેટ વગેરે.
તેઓ પોતે કહે છે કે, ફિલ્મોએ એમને ઘણું આપ્યું. એમનું અસ્તિત્વ જ ફિલ્મોના કારણે છે તેઓ આજે જે કંઈ છે એ ફિલ્મોના કારણે છે. એમના શબ્દોમાં કહીએ તો.... ‘‘એ સાચું કે મેં મારા કેરીઅરની શરૂઆત ફ્રી સ્ટાઈલ કુશ્તીથી કરી પણ મારા જીવનની સફળતા એકટીંગના કારણે છે. બાજપેયી સરકારે મને રાજ્યસભાનો સભ્ય બનાવ્યો ત્યારે મેં મારી એ જવાબદારી પૂરેપૂરી નિભાવેલી.’’
એની ફિલ્મો મારામારીની હતી છતાં એમાં ગાયનો સંગીતમય રહેતા. ચિત્રગુપ્ત, એન. દત્તા, હંસરાજ બહલ, એસ.એન. ત્રિપાઠી, સી. રામચન્દ્ર, લક્ષ્મીકાંત પ્યારેલાલ જેવા સંગીતકારો એમની ફિલ્મોના હતા. લક્ષ્મીકાંત પ્યારેલાલે ‘‘લુટેરા’’, આયા તુફાન, હમ સબ ઉસ્તાદ હૈ વગેરે ફિલ્મોમાં કર્ણપ્રિય ગાયનો આપેલા.
ગુણવંત છો. શાહ

 

કોકટેલ
કેટરીના કૈફની મુઠ્ઠીમાં પાંચ પાંચ ખાન!
૧૬ જુલાઈએ ૨૮ વર્ષની થયેલી કેટરીના કૈફની સાથે પાંચ પાંચ ખાન અભિનય કરતા હોય એવી ઇર્ષ્યા ઉપડાવનારી આજકાલ સ્થિતિ છે. એ રીતે કેટરીના પોતાની કારકીર્દિ શ્રેષ્ઠ સમયમાંથી પસાર થઈ રહી છે. એ ‘એક થા ટાઈગર’માં સલમાનખાન સાથે આવી રહી છ તો શાહરૂખાન સાથે બીજી એક ફિલ્મમાં કામ કરી રહી છે. આમીરખાન સાથે ઘૂમ-૩માં છે જેનું શુટીંગ શરૂ થવામાં છે.
આ ઉપરાંત સૈફ અલીખાને પણ એની સાથે કામ કરવાની ઇચ્છા વ્યક્ત કરી છે અને એ મિલન લુથરિયાની આગામી ફિલ્મમાં એની સાથે કામ કરશે. જોકે એ ‘રેસ-૨’માં એની સાથે કામ કરે જ છે.
પાંચમાં ખાન ઈમરાનખાન સાથે પણએ કામ કરી ચુકી છે.
હિન્દી ફિલ્મ ઉદ્યોગ અત્યારે આ ત્રણ ખાનોના ખભા ઉપર જ ઊભેલો છે.
કેટરીના ૨૦૦૩માં જ્યારે ‘બૂમ’ ફિલ્મથી પ્રવેશેલી ત્યારે ટીકા થતી હતી કે આ વિદેશી છોકરી શું કરી શકવાની?

 

બોલો, લ્યો !
માલિક કરતાં કર્મચારીનો પગાર વઘુ !
આઈ ટી વિભાગની પ્રતિષ્ઠિત વિશ્વ પ્રસિઘ્ધ કંપની વિર્પોના માલિક આપણા કચ્છી માંડુ અને કંપનીના ચેરમેન અજીમ પ્રેમજીનો પગાર ગયા વર્ષે લગભગ એક તૃતિયાંશ ઓછો થયો હતો જ્યારે એ દરમ્યાન કંપનીના મુખ્ય અધિકારી ટી.કે. કુરિયનનો પગાર પાંચ ગણો વઘ્યો છે.
પ્રેમજીભાઈનો ગયા વર્ષે પગાર રૂપિયા ૨,૮૦,૦૦,૦૦૦ હતો જ્યારે આ વર્ષે એ ઘટીને રૂપિયા ૧,૯૦,૦૦,૦૦૦ થઈ ગયો.
બીજી બાજુ કુરિયનનો પગાર વર્ષનો રૂપિયા ૪,૫૦,૦૦,૦૦૦ પહોંચેલો.
એમની પહેલાં સુરેશ વાસવાની કંપનીના સીઈઓ હતા જેમનો વાર્ષિક પગાર રૂપિયા ૧૦,૨૦,૦૦,૦૦૦ હતો અને ગિરિશ પરાંજયેનો પગાર રૂપિયા ૮,૯૦,૦૦,૦૦૦ હતો.

 
Share |

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
આજે ડાકોર મંદિરમાં કૃષ્ણ જન્મોત્સવની ધામધૂમથી ઉજવણી
નર્મદાએ ભરૃચમાં ગોલ્ડન બ્રિજ ખાતે ભયજનક સપાટી વટાવી

મચ્છુ ડેમ તુટવા પાછળનુ સાચુ કારણ આજે પણ સરકારે લોકોને આપ્યુ નથી

પારડીમાં ૬ કલાકમાં ૬.૨૫, કપરાડામાં ૬.૬૪ ઇંચ વરસાદ
ગુજરાતની આગામી ચૂંટણીમાં અમેરિકા પણ રસ દાખવે છે

ભારે વરસાદથી ચીનની ગ્રેટ વોલનો કેટલોક ભાગ તૂટયો

પોતાની સામે ન હસતી પુત્રીની પિતાએ હત્યા કરી
બ્રિટનમાં ૧૨ વર્ષીય મરણોન્મુખ કિશોરના મેકઅપના ટયુટોરીયલ્સ લોકપ્રિય
રામદેવના સાથી બાલકૃષ્ણની તસ્વીર શહીદો સાથે મુકાતાં વિવાદ
ફિઝાના નિવાસસ્થાનેથી એક કરોડની રોકડ અને ઘરેણાં મળી આવ્યા

સેનાના અન્ય જવાનો અને અધિકારીઓ વચ્ચે ઉગ્ર બોલાચાલી

રામલીલા તો દર વર્ષે થાય છે ઃ સલમાન ખુર્શીદ
મુંબઈમાં એચ-૧ એન-૧ના દરદીની સંખ્યામાં ભયજનક હદે વધારો
IIP ૧.૮% નેગેટીવઃ સેન્સેક્ષનો ૧૦૨ પોઈન્ટનો સુધારો ધોવાઈ ૪૦ પોઈન્ટ ઘટીને ૧૭૫૬૧
ચાંદીના ભાવો વધુ રૃ.૨૮૫ ઉછળી રૃ.૫૪ હજાર કુદાવી ગયા ઃ સોનામાં પણ ચમકારો
 
 

Gujarat Samachar Plus

અમે સાપ પકડવાને બદલે મહેનત કરવાનું શરુ કરી દીઘું
સાપુતારામાં મોન્સૂન છે પણ ફેસ્ટિવલ નથી
હિટ ફિલ્મ પછી ગિટારમાં ગીર્દી
સ્વતંત્રતાનો એ રણકો આજે પણ સચવાયેલો છે
મોન્સૂન મંત્ર ઉપવાસ કરો અને હેલ્ઘી રહો
વેસ્ટર્ન આઉટફિટમાં એઝટેક પ્રિન્ટની બોલબાલા
ગોલ્ડન કલરમાં મોર્ડન વેઅર
 

Gujarat Samachar glamour

શું શાહરૂખની ટીકા-ટિપ્પણી કરી ગોવંિદાએ ચમકવું છે ?
‘‘કેબીસી-૬’’નો ઓગસ્ટનાં છેલ્લા સપ્તાહમાં પ્રારંભ !
સારાને ઈન્ડસ્ટ્રીથી દુર રાખવા માંગુ છુ-સૈફ
શું કેટ સલમાનની ફક્ત ફ્રેન્ડ જ છે?
કેટરીનાએ જાહેરાતના સાત કરોડ લીઘા
અમિષા પટેલ -વિક્રમ ભટ્ટના અફેર ઉપર ફિલ્મ બનશે !
જન્માષ્ટમીને લીધે ‘‘કૃષ્ણ ઔર કંસ’’ કરમુક્ત કરાઈ !
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved