Last Update : 08-August-2012, Wednesday

 

સમાજ કો ખુબસુરત મોડ દો

ખબરે પાકિસ્તાન
 

કબુલ કે સમાજમાં કોઇ કસૂર નથી. ફીર ભી એક પાક હસ્તીએ અન-અધિકૃત (અનઓથોરાઇઝડ) હરકત કરી છે. કોઇ આલિયા, માલિયા યા ઇવન જમાલિયાએ આવી અન-છાજતી (UN-BECOMING) ચેષ્ટા કરી હોત તો ચપટી મિટ્ટી નાખી, બહુ બહુ તો ઉર્દુ અખબારી આલમે તંત્રી સ્થાનેથી એની તેજાબી ટીકા કરી હોત. એ મુંહ ઓર મસુર કી દાલ કહીને પાક હાસ્યકારે એની કોલમીયા મજાક ઉડાવી હોત. મગર થયું આગે સે ચલ્યુ આતું. બોલે તો બિલકુલ ઉલટુ. કારણ કે સમાજ કો ખુબસુરત મોડ દેવાની હાકલ ચાચા ચૌધરીે કરી છે. આપ પાક સુપ્રિમ કોર્ટના ચિફ જસ્ટીસ છે. ચૌધરી ઇફિતીખાર મહમદ, સમાજે આપનું શું બગાડયું છે એ અંગે કોઇ રોશની નથી ડાલી. નથી ખુબસુરત યા ઇવન અન-તુરંત (ફુરસદી) મોડ આપવાનો તરીકો સૂચવ્યો. આ તો નેતાવાળી થઇ કહેવાય. 'દુનિયા કો બદલ ડાલો' એવી હાકલ હર હરામખોર નેતો કરે છે. મગર આજ તક કોઇ નામાકુલ નેતાએ દુનિયાને બદલી નાખવાની રીત બતાવી નથી. ખ્યાલ રહે કે ઇવન 'જખ્મેયાર' જેવી મલમ પટ્ટીના પેકેટમાં 'તરીકા-એ-ઇસ્તમાલ' બોલે તો ઉપયોગ કરવાની રીત બે ભાષામાં- ઉર્દુ અને અંગરેઝીમાં હોય છે.
ઇસ્લામાબાદના જનાબ જાણભેદુ જણાવે છે કે ચાચા ચૌધરીની હાકલ સુનીને પાક સમાજને હસવં તક નથી આવ્યું ત્યાં હલી જવાની લુંગી કયાં ફાડવી ? એકચ્યુલી તોડ દો યા મોડ દોની બોમાબોમ સુની સુનીને સમાજના કાન પાકી ગયા છે. મજકુર વજહથી જ શાયદ સમાજ પકાઉ (BORS) બન્યો છે. જનરલી હાકલ, પડકાર, ઘોષમા અનુરોધ અને ઇવન ઇત્યાદી કરવાનું કામ નેતા લોગનું છે. ચાચા ચૌધરીએ એમના કાર્યક્ષેત્રમાં (ખેતરમાં) યંત્ર અડાડી છે. કહીં આપ રાજકારણના ફિલ્ડમાં ભેલાણ કરવાની ફિરાકમાં છે ? માન્યુ કે પાક સિયાસત બેવા (વિધવા) ખાલાનું ખેતર છે. એટલે શું કોઇબી બિન-આખલો એમાં પેસીને યા પડીને અલમસી બની શકે ? યાદ રહે કે ખેતરમાં ચરી ખાવાનો સિર્ફ આખલાને જ અધિકાર છે. યે પોઇન્ટ નોટ કિયા જાય યોર ઓનર કે ચાચા ચૌધરી અલ-મસ્તીનો દાખલો બેસાડે એવો આખલો નથી. શું આપે સુપ્રમ કોર્ટના ચિફ જસ્ટીસની રૃએ હાકલ કરી છે ? જો એવું જ હોય તો ચાચા ચૌધરીે હોદ્દાનો દુરુપયોગ કર્યો કહેવાય. ભૂલ-ચૂક માફ.
પાક ન્યાય તંત્રમાં જબરુ રાજકારણ ચાલે છે. નામદાર ન્યાયમૂર્તિઓ રાજકારણના આટા-પાટા ખેલવામાં એટલા વ્યસ્ત એવમ મસ્ત રહે છે કે વકીલ બિરાદરીને બખ્ખા થયા છે. તાજેતરમાં સિંધ હાઈકોર્ટમાં એક સિનિયર વકીલે ન્યાયમૂર્તિ પર ગંદુ રાજકારણ ખેલવાનો ઇલ્જામ લગાડયો છે. કરાંચીની કોર્ટમાં અદાલતના અવમાન (કોન્ટેમ્પ ઓફ કોર્ટ) નો કેસ ચાલી રહ્યો છે. આરોપી છે એક નામચીન વકીલ ! ભરી અદાલતમાં આપે નામદાર ન્યાયમૂર્તિ પર છીછરાપનનો ઇલ્જામ લગાડયો હતો. ખુદ ચાચા ચૌધરી બચાવ પક્ષના વકીલના રોલમાં આવીને અન-લુલો બચાવ કર્યો- ન્યાયાધીશો કાંઈ આસમાનમાંથી નથી ટપકતા. મતલબ કે પાક સમાજમાંથી જ આવે છે. ત્રીજા શબ્દમાં કહીએ તો હવાડાનું ઘટિયાપન કુવાના કરેકટરનું જ પ્રતિબિંબ પાડે છે. યે પોઇન્ટ નોટ કિયા જાય યારે ઓનર કે ચાચા ચૌધરીે કરેલી ટિપ્પણી સદંતર લુલી (અપંગ) નથી. આપની લુલી (જબાન) બગલઘડોીના સપોર્ટથી ચાલી છે. જી હા, ચાચા ચૌધરીએ એકરાર-એ-જુર્મ કર્યો કહેવાય. ન્યાયધીશો પાક આસમાનમાંથી નથી ટપકયા એવું કહીને આપ શું કહેવા માંગે છે ? કહે છે કે જબાનને હડ્ડી યા ટાંગ હોતી નથી. એટલે શું આમ સરેઆમ લૂટકી જવાનું ? પાક ન્યાયતંત્રની કમી આસમાનમાંથી અન-ટપકયા જજો છે એવી કબુલાત કરીને ચાચા ચૌધરી પુરવાર કર્યું કે જબાનનું ફીસલવું માફી પાત્ર ગુનો છે.
અબ વકત હૈ સમાજ અંગે થોડી સમજ વધારવાનો. સમાજ એક મોસ્ટ મીસઅન્ડરસ્ટુડ બલા છે. નુક્કડ પર ઉભેલા ટણી ખાનથી માંડીને ચાચા ચૌધરી જેવી મોટી ટોપી પણ સમાજને બદલી નાખવાની હિમાયત કરે છે. જબ કી તીસમાર ખાં તો ડાયરેકટ સમાજને બદલી નાખે છે. સમાજ એટલે સરકાર એવી સમજ પાક ફોજને મુબારક. જો કે ઇન્સાફ ખાતર એટલું કબુલ કરવું જ રહ્યું કે ચાચા ચૌધરીએ પાક સમાજને જડમૂળથી બદલી નાખવાની હાકલ કરી નથી. જસ્ટ એની ખુબસુરતી વધારવાનો અનુરોધ કર્યો છે. આથી ઇતિ સિધ્ધમ તાય છે કે સિર્ફ મેક-અપ કરવાથી સમાજની સરત બદલાઈ જાય છે. સુપ્રિમ કોર્ટના ચિફ જસ્ટીસ થઇને આપ કોસ્મેટિક ઇનડસ્ટ્રીઝનો પ્રચાર કરી રહ્યા છે કે શું ? સુરતના (ચહેરાના) ઠેકાણાં ન હોય તો લાખ લાલી-લીપસ્ટીક લગાડો, કોઇ ફરક પડતો નથી. ચાચા ચૌધરીએ સમજવું જોઈએ કે પાક સમાજને ખુબસુરત મોડ (કોમ્સેટિક ટાપટીપ)ની નહીં, ખાસડાંની જરૃરત છે. હતું જ કે ગલતફહેમી થશે. પાક સમાજને જુતાં મારવાની બાત નથી. બલ્કે એને જુતોં કા હાર પહેરાવાનું પોજેટિવ સૂચન છે. મર્હૂમને સુખડનો જ હાર પહેરાવ્યે રાખવાથી સમાજમાં પરિવર્તન નહીં આવે !
* * *
મુલ્કમાં બોલીવૂડી ફિલ્મોની બોલબાલાથી પાક દાઢી ખુશ છે. બોલે તો હાતિમતાઈ ઉદારતાથી હિંદી ફિલ્મોના નાપાક પરભાવને બર્દાસ્ત કર રૈલી હય. યાની કી બકરે કી અમ્મા કબ તક ખેર મનાયેગી ટાઇપ દિલદારી દાખવી રહી છે. પાક દાઢીની દરિયાદિલી (!) ની એક ઔર વજહબી છે - અને તે છે બોલીવૂડ પર 'ડી' કંપનીનું વર્ચસ્વ ! મુલ્કમાં ફિલ્મી મસાલાની પ્રચુરતાના સીધા અનુપાતમાં તાલીબાનનો પ્રભાવ વધતો હોવાથી મુલ્લાને મોગામ્બો બનવાની ફરજ પડી છે. જબ કી પવલાઓની પાંજારાવૃત્તિન પરવાન ચડી છે. બોલીવૂડ પર ખાન ત્રિપુટી રાજ કરે છે એવી હકીકત પવલાઓને ફુલીને ફાળકો થવાની પાક ફરજ પાડ રૈલી હય ભીડુ.
સાલે અપનેવાલે કિતને ખુશનસીબ હૈ એવું સોચીને પાક પ્રેક્ષકો ભલે હરખાતા હોય. જન. તીસમાર ખાંને જયાં લાગવી જોઈએ ત્યાં મીર્ચી લાગી છે. કારણ કે સાલે અપનેવાલે કી ખુશહાલી દેખદેખ કર પવલાઓ ગુમરાહ થઇ શકે છે. બોલે તો મુલ્કને મારડન એવમ્ સેકયુલર બનાવવાના અરમાન અંગડાઈ લઇ શકે છે. એવું ન થાય તે માટે આઈએસઆઈને હોંશિયાર રહેવાનો હુકમ કરવામાં આવ્યો છે. શિકારી કુત્તાને છૂઉઉ કહેવાથી શું થાય તે કહેવા કરતા વેઇટ એન્ડ વોચ કહેવું બહેતર કહેવાશે. સમઝદારને શું કાફી છે તે પણ કહેવું પડશે.
મુલ્કના ટોપ ફિલ્મ વિતરક જનાબ રિફફત સિદ્દીકી સફક્ર ફરમાવે છે કે પાકિસ્તાન હિંદી ફિલ્મોનું સૌથી મોટુ માર્કેટ છે. યાદ રહે કે ૨૦૦૬માં હિંદી ફિલ્મો પરથી પ્રતિબંધ ઉઠાવી લેવામાં આવ્યો તે પહેલાં પણ મુલ્કમાં બોલીવૂડની બોલબાલા હતી. દાણચોરીના જરીએ વાયા દુબઈ લેટેસ્ટ ફિલ્મો કરાંચી પહોંચી જતી. ૨૦૦૭થી ફિલ્મોની દાણચોરી ઘણી ઘટી ગઇ છે. કારણ કે મુલ્કના ફિલ્મી બજારમાં હિંદી ફિલ્મોની રીતસર (બાકાયદા) સુનામી આવી છે. ચાર સાલમાં મુલ્કનો મનોરંજન ઉદ્યોગ ૩૦૦ ટકા વૃદ્ધિ પામ્યો હોવાનું જનાબ રિફ્ફત સિદ્દી કી જણાવે છે. બંધ પડેલા થિયેટરો ખુલવા લાગ્યા છે અને ચાલુ ટોકિઝ પર કાગડાઓએ ઉડવાનું બંધ કર્યું છે. ટૂંકમાં બકરાની ટનાટની જ એને ભારી પડવાની છે.
નવેમ્બર ૨૦૦૭માં જહોન અબ્રહામને હીરો તરીકે ચમકાવતી ફિલ્મ 'ગોલ' રજુ થઇ ત્યારે ગીન કે પુરી સાત પ્રિન્ટસ મુલ્કમં ધૂમ મચાવવા પુરતી ગણાતી હતી. આજે ૨૧ પ્રિન્ટસ ઓછી પડે છે. આમીર ખાનની 'થ્રી ઇડિયસ' ૨૦૦૯માં ૨૨ થિયેટરોમં રિલિઝ થઇ હતી. અને રૃ. ૫ કરોડનો વકરો કર્યો હતો. ૧૧માં શાહરૃખ ખાનની 'ડોન-૨' ૩૮ પ્રિન્ટસ સાથે રજુ થઇ હતી. એની 'માઈ નેમ ઇઝ ખાન' જેવી નાપાક (!) ફિલ્મે રૃ. ૫.૨૫ કરોડની રોકડી કરી હતી. અત્યારે મુલ્કમાં ૮૦ થિયેટરો છે અને ૨૦૧૪ સુધીમાં સદી પુરી થવાની વકી છે. વર્ષ દહાડે ૫૦ હિંદી ફિલ્મો રિલિઝ થાય છે. એની લોકપ્રિયતાએ સ્વદેશી ફિલ્મ ઇન્ડસ્ટ્રીઝને પ્રેરણા અને પાક દાઢીને ખિચડી પકાવવાની તક આથી છે. 'પાક તેહજીબ ખતરે મેં હૈ' એવો નારો ચીંટીના પગે બાંધેલા ઝાંઝરનો રણકાર બન્યો છે. બેહદ મંદ ! મગર ધી એન્ડમાં ઝમકે ના ઝાંઝર તો..
પાક ખયાલ
તમે બેઇમાની કરો છો ત્યારે એક ખતરનાક દુશ્મન પેદા કરો છો - ખુદ !
લતીફા-એ-પાક
'અબે તું ઇલાજ કરાવવા ગયો હતો ત્યારે ડોકટરે શું કહ્યું ?'
'એ જ કે તમારે થોડા વહેલાં આવવું જોઈતું હતું.'
'મેં તને કહ્યું હતું ને કે મોડા ઉઠવાની આદત તને ભારી પડશે ?'
- સિરાજ શીશાવાલા

 

Share |
 

Gujarat Samachar Plus

અમે સાપ પકડવાને બદલે મહેનત કરવાનું શરુ કરી દીઘું
સાપુતારામાં મોન્સૂન છે પણ ફેસ્ટિવલ નથી
હિટ ફિલ્મ પછી ગિટારમાં ગીર્દી
સ્વતંત્રતાનો એ રણકો આજે પણ સચવાયેલો છે
મોન્સૂન મંત્ર ઉપવાસ કરો અને હેલ્ઘી રહો
વેસ્ટર્ન આઉટફિટમાં એઝટેક પ્રિન્ટની બોલબાલા
ગોલ્ડન કલરમાં મોર્ડન વેઅર
 

Gujarat Samachar glamour

શું શાહરૂખની ટીકા-ટિપ્પણી કરી ગોવંિદાએ ચમકવું છે ?
‘‘કેબીસી-૬’’નો ઓગસ્ટનાં છેલ્લા સપ્તાહમાં પ્રારંભ !
સારાને ઈન્ડસ્ટ્રીથી દુર રાખવા માંગુ છુ-સૈફ
શું કેટ સલમાનની ફક્ત ફ્રેન્ડ જ છે?
કેટરીનાએ જાહેરાતના સાત કરોડ લીઘા
અમિષા પટેલ -વિક્રમ ભટ્ટના અફેર ઉપર ફિલ્મ બનશે !
જન્માષ્ટમીને લીધે ‘‘કૃષ્ણ ઔર કંસ’’ કરમુક્ત કરાઈ !
 
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved