Last Update : 08-August-2012, Wednesday

 

કોફી વિથ કૃષ્ણ!

અનાવૃત - જય વસાવડા

 

દૂર નગરી, બડી દૂર નગરી
કૈસે આઉં મેં કન્હાઇ, તેરી ગોકુલ નગરી
બડી દૂર નગરી...
રાત મેં આઉં તો કાન્હા ડર મોહે લાગે
દિન મેં આઉં તો દેખે સારી નગરી
બડી દૂર નગરી...
ધીરે સે ચલું તો કમર મોરી લચકે
જલદી ચલું તો છલકાયે ગગરી
બડી દૂર નગરી...
સખી સંગ આઉં તો લાજ મોહે લાગે
અકેલી આઉં તો ભૂલ જાઉં ડગરી
બડી દૂર નગરી....

 

મોરારિબાપુના મખમલી કંઠે મીરાંની આ રચના સાંભળો તો એના પડઘા દિવસો સુધી કાનને બદલે છાતીમાં ઉઠતા રહે! ડેટંિગનું સંસ્કૃત વર્ઝન ‘અભિસાર’ ગણો તો એક- અભિસારિકાના રોમાન્સનો ઉલ્લાસ કેવો આબાદ ઝીલાયો છે આ જાનપદી કૃતિમાં! કેવળ કૃષ્ણનું નામ જ ભારતમાં આવું મેગ્નેટિક ખેંચાણ ઉભું કરી શકે, અને એના ભકિતભાવને બાજુએ રાખી કેવળ પ્રેમપંથને પકડીએ (પ્યાર તો ભકિતથી મોટી સાધન છે!) તો યે, આ જે મિલનની આતુરતા અને રોમાંચનો ને કાવ્યાત્મક પકડદાવ અહીં ચંદ પંકિતઓમાં બયાન થયો છે! એકદમ ઝક્કાઆઆસ! એક બાજુથી પિયુને પામવાની તડપની ભરતી, બીજી બાજુથી એમાં આવતી પ્રેકટિકલ અડચણોની ઓટ અને એ કશ્મકશમાં કરસનના ‘દરશન’ માટેની દીવાનગીનું ડોલતું લોલક!
ઇસે કહેતે હૈ મેજીક ઓફ ક્રિષ્ના! ગોપીમાં નહંિ, તો કવિયત્રી મીરાંએ આ જાદૂના રંગે રંગાઇને આ કાવ્ય લખ્યું છે ને! નટવરને સત્વર પામવાની ઉતાવળમાં!
વેલ, જમાનો વ્હાલા કૃષ્ણને ગમે એવો કલરફૂલ, યૂથફૂલ એન્ડ ટ્રાન્સપેરન્ટ બની રહ્યો છે, ત્યારે આવી દૂર નગરીએ ગયા વિના ફેસબુક પર એકિટવ થઇને પણ ફેસ બતાવ્યા વિના દૂરદેશાવર ચેટ થઇ શકે છે. તો કેમ આવી કોઇ મળવા જવાની દિલ-ધડક મુંઝવણોને બદલે કાનજી મુરલીવાળા સાથે ચેટ ન થાય? બસ, એના માટે મોબાઇલમાંથી લોગ ઓફ થઇ, અપુન કે હાર્ટ મેં લોગ ઇન કરને કો મંગતા...
અને શ્રાવણીયા વાદળીયા વાતાવરણમાં શરૂ થયું ક્રિષ્ના સાથે કન્વર્ઝેશન, મલાઇ મારેલી તજમરીસૂંઠ અને કેસરબદામ લસોટેલી કોફીની ચુસ્કીઓ માણતા માણતા... મેઘધનુષના ઢાળ પર લપસતા અને બેકગ્રાઉન્ડમાં ઢબૂકતા ઢોલ અને તાળીઓના તાલ સાંભળતા... જનાર્દન સાથે જનતા જનાર્દનની ડાયરેકટ સીધી બાત, નો બકવાસ...
* * *
‘હાય, સર...’
‘વેલકમ ડીઅર...’
‘તમે તો જમુનાના જળમાં ઉતરીને કાળી નાગને નાથ્યો, તમે તો ટચલી આંગળીએ ગોવર્ધન ઉંચકયો, તમે તો સોનાની દ્વારકા બનાવી...’
‘ડોન્ટ ફલેટર, બડી. આવા ખોટેખોટા મસ્કા પબ્લિક મને એટલે મારે છે કે એટલું માખણ તો મેં ય બચપણમાં કદી ખાઘું નથી. જસ્ટ લૂક એટ જમુના. મારી જ કહેવાય એવી આ કાલિન્દીને બધાએ શ્યામ રંગે રંગી નાખી છે! હું તો નદી કિનારાનું ગોપબાળ. આજે ગંગા હોય કે યમુના, નર્મદા કે કાવેરી, બ્રહ્મપુત્ર કે સતલજ કોઇ નદીને ઠાકોરજીની મૂર્તિ જેટલી ચોખ્ખી રાખવાનું કોઇને સૂઝે છે? મને નવા નવા રેશમી વાઘાં પહેરાવવાના અને મારી પથારી કહેવાય, એવી નદીઓના પાણીમાં બેફામ ગંદકી અને પ્રદૂષણ ઠાલવવાનું! સિક્‌! તમીઝ અને તહેઝીબ તમારી વાતોમાં નહિ, વર્તનમાં દેખાવા જોઇએ! કર્મ, માય ફ્રેન્ડ!’
‘ઓહોહો પ્રભુ, તમે તો ઇંગ્લીશ- ઉર્દુ બઘું જ બોલી નાખો છો ને કાંઇ...’
ચીઅર અપ, યાર એન્ડ ગ્રો અપ. હું કોઇ ચોકઠાંમાં ફિટ થતો નથી, એ તો યાદ છે ને! જેવી સિચ્યુએશન, એવું જ કોમ્યુનિકેશન. મારી પાસેથી આ તો પહેલા શીખવું જોઇએ. અને ભાષા મહત્વની નથી. મેસેજ મહત્વનો છે. એ પકડાઇ જાય તો ગીતાપીઠ ન કરો તો ય ચાલે, અને એ જ ઝીલાય નહિ તો ગીતા ગોખવી એ અંદરથી કદરૂપો ચહેરો છૂપાવવા ઉપર કરેલો રૂપાળો કોસ્મેટિક મેકઅપ છે! હું તો સહજમાં સમાયેલો છું. જે નેચરલ છે, એવા નરસંિહને સામેથી જઇને ભેટુ છું. અને જે એવા નથી એ મારા મંદિરે મોંઘાદાટ રત્નોથી ભરેલી ધજા ચડાવવા આવીને મને બોર કરે, તો ય એની નોંધ નથી લેતો! ઉપરથી હું પરિવર્તનનું વહેતું પાણી છું, જે બંધિયાર ન બને અને ફૂલોની પાંખડીથી ખરેલા પાંદડા સુધી બધાને રમાડતું જાય, અને અંદરથી હું શાંત સ્થિર ગર્ભજળ છું- મૂલ્યો અને માનવતાનું, મસ્તી અને મોજની ખોજનું... વિરોધાભાસોનો વિજયી સરવાળો એ જ પૂર્ણત્વ છે!’
‘ભગવાન, પણ તમારા નામે કેવી કેવી લીલાઓ ચાલે છે, આસુરી સંપત્તિ- વૃત્તિના ત્યાગની ગુલબાંગો કરી એ જ ખાનગીમાં ભેગી કરવામાં આવે છે, તમારા જ અવતારો પોતાની પૂજા કરાવે છે, એ બઘું તમે નિહાળો તો...’
‘જોઉં જ છું દોસ્ત, બધાની અંદર બેઠો બેઠો જોઉં પણ છું અને જોખું ય છું. હું હતો ત્યારે ય મારા નામે ચરી ખાવાવાળાઓ, મારુ રૂપ ધારણ કરીને મૂરખ બનાવવાળાઓ હતા જ, અને આવા સેલ્ફ પ્રોકલેઇમ્ડ ફ્રેન્ચાઇઝી હોલ્ડર્સને હું ત્યારે તો પડકારીને ખતમ કરતો, પણ હજુએ તમે બધા એ કામ મારી માથે જ નાખો છો! પ્રિય સખા અર્જુનને કુરૂક્ષેત્રમાં મારી મદદની જરૂર પડી અન્યાય, અધર્મના નાશ ખાતર સગાવ્હાલાઓ સામે અવાજ ઉઠાવવામાં... પણ સોળ વરસની કિશોરવયે સગા મામા કંસનો મેં આ જ કારણોથી વધ કર્યો, ત્યારે હું કયાં કોઇની સલાહ, કે પ્રેરણા ઉધાર લેવા ગયો હતો? કેટલાક યુદ્ધો જાતે લડવા પડે છે. જે એ નથી કરતા એ ઉપદેશના શ્રોતા બને છે. પણ જે એ ઝંિદાદિલી અને ખમીરથી કરે છે, એ રણમેદાનમાં ય આપોઆપ ગીતા ગાઇ શકે છે. ડુપ્લિકેટમાં જ લોકો એટલા અટવાય છે કે મારા ઓરિજીનલ ચરિત્રો કે ગ્રંથો સંસ્કૃતમાં શું-શું લખે છે, એ તો વાંચવાની પણ ફુરસદ ધરાવતા નથી!’
‘સાચી વાત છે. કેવી કેવી મરજાદના સંકુચિત વાડાઓ તમારી જ ભકિતના નામે ફેલાઇ રહ્યા છે...’
‘પૃથ્વી પર કરે છે આ નાટકો બધા. પછી જે વૈકુંઠની વાતો ચાલે છે, એ એમણે કયાં જોયું છે- ત્યાં તો દુન્યવી લેખકોના વર્ણનો નહિ, મારું અલૌકિક બ્રહ્માંડ સર્જાયેલું છે. મેં પોતે કદી વિદૂરની ભાજી ખાવામાં કે કુબ્જાને ભેટવામાં સંકોચ નથી કર્યો. ગોકુળમાં ગાયો સાથે મોટો થયો હોવા છતાં ભારતભરમાં રખડતી વખતે અહીં જવાય, અને અહીં જાવ તો મર્યાદા ચૂકી જવાય એવા બંધનો પાળ્યા નથી. ત્યાં મારા નામે શું ખાવું, કેમ પીવું, શું પહેરવું એવા નિયમો નક્કી થાય, એ મને તમારા લાફટર શોની જોક જેવું લાગે છે. ઘરમાં મારી પધરામણી થાય, પણ દિલમાં ન થાય ત્યારે પ્રેમને બદલે વહેમ સમજવો! પરણ્યા નથી એવા પ્રેમી રાધા-કૃષ્ણના મંદિરો બનાવી પૂજા કરીને ગીતો ગાવા અને મર્યાદાના નામે બોયફ્રેન્ડ- ગર્લફ્રેન્ડ કે ડેટંિગનો વિરોધ કરવો! રાજસૂય યજ્ઞ વખતે મેં યુધિષ્ઠરને કહેલું કે આ રાજાઓમાં નામના છે, અસલી રાજવટ નથી, એવું જ થયું છે! જે નિયમો મેં નથી પાળ્યા, સમાજથી તરછોડાયેલા ગણાતા વર્ગ ભેગો રમીને મોટો થયો, યદુવંશી હોવા છતાં ક્ષત્રિયો- બ્રાહ્મણોને બે શબ્દો કહેવાનુ કૌવત રાખ્યું, સુદામાની મૈત્રી રાખી, જંગલની વનવાસી રીંછ જાતિની જાંબવતીને ય પત્ની બનાવી ત્યાં મારા નામે આટલા ભેદભાવને કડક અનુશાસનના તમાશા?’
‘યુ નો, સરજી તમે આ લવની વાત કરો એ બહુ ગમે. યુ આર ધ ઓન્લી વન, જે કેવળ દુઃખદર્દીઓ માટેના જ પ્રેમની નહિ, ચુંબન- આલંિગનવાળા નર-નારીના પ્રેમની ય વાત કરે, સોરી સોરી આચરણ પણ કરે!’
‘એઝઓએલ્ઝ. આ ટોકમાં વિન્કંિગ સ્માઇલી કેમ મૂકવું મારે! યસ, યુ આર રાઇટ. પ્રેમ કરવામાં તો પ્રિયાઓને ગીતાજ્ઞાન સંભળાવીને કદી મેં બોર પણ નથી કરી! જન્માષ્ટમીએ મને બર્થ ડે વિશ કરવા બધા ઉપવાસ કરે, એના કરતાં લવમેરેજ વિશેની ભારતની ડરપોક સમાજની ખોટી સમજ બદલાય એ મોટી ગિફટ હશે, મારા માટે! આ જગતનો પહેલો લવલેટર ડાર્લંિગ રૂકિમણીએ મને લખ્યો હતો! અને એના રૂપગુણના વર્ણનની એ ચેટથી આકર્ષાઇને હું સીધો જ ડેટ પર પહોંચી રિસેપ્શનની ચંિતા વિના મેરેજ માટે એને લઇ પણ આવ્યો! ને મારા પૂરતું જ નહંિ, અર્જુન મારી સગી બહેન સુભદ્રાથી મોહિત થઇ ગયો, તે એને ભગાડીને લઇ જવાની ગોઠવણ મેં કરી આપી! અરે, ઘરડે ઘડપણ મારો પૌત્ર અનિરૂદ્ધ બાણાસુરની દીકરી ઉષાના પ્રેમમાં આ મોબાઇલ પર એસએમએસ ચેટમાં ફોટા એકસચેંજ કરીને જેમ મળ્યા વિના પ્રેમમાં પડે, એમ પ્રેમમાં પડયો તો વિરોધને બદલે સાક્ષાત શિવજી સામે લડી, જીતીને એને મનગમતા પાત્ર સાથે પરણાવી દીધો! મને તો માંગુ નાખીને કોઇ પત્ની મળી નથી, અને ગોપી ગર્લ્સની કેવી ફ્રેન્ડશિપ મળી છે!’
‘કયા બાત હૈ, તમારી આ મુસ્કાન પર તો ત્યારે અને આજે ય સેંકડો જાન કુરબાન છે! તમે એવા ઇરોટિક ઇશ્વર છો કે શૃંગાર તમારા નામે રચાય, એમાં ય તમે ઘણાં સર્જકોનું વગર ઓળખાણે રક્ષણ કરો છો!’
‘હા હા હા- આઇ લવ ધેટ. ૠતુઓમાં હું વસંત છું, કંદર્પ યાને કામદેવ છું એવું તો મોક્ષમાર્ગની આઘ્યાત્મિક ચર્ચામાં ય કહેવાનું હું ચૂકતો નથી! આઇ એમ સેલિબ્રેશન ઓફ સેન્સીઝ, જોય ઓફ બોડી, હાર્મની ઓફ બીઇંગ, સોંગ ઓફ સોલ! ભાગવતની કે નરસંિહ જેવા પરમ સખાઓની રાસલીલા આજના ડિસ્કોઝમા રચાય ત્યારે જીવન થનગનતું હોય એવું મને લાગે છે. ગોપીગીતમાં ભાગવતકાર કેટલી ખૂબસૂરત વાત કરે છે, જયાં પોતાના કઠોર ઉરોજો પર મારા કોમળ ચરણ રાખવાની વાત મૂકે છે- ધેટ્‌સ બ્યુટી ઓફ લિટરેચર. જે અંગે નરમ હોય એ કઠણ અને કડક હોય તે મૃદુ રચીને સેન્સ્યુઅસ ફેન્ટેસીની રમત કરવાની! અને ગીત ગોવંિદમાં મારો આજના તમારા સિલી સેન્સર બોર્ડ ખોટેખોટી કાતર ફેરવી દે એવો શૃંગાર રચવા માટે ‘ગીતગોવંિદ’વાળા જયદેવને મેં કંઇ સજા નથી કરી, પણ એની પ્રેયસી- પત્ની પદ્માવતીની પ્રાપ્તિ કરાવી હતી! મેં તો એક વાર નહંિ, અનેકવાર પ્રેમ કર્યો છે, વહેંચ્યો છે. મેળવ્યો છે. પણ હા, એના માટે કોઇને છેતર્યા નથી. રાજરમત કરી છે, પણ મહોબ્બતમાં કોઇ સૌદેબાજી નથી કરી. કન્યાઓને ટીઝ કરી છે, પણ ગિફટ આપીને વ્હાલથી મનાવી છે. બાંસુરી બજાવીને નાચ્યો છું. સિરિયસ થયા વિના મજાક કરી છે, માલિકીભાવ રાખ્યા વિના સાથે હોય તે ક્ષણને આનંદસમાધિથી ઉજવી છે. પણ હા, સંજોગવશાત જે જવાનીની ગોપીઓ પાછળ છૂટી ગઇ, એનો સતત આંસુ સારી ગમ નથી મનાવ્યો. મરી જવાના પલાયનવાદી વિચારો નથી કર્યા. યાદને જતનથી પાંપણને ભીની કરી સાચવીને ‘મૂવ ઓન’ થયો છું. નવા ઇશ્ક, નવી ચાહત, નવી સોબત મળતી રહી છે.’
‘કાશ... પ્રેમની વાત આવે અને તમે આટલું જ લાંબુ બોલો તો યે અમે અટકયા વિના બસ માણ્યા કરીએ... તમે આ જગતના ઇતિહાસમાં એક જ એવું ચરિત્ર છો, જો મસ્તીના મૂડમાં ન્હાવા પડેલી ગોપીઓના ચીર હરી લે એવા સેકસી શરારતી પણ થઇ શકે, અને ગંભીર બનો ત્યારે દ્રૌપદીનું પરાણે, બળાત્કારે થતું વસ્ત્રાહરણ જોઇ વ્યથિત બનીને તત્કાળ એના ચીર પૂરો એવા સ્ત્રીસન્માન માટે સિન્સિયર પણ થઇ શકો!’
‘બધાએ આ જ શીખવાનું છે! વર્ક વ્હાઇલ યુ વર્ક એન્ડ પ્લે વ્હાઇલ યુ પ્લે! એક ઘટનાથી કોઇનું જજમેન્ટ ન બાંધો. હું તો આંખની કીકીની જેમ બઘુ જ મારામાં સમાવી લઉં છું, પણ શ્વાસની માફક કશુંય પકડીને રાખતો નથી. હું યુદ્ધ ટાળવા શાંતિદૂત પણ બનું, અને લડાઇ લડતો પરાક્રમી યોદ્ધો પણ! પરમ તપસ્વી અને વૈભવી રાજા પણ હું જ! મારા હાથમાં જ મીઠીમધ મુરલી પણ હોય, અને કાળઝાળ સુદર્શન પણ! હું હારીને ભાગુ અને ભાગતાને અટકાવીને જીતાડું! હું મિત્રો પણ બનાવું અને દુશ્મનો પણ! મારામાં માર્સની મર્દાનગી પણ છે, અને વીનસનું સ્ત્રીત્વ પણ છે. સૌંદર્ય, સંગીત, સાહિત્યની વાતમાં હું સ્ત્રી થઇ જાઉં અને ન્યાય, વીરતા, સંઘર્ષ, યુદ્ધ, પડકારની વાતમાં પુરૂષ બની જાઉં! આ બેલેન્સનો ખેલ જ જીંદગી છે. આ જજમેન્ટનું નામ જ મેનેજમેન્ટ છે. ઉત્તરાના ગર્ભના બાળકના પ્રસવટાણે આટલી પત્નીઓ- ગોપીઓ સાથે પ્રણયક્રીડા કરી હોવા છતાં હું કહું છું કે જો મેં બ્રહ્મચર્યનું આજીવન પાલન કર્યુ હોય, તો આ શિશુનો જન્મ થાઓ. અને બાળક જન્મે છે! મારે માટે શબ્દોના સ્થૂળ અર્થ નથી. હું સાહજીક જીવું એ બ્રહ્મચર્ય છે, પરાણે દમન કરૂં એ નહંિ! ગીતામાં સ્થિતપ્રજ્ઞતાની વાત કર્યા પછી પણ જરૂર પડે હું લાગણીઓ વ્યકત કરૂં છું. સુખે-દુઃખે સમેકૃત્વાની વાત ભીષ્મ જેવા સુપાત્ર સાથે હોય, કોઇ દોઢડાહ્યો કપટી કે બેવકૂફ શિશુપાલ આવે તો ચોક્કસ સો ગાળ સહન કરી એને સુધરવા- સમજવાની તક અપાય, પણ પછી એકઝાટકે માથું જ ઉડાવી દેવાનું હોય!’
‘જી હા. તમે તો વર્લ્ડ બેસ્ટ નિગોશિએટર છો. પણ ચર્ચા પડી ભાંગે તો લડી લેવાથી ખચકાતા નથી. સ્થિતપ્રજ્ઞતાના નામે સોગિયું મોં રાખવાને બદલે પ્રસન્ન સ્મિત કરતા આનંદવાદી છો. પણ આ ગીતા બહુ અઘરી પડે છે. ને વળી એમાં ય વર્ણવ્યવસ્થાને હોમહવનને એવી વાતો આવે છે એનું શું?’
‘જો વ્હાલા, મારા વર્ણનો તો ગ્રંથોમાં મુકુટ પર મોરપીંછ ને રથમાં બેઠેલાને એવા ય લખાયેલા છે તો શું દુનિયા આજે એવું જ પહેરીને એ જ રીતે પ્રવાસ કરે છે? પૃથ્વી પર માનવદેહ ધારણ કરતો દરેક માનવી નાશવંત અને કાળને આધીન છે. એમ ગીતામાં ય કેટલીક છૂટીછવાઇ વાતો રથ કે પીતાંબર કે તીરકમાનની જેમ વર્ણનાત્મક હોય, જે એ યુગનુ પ્રતિબંિબ જ હોય. ત્યારે જે કઇ સમાજરચના હતી, વિધિવિધાનો હતા એના ઉલ્લેખો એમાં મૂકાયા છે. પણ જો એના અસલી મર્મને પકડો તો એ શ્વ્લોકો આપોઆપ નિરર્થક થઇને ખરી પડે છે. મેં તો કહ્યું જ કે મેં તો મારા જીવનમાં જ વર્ણાશ્રમનું પાલન નથી કર્યું, ત્યાં બીજાને શું કરાવું? હું કયાં વળી બ્રાહ્મણ હતો? છતાં વેદાંત- ઉપનિષદનું દોહન કર્યું ને? યદુવંશી હોવા છતાં ક્ષત્રિયોને દોર્યા ને? કુબ્જાને ગળે લગાડીને? જાંબવંતીને અપનાવીને? અસુરપુત્રી ઉષા ય પૌત્રવઘૂ બનીને? મારા નામેરી મોહનદાસ ગાંધીએ ગીતાના અનાસકિતને એક લીટીમાં સમજાવી છે ‘કર્મ છોડે તે પડે, કર્મના ફળ છોડે તે ચડે!’ ટૂંકમાં કામ કરવામાં પૂરૂં પેશન રાખવાનું, પણ પરિણામના પ્રેશરનું ડિપ્રેશન નહિ રાખવાનું!’
‘વાહ! તમારા નામે કેટલી ગેરસમજો ચાલે છે, પણ તમે કેવું સમજાવ્યું!’
‘સોળ હજાર એકસો ને આઠ ગેરસમજો મારા નામે હોય, પ્રિયજન. કારણ કે, હું જાહેરમાં હોઉં, લોકપ્રિય હોઉં, ને વળી કામ કરીને સફળ થતો હોઉં. સ્વયં સખી દ્રૌપદીએ પણ અશ્વત્થામાના બ્રહ્માસ્ત્રનો મુકાબલો અર્જુન કરે એટલે મેં પાંડવોના પાંચ પુત્રોની યુદ્ધ પછીની હત્યા બાદ ધીરજ રાખવાનું કહ્યું તો છંછેડાઇને મારા પર આક્ષેપ મુકેલો કે હું મારા ભાણેજ અભિમન્યુના પુત્રને ગાદી અપાવવા આ કરૂં છું! ગાંધારીના શ્રાપની જેમ આ વાહિયાત અપમાન હું જતું કરીને ગળી ગયો. સાચી વાત એમ કહેવાથી સમાજ માની લેતો હોત, તો મારી નજર સામે યાદવાસ્થળી ન રચાઇ હોત! એમ ડરવાનું નહંિ. અને આપણામાં વિશ્વરૂપ હોય તો જરૂર પડે. કોન્ફિડન્સથી બતાવીને નાદાન- નાલાયકોને ડરાવવામાં ખચકાવાનું નહંિ. હું જૈનોનો, બૌદ્ધોનો, વૈષ્ણવોનો, હંિદુઓનો કોઇનો નથી. હું આખા જગતના સહજ સાહજિક પ્રેમીજનોનો છું. શેરીઓમાં રમી- રગદોળાઇને મેં મલ્લકુસ્તીની સિકસ પેક ફિટનેસ પણ મેળવી હતી. કેવળ ઇશ્કની પાર્ટીઓ કે ફિલોસોફીના સેમિનારો જ કર્યા નહોતા, એન્ડ યુ નો, કંસને માર્યા પછી મથુરાનું રાજપાટ મળતું હોવા છતાં મેં આગળ જ્ઞાન મેળવવા, ભણવા સાંદિપનીનો આશ્રમ પસંદ કરેલો! વન હેઝ ટુ ચુઝ થ્રિલ ઓફ લર્નંિગ ઓવર અર્નંિગ. નોલેજ બિફોર પાવર. કયુરિયસ એકસપિરિયન્સ ધેન મની એન્ડ સેફ ફેમિલી લાઇફ. ધેટ્‌સ સ્પિરિટ ઓફ માય ફેવરિટ યુથ! નાઉ જીટુજી- ગોટ ટુગો.
‘વન લાસ્ટ કવેશ્ચનઃ રાધા ખરેખર હતી?’
‘તમને શું લાગે છે? રાધા તમે બનાવી છે. તમારા દિલનો અતૃપ્ત પ્રેમ, અવ્યક્ત ઝંખના એ રાધા. સુખનું સપનું, મિલનની આતુરતા એ રાધા. હૃદયમાં ફીલંિગ હશે, તો રાધા હશે, ને એ હશે ત્યાં હું!’
ઝંિગ થંિગ ઃ
જીસ્મ-ટુ ઃ જેટલી મહેનત સનીનું શરીર બતાવવામાં કરી, એટલી સ્ક્રિપ્ટમાં શબ્દ પર કરી હોત તો સારૂં થાત!

Share |
 

Gujarat Samachar Plus

અમે સાપ પકડવાને બદલે મહેનત કરવાનું શરુ કરી દીઘું
સાપુતારામાં મોન્સૂન છે પણ ફેસ્ટિવલ નથી
હિટ ફિલ્મ પછી ગિટારમાં ગીર્દી
સ્વતંત્રતાનો એ રણકો આજે પણ સચવાયેલો છે
મોન્સૂન મંત્ર ઉપવાસ કરો અને હેલ્ઘી રહો
વેસ્ટર્ન આઉટફિટમાં એઝટેક પ્રિન્ટની બોલબાલા
ગોલ્ડન કલરમાં મોર્ડન વેઅર
 

Gujarat Samachar glamour

શું શાહરૂખની ટીકા-ટિપ્પણી કરી ગોવંિદાએ ચમકવું છે ?
‘‘કેબીસી-૬’’નો ઓગસ્ટનાં છેલ્લા સપ્તાહમાં પ્રારંભ !
સારાને ઈન્ડસ્ટ્રીથી દુર રાખવા માંગુ છુ-સૈફ
શું કેટ સલમાનની ફક્ત ફ્રેન્ડ જ છે?
કેટરીનાએ જાહેરાતના સાત કરોડ લીઘા
અમિષા પટેલ -વિક્રમ ભટ્ટના અફેર ઉપર ફિલ્મ બનશે !
જન્માષ્ટમીને લીધે ‘‘કૃષ્ણ ઔર કંસ’’ કરમુક્ત કરાઈ !
 
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved