Last Update : 31-July-2012, Tuesday

 

આરોગ્ય પ્રશ્નોત્તરી

ગર્ભાશયના મુખ પર ચાંદી, પુષ્કળ પ્રમાણમાં શ્વેતપ્રદર, પુત્ર સંતાનની ઈચ્છા, પગનાં તળિયાંમાં અને હથેળીમાં બળતરા, એસિડિટી

પ્રશ્ન ઃ મારી ઉંમર ૩૪ વર્ષ. વજન ૬૦ કિલો અને ઊંચાઈ પાંચ ફૂટ બે ઈંચ છે.
મારી મુખ્ય સમસ્યા- છેલ્લા ત્રણ વર્ષથી ગર્ભાશયના મુખ ઉપર ચાંદી પડી છે. દવા તો ઘણી કરી પણ હજુ સુધી આ તકલીફમાંથી મુક્તિ મળી નથી. મને સફેદ પાણી પુષ્કળ પ્રમાણમાં પડે છે. (લ્યુકોરિયા છે.) ગર્ભાશયમાં સોજો રહે છે. પેશાબ કરવા વારંવાર જવું પડે છે. માસિક થોડુ અનિયમિત ગણી શકાય, કમર અને પગમાં દુખાવો રહે છે. વધારે ચાલી શકાતું નથી. થાકની અસર પુષ્કળ જણાય છે. કબજિયાત કાયમથી રહ્યા કરે છે. ચાંદીને લઈને સર્વાઈકલ કેન્સરનો ડર ખૂબ સતાવ્યા કરે છે. જો કે સર્વાઈકલ કેન્સરની રસીના ત્રણ ડોઝ મેં બે વર્ષ પહેલા મુકાવેલ છે.
ચાંદી હાલમાં ખૂબ વધી ગઈ છે. મારા પતિ સાથે કોન્ટેક થતાં મર્નર્ગ ના સેલ્સ જોવા મળે છે. મારે એક આઠ વર્ષની બેબી છે. ડિલિવરી સિઝેરિયનથી થઈ છે. ત્રણ વખત દવા લઈને (૧ માસ ચાર દિવસના ગર્ભનું) એબોર્શન કરાવેલ છે. જ્યારે એક વખત ત્રણથી ચાર મહિના વચ્ચે ગર્ભપાત કરાવેલ છે. હવે પ્રેગનન્સી રાખવી છે અને બાબો થાય એવી જ ઈચ્છા છે.
બીજી સમસ્યા એ છે કે ટાઈમ પિરિયડ વખતે બ્રેસ્ટનો ભાગ ખૂબ જ ભારે લાગે છે. પછી ૠતુચક્ર ચાલે તેમ આપો આપ હળવો બની જાય છે. પરંતુ આ દરમિયાન છાતીમાં દુખાવો ખૂબ જ થાય છે.
બ્રેસ્ટમાંથી પીળું પાણી-પ્રવાહી-ખૂબ દબાવવામાં આવે ત્યારે નીકળે છે. આ માટે મેં થાઈરોઈડ-સિરમ પ્રોલેસ્ટીનના ટેસ્ટ કરાવ્યા છે, જેનો રિપોર્ટ સારો છે. બ્રેસ્ટની બન્ને બાજુ નાની સિસ્ટ છે, આ માટે સોનોગ્રાફી તથા મેમોગ્રાફી કરાવી રિપોર્ટ નોર્મલ છે. સિસ્ટ સાદી છે પરંતુ તે દુખે છે. પાણીની સિસ્ટ છે. આ સિવાય પગના તળિયામાં અને હાથમાં બળતરા રહે છે. એસિડિટીનું પ્રમાણ છે. કબજિયાત રહ્યા કરે છે. તે માટે રાત્રે મેથીની ચા પીઉં છું. ચહેરો ખૂબ કાળાશ પડતો થઈ ગયો છે. આંખના પોપચાં પર સવારે સોજા આવી જાય છે. મને તથા મારી બેબીને સતત શરદી-કફ રહ્યા કરે છે. રાત્રે દરરોજ હળદર વાળું દૂધ અમે લઈએ છીએ. મને ડાયાબિટીસ કે બી.પી. નથી. હું બહારનું ખવાનું બિલકુલ પસંદ કરતી નથી. કડવા રસપાન કરવા ગમે છે.
મારી બન્ને કિડનીમાં પથરી છે તેનો રિપોર્ટ પણ મોકલું છું. - એક બહેન

 

ઉત્તર ઃ પત્રમાં લખેલી આપની તમામ તકલીફને ઘ્યાનમાં રાખીને ઉપચાર આ પ્રમાણે સૂચવું છું.
(૧) ગર્ભાશયના મુખ પર પડેલી ચાંદી અને શ્વેતપ્રદરને મટાડવા માટે નિષ્ણાંત સ્ત્રી ચિકિસ્તક દ્વારા ‘ડૂશ’ લેવા ખાસ જરૂરી છે. પંચવલ્કલ કવાથ, ત્રિફલા કવાથ, જેઠીમઘ અને લોધ્ર વગેરે દ્રવ્યોનો જરૂરી ઉકાળો કરી ગાળ્યા બાદ ઠરે ત્યારે વિધિપૂર્વક યોનિપ્રક્ષાલન કરવાનું હોય છે. અમે ડૂશની આ વિધિ દ્વારા અનેક મહિલાઓને રોગમુક્તિ આપેલી છે. ડૂશની વિધી પતિ જાય પછી ચંદન બલા તેલ, જાત્યાદિ તેલ કે પદ્‌મકતેલનું પોતું બનાવી અંદરના ભાગમાં ‘પિચુ ધારણ’ કરાવવાનું હોય છે.
ઔષધોમાં પ્રદરાન્તક લોહ, કુકકુટાંડ ત્વક ભસ્મ, પુષ્યાનુગ ચૂર્ણ અને સુવર્ણ માક્ષિકનું યોગ્ય માત્રામાં મિક્ષણ કરી સવાર સાંજ ચોખાના ધોવરામણ અને તાંદળજાના રસ સાથે લેવાનું હોય છે. ચાર ચમચી પત્રાંગાસવમાં ચાર ચમચી અશોકરિષ્ટ મેળવી એટલું જ સામે પાણી ઉમેરી જમ્યા બાદ પીવું.
કાયમી કબજિયાતને દૂર કરવા રોજ રાત્રે એક ચમચી જેટલું એરંડભૃષ્ટ હરીતકી ચૂર્ણ અથવા સ્વાદિષ્ટ વિરેમન ચૂર્ણ ફાકી જવું. આ બન્નેની ટીકડી પણ મળે છે. ત્રણથી ચાર ટીકડી રાત્રે સૂતી વખતે લઈ શકાય.
માસિક નિયમિત થાય એ માટે રજો દોષ હરી વટી બે બે ટીકડી સવાર સાંજ લઈ શકાય. કમર અને પગના દુખાવાને દૂર કરવા વાત વિઘ્વંસન રસની એક એક ગોળી સવાર સાંજ પાણી સાથે લેવી. ઔષધોથી ચાંદી મટે એ માટે ખાસ પ્રયત્ન કરવો. ચાંદી બળાવવાની ઉતાવળ ન કરવી. સમાગમ પહેલા અંદરના ભાગમાં ચંદનબલા લાક્ષાદિ તેલ લગાવવું. તમારા પતિ પણ શિશ્ન પર આ તેલ લગાવ્યા પછી જ સમાગન કરશે તો રુઝ જલદી આવશે. આમ તો થોડો સમય સમાગમ બંધ રાખવામાં આવે તો પરિણામ જલદી મળી શકે. આપને એક આઠ વર્ષની બેબી છે અને હવે બીજા સંતાનરૂપે બાબો ઈચ્છો છો પણ આ પ્લાન કરતાં પહેલાં ત્રણેક મહિના વ્યવસ્થિત દવા લઈ બન્ને તંદુરસ્ત બનો. પુત્ર સંતાન માટે તમારા પતિએ દવા લેવી અનિવાર્ય હોય છે. ત્રણ મહિના સુધી તમારા પતિ અને તમે દવા લો પછી જ પ્રેગનન્સી રાખવાનું વિચારવું. તમારા પતિએ ઔષધો આ પ્રમાણે શરૂ કરવા.
(૧) નારસંિહ ચૂર્ણ, ધાતુ પૌષ્ટિક ચૂર્ણ તથા આશ્વગંધાદિ ચૂર્ણ સરખા ભાગે મેળવી તેમાંથી મોટી એક ચમચી જેટલું ચૂર્ણ સવાર સાંજ દૂધ સાથે લેવું.
(૨) શુક્ર શોધન ટીકડી, મન્મથરસ તથા પુષ્પધન્વા રસની બેબે ગોળી સવાર સાંજ દૂધ સાથે લેવી.
(૩) આર્થિક સ્થિતિ સારી હોય તો સુવર્ણ મકર ઘ્વજ વટી એક એક ગોળી સવાર સાંજ દૂધ સાથે લેવી. તમને પગના તળિયામાં અને હથેળીમાં બળતરા થાય છે. બન્ને જગ્યાએ ગાયનું ઘી ઘસવું. એસિડિટી હોય ત્યારે એક ચમચી જેટલું અવિપત્તિકર ચૂર્ણ દૂધ સાથે ફાકી જવું. ચહેરા પરની કાળાશ દૂર થાય એ માટે આમ તો વ્યવસ્થિત સારવાર સૂચવી શકાય પણ તમે હવે કેટલીક દવા લઈ શકો ? આથી હાલ તુરંત બાહ્ય ઉપચારરૂપે ર્કુકુમાદિ તેલ ચહેરા પર લગાવવું. હિમોગ્લોબિન વધે એ માટે મંડૂર વટી તથા પુનર્નવા મંડૂર બે બે ગોળી સવાર સાંજ લઈ શકાય. પથરીના કારણે હાલ દુખાવો ન થતો હોય તો ગર્ભાશયની ચાંદીઓ શ્વેતપ્રદર ન મટે ત્યાં સુધી એની કોઈ દવા ન કરવી. આ બધી તકલીફ મટે પછી અશ્મરીહર કવાથ લેવાનું શરૂ કરશો. બેબીની શરદી અને કફ દૂર થાય એ માટે વ્યોષાદિવટી, નાગગૂટી તથા નારદીય લક્ષ્મી વિલાસ રસની એક એક ગોળી સવાર સાંજ મઘ અથવા પાણી સાથે આપવી. મોટા વ્યક્તિએ શરદી કફ દૂર કરવા બે બે ગોળી લેવી.

 

પ્રશ્ન ઃ હું ૨૯ વર્ષન ોપરિણીત યુવક છું. લગ્નને આઠ વર્ષ થયા હોવા છતાં અમારે બાળક નથી. મારા વીર્યનો રિપોર્ટ કરાવ્યો તો સ્પર્મ કાઉન્ટ ૩.૨ મિલિયન આવ્યો છે. જે ૬૦થી ૧૫૦ મિલિયન સુધી હોવા જરૂરી છે. ડોક્ટર સાહેબે સ્પર્મ કાઉન્ટ વધારવા માટે અમને જે દવા લખી આપી તેપૂરા પાંચ મહિના સુધી લીધી છે. એમના કહેવા પ્રમાણેનો કોર્સ મેં પૂરો કર્યો છે છતાં જીવાણુની સંખ્યામાં કોઈ ફેરફાર કે અસર જોવા મળેલ નથી. તો આપને આ પત્ર ખૂબ જ આશા સાથે લખી રહ્યો છું તો જલદીથી જવાબ આપવા વિનંતી.
એક યુવક (જોરાવર નગર, સુરેન્દ્રનગર)

 

ઉત્તર ઃ સ્પર્મ કાઉન્ટ વધે એ માટે નીચે લખ્યા મુજબના ઔષધોનું ચૂર્ણ બનાવી સવાર સાંજ દૂધ સાથે લેવાનું શરૂ કરો.
(૧) શતાવરી, અશ્વગંધા, સફેદ મૂસળી, આમળા, જેઠીમધ, વિદારીકંદ, ગોબરૂ, સાલમપંજા ને શેકેલા કૌચાંનું ચૂર્ણ સરખા ભાગે મેળવી ચૂર્ણના વજન જેટલી દળેલી સાકર મેળવી જે ચૂર્ણ તૈયાર થાય તે એક કાચની બરણીમાં ભરી રાખવું. આમાંથી એક ચમચી જેટલું ચૂર્ણ લઈ તેમાં એટલું જ નારસંિહ ચૂર્ણ ઉમેરી સવાર સાંજ દૂધ સાથે પીવું. આ ચૂર્ણમાં ધાતુ પૌષ્ટિક ચૂર્ણ પણ ઉમેરી શકાય પરિણામ મળે ત્યાં સુધી આ ઔષધ પ્રયોગ ચાલુ રાખવો. આ સિવાયના ઔષધોમાં
(૨) શુક્રજનન કવાથ ધનવટી તથા શુક્ર શોધન ધનવટી બે બે ટીકડી સવાર સાંજ લેવી.
(૩) જન્મથ રસ તથા પુષ્પધન્વા રસની બે બે ટીકડી સવાર સાંજ દૂધ સાથે લેવી.
(૪) આર્થિક સ્થિતિ સારી હોય તો સિદ્ધ મકર ઘ્વજ વટીની એક એક ગોળી સવાર સાંજ દૂધ સાથે લેવી.
(૫) અપત્યકર ઘૃત એક એક ચમચી સવાર સાંજ દૂધ સાથે લેવાથી પણ લાભ થશે.

 

પ્રશ્ન ઃ મારો બાબો સાત વર્ષનો છે. પરંતુ વજન તેનું ફક્ત ૧૪ કિલો જ છે. તે બાકી બધી રીતે ખૂબ જ હોંશિયાર છે. તેની યાદશક્તિ પણ ખૂબજ સારી છે. તે ભણવામાં પણ ખૂબજ હોંશિયાર અને સ્ફુર્તિવાન છે. પરંતુ તેને બંઘુજ ખવડાવવા છતાં તેનું વજન વધતું જ નથી. તેના હાથ પગના તળિયામાં પણ લાલાશ નથી. ફ્રુટ, શાકભાજી વગેરે વ્યવસ્થિત ખાય છે. તેને દૂધ, ઘી, માખણ, ચીઝ વગેરે ભાવતું નથી. તેમજ તે જંક ફૂડ પણ ખાતો નથી. છતાં કેમ આવું ? તેના ડોક્ટરને પૂછ્‌યું તો કહે કાંઈ વાંધો નહીં, મોટો થશે એટલે બઘું બરાબર થઈ જશે. તેને શક્તિની દવા આપું છું તો કબજિયાત થઈ જાય છે. તો હવે શું કરવું ?
બીજું છેલ્લા એક મહિનાથી તેને હાથમાં અને ગોઠણ ઉપર સફેદ ડાઘ નીકળ્યા છે.
- એક બહેન (ભાવનગર)

 

ઉત્તર ઃ વજન વધારવાના ઔષધો સૂચવતી વખતે સફેદ દાગને પણ ઘ્યાનમાં રાખવાના છે. એવા ઘણા આહાર અને ઔષધ છે જે વજન તો વધારી શકે પણ સફેદ દાગને મટાડવામાં મદદ ન કરે. આથી બન્ને તકલીફને દૂર કરવામાં મદદ કરે એવો ઔષધો સૂચવું છું.
(૧) કાર્સ્યહર લોહ, કૃમિકુઠાર રસ તથા બાકુચિ ઘનવટીની બે બે ગોળી સવરા સાંજ પાણી સાથે આપવી.
(૨) એક ચમચી જેટલું આશ્વગંધા ચૂર્ણ સવાર સાંજ પાણી સાથે આપવું. બે ચમચી અશ્વગંધા રિષ્ટમાં બે ચમચી ખદિરારિષ્ટ મેળવી એટલું જ સામે પાણી ઉમેરી જમ્યાબાદ પાવું.
(૩) શરીરના જે ભાગ પર સફેદ દાગ નીકળ્યા છે ત્યાં બાકુચિ તેલ લગાડી પંદર વીસ મિનિટ સુધી તડકામાં બેસવું. ખાસતો જે ભાગ પર સફેદ દાગ થયેલો હોય તેના પર સૂર્થનો તાપ લાગવો જોઈએ. બાકુચિ તેલથી કદાચ ફોલ્લા પડે તો એના બદલે તુવરક તેલ પણ લગાવી શકાય. રાત્રે સૂતી વખતે કુષ્ઠહર લેપ (પાઉડર) તુવરક તેલમાં મેળવી પેસ્ટ જેવું બનાવી સફેદ દાગ પર લગાવી દેવું. સફેદ દાગને દૂર કરે એવી પેટન્ટ આયુર્વેદિક દવાઓ પણ હવે તો ઘણી મળે છે. પરેજીમાં દહીં, શિખંડ, ગોળ, મીઠાઈ, તમામ પ્રકારના ફળ તથા આથો આવીને તૈયાર થતી હોય એવી તમામ વાનગી બંધ ખરવી. હાંઠવો, ઢોકળા, ઈડલી, ઢોંસા, ઉત્તપમ કે દહીંવડા જેવા કોઈ પદાર્શો લેવા નહીં. મીઠાની જગ્યાએ ‘સાચા’ સંિઘાલૂણનો ઉપયોગ કરી શકાય. બાકી ચોખા કે જુવાર સિવાયની બધી જ સફેદ વસ્તુઓ બંધ કરવી. દૂધએ ખાતો નથી એ હાલ પૂરતી સારી વાત છે. એના સફેદ દાગને સૌથી પહેલા મટાડવાનો પ્રયાસ થવો જોઈએ. એ મટે પછી આહાર વિહારમાં થોડો ફેર કરી શકાશે. પરિણામ ન મળે ત્યાં સુધી ઉપચાર ચાલુ જ રાખશો.

 

પ્રશ્ન ઃ મારી પુત્રી ત્રીસ વરસની છે.તેના કાનમાં ખૂબ જ દુખે છે. કાનમાંથી પાણી જ નીકળ્યા કરે છે. ડોક્ટરને બતાવ્યું તો એક મહિનાની દવા આપી અને કહ્યું કે કાનમાં હોલ (કાણું) પડી ગયું છે પણ ઘણા એમ કહે છે કે કાનમાં કોઈ દિવસ હોલ પડે નહીં. કાનનો પડદો ઘણો દૂર હોય છે. તો સમસ્યાનો ઉકેલ સૂચવશો. હમણાં થોડા દિવસ પહેલાં ચાલતા ચાલતા ઢાળ આવવાથી ઘ્યાન ન રહેતા પડી ગઈ અને તેથી પગમાં સોજો આવી ગયો છે. તાત્કાલીક તો દુખ દુબાવ લેપ લગાડ્યો છે તો સોજો ઉતરવાની અને દુખાવો દૂર કરવાની ગોળી અને લેપ સૂચવશો.
-એક બહેન (ગોરેગાંવ- ઈસ્ટ, મુંબઈ-૬૩)

 

ઉત્તર ઃ આપની પુત્રી માટે ઉપચાર આ પ્રમાણે સૂચવું છું.
(૧) કર્ણશૂલહર તેલ તથા ક્રણસ્રાવહર તેલના ટીપાં પાડવા.
(૨) ત્રિફલા ગૂગળ, કિશોર ગૂગળ તથા સારિવાદિ વટીની બે બે ગોળી સવાર સાંજ પાણી સાથે આપવી.
(૩) ઈ.એન.ટી. ડોક્ટરનો સંપર્ક કરી, કાનના પડદામાં કાણું છે કે નહીં તે નક્કી કરો. અને જો કાણું હોય તો નિષ્ણાંત ડોક્ટર જે પ્રમાણે સૂચવે તે પ્રમાણે ઉપચાર કરો.
(૪) પડી જવાથી પગ પર જે સોજો આવેલ છે ત્યાં દુખ દબાવ લેપ લગાવવામાં વાંધો નથી. પણ તેની સાથે લેપ ગૂટી મેળવી ગરમ કરીને લગાવવામાં આવશે તો સોજો તથા દુખાવો જલદીથી દૂર થશે. તમારી દીકરીને દહીં, શિખંડ, આઈસક્રીમ, ઠંડા પીણાં કે વાયુને વધારે તેવો આહાર આપશો નહીં.

 

વૈદ્ય વત્સલ વસાણી

Share |
 

Gujarat Samachar Plus

શ્રાવણના મીની વેકેશનનું છોટું પ્લાનીંગ
ફ્રેશર્સ પાર્ટીને બદલે ગુજરાતી ભાષા સપ્તાહ મનાવ્યો
ભાઈને વૃઘ્ઘાશ્રમમાંથી પોતાના ઘરે લઈ આવતી બહેન
નિફ્‌ટના અઢી લાખના ફોરકાસ્ટ મેગેઝીનમાં ફેશનની આગાહી
ટ્રાન્સપરન્ટ સાડીમાં સેક્સી લૂક
મોન્સૂનમાં ઓઇલી નાસ્તો હેલ્થને નુકસાન કરે છે
ફેશન ઓફ આર્મી એસેસરીઝ
 

Gujarat Samachar glamour

સોનાક્ષી સલમાનના પુત્રની માતા બનશે
સલમાન અને શાહરૂખ એક સાથે જોવા મળશે
‘આરાધના’ ને ન્યુ બોટલ ‘ટોપગન’માં પિરસાશે
પ્રીટી ‘ભૈયાજી સુપરહિટ’માં આક્રમક પત્નિ બનશે
નેક્સ્ટ ફિલ્મમાં ડિફરન્ટ રોલમાં હોઈશ
નરગિસ ટુંકા હીરો સાથે જોડી બનાવવા તૈયારી છે
ઝેબથી કંટાળેલા અદનાનને છૂટાછેડા મળતા નથી
 
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved