Last Update : 29-July-2012, Sunday

 
ભાજપને જેમણે ઊભી કરી એ જ ભાજપનો ખાતમો કરવા સક્રિય !

- ચારે બાજુથી ભીંસમાં આવેલા ભાજપના બે નેતાઓને પોતાનું અસ્તિત્વ ટકાવવાની મથામણ
- દેશના બન્ને મોટા પક્ષો નાના થયા અને નાના પક્ષો
મોટા થયા!
- ભાજપનું શેખચલ્લીપણું... ઉત્તરપ્રદેશમાં દસ શહેરમાં મેયરપદનો વિજય મળ્યો એમાં એને ૨૦૧૪ની લોકસભાની ચૂંટણીમાં વિજય દેખાવા લાગ્યો!

એક પણ સંસદીય ચૂંટણી નહીં જીતવા છતાં નિતિન ગડકરી નામના બહુ અજાણ્યા શખ્સને ત્રણ વર્ષ પહેલાં ભારતીય જનતા પક્ષના પ્રમુખ બનાવવામાં રાષ્ટ્રીય સ્વયંસેવક સંઘના વડા મોહન ભાગવતે જેટલો ભાગ ભજવેલો એટલો ભાગ ત્યારે ભાજપના પ્રમુખ સ્થાનેથી હડસેલી મૂકાયેલા લાલકૃષ્ણ આડવાણીનો હતો.... એ વાત બહુ ઓછા જાણે છે. (‘‘નેટવર્ક’’માં ત્યારે લખાયેલું કે... આડવાણી પોતાના કહ્યામાં રહે એવાને પોતાને ખાલી કરવા પડેલા સ્થાને બેસાડવા માંગતા હતા અને સંઘને કોઇ બીજો સુઝતો નહોતો એટલે નાગપુરના જ વતની અને નાગપુરમાં જ સંઘમાં બાળ સ્વયંસેવકથી રહેલા ગડકરીને આંખ મારીને ભાજપના પ્રમુખપદે બેસાડવામાં વાંધો નહોતો) ગડકરીને રાષ્ટ્રીય રાજકારણનો જરાપણ અનુભવ નહોતો છતાં ઉત્તરપ્રદેશના રાજનાથસંિહને જેમ પ્રમુખ બનાવેલા (જોકે રાજનાથસંિહમાં પણ સંઘ ફાવેલો નહીં. રાજનાથસંિહનું ગુજરાત કે મહારાષ્ટ્ર જેવા બીજા રાજ્યોમાં તો ઠીક પણ એમના ઉત્તરપ્રદેશમાં કે દિલ્લીમાં પણ ઉપજતું નહોતું.
સંઘ પાસે લાખો શિસ્તબઘ્ધ સ્વયંસેવકો હોવા છતાં એને યોગ્ય અને ખાંટું વ્યક્તિ કોઇપણ કામ માટે મળતી નથી! જે મળે છે એ છેવટે સુબા થઇને બેસી પડે છે.) એમ ગડકરીને પ્રમુખપદે બેસાડી દીધા! સંઘને એમ કે ગડકરી સંઘના ઈશારે કામ કરશે અને આડવાણીને એમ કે રાજનાથસંિહ છેવટે આડવાણીના ઈશારામાં થઇ ગયેલા એમ ગડકરી પણ આડવાણીના ઈશારામાં રહેશે.
બનેલું એવું કે ૨૦૦૯ની લોકસભાની ચૂંટણીમાં ભાજપના જ હાથમાં છે અને પોતે જ વડાપ્રધાન બનવાના છે એવું આડવાણીનું ગણિત હોવાથી આડવાણીએ રૂપિયા ૪,૦૦,૦૦,૦૦૦નું દારૂખાનું ફોડવા તૈયાર રાખેલું, વડાપ્રધાનપદની સોગંદવિધિ વખતે પહેરવાના કપડાં નવા શીવડાવી રાખેલા અને કેન્દ્રના પ્રધાનમંડળના નામો પણ તૈયાર કરેલા.
આડવાણીનું એ શેખચલ્લીપણું, ગણિત, ખોટું પડ્યું.પરિણામે સંઘ પણ ઘા ખાય ગયો. સંઘનો ઉદેશ્ય રાજકારણ ન હોવા છતાં સતત રાજકારણ જ રમી રહેલો તેમજ ભાજપના પ્રચારમાં અને ચૂંટણી સંચાલન પોતાના હાથમાં રાખનાર સંઘે નાગપુર અને નવી દિલ્લી વચ્ચે મીટીંગો ઉપર મીટીંગો થવા લાગી.
ભાજપનું સુકાન સોંપવા માટે કેટલાક નામ આવ્યા. અરુણ જેટલી અને સુષમા સ્વરાજની દાવેદારી મજબૂત હતી પરંતુ એમને સંસદના બન્ને સદનોના નેતા બનાવવાના હોવાથી એમના માટે નાગપુર સહમત નહોતું. એવામાં ગોવાના મુખ્ય પ્રધાન મોહન પરિકર અને નાગપુર મહારાષ્ટ્રના નિતિન ગડકરીનું નામ આવ્યું.
એ બે ઉપરાંત બીજા બે નામ એમના કુલમાર નામ લઇને સંઘમાં ભાજપનો હવાલો સંભાળનાર જેવા સંઘના ઉચ્ચ અધિકારીઓ આડવાણીને મળ્યા અને આડવાણીએ ગડકરી માટે સહમતિ દર્શાવી.
આ વાત છે ૨૦૦૯ની અને આજે ૨૦૧૨ છે. આ ત્રણ વર્ષમાં ભાજપાની અંદરની સ્થિતિ સાવ બદલાય ગઇ છે.
જેમ કે, જે આડવાણીએ ૨૦૦૯માં ગડકરીને સત્તા આપવામાં ભાગ ભજવેેેલો એ જ આડવાણી ૨૦૧૨માં ગડકરી સત્તામાં ન રહે એવું ઈચ્છવા (કરવા) લાગ્યા. જેમ કે, ગુજરાતના મુખ્યપ્રધાનની ખુરશી પર બેસાડી રાખવામાં જે આડવાણીએ જે વ્યક્તિ માટે ભાગ ભજવેલો એ બન્ને એક જ મંચ ઉપર ભેગા થવા છતાં ઓળખતા ન હોય એ રીતે રહ્યા!
ગડકરીને બીજી મુદત માટે ચાલુ રાખવાની વાત આવી ત્યારે એ જ આડવાણીએ સૌ પ્રથમ એનો વિરોધ કરતા કહેલું કે, કોઇ એક વ્યક્તિ માટે સંસ્થાના બંધારણમાં ફેરફાર ન કરાય (ભાજપના બંધારણમાં પ્રમુખને ત્રણ જ વર્ષ માટે રાખવાનો નિયમ છે. ભાજપમાં લોકશાહી છે એવો તેઓ દાવો કરે છે પણ ભાજપમાં ટોચથી માંડી નીચે સુધી ક્યાંય ચૂંટણી નથી થતી. ઉપરથી જ બેસાડી દેવામાં આવે છે.)
આમ ગડકરીને બીજી મુદત માટે પ્રમુખ બનાવવાનો આડવાણીએ વિરોધ કરેલો ત્યારે એમને ટેકો આપનાર ફક્ત સુષમા સ્વરાજ હતા. એમના ખાસ ગણાતા અરૂણ જેટલી શરૂમાં સ્પષ્ટ નહોતા.
એ જ રીતે આડવાણીને એમ કે નરેન્દ્ર મોદી અને ગડકરી વચ્ચે અંટસ પડેલો છે એટલે એ પણ ગડકરીનો વિરોધ કરશે પરંતુ એ વખતે ગડકરીએ એવો એક ‘‘માસ્ટર સ્ટ્રોક’’ લગાવ્યો કે બીજી મુદત માટેનો એનો માર્ગ સરળ થઇ ગયો.
એ માટે એ સંજય જોષીનું પત્તુ રમ્યા. પહેલાં એમણે સંઘના ઈશારે ઉત્તર પ્રદેશની ચૂંટણીમાં સંજય જોષીને ચૂંટણી સંચાલન સોંપેલું જેથી નરેન્દ્ર મોદી નારાજ થએલા. આ વખતે એ જ સંજય જોષીનું પત્તુ રમીને ગડકરીએ મોદીને રાજી કર્યા એટલે સ્પષ્ટ થઇ ગયું કે ગડકરીને બીજી મુદત માટે હવે કંઇ અડચણ આવી શકે તેમ નથી.
પરિણામે મુંબઇની રેલીમાં ભાગ લીધા વિના આડવાણી અને સુષમા સ્વરાજ બન્ને દિલ્લી પાછા ફરી ગયા. એમની સાથે જેટલી પણ પાછા ફરશે એવું આડવાણી માનતા હતા પણ એવું બન્યું નહીં. (કારણ કે જેટલીને નરેન્દ્ર મોદીએ ગુજરાતમાંથી ચૂંટી મોકલ્યા છે)
મુંબઇની કારોબારીથી સ્પષ્ટ થઇ ગયું કે આડવાણી- સુષમા- જેટલીની ત્રિપુટી તૂટી ગઇ છે. એ સાથે એ પણ સ્પષ્ટ થઇ ગયું કે ભાજપનું ભાવિ હવે અંધકારમય થવા લાગ્યું છે.
જેટલી ગડકરીની પડખે જઇને ઊભા રહ્યા. જ્યારે ગડકરી અને નરેન્દ્ર મોદીના સંબંધો એટલા બધા ખરાબ થઇ ગયા હતા કે... બન્ને મળવાનું તો ઠીક પણ એકબીજાના ફોન લેવાનું પણ બંધ કરી દીધેલું.
એ અંટસ દૂર કરવાનું કામ ભાજપના રાજ્યોમાં ઘણું રોકાણ કરનાર એક કોરપોરેટ પરિવારે કર્યું. એથી ગડકરી અને મોદી એક થયા અને આડવાણી- સુષમા અલગ પડી ગયા.
ગડકરી અને આડવાણી વચ્ચેનું અંતર વધતું ગયું. ગડકરી અને નરેન્દ્ર મોદીએ હાથ મિલાવતા આડવાણી સાવ એકલા પડી ગયા. એટલે એમણે બ્લોગ લખીને પોતાની ભાજપની કાર્યપ્રણાલી, નીતિઓ અને સ્થિતિઓ વિષે પોતાની નારાજી જાહેરમાં વ્યક્ત કરી. એમણે લખેલું કે, ‘‘પાર્ટીમાં હવે ઉત્સાહનું વાતાવરણ નથી રહ્યું.
ઉત્તર પ્રદેશમાં બહુજન સમાજ પક્ષના નેતાઓનું પક્ષે જે રીતે સ્વાગત કર્યું એથી ભ્રષ્ટાચાર વિરૂઘ્ધનું પક્ષનું આંદોલન નબળું પડી ગયું છે. ઝારખંડ અને કર્ણાટકમાં જે કંઇ થયું એની પણ એવી જ અસર પડી છે.’’
આડવાણીએ બ્લોગમાં સુષમા અને જેટલીના વખાણ કર્યા અને પછી કહ્યું, જનતા આજે કોંગ્રેસ સરકારથી નારાજ છે તો આપણે પણ જનતાને નિરાશ કરી છે. અત્યારની સ્થિતિમાં આત્મમંથન કરવાની જરૂર છે. (આ શબ્દો ભાજપને ઊભી કરનાર આડવાણીના છે જે ‘‘નેટવર્ક’’ દસ-પંદર વર્ષથી કહેતું આવ્યું છે જેને ભાજપપ્રેમીઓ ઘુત્કારતા હતા અને ધમકીઓ પણ આપતા હતા. હવે આડવાણી જેવા આડવાણીને એ જ શબ્દો કહેવા પડ્યા છે... કોઇ વિરોધીએ નથી કહ્યા)
ભાજપે આડવાણીની ઉપેક્ષા કરવાનું ચાલુ રાખ્યું તેમ સાવ નીચલી કક્ષાના નિર્ણયો કહેવાય એવા નિર્ણયો લેવાનું પણ ભાજપે ચાલુ રાખ્યું. દા.ત. રાષ્ટ્રપતિની ચૂંટણીમાં ઉમેદવાર પ્રણવ મુખરજીની બનાવટી સહીનો મુદ્દો ઉઠાવ્યો જેનો આડવાણીએ વિરોધ કરેલો. આ બનાવમાં ભાજપની નાહકની ફજેતી થઇ. કર્ણાટકમાં પણ મુખ્યપ્રધાન બદલવાના નિર્ણયને પણ આડવાણીનો ટેકો નહોતો એટલે ગડકરીએ કર્ણાટકમાં રાજનાથસંિહને હાજર રાખેલા. (રાજનાથસંિહ તો હવે રાષ્ટ્રીય રાજકારણથી જ નહીં પણ રાજ્યના રાજકારણથી પણ દૂર ફેંકાઇ ગયા છે... તો પણ! એક વાત સમજો! ગડકરી પહેલાં વેપારી છે અને પછી બીજું બઘું છે. એમને મન ધન એ પહેલું છે ભાજપ, રાજકારણ, સંઘ... બઘું પછી!) કર્ણાટકની બાબતમાં અત્યાર સુધી સુષમા સ્વરાજનું મહત્ત્વ રાખેલું એ સુષમા સ્વરાજનો આ વખતે છેદ ઊડી ગયો!
ભાજપની આવી સ્થિતિ હોવા છતાં એનું ‘‘શેખચલ્લીપણું’’ કે ‘‘ભેંસ ભાગોળે’’ વલણ છોડી શકતો નથી.
દા.ત. ઉત્તરપ્રદેશમાં ધારાસભાની ચૂંટણીઓમાં કોંગ્રેસની જેમ ભાજપના પણ સુપડા સાફ થઇ ગયા હતા. એ પછી ત્યાં બાર શહેરો (દસ જ શહેર... ઉત્તરપ્રદેશમાં લગભગ ૫૦ શહેર હશે એમાંથી ૧૨ જ શહેરોમાં મેયરપદની ચૂંટણી થઇ એમાં ૧૦માં ભાજપના મેયર વિજયી થયા એમાં તો એ ફુલાવા લાગ્યો અને દેશભરમાં (એની ટેવ મુજબ) એના ડંકા વગાડવા લાગ્યો એ તો ઠીક, પણ એ માનવા લાગ્યો કે ૨૦૧૪માં લોકસભાની ચૂંટણીઓ છે એમાં એનો વિજય નક્કી છે!
હવે, ભાજપ આમાં જે વાત છૂપાવે છે એ આ છે...
(૧) આ જે ૧૨ શહેરો છે એમાં પહેલાંથી જ ભાજપનું વર્ચસ્વ રહ્યું છે. ઉલટાનું એ ૧૨માંથી ૧૧માં મેયર પદ ભોગવતો હતો એના બદલે ૧૦ થઇ ગયા.
(૨) મહત્ત્વની વાત એ છે કે મેયરપદની એ ચૂંટણીમાં સમાજવાદી પક્ષે અને બહુજન સમાજ પક્ષે ભાગ જ નહીં લીધેલો. (બન્નેનું ઉત્તરપ્રદેશમાં અત્યારે વર્ચસ્વ છે.)
(૩) મેયરપદમાં ભાજપ ભલે ૧૨માંથી ૧૦માં વિજયી થયો હોય પણ નગરનિગમના સભ્યોમાં ભાજપની ક્યાંય બહુમતિ નથી.
(૪) નગર નિગમોમાં ભાજપના સભ્યો ૨૦૦૬માં ૩૧૫ સભ્યો હતા જે આ વખતે ૩૦૨ થઇ ગયા.
(૫) પંચાયતોમાં પણ ભાજપના સભ્યો ઘટીને અડધા થઇ ગયા છે. પહેલાં એમાં ભાજપના ૩૪૫ સભ્યો હતા પણ અત્યારે ૧૯૬ જ છે.
(૬) ૧૮૬ નગરપાલિકાના પ્રમુખમાં ભાજપને ૪૧ પર જ વિજય મળ્યો છે.
જોકે કોંગ્રેસની સ્થિતિ તો આના કરતાં પણ ખરાબ છે પણ એ જૂદી વાત છે. આ તો ભાજપનું શેખચલ્લીપણું અને ગોબેલ્સી પ્રચાર જોવાનો છે.
ભાજપ આવા શેખચલ્લીપણામાં રહેલો એટલે ૨૦૦૪ અને ૨૦૦૯માં હારેલો. એ જ શેખચલ્લીપણું ભાજપ હજી છોડી શકતો નથી.
૨૦૧૪માં કોંગ્રેસના સ્થાને ભાજપે જો આવવું હશે તો આપસના મતભેદ અને શેખચલ્લીપણું એણે છોડવા પડશે.
- ગુણવંત છો. શાહ

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           

શ્રીલંકાએ અટકાયત કરેલા તામિલનાડુના ૨૩ માછીમારોને મુક્ત કર્યા

આસામની હિંસામાં તાત્કાલિક તપાસની માનવાધિકાર સંગઠનની માગ
ફરિયાદી પક્ષના સાક્ષીઓનું નિવેદન નોંધવાનું પાક. કોર્ટે નકાર્યું

બે ભારતીયોની હત્યામાં સંડોવાયેલા બે આતંકવાદીઓ ઠાર મરાયા

હકાની નેટવર્ક વિદેશી ત્રાસવાદી સંગઠન તરીકે ઓળખાશે

ભારતની બોક્સિંગ અને શૂટિંગમાં કંગાળ શરૃઆતઃમેન્સ આર્ચરીમાંથી આઉટ

ઉદ્ધાટન સમારંભમાં માર્ચ પાસ્ટ દરમ્યાન ભારતીય કાફલા જોડે રહસ્યમય યુવતી કોણ ?
ક્વોલિફાઈંગ રાઉન્ડમાં ફેલ્પસનો પ્રારંભ નિરાશાજનક રહેલો
રાષ્ટ્રપતિ બન્યા પછી પ્રણવ ભ્રષ્ટાચારી મટી જતાં નથી ઃ કેજરીવાલ
ઉચ્ચ શિક્ષણ બિલનો હેતુ શિક્ષણ પ્રણાલીને મજબુત કરવાનોઃ સિબલ

અમરનાથ યાત્રાનો અંતિમ તબક્કો 'છડી મુબારક' વિઘિ રક્ષાબંધને

બિકાનેરમાં બે યુવાન નોકરી માટે ટાંકી પર ચઢી ગયા
કાશ્મીરમાં કાર વિસ્ફોટ ઃ બેનાં મોત છ ઘાયલ
ઓલિમ્પિકમાં ગોલ્ડ મેડલ જીતવો તે મારૃ સ્વપ્ન છે ઃ ખેલાડી માટે અહીં ભાગ લેવો તે ગૌરવ છે
આજે મહિલા તીરંદાજી ટીમ અને સાયના પર નજર
 
 

Gujarat Samachar Plus

પાઠયપુસ્તક મંડળે શરીરના અંગોની જગ્યા બદલી નાંખી
વારસદાર વિહોણા બાઈક સાથે સેપ્ટના એ સવારો આજે પણ લાપત્તા
કોલેજોમાં જામ્યું સ્ટુડન્ટનું ઝૂમ બરાબર ઝૂમ
ના કોઈ દિશા ના કોઈ મુકામ બસ ચલ પડે હૈ
વિડીયો ગેમની અસર ઘરે નહીં સ્કૂલમાં દેખાય છે
શોપિંગ ગાઇડ જરૃરી હૈ...
પ્રેમનું પ્રતિક રાખડી બજારમાં નવી સ્ટાઇલ સાથે
 

Gujarat Samachar glamour

સલમાનની ફિલ્મનું પ્રાઇવેટ સ્ક્રીનીંગ નહીં કરાય
આમિર તરફથી બહેનને 'બર્થ-ડે' ગિફ્ટ
મનીષાએ પતિ સાથેના સંબંધોનો છેડો ફાડી નાખ્યો
કિસ્મત ફિલ્મે પહેલીવાર 'જ્યુબિલી'નો સ્વાદ ચખાડયો
સુનિતાને અંતરિક્ષમાં 'જોકર' જોવા મળશે કે નહીં?
શાહરૃખ અચાનક આરાધ્યાને રમાડવા ગયો
કરીના દબંગ-૨માં સલ્લુ સાથે આઇટમ સોન્ગ
 
   
   
   
 

Gujarat Samachar POLL

 

Olympics 2012 Photos

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved