Last Update : 24-July-2012, Tuesday

 
૫૪ વર્ષની માતા સેલિનાની ઐય્યાશીના કારણે છ છ હાડપીંજરો જમીનમાં દટાયા!

- ૫૪ વર્ષની સેલિનાના ૩૬ વર્ષના ત્રીજા ખાવંિદ પરવેજ ટાંકે છ છ જણના ખૂન કેમ કર્યા?
- ફરિયાદ કર્યા પછી છ મહિના બાદ પોલિસ જાગી!
- રાજેશ ખન્ના અને લૈલાખાનની ‘‘વફા ઃ એ ડેડલી લવસ્ટોરી’’ નામની ફિલ્મ ૨૦૦૮માં રાકેશ સાવંતે ઉતારેલી

૫ જુલાઇ, ૨૦૧૨ના રોજ જમ્મુથી લગભગ ૨૦૦ કી.મી. દૂર કિશ્તવાડ નામના ગામના પોલિસ સ્ટેશનમાં ડી એસ પી અબરાર ચૌધરી કુરાન વાંચી રહ્યા હતા અને પછી બાજુમાં બેઠેલા પોતાના જુનિયર સાથીદારને કુરાનની આયાતોમાં ઉર્દૂમાં સમજાવી રહ્યા હતા. ત્યાં પરવેજ ટાક પણ બેઠો હતો.
અબરાર ભાઇ આયાતોમાંની જે આયાતમાં પાપીને સજાનું વર્ણન આવે છે એ આયાત વાંચીને સમજાવતા હતા એવામાં પેલો પરવેજ પોક મૂકીને રડવા લાગ્યો.
૩૬ વર્ષનો પરવેજ હીબકા ભરતો કહી રહ્યો હતો કે, એણે હિન્દી ફિલ્મોની અભિનેત્રી લૈલાખાન અને એના કુટુંબના પાંચ સભ્યોની ૧૧ મહિના પહેલાં હત્યા કરી છે.
એ પછી પરવેજે પોતાની કહાની કહી. કીશ્તવારથી ૧૦૦ કી.મી. દૂર મારાન નામના ગામમાં એ અને એના બાપા મોહમ્મદ આમીન સુથારી કામ કરતા હતા અને એમનું સુથારી કામ લોકોની પ્રશંસા પામેલું હતું.
૨૦૦૬ સુધી પરવેજ એના પિતા સાથે કામ કરતો રહીને મદદ કરતો હતો પણ બંધિયાર જીવનથી કંટાળી ગયો હતો.
છેવટે એણે સુથારી કામ છોડી દીઘું અને એ રાજકારણમાં જોડાયો. પહેલા એ ૨૦૦૬માં જોડાયો પણ કોંગ્રેસમાં પોતાને ક્યાંય પત્તો નહીં લાગે એમ લાગતા એ કોંગ્રેસ છોડીને શરદ પવારના એનસીપી પક્ષમાં જોડાયો. કાશ્મીરમાં એનસીપીનું કોઇ નથી (જેમ ગુજરાતમાં કોઇ નથી. હમણાં ધોળકાવાળા કોઇ જયંતિભાઇનું અદાણી સાથેના સંબંધના કારણે નામ ચમકેલું) એટલે એનસીપીએ (શરદ પવારે) ૨૦૦૮ની કાશ્મીર વિધાનસભાની ચૂંટણી લડવા સહેલાઇથી ટિકિટ આપી.
પરવેજ ઈન્દરવાલથી ચૂંટણીમાં ઊભો રહ્યો. એની સામે કોંગ્રેસના ઉમેદવાર જે એમ સરુરી ઊભેલા. પરિણામે પરવેજ હારી ગયો. એને ફક્ત ૮૦૦ જ મત મળ્યા.
ચૂંટણી લડવા એણે પોતાના જોખમ પર રૂપિયા ૧૦ લાખનું દેવું કરેલું. એનસીપી પક્ષે એને રૂપિયા ૧૫ લાખ આપવાનું વચન આપેલું પરંતુ શરદ પવારે એ વચન પાળ્યું નહંિ અને રૂપિયા ૧૫ લાખ ન આપ્યા.
એક તો, ચૂંટણી હારેલો... એમાં માથે ૧૦ લાખનું દેવું થયું એટલે લેણદારોનો તકાજો વધવા લાગ્યો.
દરમ્યાનમાં એ એનસીપી પક્ષ સાથે સંકળાયેલી એક એનજીઓ સંસ્થા સાથે સંપર્કમાં આવ્યો.
લેણદારોથી બચવા મુંબઇ તરફ જઇને નસીબ અજમાવવા માંગતો હતો એવામાં એ સેલિના પટેલના સંપર્કમાં આવ્યો. ૨૦૧૦માં પેલી એનજીઓ સંસ્થાની મીટીંગમાં ભાગ લેવા એ ન્યુ દિલ્લી ગયેલો. સેલિના પટેલ પણ એમાં હતી. ત્યાં ઔપચારિક ચર્ચા ચાલેલી એમાં કાશ્મીરીઓનો સેલિના પટેલે જે બચાવ કરેલો એથી પરવેજ બહુ પ્રભાવિત થએલો. એણે એ વખતે સલીનાનો આભાર પણ માન્યો.
એ જ એનજીઓ સંસ્થાની એક બીજી મીટીંગમાં પરવેજનો ભેટો પાછો સેલિના પટેલ સાથે થયો. એ વખતે ૫૪ વર્ષની પણ ઐયાશ સેલિનાએ પોતાની ઓળખાણ છૂટાછેડા લીધેલી દુઃખી નારી તરીકે આપેલી. ત્યારે પરવેજે એને કહેલું કે, ‘‘તમે એટલા બધા સુંદર છો કે તમારે બીજી વાર લગ્ન કરવા જોઇએ.’’
પરવેજે ત્યારે પોતે પરણેલો છે અને બે સંતાનોનો બાપ છે એવી ઓળખાણ છૂપાવેલી. જોકે એણે પોતાની ઉપરના દેવાની વાત છૂપાવેલી નહીં. એ સાંભળીને સેલિનાએ જવાબ આપેલો કે, ‘‘તું મુંબઇ આવ, હું તને મદદ કરીશ. ફિલ્મ લાઇનમાં મારી ઘણી ઓળખાણ છે.’’
ઐયાશ સેલિના પોતાના કરતાં ૨૦ વર્ષ નાના, જુવાન, કદાવર, રૂપાળા, કાશ્મીરી યુવાનથી આકર્ષાઇ હતી. પરવેજને માથે દેવું હતું, એ મહત્ત્વાકાંક્ષી હતો, શોર્ટકટ કરીને એને આગળ નીકળવું હતું એમાં સેલિનાનું આમંત્રણ મળ્યું એટલે પરવેજ મુંબઇ જવા નીકળી પડ્યો.
પરવેજને રેલવે સ્ટેશન પર લેવા સેલિના જાતે પહોંચી ગઇ હતી. સેલિના એને લઇને એમના મીરારોડ પરના એપાર્ટમેન્ટમાં ગઇ જ્યાં એ બન્ને કેટલાક મહિના સુધી સાથે રહ્યા. થોડાંક મહિના પછી બન્નેએ ફિલ્મી ઢબથી લગ્ન કરી લીધા.
લગ્ન કરીને સેલિના પરવેજ સાથે ઓશીવારાના ફ્‌લેટ ઉપર ગઇ અને પોતાના ૪ સંતાનો... ૨૯ વર્ષની લૈલાખાન, ૩૧ વર્ષની લૈલાની મોટી બહેન અજમીના, ૨૨ વર્ષના જોડકા ભાઇ-બહેન જારા અને ઈમરાનની ઓળખ કરાવીને પોતાના નવા ખાવંિદ તરીકે પરવેજની ઓળખ કરાવેલી.
એમાંથી લૈલાખાન હમણાં અવસાન પામેલા હિન્દી ફિલ્મોના એકમાત્ર સુપરસ્ટાર રાજેશ ખન્ના સાથે ૨૦૦૮માં ‘‘વફા ઃ ધી ડેડલી લવ સ્ટોરી’’ ફિલ્મમાં આવેલી. લૈલાખાનનું અસલી નામ રેશમા પટેલ છે. જ્યારે એની રાકેશ સાવંત અને રાજેશ ખન્નાએ અભિનેત્રી થવા માટે આવેલી ૫૦ જેટલી છોકરીઓમાંથી ‘‘વફા’’ માટે પસંદ કરી ત્યારે એણે પોતાનું નામ બદલીને લૈલાખાન કર્યું. ‘‘દરેક સ્ત્રીને પ્રેમ કરવાનો હક્ક છે’’ એમ દર્શાવતી આ ફિલ્મમાં લૈલાખાને વૃઘ્ધ રાજેશ ખન્ના સાથે ગરમાગરમ દ્રશ્યો આપેલા.
એના કામથી ખુશ થઇને સાવંતે એક મુસ્લિમ યુવતિના સંઘર્ષની વાર્તા કહેતી ‘‘ઝિન્નત’’ અને ત્રણ યુવતિઓ એક જ યુવાનના પ્રેમમાં પડે છે એવી કથાવાળી ‘‘એપ્રિલફુલ’’ ફિલ્મ માટે ૨૦૧૦માં સહીસિક્કા કરેલા. સાવંતે લૈલા સાથે ચોથી ફિલ્મ ‘‘લૈલા ઃ આજકી તાજા ખબર’’ ફિલ્મ બનાવવાનું પણ નક્કી કરેલું.
લૈલાખાને અગાઉ પાકિસ્તાની ફિલ્મોમાં કેટલાક ખુલ્લંખુલ્લા દ્રશ્યો પણ આપેલા.
લૈલાની સગાઇ દુબઇમાં રહેતા આસિકખાન ઊર્ફે સોનૂ સાથે થઇ હોવાનું કહે છે જ્યારે એના ભારતીય પિતા કાશ્મીરી છે જેનું નામ નાદિર પટેલ છે. એ આજે પણ મુંબઇના મીરાં રોડ પર રહે છે.
લૈલાએ કુલ ૬ હિન્દી ફિલ્મો ઉપરાંત કેટલીક કન્નડ ફિલ્મોમાં પણ કામ કરેલું જેમાં એણે કશો સંકોચ રાખ્યા વિના અંગ પ્રદર્શન આપેલું.
ઓશિવારામાં એમનો ફલેટ ઓશિવારા પોલિસ મથક સામે સનસાઇન એપાર્ટમેન્ટમાં આવેલો છે. લૈલાના અસલી પિતા નાદિર પટેલ અને મા સેલિના પટેલ ૧૯૯૯થી જ છૂટા પડી ગયા હતા. સેલિના ખૂબ જ ઐયાશી હોવાથી એના પહેલા પતિ સાથે પણ એને બનેલું નહીં અને બન્નેના તલાક પણ થઇ ગયા હતા.
એ પછી એ પોતાની દેહભૂખ મટાડવા માટે આસિફ શેખ નામના પુરૂષ સાથે રહેવા લાગેલી. એને ત્રણ ત્રણ જુવાન દિકરી અને એક પુત્ર પણ હતો એટલે એ આસિફની ઓળખ પહેલાં તો પોતાના કાકાના દિકરા તરીકે આપેલી પણ પછી કશું છૂપું નહીં રહેતા એણે પતિ-પત્ની તરીકેના સંબંધ એની સાથે હોવાનું ખુલ્લું કરેલું.
એવામાં પરવેજને સેલિનાએ જોયો અને એ પણ એને ગમી ગયો અને પરવેજને કાશ્મીર છોડીને ક્યાંક આશરો લેવો હતો એટલે એને સેલિના સાથેનો સાથ જરૂરી થઇ પડ્યો. સેલિના પાસેની મિલકતો પણ એની નજરમાં આવી ગઇ. ઓશિવારાનો ફ્‌લેટ, મીરારોડનો ફ્‌લેટ, ઈગતપુરીનું ફાર્મ હાઉસ, લોખંડવાલામાં એક દુકાન... બઘું મળીને ઓછામાં ઓછી ૭થી ૯ કરોડ રૂપિયાની પ્રોપર્ટી થતી હતી. ઉપરાંત ૧-૨ કરોડના ઘરેણાં હશે.
સેલિનાને પરવેજમાં બીજો રસ એના શરદ પવાર જેવા મોટા માથાના રાજકીય પક્ષ સાથેના સંબંધોનો પણ હતો.
દરમ્યાનમાં ૨૦૧૧ના જાન્યુઆરીમાં લયલા ખાન આખા કુટુંબ સાથે એકાએક ગાયબ થઈ ગઈ. એ અંગેની ફરિયાદ લૈલાના અબ્બાજાન નાદિરે ઓશિવારા પોલિસ સ્ટેશનમાં કરી. એ પોલિસ સ્ટેશન લૈલાખાનના ફ્‌લેટની સામે ૧૦૦ મીટર પણ દૂર નથી પરંતુ પોલિસ ખાતું લાંચ લિધા વિના ફરિયાદની નોંધ પણ નથી લેતું એટલે સામે જ ફ્‌લેટ હોવા છતાં ઓશિવારા પોલિસ સ્ટેશનમાંથી કોઈ હાલ્યું ચાલ્યું પણ નહોતું.
પેલા નાદિર પટેલની બહેન અલ્બાના પટેલ અને સેલિનાની બહેન મેહર અખ્તરે પણ પોલિસને લૈલાખાન વગેરેના ગુમ થયાની જાણ કરેલી. એમણે ફરિયાદમાં કહેલું કે ફેબુ્રઆરી ૨૦૧૧ પછી સેલિના કે કોઈનો ફોનથી પણ સંપર્ક નથી થતો તો પોલિસ ઈગતપુરીના ફાર્મ હાઉસમાં પણ તપાસ કરે. તો પણ મુંબઈની પોલિસ હાલીચાલી નહીં. અરે, પેલી ૨૦૦૮માં બનેલી ફિલ્મ ‘વફા’ના નિર્માતા રાકેશ સાવંતે પણ લયલાખાનના ગુમ થયાની ફરિયાદ કરેલી. ‘‘તમારી ફરિયાદ નોંધાઈ ગઈ છે’’ એવું કહીને પોલિસે રાકેશને પાછો કાઢેલો. છેવટે ૨૦૧૨માં લૈલાના અબ્બાજાને આરોપ કર્યો કે પરવેજ ટાકે લૈલાના કુટુંબને મારી નાંખવાનું ષડ્‌યંત્ર કર્યું છે. તો પણ મુંબઈની પોલિસ ઊભી ન થઈ!
અંતે અખબારો અને ટી.વી. ચેનલોએ લૈલાખાનના આતંકવાદીઓ સાથેના સંપર્કોના અનુમાનિત સમાચારો આપવા લાગ્યા એટલે પોલિસ સફાળી જાગી. એમાં મુંબઈના એક અડધીયા (ટેબ્લોઈડ) અખબારે સમાચાર આપ્યા કે લૈલા દુબઈમાં હતી અને એની મિત્સુબિશી મોટર સપ્ટેમ્બર ૨૦૧૧માં દિલ્લી હાઈકોર્ટ બહાર જે ધડાકા થયેલા એમાં વપરાયેલી.
આ સમાચારને જમ્મુના પોલિસ વડા ગરીબદાસે રદીયો આપ્યો પણ મહારાષ્ટ્રની આતંકવાદ વિરોધી પોલિસે (એટીએસ) એ સમાચારને ઘ્યાનમાં રાખીને લૈલા પરવેઝ ટાકની તપાસ કરવા કાશ્મીર પોલિસની એક ટુકડીને મોકલી.
આમ પત્રકારોની દુનિયા સજાગ થતા મુંબઈની પોલિસ સળવળી. આ અંગે મુંબઈના પોલિસ વડા એમ.એન. સંિહ પોલિસ ખાતાનો લુલો અને બેહુદો બચાવ કરતા કહે છે કે...પોલિસ પુખ્ત વયની કોઈ વ્યક્તિના ગુમ થવા વિશે કદી ગંભીરતા નથી રાખતી. પોલિસ ઉપર પહેલાંથી જ ઘણું ભારણ છે અને બધી જ ગુમ થતી વ્યક્તિને પોલિસ શોધી શકતી નથી. (તો પછી પોલિસની જવાબદારી શું? અખબારો અને ટી.વી. ન હોય તો પોલિસ રૂપિયા ખાવામાંથી નવરી જ પડે નહીંને?)
જોકે પોલિસ હજી પણ ઠાગાઠૈયા કરતી હતી. મુંબઈથી નાસિક જતા રસ્તામાં ઈગતપુર આવે જ્યાં સેલિનાનું ફાર્મહાઉસ હતું. (ઈગતપુરી એટલે પેલા ‘વિપશ્યના’ કેન્દ્રોનું મુખ્ય મથક.) પોલિસનું વલણ જોઈને સેલિનાની બહેન મેહર અખ્તર જાતે જ એ ફાર્મ હાઉસ પર પહોંચી. ત્યાં એણે જોયું કે ફાર્મહાઉસને આગ લગાવવામાં આવેલી જેથી એ થોડુંક બળી ગયું હતું. એ સીધી નાસિક પોલીસ પાસે પહોંચી પણ એને વઘુ માહિતી ન મળી. કેસ મુંબઈ પોલિસે સંકેલી લીધેલો. નાસિક પોલિસ પણ એ જ રસ્તે ચાલી.
એવામાં ૨૦૧૨ના મેની ૨૯મીએ જમ્મુ કાશ્મીરની કિશ્તવાડની પોલિસે લૈલા ખાનની મુંબઈમાં રજીસ્ટર્ડ થયેલી મહારાષ્ટ્રની નંબર પ્લેટવાળી મિત્સુબિશી આઉટ લેન્ડર મોટર એક ગેરેજ બહાર જોઈએ. એ ગાડી ત્યાં પરવેજ લાવેલો.
હવે મુંબઈ પોલિસ જાગી. મદમસ્ત અભિનેત્રી લૈલા ખાન સાથે જોડતો મામલો હતો. મુંબઈ પોલિસ ૮ જુલાઈએ કિશ્તવાડ પહોંચી અને ટ્રાન્ઝીટ રિમાન્ડ પર પરવેજને લઈને મુંબઈ આવી. ૯ જુલાઈએ એને કોર્ટમાં રજૂ કરીને પોલિસ સ્ટડીમાં લઈ ગયા.
પરવેજે પોલિસને જણાવ્યા પ્રમાણે ૨૦૧૧ના ફેબુ્રઆરીમાં પરવેજ અને સેલિના ફાર્મ હાઉસમાં શરાબ પી રહ્યા હતા ત્યારે સેલિનાએ કહ્યું કે એ પોતાની બધી પ્રોપર્ટી વેચીને દુબઈ ચાલી જવા માંગે છે.
એ સાંભળીને પરવેજ એકદમ ગરમ થઈ ગયો અને બન્ને વચ્ચે ઉગ્ર બોલચાલ થઈ જેમાં ગુસ્સામાંને ગુસ્સામાં પરવેજે ત્યાં પડેલા એક રોડ (દંડો) ઉઠવીને સેલિનાના માથમાં ફટકાર્યો. સેલિના તરત જ બેભાન થઈને પડી ગઈ અને થોડીવારે એનો જીવ જતો રહ્યો.
એ વખતની સેલિનાની ચીસ સાંભળીને બાજુના રૂમમાં એની મોટી દિકરી અજમિના, ભત્રીજી રેશમા, દિકરો ઈમરાન હતા એ દોડી આવ્યા.
ફાર્મ હાઉસનો ચોકીદાર શાકીર હતો જેને પરવેજ કિશ્તવાડની લઈ આવેલો. એ પણ ત્યાં દોડી આવ્યો. એ શાકીરની મદદથી પરવેજે પેલા ત્રણેયને પણ મોતને ઘાટ ઉતર્યા.
એ વખતે લૈલાખાન અને એની નાની બહેન (૨૦ વર્ષની) મીરાં રોડ ગયેલા. એમની પાસે ૫૦ લાખ રૂપિયા રોકડા અને લાખોના ઘરેણા હતા. પરવેજ એ જાણતો હતો એટલે એણે લૈલાને ફોન કરીને કહ્યું કે એ ત્યાં જ રહે અને પોતે ત્યાં પહોંચે છે એ પછી બધા સાથે પાછા ઈગતપુરી આવીશું.
પરવેજ અને શાકીર કાળા રંગની સ્કોર્પિયો મોટર લઈને મીરારોડ પહોંચ્યા અને ચારે પાછા ફર્યા. પરવેજ ડ્રાઈવ કરતો હતો, વચ્ચેની સીટમાં બન્ને બહેનો હતી અને પાછળની સીટમાં શાકીર બેઠો હતો. એની પાસે પેલો રોડ હતો.
ઠાણે રોડથી આગળ નીકળતા સુમસામ જગ્યામાં પરવેજે ગાડી રોકી અને શાકીરે કશી રાહ જોયા વિના લૈલા અને જારાને રોડ મારીને બન્નેની હત્યા કરી. બન્નેના મોબાઈલ ફોન પરવેજે બંધ કરીને બન્નેની લાશ લઈને એ ફાર્મ હાઉસ આવ્યો.
ફાર્મહાઉસની પાછળના ભાગમાં બન્નેએ મળીને ૬-૭ ફીટ ઊંડો ખાડો ખોદ્યો જેમાં પેલી છએ લાશો ગાદી તકીયા-ચાદરો સાથે દફનાવીને બન્નેએ ફાર્મ હાઉસમાં આગ લગાવી. એ પછી તરત જ બન્ને મોટરો લઈને કાશ્મીર પહોંચ્યા.
આ હત્યાકાંડનો બનાવ ૨૦૧૧ના ફેબુ્રઆરીમાં થયેલો એટલે લગભગ દોઢ વર્ષ સુધી પોલિસ ઊંઘતી રહી પણ પત્રકારોની સજાગતાના કારણે એ બનાવ ઉપરથી પડદો ઉઠી શક્યો.
ઐયાશી માનવીને અંતે મોતના મુખમાં ધકેલે છે એનો આ એક વઘુ દાખલો છે.
- ગુણવંત છો. શાહ

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
માયાવતીએ બદલેલા આઠ જિલ્લાના નામને અખિલેશે નવેસરથી પાડયા
વધુ બે જણના મોત સાથે આસામ હિસામાં કુલ ૧૯ હોમાયા

યુરોપ કટોકટી પ્રબળ થતા ભારત સહિત વૈશ્વિક શેરબજારોમાં ગાબડાં

મારુતિના પ્લાન્ટમાં અધિકારીઓ માટે કોઇ સુરક્ષા નહોતી
સુપ્રીમે હજ યાત્રાળુઓના સરકારી ક્વોટામાં કરેલો ધરખમ ઘટાડો

ચેમ્પિયન બોલ્ટની ફિટનેસ અંગે ઘેરાતું રહસ્ય ઃ બ્લેક અપસેટ સર્જશે?

આજે રમાનાર બીજી વન ડે અમે જીતવાના ઈરાદા સાથે રમીશું
દોઢ વર્ષથી વધુ અરસા બાદ ગેલ વિન્ડિઝ તરફથી ટેસ્ટ રમશે
દુકાળ, યુ.એસ-યુરોપની કથળતી હાલતે વૈશ્વિક બજારોમાં ધબડકો ઃ સેન્સેક્ષ ૨૮૧ તૂટીને ૧૬૮૭૭
સોનામાં આગેકૂચ ઃ ચાંદી ઉંચેથી તૂટી ઃ વિશ્વબજારમાં જો કે બંને કિંમતી ધાતુઓમાં પડેલા ગાબડાં
વેચાણને જાળવી રાખવા FMCG કંપનીઓ એકશન પ્લાન ઘડશે
દેશમાં કોલસાની અભૂતપૂર્વ અછતથી વીજ ક્ષેત્રે કટોકટી જેવી સ્થિતિ

ધિરાણ નીતિ પૂર્વે રિઝર્વ બેન્કની આજે મહત્વની બેઠક

ભારતના એથ્લેટ્સ ઓલિમ્પિક્સમાં મેડલ જીતી શકે તેમ નથી લાગતું
સાઉથ આફ્રિકાએ ઇંગ્લેન્ડને એક ઇનિંગ અને ૧૨ રનથી હરાવ્યું
 
 

Gujarat Samachar Plus

કોલેજમાં પ્રોફેસરને હેરાન કરવા ચાલુ લેકચરે મોરશીંગ વગાડતો
યે હોંસલા કૈસે ઝૂકે, યે આરઝૂ કૈસે રુકે...
મહુડીનો ઇતિહાસ રંગમંચ પર જીવંત થશે
પેરેન્ટ્‌સે બાળકની ખામી અને ખૂબી જાણવી જોઇએ
કોલેજમાં ટ્રાય એન્ગલ લવમાં ફસાયેલા યંગસ્ટર્સ
ફીટ રહેવા ઉંમર પ્રમાણે કસરત કરો
તીખો ખોરાક ચરબી ઘટાડે છે
બાળક વિડિયો ગેમ નહીં ખુલ્લું મેદાન આપો
 

Gujarat Samachar glamour

સોનાક્ષીને પ્રાઈવસી માટે અલગ જગ્યા આપી
અજય-સોનાક્ષીની ‘સન ઓફ સરદાર’નું ટ્રેલર રીલીઝ
ઐશ્વર્યા સ્લિમ બનતા હોલીવુડની ઓફરો શરૂ
એકતાનું અજમેરની પવિત્ર દરગાહમાં પુષ્પાર્પણ
રજનીકાન્ત ‘શિવાજી’માં ૩ડી વર્ઝન દેખાશે
પૂજા ભટ્ટની ‘જિસ્મ-૩’ને ૩ડી વર્ઝનમાં બનાવાશે
‘કાકા’ના જન્મ દિવસે જ ‘રિયાસત’ રીલીઝ થવાની હતી
 
 

84th Oscar Awards

   
   
   

Gujarat Samachar POLL

 

અમદાવાદ:135મી રથયાત્રા

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
• હવામાં ગોળીબાર • ઓનલાઇન
• ઇંટ અને ઇમારત • સિનેમેજિક
• મેરા ભારત મહાન • વિચાર વિહાર
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved