Last Update : 18-July-2012, Wednesday

 

છેંતાલીસ વર્ષનો પરિણીત ટૂર ઓપરેટર ‘બાળક મેળવવાના’ બહાના ઓથે એક અઢાર વર્ષીય છોકરીની જંિદગી બગાડવા તત્પર બન્યો છે!

અસમંજસ - જોબન પંડિત
- બેટી! પ્રથમ પતિ દ્વારા થયેલાં સંતાનોને છોડવાના ‘પાપ’ પછી તું આ બીજું પાપ કરી રહી છે ઃ ખુલ્લો વિરોધ ન કરતાં પતિને એક ભોળી પારેવડીને ચૂંથવાના અધમ કૃત્યમાં પરોક્ષ સંમતિ આપીને!
- બાળક થાય એટલે એય છુટ્ટી, ને હુંય છુટ્ટો! આ તો થોડા સમય માટે! - જયવંત

પંડિતજી, મારું નામ પ્રસન્ના છે. પચાસ વર્ષની ઉંમરે પણ યૌવનસભર તાજગી મારામાં છે. મારે બે સંતાનો છે, ને મારો પતિ જયવંત કહે છે ઃ ‘મારે બાળક જોએ એટલે જોઈએ.’ મારી વાત જરા અટપટી લાગી ને? હકીકત આમ છે.
જયવંત સાથે મારું બીજું લગ્ન છે. પ્રથમ પતિથી મારે બે બાળકો હતાં. પણ લગભગ છવ્વીસ વરસની વયે જયવંત મારા જીવનમાં આવ્યો. તો આકર્ષક વ્યક્તિત્ત્વવાળો અને દેખાવડો હતો. મારા દિલમાં એ વસી ગયો. હું એના તરફ ખેંચાઈ ગઈ ને એ મારા તરફ... પહેલાં તો છુટાછેડા આપી લગ્ન કરવાની મેં સ્પષ્ટ ના પાડી દીધી ઃ ‘તું મારાથી બે વર્ષ નાનો છે, પછી શું કામ તું તારી લાઈફ બગાડવા તૈયાર થયો છે? મને અપનાવવાની વાત જ રહેવા દે અને તું જાતે જ તારી જંિદગી બનાવ.’
પણ તે ન માન્યો. ને પ્રથમ પતિને છૂટાછેડા આપી તથા બે ફૂલ જેવાં બાળકોને છોડીને મેં જયવંતને અપનાવ્યો. જોકે એ મારી પણ ભૂલ હતી.
અત્યાર સુધીનું અમારું લગ્નજીવન ખૂબ સરસ રીતે પસાર થયું છે. ક્યારેક ઝઘડાઝઘડી ચાલે, રીસાઈ જઈએ, ને પછી એક થઈ જઈએ. હા, જયવંતનો સ્વભાવ નરમ-ગરમ છે. ગરમ થાય, પછી ઠંડો પણ પડી જાય.
મારા દેખાવડા અને સરસ સ્વભાવવાળા પતિની મારી સખીઓને ઈર્ષા પણ થતી. એક વાત કહું? અમે ટૂરનું આયોજન કરી ગુજરાન ચલાવીએ છીએ. બે-ત્રણ મહિના સુધી પેસેન્જર શોધીએ, પછી ટૂર ગોઠવીએ. એક ટૂરમાં અમને પચીસ-ત્રીસ હજાર મળી રહે. વરસે આવી ચાર-પાંચ ટૂર થઈ જાય. પંડિતજી, હવે મારી મૂંઝવણની શરૂઆત થાય છે ઃ અઢી વર્ષ પહેલાં અમે એક ટૂરનું આયોજન કર્યું હતું. અમારી બસ રામેશ્વર જવા ઊપડી. મને પગે ફ્રેક્ચર થયું હોઈ હું બસમાં ન જઈ શકી. મને એમ કે પગ સાજો થશે પછી બીજી ટૂરમાં જરૂર જઈશ.
પણ મારી ધારણા ખોટી ઠરી.
ટૂરમાં જ મારી જંિદગી દાવ પર લાગી ગઈ. અઢારેક વરસની એક નાદાન છોકરી ભણી જયવંત ખેંચાઈ ગયો. હા, બે બાળકો પછી મેં ઓપરેશન કરાવી લીઘું છે. એટલે હું માતૃત્વ ધારણ કરી શકું તેમ નથી... પણ જયવંત બાળક માટે રઘવાયો થયો છે. મારે બાળક જોઈએ જ. હા, મારા અગાઉના પતિનાં બાળકો મોટાં થયાં છે. પરણી ગયાં છે ને તેમને ત્યાં પણ બાળકો છે. તેઓ અમારે ત્યાં પણ આવે છે. પણ જયવંતને પોતાનું બાળક જોઈએ છે. તે કહે છે ઃ ‘જો પ્રસન્ના, પેલી ટૂરવાળી છોકરી સાથે મને પ્રેમ થઈ ગયો છે. તેની સાથે સંબંધ બાંધી એક બાળક થાય પછી તે છુટ્ટી, ને હું ય છુટ્ટો.’ મેં જયવંતને કહ્યું કે ઃ ‘તું સુખેથી લગ્ન કર. ને તે છોકરી સાથે અલગ રહે. મારાથી અઢાર વર્ષની નાદાન છોકરીની જંિદગી બગડતાં નહિ જોવાય! મને આ નથી ગમતું! હા, આપણે સાથે તો નહિ જ રહી શકીએ. મારે ઈજ્જતની જંિદગી જીવવી છે.’
સર, મારી મૂંઝવણ વધી ગઈ છે. હું આપની પાસે મારા પ્રશ્નનો ઉકેલ માગું છું. સર, મારે મા-બાપ કે ભાઈ-બહેન કોઈ જ નથી. ક્યારેક તો મને એવું થાય કે ઝેર ગટગટાવીને મરી જાઉં. કિસ્સો ખતમ. હા, અત્યારે જયવંત મને ખૂબ પ્યારથી રાખે છે. આ પ્યાર દેખાવ પૂરતો તો નહિ હોયને? તે નાટક તો નહિ કરતો હોય ને? સાચે જ મારે કર્યાં કરમ ભોગવવાં પડે છે. હા, કોઈ પગલું હું ભરું તો છેવટે વાંક તો મારો જ નીકળે ને? લે, બે નાનાં છોકરાંને છોડી દેવાનું પાપ કર્યું હતું, તો કર્યાં કર્મનાં ફળ ભોગવ... સર, તમને એક શાયરી કહું? ‘ઈશ્કા જહાં બેનામ હોતા હૈ, તડપાના ઈસકા કામ હોતા હૈ! ખુશનસીબોંકો કભી ભી ઈશ્ક હો નહીં સકતા, યહ તો બદનસીબોં કા જામ હોતા હૈ!’ હું આપના જવાબની રાહ જોઉં છું.
- પ્રસન્ના (વડોદરા)
પ્રસન્ના, ભૂલ તો દરેકથી થાય, પણ એ ભૂલને સુધારી લેવાનો પ્રયત્ન કરે એ જ સાચો માનવીય વ્યવહાર ગણાય. તારે પતિ હતો, બે બાળકો હતાં, સંસાર પ્રસન્ન મઘુર હતો, છતાં તું જયવંત પ્રત્યે આકર્ષાઈ ગઈ ને તારી ખુદની જંિદગીને એક મોટી સમસ્યારૂપ બનાવી દીધી... જીવનમાં ‘લગ્ન’ એ કંઈ સારાં વસ્ત્રો જોઈને, જૂનાં વસ્ત્રો બદલી નાંખવા જેવી નાદાનિયતસમી ઘટના નથી. તેં તારા પ્રથમ પતિ વિષે કોઈ ફરિયાદી સૂર રજૂ નથી કર્યો, તેનો અર્થ એ થયો કે તું તારા પ્રથમ લગ્નથી સંતુષ્ટ હતી ને તમારા મઘુર દાંપત્યના પરિપાક રૂપે બે બાળકો પણ પ્રાપ્ત થયાં હતાં તો પછી જંિદગીને આટલી સસ્તી અને ચીંથરા જેવી બનાવી દેવાની શી જરૂર હતી?
ખેર, બેટી! જે થવાનું હતું તે થઈ ગયું... તું જયવંતની પત્ની બની. તારો સ્વભાવ મને ગમ્યો, છે, કારણ કે તારા પતિના ટૂર આયોજનના વ્યવસાયમાં તું પણ સહાયરૂપ બનતી હતી. ભૂતકાળમાં કરેલી ભૂલને ભૂલી જઈ તું તારા વર્તમાન સંસારમાં માઘુર્યનું અમૃત રેડી રહી હતી... ને ત્યાં જ તારા દેખાવડા, સ્માર્ટ અને આકર્ષક વ્યક્તિત્વવાળા પતિએ ટૂર દરમ્યાન જ એક અઢાર વર્ષીય છોકરીને દાણા નાખી દીધા. હું આ ઘટનાને ‘પ્રેમ’ નથી કહેતો. ‘પ્રેમ’ શબ્દ ખૂબ ઊંચાઈ પર ઊભેલો શબ્દ છે, તેને આટલો સસ્તો અને હલકો ન બનાવી દેવાય, બેટી! જયવંતે ‘પ્રેમ’ શબ્દને રમવાનું ‘રમકડું’ બનાવી દીધો... ને પછી તેણે સરસ ‘બહાના’ની ઢાલ ધરી દીધી ઃ ‘મારે બાળક જોઈએ છે, એ છોકરી સાથે સંબંધ રાખું, બાળક થાય, પછી એ ય છુટ્ટી, ને હું ય છુટ્ટો!’ એના આ શબ્દો માત્ર હાસ્યાસ્પદ જ નહિ, શરમજનક પણ છે. પુરુષે આટલી બધી બેશર્મી ન દાખવવી જોઈએ! શું સમજી બેઠો છે જયવંત સ્ત્રીને? લડકી ખિલૌના નહીં હૈ, બેટી! કેટલા ગંધાતા શબ્દો બોલ્યો છે જયવંત! ‘બાળક થાય પછી એ છોકરીય છુટ્ટી, અને હુંય છુટ્ટો!’ આવું કહીને જયવંતે સ્વયં પોતાની જાતનું અવમૂલ્યન કરી નાખ્યું છે, બેટી! આવા શબ્દો ઉચ્ચારતાં એની વિચારશક્તિ કેમ મૂઢ બની ગઈ હતી? સ્ત્રીનો સંગ કરો, કામ પતી જાય એટલે એ એના રસ્તે! તું કોણ ને હું કોણ? કે પછી જયવંત બાળકને પામવાના ભ્રામક ઓથા હેઠળ એની ભડકતી વાસનાને તો મોકળું મેદાન નથી આપી રહ્યો ને?
મને તો શંકા જાય છે કે જયવંત બાળકની આડમાં પોતાના કામાવેગને સંતોષવાનું નાટક કરી રહ્યો છે! જે હોય તે... એના મનમાં ગમે તે હોય, પણ પુત્રીની ઉંમરની છોકરી સાથે આમ કામદેવના ગધેડાએ લાત મારી હોય તેમ વાસનાના ફાગણના ફાગ ખેલવા ક્યારેય ઉચિત ન હોઈ શકે! શું બાળક માટે કોઈની જંિદગી બગાડી નાખવી? કેટલાં પાપોનો ઢગલો કરવા માગે છે જયવંત? સંસ્કારી પુરુષમાં આવો વિચાર પણ કેવી રીતે આવે?
જવા દે એ બધી વાતો...
જયવંતને ચોખ્ખું કહી દે કે, આવું હું ક્યારેય ચલાવી લઈશ નહિ! જો બેટી, એકવાર ભૂતકાળમાં તારાં સગાં સંતાનોને ત્યજવાનું ‘પાપ’ તારાથી થયું છે... ને હવે તું એક બીજું પણ પાપ કરવાના પંથે આગળ વધી રહી છે... એ પાપ કયું તે તું જાણે છે? જયવંતને પ્રોત્સાહન આપવાનું... અઢાર વર્ષની છોકરી સાથે વાસનાના ખેલ ખેલવાનું કહેનાર (બાળકની વાત તો માત્ર બહાનું છે) જયવંતને તું એમ કહે કે ઃ ‘તે છોકરીને લઈને તું અલગ રહેજે! કેમ આવું? આ તો એને પ્રોત્સાહન આપ્યું કહેવાય ઃ તારે એનું શરીર ચૂંથવું હોય તો ચૂંથ, મને વાંધો નથી. પણ અલગ રહીને.’ આ તો તેં જયવંતને વાસનાનું ત્રિ અંકી નાટક ભજવવાનું લાયસન્સ આપી દીઘું, એમ કહેવાય! ખુલ્લો વિરોધ કેમ નથી કરતી? અખબારો કે પોલીસ પાસે જવાની વાત કેમ નથી કરતી? એનો અર્થ એ થયો કે તારી પરોક્ષ સંમતિ પણ છે જ.
જયવંત અને પ્રસન્ના, તમારી નાદાનિયતને બાજુ પર મુકીને મારી વાત સાંભળી લો ઃ પ્રથમ પતિ દ્વારા જે બાળકો છે, તે તમારાં જ છે. જયવંત, તારી પત્ની તારી છે, તો એનું બાળક તારું કેમ ન ગણાય? મોટાં થયેલાં બંને બાળકો તમારે ત્યાં આવે જ છે. તેમને વહાલ કરો. તેમનાં નાનકાં બાળકોને વાત કરો... અથવા એકાદને તમારી પાસે રાખી લો... એના પર વહાલ વરસાવો.. બાકી પત્ની હોવા છતાં માત્ર બાળકના બહાના હેઠળ કોઈ અઢાર વર્ષની ભોળી અને નિર્દોષ છોકરીની જંિદગીને બરબાદ કરવાની પરવાનગી કોઈ નહિ આપે, કાયદો પણ નહિ અને સમાજ પણ નહંિ...! ઉલટું એ તો ‘રેપ કેસ’ બનશે... જયવંત, ખોટા અભરખા છોડ. ને પ્રસન્નામાં જ તારા જીવનની પ્રસન્નતાને બરકરાર રાખ. ફાંફાં ન માર. ફીફાં ન ખાંડ... જે છે તેમાં સંતુષ્ટ થા. પ્રસન્નાને પ્રેમ આપ્યો છે, તો આખર સુધી એના પર પ્રેમવર્ષા કરતો રહે. ઓલ ધ બેસ્ટ.

Share |
 

Gujarat Samachar Plus

ચોમાસામાં ગીર કેસરીને જોવા મંત્રીઓને મનવાર
જંગલોમાંથી સીઘો જ નિફ્‌ટનો નેશનલ હાઈવે
અનોખી ક્લબનું આઈડી કાર્ડ એટલે માઉથ ઓર્ગન
સિરિયસ લુકમાં સૂટ અને રિલેક્સ મૂડમાં જીન્સ
મોન્સૂનમાં ગરમ રસોઇ સાથે ક્લાસિકલ સંગીતની મજા
મેસેજ ફક્ત મોબાઈલ પર નહીં, ટી-શર્ટ પર પણ ફેવરિટ
યંગસ્ટર્સના સોશ્યલ બોન્ડંિગ પર બ્રેક
 

Gujarat Samachar glamour

ઉદય છે નરગીસની નાજુકતાનો દિવાનો
વિકીની સફળતા બાદ જોન ફૂલ ફોમમાં
સલમાન હવે લગ્નની વાતથી અકળાઈ ઉઠે છે
સોનાક્ષીના ભાગ્યમાં ડબલ ઉંમરના જ અભિનેતાઓ છે?
અમિતાભ ‘વાઘ બચાવો’ અભિયાન માટે સવાઈ માધોપુર ગયો!
શેખર સુમનની ‘હાર્ટલેસ’માં સન્નીની જોડી ચમકશે!
મેડોના ઉપર મ્યૂઝિક ચોરીનો મુકદ્દમો ચાલશે
 
 
 

84th Oscar Awards

   
   
   

Gujarat Samachar POLL

 

અમદાવાદ:135મી રથયાત્રા

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved