Last Update : 05-July-2012,Thursday

 

હિગ્ઝ બોઝોન નામના 'ગોડ્સ પાર્ટીકલ'નું નિર્માણ
ઇશ્વરીય તત્વનું પ્રયોગશાળામાં સર્જન

૨૧મી સદીની સૌથી મોટી સિદ્ધિ ઃ પૃથ્વીની ઉત્પત્તિનાં રહસ્યોની નજીક ઃ ભૂગર્ભમાં ૨૭ કિ.મી. લાંબી ટનલમાં પ્રયોગો

(પી.ટી.આઈ.) જીનીવા, તા.૪
વિજ્ઞાાનીઓએ હિગ્ઝ બોઝોન (ગોડ પાર્ટિકલ તરીકે ઓળખાતાં) સબ એટમિક પાર્ટીકલ જેવાં પાર્ટિકલ શોધવામાં સફળતા મેળવી છે. આ (કણો) જ વિશ્વની રચનાનાં મૂળભૂત કણો માનવામાં આવે છે. આ કણોએ જ વિશ્વને કદ અને આકાર પણ આપેલાં છે. છેલ્લાં ૫૦ વર્ષથી વિજ્ઞાાનીઓ આ મૂળભૂત કણો શોધવા મથી રહ્યા હતા. જેની સૌથી પહેલી પરિકલ્પના ૧૯૬૪માં બ્રિટિશ વિજ્ઞાાની પીટર હિગ્ઝ અને મૂળ ભારતીય વંશના વિજ્ઞાાની સત્યેન્દ્રનાથ બોઝ સહિત છ વિજ્ઞાાનીઓએ આપી હતી.
'ગોડ-પાર્ટિકલ' તરીકે જાણીતાં થયેલા આ મૂળભૂત કણોએ આશરે ૧૩.૭ અબજ વર્ષ પૂર્વે થયેલા બિગ-બેન્ગ (મહા વિસ્ફોટ) પછી નિહારિકાઓ, આકાશ ગંગાઓ, તારાઓ અને ગ્રહોનાં સર્જનમાં મૂળભૂત ભૂમિકા ભજવી છે. આ મૂળભૂત કણની શોધ આ સદીની સૌથી મહાન શોધ માનવામાં આવે છે.
સર્નના ડીરેકટર જનરલ રોલ્ફ હ્યુમરે આ શોધની જાહેરાત કરતાં જણાવ્યું હતું કે અમે કુદરતને સમજવામાં એક સીમા સ્તંભ ઉપર પહોંચી ગયા છીએ. આમ છતાં હજી તે મૂળભૂત (કણો) ના ગુણધર્મો વિષે ઘણું બધું જાણવાનું રહે છે, ઘણી ઘણી ગણતરીઓ કરવાની રહે છે. આમ વિજ્ઞાાનીઓ ૧૦૦ ટકા ખાતરીપૂર્વક કહેતા નથી.
આજે યુરોપિયન સેનટ્ર ફોર ન્યુ કિલયર રીસર્ચ (સર્ન) સાથે જોડાયેલી એક ટીમ સીએમએસના નેતા એ ઇન્કાન્ડેલાએ અહીં ઉપસ્થિત વિજ્ઞાાનીઓને કહ્યું હતું કે અમો આ શોધની નજીક પહોંચી ગયા છીએ પરંતુ આ તે જ તેમ હજી ખાતરીપૂર્વક કહી શકીએ તેમ નથી. આવી જ રીતે ભૌતિકશાસ્ત્રીઓની એટલાસ તરીકે ઓળખાતી બીજી રીતે પણ દાવો કર્યો છે કે તેમણે આ સબ-એટમિક પાર્ટિકલ શોધી કાઢયાં છે. જે સંભવતઃ હજી સુધી હાથતાળી આપી રહેલાં હિગ્ઝ-બોઝોન કણો હશે.
એટલાસ પ્રયોગના નિયામક ફેબિઓલા જીઆનોટીએ જણાવ્યું હતું કે અમે ૫ સિગ્મા લેવલના પાર્ટિકલ ૧૨૬ જીઇવીના માસ-રિજીયન આસપાસ શોધી કઢાયાં છે. પરંતુ તેની સર્વસ્વીકૃત જાહેરાતને હજી થોડો સમય લાગશે.
૫-સિગ્મા લેવલનો અર્થ જ તે છે કે તેમાં ૯૯ ટકા સિદ્ધિ તો મળી જ છે. પરંતુ આ કણો એનર્જી સ્પેકટ્રમનાં ૧૨૦ થી ૧૪૦ જીઈવી જેટલાં નીચેનાં સ્તરે રહેલાં છે.
છેલ્લાં ૫૦ વર્ષતી કવૉન્ટમ ફીઝિકસનો આ વણ ઉકલ્યો કોયડો રહ્યો છે. જે વિજ્ઞાાનીઓએ સ્વિત્ઝર્લેન્ડ, ફ્રાંસ સરહદે ૧૦૦ મીટર નીચે ૨૭ કિલો મીટરનો લૂપ પાઇપ બનાવી બિગ બેન્ગ જેવી પરિસ્થિતિ કૃત્રિમ રીતે ઉભી કરી હતી. બે પ્રોટોન બીમ સામસામાં અથડાવી પ્રોટોન્સને તોડી તેમાંથી કરોડોન નાનાં કણો (દર સેકન્ડે) બહાર પાડી આ કૃત્રિમ બિગ બેન્ગ બનાવ્યું હતું. આ હિગ્ઝ પાર્ટિકલ્સે જ અન્ય પાર્ટિકલ્સને માસ આપ્યો હોવાનું મનાય છે. જેમાંથી તો આ વિશ્વનું સર્જન થયું છે. આ માટેની ટનલને લાર્જ હેડ્રોન કોલાઈડર (એલએચસી) કહેવાય છે.
આ શોધથી સ્ટાન્ડર્ડ મોડેલ પરિકલ્પના પ્રમાણે નાં કણોનાં સર્જનની મૂળભૂત પરિસ્થિતિ તો વિજ્ઞાાનીઓ શોધી શકયા છે. પરંતુ આ રહસ્ય કણોનું અસ્તિત્વ જોઈ શકાતું નથી, તેનું અસ્તિત્વ માત્ર તારણો ઉપરથી જ જાણી શકાય છે.
આ સિદ્ધાંતમાં હજી થોડા ખાડાઓ રહેલા જ છે. સૌથી મોટી સમસ્યા તો તે છે કે કેટલાંક કણોને માસ (વજન) હોય છે. જયારે કેટલાંકને હોતું જ નથી. આ રહસ્ય હજી પામી શકાયું નથી. આ પરિકલ્પના ૧૯૭૦માં વધુ સ્પષ્ટતઃ રજૂ થઈ હતી.
વાસ્તવમાં તો આ સર્ન નો ડેટા ગુપ્ત રાખવાન ોહતો. તેની સત્તાવાર જાહેરાત ન થાય ત્યાં સુધી ચુપકીદી જ સેવવાની હતી. પરંતુ સર્ન સેન્ટરની સત્તાવાર જાહેરાત પૂર્વે તેની વિડીયો ટેપ વેબ ઉપર આવી ગઈ. આથી આ ગુપ્તતા છતી થઇ ગઈ હતી. આ વિડીયોમાં ઇન્કેડેલા એમ કહેતા સાંભળવા મળ્યા છે કે અમે નવાં પુદગલ (કણ)ને જોઈ શકયા છીએ.

 

હિગ્ઝ - બોઝોન શું છે ?
આ પુદ્ગલો (કણો) વિશ્વ સર્જનનાં મૂળભૂત કણો હોવાનું માનવામાં આવે છે. જે પ્રોટોનની અંદર રહેલાં અગણિત કણો છે. બે પ્રોટોન-બીલ સામ-સામાં અથડાવીને તે પ્રોટોન તોડીને તેમાંથી આ કણો બહાર કાઢવામાં વિજ્ઞાાનીઓ સફળ રહ્યા છે. આ વિશ્વનાં મૂળભૂત કણો (પુદ્ગલો) છે. જેમાંથી જ નિહારિકાઓ, આકાશ ગંગાઓ, સૂર્યો અને ગ્રહો રચાયાં છે. વિજ્ઞાાનીઓ માને છે કે પ્રોટોનમાં રહેલાં આ સબ-એટમિક પાર્ટિકલ્સ પણ સ્પંદિત રહેલાં હોય છે.

હિગ્ઝ બોઝોન ખરેખર શોધાયું છે ?
આટલા મોટા ખર્ચ ૩ અબજ યુરોના ખર્ચે બનાવેલાં લાર્જ હેડ્રોન કોલોઈડરમાં પ્રોટોનનાં બે બીમ સામસામે અથડાવી બિગ બેન્ગ જેવી પરિસ્થિતિ ઉપસ્થિત કરી પ્રોટોનમાં રહેલા સબ એરલિક પાર્ટિકલ્સ તો છુટા પાડી દીધાં છે, છતાં આ કણો વિશ્વ સર્જનનાં મૂળભૂત કણો જ છે તેમ તો વિજ્ઞાાનીઓએ હજી સુધી સ્પષ્ટતઃ જણાવ્યું નથી. તેઓ કહે છે કે આ કણો મૂળભૂત કણો (આદ્ય-પુદ્ગલ) હોવાની સંભાવના છે.
આ ઉપરથી સ્પષ્ટ થાય છે કે વિજ્ઞાાનીઓ કદી ઊંચા ઊંચા દાવા કરતા જ નથી. તેઓ જે કોઈ શોધ કરે છે તો તે વિશે નમ્ર પણ રહે છે. ડાયનેમાના શોધક માઇકલ ફેરેડેને સરનો ખિતાબ આપવામાં આવ્યો છતાં તેઓ પોતાને માત્ર માઇકલ ફેરેડે તરીકે જ ઓળખાવતા હતા. સર ફેરેડે તરીકે નહીં. આઇન્સ્ટાઇન તો પ્રિન્સ્ટન યુનિવર્સિટીના બગીચાની માળીની ૮ વર્ષની છોકરીને ગણિત શીખવાડવા ઘેરથી ૧ કલાક વહેલા નીકળી ૮થી ૮.૪૫ સુધી તે છોકરીને ગણિત શીખવાડતા હતા. પછી પોતાનાં કામે લાગી જતા હતા.

 

હિગ્ઝ- બોઝોન નામ ઔકેવી રીતે પડયું ?
આ હિગ્ઝ- બોઝોન કણોની પરિકલ્પના ૧૯૬૪માં બ્રિટન પીટર હિગ્ઝે આપી હતી. જેમની સાથે છ વિજ્ઞાાનીઓ જોડાયેલા હતા. આ વિજ્ઞાાનીઓમાં મૂળ ભારતીય વંશના વિજ્ઞાાની સત્યેન્દ્ર નાથ બોઝે ઘણો મોટો ફાળો આપ્યો હતો. તેથી આ કણોનું નામ 'હિગ્ઝ - બોઝોન પાર્ટિકલ્સ' તેવું નામ આપવામાં આવ્યું છે. સત્યેન્દ્રનાથ બોઝે કવૉન્ટમ ફિઝિકસની વધુ શોધમાં આલ્બર્ટ આઇન્સ્ટાઇન સાથે કામ કર્યું હતું. સત્યેન્દ્રનાથ બોઝ તો હવે નથી રહ્યા પરંતુ હિગ્ઝે આ શોધ પછી અત્યંત આનંદમાં આવીને કહ્યું હતું કે, 'હું મારાં કુટુંબીજનોને જૂના શેમ્પેનની બોટલ તૈયાર રાખવા જણાવી દઉં છું.'

 

વિજ્ઞાાનીઓએ 'સ્ટેન્ડિંગ ઓવેશન' આપ્યું
આદ્ય-કણની શોધની જાહેરાત સાથે હીગ્ઝની આંખો ભીની થઈ
'હું માનતો જ નહોતો કે મારા જીવનકાળમાં આ સંભવિત બનશે'
જીનીવા, તા. ૪
વિશ્વના આદ્ય પુદ્ગલ (મૂળભૂત કણ)ની શોધ આખરે પૂરી થઈ છે. સ્વિત્ઝર્લેન્ડની 'સર્ન' (ધ યુરોપિયન કાઉન્સિલ ફોર ન્યુક્લિયર રીસર્ચ)ની પ્રયોગશાળામાં આ જાહેરાત થઈ ત્યારે દાયકાઓ પૂર્વે આ પરિકલ્પના આપનાર વિજ્ઞાાની પ્રોફેસર પીટર હીગ્ઝ પણ ઉપસ્થિત હતા. આ શોધની જાહેરાત સાથે આ મહાન વિજ્ઞાાનીની આંખો અશ્રુભીની થઈ ગઈ હતી. ૮૩ વર્ષના આ મહાન વિજ્ઞાાનીને તઓની આંખો લૂંછતા દરેકે નિહાળ્યા હતા.
તેઓએ પોતાના પ્રતિભાવો આપતા કહ્યું હતું કે, મારા જીવન કાળ દરમિયાન આ બની શકશે તેહું માની જ શકતો ન હતો.
આ મહાન શોધની જાહેરાત થઈ ત્યારે ત્યાં ઉપસ્થિત વિજ્ઞાાનીઓએ ઉભા થઈને શોધને વધાવી લીધી હતી. આ 'સ્ટેન્ડિંગ ઓવેશન' આ શોધ તેમજ પરિકલ્પના આફનાર વિજ્ઞાાની હીગ્ઝના માનમાં આપવામાં આવ્યું હતું.
આ પ્રયોગ જેમ સ્વિત્ઝર્લેન્ડ અને ફ્રાંસની વચ્ચે રહેલા લાર્જ-હેડ્રોન કોલાઇડ (એલએચપી)માં કરવામાં આવ્યો હતો તે જ રીતે તે અમેરિકાના ટ્વેટ્રોન જેવા પાર્ટિકલ-એક્સલરેટર્સમાં પણ કરવામાં આવ્યો છે.
આ શોધ ભૌતિકશાસ્ત્રના ક્ષેત્રમાં સૌથી મહત્ત્વની શોધ પૈકીની એક શોધ છે. આ સદીની તે અદ્ભુત શોધ છે. આથી પરમાણુની રચના વિષે આપણને વધુ માહિતી મળી શકે છે. આ શોધને પગલે નવી ટેકનોલોજી પણ આગળ વધી શકે તેમ છે.

પાંચ વર્ષની મહેનત બાદ
અણુનાં પડછાયાનો ફોટો પાડવામાં વૈજ્ઞાાનિકો સફળ
સીડની, તા.૪
વૈજ્ઞાાનિકો સૌ પ્રથમ વખત સૃષ્ટિના સૌ પ્રથમ અણું 'આદ્યઅણું'ની પ્રરછાયા સુધી પહોંચી ગયા છે જ્યારે ઓસ્ટ્રેલીયામાં વૈજ્ઞાાનિકો જેના સંશોધન માટે છેલ્લા પાંચ વર્ષથી તેઓ પ્રયાસરત હતા. તે અણુંના પડછાયાનો ફોટો ઝડપી શક્યા છે.
સૂક્ષ્મ દર્શનની અંતિમ હદ સુધી વિજ્ઞાાન પહોંચી ગયું હોવાનો દાવો
ઓસ્ટ્રેલીયાના બ્રિસ્બેન ખાતેની ગ્રીફીથ યુનિવર્સીટીના સેન્ટર ફોર કવેન્ટમ ડાયનેમીક્સના પ્રોફેસર ડેવ કેલ્પેનસ્કીએ આ સંદર્ભે માહિતી આપતા જણાવ્યું હતું કે અમે સૂક્ષ્મદર્શન (માઈક્રોસ્કોપી)ની ચરસીમા સુધી પહોંચ્યા છીએ. સૂર્યપ્રકાશમાં તમે કદી આનાથી સૂક્ષ્મ કણ જોઈ શકો નહી. કે તેના પડછાયાને પણ નિહાળી શકો નહી.
અમે એ શોધવા માંગતા હતા કે ક્યા પ્રકારે ત્રણ કે ચાર અણું ભેગા થઈને પડછાયો ફેંકી શકે છે. અને અમે એક અણુંની મદદથી તે સાબિત કરી આપ્યું છે. તેવું વૈજ્ઞાાનિક જર્નલ 'નેચર કોમ્યુનિકેશનમાં' જણાવાયું છે.
ગ્રીફીથ યુનિવર્સીટીના સંશોધનમાં સૌથી મહત્વનો ફાળો તેમના સુપર-હાઈ રીઝોલ્યુશન માઈક્રોસ્કોપનો છે. જેમણે સૂક્ષ્માતી સૂક્ષ્મ પડછાયાને જોઈ શકાય તેટલું મોટું સ્વરૃપ આપીને વૈજ્ઞાાનિકો જોઈ શકે તે પ્રકારનો બનાવ્યો.
ગ્રીફીથ યુનિવર્સીટીના મંતવ્યાનુસાર વિશ્વમાં અન્ય કોઈપણ પ્રયોગશાળાના માઈક્રોસ્કોપમાં આ પ્રકારની ક્ષમતા નથી અને તેથી તે આ પ્રકારના અણુંનો પડછાયો ઝડપી શકે તેવી શક્યતા નહીવત્ છે.

 

હિગ્ઝ બોઝોનને ઇશ્વરીય કણ કહેવા સામે વિજ્ઞાાનીઓને વાંધો
જીનીવા, તા. ૪
વિશ્વ સમસ્ત આજે 'ઇશ્વરીય કણ' (ગૉડ-પાર્ટિકલ)ની શોધથી આનંદ વિભોર બની રહ્યું છે ત્યારે આ હિગ્ઝ-બોઝોન પુદ્ગલ (કણ) શોધનારા વિજ્ઞાાનીઓ તે કદનાં નામની સાથે 'ઈશ્વર' (ગૉડ) શબ્દ જોડાય તે પસંદ કરતા નથી.
નોબેલ વિજેતા વિજ્ઞાાની લેડરમેને 'ગોડ્સ પાર્ટિકલ' નામ આપેલું
૧૯૬૪માં આ આદ્ય-પુદ્ગલની સૌથી પહેલી પરિકલ્પના આપનાર વિજ્ઞાાની પીટર હીગ્ઝના સિદ્ધાંત પ્રમાણે વિશ્વમાં નિહારિકાઓ, આકાશગંગાઓ, સૂર્યો અને ગ્રહોની રચનામાં આ કણોએ મૂળભૂત ભાગ ભજવ્યો છે. આથી આ પુદગલને ગૉડ પાર્ટિકલ કહેવામાં આવે છે.
આ અંગે વરિષ્ઠ વિજ્ઞાાનીઓ કહે છે કે આ નામ મીડિયાનું સર્જન છે. વાસ્તવમાં આ મૂળભૂત કણને 'ગૉડ' સાથે જોડવું તે યોગ્ય નથી. આને ધર્મ સાથે કોઈ સંબંધ જ નથી. વાસ્તવમાં તો આ સાથે હીગ્ઝે એક અદ્રશ્ય ક્ષેત્ર શોધી કાઢયું છે. જે હીગ્ઝ ફીલ્ડ તરીકે ઓળખાય છે. આ ફીલ્ડ સમગ્ર બ્રહ્માંડમાં (યુનિવર્સલમાં) વ્યાપ્ત છે. આમ છતાં આ પુદ્ગલે (કણને) ગૉડ પાર્ટિકલ કહેવું તે હિગ્ઝને અન્યાય કરવા બરાબર છે તેમ પણ વિજ્ઞાાનીઓ કહે છે.
આ કણને ગૉડ પાર્ટિકલ કહેવાથી મને ગુસ્સો આવે છે. તેમ કહેતાં એક વિજ્ઞાાનીએ કહ્યું હતું કે આથી અમે સર્નથા જે કંઈ કરી રહ્યાં છીએ તેથી જન સામાન્યમાં ગેરસમજ થાય છે.
આ શબ્દ ક્યાંથી આવ્યો તે વિષે શોધ કરતાં જાણવા મળ્યું છે કે અમેરિકાના નોબેલ પારિતોષિક વિજેતા લિયોન એમ. લૅડરમાને લખેલાં એક પુસ્તકનું નામ છ ઃ 'ધ ગૉડ પાર્ટિકલ ઃ ઇફ ધ યુનિવર્સ ઇઝ ધ એન્સર, વૉટ ઇઝ ધ ક્વેશ્ચન ?' આ પુસ્તકમાં વિશ્વનાં આ આદ્ય પુદગલ વિષે માહિતી આપવામાં આવી છે.
લૅડરમાનનાં આ પુસ્તકમાં આદ્ય કણોને આપેલાં આ નામથી ગુસ્સે થયેલા વિજ્ઞાાનીઓમાં હીગ્ઝ પણ જોડાયા છે. તેમણે ઉગ્ર ટીકા કરી નથી પરંતુ, તેટલું તો ચોક્કસ કહ્યું છે કે લૅડરમાને ઘણા જવાબો આપવા પડસે. આ ૮૨ વર્ષના વિજ્ઞાાની છ વર્ષ પૂર્વે જીનીવાની લીધેલી મુલાકાત સમયે પણ કહ્યું હતું.
સર્નના પ્રવકતા અને વિજ્ઞાાની જેમ્સ ગીવીઝે પણ આવો જ મત દર્શાવ્યો છે અને કહ્યું છે કે તેને 'ગૉડ' સાથે કોઈ સંબંધ નથી. આમ છતાં હું તે સમજી શકું છં કે લોકો શા માટે તેને તેમ (ગૉડ-પાર્ટિકલ) કહે છે. કારણ કે હીગ્ઝ આપણા માટે તેટલા જ મહત્વના છે.

 

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           

અમેરિકામાં લાખો લોકોએ સ્વાતંત્ર્ય દિન અંધારામાં જ ઉજવ્યો

ભારત આ પ્રોજેક્ટના ઐતિહાસિક પિતા જેવું ઃ સર્નના પ્રવક્તા પાઓલો ગિબેલિનો
હિગ્ઝ બોઝોનને ઇશ્વરીય કણ કહેવા સામે વિજ્ઞાાનીઓને વાંધો

સિંગલ અણુનાં પડછાયાનો ફોટો પાડવામાં વૈજ્ઞાાનિકો સફળ

હિગ્ઝ જેવો કણ શોધવામાં LHC મશીનની મહત્વની ભૂમિકા
ધાનેરાના ૯ ગામ કોલેરાગ્રસ્ત જાહેર
સૂર્યપુત્રી પૃથ્વી આજે પિતા સૂર્યથી પંદર કિ.મી. દુર જશે

ગોવાથી ૧૦ વ્હીલની ટ્રકમાં ગોધરા જતો ૩૨.૧૪ લાખનો દારૃ પકડાયો

ગુજરાતી વેપારીની ગાડી મુશળધાર વરસાદમાં પુલ પરથી ખાબકી ઃ સાતનાં મોત

અંધેરીમાં મૉલ નજીકથી બોમ્બ જેવી વસ્તુ મળતાં ગભરાટ ફેલાયો

ડૂબીને મરનારાઓની સંખ્યામાં મહારાષ્ટ્ર દેશભરમાં મોખરે
મલાડમાં ચાર માળની ઈમારત તૂટી પડતાં એક શખસનું મોત
મહારાષ્ટ્ર સરકારે આદર્શકાંડની તપાસ કરવાની સી.બી.આઈ.ની સત્તાને પડકારી
ગઢડામાં પોલીસ દમનના વિરોધમાં મૌન રેલી નિકળી ઃ આવેદન અપાયુ
બદામ-પિસ્તાવાળુ દૂધ પીતી ઘોડી માટે બોલાયેલી દોઢ કરોડની બોલી
 
 

Gujarat Samachar Plus

મારી શાળાના એડમિશનમાં વિદ્યાર્થીનું નામ પણ પૂછવામાં આવતું નથી
શહેરના ૧૦ હજાર સ્ટુડન્ટસનું ઓનલાઈન એક્સેસ
NRI ગુજરાતના ભીંડા MISS કરે છે
વરસાદ પહેલા શહેરની ગર્લ્સમાં મોન્સૂન ફેશન ફંડા
ભારતમાં સવા કરોડ લોકો ઝામરથી પીડાય છે
 

Gujarat Samachar glamour

ૠત્વિકની હિરોઈન બનવા વિદ્યા અને પ્રિયંકા વચ્ચે ખેંચાખેંચી
આર્નોલ્ડ શ્વાર્ઝનેગર બોલીવુડની ફિલ્મમાં ચમકશે
શ્વેતા તિવારી હવે બીજા લગ્ન કરશે
શકીરા ગર્ભવતી નથી, પિતા વિલિયમનો ખુલાસો
સલમાનનો અનુરોધ, ‘અલ્લાહ કે વાસ્તે સરબજીત કો રિહા કર દો !’
 
 
   
   

Gujarat Samachar POLL

 

અમદાવાદ:135મી રથયાત્રા

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 

 

 
 
Gujarat Samachar © 2012 All Rights Reserved