Last Update : 02-June-2012,Saturday

 
આઈઓસી (ઈન્ડીયન ઓઈલ કોર્પોરેશન) ભારતની નફો કરનાર કંપનીઓમાં ટોચ ઉપર છે તો એ ખોટ શાની કરે?
- બનાવટ! બનાવટ! બનાવટ! લુચ્ચાઇ! લુચ્ચાઇ! લુચ્ચાઇ! લૂંટો ભાઇ, લૂંટો! લૂંટો ભાઇ લૂંટો!
- કોઇપણ ગ્રાહક આ મુદ્દે કોર્ટમાં જઇને ‘‘સ્ટે’’ લઇ શકે છે
- ઓએનજીસી પણ નફો કરનાર ૭મા નંબરે કંપની છે
- આઈઓસીની વાર્ષિક આવક રૂપિયા ૩૨,૩૧,૧૩,૦૦,૦૦,૦૦૦ કરતાં વઘુ અને ભારત પેટ્રોલિયમની ૧૫,૬૫,૮૦,૦૦,૦૦,૦૦૦ રૂપિયા કરતાં વઘુ આવક છે અને દર વર્ષે વર્ષોથી શેરોના વ્યાજ પેટે ૩૦ રૂા.થી ૩૫ રૂા. ચુકવે છે... તો પછી ખોટ શાની?
- એક પણ વિરોધપક્ષ આ મુદ્દે કેસ કેમ નથી કરતો?

નરી બનાવટ.
નર્યું જૂઠાણું.
નર્યો ભ્રષ્ટાચાર.
નરી છડેચોક લૂંટ.
દુનિયાભરમાં આપણા પેટ્રોલ મંત્રાલયમાં પેટ્રોલના એકએક ટીપે જેટલો ભ્રષ્ટાચાર થાય છે એટલો ક્યાંય થતો નહીં હોય! પેટ્રોલ મંત્રાલયના પટાવાળા- ઝાડુવાળાથી માંડી પ્રધાન સુધીના એકેએક સ્ટાફ લાંચ લે છે અથવા મારી ખાય છે અથવા આપણને છડેચોક લૂંટે છે અને એની આડશમાં કેન્દ્ર સરકાર, રાજ્ય સરકારો, પેટ્રોલ પમ્પો આપણને લૂંટે છે.
એક જ્વલંત દાખલો જૂઓ. આપણું પેટ્રોલ, આપણે મોટર કે બાઈક કે સ્કુટરમાં જે પેટ્રોલ પુરાવીએ છીએ એ શુઘ્ધ છે જ નહીં. ઓએનજીસી જ અશુઘ્ધ પેટ્રોલ પેટ્રોલ પમ્પોને આપે છે અને એમાં પેટ્રોલ પમ્પો ભેળસેળ કરે છે એ વધારાની! દુનિયાના બીજા દેશોમાં પેટ્રોલ સ્વચ્છ પાણી જેવું, પાણીના રંગનું હોય છે જ્યારે આપણે ત્યાં પેટ્રોલ પીળા રગડા જેવું હોય છે!
અંગ્રેજોના વખતમાં એટલે ૧૯૪૭ પહેલાં જે પેટ્રોલ આવતું હતું એ ચોક્ખું સ્ફટીક જેવું પાણી જેવું પારદર્શક હતું જ્યારે અત્યારે રગડા જેવું!
છતાં કોઇ ફરિયાદ કરતું નથી! કોઇ કોર્ટમાં કેસ કરતું નથી! આપણી સવા અબજની વસ્તી શું સાવ નિર્માલ્ય છે!?
પેટ્રોલના ભ્રષ્ટાચારી માંધાતાઓ સાવ નર્યા જૂઠા છે! ‘‘નેટવર્ક’’માં છેલ્લા પંદર વર્ષમાં આ હકીકત વારંવાર આપી છે છતાં કોઇ ભાયડો જાગતો નથી કે કેસ કરીને પેટ્રોલ મંત્રાલયના માંધાતાઓને ખુલ્લા પાડે!
અગાઉ પણ ‘‘નેટવર્ક’’માં લખ્યું છે કે... પેટ્રોલ મંત્રાલયના ભ્રષ્ટાચારી માંધાતાઓને પેટ્રોલના ભાવ ૧૦૦ રૂપિયા કરવાની દાનત છે પણ હવે એમાં ઉમેરો કરવો પડે તેમ છે કે ભારત સરકારની, મનમોહન સરકારની, પ્રણવ મુખરજીની દાનત પેટ્રોલના ૧ લીટરના રૂપિયા ૧૨૫ કરવાની છે... કારણ કે, આ વખતે પેટ્રોલ મંત્રાલયે રૂપિયા ૪ વધારવાની માંગણી કરેલી તો મનમોહન સરકારે ૭ નહીં કે ૮ નહીં કે ૧૦ નહીં પણ ૭।। રૂપિયા વધારી આપ્યા! ૭।। જ શા માટે? કોઇ તર્ક? કોઇ હિસાબ? તો કંઇ જ નહીં? બસ, ફકત લૂંટવાની જ દાનત!
વળી, ભાવ વધારવાની જાહેરાત બપોરથી શા માટે? જલદી અને વઘુ લૂંટવા? આ જાહેરાત રાતના ૧૨ વાગે કરે તો... પેટ્રોલ પમ્પો ઉપર કાશ્મીરથી માંડી તમિળનાડુ સુધી ઠેરઠેર જે દ્રશ્યો થયા એ તો ન થાત!
આ મંત્રાલય પેટ્રોલના ટીપેટીપે ભ્રષ્ટાચારથી ભરેલું છે એનો બીજો એક દાખલો જૂઓ!
દરેક પેટ્રોલ પમ્પ એક બીજાથી અમુક અંતરે હોવો જોઇએ એવો એક નિયમ છે. એ નિયમ પાળવાના બદલે આ માંધતાઓ લાખો કરોડો રૂપિયા મારી ખાવા બાજુ બાજુમાં અથવા સામસામે પેટ્રોલ પમ્પો ઊભા કરે છે. એ પેટ્રોલ પમ્પો ભારત સરકારની જ કંપનીઓના હોય છે. એટલે અંદર અંદરની જ હરિફાઇ કરવાની!
આમ કરવાનું કારણ એક જ છે લાખો રૂપિયા મારી ખાવાના. દા.ત. અમદાવાદનો ઓઢવ વિસ્તાર છે જ્યાં લગભગ ૩ લાખની વસતિ છે. એમની વચ્ચે ૮ પેટ્રોલ પમ્પો અત્યારે છે અને હમણાં એક વઘુ પેટ્રોલ પમ્પ ઊભો કરવાની જાહેરખબર આપી છે.
હવે, ઓઢવની ૩ લાખની વસતિમાંથી વઘુમાં વઘુ ૧૦ થી ૨૦ હજારની સંખ્યાની વસતિને પેટ્રોલ પમ્પની જરૂર હોઇ શકે... તો એના માથે ૯ પેટ્રોલ પમ્પોની શું જરૂર? પણ ના, એક એક પેટ્રોલ પમ્પમાંથી લાખો રૂપિયા મારી ખાવા મળે છે.
કઇ રીતે?
તો... પહેલાં તો, પેટ્રોલ પમ્પ એક બાંધવાનો ખર્ચ રૂપિયા ૫,૦૦,૦૦,૦૦૦ થાય છે એમાં મારી ખાવાનું, પછી પેટ્રોલની ટાંકીથી માંડી પમ્પો નાંખવામાંમારી ખાવાનું અને છેવટે પેટ્રોલ પમ્પ ચાલુ થાય પછી ચાલવા દેવા માટે ૧૫-૨૦ ‘‘સાહેબો’’ને દર મહિને હપ્તા આપવાના!
હવે, પેટ્રોલ મંત્રાલય દ્વારા આખા દેશમાં દર મહિને સરેરાશ ૨૦૦૦ નવા પેટ્રોલ પમ્પ ખોલવામાં આવે છે. એક પેટ્રોલ પમ્પ ૫,૦૦,૦૦,૦૦૦ રૂપિયાનો થાય તો ૨૦૦૦ પેટ્રોલ પમ્પ ૧,૦૦,૦૦,૦૦,૦૦,૦૦૦ (૧ ખર્વ) રૂપિયાના દર મહિને થયા. એને પાછા ૧૨થી ગુણો એટલે એટલા ખર્વો રૂપિયા દર વર્ષે વેડફી નાંખવામાં આવે છે (જોકે પેટ્રોલ મંત્રાલયના માંધાતાઓના ખિસ્સા નહીં પણ તિજોરીઓ ભરાઇ છે ખરી!)
પરિણામે, આટલા રૂપિયા જો બચાવવામાં આવે તો, પેટ્રોલના ભાવો વધારવાની જરૂર જ ન રહે.
પણ તો, પેલા ભ્રષ્ટાચારીઓને મારી ખાવા ન મળેને?
પેટ્રોલના ભાવો આપણા દેશનું એક મોટું ‘‘રેકેટ’’ કૌભાંડ છે. પેલા ટુ-જી ૨-કામ કે બીજા કોઇ પણ રેકેટને આંટી મારે એવું કૌભાંડ!
એક જ દાખલો જૂઓ! પેટ્રોલ કંપનીઓ ‘‘ખોટ-ખોટ’’ કરીને તદ્દન ખોટું બોલે છે કારણ કે અગાઉ ‘‘નેટવર્ક’’માં ઘણીવાર લખ્યું છે તેમ એ કંપનીઓ જે ‘‘ખોટ’’ કહે છે એ ‘‘નફામાં ખોટ’’ છે જેને ‘‘ખોટ’’ કહેવાય જ નહીં.
અને ખરેખર જો પેટ્રોલ કંપનીઓ ખોટ કરતી હોય તો... એ દર વર્ષે શેર હોલ્ડરોને ૩૦થી ૩૫ રૂપિયા નફો કઇ રીતે વહેંચે છે? વળી વર્ષોથી એ નફો વહેંચવામાં આવે છે... એનું શું?
બીજી એક વાત.
ભારતની નફો કરતી જે ૫૦૦ કંપનીઓની યાદી અમેરિકાનું ફોર્ચ્યુન મેગેઝીન પ્રગટ કરે છે એમાં નફો કરતી પહેલી ૧૦ કંપનીઓમાં પેટ્રોલની ત્રણે કંપનીઓ છે.
દા.ત. ઈન્ડીયન ઓઈલ કોર્પોરેશન છે. એની વાર્ષિક આવક રૂપિયા ૩૨,૩૧,૧૩,૧૨,૦૦,૦૦૦ (૩૨ ખર્વ, ૩૧ અબજ, ૧૩ કરોડ ૧૨ લાખ) છે અને એ હિસાબે એ નફો કરતી ૫૦૦ કંપનીઓમાં પહેલા નંબરે છે. જ્યારે અંબાણી બંઘુઓની રીલાયન્સ કંપની બીજા નંબર પર છે.
એ પછી ત્રીજા સ્થાને ભારત પેટ્રોલિયમ છે. એની વાર્ષિક આવક રૂપિયા ૧૫,૬૫,૮૦,૧૨,૦૦,૦૦૦ (૧૫ ખર્વ, ૬૫ અબજ, ૮૦ કરોડ, ૧૨ લાખ) છે. અને પાંચમા સ્થાને હિન્દુસ્તાન પેટ્રોલિયમ તથા સાતમા સ્થાને ઓએનજીસી છે.
આની સામે સરકારની પેટ્રોલ કંપનીઓ પેટ્રોલ, ડીઝલ વગેરેના ભાવો વધારવા માટે ખોટનું ખોટું બહાનું જણાવે છે.
જ્યારે આ ત્રણેય પેટ્રોલ કંપનીઓએ ૨૦૧૧માં જે વાર્ષિક રિપોર્ટ આપ્યો છે એમાં હિન્દુસ્તાન પેટ્રોલિયમે રૂપિયા ૧૫,૪૭,૦૦,૦૦,૦૦૦ (૧૫ અબજ, ૪૭ કરોડ), આઈઓસીએ રૂપિયા ૭૪,૪૫,૦૦,૦૦,૦૦૦ (૭૫ અબજ ૪૫ કરોડ)નો નફો કર્યો છે.
બીજું જૂઠાણું બનાવટ આ પેટ્રોલ મંત્રાલયના ભ્રષ્ટાચારી અને આપણા પરસેવાના પૈસે તાગડધિન્ના કરનારા માંધાતાઓ ક્રુડ એટલે આયાત કરવામાં આવતા પેટ્રોલના નામે ચલાવે છે. દુનિયાભરમાં વેપારી રસમ છે કે કોઇપણ મોટો લે વેચનો સોદો હોય તો એના ભાવ આખા વર્ષના અથવા લાંબાગાળાના નક્કી કરવામાં આવતા હોય છે... પછી ભાવો વધે કે ઘટે પણ નક્કી કરેલા ભાવનો જ સોદો ગણાતો હોય છે. (આ બાબત એક પણ સંસદસભ્ય કે વિરોધ પક્ષ કે ગ્રાહક સુરક્ષા સંઘ પૂછતું જ નથી અને પેલા માંધાતાઓ જે કહે તે સાચું જ માની લે છે.) છતાં પેટ્રોલ મંત્રાલયના માંધાતાઓ આંતરરાષ્ટ્રીય ક્ષેત્રે ભાવો વધે એટલે અહીં પેટ્રોલના ભાવો વધારવાની બુમરાણ મચાવે છે.
આ પણ નરી બનાવટ અને આપણને જનતાને છડેચોક છેતરવાનો કારસો છે. એ માંધાતાઓને પૂછવું જોઇએ કે તમે આખા વર્ષનો સોદો કેમ કરતા નથી? અથવા કર્યો હોય તો શું ભાવે કર્યો છે? કે રોજેરોજનો સોદો કરો છો?
આવા સવાલો કોઇ એક નેતા કે ભારતનું એક પણ અખબાર પણ નથી કરતું (ફક્ત નેટવર્ક ગુજરાત સમાચાર જ અવારનવાર આ મુદ્દો ઉઠાવે છે.) એટલે ક્રુડના ભાવોનું બહાનુ બતાવીને પેટ્રોલના ભ્રષ્ટાચારી માંધાતાઓએ ૧૪ વખત ફક્ત ક્રુડના નામે ભાવો વધારેલા.
બનાવટ એવી કરેલી કે આંતરરાષ્ટ્રીય બજારમાં ક્રુડના ૧ બેરલના ભાવ સટ્ટાખોરીના કારણે લગભગ ૨૦૦ ડોલર સુધી પહોંચી ગયેલા. પણ એનો અર્થ એવો નહીં કે આપણી સરકારે એ ભાવે જ પેટ્રોલ ખરીદવું પડે. સોદો જે થયો હોય એ એ ભાવનો ન થયો હોય. વળી થોડાંક દિવસ રાહ જોઇને ભાવો ઘટે ત્યારે ખરીદી શકાય. આજે ને આજે જ આજના જ ભાવે પેટ્રોલ આંતરરાષ્ટ્રીય બજારમાંથી ખરીદવું જ એવું કોણે કહ્યું? (એટલે ક્રુડના ભાવનું નરી બનાવટ જ છે.)
એ પછી ક્રુડનો ભાવ ઘટી ઘટીને છેક ૪૦ ડોલર એક બેરલનો થઇ ગયો તો પેલા ભ્રષ્ટાચારી માંધાતાઓએ ઘટી રહેલી રૂપિયાની કંિમતનું બહાનું ઊભું કર્યું. એ પણ હહડતી બનાવટ જ! કારણ કે, ડૉલર રૂપિયા સામે મોંઘો થયો એ સાચું પણ એની સામે ક્રુડ પેટ્રોલ વઘુ સસ્તુ થયું હતું. દા.ત. ડૉલરનો ભાવ ૧૦ રૂપિયા વઘ્યો હતો ક્રુડ પેટ્રોલ ૨૧ ડૉલર સસ્તુ થયું હતું.
આ મુદ્દો પણ દેશની સવા અબજ વસતિમાંથી કોઇ ઉઠાવતું નથી.
આ જ હિસાબને બીજી રીતે જોઇએ તો... ગયા વર્ષે ક્રુડ પેટ્રોલ ૧ બેરલના ૧૧૫ ડૉલર જેવો ભાવ હતો. એ વખતે રૂપિયો ૧ ડૉલરનો ૪૬ના ભાવનો હતો. એટલે આપણે ૧ બેરલ પેટ્રોલના (રોજેરોજના ભાવે જો ખરીદતા હોઇએ તો...) (પણ એવું લે વેચ આંતરરાષ્ટ્રીય બજારમાં લાંબાગાળાની સોદાબાજીમાં ન જ હોય) રૂપિયા લગભગ ૫૨૩૦થી ૫૨૪૫ આપવા પડે પરંતુ એ પછી જ્યારે ૧ ડૉલર સામે રૂપિયાનો ભાવ ૫૪-૫૫ રૂપિયા થઇ ગયો ત્યારે પેલા ૧ બેરલ પેટ્રોલનો ભાવ રૂપિયા ૫૦૯૦થી રૂપિયા ૫૦૯૫ થઇ ગયો. એટલે કે ડૉલરનો ભાવ ભલે વઘ્યો હોય પણ પેટ્રોલ ઉલટાનું રૂપિયા ૧૨૫થી રૂપિયા ૧૫૦ સસ્તું થઇ ગયું!
આમ, ટૂંકમાં, પેટ્રોલના નામે ભારત સરકારની આપણને જનતાને લૂંટવાની જ નીતિ રહી છે.
ગુણવંત છો. શાહ

 

હોય નહીં!
રાષ્ટ્રીય પક્ષી મોરનો કચ્ચરઘાણ બોલાવતા શિકારીઓ
કચ્છના રાપર તાલુકામાં આપણા રાષ્ટ્રીય પક્ષી મોરની સંખ્યા હમણાં હમણાંથી વધી તો છે પણ એ સાથે એનો શિકાર કરીને એના માંસની જયાફત ઉડાડનારાઓની સંખ્યા પણ વધી છે.
મોરને શિકારીઓ મારી નાંખીને એના પીંછા ફેંકી દે છે અને હાડકા પણ ફેંકી દે છે. એના માંસની કંિમત ઘણી હોય છે.
આ અંગે ગુજરાત સરકારને અને વન વિભાગને જાણ ફરિયાદ કરવામાં આવી પણ કંઇ વળ્યું નહીં એટલે કેન્દ્ર સરકારમાં ફરિયાદ કરવામાં આવી તો ત્યાંથી નિષ્ણાતોની એક ટુકડી આવીને તપાસ કરી ગઇ. એણે ગુજરાતના વનવિભાગને એ અંગે લખ્યું તો પણ ભ્રષ્ટ તંત્રના કારણે કંઇ ફેર પડતો નથી.

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
બોરસદના પાંચ યુવકોનો કિશોરી પર બળાત્કાર
મેડિકલ ઓફિસર ચેકઅપ માટે રૃ।.૨૧૦૦ની લાંચમાં ઝડપાયા

બનાવટી લાયસન્સથી બંદુક વેચવાનું કૌભાંડ ઝડપાયું

અંગોલામાં ફસાયેલા ત્રણ ગુજરાતી બંધનમુકતઃ આજે ઘેર પહોંચશે
ડાંગમાં મા-બાપની કુહાડીના ઘા ઝીંકી પુત્રએ હત્યા કરી
સોનામાં સ્પ્રિંગ જેવા ઉછાળા વચ્ચે રૃ.૨૯૬૦૦નો નવો રેકોર્ડ સર્જાયો

બિહારની રણવીર સેનાના સ્થાપક બ્રહ્મેશ્વરસિંહ ઉર્ફે મુખિયાની હત્યા

કચ્છમાં ૩ની તીવ્રતા સાથે ધરતી ધણધણી, કુલ ૫ આંચકા
હું ભારતની ટેસ્ટ ટીમનો કેપ્ટન બનવા માટે તૈયાર છું ઃ ગંભીર
કેટલીક વિવાદાસ્પદ ઘટનાઓ થકી IPL ને બદનામ ના કરી શકાય
શાહરૃખ ખાનને ગોવાની ડેમ્પો ફૂટબોલ કલબમાં રસ
ઔડાની સ્પોર્ટસ એકેડમીમાં રમતોની સુવિધા ખુલ્લી મુકાઇ

લાસ્કેર, કાસ્પારોવ અને કાર્પોવ છ વખત વર્લ્ડ ટાઇટલ જીત્યા છે

એપ્રિલ દરમિયાન નિકાસમાં ૩.૨ ટકાનો વધારો ઃ સરકાર પ્રોત્સાહનો જાહેર કરશે
ભૂતકાળ ભૂલીને આગળ વધવાની હિમાયત કરતાં સૈન્યના વડા સિંહ
 
 

Gujarat Samachar Plus

ગુજરાતી સાથે દિલથી નાતો છે પૈસાથી નહી
આર્ટએ મને નવજીવન આપ્યું છે
ફિટ એન્ડ હેલ્થી ફંડામાં મહિલાઓ પુરુષો કરતાં આગળ
પત્નીની પસંદગીના જ કપડાં પહેરવાનુ પસંદ કરતા પતિદેવો
ગર્લ્સમાં પીસ ઓફ નેલ આર્ટના ફંડા
 

Gujarat Samachar glamour

દીપિકા-રણબીર ફરીથી ‘નજીક’
ઝરીન શૈક્ષણિક સંસ્થાની બ્રાન્ડ એમ્બેસેડર
કિમ કર્દાશિયાનો કંિમતી સામાન એરપોર્ટ પર ગુમ થયો
જોહરા સહગલ અને રમેશ સિપ્પીને લાઈફ ટાઈમ એવોર્ડ
આમિરનો દુરુપયોગ નેતાઓએ કર્યો
 
 

84th Oscar Awards

   
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved