Last Update : 21-May-2012,Monday

 
દેશની ખનીજ ખાણો ખોદી ખોદીને ચાલતી લૂંટ
- એક ટ્રક બહાર નીકળે એટલે ઓછામાં ઓછા રૃપિયા ૩૨,૦૦૦ નફો થાય
- ગોવાના કોંગ્રેસી રાજ્યમાં અને કર્ણાટકના ભાજપના રાજ્યમાં કાચા લોખંડની કરોડો ટનની લૂંટ થઈ

આપણો દેશ સુવર્ણભૂમિ અમસ્તો નથી કહેવાયો આપણે આપણું એ અમૂલ્ય મૂલ્ય ભુલી ગયા છીએ અંગ્રેજો અને એ પહેલાં મુસ્લિમ આક્રમણકારોએ ૬૦૦ વર્ષ સુધી આપણી ઉપર ત્રાસ ગુજાર્યો... એ ત્રાસમાંથી આપણા બાપ-દાદાઓ મુક્ત થાય ત્યારે આવું વિચારે ને ?
બાકી આપણી ધરતીમાં પડેલા ખનિજ અને વનસ્પતિ એવા છે કે જે દુનિયાની બીજી કોઈ ભૂમિમાં નથી.
આપણા દેશમાં રાજસ્થાનનો પ્રદેશ ખનિજ પેદાશો ઉત્પન્ન કરનાર બીજા નંબરનો પ્રદેશ છે. ત્યાંથી ૩૭ પ્રકારના અતિ મહત્ત્વના ખનિજ નીકળે છે અને હર એક પ્રકારના ખનીજ નીકળે છે એક સોનું નથી નીકળતું બાકી માનોને બધું જ નીકળે છે. રાજસ્થાન સરકારે ૨૦૧૦માં ખનીજ ખોદવાના ૧૩,૧૦૦ લાયસન્સ આપેલા છે જેણે ૨૬,૦૦,૦૦,૦૦૦ ટન ખનિજ ખોદકામ કરેલું આ ખનિજ ખાણોમાંથી માલ ભરીને નીકળતી એક ટ્રક ઓછામાં ઓછા રૃપિયા ૩૨,૦૦૦નો નફો આપે છે.
આવું જ એક રાજ્ય કર્ણાટક છે. કર્ણાટકમાંથી તો સોનું પણ નીકળે છે.
કર્ણાટકના ખનિજ માફીયા સરદાર રેડ્ડી બંધુઓ છે તેઓ સંઘના સ્વયંસેવક રહેલા પણ પછી કેટલાક સંઘના સ્વયંસેવકોની માફક તેઓ કાળા ધંધામાં લાગી ગયા છે.
એમનો એ કાળો ધંધો ફૂલેફાલે એ માટે એમણે ગુંડાગીરી કરીને ખાણો અને જંગલો ઉપર કબજો કરવા માંડેલો. એ ઉપરાંત પોતાની અબજો રૃપિયાના કાળા ધનની કમાણીથી ભાજપના રાજ્યના નેતાઓથી માંડી દિલ્લીના નેતાઓ સુધી અને સંઘના અધિકારીઓ સુધી પહોંચીને કર્ણાટકમાં ભાજપની સરકાર બનાવી એમાં પ્રધાન પણ બનેલા. (ગુજરાતની ભાજપ સરકારમાં પણ એવા પ્રધાનો છે અને ઉત્તર પ્રદેશની મુલાયમની સરકારમાં પણ એવા પ્રધાનો છે. મહારાષ્ટ્રની કોંગ્રેસ સરકાર પણ બાકાત નથી.) આ રેડ્ડી બંધુઓએ આન્ધ્રની કોંગ્રેસ સરકારમાં પણ પોતાના કાળા પગ જમાવેલા.
અત્યારે જો કે, એ રેડ્ડી બંધુઓ કર્ણાટકના લોકાયુક્તે એમની સામે પગલા લીધા એટલે જેલના સળિયા પાછળ છે.
રેડ્ડી બંધુઓની ખનિજની ખાણોની લૂંટની કથા એવી છે કે...રેડ્ડી બંધુઓમાંના એક જનાર્દન રેડ્ડીએ ૨૦૦૧માં કર્ણાટકના વેલ્લારી જિલ્લાના ખનિજની ખાણોની લૂંટ શરુ કરેલી. એ પછી એમણે આન્ધ્રપ્રદેશમાં અનંતપુર જિલ્લાના રાયદુર્ગા તાલુકાના એક ગામ આંબુલાપુરમમાં ૨૫ હેક્ટરમાં ફેલાયેલી ખાણોનો કોન્ટ્રાક્ટ લઈને આ કામ આગળ વધારેલું.
આન્ધ્રમાં ત્યારે કોંગ્રેસી મુખ્યપ્રધાન સ્વ. ડો. વાઇ.એસ. રાજશેખર રેડ્ડી હતા. એમની કૃપાથી રેડ્ડી બંધુઓને કડપ્પા જિલ્લામાં ૧૦,૭૬૦ એકર જમીન મેળવી. ત્યાં એમણે ૨૦૦૭માં બ્રાહ્મિની સ્ટીલ નામની કંપની શરુ કરી. એ જમીનની કિંમત રૃપિયા ૩૦૦ કરોડ કરતા વધુ હતી પણ એમને એ જમીન ફક્ત ૨૦ કરોડ રૃપિયામાં જ મળી ગયેલી !
એમને અનંતપુર જિલ્લાના ઓબુલાપુરમ ગામમાં લોખંડની ૩ ખાણો એ શરતે મળેલી કે ત્યાં એ રેડ્ડીબંધુઓ સ્ટેનલેસ સ્ટીલનું ઉભું કરશે અને ત્યાંની ખાણોમાંથી નીકળેલા કાચા લોખંડના એ સ્ટીલ બનાવવામાં ઉપયોગમાં લેશે. પરંતુ કેન્દ્ર સરકારની સંસ્થા ઇન્ડિયન બ્યુરો ઓફ માઇન્સના જણાવ્યા પ્રમાણે રેડ્ડી બંધુઓએ ૨૦૦૪થી ૨૦૦૯ સુધી ત્યાંનું ૨,૦૦,૦૦,૦૦૦ ટન કાચુ લોખંડ ગેરકાયદેસર રીતે નિકાસ કરી નાંખ્યું.
આ આખો ધંધો કપટ અને છળ ઉપર જ ઉભો કરાયેલો. બ્રાહ્મિની સ્ટીલન કંપનીના શેર પણ રેડ્ડી બંધુઓએ બહાર પાડેલા જે વિદેશોમાં વેચેલા. વિદેશી કંપનીઓ પાસેથી શેરના બદલામાં રૃપિયા કે ડોલર લેવાના બદલે એમણે વિદેશી કંપનીઓના શેર લીધેલા.
જી. જનાર્દન રેડ્ડી નામ ઉપરથી એમણે જીજેઆર ઇન્ટરનેશનલ હોલ્ડિંગ્સ લિમિટેડ, જીજેઆર હોલ્ડિંગ્સ (મોરેશ્યસ) લિમિટેડ તથા જીએલએ ટ્રેડિંગ ઇન્ટરનેશનલ નામની કંપનીઓ બનાવીને જીજેઆર ગુ્રપ ઓફ કંપની બનાવેલી.
આન્ધ્રમાં કડપ્પામાં બૈરાઈ નામનું કેમિકલ ઉત્પન્ન થાય છે. એ કેમિકલ પેટ્રોલને શુદ્ધ કરવામાં વપરાય છે. કડપ્પામાં એ બહુ મોટા પ્રમાણમાં નીકળે છે.
રેડ્ડી બંધુઓ કર્ણાટકના ધનાઢ્યોના પણ ધનાઢ્ય રાજકારણી ગણાય છે. જનાર્દન રેડ્ડીએ ૨૦૦૯માં દિકરીના લગ્ન પાછળ રૃપિયા ૨૭,૦૦,૦૦,૦૦૦ ખર્ચેલા લગભગ ૧,૦૦૦ મહેમાનોને લાવવા લઈ જવા માટે એમણે હેલિકોપ્ટરો રાખ્યા હતા ! બન્ને ભાઈઓએ ડાયમન્ડથી બનાવેલો ૪૨,૦૦,૦૦,૦૦૦નો મુગુટ મંદિરના ભગવાનને ચઢાવેલો.
ગોવાની ભૂમિ પણ ખનિજોનો ભંડાર છે. ગોવામાં કાચુ લોખંડ મેંગનીઝ તથા બોક્સાઇટના ભંડાર પડયા છે. પહેલા એવું મનાતું હતું કે ત્યાનું કાચુ લોખંડ બહુ સારી ગુણવત્તાનું નથી પરંતુ ૨૦૦૫માં ચીને એ લોખંડ ખરીદવા માંડયું પછી ગોવાની કાચા લોખંડની ખાણો ખોદીને લૂંટ શરુ થઈ. એ લૂંટમાં ત્યારની કોંગ્રેસ સરકારના પ્રધાનોની ભાગીદારી હોવાના આરોપના કારણે હમણાંની ચૂંટણીમાં ગોવાની કોંગ્રેસ સરકાર હારી અને ભાજપની સરકાર સત્તામાં આવી.
ગોવાની એ કોંગ્રેસ સરકાર ઉપરનો જે આરોપ હતો એમાં ગોવાના કેટલાક પ્રધાનો તેમજ દિલ્લીમાંના કેટલાક નેતાઓ ખનિજની લૂંટમાં સંડોવાયા હોવાનું કહેવાતું હતું.
ભારતમાંથી કાચા લોખંડની જે નિકાસ થાય છે એના ૪૦ ટકા લોખંડ તો એકલું ગોવાનું હોય છે એટલે ગોવાની ખાણોનું કેટલું મહત્ત્વ છે એ વિચારી જુઓ ! ગોવામાં આવી ૯૧ ખાણો છે જેમાંની લગભગ ૪૫- ૪૬ ખાણો કાયદેસર નથી અને એના કારણે સરકારને ૨૦૦૫થી ૨૦૧૨ સુધીમાં રૃપિયા ૩૦૦૦૦૦૦૦૦૦૦ (૩૦ અબજ)નું દેશને નુકસાન થયું છે જે હજી ચાલુ જ છે. આ લૂંટ કરનાર સેસાગોવા, સલગાંવકર, ચૌગુલે ઓસાઇટેડ ફોમેંટી જેથી મોટી મોટી કંપનીઓ અને ઉદ્યોગપતિઓ છે.
મુંબઈ, અમદાવાદને દેશના પાટનગર દિલ્લી સાથે જોડનાર જે રાષ્ટ્રીય ધોરીમાર્ગ છે એમાં માર્ગમાં જયપુર પણ આવે છે. એ રસ્તા ઉપર ઊંટના આકારની જેવી ઊંચીનીચી અરવલ્લીની પર્વતશ્રેણી પણ આવે છે. એ પર્વતમાળામાં જ્યાં ખનિજની ખાણોની લૂંટ મોટા પાયે થાય છે એની આ વાત છે. રાજસ્થાનમાં તો બીજે પણ મારબલથી માંડીને લિગ્નાઇટ સુધીની ઘણી લૂંટ થાય જ છે પણ અહીં અરવલ્લીની પર્વતમાળામાંની ખાણોમાંથી જ થતી ચોરીની વાત છે.
જયપુરથી લગભગ બે કલાકનાઅંતરે પાવટા તાલુકા (સિકર જિલ્લો)માં ખનિજની લૂંટનું એક મોટું મથક છે. ત્યાંથી ૪૫ કિ.મી. દૂર નીમકાથાણા નામના સ્થળ તરફ આગળ વધતા સફેદ પથ્થરોથી ઓવરલોડ ભરેલી ટ્રકોની હારમાળા જોઈને જ થઈ જાય કે આગળ મોટા પાયા ઉપર ખનિજનું ખોદકામ થતું જોવા મળે છે. (અપૂર્ણ)
- ગુણવંત છો. શાહ

 

પાંખડી
નિશાનેબાજ ભાગવતજી
જો કે આર.એસ.એસ.માં દશેરાના દિવસે શસ્ત્રપૂજા કરાય છે અને સંઘ શાખાઓમાં શસ્ત્રોની તાલીમ પણ અપાય છે પણ એમાં બંદૂકબાજી નથી શીખવાતી.
આ બંદૂકબાજી સંઘના વડા મોહન ભાગવત કરી રહ્યા છે. એમના દેશભરની શાખાઓના પ્રવાસના કાર્યક્રમ દરમ્યાન ૧૯ એપ્રિલે તેઓ મુંબઈ હતા ત્યાં તેઓ સાવરકર મેમોરીયલની મુલાકાતે ગયેલા એ મેમોરીયલમાં ઇન્ડોર શુટીંગ રેન્જ છે જ્યાં મેમોરીયલના ઓફિસર એમને લઈને ગયા ત્યાં એ ઓફિસરે ભાગવતજીના હાથમાં રાયફલ પકડાવીને કહ્યું કે, આપની નિશાનેબાજી કેવી છે એનો અહીં પ્રયોગ કરો.
ભાગવતજી સરસંઘચાલક થયા એ પહેલા સંઘની પદ્ધતિ મુજબ શારીરિક પ્રમુખ (અખિલ ભારતીય) હતા પરંતુ તેઓ બંદૂકની નિશાનેબાજીમાં કાબેલ હશે એ કોઈ જાણતું નહોતું અને ખરેખર ભાગવતજીએ અચૂક નિશાન પાડી બતાવ્યું !

 

સખળડખળ....
કેદીના પાયલાંગણ કરતા જેલરો !
આ છે ભારતના અમલદારો અને આ છે ભારતના રાજકારણીઓ ! દુનિયામાં એનો જોટો નહીં જડે ! અહિં ગુનેગાર પ્રધાન પણ બની શકે છે અને પક્ષનો પ્રમુખ લાંચ લેતા પકડાય પણ છે.
આવો જ કિસ્સો પંજાબમાં કેબિનેટ કક્ષાના પ્રધાન હતા એ બીબી જાગીરકૌરનો છે. પોતાની જ પુત્રીનું અપહરણ કરવાના અને એની કૂખમાં બાળકી હતી તેની હત્યા કરવાના ગુનાસર કોર્ટે એને સજા કરી તો કપુરથલાની જેલમાં એ પહોંચી ત્યારે જેલના જેલરથી માંડી પોલિસોએ એમના પાયલાંગણ કર્યા તેમજ પોતાને અને જેલને ધન્ય માનવા લાગ્યા ! જેલમાં પણ એમને ફાઇવસ્ટાર હોટેલ જેવી સગવડ આપવામાં આવી !
આ પણ એક પ્રકારની ચમચાગીરી છે.
પંજાબમાં અકાલી દળ અને ભાજપની સંયુક્ત સરકાર છે જેમાં આ બહેન કેબિનેટ પ્રધાન હતા.

 

ટ્રમ્પેટ

 

- તમારા અને તમારા કુટુંબના આરોગ્યને સાચવનારું મફતના ભાવનું અદ્ભુત ઔષધ
- ચિકન
ગુનીયાથી માંડી ડાયાબીટીસને મટાડનાર ઔષધ

 

ગળો એનું ગુજરાતી નામ. સંસ્કૃતમાં અમૃતા (યોગ્ય જ રીતે) અથવા ગડુચી કહે છે.
વનસ્પતિ છે.
ખડ જેવી.
વેલ છે.
લિંબડાના ઝાડ ઉપર વેલાની જેમ ચઢે, બાવળના ઝાડ ઉપર પણ હોય, આંબા ઉપર પણ હોય અને વાડના થોર ઉપર પણ હોય.
ખડની જેવી નકામી લાગે પણ આપણા આરોગ્ય માટે અમૃત સમાન છે. થોરની વાડ ઉપર બિછાનાની જેમ પથરાયેલ હોય છે.
બજારમાં ગળો સત્વ અથવા ગળો ઘન રૃપે મળે છે. એની બબ્બે કે ત્રણ ત્રણ અથવા છ છ ગોળી દિવસમાં બે કે ત્રણ વાર ચિકન ગુનીયાથી જેવો રોગ જેની દવા એલોપથીમાં નથી એ ત્રણ જ દિવસમાં મટી જાય છે અને સોજા પણ નથી થતા.
ડાયાબીટીસનો દુશ્મન જેમ હળદર છે એમ ગળો પણ છે. ગળો લેનારને ડાયાબીટીસ થતો નથી અને થયો હોય તો છ-બાર મહિને મટી જ જાય છે. અકસીર છે.
સ્ત્રીઓના પ્રદર રોગને પણ મટાડે છે.
આ ઉપરાંત, દરેક રોગના મૂળ જેવી કબજીયાત પણ દૂર કરે છે. વર્ષો સુધી એ સતત લેવાથી શરીર પરની કરચલીઓ દૂર કરે છે અને વાળને કાળા કરે છે.
જીર્ણજવર જેવા કષ્ટસાધ્ય તાવને છ જ દિવસમાં મટાડે છે. અને ગળોઘનથી માત્ર ૧૦ મિનિટમાં જ અરુચિ દૂર થાય છે. આંખોને તેજસ્વી બનાવે છે અને કામ કરવામાં ઉત્સાહ વધારે છે. થાક દૂર કરે છે. ક્ષય, દમ, કફ, અને શરદીને પણ સંપૂર્ણપણે દૂર કરે છે. પેટની ફાંદને પણ ઘટાડે છે એટલે કે શરીરની જાડાઇ દૂર કરે છે (બે ત્રણ વર્ષ સુધી સતત લેવી જોઇએ)
ખાસ તો, સાઈટીકા એટલે કે ગોઠણ-પગના દુઃખાવાની દવા એલોપથીમાં નથી એને દૂર કરે છે.
મૂત્રમાર્ગની તકલીફો, હરસ, ઉલટી, હેડકી જેવા રોગો પણ દૂર કરે છે.

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
ફ્લેટધારકો પર બરફ-પથ્થરો ફેંકી હેરાનગતિ કરતી માથાભારે મહિલા
સુત્રાપાડા તાલુકામાં ફિલ્મીઢબે પકડાયેલી ખનિજચોરી

ગરમીનો પારો ૪૨ ડિગ્રીને પાર કરી જતા દિવસભર લોકો ઘરમાં ભરાઇ રહ્યા

મામા-ભાણી ધરામાં ડૂબી જતાં મોત
વારંવાર ગટરો ઉભરાતી હોવા છતાં પાલિકાને સફાઈ કરવાનું સૂઝતું નથી

'નાટો' શિખર પૂર્વે ત્રાસવાદી હુમલાનું કાવતરું શિકાગો પોલીસે નિષ્ફળ બનાવ્યું

ઇટાલીમાં ૬ ની તીવ્રતાનો ભૂકંપ ઃ ૬ વ્યક્તિનાં મોત
ઇલિયાસ કાશ્મીરીને સંયુક્ત રાષ્ટ્રે મૃત જાહેર કર્યો
ડેક્કન સામેના પરાજય સાથે બેંગ્લોર બહાર ઃ ચેન્નઇનો પ્લે ઓફમાં પ્રવેશ
દિલ્હી અને કોલકાતાને આઇપીએલની ફાઇનલમાં પ્રવેશવા બે તક મળશે
પીસીબીના ચેરમેન અશરફને IPLની ફાઇનલ જોવા આમંત્રણ
ગિલક્રિસ્ટે ક્રિકેટમાંથી નિવૃત્તિ જાહેર કરી ઃકોચ તરીકે ચાલુ રહેવા તૈયાર

બેયર્નને પેનલ્ટી શૂટ-આઉટમાં હરાવી ચેલ્સી યુરોપીયન ચેમ્પિયન

બોલિવૂડ ભલે પુરુષપ્રધાન પણ ટેલિવિઝન પર તો મહિલાઓનું રાજ
સલમાન ખાન તેના પર ગુસ્સે ભરાયો હોવાની અફવાનો સોનાક્ષી સિંહાનો ઈનકાર
 
 

Gujarat Samachar Plus

ઈન્ડો-તિબેટન સરહદ પર સાહસનું પ્રાકૃતિક શિક્ષણ
ટ્રાવેલંિગમાં નાસ્તાની સાથે શરીરની ફિટનેસ પણ જરૂરી
આઉટંિગ માટેનું બેસ્ટ પ્લાનંિગ
ગાંઘીજીએ ટોપી પહેરીને સત્યાગ્રહ આશ્રમનું વાસ્તુ પૂજન કર્યુ હતું
વિન્ડોઝ ૮માં નવું ગુડબાય ટુ એરો ગ્લાસ જોવા મળશે
 

Gujarat Samachar glamour

લગ્નના પ્રસ્તાવની રાહ જોઉ છું ઃ કેટ
સલમાન ‘એક થા...’માં સિક્રેટ-એજન્ટ બન્યો!
અનિલની સિરિયલ ‘૨૪’માં રસેલ ડીસિલ્વા
જેમ્સ બોન્ડની સીરીઝની પાંચ ફિલ્મો કેન્સમાં બતાવાશે!
એમ.જેના પોષાકોનું પ્રદર્શન અને હરાજી થશે
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved