Last Update : 18-May-2012, Friday

 

આઈપીએલનો પ્રારંભ થયો ત્યારથી તેશાહરૃખ-સૈફ પોતાની જાતને કાયદાથી પર માને છે ?

અમેરિકાના ઇમિગ્રેશન ખાતાં દ્વારા થયેલું અપમાન ઠંડે કલેેજે સહન કરનાર શાહરૃખ ખાન ભારતના કાયદાઓ તોડવામાં સંકોચનો અનુભવ કરતો નથી

આજકાલ વિવાદો શાહરૃખખાનનો પીછો નથી કરી રહ્યા પણ શાહરૃખખાન વિવાદોને સામેથી આમંત્રણ આપી રહ્યો છે. બુધવારની રાતે મુંબઈના વાનખેડે સ્ટેડિયમમા જે કાંઈ બન્યું એ શાહરૃખખાને બહુ મહેનતપૂર્વક ઉભી કરેલી પોતાની ઇમેજથી વિપરિત હતું. શાહરૃખ ખાનના બે રૃપ છે પહેલા રૃપમાં તે એક પરફેક્ટ એન્ટરટેઇનર છે, પરફેક્ટ હસબન્ડ છે, પરફેક્ટ પેરેન્ટ છે અને પરફેક્ટ દેશભક્ત છે. જે દેશના કાયદાને માન આપે છે અને તે યથાશક્ય પાલન કરવાનો પ્રયાસ કરે છે. શાહરૃખ ખાનનું બીજું રૃપ એક ઘમંડી, અસલામતીથી પીડાતા, શરાબી, ધૂમ્રપાનના શોખીન ઇન્સાનનું છે, જે તમામ માનવીય નબળાઈઓથી ભરેલો છે. શાહરૃખ ખાનના કરોડો ચાહકો તેના પહેલા રૃપને ઓળખે છે, તેને પૂજે છે; પણ જ્યારે જ્યારે તેમને અસલી શાહરૃખ ખાનના દર્શન થઈ જાય છે ત્યારે તેઓ હતાશ થઈ જાય છે.
શાહરૃખ ખાન પોતાની સેલિબ્રિટી સ્ટેટસના તોરમાં દેશના કાયદાઓની પરવા નથી કરતો તેનો ખ્યાલ રાજસ્થાનના જયપુરમાં ગયા મહિને રમાયેલી આઇપીએલની મેચ દરમિયાન આવ્યો હતો. રાજસ્થાનમાં ઇ.સ. ૨૦૦૦ની સાલમાં ઘડવામાં આવેલા કાયદા મુજબ આખા રાજ્યમાં જાહેરમાં ધૂમ્રપાન કરવાની મનાઈ ફરમાવી દેવામાં આવી છે. આ નિયમની જાણ હોવા છતાં શાહરૃખ ખાન મેચ દરમિયાન સ્ટેડિયમમાં બિનધાસ્ત બનીને સ્મોકિંગ કરતો જોવા મળ્યો હતો. આ વખતે ટી.વી.ના કેમેરાઓ તેના ઉપર ફોક્સ થયા હોવા છતાં તેને એ વાતની પણ પરવા નહોતી કે આખા દેશના ચાહકો તેને જોઈ રહ્યા છે. શાહરૃખ ખાનની આ હરકત જોઈને રોષે ભરાયેલા નેમસિંહ નામના વકીલે જયપુરની કોર્ટમાં તેની સામે ફરિયાદ નોંધાવી હતી. આ ફરિયાદને પગલે શારૃખ ખાનને અદાલતમાં હાજર થવાના સમન્સ કાઢવામાં આવ્યા છે.
થોડા સમય પહેલાં શાહરૃખ ખાન અમેરિકાની મુલાકાતે ગયો હતો. અમેરિકાની વિખ્યાત યેલ યુનિવર્સિટીમાં તેને લેક્ચર આપવા માટે બોલાવવામાં આવ્યો હતો. અમેરિકાના ઇમિગ્રેશન સત્તાવાળાઓએ બીજા કોઈ પણ એશિયન મુસ્લિમ ઉતારૃની જેમ શાહરૃખ ખાનને એરપોર્ટ ઉપર જ કલાકો સુધી અટકાવી રાખ્યો હતો. એ વખતે શાહરૃખ ખાન એક પણ શબ્દ બોલ્યો નહોતો, પણ હવે તેણે ઇમિગ્રેશન સત્તાવાળાઓની ઉદ્ધતાઈ સહન કરી લીધી હતી. યેલ યુનિવર્સિટીમાં આપેલા વકતવ્યમાં શાહરૃખે કટાક્ષમાં કહ્યું હતું કે, 'જ્યારે જ્યારે મારી અંદર ઘમંડ વઘી જાય છે, ત્યારે હું અમેરિકા આવું છું કારણ કે મારો ઘમંડ ઇમિગ્રેશનના સત્તાવાળાઓ ઉતારી નાખે છે.' શાહરૃખ ખાન અમેરિકાના કડક કાયદાઓનો આદર કરે છે, પણ ભારતના કાયદાઓની પરવા નથી કરતો એ વાનખેડે સ્ટેડિયમમાં બનેલી ઘટના પરથી સમજાઈ ગયું છે.
શાહરૃખ ખાનની જેમ લગભગ બધા ફિલ્મી સિતારાઓ પોતાની જાતને કાયદાથી પર માને છે, સલમાન ખાન 'હમ સાથ સાથ હૈ'નું શુટિંગ કરવા રાજસ્થાન ગયો ત્યારે માત્ર મોજ ખાતર કાળિયાર હરણનો શિકાર કરવા ગયો હતો. રાજસ્થાનમાં વન્ય પ્રાણીઓની રક્ષા માટે પોતાનો જીવ પણ આપી દેનારી બિશ્નોઈ જાતિના લોકોએ તેની સામે કેસ કર્યો હતો, જેનો હજી સુધી ચુકાદો આવ્યો નથી. સલમાન ખાને બાંદરાની સડક ઉપર બેદરકારીથી કાર ડ્રાઇવ કરતા ફૂટપાથ ઉપર રહેતા નિર્દોષ લોકોને કચડી નાખ્યા હતા આ કેસ પણ ચાલી રહ્યો છે.
થોડા દિવસ અગાઉ સૈફ અલીખાન કરીના કપૂરને અને પોતાના મિત્રોને લઈને મુંબઈની જાણીતી હોટેલમાં મોડી રાતે પાર્ટી કરવા ગયો હતો. સૈફ અલી ખાન પોતાના મિત્રો સાથે જોરશોરથી ગપ્પાઓ મારી રહ્યો હતો અને ધમાલ કરી રહ્યો હતો, જેને કારણે હોટલમાં જમવા આવેલા બીજા લોકોની શાંતિમાં ખલેલ પહોંચતી હતી. તેમાંના એકે હોટેલના મેનેજરને ફરિયાદ કરી કે આ ઘોંઘાટ બંધ કરાવો.
મેનેજરે સૈફ અલીખાનને અવાજ ઓછો કરવા વિનંતી કરી પણ સૈફ તેની વાત ગંભીરતાથી લીધી નહીં પેલા માણસે પોતાનું બેલ નીચેના હોલમાં બદલી કરવાની વિનંતી કરી. મેનેજરે આ વિનંતી સ્વીકારી લીધી. સૈફ અલી ખાનને તેમાં પોતાનું અપમાન લાગ્યું એટલે તેણે પેલા માણસની અને તેના વૃદ્ધ પિતાની પિટાઈ કરી. મામલો પોલીસ સ્ટેશનમાં પહોંચ્યો ત્યારે ગભરાયેલા સૈફ અલી ખાને માફી માંગીને સમાધાન કરી લીધું. સૈફ અલી ખાનની જેમ લગભગ બધા ફિલ્મી સિતારા માનતા હોય છે કે જાહેર સ્થળોમાં પ્રજાએ તેમની બધી હરકત ચલાવી લેવી જોઈએ.
શાહરૃખ ખાન અને ફરાહખાન વચ્ચે અનેક વર્ષોથી ગાઢ મૈત્રી હતી. આ મૈત્રી ફારાહ ખાનના પતિ શિરીષ કુંદરને પસંદ નહોતી તેને કારણે ફરાહ અને શાહરૃખખાન સાથેની મૈત્રી છોડી દીધી છે, એવું શાહરૃખખાનને લાગતું હતું આ કારણે શાહરૃખ ખાનના મનમાં શિરીષ કુંદર પ્રત્યે ખુન્નસ હતું એક વખત એક પાર્ટીમાં તેઓ ભેગા થઈ ગયા ત્યારે શાહરૃખ ખાને શરાબ પીધો અને માનસિક સંતુલન ગુમાવીને શિરીષની ખૂબ પિટાઈ કરી. આ વખતે ત્યાં પત્રકારો પણ હાજર હતા એટલે બીજા દિવસે મિડિયામાં આ વાત ચગી. શાહરૃખને જ્યારે લાગ્યું કે, આ ઘટનાને કારણે તેની ઇમેજને ધક્કો લાગે છે ત્યારે તેણે શિરીષ કુંદરની માફી માંગીને સમાધાન કરી લીધું. જ્યારે જ્યારે શાહરૃખ પોતાના અસલ સ્વભાવમાં આવી જાય છે ત્યારે ધમાલ અને મારપીટ કરી બેસે છે પણ તેને જેવો પોતાની ઇમેજનો ખ્યાલ આવે છે કે તરત એ માફી માગી સમાધાન કરી લે છે.
મિડિયામાં શાહરૃખ ખાનની ઇમેજ બગડે તેને કારણે તેને કરોડો રૃપિયાનું નુકસાન થઈ શકે છે, કારણ કે તે અનેક જાણીતી બ્રાન્ડોનો એમ્બેસેડર છે. શાહરૃખખાન ઇમામી, હ્યુન્ડાઇ અને ડીશ ટી.વી. જેવી બ્રાન્ડોનો એમ્બેસેડર છે. આ દરેક બ્રાન્ડમાંથી તેને વર્ષે આશરે સાતથી આઠ કરોડની કમાણી થાય છે. આ દરેક બ્રાન્ડમાં શાહરૃખ ખાન એક ઇન્ટેલિજન્ટ, સંવેદનશીલ અને કાયદાનો આદર કરતા મનોરંજનના શહેનશાહ તરીકે વર્તે છે. તેની જાહેર જીવનની વર્તણૂક આ ઇમેજથી તદ્દન અલગ છે હવે લોકોને લાગે છે કે શાહરૃખ ખાન ચિડિયા સ્વભાવનો છે, એ નાની નાની વાતમાં ગુસ્સે થઈ જાય છે, એ પોતાની જાતને ગ્રેટ સમજે છે અને તેને જાહેર સમારંભોમાં કેવી રીતે વર્તવું એ આવડતું નથી.
જો શાહરૃખ આ રીતે જ પોતાની ઇમેજ બગાડતો જશે તો તેને બ્રાન્ડ એમ્બેસેડરની કમાણી ગુમાવવી પડે એવું પણ બની શકે છે.
બ્રાન્ડ ઇક્વિટી નામના મેગેઝીને ભારતના યુવાનો સૌથી વધુ માન કોને આપે છ તે બાબતમાં સર્વે કર્યો હતો. આ સર્વેમાં યુથ આઇકોન તરીકે સચિન તેંડુલકર અને સલમાનખાન પછી શાહરૃખ ખાનનું નામ હતું. તાજેતરમાં એવું બહાર આવ્યું છે કે, સચિન, સેહવાગ અને ધોનીને આઇપીએલમાંથી ચિક્કાર કાળુંનાણું મળતું હોવાની સંભાવના છે. સલમાન ખાન તેના ઉદ્ધત વર્તન, રેકલેસ ડ્રાઇવિંગ અને કાયદાનો ભંગ કરવાની આદતના કારણે કાયમ સમાચારોમાં ચમક્યા કરે છે.
એક સમયે જે યુવાનો નેતાજી સુભાષચંદ્ર બોઝ, ભગતસિંહ અને ખુદીરામ બોઝને પોતાનો આદર્શ માનતા હતા તેઓ હવે સલમાન ખાન અને શાહરૃખ ખાનની પૂજા કરી રહ્યા છે તેનું કારણ એ છે કે આજકાલના યુવાનો આ ફિલ્મી સિતારાઓની રીલ લાઇફથી એટલા બધા અંજાઈ જાય છે કે તેમની રિયલ લાઇફની હકીકતો માનવા તૈયાર જ નથી થતા.
શાહરૃખના ચાહકો કદાચ એવી દલીલ કરશે કે કરોડો ભારતીયો જાહેરમાં સિગરેટ ફૂંકે છે અને લાખો લોકો શરાબ પીને જાહેરમાં ધમાલ કરે છે; તેમની શા માટે નોંધ લેવામાં આવતી નથી ? મિડિયાવાળા શા માટે સેલિબ્રિટીઓની પાછળ પડી જાય છે ? તેનું કારણ એ છે કે ફિલ્મસ્ટારો આપણા દેશના જાહેર જીવનમાં અલાયદું સ્થાન ધરાવે છે. કરોડો યુવાનો તેમની નકલ કરવામાં ગૌરવ અનુભવે છે.
તેઓ કરોડો લોકોના જીવનને પ્રભાવિત કરી શકે છે. આ કારણે તેમને જેમ વિશેષાધિકારો મળે છે તેમ તેમની જવાબદારી પણ વધી જાય છે. તેઓ જે પ્રકારનું વર્તન કરશે તે સારું છે કે ખરાબ એ સમજ્યા વિના લાખો યુવાનો તેમની નકલ કરશે. આ સિતારાઓ હજી ખાનગીમાં કાંઈ ખોટું કામ કરતા હોય તો એ તેમની અંગત બાબત બની જાય છે. પણ તેઓ જાહેરમાં અસભ્ય વર્તન કરે તો ચલાવી લેવાય નહીં. તેમને દેશના અથવા સંસ્થાના કાયદા મુજબ સજા મળવી જ જોઈએ. શાહરૃખખાનના અસભ્ય વર્તનને કારણે વાનખેડે પ્રવેશવા ઉપર પ્રતિબંધ મૂકવામાં આવે તો તે યોગ્ય જ થયું છે.
આપણા દેશના બંધારણમાં લખવામાં આવ્યું છે કે, કાયદાની દ્રષ્ટિએ દરેક નાગરિક સમાન છે પણ હકીકતમાં તેવું જોવા મળતું નથી. અભિનેત્રી રેખા રાજ્યસભામાં સોગંદ લઈ રહી હતી ત્યારે ટી.વી.ના કેમેરા સતત તેની ઉપર જ ફોક્સ થઈ રહ્યો હતો.
આ પ્રકારની સ્પેશ્યલ ટ્રીટમેન્ટ સોગંદ લેનારા બીજા સભ્યોને મળી નહોતી. શાહરૃખ ખાને બોલિવુડના બેતાજ બાદશાહ તરીકે બે દાયકા રાજ કર્યું છે. હવે તેની ઉંમર ઢળતી જાય છે અને નવા સિતારાઓ આગળ આવી રહ્યા છે. આ કારણે બોલિવુડના બેતાજ બાદશાહનું બિરૃદ ઝૂંટવાઈ જશે એવી અસલામતીથી શાહરૃખ પીડાતો હોય તે પણ શક્ય છે. આ કારણે તેને વારંવાર ગુસ્સો આવી જતો હોય તેવું પણ બની શકે છે. શાહરૃખ ખાને એ ન ભૂલવું જોઈએ કે તે ૨૪/૭ લાઇવ ટી.વી.ના જમાનામાં જીવે છે. તેની નાનકડી પણ ખોટી હરકત મિડિયા માટે કલાકોનો ખોરાક બની શક છે. જે મિડિયાએ શાહરૃખ ખાનને બનાવ્યો છે એ મિડિયા તેને ખતમ પણ કરી શકે છે માટે તેણે ૨૪/૭થી સાવધાન રહેવાની અને પોતાની વર્તણૂંક સુધારવાની જરૃર છે.
- સુપાર્શ્વ મહેતા

 

Share |
 

Gujarat Samachar Plus

ચારણી છંદોેની રજૂઆતમાં લોકકલાનો અલાયદો ઓરડો
ર૦૧૧-૧રમાં અમદાવાદ ઝુના રેકોર્ડ બ્રેકીંગ ૨૧ લાખ મુલાકાતીઓ
મેં કરું તો સાલા, મોટર વ્હીકલ એક્ટ હૈ....
સારી સ્કીમ હોય તો સીમકાર્ડ સાથે બોયફ્રન્ડ ચેન્જ
શહેરની ગર્લ્સમાં મિક્સ એન્ડ મેચમાં દુપટ્ટો હોટફેવરિટ
 

Gujarat Samachar glamour

કાન્સ ફેસ્ટિવલમાં મલ્લિકાને ખાસ આમંત્રણ
આમિરખાન રાજસ્થાનને બદનામ કરે છેઃ રાજકુમાર શર્મા
ગેંગસ્ટરના હત્યારાનું રામુની ફિલ્મને ફાઈનાન્સ
ક્રિસ હેમ્સવર્થે દીકરીનું નામ ‘ઈન્ડિયા’ રાખ્યું!
૧૩મા આઈફા એવોર્ડને શાહિદ કપૂર હોસ્ટ કરશે!
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved