Last Update : 15-May-2012, Tuesday

 
સાઠે સંસદ ઃ દશા અને દિશા
સાઠ વર્ષનો ઉલ્લેખ આવે એટલે પેલી કહેણી ટાંકવાની લાલચ થવી સ્વાભાવિક છે. વાત ભારતીય સંસદની હોય ત્યારે તો વઘુ. પરંતુ ભારતીય સાંસદોના રંગઢંગ જોતાં, એ કહેણી લાગુ પાડવા માટે તેમણે સાઠ વર્ષની રાહ જોઇ નથી એવું ઘણી વાર લાગે. રવિવારે યોજાયેલી સંસદની વિશેષ બેઠકમાં જોવા મળતાં ઠાવકાઇ, ગરીમા અને શાણપણમાં જવાબદારીનું ભાન ઓછું અને શુભ પ્રસંગે જોવા મળતી ઔપચારિકતા વઘુ હતાં. વડાપ્રધાન ડો.સંિઘથી માંડીને સૌ નેતાઓએ દેશના રાજકીય વડવાઓ અને સ્વાતંત્ર્ય સેનાનીઓને યાદ કરીને સિદ્ધાંતોની ભવ્ય વાતો કરી, આદર્શોની અપેક્ષાઓ સામે મૂકી અને સંસદની સર્વોપરિતા તથા ગરીમાનો ઠરાવ પણ પસાર કર્યો. આટલા બધા લોકો બોલ્યા હોય છતાં ક્યાંય ધાંધલધમાલ ન થઇ હોય અને લોકો શાંતિથી સાંભળતા હોય એવું છેલ્લું ક્યારે બન્યું હશે? એકબીજા પ્રત્યે વાંધાસહિતના આદરની આવી લાગણી સંસદની અંદર છેલ્લી ક્યારે જોવા મળી હશે? પોતે જે માનતા ન હોય અથવા પોતે જેમાં વિશ્વાસ ન ધરાવતા હોય એવા સંવાદો પ્રતીતિપૂર્વક બોલવામાં રાજનેતાઓ અભિનેતાઓને ટક્કર આપે એવા હોય છે. તેનો અહેસાસ આવા પ્રસંગે થતો રહે છે.
વિશેષ બેઠકમાં શાણાં પ્રવચનો ઉપરાંત સંસદનાં ગરીમા, પવિત્રતા અને સર્વોપરીતા રક્ષવા અને જાળવવા માટેનો ઠરાવ સર્વાનુમતે પસાર થયો. તેમાં ઔપચારિકતા ઉપરાંત અન્ના આંદોલન પછી શરૂ થયેલી સાંસદોની આકરી ટીકા કરવાની ફેશન પણ કંઇક અંશે કારણભૂત હશે. અન્નામંડળ કે એવા બીજાઓ સાંસદો વિશે બેફામ વિશેષણો વાપરે છે અને એમ કરીને પોતે બહાદુરીનું અથવા મૂલ્યવાન કામ કર્યાનો સંતોષ અનુભવે છે, તે ટીકાને પાત્ર છે. પરંતુ આ પ્રકારની ટીકાઓથી પોતાનો બચાવ અને વળતો હુમલો કરનારા સાંસદોનું મુખ્ય શસ્ત્ર ‘સંસદની ગરીમા’ હોય છે. આપણા સાંસદોમાંથી કોણ કોને સમજાવે કે ‘સંસદની ગરીમા’ અને તેના સાંસદોની ગરીમા બે જુદી ચીજો છે. ફક્ત સાંસદો ભેગા થવાથી સંસદ બની જતી નથી. બલ્કે, એ તો જીવ વગરના ખોળિયા જેવી ગણાય. સંસદનો પ્રાણ તેના દર પાંચ વર્ષે કાંચળીની જેમ બદલાતા રહેતા તેના સાંસદો નથી, પણ તેની કામગીરીમાં નિહિત જવાબદારી છે. સંસદનું કામ કાયદા ઘડવાનું છે. આ કામ અત્યંત મહત્ત્વનું હોવાથી, તેના ઘડનારા કોઇ પણ પ્રકારના ભય, દબાણ કે બાહરી પરિબળોથી નિશ્ચંિત રહીને તે કરી શકે, એ માટે તેમને વિશેષાધિકાર આપવામાં આવ્યા છે. એટલે કે, સાંસદોને મળેલા વિશેષાધિકાર બીજા સામે વીંઝવાની તલવાર તરીકે નહીં, પણ પોતાના અગત્યના કામમાં આવતાં વિઘ્નો ખાળવાની ઢાલરૂપ છે.
પોતાના વિશેષાધિકારોને રજવાડું સમજી બેઠેલા અને પોતાની ટીકાને ‘સંસદની ગરીમાનો ભંગ’ ગણાવતા ઘણા સાંસદો એ ભૂલી જાય છે કે સંસદની ગરીમાનો સૌથી વધારે પ્રમાણમાં ભંગ તેના સાંસદો જ કરી શકે. કારણ કે સંસદમાં એ લોકો બેઠા છે. આગળ કહ્યું તેમ, સંસદ એટલે ફક્ત સાંસદો જ નહીં. જરા વિચારોઃ કાલે સંસદનાં માઇકમાં જીવ આવે તો એ સાંસદો સામે સંસદના ગરીમાભંગની ફરિયાદ કરે કે નહીં? સંસદની ગરીમા સાંસદોને જોખમમાં લાગતી હોય અને એ માટે તે બીજા તરફ આંગળી ચીંધતા હોય તો તેમણે જાણવું જોઇએ કે એક સિવાયની બાકીની બધી આંગળી તેમના તરફ ચીંધાય છે. ઉત્તરોત્તર સંસદની ગરીમા કેમ ઘટી? શું બહારના લોકોએ શેરી આંદોલનો કરીને સાંસદો માટે ચુનંદા શબ્દો વાપર્યા એટલે સંસદની આબરૂ ઓછી થઇ? કે પછી સાંસદોએ અંદર રહીને જે પ્રકારનાં વર્તન કર્યાં - અને પાછલાં વર્ષોમાં લોકોએ ટીવી પર તે જોયાં- એમાં સંસદનો મોભો ઘટયો છે? ધાંધલધમાલ, અઘ્યક્ષ પાસે ધસી જવું, કોઇને સુખેથી બોલવા ન દેવા, વિરોધનો આદર ન કરવો- આ બધી અસભ્ય અને સ્કૂલનાં બાળકો પણ ન કરે એવી ગેરશિસ્ત ઉપરાંત સૌથી મહત્ત્વનો મુદ્દો સંસદની મુખ્ય કામગીરીની ગુણવત્તા છે. સંસદનું મુખ્ય કામ કાયદા ઘડવાનું કે તેમાં ફેરફાર કરવાનું હોય છે. એ કેટલી ગંભીરતાથી થાય છે? રાજકીય અખાડાબાજી માટે પક્ષના આદેશથી ડાહ્યાડમરા બનીને આવી જતા સાંસદોમાંથી કેટલા ખરડાની ચર્ચા વખતે રસ લેવાનું તો બાજુ પર, ત્યાં હાજર રહેતા હોય છે? આવડા મોટા દેશને અસર કરનારા ખરડા સંસદમાં મુકાય ત્યારે લોકોના પ્રતિનિધિ જેવો ભારેખમ હોદ્દો ધરાવતા કેટલા સાંસદો એ ખરડાની ઝીણવટમાં ઉતરવાનો અને તેમાં સંકળાયેલા લોકહિતના કે લોકહિતવિરોધી મુદ્દાની છણાવટ કરવાનો શ્રમ કરે છે? પક્ષના હાઇકમાન્ડના નિર્ણય પ્રમાણે મત્તું મારી દેવાની માનસિકતાથી મુક્ત રહીને, કેટલા સાંસદો પોતાની બૌદ્ધિકતાનો ઉપયોગ કાયદાના ઘડતર માટે કરે છે? અને એ નથી કરતા, તો પછી સંસદમાં શા માટે જાય છે?
આ અને આવા અનેક આકરા સવાલોના જવાબ બીજું કોઇ માગે ત્યારે સાંસદો સંસદની ગરીમાનું બૂમરાણ મચાવવા બેસી જાય છે અને જાતે કે પોતાના પક્ષના સાથીદારોને આ સવાલો પૂછવાની કોઇને જરૂર નથી લાગતી. બીજાને ઉપદેશો આપતા સાંસદો પોતાની ધારી લીધેલી ગરીમાથી સંસદની ગરીમાને અલગ કરે અને એ રીતે વિચારતા થાય તો સંસદનો સાતમા દાયકામાં પ્રવેશ લેખે લાગે.
 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
અનેક લગ્નો કરનારા ગુજરાતી યુવકની બોરીવલીમાંથી ધરપકડ

ઓ.એન.જી.સી.ના તેલક્ષેત્રની સુરક્ષા પર તોળાતું જોખમ

રૃપિયો નવા તળિયે ઉતર્યો ઃ ફોરવર્ડ ડોલરમાં ભાવોમાં મોટો ઉછાળો
તમિલ અભિનેત્રી રણજીતા દ્વારા જયેન્દ્ર સરસ્વતી સામે ફરિયાદ
૨૦૨૧ સુધીમાં એમબીબીએસ અને પીજીની બેઠકો બમણી કરાશે
રાજસ્થાન રોયલ્સે ૪૫ રનથી પૂણે વોરિયર્સ સામે વિજય મેળવ્યો
લંડન ઓલિમ્પિક બાદ સ્વિમિંગને અલવિદા કહેવા ફેલ્પ્સની વિચારણાં

આજે કોટલામાં પંજાબ અને દિલ્હી વચ્ચે રાત્રે ૮થી મેચ

નેપાળમાં ખાનગી કંપનીનું વિમાન તૂટી પડતાં ૧૩ ભારતીયોનાં મૃત્યુ
સ્ટુડન્ટ વિસા પર બ્રિટને મુકેલા પ્રતિબંધથી બીજા મનમોહન બ્રિટન આવશે?
પાકિસ્તાનના એક સેના અધિકારી સામે બળવો કરવાના મુદ્દે કેસ

ડ્રગમાફિયાએ ૪૯ જણાની હત્યા કરી મૃતદેહોના ટુકડા કરી નાખ્યા

મુંબઇ ઇન્ડિયન્સનો બેંગ્લોર સામે પાંચ વિકેટથી નાટકીય વિજય
ભારતીય મહિલા બોક્સર સરિતાએ વર્લ્ડ ચેમ્પિયનને હરાવી
મેડ્રીડ ઓપનઃફાઇનલમાં બર્ડિચને હરાવીને ફેડરર ચેમ્પિયન બન્યો
 
 

Gujarat Samachar Plus

સોેયના ટાંકાની બારીકાઈ ટકા લાવવામાં પણ જાળવી
બોર્ડમાં ટોપટેનની કુપ્રથા, ઝંઝટ ગઈને સ્ટુડન્ટસ સ્ટ્રેસ ફ્રી
એક એડમિશન સાથે સ્કૂટીનો સરપાવ
પર્સનલ સ્ટાઈલને ફોલો કરતા યંગસ્ટર્સ
ગમતું ફિલ્ડ પસંદ કરતી વખતે અંતરનો અવાજ સાંભળો
 

Gujarat Samachar glamour

અમિતાભ અને મઘુર ભંડારકર વચ્ચે ‘કોલ્ડવોર’ બંધ
‘આઈટમ-સોન્ગ’સોંગનો જ જમાનો છેઃ નતાલિયા
બુ્રકલિન ડેકર બિકની નહીં પહેરે
શકીરાનો સોની સાથે છ કરોડ ડોલરનો કરાર થશે
મેરેલિન મુનરોના નગ્ન ફોટાઓની હરાજી કેન્સલ કરવી પડી !
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved