Last Update : 06-May-2012, Sunday

 

ના માન્યામાં આવે એવી વૉર; અમેરિકાના વકિલો ગુજરાતનું લાઠી ગામ શોધી સમાધાન માટે પ્રયાસ કરે છે
પૅટન્ટ વૉર

ટોકિંગ પોઇન્ટ - સુદર્શન ઉપાધ્યાય
- અમેરિકામાં થયેલા ઈનોવેશનને ગાઈ-વગાડીને આગળ ધરવામાં આવે છે જ્યારે સ્થાનિક સ્તરે પ્રતિભાવંત યુવાનોને કોઈ ઓળખતું પણ નથી ઃ ટ્‌વીટરનો કૉલર પકડતાં ગુજરાતી બંઘુઓ..
- ભારતની અમેરિકામાં નોંધાયેલી માત્ર ૭૦ પૅટન્ટ, જ્યારે જાપાનની ૭,૬૦,૦૦૦ પૅટન્ટ ઃ અમેરિકાની કૉર્ટ પૅટન્ટ અંગે કડક ઃ ટ્‌વીટરની ટેકનોલોજી ગુજરાતના લોકો પાસે છે..

 

ગુજરાતના મુખ્ય પ્રધાન નરેન્દ્ર મોદીને અમેરિકાના વિઝા ક્યારે મળશે તેનો વિવાદ ચાલી રહ્યો છે પરંતુ સિક્કાની બીજી બાજુ એ છે કે અમેરિકાની ટૉપની લૉ-ફર્મના કાયદા નિષ્ણાતો અમરેલી જિલ્લાના લાઠી ગામના કેટલાક આઈટી ક્ષેત્રના ખાંટુઓ સાથે સમાધાન માટે ફાંફા મારે છે. પરિસ્થિતિ બદલાઇ રહી છે, અમેરિકાના આઈટી નિષ્ણાતો ગુજરાતમાંના યુવાધનને શોધી રહ્યા છે.
સોશ્યલ નેટવર્કીંગ સાઈટમાં મોખરે ગણાતી એવી ફેસબુક અને માઈક્રો બ્લોગીંગ સાથે સંકળાયેલી ટોચની કંપની ટ્‌વીટર ભલે પોતાની સફળતાની બડાશ વિશ્વમાં મારતા હોય પરંતુ તેમની ટેકનોલોજી અર્થાત્‌ હાર્ટ ગુજરાતી બંઘુઓએ તૈયાર કર્યું છે. ફેસબુક અને ટ્‌વીટર જેવી સોશ્યલ વૅબસાઇટ સૌથી સફળ છે અને પ્રસિઘ્ધિની ટોચ પર છે પરંતુ ગુજરાતીઓએ તેમની આંખે પાણી લાવી દીધા છે.
હકીકત તો એ છે કે ફેસબુકના માર્ક જુબરકર અને ટ્‌વીટરના જેકે ડૉર્સીને ગુજરાતી બંઘુઓએ કૉલર પકડી કહ્યું છે કે અમારા પૅટન્ટ વાપરી છે તેના પૈસા લાવો!! માત્ર સોશ્યલ નેટવર્કીંગ સાઈટ નહીં પણ અન્ય ૫૦ જેટલી ટોચની આઈટી કંપનીઓની આંખે પાણી, આ ગુજરાતી બંઘુઓએ લાવી દીધા છે.
આ અંગેના અહેવાલો છૂટા-છવાયા ફરતા હતા પરંતુ ૧૩ માર્ચે અમેરિકાના પૅટન્ટ સત્તાવાળાઓએ આ ગુજરાતી બંઘુઓને લખ્યું કે ‘યુ આર ધ વીનર એન્ડ કંિગ!!’... આપણે ત્યાં કમનસીબી એ છે કે જો કોઇ અમેરિકીએ સિઘ્ધી મેળવી હોય તો તેને ગાઇ-વગાડીને પ્રસિઘ્ધી આપવામાં આવે છે પરંતુ ઘરનાં છોકરાં અર્થાત્‌ ગુજરાતના લોકોની સિઘ્ધી પરત્વે આંખ આડા કાન કરાય છે. અમેરિકામાં પૅટન્ટના કાયદા ખૂબ કડક છે. અહીં દરેકને ન્યાય મળે છે. પૅટન્ટનો જંગ ઘણાંને દેવાળીયા બનાવી દે છે.
ઈન્ટરનેટ પર વૅબસાઈટો વચ્ચે પૅટન્ટનો જંગ મોટા પાયે ચાલે છે. શરૂઆતમાં હુંકાર ભરતી અમેરિકી કંપનીઓની ફરતે કાયદાનો સ્ક્રૂ ટાઇટ થઇ રહ્યો છે. તાજેતરમાં ગયા અઠવાડીયે જ આઈબીએને પૅટન્ટના ચુકાદા હેઠળ કરોડો ડૉલર ચૂકવ્યા હતા. મોટી કંપનીઓ ખાસ કરીને અમેરિકી કંપનીઓ કોઇનેય ગાંઠતી નથી. તેમાંય જ્યારે ભારત જેવા અવિકસિત દેશના (અમેરિકાની નજરે) એક નાના એવા ગુજરાત રાજ્યમાંથી કોઇ પડકાર ફેંકે ત્યારે સ્વભાવિક રીતે જ તેને હસી કઢાયો હતો.
પરંતુ આ કંપનીઓને ખબર નહોતી કે સામે ગુજરાતી બંઘુઓ છે. લગ્ગીરેય ધીરજ ગુમાવ્યા વિના રાઠોડ બંઘુઓ પૅટન્ટનો કેસ આગળ વધારતા રહ્યા અને અંતે તેમની જીત થઇ હતી.
ઈન્ટરનેટ ક્ષેત્રે પૅટન્ટની વૉર ભભુકી ઊઠી છે એમ કહેવું ખોટું નથી. દરેક મોટી આઈટી કંપનીઓ અને વૅબસાઇટોએ પૅટન્ટના કાયદાને માન આપ્યા વગર આખું સૅટઅપ ઊભું કરી દે છે, લાખ્ખો-કરોડો કમાય છે પછી એકાદ વિજય રાઠોડ જેવા ચાદર ખેંચવા લાગે છે. આઈબીએમ, સિમેન્સ અને એચપી જેવી ટૉપની કંપનીઓને પૅટન્ટ ધરાવનારાઓએ ઝુકાવ્યા છે અને લાખ્ખોની કંિમત વસુલ કરી છે.
નામાંકિત વૅબસાઇટોને હવે જ્યારે પૅટન્ટના કાયદા અનુસાર જંગી રકમ ચૂકવવામાં આવી છે એટલે ટૅકનીકલ માર્કેટીંગ કંપનીઓ તેમના બચાવમાં આવી છે. કેટલાક લખે છે કે પેટન્ટ માટેના દાવા અને પ્રતિદાવાના કારણે મારતો ઈનોવેશન ખાય છે!! જોકે બીજાના ટેકનોલોજી ઈનોવેશન વાપરીને તગડી કમાણી કરતી વખતે તેમને આવું કશું યાદ નહોતું આવ્યું. બીજી તરફ અમેરિકાના પૅટન્ટના કાયદા કડક છે તેમાંથી આ લોકો છટકી શકે તેમ નથી.
ઈન્ટરનેટ પર પૅટન્ટવૉર વિશે ઢગલો મટીરીયલ છે. તેમાં યાહુ વિરૂઘ્ધ ફેસબુક કે ગુગલ વિરૂઘ્ધ માઇક્રોસોફટ જેવા ટાઇટલ મારવામાં આવ્યા હોય છે પરંતુ ફેસબુક વિરૂઘ્ધ ગુજરાતી બ્રધર્સ અર્થાત્‌ રાઠોડ બંઘુઓ વિશે કોઇ લખતું નહોતું કેમકે ભારતના એક નાના રાજ્યના ટચુકડા ગામના લોકોની જાયન્ટ કંપનીઓને કોઇ કંિમત નહોતી. જોકે લાંબી ફાઇટ પછી અમેરિકાના પૅટન્ટ કાયદાઓએ તેમને ઝુકાવ્યા છે. હવે આ કંપનીઓ ગુજરાતનું નામ સાંભળીને સૌમ્ય રીતે વર્તે છે.
જે ટેલિફોનનું નામ બહુ ગાજ્યું છે તે બ્લેકબેરી એક તબક્કે એનટીપી કંપની સામે પૅટન્ટ વૉર હારી ગઇ હતી. કંપની વેચીને પણ નાના ચૂકવવાનો કોર્ટે આદેશ કર્યોહતો પરંતુ રાતોરાત તેને કોણ મોટો રોકાણ કરનાર મળી ગયો હતો એટલે બ્લેકબેરીએ પૈસા ચૂકવીને કંપની બચાવી લીધી.
આપણે હવે દરેક ચીજો પર બારકૉડ જોઇએ છીએ, આ બારકૉડની પણ પૅટન્ટ હતી. જેમણે બારકૉડની આ સિસ્ટમ ડિસ્ટ્રીબ્યુટ કરી તેણે મૂળ પૅટન્ટ ધરાવનારને પૈસા ચૂકવ્યા હતા. પૅટન્ટ માટે અરજી કરવી અને તેને માન્ય કરવી તેમાં ફર્ક છે. યોગેશ રાઠોડે અરજી કરી ત્યારે તેને થોડી હાઈલાઈટ્‌સ મળી હતી પરંતુ હવે તો તેમની પૅટન્ટ પર મંજૂરીની મહોર વાગી છે. તેમના જણાવ્યા પ્રમાણે તેમની ૬૦ પૅટન્ટ હજુ પેન્ડીંગ છે.
એક કોમન ફેમીલી ધારે તો શું કરી શકે તે દર્શાવતી આ વાત છે. ગુજરાતના સૌરારાષ્ટ્રના અમરેલી તાલુકાના લાઠીમાં રહેતા એક કુટુંબનો દિકરો ઈન્ટરનેટ પર રીસર્ચ અને ડેવલોપમેન્ટમાં આખો દિવસ વ્યસ્ત રહેતો હતો. પોતાની પૅટન્ટથી અમેરિકી કંપનીઓ ખળભળી ઊઠશે એવું જ્યારે યોગેશભાઇએ કુટુંબમાં કહ્યું ત્યારે તેમને ઉતારી પાડવાના બદલે કુટુંબે તેમને ફુલ સપોર્ટ આપ્યો હતો. કુટુંબને પણ ખબર નહોતી કે પેટન્ટ માટેની આ વૉર તેમને કોમન ફેમીલીમાંથી સુપરરીચ ફેમીલી બનાવી દેશે.
૧૧ જણા સંયુક્ત કુટુંબમાં એક સાથે રહેતા હોય ત્યાં અન્ય ભાઇઓએ પણ પૅટન્ટની સિસ્ટમને સમજવી શરૂ કરી હતી અને રાજકોટમાં કુટોલ નામની કંપની ઊભી કરી હતી. જેમાં ડાયરેકટરો બધા ઘરના જ હતા. યોગેશ રાઠોડ અને વિજય રાઠોડ પ્રમોટર તેમજ ઈન્વેન્ટરના હોદ્દા સંભાળે છે. જેમ કે કુટોલની પૅટન્ટ મંજૂર થતી ગઇ એમ એમ ઈન્ટરનેટ ક્ષેત્રે તેમનો ડંકો વાગવો શરૂ થયો હતો.
આ ગુજરાતી બંઘુઓએ ફેસબુક, ટ્‌વીટર, એપલ, એમેઝોન, ગુગલ નોકીયા, આઈબીએમ, માઇક્રોસોફટ, લીકન્ડ ઈન, સિમેન્સ સહિતની ૫૫ કંપનીઓને પૅટન્ટની નોટીસ ફટકારી છે. આ કોઇ કંપનીએ નોટીસનો જવાબ નથી આપ્યો પરંતુ એક લો-ફર્મે ઊભા કરેલા પ્રશ્નોના જવાબ આપીને ગુજરાતી બંઘુઓએ લગભગ બધાની બોબડી બંધ કરી દીધી છે.
અહીં એક રસપ્રદ વાત.
અમેરિકાના નામાંકિત અખબાર ન્યુયોર્ક ટાઈમ્સે જ્યારે ફેસબુક વિરૂઘ્ધ ગુજરાતના રાઠોડ બંઘુઓની સ્ટોરી બનાવી ત્યારે અખબારના ઈન્ટરનેટ વૅબસાઇટ ડીપાર્ટમેન્ટે કહ્યું હતું કે ગુજરાતના આ રાઠોડ બંઘુઓએ તો આપણી ન્યુયોર્ક ટાઈમ્સની વૅબસાઇટના માળખા સામે પણ પૅટન્ટની ફરિયાદ કરી છે. તરત જ આ સ્ટોરી પર છેકો મુકી દેવામાં આવ્યો હતો. ઈન્ટરનેટ સાથે સંકળાયેલી અનેક નામી કંપનીઓએ પ્રોટેકશન માટે સાયબર-લોના જાણકારોને કામે લગાડી દીધા છે. પરંતુ અમેરિકા અને યુરોપમાં પૅટન્ટના કાયદાના ભંગ ચલાવી લેવાતો નથી જેનો સીધો લાભ પૅટન્ટ અંગે દાવો કરનારને મળે છે.
પૅટન્ટ વિશે આપણે ત્યાં કોઇ બહુ ગંભીર નથી, આપણા વિદ્યાર્થીઓ જે કંઇ સંશોધન કરે છે તેની પૅટન્ટ કરાવાય તો ઉપયોગ કરનારે રૉયલ્ટી ચૂકવવી પડે છે. સૌરાષ્ટ્ર યુનિવર્સિટીના પ્રોફેસરે પૅટન્ટ અંગે જાગૃતિ અભિયાન શરૂ કર્યું છે એમ ગુજરાત ટેકનીકલ યુનિવર્સિટીએ પણ વિદ્યાર્થીઓને પૅટન્ટ અંગે સમજ આપવાનું શરૂ કર્યું છે. ભારતની અમેરિકામાં થયેલી કુલ પૅટન્ટ માત્ર ૭૦૦૦ છે જ્યારે જાપાનની ૭,૬૦,૦૦૦ છે. આ આંકડા પરથી ખ્યાલ આવશે કે આપણે પૅટન્ટ બાબતે ઘણાં પાછળ છીએ. આપણે કોપીરાઇટ અંગે થોડા જાગૃત છીએ પણ પૅટન્ટ અંગે પછાતની યાદીમાં આવીએ છીએ.
ફેસબુકઅને ટ્‌વીટરમાં વપરાતા ફંકશન પરની પૅટન્ટ જ્યારે ગુજરાતના લોકોને હસ્તગત છે એવો અમેરિકી કોર્ટે ચુકાદો આપ્યા પછી હવે શું થશે?? શું ટ્‌વીટર પર કાબુ લાઠીના રાઠોડ બંઘુની કંપની કુટોલનો આવી જશે??
આ બધા પ્રશ્નોનો જવાબ ‘ના’માં છે કેમ કે પૅટન્ટ એ ટેકનોલોજી સાથે સંકળાયેલો મુદ્દો છે. આ ટેકનોલોજીના હકો રાજકોટ સ્થિત કુટોલ કંપની પાસે છે. હવે આ કંપની રૉયલ્ટી માટે ફેસબુક, ટ્‌વીટર સહિતની કંપનીઓનો કૉલર પકડીને કહેશે કે અમારી ટેકનોલોજી વાપરો છો તો રૉયલ્ટી ચૂકવો. કાયદો કહે છે કે આ રૉયલ્ટીપણ ૨૦૦૮ના વર્ષથી ચૂકવવી પડશે!!
મોળી ચા પીતા અને ક્લબ કલ્ચરથી તેમજ પશ્ચિમી છાંટથી દૂર રહેતા આ રાઠોડ બંઘુઓ આખો દિવસ ઈન્ટરનેટ ટેકનોલોજીમાં રચ્યા-પચ્યા રહે છે. આ બંઘુઓ માને છે કે યુવાનોએ સોશ્યલ નેટવર્કીંગ પર બેસી રહેવાના બદલે આ ટેકનોલોજીમાં ઊંડા ઉતરવાની જરૂર છે.
રાજકોટની ઓફીસમાં બેઠાબેઠા અમેરિકાની કોર્ટમાં કેસો કરવા, દિલ્હી- અમેરિકાના ધક્કા ખાવા વગેરે કોમનમેનની કેટેગરીમાં આવતા લોકો કરે ત્યારે સંઘર્ષ કરતા અન્ય લોકો માટે તે આદર્શ બની જાય છે. રાઠોડ બંઘુઓનો સંઘર્ષ જોઇને જ આ આર્ટીકલ લખવાનું મન થયું છે. ગુજરાતમાં માત્ર નહીં પણ વિશ્વભરમાં તે ટૉકંિગ પૉઇન્ટ બની જશે.
ઈન્ફોર્મેશન ટેકનોલોજી ક્ષેત્રે ગુજરાત પાછળ છે તે હકીકત સ્વીકારીને રાજ્ય સત્તાવાળાઓએ લાઠીના ગુજરાતી બંઘુઓ જેવાઓની સલાહ લેવાની જરૂર છે. ગુજરાતની આઈટી ટેલેન્ટ બેંગલોર, યુએસ અને યુકેમાં પ્રસરેલી છે. માઈક્રોસોફટમાં પટેલ કર્મચારીઓની સંખ્યા મોટા પ્રમાણમાં છે. ગુજરાતના નાના સેન્ટરો પરથી આવેલા યુવાનો આઈટી ક્ષેત્રે છવાયેલા છે પરંતુ આ યુવાનોના મતે આઈટી ટેલન્ટ માટે જગ્યા નથી. જેને ઈન્ટરનેટની કૉર ટેકનોલોજી કહી શકાય એવી ટેકનોલોજી ગુજરાતના લોકો પાસે છે તે વાતનું મહત્વ સમજવા જેવું છે.
ખરેખર તો, આપણે ત્યાં ફેસબુકના માર્ક ઝુબેરની જેટલી પ્રશંસા થાય છે તેનાથી પાંચગણી પ્રશંસા આ અમરેલીના લાઠીના ગુજરાતી બંઘુઓની થવી જોઇએ. આ ગુજરાતી બંઘુઓ જે કંઇ કમાશે તેનો સીધો લાભ તો ગુજરાતને જ થવાનો છે. જોકે ગુજરાતના સત્તાધીશોને આવા રતનોની બહુ પડી હોય એમ લાગતું નથી.
વિશ્વની ટોચની કંપનીના સંચાલકોને કૉલરથી પકડનાર ગુજરાતી બંઘુઓએ દરેક ગુજરાતીનું ગૌરવ વધાર્યું છે. હવે જ્યારે પણ ફેસબુક કે ટ્‌વીટરનો ઉપયોગ કરો ત્યારે યાદ રાખજો કે તેની ટેકનોલોજી ગુજરાતના લોકોએ બનાવેલી છે.
આટલું વાંચીને ગુજરાતીઓ એમ કહી શકે કે બૉસ; ટ્‌વીટર ગુજરાતનો આઇડિયા છે. અહીં વૅબસાઇટ બીજાના નામની હોઇ શકે છે પણ તેની ટેકનોલોજીના માલિકો ગુજરાતના લોકો છે.

Share |
 

Gujarat Samachar Plus

કઠપૂતળીના માઘ્યમથી વૈજ્ઞાનિક સિદ્ધાંતોની કાર્યશાળા
પીત્ઝા બાદ હવે બુકની પણ હોમ ડિલિવરી
વેકેશનમાં સમગ્ર ગુજરાતમાંથી અમદાવાદ આવીને સ્ટુડન્ટ્‌સનું કરિયર માટે પ્રિ-પ્લાનંિગ
ગર્લ્સ પ્રોસ્ટીટ્યૂટ બાદ હવે બોય્‌ઝ....
અમદાવાદના આંગણે હાર્ટ કોન્ફરન્સનો પ્રારંભ
 

Gujarat Samachar glamour

અનુષ્કા સાથે સુરેશ રૈના લગ્ન નહીં કરે
સન્ની લિયોન બુરખો પહેરીને મળવા જાય છે
માઘુરી ‘સ્પેશ્યલ મજુરો’ કરી મીના કુમારીને શ્રદ્ધાંજલિ આપશે
ૠત્વિક ‘સર્વશ્રેષ્ઠ સ્ટાઈલ આઈકોન’ બન્યો
કેટરીના આમિરખાનને ‘કીક’ મારશે
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved