Last Update : 06-May-2012, Sunday

 
વૈભવી નૌકા વસાવો અને નિરાંતે સમુદ્ર સહેલ કરતાં રહો

વિહાર - સ્વાતિ જાની

ઉદ્યોગપતિઓ માલેતુજાર વેપારીઓ અને ગર્ભશ્રીમંતોનો અવનવી આલીશાન મોટરકાર વસાવવાનોે શોખ તો બહુ જાણીતો છે. કેટલાક ઉદ્યોગપતિઓ પોતાનું એરોપ્લેન ધરાવતા હોવાની વાતો પણ જગજાહેર છે. પરંતુ મુંબઈ અને ભારતના પશ્ચિમ કિનારે ઔદ્યોગિક એકમો ધરાવતા કેટલાક ધનવાનો ખાનગી બોટ ધરાવતા હોવાની વાત હવે અવારનવાર ચર્ચાનો વિષય બને છે. બે-પાંચ કરોડ રૂપિયાની બોટ ધરાવવી એ તેના માલિક માટે સ્ટેટ્‌સ સિમ્બોલ ગણાય એ વાતની ના નહીં.
મુંબઈના બારામાં ખાસ કરીને ગેટવે ઓફ ઈન્ડિયા પાસે ઊભા રહી એક નજર કરશો તો કિનારે લાંગરેલી અનેક પેસેન્જર સ્ટીમ લોન્ચોની સાથે ખાનગી યૉટ પણ દેખાશે. અજાણ્યા હોય એટલે સામાન્ય પ્રજાને ભાડૂતી મોટરબોટ અને ખાનગી માલિકીની વૈભવી નૌકા વચ્ચેનો તફાવત સમજાય નહીં પરંતુ ગેટવે ઓફ ઈન્ડિયાના બારામાં લાંગરેલી નૌકાઓ મુંબઈ, મેંગ્લોર અને ગોવામાં વસતા કેટલાક ધનવાનોની માલિકીની છે. હવે કિનારા પર બીજી સ્ટીમ લોંચોની આવજા વધી એટલે ખાનગી નૌકાઓ દરિયામાં થોડે દૂર પાર્ક (લાંગરવામાં આવે) કરાય છે.
બે દાયકા પહેલાં પ્રાઈવેટ બોટ વસાવવાનો કોઈએ વિચાર પણ કર્યો નહોતો. મુંબઈ ફરવા આવેલા સહેલાણીઓને એલિફન્ટા લઈ જતી કે દરિયામાં જ એક ચકરાવો મારીને સહેલ કરાવતી ભાડુતી સ્ટીમ લોન્ચ સિવાય ભાગ્યે જ કોઈ બીજી બોટ જોવા મળતી. તેમાં સેઈલીંગની દરિયાઈ રમતનો શોખ પૂરો પાડતી ખાનગી ક્લબોની માલિકીની બોટ અપવાદરૂપ હતી. પરંતુ દસેક વર્ષ પહેલાં મુંબઈને સામે પાર ઉરણ, અલીબાગ, માંડવા જેવા સ્થળોએ હોલેડી રિસોર્ટ અને બંગલા બાંધવાનું શરૂ થયું ત્યારથી ધનવાનોને દરિયાઈ સફરનો નાદ લાગ્યો છે. મુંબઈના બારામાં નાની અને મઘ્યમ કક્ષાની સુંદર, અદ્યતન યોટ અવારનવાર જોવા મળે છે. કેટલાકે પોતાની માલિકીની અત્યાઘુનિક નૌકા વસાવી લીધી છે. તો અમુક ઉદ્યોગપતિઓ હોવરક્રાફ્‌ટ કે હાઈડ્રો ફોઈલ વસાવવાનું વિચારી રહ્યા છે.
મુંબઈ શહેરને સામે પાર બીચ હાઉસ અને ફાર્મ હાઉસ બાંધવાના શરૂ થયા, પરંતુ ક્યાંય સુધી બંગલા અને એપાર્ટમેન્ટ બ્લોક ખરીદનારા આગળ નહોતા આવતા. ત્યાં રહેવા જવાનું પસંદ કરનારાઓની સૌથી મોટી મુંઝવણ એ હતી કે મુંબઈ શહેર વટાવી નવા મુંબઈમાંથી પસાર થઈ પનવેલ કે ન્હાવા-શેવા તરફ જવાનું કે છેક ઊરણ પહોેંચવાનું અત્યંત કઠીન હતું. મોટર રસ્તે પણ આટલી લાંબી મુસાફરી કંટાળાજનક લાગે છતાં મુંબઈના અમુક માલેતુજારોએ સસ્તાભાવે મળતી મબલક જગ્યા અને ભવ્ય બંગલા જેવા ફાર્મહાઉસ ખરીદી લીધાં. તેમને માટે તો આ ઘરથી દૂર બીજું ઘર હતું. શનિ-રવિની રજામાં મુંબઈમાં ધમાલિયા-ઘોેંઘાટિયા જીવનથી કંટાળીને કુદરતનું સાન્નિઘ્ય માણવું હોય તો ઉરણ, અલીબાગ કે પનવેલ પાસેના ફાર્મહાઉસ આદર્શ સ્થળ ગણાય.
બંગલા કે ફાર્મહાઉસ વસાવ્યા પછી જો કે આ ધનવાનોને પણ એક વાત સમજાઈ ગઈ છે કે અહીં વારંવાર આવવું હોય તો એકાદ મોટરબોટ વસાવી લેવી જોેઈએ, કારણ કે મોટરરસ્તે દક્ષિણ મુંબઈથી છેક માંડવા, ઉરણ કે અલીબાગ જતાં અઢી કલાક લાગે. તેની સામે દરિયાઈ માર્ગે મોટરબોટ કે સ્ટીમ લોન્ચ દ્વારા ત્યાં પહોંચતા ફક્ત પંદરથી વીસ મિનિટ થાય. શ્રીમંત વેપારીઓ માટે તો બીજી કોઈ મૂંઝવણ પણ નહોતી. જેઓ બે-પાંચ કરોડ રૂપિયા ફાર્માઉસ પાછળ ખર્ચી નાખતા હોય તેમને માટે બોટ વસાવવા પાછળનો ૫૦ લાખથી પાંચ કરોડનો ખર્ચ બહુ અસહ્ય નથી હોતો. બહુ ખર્ચાળ ન હોય એવી સાદી યૉટ લેવાજાવ તો એ ચારેક લાખ રૂપિયામાં આસાનીથી મળી રહે. આટલી રકમ તો કોઈ કાર વસાવવા માટે પણ માલેતુજારો ક્યાં ખર્ચી નથી કાઢતા. મહત્ત્વની વાત તો એ છે કે મુંબઈના ટોચના શ્રીમંતો માટે હવે જ્યારે એકાદ મોટરબોટ કે આઘુનિક યોટ મોભાનું પ્રતિક ગણાતી હોય ત્યારે ખમતીધર લોકો પૈસા પાછળ નથી જોતા.
વાસ્તવમાં આંગળીના વેઢે ગણી શકાય એટલા ઉદ્યોગપતિઓ, પૈસાપાત્ર લોકો એ સેલિબ્રિટીઓ મુંબઈથી ગોવા સુધીના દરિયાકિનારાને ભારતના માલીબુકે પામ સ્પ્રંિગમં ફેરવી નાખવાની હઠ લીધી છે. મુંબઈ નજીકના દરિયામાં તરતી હોટેલ, શિવાજીના પૂતળા સાથેના ટાપુ કે તરતા કેસિનોની યોજના પણ હજુ સુધી ભુલાઈ નથી. તેમાં ખાનગી બોટ વસાવવાનો મેનિયા તો ઝડપથી વકરતો જાય છે. મુબઈના બારામાં જેમની યોટ અવારનવાર આવજા કરે છે. એ મોટી હસ્તીઓની યાદીમાં વિજય માલ્યા, ગૌતમ સંિઘાનિયા, કપલ મહેરા, ગોવાના ચૌગુલે, રત્નાકર પરિવાર, શોભા-દિલીપ ડે, હુસન અલી અદી દુભાષ તથા અંબાલાલ પટેલનો સમાવેશ થાય છે.
જો કે જોડિયા મુંબઈમાં કે અલીબાગ જેવા દૂરના સ્થળે વૈભવી આવાસ ધરાવનારા આવી સહકારી સેવા પસંદ કરે ખરા? તેમને તો પોતાની કહી શકાય તેવી બોટ વસાવવાનો અભરખો હોય. તેમના મોભાના પ્રતિકમાં ફાર્મહાઉસનો ઉમેરો થયા પછી તેમની આવશ્યક ચીજોની યાદી પર આરામદાયક, સુશોભિત અને સુસજ્જ યૉટનું નામ લખેલું હોય છે. મુંબઈમાં એવા શોખીનો પણ વસે છે જેમને યોટ કે વૈભવી નૌકા વસાવવાની જરૂરી નથી લાગતી. છતાં પૈસાની છોળો ઉડાડવી હોય તો તેઓ મિત્રો, સંબંધીઓને તરતી સ્ટીમર પર પાર્ટી આપે છે. શહેરમાં ‘જસ્ટ ડેઝર્ટ’ ના નામે આઈસ્ક્રિમ ડેઝર્ટ પીરસતી અનોખી રેસ્ટોરાં ખોલીને નવી ભાત પાડનારા આદિત્ય સંિહ વારતહેવારે મિત્રોને પાર્ટી માટે તેમની બોટ પર આમંત્રે છે.
મુંબઈ શહેરને સામે કિનારે બંગલો વસાવનારી દરેક ધનિક વ્યક્તિએ મોટરબોટ વસાવી નથી. પરંતુ દરિયાની ખૂબ સમીપ રહીને તેના પાણી સાથે આત્મીયતા વધી ગઈ છે. શાહ સોદાગર હુસેન અલી દરેક વીક એન્ડમાં (શનિ-રવિ) મુંબઈની ગીચતા છોડીને અલીબાગના શાંત નિર્જન, રમણીય વાતાવરણમાં ખરીદેલા તેમના બંગલે પહોંચી જાય છે. શિલ્પ અને સ્થાપત્યની દ્રષ્ટિએ નમૂનારૂપે બંગલો બંધાવ્યા પછી હુસેન અલી હવે સેઈલીંગનો શોેખ પૂરો કરી રહ્યા છે. લિકર બેરન વિજય માલ્યાની વાત જ સાવ જુદી છે. તેમણે અહીં દરિયાપાર જમીન પર ટેકરીઓની હારમાળા તથા લીલીછમ વનરાજીની વચ્ચે ભવ્ય આવાસ બનાવ્યો છે, જેમાં સ્વિમીંગ પૂલ, સોના અને સ્ટીમબાથ ઉપરાંત રમતગમતની બીજી અનેક સુવિધા છે. તેમની ઘણી વિન્ટેજ કાર પણ આ બંગલાના ગેરેજમાં પાર્ક કરેલી હોય છે. માલ્યાના બંગલા પાસે લીલીછમ લોન પર હેલિપેડ પણ છે. પોર્ટટ્રસ્ટ ઓથોરિટીના એક અધિકારીએ અમને કહ્યું કે યુનાઈટેડ બુ્રઅરી ગ્રુપના નામે રજિસ્ટર થયેલી યોટ એમ.વી. બેગપાઈપર વિજય માલ્યા વાપરે છે. આ યૉટમાં ટીવી, વિડિયો, સ્ટિરિયો સાઉન્ડ સીસ્ટમ, બારરૂમ વગેરે સુવિધા તો છે જ, ઉપરાંત આરામ કરવા માટે એક નાના બેડરૂમ અને ડાઈનંિગ રૂમની સુવિધા પણ છે. શોભા ડેના મિત્ર બિન્ની મલ્હોત્રા પણ ટેનિસ કોર્ટ અને સ્વિમીંગ પુલ સાથેનો બંગલો ધરાવે છે. તેમની પાસે પોતાની સેઈલબોટ છે.

 

વ્યવસાયે આર્કિટેક્ટ હોવાથી તેમણે અહીં બીજા કેટલાક ધનાઢય લોકોના બંગલાની ડિઝાઈન તૈયાર કરી છે.
અગાઉ માંડવાના દરિયાકિનારે કોઈ મકાનમાં બાંધકામ નહોતા થયાં ત્યારે સેઈલીંગ અને સર્ફંિગ જેવી રમતોના શોેખીન અહીંની ક્લબોમાં ઉતરતા. શનિ-રવિમાં અહીં અનેક લોકો પિકનિક માણવા આવતા. હવે મોટરબોટવાળા ઉદ્યોગપતિઓનું આક્રમણ થતાં સિનારિયો બદલાઈ રહ્યોે છે.
જેઓ પોતે યૉટ વસાવી શકતા નથી તેઓ મુંબઈની ત્રણ સેઈલીંગ ક્લબ રોયલ બોમ્બે યૉટ ક્લબ, બોમ્બે સેઈલીંગ એસોસીએશન અને કોેલાબા સેઈલીંગ ક્લબની પાસેથી યૉટ ભાડે લઈ લે છે. બોટ પર પિકનિક કે પાર્ટી ઊજવવી હોય તો આ ક્લબો પાસેથી નૌકા ભાડે મેળવી શકાય છે. જો કે ખાનગી માલિકીની બોટમાં જોવા મળે તેવું રાચરચીલું ભાડુતી નૌકામાં નથી હોતું. પોતાની મોટરબોટ વસાવનારાઓને સેઈલીંગ કે બીજી વોટર સ્પોર્ટ્‌સમાં રસ નથી હોતો. બોટ કે યૉટ વસાવવાનો તેમનો મૂળભૂત હેતુ મુંબઈ શહેર અને દરિયાની સામે પારનાં રેવા, ઉરણ, માંડવા કે અલીબાગમાં આવેલા પોેતના નિવાસસ્થાને જલ્દી જવાનો હોય છે.
પોર્ટ ટ્રસ્ટના સત્તાવાળાઓ પાસેથી મળેલી વિગતો પ્રમાણે મુંબઈમાં ખાનગી માલિકીની બોટ ધરાવનારાઓની સંખ્યા પચીસેકની હશે. પરંતુ આમાંનું કોઈ જાહેરમાં આવવા માગતું નથી. રત્નાગીરી, મેંગ્લોર અને કોંકણમાં પણ અનેક વાડીવજીફા ધરાવનારા, કાજુફેણીનાં કારખાનાં ધરાવનારા તેમની પોતાની યૉટ ધરાવે છે. વિજય માલ્યાની એમ.વી. બેગપાઈપર લક્ઝરી યૉટ ઉપરાંત ગ્રેટ ઈસ્ટર્ન શિપંિગનો શેઠ પરિવાર પણ તેમની મોટરબોટ ધરાવે છે. કપલ મહેરા, અદી દુભાષ, યુસુફહુસેન અલી વગેરેની બોટના નામ સીએસ્ટલ વેઈ, લયાર-ડી, જગશીશુ અને ગણપતિ છે. મેટ્રો શૂઝના માલિક રસિક મલિક પાસે મુબારક નામની બોટ છે. આમાંની કેટલીક બોટ તો બહારથી સાવ સાદીસીધી દેખાતી હોવા છતાં અંદર સારી સજાવટ ધરાવે છે. ગૌતમ સંિઘાનીયા (રેમન્ડ ગુ્રપ) ની રેશમા બોટમાં પણ દરેક આઘુનિક સુવિધા છે.
બોમ્બે પોર્ટ ટ્રસ્ટના એક વરિષ્ઠ અધિકારીના જણાવ્યા મુજબ પોતાની માલિકીની બોટ ધરાવનારાની સંખ્યા હજુ કદાચ ઘણી મોટી હોત. પરંતુ બોટ વસાવવી અને મુંબઈના બારામાં હંકારવી એ બે વાતમાં અનેક સરકારી અંતરાયો નડે છે. મુંબઈનું બંદર નૌકાદળના વેસ્ટર્ન કમાન્ડનું સૌથી મોટું મથક હોવાને કારણે અહીં અનેક મોટા યુદ્ધજહાજો, સબમરીનો અને વિમાન વાહક જહાજોની હેરફેર સતત ચાલુ હોય છે. વળી ઓએનજીસીના જહાજો ટ્રાફિકમાં ઉમેરો કરે છે. વેપારી જહાજોની અવરજવર તો સૌથી વઘુ છે. તેથી મુંબઈ તટપ્રદેશના સમુદ્રી વિસ્તારમાં ટ્રાફિક વધી ન પડે માટે ગમે તે વ્યક્તિને વિદેશથી સ્પીડબોટ કે આઘુનિક યોટ આયાત કરવાની છૂટ અપાતી નથી. મુંબઈના બારામાં જે થોડી લક્ઝરી કેબીન ક્રુઝર દેખાય છે તે પણ અમુક કંપનીઓની માલિકીની છે. જો ક ેદરેક નૌકામાલિક વિદેશી બોટ જ વસાવી હશે એવું માની લેવાની જરૂર નથી.
દક્ષિણ ગુજરાતમાં વલસાડ અને બિલીમોરા બોટબિલ્ડંિગ વ્યવસાય માટે સુખ્યાત છે. લાકડાના દેશી મછવાઓ કે વહાણોથી લઈને અત્યાઘુનિક ફિશંિગ બોટ્‌સ અહીં બને છે.
વલસાડ જિલ્લાના બિલિમોરા ગામે અંબિકા નદીને કાંઠે આજથી આશરે પચાસેક વર્ષ પહેલા સ્વર્ગસ્થ નરસંિહદાસ મોરારજી વાડિયાએ લાકડાનાં નાના હોડકા બનાવવાનું શરૂ કરેલું. એમના અવસાન પછી એમના પુત્રોએ આ વ્યવસાયને આગળ ધપાવ્યો. તેઓ આખી બોટની ડિઝાઈન બનાવે છે. અને ખરીદદાર ગ્રાહકની અપેક્ષા મુજબ અંદરની સજાવટ કરે છે.
આ પરિવારે ઉદયપુર ખાતેની તાજ જૂથની પંચતારક હોટેલ ‘ઉદયપુર લેક પેલેસ’ માટે એક પ્રાઈવેટ સ્પીડ બોટ બનાવી છે. લાઈફ બોટ, કોસ્ટગાર્ડ માટે પેટ્રોલ લોંચ, માછીમારો માટે લોન્ચ, પ્રવાસી બોટ્‌સ વગેરે સરકારી ધારાધોરણો મુજબ બનાવતો આ પરિવાર માને છે કે ખાનગી મોટરબોટ્‌સ ખરીદીને વેકેશન ગાળવાનો ચાલ આપણે ત્યાં જોઈએ તેવો પ્રચલિત થયો નથી. આમ છતાં તેમણે ટાટા પરિવારના પાવરહાઉસ માટે એક વૈભવી નૌકા બનાવી છે.
ગોવા, રત્નાગિરી, માલવણ વગેરેમાં પણ મેઈડ ટુ ઓર્ડર યૉટ બનાવનારી કંપનીઓ છે, જે મુખ્યત્વે માછલી પકડવા માટે ઉપયોગમાં લેવાતા ટ્રોલર બનાવેછે. તે ઉપરાંત નાના મછવા, સેઈલંિગ બોટ વગેરેની માગ પણ વઘુ રહે છે. ખાસ સહેલગાહ માટે જ વપરાતી લક્ઝરી મોટરબોટનું ઉત્પાદન આપણે ત્યાં નહિવત્‌ છે. રત્નાગિરીમાં મિની શિપયાર્ડ જેવી સવલત ધરાવતા ઈબ્રાહીમ કુરેશી દેશી-વિદેશી કોઈપણ બોટમાં સજાવટ કરી આપવાનો કોન્ટ્રેક્ટ લે છે. મુંબઈના ધનિકોની ઘણી ખરી યૉટો, ક્રુઝર સજાવી હોવાનો દાવો તેઓ સગર્વ કરે છે. કુરેશી કહે છે કે લોકો ધારે છે એટલી બોટ મોેંઘી હોતી નથી. સામાન્ય વપરાશ માટેની આઠ હોર્સ પાવરવાળી બોટ માત્ર બે લાખ રૂપિયામાં ખરીદી શકાય. જો કે એક કુટુંબના વપરાશ માટે કામ આવે તેવી ૨૫૦ હોર્સપાવરની સ્પીડબોટના સહેજે પાંચથી સાત લાખ રૂપિયા થાય. તેમાં સજાવટનો ખર્ચ અલગ આવે. કેબિન સાથેની મોટી સ્ટીમ લોન્ચનું મૂલ્ય સહેજે પચીસ લાખ રૂપિયાથી વઘુ હોય છે. જ્યારે શ્રીમંતો વસાવે છે તેવી નૌકા ૬૦ લાખથી દોઢ કરોડ રૂપિયાની પડે.
વિદેશોમાં રાણી એલિઝાબેથથી લઈને પ્રિન્સેસ કેરોલીના કે અદનાન ખાગોશી જેવા સુપર સેલ્સમેન સુધીના અનેક તવંગરો પાસે વૈભવી નૌકા છે. આ લક્ઝરી લાઈનરોના અવનવા આકર્ષણો અને ખૂબીઓ વિશે પુષ્કળ લખાઈ ચૂક્યું છે. પાકિસ્તાનમાં બેઠેલો ભારતનો ડોન (ભાઈ) દાઉદ ઈબ્રાહીમ પાસે પણ પોતાની વૈભવી સ્પીડબોટ છે જેમાં સેટેલાઈટ ફોનની પણ સુવિધા છે.
ભારતમાં હજુ સુધી કોઈએ ખાનગી વપરાશ માટે ખર્ચાળ વૈભવી જહાજ વસાવ્યું નથી. કરોડોની કંિમત ધરાવતું આ જહાજ ભારતમાં બહુ ઓછાને પોસાય. વિશેષ તો આવી વૈભવી બોટની આયાત માટે સરકાર પરવાનગી આપતી નથી. કદાચ વિદેશી બોટ વસાવો તો પણ તેની જાળવણી બહુ જ મોેંઘી પડે.
એવું જણાય છે કે દેશમાં પેસેન્જર બોટ અને પ્રાઈવેટ યોટનું કલ્ચર ધીરે ધીરે વિકસી રહ્યું છે. નબીલા કે સી પ્રિન્સેસ અથવા બ્રિટાનીકા જેવી અતિખર્ચાળ, ભપકાદાર ભવ્ય લક્ઝરી નૌકાઓનું આગમન, હજુ દૂરની વાત છે, પણ ચાર-પાંચ વર્ષોમાં ભારતના પશ્ચિમ સાગરતટે મઘ્યમકદની ખાનગી યૉટની સંખ્યા જરૂરી વધી જશે. ખાસ કરીને મુંબઈ-રત્નાગિરી, મુંબઈ-મેંગ્લોર તથા મુંબઈ-ગોવા વચ્ચેની દરિયાઈ મુસાફરીની મજા માણવા માટે પણ શ્રીમંતો પોતાની માલિકીની બોટ વસાવવાનું જરૂર પસંદ કરશે. એક આગેવાન ઉદ્યોગપતિના દીકરાને તો મધદરિયે, ચંદ્રના પ્રકાશમાં બોટ પર કોકટેલ-ડિનર પાર્ટી રાખવાનો એટલો અભરખો છે કે તે મિત્રોને અને ગર્લફ્રેન્ડોને આમંત્રવાનું બહાનું જ શોધતો ફરે છે. મિત્રોને એ હોંશે હોેંશે બોટનું રાચરચીલું રેડિયો ટ્રાન્સમીટર, નેવિગેશનલ ઈક્વિપમેન્ટ રડાર સીસ્ટમ વગેરે બતાવે છે.
મહારાષ્ટ્રના પર્યટન વિકાસ બોર્ડે તેના કાર્લા હોલિડે રિસોર્ટ માટે બે વર્ષ પહેલાં હોવર ક્રાફ્‌ટ વસાવ્યું. આ હોવરક્રાફ્‌ટમાં સફર કરી ચૂકેલા કેટલાક ખમતીધર લોકોને હવે એકાદ નાનું હોવરક્રાફ્‌ટ વસાવવાનો ચસકો લાગ્યો છે. રૂપિયા દસ લાખનું હોવરક્રાફ્‌ટ સુસજ્જ બોટ જેટલું સગવડદાયક તો નથી હોતું. તે ઘોેંઘાટ પણ ઘણો કરે છે પરંતુ જેને સાહસ અને નવીનતાનોે જ ચસકો લાગ્યો હોય તેઓ આ વાતની બહુ પરવા પણ કરતા નથી. એવું લાગે છે કે મુંબઈ ઉપરાંત ન્હાવા-શેવા, ઉરણ, રેવા, માંડવા, કિહીમ અને અલીબાગમાં બીજો બંગલો વસાવવાની તવંગરોની ઘેલછા વધતી જશે તેમ મુંબઈના બારામાં ખાનગી બોટોની અવરજવર પણ વધતી જ જવાની.

Share |
 

Gujarat Samachar Plus

કઠપૂતળીના માઘ્યમથી વૈજ્ઞાનિક સિદ્ધાંતોની કાર્યશાળા
પીત્ઝા બાદ હવે બુકની પણ હોમ ડિલિવરી
વેકેશનમાં સમગ્ર ગુજરાતમાંથી અમદાવાદ આવીને સ્ટુડન્ટ્‌સનું કરિયર માટે પ્રિ-પ્લાનંિગ
ગર્લ્સ પ્રોસ્ટીટ્યૂટ બાદ હવે બોય્‌ઝ....
અમદાવાદના આંગણે હાર્ટ કોન્ફરન્સનો પ્રારંભ
 

Gujarat Samachar glamour

અનુષ્કા સાથે સુરેશ રૈના લગ્ન નહીં કરે
સન્ની લિયોન બુરખો પહેરીને મળવા જાય છે
માઘુરી ‘સ્પેશ્યલ મજુરો’ કરી મીના કુમારીને શ્રદ્ધાંજલિ આપશે
ૠત્વિક ‘સર્વશ્રેષ્ઠ સ્ટાઈલ આઈકોન’ બન્યો
કેટરીના આમિરખાનને ‘કીક’ મારશે
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved