Last Update : 06-May-2012, Sunday

 

લાઈટહાઉસ પ્રકરણ

- ધૈવત ત્રિવેદી

- વર્ષોથી બંધ પડેલાં એ ઓરડાની ઘૂળથી છવાયેલી ભોંય પર પટકાઈને રાવીએ કિટમાંથી નાનકડી બેટન ટોર્ચ કાઢી. બંધિયારપણાથી ગંધાતી હવા, દિવાલો પર બાઝેલા કરોળિયાના જાળા, ભીંત પર ધૂમતી ગરોળીઓની છટપટાહટ અને ફર્શ પર ખૂણેખાંચરે દોડાદોડી કરતાં ઉંદરની કાયમ બેહિચક રહેતી સૃષ્ટિ રાવીના દબાયેલા ઘૂબાકાથી ઘડીક વિક્ષુબ્ધ બની ગઈ.

ગત રવિવારે આપણે જોયું...
મટિયાવાડનું આશ્રયસ્થાન ગમે ત્યારે જાહેર થઈ જશે એવા અંદેશા હેઠળ સુમરાએ અહીંથી પલાયન થઈ જવાની તૈયારી આદરી. એ જ વખતે રાજાવતે મટિયાવાડ પર કોમ્બંિગ ઓપરેશન હાથ ધરી દીઘું હતું. મકાનની ડાબી તરફ ઈન્સ્પેક્ટર શંિદેની છાપામાર ટૂકડી, બરાબર સામે પોતે અને જમણી તેમજ પાછળની તરફ ઈન્સ્પેક્ટર દેવગઢિયાની ટીમ ઘેરો ઘાલે એવો તેનો વ્યૂહ હતો. બપોરે મટિયાવાડ રોજંિદા ક્રમમાં સુસ્તાઈ રહ્યું હતું ત્યારે અચાનક ગાયો ભડકીને ભાગી, બજર ઘસતી બુઢ્ઢી ઔરતો ઊભી થઈ ગઈ એ જોઈને સુમરા ચેતી ગયો. તેણે એક આદમીને ઉપર મોકલી રાવી-અભિને સચેત કરી દીધા અને પોતે નાકાબંધી થાય એ પહેલાં જ પોબારા ગણી ગયો. અભિએ ત્રીજા માળના રવેશમાંથી જોયું તો પોલીસે મકાનને ઘેરી લીઘું હતું અને બે આદમી મકાનના પ્રવેશ ભણી આગળ વધી રહ્યા હતા. અભિએ બંનેની તરફ નિશાન તાકીને ગોળી છોડી દીધી. હવે વાંચો આગળ...

અભિમન્યુની કફોડી હાલતઃ
‘ફાયર...’
રાજાવત ચિલ્લાયો એ સાથે જ મકાનની સામેના ચોગાનમાંથી એકસામટી બંદૂકો ગર્જી હતી. પોલીસ ઓપરેશનનો પહેલો નિયમ હતો, ટાર્ગેટ ક્લિયર ન થાય ત્યાં સુધી એકસામટું ફાયરંિગ કરીને સામેની વ્યક્તિને ગૂંચવી દો. ડઘાયેલી હાલતમાં તે કશીક મૂવમેન્ટ કરશે. તેનું સ્થાન લોકેટ થાય એટલે એક પછી એક નિશાનબાજ તેના પર ફાયર કરતો રહે અને તેને ચસકવાની કે વળતું ફાયર કરવાની તક જ ન મળે. એ સંજોગોમાં એ ભાગવાનો પ્રયત્ન કરે એટલે વંિધાઈ જાય.
અભિએ ત્રીજા માળના રવેશમાંથી બે ફાયર કરીને દાદર ભણી લપકી રહેલાં બંને સબ ઈન્સ્પેક્ટર્સને ઢાળી દીધા એ સાથે રાજાવતની ટીમના કેળવાયેલા ચાર નિશાનબાજોએ તરત નંિભાડાની આડશ શોધીને પેંતરો લઈ લીધો હતો અને ખુદ રાજાવત બબ્બે પિસ્તોલ વડે આડશની પરવા કર્યા વગર ફાયર કરતો આગળ ધસી ગયો હતો. રવેશની દિશામાં અને વચ્ચેના માળ તરફ અંધાઘૂંધ ગોળીઓ છૂટી હતી. ડઘાયેલો અભિ જમીનસરસો ચંપાઈ ગયો હતો. માથા પરથી પસાર થઈને સનસનાટી કરતી ગોળીઓ પાછળ દિવાલમાં પેસીને ઈંટ-ચૂનાના છોતરાં વેરતી હતી. સિમેન્ટના પીઢીયામાં ભોંકાતી ગોળીથી ચાર-ચાર આંગળ જાડા ભોડાં ઉખડીને હવામાં ઊડતા હતા. સામે નિશાન તાકીને વળતું ફાયર કરવાનું દૂર, અભિમન્યુથી તો ગરદન સુદ્ધાં ઊંચી થઈ શકતી ન હતી.
તેણે હંિમત કરીને આંખો ખોલી. હવામાં ઊડતા ચૂનાની સફેદી વચ્ચેથી ચૂંચી આંખે તેણે ક્યાસ કાઢ્‌યો. એકની ઉપર બીજી એમ ત્રણ ઈંટ ગોઠવીને બનાવેલી જાડી પાળીની આડશ એ એકમાત્ર તેનો આશરો હતો. એ પાળીથી એક તસુ પણ તે ઊંચકાયો એટલે ખલ્લાસ. તેણે ગમે તેમ કરીને રવેશમાં ખૂલતાં દાદરના કઠોડાની આડશ લેવી રહી. એકવાર એ ત્યાં સુધી પહોંચી જાય તો વળતું ફાયર થઈ શકે. તેણે મનોમન અંતરનો તાગ મેળવ્યો. ધડાધડ છૂટતી ગોળીઓ વચ્ચે આઠેક ફૂટ દૂરનો એ કઠોડો તેને આઠ જન્મ છેટો લાગતો હતો. ક્રાઉલંિગ કરવામાં જોખમ હતું. એમ કરવાથી છાતી અને ઢેકા સ્હેજ ઊંચકાય તોય એ વંિધાઈ જાય. તેણે સાષ્ટાંગ પ્રણામની મુદ્રામાં બંને હાથ જમીનસરસા લંબાવ્યા. માવજતના અભાવે ઘસાઈને ખરબચડી થઈ ગયેલી ભોંયના ઉખડેલા પોપડામાં આંગળા ભેરવ્યા અને શરીરને ભોંય પર સરકાવ્યું.
રાવીની ગૂંચવણ
‘ઓહ કમ ઓન યાર, તું ક્યાં છે?’ સુમરાનો અવાજ સાંભળીને રાવીને હાશ થઈ હતી. સુમરો જવાબ વાળે એ પહેલાં અભિએ કરેલાં ફાયરનો અવાજ સંભળાયો હતો.
‘આ ફાયર કોણે કર્યું?’ સામા છેડેથી સુમરાએ ચંિતાતુર સ્વરે પૂછ્‌યું. જવાબમાં રાવી કશુંક બોલી પણ ગોળીબારના બિહામણા અવાજોમાં તેનાં શબ્દો વહી ગયા.
‘સુમરા, બરાબર ભીંસાઈ ગયા છીએ. તું છે ક્યાં?’
‘ચંિતા ન કર, હું નાકાબંધીની બહાર છું. એ લોકો બાજુના મકાનમાં પ્રવેશે છે. ત્રણેય બાજુથી ઘેરો છે. ઓછામાં ઓછા પચ્ચીશ લોકો છે.’
‘ઓ માય ગોડ...’ પિસ્તોલના બેરલ સાથે રાવીના આંગળા જડાઈ ગયા અને તેની કથ્થાઈ આંખોમાં વિસ્ફાર તરી આવ્યો.
‘તમે ફાયર કરતાં રહો. તારી પાસે એમ્યુનિશન પૂરતું નહિ હોય...’
‘અભિની ખબર નથી. મારી પાસે ચાર-પાંચ મેગેઝિન્સ છે...’ રાવીએ પીઠ પાછળ બાંધેલી કીટ પર હાથ ફંફોસ્યો, ‘અને કેટલાંક ગ્રેનેડ્‌સ...’
‘શાબ્બાશ બેટા...’ સુમરાથી સહજ રીતે જ કહેવાઈ ગયું. બીજા કોઈ સંજોગો હોત તો ‘બેટા’ સંબોધનથી રાવી કદાચ... પણ અત્યારે એ સમો ન હતો. ‘તમે મકાનની બંને તરફ ફાયર કરતાં કરતાં ભોંયતળિયે આવી જાવ. ત્યાં ડાબા ખૂણે પતરાંનો દરવાજો ખોલશો એટલે સંડાસ આવશે. અહીં બધા જ સંડાસ છત વગરના છે એટલે સંડાસની પાળી કૂદીને બાજુના મકાનમાં જઈ શકાશે.’
‘પણ ત્યાં...’
‘હા, ત્યાં પણ નાકાબંધી છે જ પણ દરેક મકાનનું સંડાસ બાજુના મકાનના સંડાસને અડીને છે. તમે જો ત્રણેક ઘર આગળ વધી શકો તો હું કંઈક ગોઠવણ કરૂં છું.’
બહાર ગોળીબારના અવાજો વચ્ચે અભિ સલામત તો હશે ને? રાવી એક તરફ સુમરાને સાંભળી રહી હતી અને બીજી તરફ તેનો જીવ રવેશમાં વછૂટતી ગોળીઓ વચ્ચે ફંગોળાતો હતો.
‘તને આ નંબર પર હું કહેતી રહું છું. કોનો નંબર છે? સેઈફ તો છે ને?’
‘અત્યાર સુધી એ એક દુકાનદારનો નંબર હતો, હવે મારો છે. હંિમત ના હારશો. પાડી જ દો સાલાઓને. હું કંઈક કરું છું.’
સુમરાએ ફોન કાપ્યો એ સાથે રાવીએ મોબાઈલ શર્ટના બ્રેસ્ટ પોકેટમાં મૂક્યો. પિસ્તોલના કૂંદામાં મેગેઝિન ઠપકાર્યું અને એક સાથે ત્રણ-ત્રણ પગથિયા ઠેકતી રવેશની દિશામાં ભાગી.
રાજાવતનો મોરચોઃ
ત્રીજા માળના રવેશમાંથી ગોળી છૂટી કે વચ્ચેના માળના જાળિયામાંથી એ રાજાવત નક્કી ન્હોતો કરી શકતો પણ ગોળી છૂટી એટલા માત્રથી તેનો જુસ્સો ઉછળી આવ્યો હતો. તેના સાથીદારો મકાનની સામે બંને દિશાની આડશમાં વહેંચાઈને ગોળીઓ છોડી રહ્યા હતા ત્યારે રાજાવત બંને માળે ફાયરંિગ કરતો આગળ ધસ્યો હતો. તડકો બરાબર તેની આંખમાં આવતો હતો. તેણે બીજી ગન હોલ્સ્ટરમાં ખોસીને એક હાથે આંખ આડું નેજવું કર્યું. ઉપરથી ઈંટના રોડા, ચૂના-માટીના રજકણ અને સિમેન્ટના મોટા ગચ્ચા આડેધડ ફંગોળાઈ રહ્યા હતા. તે ઘડીભર નંિભાડાની ફરતા ગોઠવેલા ટીપડાંની આડશમાં ઊભો રહીને ફાયરંિગ કરતો રહ્યો. ઉપર ક્યાંય મૂવમેન્ટ કળાતી ન હતી. મતલબ કે, અંદર આદમી ઓછા હોવા જોઈએ અથવા તો તેમની પાસે એમ્યુનિશન ઓછું હોવું જોઈએ. જો બહારથી એકધારું ફાયરંિગ જારી રાખીને તેમને હતપ્રભ કરી દેવાય તો....
તેણે મકાનની જમણી બાજુ મોરચો સંભાળી રહેલા દેવગઢિયાને હાંક મારી ઈશારો કર્યો. દેવગઢિયા એ વખતે એક મકાનનો કબજો લઈને માણસોને ઉપર મોકલી રહ્યો હતો. રાજાવતના ઈશારાથી તેણે બે માણસોને તેની મદદમાં મોકલ્યા. ફાયરંિગ તેજ કરવાનો રાજાવતે ઈશારો કર્યો એ સાથે પાછળથી તેના આદમીઓએ એકસાથે ગોળીબાર કરવા માંડ્યો અને મટિયાવાડ બેટલ ઓફ નોર્મન્ડીની માફક ધણધણી ઊઠ્યું. એકધારા ફાયરંિગ વચ્ચે મકાનની અંદર રહેલા આદમીઓ સલામત આડશમાં લપાઈ જવા મજબૂર બની જાય ત્યારે મકાનમાં પ્રવેશીને તેમના પર હુમલો કરી દેવો એવો રાજાવતનો વ્યૂહ હતો. તેણે દેવગઢિયાએ મોકલેલા બે આદમીને દાદર તરફ ઈશારો કર્યો અને પોતે પણ લાંબી ડાંફ ભરતો દાદર તરફ દોડ્યો.
એ હજુ બીજી ડાંફ ભરતો હતો એ જ ઘડીએ ઉપરથી ગોળી છૂટી હતી. ટિપડાંની કિનારી પર તિરછી ઝંિકાયેલી એ ગોળીથી કેરોસિન ભરેલું ટિપડું સળગતા નંિભાડામાં ઉથલ્યું હતું અને ધીમા ઝગારે જલી રહેલો નંિભાડો ભડભડ સળગ્યો હતો.
‘રુક જાવ...’ રાજાવતના મોંમાંથી ચીસ નીકળી ગઈ. દાદર ભણી પહોંચવા આવેલા બંને આદમી અને પોતે ઉપરથી થતા ફાયરંિગના આસાનીથી નિશાન બને તેમ હતા. તેણે ભીની, ચીકણી માટી અને કાદવથી ખરડાયેલી જમીન પર પડતું મૂક્યું એ વખતે ઉપરથી દરેક દિશામાં ગોળીઓ છૂટી રહી હતી. ઉપર કેટલાં જણ છે તેનો અંદાજ આવી શકતો ન હતો.
રાવીનો સપાટોઃ
એ રાવીનું નિશાન હતું. દાદર ચડીને રવેશમાં પહોંચેલી રાવીએ અભિને પાળીને સમાંતર જોયો અને તેને હાશ થઈ હતી. બીજી જ સેકન્ડે કઠોડા પર ચડીને નંિભાડાની આડશમાંથી આગળ લપકી રહેલાં રાજાવતને તેણે નિશાન બનાવ્યો હતો અને મકાનની સામે ક્યાં માણસો લપાયા છે તેની પરવા કર્યા વગર ચારેબાજુ ધડાધડ ગોળીઓ છોડવા માંડી હતી. રાવીને જોઈને હોશમાં આવેલો અભિ સપાટાભેર ક્રાઉલંિગ કરતો કઠોડા તરફ ભાગ્યો હતો. એ બંનેની પોઝિશન વઘુ મોકાની હતી. ઊંચાઈ પર હોવાથી સીઘું નિશાન તાકી શકવાનો ફાયદો પણ હતો અને મકાનની પાળીની નૈસર્ગિક આડશ પણ તેમને મળી રહેતી હતી.
‘અભિ, હું આ લોકોને સંભાળું છું. તું નીચે વચલા માળે જા અને ત્યાંથી ફાયરંિગ કર...’ રાવીએ એક હાથે ફાયરંિગ જારી રાખતાં પીઠ પાછળની કિટ ઢંિચણ પર ઝિલી. અભિ એ માથાફરેલી છોકરીને જોઈ રહ્યો. લંબગોળ ચહેરો, લીસ્સા ચળકતા ભર્યાભર્યા ગાલ. એ દરેક દિશામાં રાની પશુની માફક ગરદન ધૂમાવતી હતી અને ગરદનના ધૂમાવ સાથે તેના ટૂંકા, ખુલ્લા વાળ વાછટની જેમ વંિઝાતા હતા. તેની કથ્થાઈ આંખોમાં ભભૂકતો દઝારો જાણે પિસ્તોલની ટ્રિગર પર ભંિસાતો હતો.
‘ઓહ કમ ઓન, ગો... સુમરો હાઈ-વે તરફથી કશીક વેતરણ કરે છે. આપણે ફાયરંિગ ચાલુ રાખીને ભોંયતળિયેથી ભાગી શકીએ તેમ છીએ.. જલ્દી જા નીચે...’ અભિ નીચે ધકેલાયો એટલી વારમાં રાવીએ આખું મેગેઝિન ખાલી કરીને સફાઈપૂર્વક બીજું મેગેઝિન લોડ કરી દીઘું હતું. ‘અને સાંભળ... આ રાખ.. હું નીચે આવીને ભોંયતળિયાનો દરવાજો ખોલું પછી તારે વચ્ચેના માળેથી ફેંકવાનો છે..’ દાદરના અંધારિયા પેસેજમાં અભિ તેના હાથમાં પકડાવાયેલી એ ચીજને ઓળખવા મથી રહ્યો. ‘એ ગ્રેનેડ છે... જા, ભાગ જલ્દી...’
વચ્ચેના માળે લાકડાની નકશીદાર થાંભલીઓથી ઘેરાયેલી બારીઓ હતી. બારી ખોલીને ફાયરંિગ કરવાથી તો નીચે ઊભેલા જવાનોના હાથે વંિધાઈ જવાય. અભિ રિવોલ્વર રિલોડ કરીને ઘડીક અસમંજમસમાં ઊભો રહ્યો. એ જ ઘડીએ બાજુના સરખી ઊંચાઈવાળા મકાનની બારી ધડામ દઈને ખૂલી હતી અને ત્યાંથી વચલા માળના બંધ ઓરડા ભણી અંધાઘૂંધ ગોળીઓ છૂટી હતી. જરાક વારની ગડમથલને લીધે અભિ ફરી એકવાર બચી ગયો હતો. ગણતરીની મિનિટોમાં એ દિશાની બંને બારીઓ ચાળણી જેવી થઈ ગઈ હતી. બારીના કાણામાંથી સુરજના ધસી આવેલા ચાંદરણા અંધારિયા ઓરડાની ફર્શ પર બિહામણા ઓળા પાથરતા હતા અને બારી તોડીને ઓરડામાં આમતેમ અથડાતા ફૂટેલા કારતૂસના ખનકારા ભેંકાર ઓરડાની બંધિયાર સ્તબ્ધતાનું બાવડું મરોડતા હતા.
અભિએ નીચે લેટેલી હાલતમાં જાળિયા તરફ ખૂલતું બારણું સ્હેજ હડસેલ્યું. જોખમ પારાવાર હતું. દરવાજો સ્હેજ વધારે ખૂલી જાય તો નીચે ઊભેલા લોકોને તેની હાજરી વર્તાઈ આવે અને જો તે વધારે ઊંચો થવા જાય તો જમણી બાજુના મકાનમાંથી ફાયરંિગ કરી રહેલાં (દેવગઢિયાના) આદમીઓનો શિકાર બની જાય. તેણે ઘડીભર આંખ બીડી. જંિદગીભર એ પોતાની નિયતિના ભરોસે ચાલ્યો હતો અને તેના બાપનું માથું પોતાના કારણે કદી નીચું ન થાય તેની જંિદગીભર કાળજી રાખી હતી. આજે તેના બાપનો એ ભરોસો સરાણે ચઢ્‌યો હતો. દુનિયા તેના વિશે શું માનશે તેનાં કરતાંય તેના બાપ પર શું વીતી રહી હશે તેનો અહેસાસ તેને ચકરાવી દેતો હતો. તેની આંખોમાં ખુન્નસ પથરાયું. કાળઝાળ બનીને તે પડખું ફર્યો. સામે જાળિયાની ફાંટમાં રિવોલ્વરનું નાળચું ખોસ્યું અને ધડાકો કરી દીધો.
નીચે તેને દિવાલસરસા પાથરેલા માટલાના ઢગલા પાછળ લપાયેલી દેહાતી ઔરતોના જમેલામાં કશીક હિલચાલ વર્તાતી હતી (રાજાવતના માણસો ત્યારે પોઝિશન બદલવા આગળ આવી રહ્યા હતા) પણ ત્યાં ફાયરંિગ કરતાં તેનો જીવ ન ચાલ્યો. ભડકે બળતા નંિભાડાની આગળ એક માણસ ટીપડાને પગથી લાત મારતો તેની પછવાડે લપાઈને આગળ વધવાની કોશિશ કરી રહ્યો હતો. રાવી જો પાળીથી દૂર કઠોડાની સલામત આડશમાંથી ફાયર કરતી હશે તો તેને એ દેખાયો ન હોય તેમ ધારીને ઝનૂને ભરાયેલા અભિએ જોખમ લઈને ય ગરદન સ્હેજ બહાર કાઢી અને ટીપડાંની આડશે આગળ ધપતા આદમી(રાજાવત)ની દિશામાં ગોળી ચલાવી દીધી.
બંને દિશા તરફથી મૂવમેન્ટ એ રોકી શક્યો હતો પરંતુ મકાનની જમણી તરફથી (દેવગઢિયાના માણસો દ્વારા) એકધારૂં ફાયરંિગ ચાલુ હતું. એમને જવાબ આપવા એ બારીની દિશામાં ભીંતસરસો ઊભો થવા ગયો ત્યાં જ રવેશમાંથી ઉતરતી રાવીએ સિસકારો કર્યો.
‘હું નીચે ભોંયતળિયે જઈને બારણું ખોલું છું. તું મનોમન વીશ સુધી ગણતરી કર. બરાબર ૨૦ના આંકડે નીચે ગ્રેનેડ ઝંિકી ભોંયતળિયે આવતો રહેજે.’
‘..પણ નીચે તો...’ અભિનું વાક્ય પૂરું થાય એ પહેલાં તો બિલ્લીની જેમ દબાયેલા પગલે છલાંગ લગાવીને રાવીએ સીધો જ નીચે ભૂસ્કો મારી દીધો હતો. દાદર ઉતરીને તે ભોંયતળિયે જાય તો તો સામે જ મોરચો માંડીને ઊભેલા આદમીને એ દેખાઈ જાય. એટલે રાવીએ દાદરના કઠોડા પરથી જ સીધો કૂદકો મારીને ભોંયતળિયાના અંધારિયા ઓરડામાં પડતું મૂક્યું.
વર્ષોથી બંધ પડેલાં એ ઓરડાની ઘૂળથી છવાયેલી ભોંય પર પટકાઈને રાવીએ કિટમાંથી નાનકડી બેટન ટોર્ચ કાઢી. બંધિયારપણાથી ગંધાતી હવા, દિવાલો પર બાઝેલા કરોળિયાના જાળા, ભીંત પર ધૂમતી ગરોળીઓની છટપટાહટ અને ફર્શ પર ખૂણેખાંચરે દોડાદોડી કરતાં ઉંદરની કાયમ બેહિચક રહેતી સૃષ્ટિ રાવીના દબાયેલા ઘૂબાકાથી ઘડીક વિક્ષુબ્ધ બની ગઈ. સુમરાએ ડાબી તરફ પતરાનો દરવાજો કહ્યો હતો. રાવીએ હાથના ગોખલા આડેથી એ દિશામાં ટોર્ચ ફેરવી. સાંકળ ભીડેલો પતરાનો કટાયેલો દરવાજો તેને દેખાયો. દરવાજો ખોલી રાખે તો બહારનું અજવાળુ અંદર આવે અને તો સામે ઊભેલા આદમીઓને પણ એ કદાચ દેખાઈ જાય. તેણે અભિની રાહ જોવાનું નક્કી કર્યું.
ફાયરંિગના અવાજો હજુ ચાલુ હતા. એ ગ્રેનેડના ધડાકાની રાહ જોઈ રહી હતી પણ ત્યાં જ ઓચંિતો તેની પડખે જ ઘૂબાકો થયો. અભિ ગ્રેનેડ ફેંક્યા વગર જ દાદર કૂદીને નીચે આવી ગયો હતો. રાવી હજુ સમજી શકતી ન હતી ત્યાં અભિએ તેનું બાવડું ખેંચ્યું હતું, ‘લેટ્‌સ મૂવ...’
રાજાવતની અવઢવ
ટીપડું આગળ ધકેલીને તેની આડશમાં દાદર ભણી લપકવા રાજાવતે પ્રયત્ન કર્યો એ જ વખતે તેની દિશામાં ગોળીઓ છૂટી એટલે રાજાવત અટકી ગયો. ત્રીજા માળેથી કોઈ ફાયરંિગ કરતું હોય તો તેને એ દેખાઈ ન શકે. મતલબ કે વચ્ચેના માળેથી કોઈએ બંદૂક ચલાવી હતી. દેવગઢિયાના માણસો એ તરફ અંધાધૂંધ ફાયરંિગ કરી રહ્યા હતા તોય એ ભડનો દીકરો ત્યાંથી નિશાન તાકતો હતો. રાજાવત ઘડીભર હેબતાઈ ગયો. તેને હંિમત ગણવી કે મરણિયા માણસની જિજિવિષા? દાદરના દરવાજા પાસે લપાયેલા બંને આદમી ઓટલા પાછળ સંકોરાઈને જાળિયા ભણી ફાયર કરી રહ્યા હતા. ટીપડા પાછળ મડદાની જેમ નિશ્ચેષ્ટ પડેલો રાજાવત નક્કી ન્હોતો કરી શકતો કે આટલી ગોળીઓ છૂટે છે ક્યાંથી?
તેણે બંને મોરચાનો ગોળીબાર ઘડીક બંધ કરવા સંકેત કર્યો. પંદર મિનિટમાં આશરે સો રાઉન્ડના ફાયરમાં વંિઝાયેલી હવાએ ઘડીક પોરો ખાધો. છાતીના ધબકારા ય નગારા પર પછડાતી દાંડી જેવા લાગે એવા સન્નાટા વચ્ચે ૪૫ સેકન્ડ સુધી રાજાવત મનોમન ગણતરી માંડતો રહ્યો. અંદરથી થતું ફાયરંિગ અટકી ગયું હતું. યા તો એમનું એમ્યુનિશન ખૂટ્યું કે પછી એમનાં ઢીમ ઢળી ગયા? ટીપડાંની આડશમાંથી તેણે કોણી સુધી હાથ ઊંચો કર્યો. ૧-૨-૩-૪... ચાર સેકન્ડ પછી મકાન ભણી ફરીથી બંદૂકો ધણધણી હતી અને કેળવાયેલા કમાન્ડોની માફક બે જ લાંઘમાં છલાંગ મારીને રાજાવત મકાનના ઓટલા ભણી ધસ્યો હતો. એટલી વારમાં ઓટલા પાછળ લપાયેલા બંને આદમીઓએ બારણાની અંદર ધસીને દરેક ખૂણે પાણીનો ફૂવારો ફેરવતા હોય તેમ સ્ટેનગનનું નાળચું ધૂમાવીને બ્લાઈન્ડ શાવર ફાયર કરી નાંખ્યો. જોખમ હોવા છતાં ય ભૂરાયો થયેલો રાજાવત બેય હાથે પિસ્તોલ ધમધમાવતો ઉપરના મજલે ચડી ગયો. એ જોઈને પાછળથી ધસી આવેલા આદમીઓ ય તેની પાછળ દોરાયા.
નાકાબંદીની બહાર એકઠાં થયેલાં ટોળાની આંખોમાં ઉન્માદ હતો. અડધી કલાક પહેલાં દાયકાઓના ક્રમને શ્વસી રહેલું મટિયાવાડનું નાકું ફક્ત અડધી જ કલાકમાં લોથપોથ થઈને હાંફી રહ્યું હતું. દેવગઢિયાના આદમીઓ હજુ ય બાજુના મકાનમાંથી ગન તાકીને પોઝિશન સંભાળી રહ્યા હતા. શંિદેના છાપામાર આદમીઓએ બાજુના મકાનની દિવાલ ઓળંગીને ત્રીજા માળના રવેશમાં ભૂસ્કો મારી દીધો હતો. ઉપરથી શંિદેના આદમીઓ અને નીચેથી રાજાવત સહિતની ટીમ, આંખના પલકારે આખું મકાન ઉલેચાઈ ગયું. અંદર કોઈ ન હતું.
‘દેવગઢિયાઆઆઆઆ...’ રાજાવતની ત્રાડથી જર્જરિત મકાનની દિવાલો ય કાંપી ઊઠી. ‘હોલ્ડ ધ રોડ.. ચેક એવરી કોર્નર... એ લોકો ભાગ્યા છે. પાછળના રસ્તે જ ક્યાંક... છટક્યા તો તારી ખેર નથી.’ રાજાવત બબ્બે પગથિયા કૂદતો એક-એક માળનો ખૂણેખૂણે ચકાસી રહ્યો હતો. દેવગઢિયા માટે વિમાસણની ઘડી હતી. તેની ટીમના છ આદમીમાંથી બે તો તેણે રાજાવતના ઈશારાથી અંદર મોકલી દીધા હતા. તેણે બીજા મકાનમાં પોઝિશન લઈને ઊભેલા ચારેય આદમીને નીચે ઉતાર્યા.
આગળ તો રાજાવતનો મોરચો હતો, જમણી તરફ પણ ફાયરંિગ જારી હતું અને ડાબી તરફ દિવાલ હતી. એટલે જો એ લોકો ભાગ્યા હોય તો પાછળ જ ક્યાંક તેમણે નાઠાબારી શોધી હોય. રાજાવતનો તર્ક સાચો હતો. અડોઅડ ઊભેલા જૂની બાંધણીના બખોલ જેવા મકાનોમાં ભાગીને એ આસપાસના મકાનમાં જ ભરાયા હોય. હાઈ-વે તરફ જતી ગલીની તો તેમણે નાકાબંધી કરી રાખી હતી એટલે એથી આગળ ભાગ્યા હોય એ શક્ય નથી.
દેવગઢિયાએ નીચે ઉતરીને ગણતરી માંડી. એ મકાનની પછવાડે હારબંધ ચાર મકાન પછી નાનકડી સડક ફંટાતી હતી. મતલબ કે તેણે આ ચાર મકાનની તલાશી લેવી પડે. તેણે બે-બેની ટીમમાં બે મકાનની તલાશી લેવા આદમીઓ મોકલ્યા અને બાકીના બે મકાનની બરાબર સામે તે પોતે સ્ટેનગન તાણીને ઊભો રહી ગયો. આખું ઘર ફેંદીને એક-એક સામાનનો ઢગલો કરવાનો આદેશ આપીને રાજાવત બહાર આવ્યો. ઘૂળથી ખરડાયેલો તેનો ચહેરો અને કાદવથી ખરડાયેલા કપડાંમાં ગુસ્સાથી ભભૂકતો તેનો લાલધૂમ નમણો ચહેરો વધારે મર્દાના લાગતો હતો. બહાર નીકળીને તેણે સિગારેટ જલાવી, ઊંડો કશ લીધો અને અનાયાસે જ દેવગઢિયાની દિશામાં જોયું એ સાથે તેની ચીસ ફાટી ગઈ.
‘દેવગઢિયાઆઆઆઆઆ.... ફાયર....’
સડકના વળાંક પરથી રિવર્સ ગિયરમાં પૂરપાટ ઝડપે લાલ રંગની ક્વોલિસ ધસી આવતી હતી. રાજાવત પોઝિશન લે એ પહેલાં રિવર્સમાં ક્વોલિસ ચલાવતા આદમીએ ઊંધા હાથે તેની તરફ ધડાધડ ફાયર કરી દીઘું હતું. ડઘાઈ ગયેલો દેવગઢિયા કશું સમજે એ પહેલાં આડશ માટે સડકના વળાંક પર મૂકેલી બેરિયર્સ તોડીને ધસમસતી ક્વોલિસ આગળ વધી હતી.
દેવગઢિયો સ્ટેનગનનું નાળચું ધૂમાવે એ પહેલાં...
મકાનની આડશમાંથી લપાઈને રાજાવત વળતો ગોળીબાર કરે એ પહેલાં...
રાજાવતની ત્રાડથી ચોંકેલા આદમીઓ બહાર નીકળે એ પહેલાં...
ચોથા મકાનની બારીના સળિયા પાછળથી ધમાધમ ગોળીઓ છૂટી હતી. દેવગઢિયાની સ્ટેનગન હાથમાં જ ઠઠી રહી હતી અને પડખામાં ગોળી ખાઈને તે ઉથલી પડ્યો હતો. રાજાવતના માથાથી બે જ ઈંચ ઊંચે સરનામા વગરની ટપાલ જેવી બે ગોળી સનનન કરતી પસાર થઈ ગઈ હતી.
- અને એ અંધાઘૂંધી વચ્ચે પહેલાં અભિમન્યુ ક્વોલિસમાં ખડકાયો હતો. ક્વોલિસનો પાછલો દરવાજો ખોલીને તેણે ફાયરંિગ શરૂ કર્યું એટલે મકાનમાંથી નીકળીને રાવી ગાડીના ખુલ્લા દરવાજામાં પરોવાઈ ગઈ હતી. દરવાજા બંધ થાય એ પહેલાં તો ક્વોલિસ ગોળીની ઝડપે હાઈ-વેની દિશામાં આગળ ભાગી હતી.
ગિન્નાયેલો રાજાવત બેય હાથમાં પિસ્તોલ ઝાલીને ધડાધડ ફાયર કરી રહ્યો હતો. ક્વોલિસનો પાછલો કાચ વેરણછેરણ કરતી કેટલીક ગોળી ગાડીમાં ય ધૂસી હતી. ઘડીક ગાડી સર્પાકારે સડક ભણી ફંટાઈ હતી. એક દુકાનના ઓટલા પર પણ ચડી ગઈ હતી. ફાયરંિગ ચાલુ રાખતો રાજાવત બેફામ ગાળો બોલતો છેલ્લી આશા ગળે બાંધીને પાછળ પણ દોડ્યો હતો પણ એટલી વારમાં હાઈ-વે તરફ વળી ગયેલી ક્વોલિસ સલૂકાઈથી પૂરપાટ દોડતી આગળ વધી ગઈ હતી.
(ક્રમશઃ)

Share |
 

Gujarat Samachar Plus

કઠપૂતળીના માઘ્યમથી વૈજ્ઞાનિક સિદ્ધાંતોની કાર્યશાળા
પીત્ઝા બાદ હવે બુકની પણ હોમ ડિલિવરી
વેકેશનમાં સમગ્ર ગુજરાતમાંથી અમદાવાદ આવીને સ્ટુડન્ટ્‌સનું કરિયર માટે પ્રિ-પ્લાનંિગ
ગર્લ્સ પ્રોસ્ટીટ્યૂટ બાદ હવે બોય્‌ઝ....
અમદાવાદના આંગણે હાર્ટ કોન્ફરન્સનો પ્રારંભ
 

Gujarat Samachar glamour

અનુષ્કા સાથે સુરેશ રૈના લગ્ન નહીં કરે
સન્ની લિયોન બુરખો પહેરીને મળવા જાય છે
માઘુરી ‘સ્પેશ્યલ મજુરો’ કરી મીના કુમારીને શ્રદ્ધાંજલિ આપશે
ૠત્વિક ‘સર્વશ્રેષ્ઠ સ્ટાઈલ આઈકોન’ બન્યો
કેટરીના આમિરખાનને ‘કીક’ મારશે
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved