Last Update : 02-May-2012, Wednesday

 
દેશના ખેડૂતોએ પરસેવો પાડીને મબલખ અનાજ પેદા કર્યું તો કૃષિ મંત્રાલયના માંધાતા નોકરશાહો અને પવાર જેવા પ્રધાનોએ એમાંથી પોતાના ઘરની તિજોરીઓ ભરવાના કાવતરાં કર્યા!

- સુપ્રિમ કોર્ટે મારેલી લપડાક પછી કૃષિપ્રધાન બે વર્ષે જાગ્યા
- નવા ગોદામો બાંધવા અબજો રૂપિયા ચાંઉ કરવાનું કૌભાંડ
- જૂના ગોદામો ખાલી રાખીને અથવા ભાડે આપી દઇને અનાજને બહાર સડવા દેવાનું કૌભાંડ
- ખેડૂતોએ નુકસાન કરીને ઘઉં વેચવા પડે એવું શરદ પવારનું અને કૃષિ મંત્રાલયનું કૌભાંડ

આપણો ખેડૂત બિચારો મહેનત કરીને, પરસેવો પાડીને મબલખ અનાજ પકવે તો એને ચૂંસી લેનારા મુખ્ય પ્રધાનથી માંડી કૃષિપ્રધાન સુધીના સત્તાધીશો ક્યાં ઓછા છે? આ વર્ષે આપણા દેશના જે પાંચ રાજ્યોમાં ઘઉંનો બમ્પર પાક ઉત્પન્ન થયો છે એમાં પંજાબમાં ૧૫૬ લાખ ટનથી ૧૬૪.૭૨ લાખ ટન ઘઉંનું ઉત્પાદન થવાની શક્યતા છે. હરિયાણામાં લગભગ ૧૧૮.૬૧ લાખ ટન ઘઉં પેદા થશે. ઉત્તરપ્રદેશમાં ૩૦૦ લાખ ટન ઘઉં ઉત્પન્ન થશે. જોકે ઘઉંના ઉત્પાદનમાં ઉત્તરપ્રદેશ આપણા દેશમાં પહેલા નંબરે ગણાય છે. ઉત્તરપ્રદેશમાં દેશના ૩૪ ટકા ઘઉં ઉત્પન્ન થાય છે. દેશમાં ઘઉંનો બમ્પર પાક ઉત્પન્ન થવાથી ભારત દુનિયાનો બીજો નંબરનો ઘઉં ઉત્પાદન કરનાર દેશ થઇ ગયો છે.
ટૂંકમાં, આ વખતે દેશમાં ઘઉંનું ઉત્પાદન ૧૫થી ૨૦ ટકા વઘુ થવાની શક્યતા છે.
ઉત્પાદન વઘુ થાય કે ન થાય પણ કૃષિમંત્રાલયના ભ્રષ્ટાચારી માંધાતાઓ અને પ્રધાન વિદેશી હૂંડિયામણ રળવાની લાલચ બતાવીને અનાજ, ખાંડ, શાક, કેરી, બીજા ફળ, વગેરેની નિકાસ કરવાની દલીલો કરતા હોય છે. કૃષિપ્રધાન શરદ પવાર બારે મહિના નિકાસ અને આયાતની જ વાત કરતા હોય છે. આણંદમાં હમણાં તેઓ દૂધક્રાંતિના બીજા તબક્કાનું ઉદ્‌ઘાટન કરવા આવેલા ત્યારે પણ કૃષિપેદાશોના નિકાસની વકીલાત કરેલી. (નિકાસ અને આયાતનું પણ એક મોટું કૌભાંડ છે. બન્ને પ્રક્રિયામાં વેપારીઓ લાખો રૂપિયાનું કમીશન આપતા હોય છે. નિકાસ કરીને ખેંચ ઊભી કરવાનું બીજું કૌભાંડ છે. ખેંચ ઊભી કરીને પાછી આયાત કરવાનું ત્રીજું કૌભાંડ છે. કેટલીક વાર તો શરદ પવારે નિકાસ કરાવેલી ખાંડ કે અનાજ એની એ જ ખાંડ અને અનાજ આયાત કરાવે છે!)
શરદ પવાર આ કૌભાંડ ચલાવવા માટે મનમોહન સરકાર ઉપર ક્યારના દબાણ કરી રહ્યા છે. પણ મનમોહનજી એકલા હોત તો વિદેશી હૂંડિયામણની વાતથી પલળી જાત પણ બીજા પ્રધાનો અને ખાસ કરીને સોનિયા ગાંધી જેવા શરદ પવારને જાણી ગયા છે એટલે મચક નથી આપતા.
તો શરદ પવારે જેઓ લેવાદેવા વિના હડકેને તડકે કેન્દ્ર સરકારની ટીકા જ કરતા ફરે છે એવા ગુજરાતના મુખ્યપ્રધાનની સાથે હાથ મિલાવ્યા.
શરદ પવાર અનાજના ભાવો (ખાંડ, શાક, ફળ વગેરેના પણ) વધતા રાખવા માટે વાયદાનો વેપાર કરે કરાવે છે. વાયદાનો વેપાર એટલે જ ભાવો વધારવાનો વેપાર. વાયદાના વેપારમાંથી મોટા પ્રમાણમાં કરવેરાની રકમ મળતી હોય છે એટલે મનમોહનસંિહ, પ્રણવ મુખરજી વગેરે એને ચાલુ રાખવાના મતના છે.
આવો જ કૌભાંડી મુદ્દો અનાજ સંઘરવા માટેના સરકારી ગોદામોનો છે. અનાજ ગોદામોમાં રાખે તો અનાજનો જથ્થો વધે અને એથી ભાવો પણ ઘટે. ભાવો ઘટે તો વાયદાના વેપારમાં નુકસાન થાય. (શરદ પવાર એન્ડ કંપની વાયદાનો વેપાર મોટા પાયે કરે છે.)
આ સડેલા અનાજના કારણે ગરીબોમાં કુપોષણની સમસ્યા થાય છે પરિણામે ગરીબોના મોત વઘુ થાય છે. હમણાં યુનોએ મોજણી કરી તો જણાવેલું કે... દેશનો દરેક પાંચમો બાળક કુપોષણનો ભોગ બનેલો છે. દા.ત. પાંચ વર્ષની ઉંમરના લગભગ ૪૨ ટકા બાળકોનું વજન સાવ ઓછું છે. આના બીજા કારણો હશે પણ મુખ્ય કારણ સડેલું અનાજ છે.
આપણા દેશમાં કુલ ૬,૩૦,૦૦,૦૦૦ ટન અનાજ સંઘરવા માટે ગોદામો છે. એમાં ૩ લાખ ૫૭ હજાર ટન અનાજ ભરી શકાય એટલા ગોદામો ખાલી પડ્યા રહે છે. એ ગોદામો કયા કયા છે એ જુઓ...
(૧) મુંબઇમાં બોરીવલીમાં ૧૦૪ લાખ ટન અનાજ રહી શકે એવું ગોદામ ખાલી રાખે છે.
(૨) ચંદેરી (કાનપુર)માં ૭૨ હજાર ટન અનાજ રહી શકે એવા ગોદામ ખાલી રાખે છે.
(૩) મનમાડમાં ૮૪ હજાર ટન અનાજ રહી શકે એવા ગોદામ ખાલી રાખે છે.
(૪) કોલકાતામાં ૧૯ હજાર ટન અનાજ રહી શકે એવા ગોદામ ખાલી રાખે છે.
ગોદામોની બાબતમાં આ જે કૌભાંડ ચાલે છે એનો અહીં અંત નથી. શરદ પવારે કેટલાક ગોદામો રાજ્ય સરકારોના તાબામાં આપેલા છે. કેન્દ્ર સરકાર પાસે ગોદામોની જે ક્ષમતા છે એમાં કુલ ૪૭૦ લાખ ટન અનાજ સંઘરવાની ક્ષમતા છે.
એમાં પણ સરકાર પાસે છતવાળા ગોદામોની ક્ષમતા ૩૩૪.૪૭ લાખ ટન છે. બાકીનું અનાજ અથવા ઘઉં ખુલ્લા આકાશ નીચે પ્લાસ્ટીક નીચે ઢાંકીને રાખવામાં આવે છે. આ પઘ્ધતિ અવૈજ્ઞાનિક છે અને અનાજને સડાવનારી છે.
કૃષિ મંત્રાલયના પગ જે ઘણી દિશાઓમાંથી ફેલાયેલા છે એમાં એક વિભાગ છે ફુડ કોર્પોરેશન ઓફ ઈન્ડિયા. આ ફુડ કોર્પોરેશન ઓફ ઈન્ડિયા પણ કબુલ કરે છે કે છેલ્લા ૧૧ વર્ષોમાં રૂપિયા ૩૩૦.૭૧ કરોડનું અનાજ સડી ગયેલું.
ફુડ કોર્પોરેશન ઓફ ઈન્ડિયાએ આપેલી માહિતી પ્રમણે ૨૦૦૦ની સાલથી ૨૦૧૧ સુધીના ૧૧ વર્ષોમાં સરકારી ગોદામોમાં ૭.૪૭ લાખ મેટ્રીક ટન અનાજ સડી ગયું હતું. ફુડ કોર્પોરેશને જણાવ્યા પ્રમાણે એ સડેલા અનાજની કંિમત રૂપિયા ૩૩૦.૭૧ કરોડ થાય છે.
ફુડ કોર્પોરેશન ઓફ ઈન્ડિયા કહે છે કે... એક બાજુ સરકાર દરેકને સસ્તા ભાવે અનાજ મળે એવો સંસદમાં ખરડો લાવીને કાયદો કરી રહી છે જ્યારે બીજી બાજુ દર વર્ષે હજારો લાખો ટન અનાજ સડાવી દેવામાં આવે છે! ફુડ કોર્પોરેશને આપેલા આંકડા પ્રમાણે...
(૧) ૨૦૦૦-૨૦૦૧માં ૧.૮૨ લાખ મેટ્રીક ટન
(૨) ૨૦૦૧-૨૦૦૨માં ૦.૬૫ લાખ મેટ્રીક ટન
(૩) ૨૦૦૨-૨૦૦૩માં ૧.૩૫ લાખ મેટ્રીક ટન
(૪) ૨૦૦૩-૨૦૦૪માં ૦.૭૬ લાખ ટન
(૫) ૨૦૦૪-૨૦૦૫માં ૦.૯૭ લાખ ટન
(૬) ૨૦૦૫-૨૦૦૬માં ૦.૯૫ લાખ ટન
(૭) ૨૦૦૬-૨૦૦૭માં ૦.૨૫ લાખ ટન
(૮) ૨૦૦૭-૨૦૦૮માં ૦.૩૪ લાખ ટન
(૯) ૨૦૦૯-૨૦૧૦માં ૦.૦૭ લાખ ટન
(૧૦) ૨૦૧૦-૨૦૧૧માં ૦.૦૬ લાખ ટન અનાજ સડી ગયું હતું.
સરકાર એટલે શરદ પવારે જો અનાજ સંઘરવાની ગોદામોની વ્યવસ્થા કરી હોત તો એટલું બઘું અનાજ આપણા ખેડૂતોએ પકવેલું કે દરેકને ઘણું સસ્તું અનાજ મળી રહેત અને ખેડૂતો પણ ભરપેટ કમાણી કરત.
એના બદલે કેન્દ્રનું કૃષિ મંત્રાલય (એટલે શરદ પવાર અને સાહેબો) એવા ષડયંત્રો કરે છે કે... અનાજ ગરીબના પેટ સુધી પહોંચતું નથી અને ખેડૂતોને નુકસાન થાય છે (જેના કારણે ખેડૂતોના આપઘાતના બનાવો બંધ નથી થતા) જ્યારે બધો નફો શરદ પવારના ભાગીદાર દલાલો અને વેપારીઓ ચાંઉં કરતા હોય છે.
જેનો ‘‘રાજા વેપારી એની પ્રજા ભિખારી’’ એ કહેવત આપણા દેશમાં સચોટ લાગુ પડે છે. જો પ્રધાન, મુખ્યપ્રધાન જેવા સત્તાધારીઓ વેપારીઓ સાથે ભાગીદારી કરીને જનતાને લૂંટતા હોય તો નોકરશાહો પણ એ જ રવાડે ચઢીને જનતાને શા માટે ન લૂંટે? આ એક પ્રકારનો દેશદ્રોહ છે. એવાઓને તો સીધી ફાંસી જ થવી જોઇએ.
ગુણવંત છો. શાહ

બ્યુગલ
મોટર ઉત્પાદકોના કારણે જ મોટર અકસ્માતો થાય છે! મોટર ખરીદતા પહેલાં આટલા મુદ્દા ઘ્યાનમાં રાખો!

 

આજકાલ મોટર અકસ્માતો થવા સામાન્ય થઇ ગયું છે. એમાં સાધારણ રીતે વાંક ચાલકનો અથવા ટ્રાફીકનો કાઢવામાં આવે છે પરતુ કોઇ મોટર ઉત્પાદકોનો વાંક જોતું નથી.
ખરેખર તો, સરકાર મોટર ઉત્પાદકો માટે કેટલાક કડક નિયમો ફરજીયાત કરે તો ઘણા મોટર અકસ્માતો બચી જશે.
પોલિસ ખાતાએ અને આર.ટી.ઓ.એ પણ લાંચ લેવાનું પડતું મૂકીને નાગરિકોની સલામતી ખાતર આ અંગે ઘ્યાન આપવાની જરૂર છે.
આજકાલ એકથી એક કહેવાતી ચડિયાતી વિદેશી કાર આપણા બજારમાં આવી છે જે એક સારી બાબત છે પરંતુ જાહેરાતમાં ફક્ત તેના સુંદરતા- રંગરોગાન- સીટ, એરકન્ડીશનર વ્હીલની પહોળાઇ કે એન્જીન અંગેની કોડવર્ડની ભાષામાં જાણ કરવામાં આવે છે. જેમાં એન્જીન કે બીજા ભાગો અંગે વપરાતા કોડવર્ડ કોઇ નાગરિકને કે ગ્રાહકને કે વાપરનારને ગતાગમ પડે તેવી નથી હોતી.
દા.ત. મોટરની એક જાહેરાતમાં લખ્યું છે કે ‘ર્ઘૌબ ય્ચર્જનૈહી ઈહયૈહી’ ગેસોલીન એટલે પેટ્રોલ એ તો જાણે સમજાય પણ આપણા દેશમાં પેટ્રોલ જ કહેવામાં આવે છે નહિ કે ગેસોલીન પણ ‘ર્ઘૌબ’ એટલે શું? ૧.૫ ન્ ૯૦ ઁજી એટલે શું? આવી વિગતોને ગ્રાહક સમજી શકે તેવી ભાષા વપરાતી નથી.
- બીજુ ગાડીની સેફટી અંગે ખાલી એરબેગની વાત કરવામાં આવે છે. ગાડીના બમ્પર કે બોનેટ કે દરવાજા- ડીકી વગેરેની અથડાય ત્યારે કેવી ઈમ્પેક્ટ સ્ટ્રેન્થ છે- તે કોઇ જણાવતું નથી અથવા તેના સર્ટીફીકેટ કાર સાથે આપવામાં આવતા નથી. આ બહુ જ અગત્યની બાબત છે. કોઇપણ ગાડી કેટલી ઝડપે જતી હોય અને તે અથવા સામેથી આવતી ગાડી જે ઝડપે આવતી હોય અને અથડાય ત્યારે ગાડીનું બમ્પર જ કે દરવાજા જ અથડાય છે અને એર બેગ તો તે પછી જ આવે છે. જો બમ્પર જ મજબુત હોય તો બધો જ માર તે જ સહન કરી લે અને ડ્રાઇવર કે બીજા બેઠેલાને ઈજા જ ન થાય. જ્યારે એરબેગ હોવા છતાં પણ ઘણા જ ઘાતક અકસ્માતો થતા હોય છે. આ અંગે કોઇપણ જાણકારી કાર બનાવનારા આપતા નથી કે ખરીદનાર જંિદગીમાં આવા પ્રશ્નો પૂછતા નથી.
સીએનજી કે એલપીજીની ગાડીઓમાં અવારનવાર આગ લાગવાના ને જીવલેણ અકસ્માતના કિસ્સા બને છે. ગાડી બનાવનારા તેમાં ન તો ગેસ લીક ડીટેક્ટર, આગ ઓલવવાનો સીલીન્ડર કે ઓટો લોકીંગ સીસ્ટમ ગાડીમાં આગ કે ગેસ લીક થાય ત્યારે ગાડીમાં બેઠેલા ફસાઇ ન જાય ને ઓટો લોક આપોઆપ રીલીઝ થાય જેથી ચાલકે ને બીજા બેઠેલા તરત ગાડીની બહાર આવી શકે- આટલીબધી લૂંટવાની કંિમતોએ ગાડીઓ વેચીને શું ગ્રાહકોને મોતના મોંમાં મોકલવા ગાડીઓ બનાવે છે?
ગાડી ખરીદનાર પણ જાણે લાટસાહેબ થઇને શો રૂમમાં જાય ત્યારે સામાન્ય રીતે ઉપરની કોઇ બાબતો પૂછતા જ નથી! ફક્ત રંગ, દેખાવ, સીટ, એવરેજ એરકન્ડીશનર કે સર્વીસ અંગે પૂછે. બહુ તો એકાદ ટેસ્ટ ડ્રાઇવ લે પણ ૧૦૦ કિ.મી. ઝડપે ગાડી દોડાવીને એકાએક બ્રેક મારે તો ગાડી કેટલે દૂર જઇને ઊભી રહેશે કે આગ લાગે ત્યારે કેમ બહાર નીકળવું અથવા ગેસ લીક થાય તેની કેમ ખબર પડે અથવા આગ લાગે તે પહેલા જાણ થાય આ બધી બાબતો ફક્ત ભગવાન ભરોસે છોડીને બીજાના જાનને પણ જોખમમાં મૂકે છે. ઉપરની બધી બાબતો અંગે યુઘ્ધના ધોરણે સુધારા અત્યંત આવશ્યક છે.

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
આંકલાવની પરિણીતા પર ગેંગ રેપ
અંબાજીમાં વાઘના ચામડા સાથે ૫ાંચ પકડાયા

દારૃને ગોવાથી ગુજરાતમાં ઘુસાડવાનાં નેટવર્કનો પર્દાફાશ

પટેલ પરિવારે સામુહિક આપઘાત કરતા સાજીયાવદરમાં ઘેરો શોક
અગાસી ગામે કિશોરીના હાથ અને શરીરમાંથી કંકૂ પડવા માંડયું

ભારતના આઉટલુકને નેગેટિવ રેટિંગની અસર

હિન્દુસ્તાન યુનીલીવરની અંદાજથી પ્રોત્સાહક કામગીરી
નોર્વેના વર્લ્ડ ચેમ્પિયન સ્વિમર ઑનનું ટ્રેનિંગ કેમ્પમાં હાર્ટ એેટેકથી અવસાન
ગેલ અને વિન્ડિઝ ક્રિકેટ બોર્ડ વચ્ચે ટકરાવની શક્યતા
જોન રાઇટ ઓગસ્ટમાં ન્યુઝીલેન્ડની ટીમના કોચ પદેથી રાજીનામું આપશે
ડોપિંગ વિવાદઃબ્રિટનના બે એથ્લીટ્સ પરનો ઓલિમ્પિક પ્રતિબંધ દૂર કરાયો

ડેક્કન ચાર્જર્સે ૧૩ રનથી પુણે વોરિયર્સને પરાજય આપ્યો

ભારતની નિકાસો ૫.૭ ટકા ઘટતા મુંબઈ શેરબજારો આજે ગબડશે?
કિંમત વધતાં પ્રમોટરોએ ગીરો મૂકેલાં શેરો છોડાવ્યાં
લગભગ ૫૦ કંપનીના પ્રમોટરોએ તેમના શેર વેચ્યાં
 
 

Gujarat Samachar Plus

મતભેદ તો ઘણાં થયા પણ મનભેદ ક્યારેય નહીં
શહેરની ગર્લ્સ પણ બોલે છે ગંદી ગાળો યુ બ્લડી એ...હો...
જીટીયુનો પેટન્ટ એપ્લીકેશન પ્રોગ્રામ
એકસ સ્ટુડન્ટસનો કોલેજના જુનિયર્સને હેલ્પ કરવાંનો ફંડા
ચાઇલ્ડ એક્ટિવીટીમાં માર્શલઆર્ટની બોલબાલા
 

Gujarat Samachar glamour

ડર્ટી પિક્ચરને આપેલો નેશનલ એવોર્ડ પાછો ખેંચાશે?
જોયાની ડોક્યુમેન્ટરીમાં કેટરીના
મેગન ફોક્સ હાસ્ય-ભૂમિકા કરીને ખુશ
કરીના ઓછી ફિલ્મો સાઈન કરવા માંડી!
પ્રતિક બબ્બરે નાનીની ગંગામાં ન્હાવાની ઈચ્છા પૂરી કરી
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved