Last Update : 02-May-2012, Wednesday

 

ગીતાએ એક રાત્રે કહી દીઘું કે ‘‘કાલથી હું સંજીવે આપેલ એપાર્ટમેન્ટમાં રહેવા ચાલી જવાની છું’’
તુ ઔરો કી કયું હો ગઈ

વિવિધા - ભવેન કચ્છી
- એક ડૉક્ટર કી કહાની ઃ ગીતા સાથેની મારી જોડીનો કોલેજ કેમ્પસમાં જમાનો હતો
- ૩૨ વર્ષીય ડૉ. ગાંગુલીની જીવનનૈયા મઝધારમાં ફસાઈ છે

‘‘હેલો...હું ડૉ. ગાંગુલી બોલું છું. મારા જીવનમાં ઝંઝાવાત સર્જાયો છે તેને તમારા માઘ્યમથી વાચા આપશો ? મનનો બોજ થોડો હળવો થાય અને મારા જેવા યુવાનો થોડા સાવધ બને તે જ મારો આશય છે.’’ આપ સમય આપો તો મળવા આવું.
ફોન કરનાર વ્યક્તિના અવાજમાં સચ્ચાઈનું દર્દ સાંભળી શકાતું હતું. નક્કી કરેલા સમયે રૂબરૂ મળીને તેણે તેની આપવીતી સંભળાવી જે તેના જ શબ્દોમાં જોઈએ.
હું અને ગીતા મેડિકલમાં સાથે જ અભ્યાસ કરતા હતા. પ્રથમ વર્ષથી અમારા આઠેક સહઅઘ્યાયીઓનું ગુ્રપ તેજસ્વી કારકિર્દી સાથે ટેલેન્ટ ઇવનંિગ અને જુદા જુદા ડેની ઉજવણીમાં હોંશભેર લીડરશીપ લેતા. ગુ્રપ ડિસ્કશન, લેકચર્સના આયોજન, સોવેનિયર જેવી રચનાત્મક પ્રવૃત્તિમાં પણ અગ્રેસર ભૂમિકા રહેતી. ગીતા અને મારી મિત્રતા એ હદે જામેલી કે અમને કોલેજ કેમ્પસમાં અલગ જોવાની કોઈ કલ્પના જ ના કરી શકે. એવું કોઈ વખત બને તો કંઈક અઘૂરા કે અતડા હોવાનું અનુભવીએ. જમાના પ્રમાણે નજીક પણ ખરા સાથે મુવિ જોવી કે ફ્રેન્ડના એપાર્ટમેન્ટમાં પણ કોઈક વખત સમય વીતાવતા. આમ જોવા જઈએ તો પ્રત્યેક કોલેજમાં આવા ગુ્રપ કે જોડીઓ હોય જ છે.
આમ કરતા અભ્યાસપૂર્ણ કર્યો. મેં માસ્ટર ડીગ્રી મેળવી પણ ગીતા એમબીબીએસ બાદ અટકી ગઈ. કોલેજના આખરી દિવસોમાં છૂટા પડવાની વેળા આવી ત્યારે અમે એકબીજા વગર કઈ રીતે રહી શકીશું તે કલ્પના માત્ર અમને ગમગીન બનાવી દેતી હતી. આટલા વર્ષો આ હદે નજીક હતા પણ કયારેય જુદાઈની વસમી પળો બાબત વિચાર્યું જ નહોતું.
મારાથી બોલાઈ જવાયું કે, ‘‘ગીતા ચાલને લગ્ન કરી લઈએ.’’ તેણે ખુશીથી ઉછળતા કહ્યું કે ‘‘નોટ અ બેડ આઇડિયા...’’ પણ આપણા મમ્મી-પપ્પા ?
ગીતા ગુજરાતી હતી અને હું બંગાળી. તેમાં પણ મારા મમ્મી-પપ્પા તો ખૂબ જ શિક્ષિત, ઉચ્ચ આદર્શો અને ચુસ્ત વિચારસરણી ધરાવતા હોઈ જરા મુંઝાયો...માતા-પિતા જોડે મૈત્રીપૂર્ણ નિખાલસતા નહોતી છતાં, જબરદસ્ત આદર અને પ્રભાવ ધરાવતો હતો.
ગીતા મઘ્યમ વર્ગના પરિવારની હતી. હું જ્ઞાતિવાદમાં નથી માનતો પણ મારા મમ્મી-પપ્પાનો તેવો આગ્રહ ખરો. ગીતાના પરિવારનું ઉલ્લેખનીય બેકગ્રાઉન્ડ પણ નહોતું. બસ મને ગમતી હતી તેમ કહોને.
અમે લગ્ન કરવાનું વિચાર્યુ. ગીતાના કહેવા પ્રમાણે તેના મમ્મી-પપ્પાએ હું બંગાળી હોઈ કુટુંબ પરંપરા, ભાષા જેવા સંજોગોમાં સેટ થઈ શકીશ કે કેમ તેવા પ્રશ્નો ઉઠાવ્યા હતા. જ્ઞાતિમાં જ ડૉક્ટર મૂરતિયા મળી જશે તેવી આશા વ્યક્ત કરી હતી. ગીતા મક્કમ રહી. હું ડૉક્ટર હોઈ ઉજ્ળું આર્થિક, સામાજિક ભવિષ્ય જોતા ગીતાના મમ્મી-પપ્પાને એટલો વાંધો નહોતો.
મારે હંિમત, કૂનેહ અને ધીરજ સાથે મમ્મી-પપ્પાને સમજાવવા કામ લેવું પડ્યું. મમ્મી-પપ્પાએ એક વખત ગીતાને મળીને વાતચીત કરી હતી ત્યારે પણ તેઓને એટલું જામ્યું નહોતું તે હું પામી શક્યો હતો.
અંતે અમારા લગ્ન થયા. બંનેના પરિવારોએ પોતપોતાની વિધિ, યજમાનગીરી અને ભોજનની આઇટમોની રીતે પણ મતભેદ બાદ સમાધાન કર્યું હતું.
માતા અને પિતા બંને ઉચ્ચ સ્તરની જોબ કરતા હોઈ અમે પૈસે ટકે, આચાર-વિચાર અને સંસ્કારોથી વઘુ સંપન્ન હતા. કોલેજ કેમ્પસ કરતા છત નીચેની ગૃહસ્થી જુદી બાબત છે તેનો મને ગીતાના વર્તનથી ગણતરીના મહિનાઓમાં જ અંદાજ આવવા માંડ્યો.
તબીબી અભ્યાસ પૂર્ણ કર્યો પણ મારા મિત્રો અને બીજા ઘણા ડૉક્ટરો કરે છે તેવી મારી કારકિર્દી પણ શરૂઆતથી ના જામી નહોતી મારી પાસે અદ્યતન સાધનો અને મોકાની જગા પર મોટી કલીનિક કે હોસ્પિટલ. મમ્મી-પપ્પા આખરે તો પગારદાર હતા. હું તો જાણતો જ હતો કે સાદી પ્રેક્ટિસ અને સેટ અપ ઉભુ કરતા સ્હેજે સાત-દસ વર્ષ લાગી જશે..અમારૂં જૂના મિત્રો અને કલબ, સોસાયટી વગેરેના મિત્રોનું એક ગુ્રપ હતું. જેમાં બધા જ પરણીત હતા. જેમાં શ્રીમંતો પણ હતા અમે મહિનામાં એક વખત તો કોઈના ફાર્મ હાઉસ, વોટર પાર્ક, રેસ્ટોરાં કે મૂવિમાં બધા સાથે જતા જ.
ગીતા મને આડકતરી રીતે કહેતી કે, ‘‘તું તારી પ્રેક્ટિસ અને કારકિર્દીમાં પાછળ રહી ગયો.’’ ત્યાર પછી ગીતા અમારા મિત્ર વર્તુળના નામ આપીને મને કહેતી કે, ‘‘અનુજ કલીનીક અને હોસ્પિટલની વિઝિટમાં મહિને રૂા. ત્રણ લાખ કમાય છે. અનુજ-અંજુ (તેની વાઇફ) અને બીજા ત્રણેકનું ગુ્રપ આ વેકેશનમાં યુરોપની ટૂર કરવાના છે. આપણે તો ક્યાંથી જઈ શકાય. (નિઃસાસો અને ટોણાયુકત ટોન સાથે)’’
કોઈ વખત ગીતા મિત્ર વર્તુળમાં બધા પાસે કેવા લેટેસ્ટ મોડેલ છે અને આપણે તો લગ્ન થયે ત્રણ વર્ષ થયા તો પણ કાર બદલી નથી શકતા તેની વેદના વ્યક્ત કરતી હતી. એક વખત મને કહે કે, ‘‘તમારે પપ્પા પાસેથી રૂપિયા મંગાય જ નહીં તેવું ના હોય.’’
મારી પ્રેક્ટિસ તગડી નહોતી પણ સાવ ઓછી પણ નહોતી.
હું બિનજરૂરી ઉડાઉ કે દેખાદેખીમાં નહોતો માનતો. અમે મુવિ, રેસ્ટોરાં નાના પ્રવાસો બઘુ જ માણતા પણ સંયમથી.
દાંમ્પત્ય જીવનના આવા પાંચેક વર્ષમાં અમારે બે સંતાનો પણ થયા. અમારા કરતાં મારા મમ્મી-પપ્પાને પૌત્ર-પૌત્રી માટે અનેરો આનંદ હતો. તેઓનો તમામ સમય બાળકો જોડે જ વીતતો હતો. ઘણી વખત મને લાગતું કે મમ્મી-પપ્પા હવે મારા વગર રહી શકે પણ બે સંતાનો વગર ના રહી શકે. અનહદ પ્રેમ અને આસક્તિ મિશ્રિત તે સ્થિતિ હતી.
એક દિવસ મને મારા પપ્પાએ શાણપણ બતાવતા સમજાવ્યું કે, ‘‘આપણા બંનેની બચત ઉમેરીને તું એક લોન લઈને મારા એરિયામાં એપાર્ટમેન્ટમાં બુકંિગ કરી દે. આગળ જતા કંિમતને આપણે સ્પર્શી જ નહીં શકીએ.’’
મેં એપાર્ટમેન્ટ ખરીદ્યો. પપ્પાએ તે વખતે કહ્યું કે, ‘‘બેટા, લક્ષ્મીના પગલે પ્રગતિ થતી હોય છે. એપાર્ટમેન્ટના સહમાલિક તરીકે ગીતાનું પણ નામ રાખજે.’’
મારી પણ અંદરથી તેવી ઇચ્છા હતી જ. મેં તેમ જ કર્યું. ગીતાને એપાર્ટમેન્ટ બુક કરાવ્યો તેની ખુશી કરતા શોપંિગ, પ્રવાસ અને મોજ-મસ્તીમાં મનફાવે તેમ મહાલી નહોતી શકતી તેનો રંજ વધારે રહેતો હતો. મોટેભાગે તો મોબાઈલ પર મિત્ર વર્તુળ જોડે વાતોમાં વ્યસ્ત રહેતી હતી. મને દરેક વખતે સિનેમા, રેસ્ટોરા કે પાર્ટી, ગિફટનું કલ્ચર પસંદ નહોતું. મારો ઉછેર શિક્ષણ, જ્ઞાન જુદા જુદા વિષયોમાં રસ-રૂચિથી સભર હતો. નર્યો ભૌતિકવાદ અકળાવતો હતો. તો બીજી તરફ ગીતાનું હાલનું સ્વરૂપ જોતા હું કોલેજની તે મુગ્ધ છતાં ડાયનેમિક ગીતાને યાદ કરીને વ્યથિત થતો.
હવે ગીતા હું મારી પ્રેક્ટિસમાં અને વાંચનમાં વ્યસ્ત હોંઉ ત્યારે અમારા ગુ્રપના કેટલાંક કપલ્સ જોડે એકલી જવા માંડી. તેના જેવી બીજી મિત્ર યુવતીઓ પણ એકલી સામેલ થતી હોઈ મને કંઈ અજુગતુ નહોતુ લાગતું. મારે કોન્ફરન્સમાં જવાનું હોય ત્યારે પણ ગીતા આ રીતે સિનેમા, કલબ કે પાર્ટીમાં જતી હતી. કોઈ વખત મોડી સાંજે કલીનીકથી આવું ત્યારે ગીતા ઘેર જ ના હોય તેવું બનતું ગયું. બંને સંતાનોમાં મમ્મી-પપ્પા તો ઘેલા જ થઈ ગયા હતા. ઘરમાં રસોઈ કરનાર બાઈ પણ હતી.
ગીતા હું આપતો તેના કરતા વઘુ રકમનું શોપંિગ, લોકર, ચંપલ, જવેલરી લઈને આવતી હતી.
હવે મેં પાર્ટિમાં તેના પર નજર અને નિયંત્રણની જરૂર લાગતા જવાનું શરૂ કર્યું. મને લાગ્યું કે હું સાથે હોઉં તે ગીતાને નહોતું ગમતું. અમારા ગુ્રપના આવા મિલન દરમ્યાન મેં જોયું કે ગીતા અને સંજીવની બોડી લેંગ્વેજ, મસ્તી અને છેડછાડ કંઈક અજુગતી લાગતી હતી. સંજીવ મારા એક ડૉક્ટરના મિત્ર તરીકે અમારા ગુ્રપમાં છેલ્લાં વર્ષોમાં સામિલ થયો હતો. સંજીવ શેર બ્રોકર છે. મોટી કાર લઈને આવે. બધા માટે ફાસ્ટફૂડના પાર્સલો લઈને આવે.
મૂવિ ટિકિટો, મોંઘી ગિફટ આપતો રહે. સંજીવે પોતે પણ લવમેરેજ કર્યા હતા, તેની પત્ની પણ ગુ્રપમાં સામેલ રહેતી. પણ તેના હાલ મારા જેવા હતા. સંજીવ વાચાળ અને અવનવી ફેશન-એસેસરિસ સાથે ઘ્યાન ખેંચે.
મારા ડૉક્ટર મિત્રોને મેં એક વખત કહેલું પણ ખરૂં કે યાર, આ ન્યુસન્સને કયાં ગુ્રપમાં સામેલ કર્યો. ત્યારે તેઓ કહેતા કે મફતમાં સેન્ડવીચ, પીત્ઝા મળતા હોય તો જલસા કરને.
અમે બધા અવારનવાર શોર્ટ ટ્રીપ અને વેકેશનમાં દુર પણ જતા હતા.
આ તરફ ગીતાનું ઘરની બહાર જવાનું વધવા માંડયું. હવે તો તે મને અગાઉથી જણાવતી પણ નહીં.
મમ્મી-પપ્પાને ગીતાની જીવનશૈલી ગમતી નહોતી પણ તેઓ તો સંતાનોને બહાર ગાર્ડનમાં કે સાયકલ ફેરવવામાં જ ગળાડૂબ રહેતા. બાકીનો સમય ‘એ ફોર એપલ’માં વિતાવતા.
એ રાત્રીની યાદ કરતા મને આજે પણ કંપારી છુટી જાય છે. (નજીક પડેલા પ્યાલામાંથી ડો. ગાંગુલીએ પાણીનો ધુંટડો પીતા)
ગીતાએ કોઇપણ જાતના ખચકાટ વગર કહી દીઘું કે હું આ ઘરમાં અને તારી બોરંિગ એટીટ્યુડથી ગુંગળાઇ ગઇ છું. આ તે કંઇ લાઇફ કહેવાય. તું નિરસ છે. સંજીવ કેટલો લાઇવ, રોમેન્ટીક અન જીવનને માણી જાણનારો છે. પાંચ વર્ષ પહેલા કંઇ નહોતો. આજે કેવી પ્રગતિ કરી છે. તેણે મને એક એપાર્ટમેન્ટ લઇ આપ્યો છે. સંજીવ પણ મહત્તમ સમય મારી જોડે રહેશે. તેની પત્નીને પણ અમારા સંબંધની જાણ કરી દીધી છે. સંજીવ જોડે અત્યારે તો લિવ ઇન રિલેશનશીપ રાખીશ. સંજીવ પણ તેની વાઇફ શુષ્ક હોઇ લગ્ન કરીને પસ્તાય છે.
મારા પર તો જાણે વીજળી ત્રાટકી. થોડી ગંધ તો આવી ગઇ હતી. પણ આ હદે નિર્લજ્જ અને તેના કરતા પણ વઘુ નફ્‌ફટ નિર્ણય જાણતા મારા પર હૃદયરોગનો હુમલો આવવાનો જ બાકી હતો.
મેં સમસમી જતા છેલ્લા અને એકમાત્ર ઉપાય તરીકે દબાતા અવાજે પુછ્‌યું ઃ ‘‘અને બે સંતાનો?’’ ગીતાએ બદલેલો નાઇટ ગાઉન લેતા કબાટનું બારણું પછાડીને કહ્યું કે ‘‘તે ભલે અહીં રહેતા મને વાંધો નથી.’’
તમે સમજી શકો છો કે મારા પર કેવી વીતી હશે. સંજીવે કઇ હદે ગીતા પર ભૂરકી છાંટી હશે. ભારે હંિમત કરીને મેં મારા મમ્મી-પપ્પાને ગીતાના નિર્ણયની જાણ કરી.
મમ્મી-પપ્પાએ પણ કારમો આઘાત અનુભવ્યો. પણ જ્યારે જાણ્યું કે બંને સંતાનો આપણે ઘેર જ રહેવાના છે તે સાથે જ તેઓએ ફરી સંતાનો તો આપણી પાસે જ છે ને તેવું મોહમય આશ્વાસન લીઘું.
અમારા પર કેવી વીતી હશે તેની તમે કલ્પના જ કરી શકો છો.
ગીતા અલગ એપાર્ટમેન્ટમાં સંજીવ સાથે રહે છે. સંજીવ તેના જુના ઘેર પણ જાય છે. અમે વઘુ પડતા સંસ્કારી અને કદાચ કાયર હોઇએ તેમ લાગે છે. ગીતા કોઇ વખત અમારા ઘેર આંટો મારે છે. સંતાનોને મમ્મી જોડે સમય વીતાવવા મળે એટલે તેને ઘેર આવવા પણ દઇએ છીએ. સંતાનો પણ દાદા-દાદી પાસે જ રહેવા માગે છે.
આ વાતને બે વર્ષ વીતી ગયા છે. છેલ્લા દોઢ વર્ષથી હું તેની પાસે છૂટાછેડાની માંગ કરૂં છું. પણ ગીતા ઇન્કાર કરી રહી હતી. હવે તે મોટી રકમના વળતરની શરતે છૂટાછેડા આપવા તૈયાર થઇ છે.
તે માટે અમે રકમ ભેગી કરી તે સાથે જ તેને અચાનક યાદ આવતા નવી શરત ઉમેરી કે ‘‘પેલો એપાર્ટમેન્ટ? જેમાં મારૂં પણ સંયુક્ત નામ છે તે વેચીને અડધી રકમ પણ મને આપી દો.’’ આ એપાર્ટમેન્ટના હાલ રૂ. દોઢેક કરોડ આવે તેમ છે.
ડો. ગાંગુલી કહે છે કે મારી ઉંમર ૩૨ વર્ષની છે. મારે ફરી લગ્ન કરવા છે. મારા મમ્મી પપ્પાના ચહેરા પરની ગ્લાનિ મારાથી નથી જોઇ શકાતી. હવે તો મારી પ્રેક્ટીસ પણ સારી છે. અલબત્ત હું આજની ઘણી છોકરીઓ અપેક્ષા રાખે તેવો ‘ચીપ રોમેટંિક’ નથી. કે ‘એશ કરી લોને’ તેવો નથી. આ વજ્રઘાતથી થોડો ગંભીર બની ગયો છું.
એક સંસ્કારી કુટુંબની જેમ તમામ મોજશોખ, ખાણી-પીણી સંયમમાં જરૂર માણું છું. બધાને આદર આપું છુ ને તેની ઝંખના પણ રાખું છું.
ડો. ગાંગુલી તેની ક્લિનીક પર તેની ત્રણેક વર્ષ જુની કારમાં જતો હોય છે. ત્યારે બાજુમાંથી ગીતા તેની મોટી પોશ કારમાંથી ગોગલ્સથી ઢંકાયેલી આંખો વડે તેના પતિ સામે તીરછી નજરે જોઇ લે છે. ડો. ગાંગુલી ભીની આંખો સાથે કોલેજ કેમ્પસના તે દિવસોના ફ્‌લેશબેકને ફાસ્ટ ફોરવર્ડ કરી લે છે. એક જમાનામં વિરહની વેદના વ્યક્ત કરવા ‘‘દો હંસો કા જોડા બિછડ ગયો રે’’ તેમ કહેવાતું આજના જમાનામાં હંસોના જોડા આ રીતે છુટા પડી જાય છે.

Share |
 

Gujarat Samachar Plus

મતભેદ તો ઘણાં થયા પણ મનભેદ ક્યારેય નહીં
શહેરની ગર્લ્સ પણ બોલે છે ગંદી ગાળો યુ બ્લડી એ...હો...
જીટીયુનો પેટન્ટ એપ્લીકેશન પ્રોગ્રામ
એકસ સ્ટુડન્ટસનો કોલેજના જુનિયર્સને હેલ્પ કરવાંનો ફંડા
ચાઇલ્ડ એક્ટિવીટીમાં માર્શલઆર્ટની બોલબાલા
 

Gujarat Samachar glamour

ડર્ટી પિક્ચરને આપેલો નેશનલ એવોર્ડ પાછો ખેંચાશે?
જોયાની ડોક્યુમેન્ટરીમાં કેટરીના
મેગન ફોક્સ હાસ્ય-ભૂમિકા કરીને ખુશ
કરીના ઓછી ફિલ્મો સાઈન કરવા માંડી!
પ્રતિક બબ્બરે નાનીની ગંગામાં ન્હાવાની ઈચ્છા પૂરી કરી
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved