Last Update : 02-May-2012, Wednesday

 

હે પરમાત્મા! આ ગરીબ ઓરતના આંગણે કોક મદદગાર દેવદૂતને તો મોકલો...- હિમાદ્રિ

રણને તરસ ગુલાબની - પરાજિત પટેલ

 

‘હું ક્યાંથી લાવું પૈસા?’
શબ્દો છે સાવ કંગાલ દશામાં જીવતા પરિવારની એક ચાલીસ વર્ષીય સ્ત્રીના. એના ચહેરા પર કિસ્મતની કઠોરતાના ચાસ ચીતરાઇ ગયાં છે! જાણે જંિદગી જીવતી ન હોય, પણ ઢસડ બારો કરતી એક ઓરતના... અને શબ્દો જેમની તરફ ફેંકાયા છે, એ છે એનાં બે બાળકો અને પતિ.. મોઢા પર ઉદાસી અને વિષાદનાં વાદળાં ઓઢીને એ આગળ કહે છે ઃ ‘શું કરું? હું થાકી ગઇ છું, કંટાળી ગઇ છું. અભાવોની શૂળો ભોંકાતી હોય ત્યાં હું કરું શું? શી રીતે લાવું તમારી ચોપડીઓના પૈસા? ને તમે ય સાંભળો, મને ય તમે સાજાનરવા થઇ જાવ એ ગમે છે. પત્ની છું તમારી. પણ હું ક્યાંથી લાવું તમારી દવાના પૈસા?’ નામ છે હિમાદ્રી.
પતિનું નામ છે નૌતમભાઇ.
પણ બિચ્ચારી હિમાદ્રિ?! પૈસા પૈસા માટે મોહતાજ છે. આખો દિવસ રઝળપાટ કરે છે. ઘર ઘરના બારણે જઇને સાદ દે છે ઃ ‘પાપડ લેવા છે, સાહેબ?’ હા, હિમાદ્રિ કોક વેપારીના ત્યાંથી ઉધારમાં મઠિયાં- પાપડ લઇ આવેછે ને પછી શરૂ થઇ જાય છે એની પાપડયાત્રા. ક્યાંક આવકાર, તો ક્યાંક અપમાન!
પાપડ લેવા છે, માડી?
મઠિયાં લેવાં છે, મેડમ?
ચાલે છે જંિદગી... અભાવો વચ્ચે જીવાય છે જંિદગી. ઢસરડા કરતી આગળ વધે છે જંિદગી. હા, સવારના પહોરમાં સ્નાન વિધિ પતાવી દર્શન કરવા જરૂર જવાનું. પરમાત્મા સમક્ષ હાથ જોડીને ખડા રહેવાનું. ને કહેવાનું ઃ ‘હે પ્રભુ, મારા પર કાંક તો કૃપા કરો!’ બસ, આટલી જ વાત! આટલી જ યાચના! આટલા જ શબ્દો! પરમાત્મા બઘું જ જાણે છે, એમનાથી ક્યાં કશું અજાણ્યું છે? એમને તો આટલા આઠ શબ્દો બસ થઇ ગયા! જગતના સ્વામીને ઝાઝું કહેવાનું શું હોય? ઠીક છે થોડું ઘણું મળે છે. શાક રોટલાનો વેત થઇ જાય છે... હા, ક્યારેક એય નથી બનતું ત્યારે સૌને પાણી પીવડાવીને સુવાડી દે છે... નૌતમભાઇ સાથે પરણીને તે અહીં આવી ત્યારે તો ઠીક ઠીક હતું. ગળી - કપૂર ને ટીનોપલ વેચવાનું કામ કરતા હતા.. ઠીક છે, ગુજરાન ચાલતું હતું. સવારે ને રાત્રે સૂતાં પહેલાં માળા કરવાની... એકવાર જાત્રાએ પણ જઇ આવ્યા.. પણ એક દિવસે બન્યું એવું કે-
‘હિમાદ્રી!’
‘શું છે?’
‘મને દુઃખે છે.. રહેવાતું નથી.’
‘ક્યાં દુઃખે છે?’
‘છાતીમાં!’
હિમાદ્રિને ફાળ પડી... હેં? છાતીમાં? હૃદયની તો કોઇ તકલીફ નહિ હોય ને? હાર્ટની બાબતમાં ઝાઝી વાટ જોવાની નહિ... દવાખાને નૌતમભાઇને લઇને પહોંચી ગઇ હિમાદ્રિ... રીપોર્ટ આવ્યો ઃ ‘હાર્ટ પહોળું થાય છે... એડમીટ થવું પડશે!’
હાર્ટનો પ્રોબ્લેમ.. હાર્ટ એકસ્પાન્ડ થાય છે.. શ્વાસ તૂટી જાય છે.. ભયાનક થાક લાગે છે.. ક્યારેક ચક્કર આવી જાય છે.. આંખ સમક્ષ અંધારાં છવાઇ જાય છે.. ક્યારેક લથડી પડાય છે. લથડાતા પતિને પકડી લે છે હિમાદ્રિ! હવે? દવાખાનામાં એડમીટ કરવા પડ્યા નૌતમભાઇને! થોડાક દિવસની ટ્રીટમેન્ટ પછી ડૉકટરે દવાઓ લખી આપી.. લઇ જાઓ ઘેર. નિયમિત દવાઓ આપજો.’
દવા અપાય છે.
ટીકડીઓ ગળાવાય છે.
માલિશ કરાય છે.
પણ કોઇ ફેર નહિ.
કોઇ સુધારો નહિ.
ઘરનો મોભ જાણે ઘૂ્રજી ઊઠ્યો છે.. પડું પડું થઇ રહ્યો છે.. ને આખું ઘર ઘૂ્રજવા લાગી ગયું છે.. આવક બંધ.. ધંધો બંધ.. ખર્ચાનો પાર નહિ. ડગલે ને પગલે દવા.. ડગલે ને પગલે પૈસા... દવા ખાવ ને જીવો.. જીવતરને રબરની જેમ ખેંચો...
જીવવાનું નથી.
જીવતરને ખેંચવાનું છે.
જેમ તેમ જીવી નાખવાનું છે.
બેબી મેઘા તેર વરસની થઇ... સ્કૂલમાં ભણે છે.. ભણતર મોંધું થયું છે.. રાજકારણીઓએ ભણતરના પેટમાં ભાલા ભોંકી દીધા છે.
પૈસા ફેંકો.
તમાશા દેખો.
નૌતમભાઇ હવે કશું જ કરી શકે તેમ નથી. હાર્ટ પર હાથ રાખીને બેસી રહે છે. ખાટલા સાથે પ્રીત બાંધી દીધી છે... ખાટલામાં પડ્યા રહો. હરફર ન કરો. દવાના ડૉઝ ગટગટાવો. ટીકડીઓ ગળો. સમય સમયે નજીકના ડૉકટરને ત્યાં જઇને ઈંજેકશન લઇ આવો.
‘હું શું કરું?’
મોટામાં મોટો સવાલ છે. ને આ મોટો સવાલ હિમાદ્રિના માથા પર ઝીંકાયો છે... કંઇક તો કરવું પડશે.. હાથ હલાવવા પડશે. ચાર જણનો પરિવાર છે.. ચાર જણને ચાર ચાર પેટ છે... ને આ કમબખ્ત પેટ સાત- સાત કલાકે ભૂખ્યું થઇ જાય છે.. હિમાદ્રિને બઘું જ યાદ આવે છે... પરમાત્માનું નામ યાદ આવે છે.. પરમાત્મા તો કરૂણાના સાગર છે ઓ પ્રભુ! ક્યાં સુધી કસોટી કરશો? કૃપાનો કર લંબાવો, પ્રભુ! આ ઘરનો પણ ગૌરવવંતો ઈતિહાસ છે.. હિમાદ્રિના દિયરે સંસાર છોડીને વીતરાગની વાટ પકડી લીધી છે.. દીક્ષા અંગીકાર કરીને સાઘુત્વ અંગીકાર કરીને સાઘુત્વ ગ્રહણ કરીને આજે તો ઠેરઠેર વિચરણ કરી રહ્યા છે... અરે, હિમાદ્રિની બહેન પણ વીતરાગની વાટે સંચરણ કરી ચૂકી છે. પૂ. સાઘ્વી મહારાજ બનીને ઠેરઠેર વિચરણ કરી સ્વ જીવનને સાર્થક કરી રહ્યાં છે! પુણ્યનો પ્રભાવ છે...
પણ હિમાદ્રિ?
પાપડ વેચે છે, મઠિયાં વેચે છે, ઘેર ઘેર ફરે છે... થોડુંક મળે છે. ગલીબનો રાજીપો ય સાવ નાનો હોય છે. સાંજ પડ્યે થોડુંક પરચુરણ હાથમાં આવે, એટલે રાજી રાજી... ધનવાન રાજી થાય ત્યારે મર્સીડીઝ બેન્ઝમાં બેસીને ફાઇવસ્ટાર હોટેલમાં જાય! પણ અભાવોથી ત્રસ્ત, પૈસા પૈસા માટે મોહતાજ કોક ગરીબ રાજી થાય ત્યારે રોટલા પર મરચું ચોપડીને ખાય ઃ ‘હા..શ!’
પતિદેવ હાર્ટના પ્રોબ્લેમથી પીડાય છે.
ડૉકટર છુટી પડ્યા છે.
દવાઓ ખાધા કરો. ટેબલેટ્‌સ ગળ્યા કરો.. આ જ લાઇફ લોન્ગ મેડીસીન છે.. દવા બંધ ન કરશો.
દમ પણ ચઢે છે.
ક્યારેક શ્વાસ લેવામાં પણ મુશ્કેલી પડે છે.
તરફડે છે નૌતમભાઇ! જીરવાતું નથી દુઃખ! અડવડિયાં ખાય છે નૌતમભાઇ! લાચાર બનીને છાતી પર હાથ દબાવી રાખે છે નૌતમભાઇ! બઘુંય સમજે છે... હિમાદ્રિના પીડાને ય સમજે છે.. એ મનોમન પીડાય છે. મનમાં જ બળતરા અનુભવે છે બોલતી નથી, બળે છે જરૂર!
દીકરો નીલ.. હજી નવ વર્ષનો છે.
દીકરી જીલ.. તેર વર્ષની છે.
બે ય ભણે છે... પુસ્તકોના પૈસા નથી.. ફીના પૈસા નથી. ક્યારેક રડતાં રડતાં કહે છે ઃ ‘મમ્મી! પુસ્તકો?’ ને પછી ઘરની સ્થિતિ સમજનારાં કોઠાડાહ્યાં બેય બાળકો આગળ કશું જ ન બોલતાં રડી પડે છે... લાચાર બનીને જોઇ રહે છે હિમાદ્રિ પોતાનાં સમજણથી ભર્યાં ભર્યાં સંતાનોને... એટલું વળી સારું છે કે ભાઇ ભાગમાં મકાનનો ઉપરનો માળ આવ્યો છે.. નહિતર ક્યાં ક્યાં ભટકતાં હોત? શી દશા થાત બધાંની? ભાડાના પૈસા ક્યાંથી લાવત? હું તો પેટ ભરવાના પૈસા લાવું કે દવાના કે પછી છોકરાંની ફીના? ક્યાંથી લાવું પૈસા? એક દિવસે રાત્રિના અગિયાર વાગે અચાનક નૌતમભાઇની આંખ ખુલી ગઇ.. એમને અંદરના રૂમમાંથી કશોક અવાજ આવતો હોય એવું લાગ્યું.. એ લાકડીના ટેકે ઊભા થયા. આડું કરેલું બારણું ખોલતાં જ જોયું તો હિમાદ્રિ ડૂસકાં ભરી રહી હતી. એના ખભે હાથ મૂકીને નૌતમભાઇ બોલ્યા ઃ ‘કેમ રડે છે, હિમાદ્રિ?’
‘રડું નહિ તો શું કરું? મારાં બે ય છોકરાં આજે માત્ર છાશ પીને સૂઇ ગયાં છે. આપણે તો ઠીક, પણ આ ફૂલ જેવાં બાળકની ય પ્રભુને દયા નથી આવતી?!’
‘આવશે! જરૂર દયા આવશે! કરૂણાનિધાન પરમાત્મા જરૂર કોઇ મદદગારને મોકલીને એમની કરૂણતાનો પ્રવાહ વહાવશે... તું ધીરજ ધર..’
ને ા સાવ સાચી ઘટનાની નાયિકા વધારે ડૂસકાં ભરવા લાગે છે.. જીવતાં જાગતાં આ પાત્રો આજે ય કદીક છાશના ધૂંટડા ભરીને સૂઇ જાય છે. ગરીબીની ડાકણે એમની જંિદગીઓની ખુશીઓને ચાવી ખાધી છે, છતાં હિમાદ્રિ પ્રભુ સામે ઊભી રહીને પ્રાર્થના- યાચના કર્યે જાય છે.
(સત્ય ઘટના, પાત્રોનાં નામ બદલી નાખ્યાં છે.)

Share |
 

Gujarat Samachar Plus

મતભેદ તો ઘણાં થયા પણ મનભેદ ક્યારેય નહીં
શહેરની ગર્લ્સ પણ બોલે છે ગંદી ગાળો યુ બ્લડી એ...હો...
જીટીયુનો પેટન્ટ એપ્લીકેશન પ્રોગ્રામ
એકસ સ્ટુડન્ટસનો કોલેજના જુનિયર્સને હેલ્પ કરવાંનો ફંડા
ચાઇલ્ડ એક્ટિવીટીમાં માર્શલઆર્ટની બોલબાલા
 

Gujarat Samachar glamour

ડર્ટી પિક્ચરને આપેલો નેશનલ એવોર્ડ પાછો ખેંચાશે?
જોયાની ડોક્યુમેન્ટરીમાં કેટરીના
મેગન ફોક્સ હાસ્ય-ભૂમિકા કરીને ખુશ
કરીના ઓછી ફિલ્મો સાઈન કરવા માંડી!
પ્રતિક બબ્બરે નાનીની ગંગામાં ન્હાવાની ઈચ્છા પૂરી કરી
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved