Last Update : 02-May-2012, Wednesday

 

વેકેશનવિહાર

અનાવૃત - જય વસાવડા

- ભારતની પાડોશમાં આવેલું જાણીતું, છતાં અજાણ્યું એક શાનદાર શહેર !

 

આસપાસ મઘુર સંગીત રણઝણી રહ્યું છે. સોહામણી યુવાન નૃત્યાંગનાઓ લોભામણા મેઘધનુષી વસ્ત્રોમાં નૃત્ય કરી રહી છે. જવાનો તલવારો લઈ જોશીલું નૃત્ય કરે છે. ડિનરનો ઓર્ડર અપાયો છે. મેનુમાં જ્યાં જ્યાં પોર્ક (ડુક્કરનું માંસ) છે, એને વેજીટેરિયન ફોર્મ આપવા ત્યાં ત્યાં પમ્પકીન (કોળું) કરી નાખવામાં આવ્યું છે. સ્વાદિષ્ટ ટોમેટો સોસ સાથે પમ્પકિન ચિપ્સ ખાતા ખાતા ફણસી જેવું મોર્નંિગ ગ્લોરી નામનું શાક પીરસાય છે. વધારે પડતું ગળ્યું લીલું નાળિયેર આવે છે. અને એક વાંસની બનેલી બાસ્કેટ આવે છે. એનું ઢાંકણું ઉઘાડો તો અંદર શું જોવા મળે છે ?
ચીકણા એવા બાફેલા ચોખા ! બાજુમાં બેઠેલા થાઈ સન્નારી સુલદાજી વહાલથી સમજાવે છે ઃ આ છે સ્ટિકી રાઈસ ! મતલબ ચોંટતા ચોખા ! એ ગુંદરિયા ચોખા અણીદાર ટૂથપિક જેવી વાંસની સળીની અણીમાં ભરાવીને ચપ્‌ ચપ્‌ ચાવવાના !
આ જગ્યા છે, ઓલ્ડ ચ્યાંગ માઈ કલ્ચરલ સેન્ટર, થાઈલેન્ડ ! જ્યાં અદ્‌ભુત સાંસ્કૃતિક નૃત્યો અને જીવંત લોકસંગીતના સથવારે બાજોટ પર મળતા ભોજનનો રજવાડી આસ્વાદ માણી શકાય.
***
શહેરથી થોડા કિલોમીટર દૂર એક પાર્ક છે જે ઓર્ડિનરી બગીચો નથી. દાખલ થતાં વેંત લાકડાના પ્લેટફોર્મ પર બનેલું એક રેસ્ટોરન્ટ દેખાય છે. ફરતે લીલાંછમ વૃક્ષો છે. મનમાં થાય છે, નથંિગ સ્પેશ્યલ. પણ પછી એન્ટ્રી ટિકિટ લઈને અંદર જવાનું શરૂ થાય ત્યારે સ્પેશ્યલ નજારો શરૂ થાય છે. આ છે ‘ટાઈગર કંિગ્ડમ’ ! જ્યાં માત્ર પંિજરે પુરાયેલા વાઘને જોઈ જ નથી શકાતા, પણ એની સાથે ફોટો (એક નહિ, પ્રોફેશનલ ફોટોગ્રાફર ભાડે લીધો હોય તો અનેક ! જે બહાર નીકળતા સીડીમાં આપી દેવામાં આવે !) પડાવી શકાય છે. અરે ! જીવતાં હટ્ટાકટ્ટા વાઘનું ઓશિકું બનાવીને સૂઈ શકાય છે !
ટાઈગર કંિગ્ડમ એક વન્સ ઈન એ લાઈફટાઈમ એનો એક્સપિરિયન્સ છે ! એક-બે નહિ, માંદલા ઘરડાંખખ નહિ, દસ-બાર ખાધે પીધે સુખી એવા મહાકાય વાઘોની વચ્ચે ‘લાઈવ’ ફરવાનું ! (અને લાઈવ જ બહાર નીકળવાનું ! યુ નો !) વાઘના નાનકડાં નિર્દોષ બચ્ચાંને પણ ખોળામાં રમાડી શકાય, પણ એ ઓછાં જોખમી હોય, એનો ભાવ વઘુ હોય ! થ્રીલર એક્સપિરિયન્સ તો આ બિગ કેટ્‌સ યાને પીળી ખાલ પર કાળા ચટાપટાવાળા બાઘડબિલાડાઓ સાથે જ આવે ને ! એને પીઠેથી પકડવાનો, એને પેટેથી પસવારવાનો, એના ઉપર ઢળીને એને ભેટવાનું, એના પર માથું રાખીને ઉંઘી જવાનું !
ટાઈગર કંિગ્ડમ વિશે શરૂઆતમાં તો ડઘાઈ ગયેલા એવી ચર્ચાઓ ચાલી કે, ટાઈગર્સને ડ્રગ્સ અપાતા હશે. ઘેનમાં રખાતા હશે. પણ વાસ્તવિકતા એ છે કે આ વાઘજીભાઈઓ અને વાઘણભાભીઓને બચપણથી અહીં મોજમાં રખાય છે. એમને કંટ્રોલ કરનારા ટ્રેનર કોઈ હથિયાર નહિ, પણ નાક પર પછડાતી સાદી નેતરની સોટીથી જ એમને કાબૂમાં રાખે છે ! અગાઉના અનુભવે વાઘ ઇશારા સમજે છે.
અહીં વાઘો હંિસક કરતાં વઘુ રમતિયાળ છે. અને એમની વચ્ચે જવામાં કોઈ ડર રાખવાની જરૂર નથી. એ વાઘ છે, માણસ નથી કે સતત તમારો શિકાર કરીને તમને ઇજા પહોંચાડવાની જ ફિરાકમાં રહે ! ટાઈગરની નીઅર જઈને ટાઈ પહેરાવી શકો એવો આ વન્સ ઈન એ લાઈફટાઈમ જેવો એક્સપિરિયન્સ આપતું ટાઈગર કંિગડમ કયા શહેરની ભાગોળે છે ?
ચ્યાંગ માઈ, થાઈલેન્ડ
***
થાઈલેન્ડ ગુજરાતીઓનું એટલું ફેવરિટ ટુરિસ્ટ પ્લેસ છે કે એના વિશે વેકેશનમાં પ્રવાસ કરી શકતા દરેક પરિવાર પાસે જનરલ નોલેજ હોય છે ! કારણ કે, કેરળ કે કાશ્મીર જેવી સ્વદેશી ટ્રિપ કરતા થાઈલેન્ડની વિદેશી ટ્રિપ સસ્તી પડે છે. વળી થાઈલેન્ડ ઘણા ગુજરાતી પુરૂષો અને ઇન્સેન્ટિવ આપતા કોર્પોરેટ વર્લ્ડ માટે તો ‘લેન્ડ ઓફ થાઈઝ’ હોય એવું જ ‘ડર્ટી પિક્ચર’ અમુકના મનમાં ઉપસે છે. જાણે આખો દેશ એક રેડલાઈટ એરિયા હોય ! એટલે કેટલાક તો બીજું કશું જોતાં જ નથી, અને બેંગકોક-પતાયા-ફુકૈતની ટ્રિપ મારીને ‘જલસા’ ભોગવી પાછા આવે છે ! એમની પાસે આ બધી જ ‘ઇનસાઈડ’ ઇન્ફોર્મેશન હોય છે, પણ થાઈલેન્ડની ઇનસાઈડ શું છે, એનું ‘સ્પેશ્યલ નોલેજ’ હોતું નથી !
એટલે જ બહુ ઓછા ગુજરાતીઓ ફેમિલી વેકેશનના આઈડિયલ સ્પોટ ચ્યાંગમાઈ જે બેંગકોકથી હવાઈમાર્ગે દોઢ કલાક (ટ્રેન/બસ માર્ગે ૭૫૦ કીમી) દૂર છે, એ ઉત્તરી વિસ્તારમાં જવાની તસદી લે છે. અદ્‌ભુત પુષ્પોત્સવ રોયલ ફ્‌લોરા માણવા જાન્યુઆરીમાં ચ્યાંગ માઈ જવાનું થયું, ત્યારે જ નક્કી કરેલું કે રજાઓના ગાળામાં આ ફેમિલી વેકેશન સ્પોટ તરફ રીડર બિરાદરોનું ઘ્યાન ખેંચવું. જ્યાં થાઈલેન્ડ ટુરિઝમની બધી ખાસિયતો હોવા છતાં, અકળાવી અને ગૂંગળાવી દેતી ભીડ નથી. પાટનગરથી દૂરનો પહાડી પ્રદેશ હોઈને (અને નદીઓ, જંગલો, પર્વતો વચ્ચે દરિયા કિનારો ન હોઈને) ત્યાં એક પ્રકારની વર્જીન એક્સ્પ્‌લોરેશનની ફીલીંગ છે !
ચ્યાંગ માઈ એટલે શબ્દશઃ નવું શહેર. ચ્યાંગ એટલે શહેર અને માઈ એટલે નવું ! જો કે, એ વસાવાયેલું ૧૨મી-૧૩મી સદીમાં પણ આજે ય શહેરમાં ફરો એટલે વચ્ચોવચ્ચ રહેલી પંિગ નદી પહેલા દેખાય. એના એક કિનારે કિલ્લાની રાંગ અને એકાંદ રેસ્ટોરાઝ છે, તો બીજા કિનારે ધમ્માલ ભીડભાડ ! રિવરબોટંિગ વિથ ડિનર પણ થઈ શકે છે ! અને કેટલુંક થાઈ ફૂડ મસાલેદાર ભારતની યાદ પણ અપાવી દે ! ઈંડા ખાવાનો પરહેજ ના હોય, એમણે શેરીમાં ઉભેલી લારીઓ પર બનાના રોટી (કેળાં-ચપાતી) ખાસ ચાખવી અને થાઈલેન્ડના ફ્રુટ્‌સની સૂકવણી પણ અવેજીમાં ચાલે !
પણ ચ્યાંગ માઈ ‘પેન્શન હેવન’ કહેવાય છે. અમેરિકા, યુરોપ, ઓસ્ટ્રેલિયા, જાપાન જેવા સમૃદ્ધ દેશોના ઘણા એકલવાયા વૃદ્ધ પેન્શનર્સ રિટાયરમેન્ટ બાદ ઠંડાગાર શિયાળામાં બેસીને ટાયર્ડ થવા કરતાં હૂંફાળા પૂર્વ એશિયામાં આવે છે. અને ગુજરાતીઓમાં પ્રચલિત માન્યતાથી વિરૂદ્ધ થાઈ સ્ત્રીઓ ઘણી ઘરરખ્ખુ અને કુટુંબપ્રેમી ગણાય છે. એટલે વફાદાર સાથી પણ ઘણા સંિગલ/વિઘુર પ્રૌઢ પુરૂષો અહીં મેળવે છે. સસ્તી ઇકોનોમીમાં રહીને નિવૃત્તિકાળમાં નવા નવા અનુભવો અને પ્રવાસના સાહસ પણ કરે છે. ચ્યાંગ માઈના પ્રમાણમાં શાંત ટુરિસ્ટ સ્પૉટ્‌સ પર ફરવાનું કે ફિશંિગ કરવાનું, હેલ્ધી બોડી મસાજ કરવાનો અને રાત્રે બારમાં બેસીને સંગીત સાંભળતા પીવાનું અને પર્યાવરણના ખોળે પોઢી જવાનું !
પણ જે લોકો પ્રવાસ કરવા ચ્યાંગ માઈ પહોંચે છે, એમને માટે પરોઢિયે ઉઠ્યા પછી આખો દિવસ બિઝી બિઝી રહી શકે છે. શહેરની નજીક પહાડ પર થાઈલેન્ડના બેસુમાર બૌદ્ધ મંદિરોમાં બહુ જ મહાત્મ્યવાળા અને પવિત્ર ગણાતા ‘વાત ફરાથાટ ડોઈ સૂતેપ’ નામથી ઓળખાતા ‘વ્હાઈટ એલિફન્ટ બુદ્ધ ટેમ્પલ’ પર શ્રદ્ધાળુ ન હોય એવા ‘દુર્લભ’ ગુજરાતીઓએ પણ ફરવા જવા જેવું છે. તાજા ફળોનો જ્યુસ તળેટીમાં પી ને ઝગમગતા રત્નજડિત ડ્રેગનનો કઠેરો ધરાવતી સીડીના પગથિયાં ચડવાના અને રસ્તામાં ગુલાબના ગોટા જેવા ‘માઉન્ટનકીપર’ પહાડી જાતિના બાળકો રમતાં (અને ટુરિસ્ટ પાસેથી ફોટો પડાવવાના પૈસા ઉઘરાવતા જોવા મળે !) જો પગથિયાં ચડીને ન જવું હોય તો રોપ-વેમાં ય જઈ શકાય. ઉપર બુદ્ધના અસ્થિ હોવાની વાયકા અનેસમગ્ર દેશમાં મહિમા ધરાવતું બૌદ્ધ મંદિર છે. ઉપરથી ચેરી બ્લોસમના વૃક્ષોની પર્પલ પિન્ક ફુલોથી લચેલી ડાળીઓની આરપાર નીચે પથરાયેલું શહેર દેખાય, અને સરપ્રાઈઝ-દુંદાળા દુખભંજણા ગણેશજી પણ ત્યાં સ્ટાઈલથી બિરાજેલા નજરે ચડે !
ગણેશ જે હાથીનું મસ્તક ગરદન પર શોભાવે છે, એ હાથીઓના ય વાઘની જેમ ચ્યાંગમાઈ નજીક પાર્કસ છે. અને માંસાહારી શેરખાનની રૂંવાટીમાં હાથ ફેરવ્યા પછી શાકાહારી ગજરાજ તમારા ખભે સૂંઢ ફેરવે, એ લ્હાવો પણ ચૂકવા જેવો નથી ! પટ્ટારા એલીફન્ટ ફાર્મમાં જાવ, તો પહેલાં તો ત્યાં નદીમાં સૂંઢનો શાવરબાથ લઈને ન્હાતા નવજવાનથી બડે બુઝુર્ગ સુધીના મહાકાય હાથીઓ જોવા મળે. હાથીને તમે (અફ કોર્સ ખરીદેલા) શેરડીના સાંઠા ખવડાવો ને હાથી (મહાવતને રોકડા ચૂકવો ત્યારે અને તો) તમને સૂંઢમાં ઉંચકીને અઘ્ધર પણ કરે ! પછી શરૂ થાય મિનિ સ્ટેડિયમ જેવા મેદાનમાં એલીફન્ટ શો. થાઈલેન્ડમાં મેનકા ગાંધી નથી અને પ્રાણીઓને જીવંત જોઈને એના વિશે કંટાળાજનક કિતાબો વાંચવા કરતાં વઘુ કુતૂહલ બાળકો કેળવી શકે છે. સર્કસના લાર્જ સ્કેલ કરતબ જેવા આ શોમાં હાથીઓ નાચે, રમે, નિશાન તાકે, વોલેન્ટીયર પ્રવાસીઓને કૂદાવી જાય અને... હોલ્ડ યોર બ્રેથ, ચિત્રકામ કરે ! અને ખાસ્સું ફાંકડું હોય એ લાઈવ પેઇન્ટંિગ બાય જમ્બો ડમ્બો એલીફન્ટસ ! (એ ય બહાર હરાજીમાં વેચાય ! અમેરિકા પાસેથી થાઈલેન્ડે ટુરિઝમ બિઝનેસની તાલીમ બરાબર કેળવી લીધી છે!)
વિરાટ એવા હાથીઓને જોઈ જોઈને થાકો, તો ચ્યાંગ માઈમાં ટચૂકડા એવા રેશમના કીડા જોઈ શકો ! ગોંડલની ખાદી વખણાય એમ ચ્યાંગમાઈનું ડિઝાઈનર સિલ્ક વખણાય છે ! થાઈ સિલ્ક એમ્પોરિયમમાં રેશમના કીડા કેવી રીતે રેશમના તાંતણાનો કોશેટો બનાવે અને કેવી રીતે (કાચાપોચાં ગુજરાતી દોસ્તોએ આગળની લીટી કૂદાવી જવી !) એને ઉકળતી બાષ્પમાં બાફીને રેશમના તાર છૂટા પાડવામાં આવે અને પછી કેમિકલ નહિ, પણ નેચરલ ડાઈના કલર્સથી (ફૂલો કે રંગ સે, દિલ કી કલમ સે !) રંગવામાં આવે અને ગૃહિણીઓ અંદર જવા પગ મૂકે તો બહાર ક્લોરોફોર્મ સૂંઘાડીને લઈ જવી પડે, એવી પતંગિયાની પાંખોમાંથી ઠલવાયેલ) રેશમની રંગબેરંગી દુનિયા નજર સામે પ્રગટે. એકદમ શુદ્ધ ગેરેન્ટીડ કલરફૂલ સિલ્કનું મખમલી મેઘધનુષ ! લાલ, લીલું, પીળું, કેસરી, ગુલાબી, જાંબલી, ઘૂપછાંવ, પોપટી, મેજન્ટા, વાયોલેટ, લવન્ડર, નેવી બ્લ્યુ, સ્કાય બ્લુ - અઢળક શેડ્‌સમાં તાકા અને શટ્‌ર્સ ! અસલી સિલ્કની પહેચાન એ કે એનો ટૂકડો બાળો તો નેચરલ હોઈને કાગળની માફક બળે. નકલી સિલ્કમાં પ્લાસ્ટિક હોય !
‘સિલ્ક રૂટ’ની સુંવાળપ ભોગવી લો, તો ચ્યાંગ માઈમાં ‘વૂડ રોડ’ પકડવા જેવો ખરો ! થાઈલેન્ડમાં ચ્યાંગમાઈ લાકડાંની કારીગીરીનું પીઠું ગણાય છે ! અદ્‌ભુત બેનમૂન નકશીકામ જોવા મળે, એ પ્રમાણમાં (આપણાથી) સસ્તા ભાવ, કેબિનેટ, ટેબલ, રમકડાં, વોલપીસ, ફ્રેમ્સ, શોપીસ. હથેળીમાં સમાય ત્યાંથી લઈને હાથી લઈને ખેંચવી પડે એટલી બધી અવનવી લાકડાની ખરીદવી ન હોય, તો ય જોવા જેવી આઈટેમ્સનો ત્યાં કાયમી મેળો ભરાયેલો હોય છે ! કાષ્ઠશિલ્પને માણવાનું કષ્ટ ઉઠાવો તો !
માત્ર વૂડ બજાર જ નહિ, શહેરના એક ખૂણે થોડે દૂર એક આદિવાસી કેમ્પની બજારમાં લટાર લગાવવા જેવી છે. ના, તકલાદી ઘરેણા ખરીદવા નહિ, પણ લાંબી ડોકવાળી સ્ત્રીઓ નિહાળવા ! પરંપરાગત રીતે એ કેમ્પમાં રહેતી સ્ત્રીઓમાં નાનપણથી ધાતુની રંિગ ગરદનમાં બેસાડી પછી એક પછી એક રંિગ ચડાવતા જઈ ડોકને લાઆઆઆમ્બી કરવાનો રિવાજ હજુ યે જળવાયો છે. નાનકડી ઢીંગલીથી વયોવૃદ્ધ ડોશીમા સુધી ! ટુરિસ્ટ ફ્રેન્ડલી આ જાતિમાં હાથવણાટના રૂડા દુપટ્ટાને શાલ તથા કડાં ય મળે છે. અને પુરૂષની ગતિવિધિઓ પર ઉંચી ડોકે નજર રાખતી સ્ત્રીઓ પણ !
અલબત્ત, શોપંિગની ભૂખ અહીં પણ નહિ ભાંગવાની. એ માટે મુખ્ય ચ્યાંગમાઈની ‘નાઈટ સ્ટ્રીટ્‌સ’ છે જ. એક સોને મઢેલા પ્રાચીન બૌદ્ધ મંદિર કે જ્યાં માનતામાં પંિજરે પુરાયેલા પશુપંખીને નદી તટે છોડવાનો રિવાજ છે, અને જ્યાં દિવાલ પર લાકડામાં સ્વર્ગ-નરકની લાજવાબ કોતરણી થયેલી છે, તેની નજીક જ આરામદાયક હોટલો ધરાવતા વિસ્તારની ફરતે રાત્રિ બજાર ભરાય છે. જ્યાં આરામથી મુંબઈની ફૂટપાથ માફક ફરી શકાય છે. ચ્યાંગમાઈ / થાઈલેન્ડ કોટનના વસ્ત્રો અને સારોગ તથા ટીશર્ટસનું ય હબ છે. દિલ્હીના ચાંદનીચોકની જેમ ફુલ બાર્ગેનંિગ (૪૦-૫૦% સુધી !) કરવાનું ! પણ રોશનીથી છલોછલ આ બજારમાં સબ વે, મેકડોનાલ્ડસ વચ્ચે મધરાત સુધી ય ફરતા રહેવાની આગવી લિજ્જત છે. ત્યાં જાવ તો કુદરતની કરામત જેવા અવનવા મૃત કીટકો જડેલા કીચેઈન અને આકર્ષક ગોળ દાબડીમાં ઘરને સુગંધિત રાખવા બનાવાયેલા નયનરમ્ય રંગબેરંગી સોપફલાવર ખરીદવા ન હોય તો ય જોવાનું ન ચૂકતા !
ચ્યાંગ માઈની નજીક જ જોવા જેવા નાઈટ સફારી પાર્ક અને ઝૂ પણ છે. રોયલ ફલોરા ઉત્સવની સમાપ્તિ પછી ય અવનવા ફૂલોથી મહેકતો કાયમી વિશાળ ફલોરલ પાર્ક તો છે જ. તેલ વિના આંગળીઓની કરામતથી થતો અસલી ટ્રેડિશનલ થાઈ મસાજ આખા દિવસનો થાક ઉતારી દે, પછી તાજામાજા થઈને જંગલમાં ટારઝનની માફક એક ડાળીથી બીજી ડાળીએ બાંધેલા દોરડા પર ચાલીને કરવાની રોમાંચક સફર ‘ફલાઈટ ઓફ ધ ગિબન’ માણવા જેવી છે ! એક દિવસની આ અનોખી એડવેન્ટર ટ્રિપ સેફ પણ છે અને સેન્સેશનલ પણ ! પછી જંગલમાં ધોધ જોવાનો અને હા, ચાહો તો બલૂનમાં બેસીને ઉપરથી નગરની સફર પણ કરી શકો ! અને ઉડવું ન હોય કે સ્થાનિક રિક્ષા ‘ટુક ટુક’માં બેસવું ના હોય તો સ્કૂટર-સાઈકલ ભાડે કરી શકો !
આફટર ઓલ, વેકેશન ઈઝ ફોર ગ્રેટ એસ્કેપ ફ્રોમ રૂટિન, ઈઝન્ટ ઈટ ? સ્વાઝડી કૃપ યાને નમસ્કાર !
(ચ્યાંગમાઈની તસવીરી ઝલક માટે www.planetjv.wordpress.com પર)
ઝંિગ થંિગ
વિકી ડોનર ઃ ધ હોલ વર્લ્ડ ઈઝ સ્પર્મ ! એક એડલ્ટ સબ્જેક્ટ પર બનેલી મસ્ટ સી ફેમિલી ફન ફિલ્મ ! ડોનેટ યોર ટિકિટ્‌સ !

Share |
 

Gujarat Samachar Plus

મતભેદ તો ઘણાં થયા પણ મનભેદ ક્યારેય નહીં
શહેરની ગર્લ્સ પણ બોલે છે ગંદી ગાળો યુ બ્લડી એ...હો...
જીટીયુનો પેટન્ટ એપ્લીકેશન પ્રોગ્રામ
એકસ સ્ટુડન્ટસનો કોલેજના જુનિયર્સને હેલ્પ કરવાંનો ફંડા
ચાઇલ્ડ એક્ટિવીટીમાં માર્શલઆર્ટની બોલબાલા
 

Gujarat Samachar glamour

ડર્ટી પિક્ચરને આપેલો નેશનલ એવોર્ડ પાછો ખેંચાશે?
જોયાની ડોક્યુમેન્ટરીમાં કેટરીના
મેગન ફોક્સ હાસ્ય-ભૂમિકા કરીને ખુશ
કરીના ઓછી ફિલ્મો સાઈન કરવા માંડી!
પ્રતિક બબ્બરે નાનીની ગંગામાં ન્હાવાની ઈચ્છા પૂરી કરી
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved