Last Update : 01-May-2012, Tuesday

 
કેવી હશે ને કેવી નહિ? જ્યોતિષની નજરે નારી-લક્ષણો
 

પહેલી નજરના પ્રેમની અનુભૂતિ ખૂબ જ રોમાંચક હોય છે. ધીમે ધીમે આ પ્રેમ ગાઢ બનતો જાય છે. અને પરિણયમાં રૂપાંતર પામે છે. લગ્ન પહેલાં હંમેશા એકબીજાના ગુણગાન ગાતાં પ્રેમી યુગલો લગ્ન પછી જીવનભર સાથે રહેવાનું થાય ત્યારે એકબીજાના દોષ દેખાવા માંડે છે. બંનેના વિપરીત સ્વભાવને લીધે ઘરમાં કંકાસ પણ થાય છે. પરંતુ શું તમે જાણો છો કે કેટલેક અંશે આ બધાની પાછળ જ્યોતિષશાસ્ત્ર પણ રહેલું છે. જ્યોતિષશાસ્ત્રની દ્રષ્ટિએ પ્રત્યેક રાશિની વ્યક્તિ ચોક્કસ સ્વભાવ અને લક્ષણો ધરાવે છે. અને આ બાબત જીવનમાં મહત્ત્વનો ભાગ ભજવે છે. કોઇપણ સ્ત્રી સાથે સંબંધ બાંધતા પહેલાં જ્યોતિષશાસ્ત્ર દ્વારા સ્ત્રી સ્વભાવ વિશે અપાયેલા તારણ વિશે વિચારવા જેવું છે.

 

મેષ ઃ પહોળી છાતી મજબૂત બાંધો તેમ જ મોટી આંખવાળી આ સ્ત્રીઓમાં સ્ત્રી સુલભ કોમળતાનો અભાવ હોય છે. ચપળતા, તર્કશક્તિ તથા નિર્ણાયકશક્તિ સારી હોય છે. કોઈના અધિકાર નીચે રહેવા કરતાં સ્વતંત્ર અને પોતાની રીતે રહેવા ઈચ્છે છે. લગ્ન પછી ધીમે ધીમે પતિ પર પ્રભુત્વ જમાવી દે છે. શારીરિક તથા માનસિક રીતે સબળ હોય, તેવા પુરુષને પસંદ કરે છે. સંપૂર્ણ રીતે ભૌતિક દ્દષ્ટિની હોવાથી પૈસો તેમ જ આઘુનિક સુખસગવડો તરફ વિશેષ આકર્ષણ રહે છે. ખોટા વચનો પર વિશ્વાસ નથી કરતી કે કોઈને અંધારામાં રાખતી નથી. એક જગ્યાએ એક બિન્દુ ઉપર પોતાને કેન્દ્રિત કરી શકતી નથી. કાર્યશક્તિ પ્રબળ હોવાથી, ક્રિયાશીલ રહે છે. જીદને વળગી રહે છે. ‘ફિલ્ડ વર્ક’ માં સફળ થાય, ‘અહમ્‌’ને કારણે સૌથી અળગી રહે છે. વસ્ત્રોની શોખીન તથા જાતીય બાબતમાં ગરમ પ્રકૃતિ ધરાવે છે. આયુષ્ય સારું.

 

વૃષભ ઃ શારીરિક રીતે સુંદર અને માનસિક રીતે મજબૂત તેવી આ સ્ત્રીઓ કુશળ ગૃહિણી હોય છે. કોની સાથે કેમ વ્યવહાર કરવો તે બરાબર જાણે છે. ઘરને સુખી બનાવવા તે નિરંતર સક્રિય રહે છે. પતિ તથા સંતાનોના ઉત્કર્ષ માટે તન, મનથી પ્રયત્નો કરે છે. તેથી તે આદર્શ પત્ની કે માતા બની શકે છે. આર્થિક બાબતોમાં શ્રેષ્ઠ, પૈસા કેમ મેળવવા, કેમ બચાવવા. અને કેમ વાપરવા પૈસા માટે પ્રેમ કરી શકે છે. માનસિક સ્વસ્થતા ક્યારેય ગુમાવતી નથી. લલિત કળામાં રસ લે છે. ગૃહક્ષેત્રે કુશળ વહીવટકાર સાબિત થાય છે.

 

મિથુન ઃ મઘ્યમ કદ તથા મોટી આંખો ધરાવતી આ ઘઉંવર્ણી સ્ત્રીઓ વાતચીત કરવામાં કુશળ હોય છે. હસી મજાક, ગપ્પા મારવા તથા નવા નવા સંબંધો બાંધી જરૂર પ્રમાણે લોકો પાસેથી કામ કઢાવવું તે તેની વિશિષ્ટતા છે. ભૂત-ભવિષ્યમાં રાચવા કરતાં તે વર્તમાનમાં જીવે છે. સ્વાર્થવૃત્તિના હોવાથી તેના સંબંધો કાયમી નથી હોતા. પ્રેમ સંબંધમાં પણ પોતે લાભપ્રદ સ્થિતિમાં જ રહે છે. લાગણીથી ભાગ્યે જ દોરવાય છે. કુટુંબમાં વડીલોની વાત ન માનતા જીભાજોડી કરે છે. વૃદ્ધોની તરફ એક પ્રકારની સુગ રાખે છે. ઘરકામ રસોઈમાં તથા ગૃહ સજાવટમાં ફાવટ નથી હોતી જેથી ગૃહક્ષેત્ર નિષ્ફળ બાહ્ય વાતાવરણ વધારે માફક આવે છે. લગ્નજીવનમાં ઉણપો રહે છે. હરવા ફરવામાં, સંગીત સાહિત્યમાં રસ હોય છે. ભાઈ-બહેનો તરફ લાગણી રહે છે. ઘેરા રંગના કપડા પસંદ કરે છે.

 

કર્ક ઃ સામાન્ય રીતે પાતળી અને ઊંચી કાયા ધરાવતી આ સ્ત્રીઓ સુંદર અને સેન્સેટીવ હોય છે. આ મૃગ નયનીનું હૃદય કોમળ તથા સંવેદનશીલ હોવાથી કોઈના બે વેણ સહન કરી શકતી નથી. વાચાળ હોવાથી પ્રભાવિત કરી દે છે. પરંતુ તે એક સામટું જેટલું બોલી જાય છે, તેમાં અર્ધોઅર્ધ ખોટું હોય છે. તેની વાતો સેન્સર કરવી જોઈએ. ઘરને સુંદર સુશોભિત રાખે છે. રસોઈમાં કુશળ, અવનવી વાનગી બનાવી ખાવાનો શોખ હોય છે. પીણાઓ તથા ચાની શોખીન, જીભાજોડીથી કુટુંબ કલેશ કરે છે. હરવા ફરવા કરતાં ઘરેલું વાતાવરણ ગમે છે. તે બિલકુલ ‘મૂડી હોય છે. દરેક વખતે જુદા જુદા મૂડમાં હોય છે. પ્રેમમાં ઠંડી તથા નિષ્ઠાવાન હોય છે. પરંતુ સફળ થતી નથી. અન્ય વ્યવહારમાં ભરોસાપાત્ર નથી. સંતાનો પર અંકુશ રાખી શકતી નથી. તેની કર્કશતાને કારણે તેનો પતિ દૂર ભાગે છે. માતા-પિતાની મિલકત તરફ મમત્વ ધરાવે છે. ભરતગૂંથણ, સિલાઈ સારું ફાવે છે. લાઈટ કલરના કપડા પસંદ કરે છે. પૈસાની કંજૂસ સામાન્ય રીતે આ સ્ત્રીઓ ઊંડી હોય છે.

 

સંિહ ઃ પહોળી છાતી મજબૂત શરીર અને ખૂબસૂરત આંખોવાળી આ સ્ત્રીઓની નજર ઊતાવળી હોય છે. પરંતુ ચહેરો ઠરેલ અને શાંત હોય છે, પ્રભાવશાળી વ્યક્તિત્વથી તેનાં કાર્યો પાર પાડે છે. જીવનમાં અનેક ચડાવ ઊતાર જુએ છે. દરેક મુસીબતનો સામનો દ્દઢતાથી કરે છે, ક્યારે હતાશ થતી નથી કે, ગભરાયેલી લાગતી નથી. પ્રબળ કાર્યક્ષમતા હોવાથી ઘર કામમાં વ્યવસ્થિત રહે છે. જવાબદારી નિભાવે છે. વચનો પાળે છે. તેના વ્યક્તિગત વિચારો જુદા જ હોય છે. તેની ઊંડાઈ માપી શકાતી નથી. જરૂર પૂરતું બોલે છે, પતિ તથા સંતાનો પર વઘુ પડતો અધિકાર ભોગવે છે. પ્રણયમસ્તીમાં ગંભીર હોય છે, આર્થિક રીતે હિસાબી તથા કંજૂસ હોય છે. કોઈ ટોકે તે ગમતું નથી. સ્વતંત્રતા વિશેષ હોય છે. કોઈને મોઢે સંભળાવી દેતા અચકાતી નથી. ક્રોધે ભરાય ત્યારે કાબૂ બહાર જાય છે.

 

કન્યા ઃ મઘ્યમ કદની મોટી આંખોવાળી આ સ્ત્રીઓ ઘઉંવર્ણી હોય છે. લાગણીશીલ સહહૃદયની ધાર્મિક તથા ડરપોક હોય છે. ટીકાસ્પદ કાર્યો કે પાપ કર્મોથી દૂર રહે છે. અન્યનું દુઃખ જોઈ શકતી નથી. પતિ તથા સંતાનોને અધિક ચાહે છે, અને તેઓની ઉન્નતિ માટે ચંિતિત રહે છે. એકાગ્રતા ગમે છે. આઘુનિક વસ્ત્રો, પ્રસાધનો, ઘરેણાઓનો શોખ હોય છે. આદર્શ ગૃહિણી કહી શકાય. આ સ્ત્રીઓની એક વાત નોંધવા જેવી છે તે લાગણીશીલ અને ભોળી હોવાથી બાળપણમાં તેનો જે રીતે ઉછેર થયો હોય, તેની છાપ જીવનભર તેનામાં જોવા મળે છે. જો તે ચારિત્રહીન હોય તો ચોક્કસપણે નાનપણમાં તેવું વાતાવરણ મળેલ હોય, અથવા કોઈ હીન પુરુષનો ભોગ બની હોય, આવી સ્ત્રી બ્લેકમેઈલીંગનો ભોગ પણ બની શકે છે. એકંદરે આ સ્ત્રીઓ ઉત્તમ જીવનસાથી સાબિત થાય છે, તેની અવલોકન શક્તિ તીવ્ર હોય છે.

 

તુલા ઃ સુંદર આંખોવાળી અને નમણી દેહલતા ધરાવતી આ સન્નારીઓ બુદ્ધિશાળી તેમ જ વ્યવહાર કુશળ હોય છે. સ્વતંત્ર માનસ ધરાવતી હોઈને દરેક કાર્ય પોતાની રીતે કરવું પસંદ કરે છે, ખોટો અંકુશ સહન નથી કરતી. ક્યારેક જીભ વધારે ચલાવે છે. પરંતુ ઘરને વ્યવસ્થિત અને સ્વચ્છ રાખે છે. નોકરીમાં સફળ થાય છે. બહારના સંબંધો સારા હોય છે. અતિથી સત્કાર, પાક વિદ્યામાં કુશળ, પ્રેમમાં આગળ વધી શકતી નથી. કોઈ ખોટું કામ કરાવી ન શકે. પતિ, સંતાનો તરફ લાગણી દાખવે છે, વિભક્ત રીતે પોતાનું ઘર સારું ચલાવી જાણે છે. ક્યારેક વડીલપણું ભોગવવાની વૃત્તિ દેખાય છે, કલાત્મક વસ્તુઓ પસંદ કરે છે.

 

વૃશ્ચિક ઃ પૂરી લંબાઈ અને કાળી ગોળ આંખોવાળી આ સ્ત્રીઓ પણ કઠણ હૃદયની હોય છે. અત્યંત ચાલાક વ્યવહાર કુશળ અને બુદ્ધિશાળી હોય છે, કોઈપણ રીતે પોતાનો સ્વાર્થ સાધવામાં કુશળ હોય છે. સ્વાર્થ માટે અન્યને નુકસાન પણ કરી શકે છે. બીજાની ખાનગી વાતો જાણવામાં રસ હોય છે અને ખાનગી વાતો જાણી યથા સમયે લાભ ઊઠાવે છે. ભૌતિક દ્દષ્ટિની હોય ને લાગણીથી ભાગ્યે જ દોરવાય છે, પ્રણયક્ષેત્રે સેક્સી વાતો ગમે છે. પતિ તથા સંતાનો તરફ સખતાઈથી વર્તે છે. લગ્નજીવનમાં વ્યવહારિક મતભેદ રહે છે, નોકરી કરવી ગમે છે. આ સ્ત્રીને ‘‘આઠમે મંગળ’’ હોય તો નિર્દય રખડુ અને વિષય વાસનામાં રત રહે છે, ચોરી પણ કરી શકે છે.

 

ધન ઃ સુદ્દઢ અને રૂપાળી કાયા ધરાવતી આ સ્ત્રીઓની આંખો ઝીણી હોય છે. સ્તનો વિકસિત હોય છે. યુવાવસ્થામાં ઘણી ચાલાક દેખાય છે. નોકરી કરે તો સફળ થાય છે. પુરુષને આકર્ષીને અનુકૂળ બનાવી રાખવાની કળા જાણે છે, મોટી ઉંમરના પુરુષને પ્રેમ કરી શકે છે. હૃદય સંવેદનશીલ હોય છે. લાગણીશીલતાથી ક્યારેક દોરવાય જાય છે, દુઃખદાયક દ્દશ્યો જોઈ શકતી નથી. છતાં સંતાનોથી સુખ નથી મળતંું. કાર્યક્ષમતા તેમ જ જાતીયશક્તિ પ્રબળ હોય છે. લગ્નજીવન સામાન્ય હોય છે. ધર્મમાં શ્રઘ્ધા રાખે છે. પરદેશ જવાની મહત્વકાંક્ષા હોય છે.

 

મકર ઃ મઘ્યમ કદ અથવા નીચા કદની, ઝીણી અથવા ગોળ આંખો ધરાવતી આ સ્ત્રીઓ રૂપાળી ન હોય, અત્યંત બુદ્ધિશાળી તેમ જ ચાલાક હોય છે. જાહેર જીવનમાં ખુલ્લેઆમ ભાગ લે છે, નિશ્ચિત ઘ્યેયને વળગી રહે છે. તે સંપૂર્ણ મતલબી તેમ જ સ્વચ્છંદી હોય છે, કોઈની રોકટોક પસંદ કરતી નથી. તેની અપેક્ષા હોય છે કે દરેક કાર્યમાં તેજ મોખરે હોવી જોઈએ. અને તે જે કાંઈ કરે તેનો કોઈએ વિરોધ ન કરવો જોઈએ, વિરોધ કરનાર સાથે પૂર્વાગ્રહ રાખે છે. દંભ, ઈર્ષ્યા પ્રમુખ ગુણ છે. ભાગ્યે જ બીજાને સારા કહે છે, સંયુક્ત કુટુંબમાં હોય તો કલેશ કરી ભંગાણ સર્જે છે. તેને માફક આવતાં સંબંધીઓ કે અન્ય લોકો મોટેભાગે હીનવૃત્તિનાં જ હોય છે. આવડતથી સમાજના શિખરે બેસે તોય વિવાદાસ્પદ રહે છે, નૈતિક પ્રતિષ્ઠા નથી મળતી. લગ્નજીવન સુખી નથી હોતું, સંતાનો તરફ આંધળો પ્રેમ રાખીને તેના દોષોને ઢાંકે છે. રોમાંસમાં તેજ, વાણી ચાતુર્યથી ભલભલા પુરુષને મૂર્ખ બનાવી કામ કઢાવી લે છે. જે કાંઈ બોલે છે તે ખોેટું જ હોય છે. ભાઈઓ સાથે બનતું નથી, પચાસની આસપાસ વૈધવ્ય પ્રાપ્ત કરે છે. નોકરીમાં સફળ થાય છે. મકર રાશિના ઈન્દિરા ગાંધી વડાપ્રધાન હોવા છતાં તેમનામાં ઉપરની કોઈ બાબત નથી.

 

કુંભ ઃ સપ્રમાણ શરીર તેમ જ મોહક આંખો ધરાવતી આ સ્ત્રીઓ સામાન્ય રીતે શાંત અને ગંભીર હોય છે, તેના જીવનમાં છીછરાપણું કે અધીરાઈ નથી હોતી. તે પોતાનાં ઉત્તરદાયિત્વને બરાબર સમજે છે. કોઈનીય હલકી મશ્કરી કરતી નથી કે, સહન પણ કરતી નથી, આપેલું વચન નિભાવે છે, પતિપરાયણ હોય છે, પતિને મહત્ત્વ આપે છે, પ્રેમની તે ખૂબ જ ભૂખી હોય છે. સાચા દિલદાર પર તન,મન,ધન ન્યોછાવર કરી દે છે, કપડાં ઘરેણાંનો શોખ વિશેષ હોય છે, આ સ્ત્રીની વિશેષતા એ છે કે સદાચારી રહી હોવા છતાં જીવનમાં ઉત્તરાર્ધમાં ગોથું ખાય છે. જેમ ઉપર વધે તેમ તેની ગંભીરતા ઘટે છે. નૈતિક રીતે પીછેહટ કરતી જણાય છે, તેનામાં ખાનગી, ઘણું હોય છે, ભાઈઓ સાથે બનતું નથી. આદર્શ માતા નથી બની શકતી, ઉત્તરાર્ધમાં વૈધવ્ય પ્રાપ્ત થાય છે,

 

મીન ઃ સુખમાં જાડી અને દુઃખમાં પાતળી તેવી આ સ્ત્રીઓ દેખાવે સુંદર હોય છે, આંખો આકર્ષક, હસમુખી હોય છે, સ્તનો વિકસિત હોય છે, કુશળ ગૃહિણી હોઈને કોની સાથે કેમ વ્યવહાર કરવો તે સમજે છે, વ્યક્તિગત અને સામાજિક સભ્યતા તથા પરંપરાને અનુસરે છે. તેના વિચારો વારંવાર બદલાય છે. ધનસંચયની વૃત્તિ પ્રબળ હોય છે, તેનો વ્યવહાર તથા રોમાંસ નિષ્કપટ હોય છે, ધર્મને માને છે, મા તથા પત્ની તરીકે સફળ નીવડે છે. આ સ્ત્રીઓમાં વિશેષતા ઓછી હોય છે.

 

અંકિતા

Share |
 

Gujarat Samachar Plus

મતભેદ તો ઘણાં થયા પણ મનભેદ ક્યારેય નહીં
શહેરની ગર્લ્સ પણ બોલે છે ગંદી ગાળો યુ બ્લડી એ...હો...
જીટીયુનો પેટન્ટ એપ્લીકેશન પ્રોગ્રામ
એકસ સ્ટુડન્ટસનો કોલેજના જુનિયર્સને હેલ્પ કરવાંનો ફંડા
ચાઇલ્ડ એક્ટિવીટીમાં માર્શલઆર્ટની બોલબાલા
 

Gujarat Samachar glamour

ડર્ટી પિક્ચરને આપેલો નેશનલ એવોર્ડ પાછો ખેંચાશે?
જોયાની ડોક્યુમેન્ટરીમાં કેટરીના
મેગન ફોક્સ હાસ્ય-ભૂમિકા કરીને ખુશ
કરીના ઓછી ફિલ્મો સાઈન કરવા માંડી!
પ્રતિક બબ્બરે નાનીની ગંગામાં ન્હાવાની ઈચ્છા પૂરી કરી
 
 

84th Oscar Awards

   
 
amul
   
   

Gujarat Samachar POLL

BAPS વિશ્વશાંતિ મહાયજ્ઞ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved