Last Update : 29-April-2012, Sunday

 
ખાણ નામે ઓળખાણ
જાણે તે માણે - ચાર્વાક રાવલ

‘તમે નટવરલાલને ઓળખો છો?’
‘કોણ નટુ કાંસકી કે નટુ વાટકી?’
‘નહીં. અમદાવાદમાં વિજળીના થાંભલા નાખનાર નટવરલાલ.’
‘અરે એ તો નટુ બત્તી! બોલો શું કામ છે એનું?’
‘એ પછી. પહેલાં કહો કે તમારે નટવરલાલ સાથે સારી એવી ઓળખાણ છે?’
‘સારી?! ભલા આદમી, હજુ અઠવાડિયા પહેલાં જ નટુ બત્તી મારી પાસેથી પાંચ હજાર રૂપિયા ઉધાર લઈ ગયો છે. વગર ઓળખાણે મેં રૂપિયા આપ્યા હશે?!’
‘એટલે જ કહું છું તમે નટવરલાલને બરાબર ઓળખતા નથી.’
આખા શહેરમાં પ્રકાશ ફેલાવનાર નટવરલાલની ઓળખાણ અંધારામાં તો ન જ રહે. છતાં નટુ બત્તીને સારી રીતે ઓળખવાનો દાવો કરતા ઘણાં લોકો સ્વાનુભવના પ્રકાશથી વંચિત રહ્યા છે. એક માણસ કેટલે પહોંચી શકે? વળી ઓળખાણની ખાણ એટલી ઉંડી છે કે એમાં અજવાળું પથરાઈ શકે જ નહીં. એવા અનેક લોકો છે જેમને આપણે ઓળખતા નથી. તો એવાય ટનેક લોકો છે જેમના સાથે આપણને નામની ય ઓળખાણ નથી. એમ તો આપણને સ્વયંજાત સાથે પણ ક્યાં કોઈ ઓળખાણ છે? કદાચ એટલે જ આપણે પારકી ઓળખાણ પર આધાર રાખીએ છીએ. પારકી ખાણ સદા ખાલી!
એકચ્યુલી ઓળખાણ બે ધારી તલવાર જેવી છે. તમે ઓળખાણની ખાણ ખોદો અને લાભ બીજા લઈ જાય છે. ઘણી વાર ઓળખાણ આપવાથી જ કામ અટકે છે. ઓળખાણની ખાણમાંથી નીકળેલો હીરો હવાલદાર બે દંડા વધારે મારવામાંથી જતો નથી. ઓળખાણ જરૂર કામ આવે છે. બીજાને જ સ્તો!
‘દિલ્હીમાં આપણી સોલિડ ઓળખાણ છે. કંઈ કામકાજ હોય તો કહેજો.’
‘અમારી સોસાયટીની સામે જ જાહેર મૂતરડી છે. તમારે દિલ્હીમાં ઓળખાણ છે તો એને ત્યાંથી હટાવો.’
ઓળખાણ હોય તો જાહેર મૂતરડી જ નહીં, આખી સોસાયટી હટાવવાની માંગણી થાય છે. - અને ઓળખાણ ન હોય તો કોઈ સહાનુભૂતિની લાગણી ય, વ્યક્ત કરતું નથી. ઘણાં લોકો પોતાની ઓળખાણ ‘તમને ખબર છે હું કોણ છું?’ કહીને આપે છે. આપણે સામે ‘તમે કેમ છો?’ પ્રશ્ન કરતા નથી. કારણ કે આપણે ઓળખાણ વધારવા માંગતા નથી. કોલસાની ખાણમાં હાથ કાળા કરાય, ઓળખાણની ખાણમાં પગ ન મુકાય.
ઓળખો તો સ્વપત્નિ પણ ઔષધ છે. - અને ‘સ્વ’ને ઓળખવા માટે સ્વયં સ્વ. થવું પડે છે. એમાં ઓળખાણ કામ નથી આવતી.

 

Share |
 

Gujarat Samachar Plus

મતભેદ તો ઘણાં થયા પણ મનભેદ ક્યારેય નહીં
શહેરની ગર્લ્સ પણ બોલે છે ગંદી ગાળો યુ બ્લડી એ...હો...
જીટીયુનો પેટન્ટ એપ્લીકેશન પ્રોગ્રામ
એકસ સ્ટુડન્ટસનો કોલેજના જુનિયર્સને હેલ્પ કરવાંનો ફંડા
ચાઇલ્ડ એક્ટિવીટીમાં માર્શલઆર્ટની બોલબાલા
 

Gujarat Samachar glamour

ડર્ટી પિક્ચરને આપેલો નેશનલ એવોર્ડ પાછો ખેંચાશે?
જોયાની ડોક્યુમેન્ટરીમાં કેટરીના
મેગન ફોક્સ હાસ્ય-ભૂમિકા કરીને ખુશ
કરીના ઓછી ફિલ્મો સાઈન કરવા માંડી!
પ્રતિક બબ્બરે નાનીની ગંગામાં ન્હાવાની ઈચ્છા પૂરી કરી
 
 

84th Oscar Awards

   
 
amul
   
   

Gujarat Samachar POLL

એન.આર.ઈન્સીટ્યુટ ડાન્સ પાર્ટી

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved