Last Update : 22-April-2012, Sunday

 

સર્જકતાની સફળતા = પરિવાર પ્રતિ પ્યાર + પરિસ્થિતિ પ્રતિ પડકાર!

સ્પેકટ્રોમીટર- જય વસાવડા

- યેલ યુનિવર્સિટીમાં આજના રોલ મોડેલ્સ પૈકીના એક શાહરૂખખાને યુવાપેઢીને કઈ પેટછૂટી વાતો કરી?

 

રાબેતા મુજબ, અમેરિકાની મર્દાનગી માટે એલર્જી ધરાવનારાઓ અમેરિકા પર લાલચોળ થઈ ગયા, અને ફિલ્મી કલાકારોને મંદબુઘ્ધિના ભાંડભવાયા માનનારા વડીલો શાહરૂખ પર રાતાપીળા થઈ ગયા.
પણ ભાગ્યે જ કોઈએ દરકાર લીધી કે થોડીક અકળાયેલી અવસ્થામાં, સુપરસ્માર્ટ એવો શાહરૂખખાન શું બોલ્યો? તો ચાલો, એના લેટેસ્ટ લેકચરનો સંક્ષેપ સાથેનો ભાવાનુવાદ માણીએ. દરેક વખતે જૂના જમાનાના સ્વામીજીઓના વ્યાખ્યાનોથી જ દિશા મેળવવી ફરજીયાત નથી. એ આજનો ગળાકાપ હરિફાઈના ગ્લેમરવર્ડમાં બહારથી આવી છવાયેલો ફિલ્મસ્ટાર પણ આપી શકે!
* * *
‘‘ગુડ ઈવનંિગ એવરીવન. ઈશા (મૂકેશ અંબાણી)નો આભાર કે વિશ્વના એક અવ્યવસ્થિત જીંદગી જીવનારા ‘લઘરા’ની મુલાકાત આપ બધા સાથે કરાવી.
આ યેલ યુનિવર્સિટી (અમેરિકા) સાથે મારી પાંચેક વરસ જૂની યાદ છે. જેમાં હું બોલીવૂડ ફિલ્મના એક રોમેન્ટિક સોંગનું ડિસેમ્બરના શિયાળામાં શૂટંિગ કરતો હતો અને દ્રશ્યમાં અભિનેત્રીને કિસ કરવા ગયો, ત્યાં મારૂં જડબું ‘લોક’ થઈ ગયું હતું!
માટે તમે એમ માનતા હો કે હું મારા ગયા પછી તમે વિચારે ચડો એવી કોઈ બુઘ્ધિવાળી વાતો કરવાનો હોઉં તો હું ગૂગલ પરથી વીણેલો એક જોક કહું.
એક મૃત્યુના બિછાને પડેલો આદમી શ્વાસ લેવામાં તરફડિયાં મારતા મારતા બાજુમાં ઉભેલા પાદરીને કશુંક કહેવા મહામહેનતે એક ચબરખીમાં કશું લખ્યું. પાદરીએ એ ખિસ્સામાં મૂકયું, અને દર્દી ગુજરી ગયો. અંતિમવિધિમાં મરનારનો જગતને આપવા જેવો અંતિમ સંદેશો શું શું હતો, એનું બધાને કુતુહલ હતું. પાદરીએ ચબરખી ઉઘાડી જોયું, તો લખ્યું હતું. ઃ ‘‘તું મારી ઓક્સિજન ટયુબ પર ઉભો છે, મૂરખ...’’
તો હું અહીં ઉપદેશક બની (તમારી ઓક્સિજન ટયુબ પર પગ મૂકવા) આવ્યો નથી. હું તો તમને મારી સાદી સીધી જીંદગીના એવા અનુભવો કહીશ, જે તમને જીંદગીમાં સર્વાઈવ થવા, ટકી રહેવામાં મદદરૂપ થાય. સર્જકતા અને સફળતા તો આવશે, અને ન ય આવે તો ય જીંદગી તો જીવવાની જ છે. જેના માટે કયારેક તમારે આ દુનિયાને ખોંખારો ખાઈને કહેવું પડશે ‘પ્લીઝ, તમે મારી ઓક્સિજન ટયુબ પર ઉભા છો. આધા ખસો અને મને રાહતનો શ્વાસ લેવા દો!’
યાત્રાઓની વ્યાખ્યા હમેશા ઉંમર, સમય કે મંઝિલ સાથે જોડીને થતી હોય છે. પણ મારા જીવનની સફરમાં આ સમયના વિચારે મને હંમેશા મૂંઝવ્યો છે. જે દિવસે મારા પિતા ગુજરી ગયા, એ દિવસ મને મારા આખા બચપણ કરતાં લાંબો લાગ્યો હતો! અને મેં સફળતાનો પહેલો સ્વાદ ચાખ્યો એ દિવસ જાણે કલાકમાં જ પૂરો થઈ ગયો! ખબર નહંિ, કયાં ગયો!
હું તો દુનિયા જાગતી હોય ત્યારે જ લગભગ સૂવા જતો હોઉં છું. મિત્રો મને ધુવડ કહે છે. હું મારી જાતને બેટમેન માનું છું. પ્રિન્સ ઓફ ડાર્કનેસ! ઉંમર પર મારો કાબૂ નથી. મને તો હજુ ય મારી ઉંમર કરતા ત્રીજા ભાગની કન્યાઓ જે મને અંકલ કહે, એની સાથે રોમાન્સ કરવો ગમે! અને રા.વન ફિલ્મ કરતી વખતે એના એકશન ફિગર્સ એકઠાં કરવામાં મને એટલી મજા પડી, કે એની ટીકા કરતા રિવ્યુઝ ભૂલાઈ ગયા!
જો વાત મારી મંઝિલની હોય, તો મને નથી લાગતું મેં કોઈ એક ડિસ્ટિનેશન બનાવ્યું હોય. હું ચાલ્યો, દોડયો મારા સપનાઓની દિશામાં. રસ્તામાં ચીજો બદલાતી ગઈ. લોકો બદલાતા ગયા. હું પણ બદલાતો ગયો, અને પરિવર્તનની આ દુનિયામાં મારા સપના પણ બદલાતા ગયા! કોઈ એક નિશ્ચિત મંઝિલ તો હતી નહિ પહોંચવાની, એટલે મને જે આવડયું એ શ્રેષ્ઠ રીતે કરતો ગયો છું. કદાચ આ બધાનો અંત વ્હીલચેર પર બેઠેલા એક બૂઢામાં હશે, જે આ જગતની બહાર ઉડવાનું વિચારતો હશે, અફ કોર્સ, કોઈ રૂપાળી યુવતીને બાહોંમાં ભરીને!
એટલે મારી કહાની લોકપ્રિયતા કે વાળ પર લગાડાતી ડાઈ કરતા આગળ, હૃદયના અનુભવોની છે. તમને એમાંથી કશુંકમળે તો સારૂં નહિ તો મારા કોઈ ફિલ્મી ગીત પર નાચજો, ડ્રિન્ક લઈ યેલની ઠંડીમાં કિસીંગની પ્રેકટિસ કરજો!
હું ગમે તે રીતે જોઉં, મારી જીંદગી મારી ક્રિએટિવિટી આસપાસ ફરતી રહી છે. મેં દુનિયાને ક્રિએટિવ એકસપ્રેશન (સર્જનાત્મક અભિવ્યક્તિ) થી જોવાનો પ્રયાસ કર્યો, અને બદલામાં દુનિયાએ મને અનુભવવાનો!
એક બાજુથી દુનિયા સર્જકતા વખાણે છે. બીજી બાજુથી એની સાથે જોડાયેલા ગ્લેમર કે દોલત જેવા એના કદરના માઘ્યમોને વખોડે છે. કદાચ ભીતરનો ખાલીપો પૂરવા, કદાચ સર્જકથી સારા પૂરવાર થવા.
હું એક અભિનય છું. મારૂં જીવન એ ‘દ્વેત’ (ડયુઆલિટી)ની સાબિતી છે!
જયોર્જ બર્ન્સે કહેલું કે એકિટંગ એટલે ઓનેસ્ટી. તમે જેટલી આબેહુબ બનાવટ કરી શકો એટલા ઉત્તમ પુરવાર થાવ!
પ્રામાણિકતા અને બનાવટ! વાહ, કોઇપણ ક્રિએટિવ માણસ આ બે વચ્ચે ઝૂલતો રહે છે. (પૂરી પારદર્શકતાથી પૂરી કાલ્પનિક સૃષ્ટિ રચવી પડે છે!)
તો મારો સ્ક્રોઝોફ્રેનિયા શું છે?
ક્રિએટિવ એકસપ્રેશન કળાકારની અંદરના ઉંડાણના અનુભવોમાંથી આવે છે. ઉમદા કલાકારને પોતાના સર્જનથી છૂટો પાડી શકાતો નથી. સારી કળા હંમેશા પ્રામાણિક હોય છે. અભિનેતા, લેખક, શિલ્પી, ચિત્રકાર- જે સર્જે એ જાત સાથેની સચ્ચાઇથી હોય તો માણસની સર્જકતાનુ મેઘધનુષ બને છે. નહંિ તો વેડફાટ!
અને જે ક્ષણે સર્જન લોકો વચ્ચે આવે છે, પછી એણે એનાથી અલગ પડવું પડે છે. એ ખુદનું રહેતું જ નથી. તમારી અંદરથી ગમે તેટલુ આવ્યું હોય, લોકો એને સ્વીકારે કે પછી ગટરમાં પધરાવી દે!
હું કયારેક ઘરે મોટો એવોર્ડ લઇને ખુશખુશ થતો આવું ને વાંચુ કે હું તો વરસના સૌથી ભંગાર અભિનેતાના ગોલ્ડન બનાનાને લાયક હતો. અને હું ગુસ્સો થાઉં, હૃદય તૂટી જાય, કેળા અને ક્રિટિકસ બંને છાલ ઉતારી વાંદરાઓને ખવડાવી દેવાને લાયક છે, એવું લાગે... અને અહીં ટ્રિક છે. તમે નિરાશ હો, દુનિયા તાકીને જોતી હોય, ત્યારે અંદરથી જાત સંભાળવાની છે. બહારનું વિશ્વ ક્રૂર છે, તમને જોઇ નથી શકતું, એ વખતે તમારે તમારી જાતને જોતાં શીખવાની છે!
કોઇપણ ક્રિએટિવ ઇન્સાનની જીંદગી એટલે તંગ દોરડા પર ચાલવું. એક બાજુથી બીજાઓના મારા વિશેના અર્થઘટનો અને અભિપ્રાયો હોય, બીજીબાજુથી જે કરૂં એમાં ઓડિયન્સ તરફથી મળતો પ્રેમ હોય, અને રિએકશનથી ભરમાયા વિના કામ કરવાનું હોય!
અને મારો પ્રયત્ન દોરડા પરથી લપસી પડવાનો ન હોય. હા, ડગુમગુ જરૂર થાઉં પણ પડી ન જાઉં, અને ચહેરા પર સ્મિત સાથે ઓટોગ્રાફસ આપતો રહુ. હું ફયુનેમ્બ્યુલિસ્ટ (વોકર ઓન ધ ટાઇટ રોપ) છું. મારા એકશન સાથે બહારના રિએકશનનું સંતુલન જાળવી અંદરના નગ્ન નૃત્યને સાચવતો! હું જાણે એક શેરીમાં નાચતો કલાકાર છું, જેને પસાર થનારા દરેક અહોભાવ, કુતૂહલ, ઘૃણા કે દયાથી જોયા કરે છે! ને હું ખુદ ઘણી વાર એમની સાથે જ મારા જ પરફોર્મન્સને વખાણતા વખાણતા મારી જ મૂર્ખાઇઓ પર દિલથી હસી લઉં છું!
બચ્ચાંલોગ, આ જાત પર હસવાનું શીખવા જેવું છે. કયારેય તમારી જીંદગી માટે સિનિકલ ન બનો. એ એક બાબત જ તમારી જીંદગીને ખતમ કરી નાખવા માટે પૂરતી છે.
ક્રિએટિવિટી એક ગિફટ છે. એટલે આપણે ઇશ્વરને પણ સર્જનહાર કહીએ છીએ. આ મામલો ગાડીઓ અને બંગલાઓનો નથી. આ બધા પેરિફેરલ્સ છે. એ તમારી ટેલન્ટના લીધે મળતાં નથી. એ તો તમારી આસપાસના લોકો જે બિઝનેસ કરે છે, એની સોગાદ છે. એ લોકો ક્રિએટિવિટીનો પૈસા સાથે સોદો કરે છે, કારણ કે એ ધંધાદારી છે. તમે નહંિ. તમારૂં કામ તો આપવાનું અને શીખવાનું છે. તમારો સંતોષ તમારી અભિવ્યકિતમાં છે, એની વસ્તુઓમાં તમારી કળા, તમારી સર્જકતાથી જ તમારૂં પેટ ભરાય, એવી અપેક્ષા ન રાખતા. એ આત્માનો ખોરાક છે, પેટનો નહંિ. ચાલુ ચીલાને છોડી તમારા આત્માને કચડતી વ્યવસ્થાનો મુકાબલો કરવાનો ભૂલતા નહંિ. સર્જકતા અને સમૃદ્ધિ વચ્ચેનું સંતુલન બનાવી રાખજો, અને જરૂર લાગે ત્યાં એકલા ચાલવાથી ગભરાતા નહંિ. તંગ દોરડા પર ટોળામાં નહંિ, એકલા જ ચાલવું પડે છે. અને ફયુનેમ્બ્યુલિસ્ટ શબ્દ ય લોકો જાણતા નથી, બનવાની વાત તો દૂર છે!
તમારી જવાન ઉંમરે તમને સર્જકતા સાથે સુખની તલાશ હશે જ. જે બાબત આજે તમને રાજી રાખી શકે, એ દસ વરસ પછીએ કરી શકે, તમારા એ રમકડાંઓનું કલેકશન શરૂ કરી દો!
તમારી ઉંમરે તમે જે મેળવવાના સપના જૂઓ છો, એ બઘું જ મારી પાસે છે. સફળતા, કીર્તિ, સંપત્તિ અને ત્રણ પ્લેસ્ટેશન્સ પણ છે. એક ઘર માટે, એક શૂટંિગ માટે અને ત્રીજું બસ, એ ખરીદી શકું છું એવું દેખાડવા માટે. પણ એકેયનો સંબંધ મારા સુખ સાથે નથી, મારા બાળકોના પ્રેમનો છે.
આશા રાખું કે (વિદ્યાર્થી અવસ્થામાં) તમારે બાળકો નહંિ હોય, પર પેરન્ટસ હશે. જે તમને ચાહે અને જેમને તમને ચાહો તેવા લોકો! નથંિગ ઇન ધિસ વર્લ્ડ ઓફ એવરીથંિગ્સ, મીન્સ મોર ધેન ધેટ.
સુખ, હેપીનેસ એવી બાબતોમાં છુપાયેલું છે, જેને ગણી શકાતી નથી!
હમણાં જ મારા ૧૪ વર્ષનો દીકરા સાથે હું નેટ પર સર્ફંિગ કરતા ‘કામસૂત્ર’ પર ભટકાઇ પડયો. અને એ મારા કરતાં એના વિષે વઘુ જાણતો હતો, એ અનુભવ કંઇ આનંદદાયક નહોતો. પણ બાળકોના માથામાં હાથ ફેરવીને જ ખુશ થવાના દિવસો ગયા.
એક સ્તરે, દુનિયાના લગભગ બધા જ મા-બાપ એકસરખા હોય છે. કેટલાક અકડુ ખડુસ લાગે, કેટલાક વિચિત્ર હોય, કેટલાક ભોટ અને કેટલાક ઓછા મોજીલા લાગે- પણ અંદરથી એમના સંતાનો, તમે લોકો એમની ખુશીનો સૌથી મોટો સ્ત્રોત હો છે.
(સાચી લાગણીવાળા) પેરન્ટસને બદલામાં કશું જોઇતું નથી. બસ, તમે એમની ફીલંિગને સમજીને આદર આપો, એટલું જ અપેક્ષિત છે.
મારા જ બાળકો લો. હું માનું છું કે દીકરીઓ શુક્રના ગ્રહથી આવે છે. મારી દીકરી જેન્ટલનેસ, કેરંિગ, ઇન્ટેલીજન્સ, લવના સુંદરના ગ્રહ પરથી આવી છે. ને મારો દીકરો ‘તમારા છોકરા થવા કરતાં હું કયાંય ચડિયાતો છુ’વાળા પેંતરાના પ્લેન્ટ પરથી.
હું હમણાં લંડન હતો, અને બાળકોને મિસ કરતો હતો. હું તો બાળકો મોટા થઇ સારા માણસો બને એ માટે એમને ઉમદા લખાણો વંચાવતા બોરંિગ લોકોની જમાતનો સભ્ય છું. એટલે મેં દીકરીને એસ.એમ.એસ.થી ઇ.ઇ.કમંિગ્સની કવિતા મોકલીઃ
‘હું જાણતો નથી તમારા વિશે શું ઉઘડે છે, અને બંધ થાય છે માત્ર મારી અંદર કશુંક એટલું સમજે છે કેઃ તમારી આંખોનો અવાજ બધા ગુલાબો કરતાં વઘુ ગહેરો છે, અને કોઇના ય, વરસાદના પણ હાથ આવા નાનકડાં, કોમળ હોતા નથી!’
દીકરીનો વળતો મેસેજ આવ્યો ‘વાઉ પપ્પા, આ તો હું મારી સિક્રેટ ડાયરીમાં સિક્રેટ લોકથી સાચવીને રાખીશ. કેટી પેરી અને લેડી ગાગાના પોસ્ટરની નીચે. આજે હંગર ગેમ્સ જોવા જવાની છું. લવ યુ.’
મને થયું દીકરાને ય કશુંક લખીને મોકલું. એટલે એને ય ટેકસ્ટ મેસેજ કર્યો ‘હાઉ આર યુ સન? આઈ મિસ યુ. ખબર છે, છોકરાઓ મમ્મીના લાડકા હોય છે, ને નાનકડી ઢીંગલીઓ એટલે જ એનાથી ચીડાતી હોય છે. છોકરો ઘૂળથી ખરડાયેલા ચહેરાનું સત્ય છે. આંગળી પર પડેલા કાપાવાળું સૌંદર્ય છે. વાળમાંથી આવતી ખરબચડી ગંધવાળું ડહાપણ છે અને ખિસ્સામાં દેડકો પડયો હોય એવી તોફાની અવસ્થામાં ય ભવિષ્યની આશા છે. લવ યુ.’
અને એણે મારા આ બાપ તરીકેના ઉમળકાનો વળતો જવાબ એક વિચિત્ર ઈમોટિકોન (સ્માઈલી)થી આપ્યો. મને થયું ઉડીને મુંબઈ જઈ, એને ઉંધો લટકાડું જ્યાં સુધી એનો ચહેરો પેલા ફાલતું રેડ-ઈમોટિકોન જેવો ન લાગે!
પણ એવું મેં કર્યું નહિ, જસ્ટ હસ્યો.
મારા બાળકો જે કંઈ કરે તે, જ્યાં સુધી એ હેપી છે, ત્યાં સુધી હું ય હેપી છું!
તો એક વાલી તરીકે કહું છું, તમે જે કંઈ કરો, અરે ભૂલો કરો કે મનફાવે તેમ બોલો... તમારા પેરન્ટસ તમારા બેસ્ટ ફ્રેન્ડસ છે. એ બોરંિગ હશે, બેવકૂફ હશે, કડક હશે. મારા બાળકો મારાથી છોભીલા પડે છે, એમ તમે એમને લીધે શરમજનક સ્થિતિમાં મૂકાઈ જાવ એમ વર્તતા હશે. પણ તમે મુસીબતમાં હશો, ત્યારે તમારી ઢાલ થઈને ઉભા રહે એવા ભરોસાપાત્ર દોસ્તો તમારા મા-બાપ જ હશે.
મેં મારા મા-બાપને બહુ વહેલા ગુમાવી દીધા, અને મને એનો આજે ય અફસોસ છે. હજી એમનો ખાલીપો વર્તાય છે. એટલે તમારા બધા પાસે માતા-પિતા છે તો તમે ભલે એમનું કંઈ સાંભળો નહિ, જરૂર પડે તો એમને મૂરખ બનાવો, ક્યારેક એમની સામે જૂઠ્ઠુંય બોલી લો... પણ સાથે હો ત્યારે એમના હોવાનો આનંદ માણવાનું ભૂલતા નહિ. કારણ કે, મારી જેમ એવી સ્થિતિ આવશે કે એ જીવનમાં નહિ હોય ત્યારે એમને બહુ તડપી તડપીને યાદ કરશો. જેની સાથે ગરમ થઈ ઉઘ્ધતાઈથી વાત કરી શકો, એવું કોઈ પછી રહેશે નહિ. જેને તમે ‘ટેકન ફોર ગ્રાન્ટેડ’ લઈ શકો, જેમને તમારી બધી જ ઈચ્છા મુજબ નચાવી શકો ને જે ચાહો એ કહી શકો એવું બીજું કોઈ તમને જડશે નહિ. બિનશરતી પ્રેમ પામવાની સગવડ પછી નહિ મળે. હું તો આવા પેરન્ટસને સદાય પ્રેમ અને માફી આપતી ‘પંચંિગ બેગ્સ’ કહું છું, જે પોતાના બાળકોની ખીજ કે અકળામણ ઝીલી લેવામાં ય આનંદ અનુભવે છે!
જો જીવનમાં ઝંઝાવાતો સામે ટકવું હોય, તો આ પ્રેમની ભેટોનું સન્માન કરતા શીખજો.
એક બાળક તરીકે, તમારા પહેલા ઘડવૈયા અને શિક્ષક તમારા મા-બાપ છે. એમનો પ્રેમ કોઈ પણ સ્વરૂપમાં મળે, ભલે એ ગાલ પરનો તમતમતો તમાચા રૂપે કેમ વ્યક્ત ન થાય?- એ પ્રેમ સ્વીકારીને ઝીલી લેજો. જો એવું નહિ કરો તો જ્યારે તમે મા-બાપ બનશો ત્યારે તમારા ‘જે શિક્ષકોને તમે જન્મ આપ્યો છે’ એ (તમારા બાળકો) તમને આ પાઠ વઘુ આકરી અને અઘરી રીતે શીખવાડશે!
અને દોસ્તો, ગમે કે ન ગમે મારી જીંદગી એક શબ્દ ફરતે ભજવાતું નાટક છે ઃ સફળતા.
સફળતાની મજા આવે છે. પણ એમાંથી આપણે ડહાપણ મેળવતા નથી. કદાચ એટલે આપણે બીજાઓને, અરે ખુદના સંતાનોને પણ એ પાસ કરી શકતા નથી. માટે સફળ કેમ બનવું એના વિશે વાતો કરવી એ સમયનો બગાડ છે.
પણ હું જે કંઈ બન્યો એ એટલે બન્યો કે મને નિષ્ફળતાનો ભારે ડર હતો, ચીડ હતી. સફળ બનવાની આકાંક્ષા કરતા નિષ્ફળ ન જવાની સાવચેતી મારામાં તીવ્ર હતી. એક નાના ગરીબ મઘ્યમવર્ગીય પરિવારમાંથી આવતો હોઈને મેં બહુ ફેઈલ્યોર્સ બચપણથી જોઈ. મારા સુંદર પિતા એક ‘સફળ નિષ્ફળતા’નું ઉદાહરણ હતા. હું ફિલ્મસ્ટાર બનું એ જોવા જેટલું જીવવા મારી માતા સફળ ન થઈ. એટલે જ શરૂઆતમાં ગરીબીના ભયથી જે હાથ મળી એવી, બીજાએ છોડેલી ફિલ્મો પણ મેં કરી. બેકારી ટાળવા! અને એમાંથી સફળતા મળી. મતલબ, સકસેસ હમેશા તમારા પ્રયાસોના પરિણામરૂપે જ મળે તેવું નથી. એ અકસ્માતે સર્જાતી ઘટના છે. સંયોગ છે. એબસન્સ ઓફ ફેઈલ્યોર સફળ નથી, પણ રિસ્પોન્સ ટુ ધ ફેઈલ્યોરથી સફળ થવાય છે. નિષ્ફળતા એક શિક્ષક છે, જે તમને નિર્ણયોમાં સ્પષ્ટતા આપે છે. જીંદગી ક્વોલિફિકેશન્સ કરતા વઘુ કોમ્પ્લિકેટેડ છે. માટે તંગ દોરડા પર એકલા ચાલવાનું, પેરન્ટસની પંચંિગ બેગને સાચવવાનું અને હાર સાથે દોસ્તી કરવાનું શીખજો, ને કોઈની યે કચરા જેવી વાતો સહન ન કરતા!
બ્લેસ યુ ઓલ. થેન્કસ.
ફાસ્ટ ફોરવર્ડ
કોઇ અપની હી નજર સે તો હમે દેખેગા
એક કતરે કો સમુંદર નજર આયે કૈસે?
(વસીમ બરેલવી)

Share |
 

Gujarat Samachar Plus

આઈરીશ યુવાન બ્રાયન ગૌફની અનોખી ટિફિન સેવા
ફરવાના ફંડામાં લોકર શોઘતા પરિવારો
એસ.ટીના કન્સેેશન પાસની પ્રોસેસ ટ્રાન્સપરન્ટ બનાવી
જંગલની અંઘારી રાતે આકાશનો અદ્દભૂત નજારો
કેરીના રસની મીઠાસમાં સેક્રિન અને સિન્થેટિક કલરની કડવાશ
 

Gujarat Samachar glamour

‘મારા ઘણા મિત્રો હોમોસેક્સ્યુઅલ છે!’ મલ્લિકા
ઐશ્વર્યા-અમિતાભ પ્રથમવાર એક જાહેરાતમાં સાથે ચમકશે!
માઘુરીને ‘માસ્ટર દીનાનાથ વિશેષ’ એવોર્ડ અપાશે!
રજનીકાન્ત રોકાણકારોને નુકશાન ભરપાઈ કરી આપશે!
રશિયામાં બોલીવુડની ફિલ્મો ફરીથી દર્શાવાની માંગણી કરાઈ
 
 

84th Oscar Awards

   
 
amul
   
   

Gujarat Samachar POLL

એન.આર.ઈન્સીટ્યુટ ડાન્સ પાર્ટી

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved