Last Update : 22-April-2012, Sunday

 
'વિયાગ્રા'ને ટક્કર મારે તેવાં નવા 'સેક્સ ડ્રગ'ની શોધ હાથવેંતમાં છે ?
પ્રેમનું રસાયણ એટલે 'લવ ડ્રગ'
''પ્રથમ નજરના પ્રેમથી ભગ્ન હૃદયના પ્રેમ સુધીની અસર''
ફ્‌યુચર સાયન્સ - કે.આર ચૌધરી

- વિયાગ્રાએ ઉંમરલાયક લોકોની દબાયેલી જાતિયવૃત્તિનો ભડકો કરવામાં ઘણું બધું પેટ્રોલ છાંટી દીધું અને બધા ખુશ હતા 'ફિલગુડ ફેક્ટર' કામ કરી ગયું

અચાનક આંખોથી આંખો મળી જાય છે, અચાનક કોઈક વધારે બ્યુટીફૂલ લાગવા માંડે છ અને પહેલી નજરનો પ્રેમ થઈ જાય છે. પ્રેમમાં પડવા માટે માત્ર સેકન્ડનો પાંચમો ભાગ લાગે છે નશાકારક ડ્રગ્સ કોકેઇનને મગજ પર અસર થતા પણ એટલો જ સમય લાગે છે. પ્રેમ દિલથી થાય છે કે દિમાગથી ? વૈજ્ઞાાનિકો હજી મુંઝવણમાં છે તમારા વડીલોને કહેતા સાંભળ્યા હશે લગ્ન પહેલા અમે એકબીજાન પૂરા જોયાં પણ ન'હતા, અને લગ્ન થઈ ગયા. સવાલ લગ્નનો નહીં પ્રેમનો છે. સુહાગ રાતના દિવસે પતિ- પત્નીને આત્મીયતા કેમ લાગવા માંડે છે. અચાનક કોઈ વ્યક્તિ ઉપર મનુષ્ય ભરોસો કેમ કરવા માંડે છે પત્નીની લાજ-શરમ થોડી મિનિટોમાં ગાયબ કઈ રીતે થઈ જાય છે. દૂર થઈ ગયેલ પ્રેમી કે પ્રેમિકા અચાનક સામે આવી જતાં પેટમાં પતંગીયા શા માટે ઉડવા માંડે છે. કોઈક અજાણી ક્ષણે તમને પણ આવા સવાલો જરૃર થયા હશે ! છાપામાં લેભાગુ તાંત્રિકોની વિધિથી અન્યના દિલ-દિમાગમાં ફરી વાર પ્રેમ જાગૃત કરી શકાય ખરો ? જવાબ છે સ્પષ્ટ 'ના'. કોઈના પ્રત્યે લાગણી કે પ્રેમ જાગૃત તમારા વતી કોઈ અન્ય કરી શકે નહીં. પ્રેમ પેદા કરવાની દવા મેડિકલ સ્ટોરમાં વેચાતી હોત તો સૌથી વધારે વેચાણ કદાચ એ દવાનું થાત કદાચ તમને એમ કહેવામાં આવે કે 'લવ ડ્રગ્સ' જેવી પ્રેમ પેદા કરવાની દવા છે. પ્રેમના અંકુરો રસાયણ વડે પેદા કરી શકાય તો કદાચ તમને ઝટકો પણ લાગશે.
શરુઆતમાં જે બધા સવાલો પેદા થયા તેનો એકમાત્ર જવાબ છે મનુષ્યના મગજમાં ખાસ પ્રકારનો અંતસ્ત્રાવ ઝરે છે જેને ઓક્સીટોન કહે છે તેના કારણે પ્રેમ નામનો જાદુ સર્જાય છે. પ્રથમ નજરનો પ્રેમ થવા માટે ઓક્સીટોન જવાબદાર છે. અચાનક કોઈ પોતાનું લાગવા માંડે, તેના ઉપર જિંદગીભરનો વિશ્વાસ મૂકવાનું મન થાય, બાષ્પીભવન પામતા પેટ્રોલ માફક શરમ ગાયબ થઈ જાય અને જાતીય ઉમળકો જાગવા માંડે એ બધાનું મૂળ કારણ પણ મગજમાં સર્જાતી બ્રેઇન કેમેસ્ટ્રી છે. આ પ્રેમનું અમૂલ્ય રસાયણ એટલે 'ઓક્સીટોસીન' ભારતીય જનતા પાર્ટી દ્વારા 'એન.ડી.એ.' સરકાર સમયે એક શબ્દ વહેતો મૂકવામાં આવ્યો હતો 'ફિલ ગુડ ફેક્ટર' મનુષ્યના લગભગ બધા જ ફિલ ગુડ કારણો પાછળનું કોઈ કેમિકલ હોય તો તે 'ઓક્સીટોસીન' છે. આમ તો મગજના 'ફિલ ગુડ' ફેક્ટર માટે ડોપામાઇન, ઓક્સીટોસીન, એડ્રીનાલીન અને વાસોપ્રેસીન જેવા રસાયણો કામ કરે છે પરંતુ પ્રેમ, જાતીયતા અને જાતીય સમાગમ બાબતે આધુનિક વિજ્ઞાાને જે સંશોધન કર્યા છે તેમાં 'ઓક્સીટોસીન' ચમત્કારી અને જાદુઈ અસર બતાવી રહ્યું છે.
એક દાયકા પહેલા ચાલીસી વટાવી ગયેલ પુરુષો અને શિશ્નોત્થાનની સમસ્યાથી પીડાતા (ઇરક્ટાઇલ ડિસફંક્શન) માટે વિયાગ્રા/ વાયગ્રા નામની રામબાણ દવા શોધાઈ અને પુરુષોમાં જાણે પુરુષાતનનું ફરીવાર ઘોડાપુર આવવા લાગ્યા હતા. વિયાગ્રાએ ઉંમરલાયક લોકોની દબાયેલી જાતિયવૃત્તિનો ભડકો કરવામાં ઘણું બધું પેટ્રોલ છાંટી દીધું અને બધા ખુશ હતા 'ફિલગુડ ફેક્ટર' કામ કરી ગયું. પ્રેમનું આ વિયાગ્રા રસાયણ સ્ત્રીઓ ઉપર પણ અજમાવી જોવામાં આવ્યું અને ઘણી સ્ત્રીઓએ તેનાથી સંતોષ થતો હોવાની લાગણી રજૂ કરી એટલે બજારમાં 'ફિમેલ વિયાગ્રા' પણ ઉપલબ્ધ થઈ ગઈ. સવાલ એ થવા લાગ્યો કે આ રસાયણ કઈ રીતે કામ કરે છે. સાદી સમજણ થોડાક જ શબ્દોમાં મળી જશે. શરીરમાં એક રસાયણ કામ કરે છે જેની અસરો ઉમદા છે જેનું નામ છે 'નાઇટ્રીક ઓક્સાઇડ' શરીરને હંમેશા યુવાન અને તરોતાજા રાખવા માટે નાઇટ્રીક ઓક્સાઇડની ભૂમિકા મહત્ત્વની છે અને તેના કેમિકલ રીએક્શનથી થતા શારીરિક ફેરફારો પણ મહત્ત્વના છે. નાઇટ્રીક ઓક્સાઇડના કારણે રક્તવાહિનીઓ થોડીક ઢીલી અને શિથિલ બને છે. સાથે સાથે થોડી પહોળી પણ થાય છે. આ કારણે પુરુષોના શિશ્ન અને સ્ત્રીના ગુપ્તાંગ તરફ રક્તનો પ્રવાહ વધી જાય છે તેથ શિશ્નોત્થાન અને ગુપ્તાંગ ફૂલે છે જાતીય સમાગમ વખતે સ્ત્રી- પુરુષની ચરમસીમાએ લઈ જવામાં તે મહત્ત્વની ભૂમિકામાં આવી જાય છે. (અહીં નોંધવાપાત્ર મુદ્દો એ પણ છે જાતીય સુખની પરાકાષ્ટાનો અનુભવ મનુષ્યને પાછો મગજમાં ઓક્સીટોસીનનું લેવલ વધતા થાય છે.) જો શરીરમાં ફોસ્ફોડાયસ્ટેરેસ ટાઇપ-૫ પ્રકારનું એક એન્ઝાઇમ એટલ કે પ્રક્રિયા ઉદ્દીપક પેદા થતું ન હોત તો પુરુષનું શિશ્ન કાયમ ઉત્થાન પોઝિશનમાં જ રહેત. ક્યારેય 'વિરામ' પોઝિશનમાં ન આવત. ફોસ્ફોડાયસ્ટેટેસ ટાઇપ-૫ નામનું રસાયણ ટૂંકમાં PDES તરીકે ઓળખાય છે તે નાઇટ્રીક ઓક્સાઇડની અસરને નાબૂદ કરી નાખે છે બીજા અર્થમાં કહીએ તો શિશ્નોત્થાનના સમયગાળા અને ઉત્થાન પ્રક્રિયાને PDES કંટ્રોલમાં રાખે છે. ઉંમર વધવાની સાથે જ શરીરમાં 'નાઇટ્રીક ઓક્સાઇડ'ના ઉત્પાદનમાં ઘટાડો થાય છે. મનુષ્યના દિમાગમાં સેક્સનું ભૂત ધૂણતું હોય તો પણ, શરીર જવાબ આપી જાય છે. શિશ્નોત્થાન સિવાય બેમાંથી એકે ય પાર્ટનરને મજા આવતી નથી એટલે રસાયણોના રસજ્ઞાોએ વિયાગ્રા જેવી દવા બજારમાં મૂકી છે જે PDES જેમાં એન્ઝાઇમ્સની અસર નાબૂદ કરવાનું કામ કરે છે. વિયાગ્રા જેવી દવાનું સંશોધનને એન્ટી ડિપ્રેસન્ટ એટલે કે માનસિક ડિપ્રેસનની સારવાર માટે થઈ હતી જેની સાઇડ ઇફેક્ટમાં મોટી ઉંમરના પુરુષોને શિશ્નોત્થાનની વણમાંગી ભેટ મળી ગઈ. સાઇડ ઇફેક્ટ હવે મુખ્ય ઇફેક્ટ બનીને 'સેક્સ ડ્રગ્સ' તરીકે જાણીતી બની ગઈ. પણ આખી રામાયણ અને સીતાહરણ પછીનો મુખ્ય સવાલ એ હતો કે મનુષ્ય જિંદગીમાં સેક્સ કે જાતીય સમાગમ એ સીડીનું બીજું પગથિયું છે. પહેલા વિજાતીય પાત્રો વચ્ચે પ્રેમ કઈ રીતે પેદા કરવો ? ઘડીના છઠ્ઠા ભાગમાં કોઈ આપણા પ્રત્યે મમતા અને લાગણી કઈ રીતે અનુભવી શકે ?
બોડી લેન્ગવેજની વાત કરીએ ત્યારે કોઈ પાત્રની આંખોમાં આંખો નાખો, હાથમાં ાથ નાખો, માથા ઉપર પ્રેમથી હાથ ફેરવો કે પીઠને હળવા હાથે થપથપાવો ત્યારે મનુષ્ય દિમાગમાં ઓક્સીટોસીન નામનો અંતઃસ્ત્રાવ પોતાન અસર બતાવે છે કારણ કે, આ બધી પ્રક્રિયા દ્વારા જ્ઞાાનતંતુઓ સતેજ બનતા ઓક્સીટોસીનને 'રીલીઝ' કરવા માટે કારણભૂત બને છે. અને મનુષ્ય ફિલ એકદમ 'ગુડ'. જો આ 'ગુડનેસ' લાંબી ચાલે તો પ્રેમમાં પડતા વાર લાગતી નથી અને સીડીના બીજા પગથિયે પગ મૂકતા પણ વાર લાગવાની નથી. દિમાગ દિલને પ્રેમ કરવા માટે મજબૂર કરે છે. આત્મીયતાનો અહેસાસ, આંખોમાં દેખાતો વિશ્વાસ, શરીરમાં અચાનક ગતિશીલ થાત આવેગના ચક્રો એક નવી દુનિયામાં મનુષ્યને ફેંકી દે છે. નવી દુનિયા એટલે પ્રેમ અને સેક્સમાં પ્રવેશવાની મુખ્ય સ્વીચ એટલે પણ 'ઓક્સીટોસીન.'
આખરે આ 'ઓક્સીટોસીન' રસાયણનો લિટમસ ટેસ્ટ કરી તેની વિશેષતા જાણવી કઈ રીતે ? ભસતા કૂતરા પાસે જઈને માલિક તેની પીઠ થપથપાવે અને ગણતરીની સેકંડોમાં કૂતરો શાંત થઈ મિંદડી બની જાય છે. કેમ ? દરેક કરોડરજ્જુ ધરાવતા પ્રાણીઓ જેમાં સસ્તન વર્ગના પ્રાણીઓ પણ આવીજાય તેના 'દિમાગ'ને સળવળવતું અટકાવવા 'ઓક્સીટોસીન' પેદા થાય છે. કૂતરાની પીઠ થપથપાવતા તેને પણ આત્મીયતા અને વિશ્વાસનો અહેસાસ થાય છે. જો પ્રાણી આમ વશમાં કરી શકાતું હોય તો વિજાતીય પાત્ર કેમ નહીં ? એટલે જ કહી શકાય કે વશીકરણ કરવા માટે તાંત્રિકની નહિ પરંતુ પોતાન લાગણી દર્શાવી અન્યને લાગણીમાં ઓતપ્રોત કરવાની આવડત તમારામાં હોવી જોઈએ. અહીં માઇનસ પોઇન્ટ એ છે કે વિજાતીય પાત્રના દિમાગમાં જ્યાં સુધી 'ઓક્સીટોસીન'નો દીવડો જલતો રહે ત્યાં સુધી પ્રેમ, લાગણી, આત્મીયતા, વિશ્વાસ વગેરે ટકે છે પરંતુ ઓક્સીટોસીન પણ પેટ્રોલ માફક જલ્દી બાષ્પમાં ફેરવાઈ જાય છે તેનો સાયન્ટીફીક અર્થ એ કરવાનો કે, 'ઓક્સીટોસીન'નું લેવલ ઝડપથી ઘટતું જાય છે. અને પ્રેમીઓ માટે ચંદ ક્ષણોની ચાંદની અને ફરીવાર 'અંધેરી રાત' શરુ થાય છે. 'ઓક્સીટોસીન'ની અસરકારકતા અને આધુનિક સંશોધનોમાં ઉંડા ઉતરતીએ તો તાજા સમાચાર એ છે કે....
નાકમાં છાંટવાના ઓક્સીટોસીન સ્પ્રેનો દિવસમાં બે વાર ઉપયોગ કરનાર પુરુષોને આ 'સિન્થેટિક ડ્રગ્સ'ની અસર વિયાગ્રા જેવી લાગી છે. ફાઇઝર કંપની જેણે વિયાગ્રાની શધ કરી હતી તે ટીમના એક વૈજ્ઞાાનિક ડો. માઇક વિલિ કહે છે કે 'દુનિયામાં શિશ્નોત્થાનની સમસ્યાથી પીડાતા લોકોની સંખ્યા ઘણી જ વધારે છે. કેટલાય એવા દર્દી છે જેમનું શરીર 'વિયાગ્રા' પ્રત્યે સંવેદન અનુભવતું નથી આવા સમયે 'ઓક્સીટોસીન' વડે એક નવો આશાવાદ સર્જાયો છે. તે કઈ રીતે કામ કરે છે તે હજી સુધી જાણી શકાયું નથી પરંતુ ઓક્સીટોસીન, ડોપામાઇનની સીસ્ટમ સાથે પ્રક્રિયા કરતું લાગે છે. જેના કારણે મનુષ્યની 'સેકેસ્યુઅલ એક્ટીવીટી'ને બુસ્ટ મળે છે. ક્લીનીકલ ટ્રાયલના સકારાત્મક પરિણામો બતાવે છે કે 'ઓક્સીટોસીન' દ્વારા વિયાગ્રા જેવા બ્લોક બસ્ટર ડ્રગની શોધ થઈ શકે તેમ છે.'
ઓસ્ટ્રેલિયાના સંશોધક કહે છે કે, 'ઓક્સીટોસીન' માનવીમાં સામાજિક ભાવના ઉત્તેજે છે. જેનો અર્થ છે સારી વ્યક્તિને તે વધારે 'જેન્ટલમેન' બનાવી નાખે છે. જ્યારે હિંસક અને ગુનાહિત માનસ ધરાવતી વ્યક્તિને તે વધારે આક્રમક બનાવી મૂકે છે. ડ્યુક યુનિવર્સિટીના વૈજ્ઞાાનિકોએ 'ઓક્સીટોસીન'ના અખતરા, ભારતીય વાનર ઉપર કરી જોયા છે. વાનરોમાં જ્યારે પોતાનું હિત જોખમાતું ન હોય ત્યારે અન્ય વાનરો પ્રત્યે વધારે સંવેદનશીલ, સહકાર આપનાર અને સામાજિક સહજતા ધરાવતા બની જાય છે. પરંતુ સિક્કાની બીજી બાજુ એ છે કે 'ઓક્સીટોસીન'ની અસર નિર્મૂળ થતી જાય છે એટલે વાનર મૂળ પાછા પોતાના 'સેલ્ફીશ' (સ્વકેન્દ્રી અને ગરજ મતલબી) બની જાય છે.
એમોરી યુનિ. સ્કૂલ ઓફ મેડિસીનના સાઇકીઆટ્રીના પ્રો. મેરી યંગ કહે છે કે, '(વિયાગ્રાની માફક) ઓક્સીટોસીન હતાશા અને માનસિક ઉત્તેજનાઓ શાંત કરે છે. આ ઉપરાંત મગજનો તાપ સાથે સંકળાયેલ જે ભાગ છે તેની એક્ટીવીટી પણ તે ઘટાડે છે. તેનાકારણે માનવીનો 'ડર' ઓછો થતા વિશ્વાસમાં વધારો થાય છે. આ ડ્રગ્સની અસર નીચે પહેલાં તો જે વ્યક્તિ ગભરાતી હતી અને અણગમો બતાવતી હતી તે સહજ બની ડર પામ્યા વગર સહકાર આપવા માંડે છે. (આ અસરનો દુરૃપયોગ પણ થઈ શકે.)' માઉન્ટ શિનાઈ સ્કૂલ ઓફ મેડિસીનના સંશોધક એરિફ હોલેન્ડરના પ્રયોગો બતાવે છે સામાજિક સંવેદનનો સ્વભાવવાળી વ્યક્તિ (એપ્ટીઝમ્સના દર્દીઓ)ને ઓક્સીટોસીન આપવાથી તેની ચહેરા યાદ રાખવાની ક્ષમતા ઘટે છે. અવાજ દ્વારા લાગણીનો જે પડઘો પાડવામાં આવે છે તેને તે સારી રીતે સમજી શકે છે. સામાજિક ભાવના જાગૃત કરવા માટે આ બધા હકારાત્મક પરિણામો છે. સંશોધકોના 'ઓક્સીટોસીન'ના પરિણામો આશાસ્પદ છે. જો કે વૈજ્ઞાાનિકોને માત્ર 'સેક્સ ડ્રગ' જેવી કે વિયાગ્રા નહિ પરંતુ લાગણીસભર પ્રેમથી પરિતૃપ્ત કરે તેવા 'લવ ડ્રગ્સ'ની જરૃર છે જે પ્રેમ અને આત્મીયતા સાથે સફળ સમાગમની પરાકાષ્ટા આપે. વિયાગ્રાના કારણે 'શિશ્નોત્થાન' જરૃર થાય છે પરંતુ મગજમાં લાગણી શૂન્યતા જેવી અસર રહે છે.
ઓક્સીટોસીન શબ્દનું મૂળ ગ્રીક ભાષામાં છે જે 'ઓકીટોકીન' શબ્દ ઉપરથી ઉતરી આવ્યો છે જેનો અર્થ થાય છે 'ક્વીક બર્થ' (ઝડપી જન્મ) ૧૪૦૬માં બ્રિટીશ ફાર્માકોલોજીસ્ટ સર હેનરી હોલેટ ડેલ દ્વારા પ્રસવ પ્રક્રિયા સાથેના ઓક્સીટોસીનના સંબંધોની શોધ કરવામાં આવી હતી.
પ્રેમમાં પડેલ વ્યક્તિના લોહીમાં નર્વગ્રોથ ફેક્ટર (NGF) નું પ્રમાણ ઉંચુ ગયેલ હોય છે પ્રથમ નજરના પ્રેમમાં પણ આવી જ કેમિસ્ટ્રી કામ કરે છે. રક્તમાં વધેલ ઓક્સીટોસીન અને NGF ની કેમિસ્ટ્રી સમજી શકાય તો, વૈજ્ઞાાનિકો ઇમોશનલ અત્યાચાર અને પ્રેમમાં તૂટેલ દિલવાળાની હતાશા સમજી શકાશે. હંમેશા 'પ્રેમભૂખ'થી પીડાતા માનસિક રોગીઓની સારવાર પણ વૈજ્ઞાાનિકો ઓક્સીટોસીનના સંશોધન પરથી જોઈ શકાય છે. પરંતુ સંશોધનની કેટલીક મર્યાદાઓ છે જે 'ઓક્સીટોસીન'ને 'લવ ડ્રગ' બનતા રોકી રહી છે.
મગજમાં ખાસ પ્રકારના ઓક્સીટોસીન રિસેપ્ટર જ તેની હાજરી પારખી શકે છે સ્ત્રી અને પુરુષ શારીરિક પ્રેમની ચરમસીમા ઉપર હોય ત્યારે મગજમાં પ્લાઝમા ઓક્સીટોસીન વધી ગયેલું હોય છે હૃદયમાં પણ ઓક્સીટોસીન અને તેના રીસેપ્ટરની હાજરી જોવા મળેલ છે. (કદાચ એ કારણે પણ સામાન્ય માનવીએ પ્રેમ અને દિલનો સંબંધ જોડી દીધો હોય.) પ્રયોગશાળામાં બનાવેલ સિન્થેટિક ઓક્સીટોસીન દવારૃપે જઠર અને આંતરડામાં જાય તો લોહીમાં ભળે તે પહેલાં જ નાશ પામે છે. એટલા માટે ઇન્જેક્શન અથવા નાકમાં છાંટવાના સ્પ્રે વડે ઓક્સીટોસીનને શ્વસન પ્રક્રિયા દ્વારા સીધા જ લોહીમાં ભેળવવાની કોશિષ કરવામાં આવે છે. લોહીમાં ભળ્યા બાદ માત્ર ત્રણ જ મિનિટમાં તેનો જથ્થો અડધો થઈ જાય છે. એટલે મનુષ્ય એક સેકંડના પાંચમા ભાગમાં પ્રેમમાં પડે તો, માત્ર પંદર મિનિટના સમયગાળામાં જપ્રેમનો પડદો ઉંચકાઈ જાય છે. આમ પ્રેમ થયા પછી તેને લાંબો સમય ટકાવી રાખવા ખરેખર દિલની ભાવના અને વિલ પાવર જોઈએ. પણ મુળ વાત પર પાછા આવીએ તો ઇન્જેક્શન વાટે આપેલ ઓક્સીટોસીન મગજમાં પહોંચે ત્યારે ખાસ પ્રકારના બ્લડબ્રેઇન બેરીઅર તેને ઝડપથી ચેતાતંત્રની પ્રણાલિમાં પ્રવેશતું રોકે છે. છેવટે એક જ માર્ગ બચે છે નાક વાટે તેનો સ્તારવ કરવાનો. જો વૈજ્ઞાાનિકોને ઓક્સીટોસીનને સીધો જ મધ્યસ્થ ચેતાતંત્રમાં પહોંચવાનો માર્ગ મળી જશે તો વર્ષે દહાડે ૨.૫૦ અબજ ડોલર વેચાતી વિયાગ્રાની માંગ ઉપર કદાચ પાણી પણ ફરી વળે.

Share |
 

Gujarat Samachar Plus

આઈરીશ યુવાન બ્રાયન ગૌફની અનોખી ટિફિન સેવા
ફરવાના ફંડામાં લોકર શોઘતા પરિવારો
એસ.ટીના કન્સેેશન પાસની પ્રોસેસ ટ્રાન્સપરન્ટ બનાવી
જંગલની અંઘારી રાતે આકાશનો અદ્દભૂત નજારો
કેરીના રસની મીઠાસમાં સેક્રિન અને સિન્થેટિક કલરની કડવાશ
 

Gujarat Samachar glamour

‘મારા ઘણા મિત્રો હોમોસેક્સ્યુઅલ છે!’ મલ્લિકા
ઐશ્વર્યા-અમિતાભ પ્રથમવાર એક જાહેરાતમાં સાથે ચમકશે!
માઘુરીને ‘માસ્ટર દીનાનાથ વિશેષ’ એવોર્ડ અપાશે!
રજનીકાન્ત રોકાણકારોને નુકશાન ભરપાઈ કરી આપશે!
રશિયામાં બોલીવુડની ફિલ્મો ફરીથી દર્શાવાની માંગણી કરાઈ
 
 

84th Oscar Awards

   
 
amul
   
   

Gujarat Samachar POLL

એન.આર.ઈન્સીટ્યુટ ડાન્સ પાર્ટી

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved