Last Update : 18-April-2012, Wednesday

 

ફર્સ્ટ ક્લાસ ફર્સ્ટ ચાર્મીએ સ્કૂલે જવાની જ ના પાડી દીધી !

વેદના-સંવેદના - મૃગેશ વૈષ્ણવ

- બીજાના ચહેરા વાંચી શકતી ચાર્મીને લાગ્યું કે એ લોકો એની પીઠ પાછળ એની નંિદા કરે છે અને તેને તથા તેના કુટુંબને બરબાદ કરવાનું કાવતરું ઘડે છે

 

ચાર્મી ખૂબ જ હોંશિયાર છે નવમા ધોરણમાં પ્રથમ નંબર લાવે છે. કુટુંબીજનોનો હરખ સમાતો નથી ચાર્મી એસ.એસ,સી. બોર્ડમાં કુટુંબનું નામ ઉજાળશે જ એવું ગર્વભેર લોકોને કહે છે.
વેકેશનમાં ચાર્મી પોતાના રૂમમાં જ રહે છે. સતત વાંચતી રહે છે આમ પણ તેને કોઈ ખાસ મિત્રો- બહેનપણીઓ નથી સોસાયટીમાં પણ તે ભાગ્યે જ કોઈની સાથે વાતચીત કરે છે.
બીરેન્દ્રભાઈ અને જેનીબેનને પોતાની પુત્રી માટે ગર્વ છે. તેને ક્યારેય ટી.વી. ન જોવા માટે ટોકવી નથી પડતી કારણ તેને ટી.વી.નો કોઈ શોખ નથી તેણે ક્યારેય સ્કુટી કે મોબાઇલ ફોનની માગણી નથી કરી. જ્યારે એની ઉંમરની છોકરીઓના ઘરમાં આ માટે જ ઘણા ઝઘડા થતા હોય છે.
ચાર્મીને બહાર ફરવા, પિક્ચર જોવા કે ડીનર માટે જવાનો પણ શોખ નથી તે પોતાનામાં અને પોતાના અભ્યાસમાં જ મસ્ત રહે છે. ચાર્મી ઓછાબોલી, શાંત, કહ્યાગરી છે. મમ્મીને તેના કામમાં મદદ કરાવે છે મમ્મી-પપ્પા કહે છે ચાર્મી બહુ જ પરિપક્વ છે એના વિચારો જોતાં એની ઉંમર કરતા તે વીસ વર્ષ આગળ છે.
વેકેશનમાં બરાબર વાંચ્યા પછી જૂન મહિનામાં સ્કૂલ ખુલે છે. ચાર્મી નિયમિત રીતે સ્કૂલે જાય છે બઘું આવડે છે એટલે તે ક્લાસમાં ફટાફટ બોલવા માંડે છે. શિક્ષકો કહે છે બીજાને પણ શીખવાડેે, સહાઘ્યાયીઓ કહે છે... પોતાની હોંશિયારી બતાવે છે.
ચાર્મી ધીરે ધીરે ક્લાસમાં બોલવાનું બંધ કરે છે. ઘરમાં પણ એકલા રહેવાનું પસંદ કરે છે કુટુંબમાં બધા સાથે બેસી જમવાનું પણ ટાળે છે. ઘરમાં પણ કોઈ સાથે વાતો કરતી નથી.
મમ્મી સમજાવે છે, વાંચવાનું આટલું બઘુ ટેન્શન ન લેવાય. પપ્પા ખુશ થાય છે દિકરીને આજના જમાનાનો રંગ લાગ્યો નથી. આ વખતે બોર્ડમાં નંબર પાકો છે.
ચાર્મી એકલી અટુલી રૂમના બારી બારણા બંધ કરી રૂમમાં ભરાઈ રહે છે અને એક દિવસ સ્કૂલે જવાનું બંધ કરે છે મમ્મી- પપ્પા સમજે છે તબિયત ખરાબ હશે, ફેમિલી ડૉક્ટરને બતાવે છે. ફેમિલી ડોક્ટર કહે છે, ‘ભણવાનું ઘણું ટેન્શન લઈ લીઘું છે. આમ પણ એને બઘું આવડે છે થોડા દિવસ ઘેર આરામ કરાવો.’
ચાર્મી રૂમમાં એકલી પડી રહે છે વાંચવાનું તેણે બંધ કર્યું છે મમ્મીને ઘરકામ પણ કરાવતી નથી. પથારીમાંથી ઉઠાડી બ્રશ કરવાનું તથા નહાવાનું પણ મમ્મીએ કહેવું પડે છે. મમ્મી સ્કૂલે જવાનું કહે છે તો તેની સાથે ગુસ્સો કરે છે, બરાડા પાડી બોલે છે, ‘મને ખબર છે તું પણ એ બધા સાથે જ ભળી ગઈ છે.’
મમ્મીને સમજાતું નથી કે દિકરી શું કહેવા માંગે છે. પપ્પા મમ્મી દિકરીને વિશ્વાસમાં લઈ સમજાવે છે, ‘બેટા, શું વાત છે ? તું સ્કૂલે શા માટે નથી જતી ?’
‘એ લોકો વિશ્વાસ મૂકવા લાયક નથી...’
‘કોણ ? બહેનપણી... શિક્ષકો... ?’
‘એ બધા જ... એ લોકો મારી પીઠ પાછળ મારી કુથલી કરે છે, મને હેઠી પાડે છે.. શિક્ષકો મને એવું જ પૂછે છે જે મને આવડે નહિ... પછી બધા વચ્ચે મને ઉતારી પાડે છે. એ બધાએ ભેગા મળીને મારી વિરુદ્ધ કાવતરું કર્યું છે જેથી હું નાપાસ થાઉં... મારા ઝીરો માર્કસ આવે.’
પુત્રીની વાત સાંભળી પપ્પા ચોંકી ઉઠે છે. બીજા જ દિવસે સ્કૂલમાં ફરિયાદ કરવા જાય છે. તેઓ કાંઈક બોલે એ પહેલાં ક્લાસટીચર આનંદથી પૂછે છે, ‘ચાર્મીને કેમ છે ? એ ક્યારથી સ્કૂલે આવે છે ? એના વગર ક્લાસમાં ભણાવવાની મઝા નથી આવતી. તબિયત થોડી સારી થાય તો તમે એને સ્કૂલે મોકલો. અમે જરૂરી સંભાળ લઈશું, ચાર્મીની બધી જ સહાઘ્યાયીઓ બીરેન્દ્રભાઈને વીંટળાઈ વળી અને કહેવા લાગી ચાર્મીને જલ્દી મોકલો એને ભણતી જોઈ અમને પણ ઉત્સાહ આવે છે.’
બીરેન્દ્રભાઈ ઘરે આવે છે ચાર્મીને બધી વાતો કરે છે અને કોઈ પણ પ્રકારનો ડર રાખ્યા વગર સ્કૂલે ભણવા જવાનું કહે છે. ચાર્મી મોઢા પર આંગળી મૂકી પપ્પાને ચૂપ રહેવા ઇશારો કરે છે મમ્મીને ઘરના બારી-બારણા બંધ કરવા કહે છે અને કહે છે કે, ધીરે બોલો પડોશીઓ સાંભળી જશે તો આપણને જેલમાં પુરાવશે એમના ઇરાદાઓ સારા નથી.
જેનીબહેન કહે છે, ‘બેટા એવું કાંઈ જ નથી એ બધા જ સારા માણસો છે. ઉલટાની તારી બહુ ચંિતા કરે છે.’
‘મમ્મી તને ખબર નથી એ લોકો આપણા વિશે ઘસાતુ બોલે છે. આપણા કુટુંબને બરબાદ કરવા કાવત્રું કરે છે. એમને આવી વાતો કરતા મેં સાંભળ્યા છે.’
‘ના બેટા, એવું કાંઈ જ નથી...’
‘તમને એની ખબર ન પડે. હું એમને છાનીછૂપી બારીમાંથી જોઉં છું... હું એમના ચહેરા વાંચી શકું છું એ લોકો આપણી તમામ હિલચાલ પર ચાંપતી નજર રાખે છે. આપણને બરબાદ કરવાનું કાવત્રું કરે છે.’
મમ્મી- પપ્પા હેબતાઈ જાય છે. પુત્રીને સમજાવે છે કે, એવું કાંઈ નથી પણ ચાર્મી કહે છે ‘મને એ લોકોના અવાજો સંભળાય છે જે તમે સાંભળી શકતા નથી. એ લોકો મને આદેશો આપે છે, તારે વાંચવાનું નથી તું ગમે તેટલું વાંચીશ પણ બોર્ડમાંથી અમે તારા માટે એવું પેપર કઢાવશું કે તું નાપાસ થાય... અમે તને બરબાદ કરી નાંખીશું.’
મમ્મી- પપ્પા વધારે ચંિતામાં મૂકાય છે. ઘરના વડીલો કહે છે કે એને કોઈની નજર લાગી ગઈ છે. કોઈકે એને કંઈક કરી નાખ્યું છે સમયસર એનું નિવારણ કરાવો !
ચાર્મીને ભૂવા- ફકીરો પાસે લઈ જવાય છે. દોરા-ધાગા માદળિયા બંધાય છે પણ ચાર્મી તો એના રૂમની પથારીમાં પડી પડી મોટા ભાગે છત તરફ જોયા કરે છે નહાવા- ધોવાનું બંધ કરે છે. ખાવાપીવામાં પણ બેદરકાર બને છે, વાંચવાનું સાવ બંધ કરી દે છે. કોઈ સમજાવવા જાય તો તેના પર ગુસ્સે થાય છે, જોરજોરથી ઘાંટા પાડવા લાગે છે. ક્યારેક તે એકલી એકલી બબડે છે કોઈ અદ્રશ્ય વ્યક્તિ સાથે વાતો કરતી હોય તેવા હાવ-ભાવ અને ઇશારાઓ કરે છે.
ચાર્મીના માતાપિતાને લાગે છે કે આ તેમની પુત્રીને કંઈક બીમારી થઈ છે. તેની મનોચિકિત્સા કરાવાય છે પણ આ નિર્ણય સુધી પહોંચતા છ મહિના નીકળી જાય છે. ચાર્મી દસમાનું વર્ષ ગુમાવે છે.
ચાર્મીને માનસિક રોગ થયો છે તેની બીમારીનું ‘એડોલન્સ સ્કીઝોફ્રેનિયા’ એવું નિદાન થાય છે.
ચાર્મીની બીમારી વિચારો, લાગણી અને વર્તનની બીમારી છે આના કારણે તેની બુદ્ધિશક્તિ પર કોઈ અસર થઈ નથી.
ચાર્મીની બીમારી પરીક્ષાના ટેન્શનને કારણે કે વઘુ પડતું વાંચવાને કારણે થઈ નથી તે નવમા ધોરણ સુધી પ્રથમ નંબરે પાસ થઈ તેથી કોઈની નજર લાગી ગઈ એવું પણ નથી. દસમાના ક્લાસમાં શરુઆતમાં ગઈ અને એને બઘું આવડતું હતું તેને કારણે શિક્ષકો અને સહાઘ્યાયીઓ એને ઉતારી પાડતા કેટલાક વાક્યો બોલતા હતા એવું પણ ન હતું.
પરંતુ મગજમાં ડોપામીન નામના રસાયણનું પ્રમાણ વધતા તેને આજુબાજુના લોકોમાં અવિશ્વાસ આવવા લાગ્યો હતો. તેને લોકોના ઇરાદાઓ પર પણ શંકા થવા લાગી હતી. તેનું પરસેપ્શન- પ્રત્યક્ષીકરણ કે લોકોને જોવાની દ્રષ્ટિ બદલાતા તેને એવું લાગવા માંડ્યું હતું કે લોકો તેને ઉતારી પાડવાની કોશિષ કરે છે તેના વિરુદ્ધ કાવત્રું કરે છે. બસ પછી તો ચાર્મીએ પોતાના ઘરના રૂમમાં જ પોતાની જાતને કેદ કરી દીધી તે બારી બારણા પણ બંધ રાખવા માંડી તેને પડોશીઓ ઉપર પણ શંકા જવા લાગી.
ધીરે ધીરે તેને અવાજો સંભળાવવા માંડ્યા આ અવાજો બીજા કોઈને સંભળાતા નહોતા પરંતુ માત્ર ચાર્મીને જ સંભળાતા હતા. તેની આસપાસની ભ્રમણાની દુનિયામાં બનતી આ બધી ઘટનાઓએ તેને વધારે ચંિતિત, શંકાશીલ અને સુરક્ષિત બનાવી દીધી હતી. તેણે વાંચવાનું, જાતની સંભાળ લેવાનું બંધ કર્યું હતું. તેને બધા લોકો સાથેના સંપર્કો કાપી નાખ્યા હતા તે એટલી અટૂલી પડી રહેલી હતી અને છત સામે જોયા કરતી હતી તો ક્યારેક બબડતી કોઈ સાથે હવામાં વાતો કરતી હોય તેવા હાવભાવ અને ઇશારાઓ કરતી હતી.
ચાર્મીના મમ્મી- પપ્પા માની બેઠા હતા કે તેનું મગજ ફેઇલ થઈ ગયું છે તે હવે પહેલાની જેમ ભણી નહીં શક તે પાગલ થઈ ગઈ છે. બીરેન્દ્રભાઈના માસીયાઈ ભાઈને પણ આમ જ થયું હતું અને તેઓ બાકીની જંિદગી ઘરના ખૂણામાં એકલા અટુલા નાહ્યા-ધોયા વિના પડ્યા રહેતા હતા.
પણ એ વાત સાચી નહતી ચાર્મી પાગલ નતી થઈ કે એનું મગજ પણ ફેઇલ નહતું થયું. તેના મગજમાં ડોપામીનનું પ્રમાણ સમતોલ કરાય એવી દવાઓ આપી એટલે બે-ત્રણ મહિનામાં ચાર્મી પૂર્વવત્‌ સ્વસ્થ થઈ ગઈ હતી. તેને પહેલાં ભણેલું બઘું જ યાદ હતું અને તેની બુદ્ધિશક્તિ, યાદશક્તિ અને હોંશિયારીમાં કોઈ ફેર પડ્યો નહતો.
ચાર્મી જેમ સ્વભાવે એકલપેટા, શરમાળ ઘણા યુવક- યુવતીઓ છે આમાંથી બે-ચાર ટકાને અભ્યાસમાં પાછળ પાડવા માંડે જાત પ્રત્યે બેદરકાર કે પછી સ્કૂલમાં જવામાં અનિયમિત બને ભણવામાં રસ કે એકાગ્રતા ગુમાવી દે તો માતા-પિતાએ તેની પાછળ પડી જઈ સતત ટોક ટોક કરવાની જરૂર નથી.
આવા બાળકોને વિચારો, લાગણી કે વર્તનની સમસ્યા થાય તો કંઈ બઘુ લૂંટાઈ નથી જતું કે કારકિર્દી ખતમ નથી થઈ જતી. પરંતુ મગજના રસાયણોનું સમતોલન દવાથી સાચવી લેવાય તો તે સંપૂર્ણપણે નોર્મલ બની શકે છે.
ચાર્મી ત્યારબાદ દસમા ધોરણમાં ૯૪% સાથે અને બારમા ધોરણમાં ૮૮% સાથે પાસ થઈ હતી હાલમાં તે રશિયામાં મેડિકલનો અભ્યાસ પણ પૂરો કરી ચૂકી છે.

Share |
 

Gujarat Samachar Plus

શિયાળાની કસરત ઉનાળામાં કામ ના લાગે
જેવા કપડાં તેવા કલરના મોબાઇલ કવર રાખવાનો ક્રેઝ
સ્વિમંિગપૂલમાં એડમિશન લેવું અઘરું
રોજના ૫૦૦૦ મોબાઈલનું વેચાણ
 

Gujarat Samachar plus

ગુજરાતી રસોડામાં ફેસબુકના તડકાનો મસાલો
મિલના ભુંગળામાંથી ઘુમાડો વઘે કે તરત જ ઓનલાઈન વોર્નંિગ
અમદાવાદના માર્કેટમાં ક્યાંય દેશી દાઉદખાની ઘઉં નથી
પરીક્ષાના છેલ્લા પેપરની છેલ્લી ઘડીની હાશ...
 
 

84th Oscar Awards

   
 
amul
   
   

Gujarat Samachar POLL

એન.આર.ઈન્સીટ્યુટ ડાન્સ પાર્ટી

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved