Last Update : 04-April-2012, Wednesday
 
આ વર્ષના અંતમાં અમેરિકામાં રાષ્ટ્રપ્રમુખની ચૂંટણી છે એમાં બારાક ઓબામા શું ફરી ચૂંટાઈ આવશે ખરા?

- કદાચ એક દિવસ કોઈ ભારતીય પણ રાષ્ટ્રપ્રમુખ બની શકે છે!
- અમેરિકાના વહીવટી તંત્રમાં વધી રહેલા ભારતીઓ

 

અમેરિકામાં આ વર્ષે રાષ્ટ્રપ્રમુખની ચૂંટણી થવાની છે. ત્યાં આપણા જેવી ચૂંટણી પઘ્ધતિ નથી પણ આખો દેશ એક ફક્ત રાષ્ટ્રપ્રમુખને ચૂંટે છે અને રાષ્ટ્રપ્રમુખ પછી પોતાના પ્રધાનમંડળને નક્કી કરે છે.
આપણા દેશ અને અમેરિકામાં પાયાનો ફેરફાર એ છે કે... ત્યાં નાગરિકનું મહત્વ પહેલું છે જ્યારે સત્તાધારી (પછી એ સેનેટર હોય કે પ્રધાન હોય કે પોલિસ હોય)નું મહત્ત્વ છેલ્લું છે. જ્યારે આપણે ત્યાં નાગરિકનું મહત્ત્વ છેલ્લું તો શું... પણ છે જ નહીં (કારણકે આપણે ૪૦૦ વર્ષ સુધી ગુલામીમાં જકડાયેલા રહેલા એટલે અંગ્રેજો અને મુસલમાનો આપણને દબાયેલા જ રાખવામાં માને. આજે પણ બ્રિટનના કેટલાક ધોળીયાઓ આપણને ગુલામ સમજે છે અને અહીંના કેટલાક મુસલમાનો પણ ‘‘અમે તમારા માલિક હતા...’’ એવો ભાવ રાખે છે!) ફક્ત બંધારણમાં અને ચૂંટણી વખતે જ નાગરિકનું મહત્ત્વ રાખ્યું છે. ત્યાં અમેરિકામાં ‘‘નાગરિક કહે તે સાચું’’ એવું સરકાર (એટલે સત્તા પર બેઠેલા) માને છે જ્યારે અહંિ ‘‘નાગરિક ખોટો જ છે’’ એવું સરકાર માને છે!
આપણી આખી ચૂંટણી પઘ્ધતિ પણ સત્તાલક્ષી છે. સેવા માટે ચૂંટાવાનું નથી પણ સત્તા માટે ચૂંટાવાનું છે! એટલે ત્યાં વ્યક્તિ બે મુદત સુધી જ રાષ્ટ્રપ્રમુખની ચૂંટણી લડી શકે છે જ્યારે અહીં એવી કોઇ મર્યાદા નથી.
આપણું બંધારણ અને ચૂંટણી પઘ્ધતિ સત્તાલક્ષી હોવાથી આપણે ત્યાં રાજકીય પક્ષોનો રાફડો ફાટેલો છે... લગભગ ૭૦૦-૮૦૦ રાજકીય પક્ષો છે જેમાં સુબ્રમણ્યમ સ્વામિ જેવાનો એક જ સભ્યનો (એ જ સભ્ય એ જ પ્રમુખ, એ જ મંત્રી, એ જ ખજાનચી) છે છતાંએ સરકારને ઘૂ્રજાવે છે! બીજી અણ્ણા હઝારે જેવા જના વીસ જેટલા જ સભ્યો છે એ સિવિલ સોસાયટીના નામે સરકાર અને સંસદને હચમચાવે છે! (સરવાળે આપણા દેશમાં લોકશાહી નથી પણ ટોળા શાહી છે)
સાચી લોકશાહી તો અમેરિકામાં છે. ત્યાં બે જ રાજકીય પક્ષો છે. બીજા બે ચાર છે પણ એ નામના જ છે. બ્રિટનમાં પણ બે જ મુખ્ય છે. (આપણી જેવી ટોળાશાહી ચાલે જ નહીં) બ્રિચનની જેમ અમેરિકામાં જે બે પક્ષ છે એમાં એક પક્ષ છે ડેમોક્રેટ અને બીજો પક્ષ છે રિપબ્લિકન. અત્યારના રાષ્ટ્રપ્રમુખ બારાક ઓબામા ડેમોક્રેટીક પાર્ટીના સભ્ય છે. ડેમોક્રેટીક પાર્ટી માટે સવાલ એ છે કે... એ ઓબામાને ફરીથી પોતાના ઉમેદવાર બનાવે કે પછી બીજા કોઇને?
અમેરિકાના બંધારણ મુજબ કોઇપણ વ્યક્તિ બે જ વખત માટે એટલે ૮ વર્ષ સુધી રાષ્ટ્રપતિ રહી શકે છે.
જોકે, બીજી વખતની ઉમેદવારીમાં સાધારણ રીતે વિરોધપક્ષનો દાવો વઘુ મજબૂત માનવામાં આવે છે. (પેલું ‘‘ઈન્કમબન્સી’’ નામનું ભૂત ઊભું કર્યું છે એટલે)
ચૂંટણીની તારીખ પણ હંમેશા એટલે દર વખતે નક્કી જ હોય છે. આપણે ત્યાં હોય છે એવું ડંિડક નહીં. એટલે નવેમ્બરમાં ચૂંટણી છે પણ એની પ્રક્રિયા જાન્યુઆરીથી શરૂ થઇ ગઇ છે. એટલે ઓબામા અને એના ડેમોક્રેટીક પક્ષની સામેના રિપબ્લિકન પક્ષની દાવેદારી મજબૂત માનવામાં આવે છે. રિપબ્લિકન પક્ષના અત્યારે મેદાનમાં બે ઉમેદવાર છે જેમાંથી છેવટે એક નક્કી કરાશે. એ બેમાંના એક મેસાચુસેટ્‌સના મિટ રોમની અને બીજા ન્યુટ ગંિગરિચ છે.
અમેરિકામાં જે બીજા પક્ષો છે એને બધા ‘‘થર્ડ પાર્ટી’’ તરીકે ઓળખાય છે પણ ૧૮૪૮ પછી (એટલે ૧૬૪ વર્ષથી) અમેરિકામાં ડેમોક્રેટીક અને રિપબ્લિકન સિવાય બીજો કોઇ પણ પક્ષ સત્તામાં નથી આવ્યો. એટલે ‘‘થર્ડ પાર્ટીઓ’’’નું હવે કોઇ મહત્ત્વ નથી રહ્યું. (આપણા દેશમાં પણ કોંગ્રેસ, ભાજપ, જનતા દળ જેવા ચાર પાંચ જ પક્ષ રહેવા જોઇએ. પ્રાદેશિક પક્ષોની દાદાગીરી બંધ કરીને ખોટા ખર્ચા બચાવવા જોઇએ.)
હવે, અત્યારના બારાક ઓબામા ડેમોક્રેટીક પક્ષના ઉમેદવાર થઇને ચૂંટણી લડીને, ચૂંટણી જીતીને, ફરીથી રાષ્ટ્રપતિ બની શકે છે પરંતુ એ માટે એમણે સખત સામનો કરવો પડે તેમ છે.
ત્યાંની ચૂંટણીપ્રક્રિયાના ઊંડાણમાં ઉતરીને થોડીક વિગતવાર પઘ્ધતિ જોઇએ.
પક્ષો રાષ્ટ્રપતિપદના પોતાના ઉમેદવાર નક્કી થાય એ પહેલાં અમેરિકાના ૫૦ રાજ્યોમાં (આપણી જેમ ત્યાં પણ જૂદા જૂદા રાજ્યો છે...) રિપબ્લિકન અને ડેમોક્રેટીક પક્ષના સભ્યો મતદાન કરીને પોતાના એક ‘‘ઈલેક્ટર’’ ચૂંટે છે. રાષ્ટ્રપ્રમુખ પદ માટે ઊભા રહેનારા પક્ષના ઉમેદવારોમાંના કોઇને કોઇના ટેકેદાર હોય છે.
આ ‘‘ઈલેકટર’’ ચૂંટવાની પ્રક્રિયા જાન્યુઆરીથી શરૂ થઇ ગઇ છે જેને ‘‘પ્રાઇમરી ઈલેકશન’’ કહે છે. એ ઉમેદવારો પક્ષના સક્રિય કાર્યકરો હોય છે. આ ‘‘પ્રાઇમરી ઈલેકશન’’ હજી ચાલુ છે જે જૂનમાં પૂરું થઇ જશે.
આ દરમ્યાન જ રાષ્ટ્રપતિપદના ઉમેદવારોના નામ દરેક પક્ષ નક્કી કરવા ઠેર ઠેર સંમેલનો કરે છે. એ સંમેલનોમાં દરેક રાજ્યોમાંથી આવેલા પ્રતિનિધિઓ ભાગ લે છે. આ સંમેલનોમાં જ રાષ્ટ્રપતિપદના ઉમેદવાર નક્કી કરાતા હોય છે.
એ પછી ચૂંટણીનો ત્રીજો તબક્કો શરૂ થાય છે જેમાં ઉમેદવારો મતદારોનો ટેકો મેળવવા સંમેલનો પ્રચાર કરે છે અને તેમાં દેશ સામેના પ્રશ્નોની ખુલ્લી ચર્ચા કરે છે. છેલ્લા ચાર વર્ષમાં દેશે શું ગુમાવ્યું, શું મેળવ્યું એની ચર્ચા કરે છે.
આ વખતે બારાક ઓબામા સામે રિપબ્લિકન પક્ષના મિટ રોમની મજબૂત ઉમેદવાર છે એટલું જ નહીં પણ એમનું પલડું ભારે છે. બારાક ઓબામાને હરાવવા માટે એમને બહુ મહેનત કરવી પડે તેવું નથી.
જોકે હજી રોમની એક માત્ર ઉમેદવાર રિપબ્લિકન પક્ષના નક્કી નથી થયા. એમની સામે એમના જ પક્ષના ગિગરિચ સાથે ખેંચાખેંચ ચાલે છે. ઓબામા પણ એ રિપબ્લિકન પક્ષના પગલે પગલાનું ઘ્યાન રાખે છે. પાટનગર વોશંિગ્ટન અત્યારથી ચૂંટણીના રંગમં રંગાઇ ગયું છે.
રિપબ્લિકન પક્ષના જે બે ઉમેદવારોના નામ અત્યારે સ્પર્ધામાં છે એમાં ગિગરિચ સારા અને પ્રભાવશાળી વક્તા છે અને આર્થિક બાબતો ઉપર એમની પકડ પણ સારી છે. તેઓ લાસ વેગાસના ધનાઢ્‌ય કુટુંબના છે. એમણે અને એમની પત્નીએ એક જ પખવાડીયામાં ૧,૦૦,૦૦,૦૦૦ ડોલરનું ફંડ એવી સંસ્થાઓને આપ્યું છે કે જે એમના પ્રચારના કામમાં લાગી ગઇ છે.
પરંતુ એમના જીવનનો ભૂતકાળ રાજકીય અને સામાજિક બન્ને રીતે કલંકિત છે. એમની પૂર્વપત્ની ખુલ્લેઆમ અન્ય મહિલાઓ સાથેના એમના સંબંધોના આરોપ લગાવે છે. ૩૦ વર્ષ પહેલાં ગિગરિચને સેનેટને એક કમીટીએ ગુનેગાર ઠરાવેલા. તેઓ વોશંિગ્ટનમાં રસ્તાઓ પર ફરીને સામાન વેચતા હતા ત્યાંથી ૧,૬૦,૦૦,૦૦૦ ડૉલરની વિશાળ સંપત્તિના માલિક થઇ ગયા!
રિપબ્લિકન પક્ષ જો ગિગરિચને રાષ્ટ્રપતિપદના પોતાના ઉમેદવાર નક્કી કરે તો બારાક ઓબામાને મુશ્કેલી નથી પણ રિપબ્લિકન પક્ષ જો મિટ રોમનીને ઉમેદવાર બનાવે તો ઓબામાને મુશ્કેલી છે.
કહેવાય છે કે... અમેરિકામાં ૧૦માંથી ૯ વ્યક્તિ ભગવાનમાં માને છે અને એમાંના ૪૦ ટકા નિયમિત ચર્ચમાં જાય છે. એ દ્રષ્ટિએ રોમની ભગવાનના માણસ ગણાય છે.
ઓબામાએ અમેરિકામાં ભારતીય મતદારોને પોતાનો મોટો આધાર માન્યા છે. અમેરિકાના ‘‘સાઉથ એશિયન કોમ્યુનિટીજ’’એ બહાર પાડેલા આંકડાઓ મુજબ અમેરિકામાં ભારતીય મૂળ અમેરિકનો જે છે અને જેઓ ત્યાં મતદાન કરી શકે તેમ છે એટલે કે ૨૦૦૦-૨૦૧૦ના દસકા કરતાં સંખ્યામાં ૬૮ ટકાનો વધારો થયો છે. એવું માનવામાં આવે છે કે લગભગ ૩૨,૦૦,૦૦૦ ભારતીયો અમેરિકામાં રહે છે. એમાં કેટલાક એવો આશાવાદ કરે છે કે... આ સંખ્યા જો વધતી ગઇ તો જેમ બારાક ઓબામા જેવા બિનગોરા અને હબસી નેતા અમેરિકાના રાષ્ટ્રપ્રમુખ બની શક્યા એમ કોઇ ભારતીય પણ એક દિવસ અમેરિકાના પ્રમુખબની શકે છે.
અમેરિકામાંના ભારતીય અમેરિકનોનો ટેકો મેળવવા પહેલાંથી જ પોતાના તંત્રમાં ભારતીય સ્ટાફને લેવાની નીતિ રાખી છે. અત્યાર સુધીમાં એમણે લગભગ બે ડઝન કરતાં વઘુ ભારતીય અમેરિકનોને પોતાના સ્ટાફમાં લીધા છે. એમને મહત્ત્વની જવાબદારીઓ (પોસ્ટ) પણ આપી છે. હમણાં જ એમણે બહુ જ પ્રતિષ્ઠિત નેશનલ મ્યુઝીયમ લાયબ્રેરી સર્વિસીઝ બોર્ડના સભ્ય તરીકે પોલા ગંગોપાઘ્યાય નામના ભારતીય અમેરિકનને લીધા અને નેશનલ ઈન્સ્ટીટયુટ ઓફ ફુડ એન્ડ એગ્રીકલ્ચર ડિરેકટર તરીકે સન્ની રામસ્વામીને લીધા.

- ગુણવંત છો. શાહ

 

હોય નહીં!

હોટલમાં વેટરોના
બદલે રેલવે ટ્રેન!
આપણા કેટલાક રજવાડામાં ડાઈનીંગ ટેબલ ઉપર ગોળ ગોળ ફરતી રમકડાં ટ્રેનમાં ખાવાની વાનગીઓ રાખેલી હોય અને ખાનારાઓ એમાંથી જોઈતી વાનગી લે... એવી વ્યવસ્થા હતી. (ગ્યાલિયરના મહેલમાં એવી ટ્રેન બતાવવામાં આવે છે.)
હવે એ વ્યવસ્થાને યુરોપના પ્રાગ શહેરના એક રેસ્ટોરાંએ અપનાવી છે. રેસ્ટોરાંનું નામ ‘વ્યોત્પના’ છે. રેસ્ટોરાંમાંના બધા વેઈટરોને સ્થાને આ રેલવે ટ્રેન ટેકનીક અપનાવી છે. એમાં ૪૦૦ મીટર લાંબો રેલવે ટ્રેક રાખવામાં આવ્યો છે. અને એની ઉપર ચાલનારી ટ્રેન રેસ્ટોરાંના દરેક ટેબલ પાસેથી પસાર થાય છે. એ ટ્રેનના ડબાઓમાં ખાવાની જૂદી જૂદી વાનગીઓ રાખેલી હોય છે. એના એક ડબામાં ડીશ, ચમચીઓ, વાડકી વગેરે હોય છે અને એક ડબામાં એઠાં વાસણો મૂકવાના હોય છે.

 

News From

International National Entertainment Business Sports
             
News from Gujarat Ahmedabad Vadodara Surat Bhavnagar Rajkot  

 

Kutch Kheda-Anand North Gujarat
           
વર્ષની શરૃઆત ધીમી છતાં મક્કમ તેજીએઃ સેન્સેક્ષ ૭૪ પોઈન્ટ વધીને ૧૭૪૭૮
LIC-ને એમટીએમ પેટે ૪૨૩ કરોડનું જંગી નુકસાન
ઝવેરી બજારમાં બંધ બજારે ચાંદી ઉંચકાઈ ઃ સોનામાં નરમ હવામાન
વીમા પોલીસિ પર કરમુક્તિના લાગુ કરાયેલા નવા ધોરણ પાછા ખેંચવા રજૂઆત
ગારની અસર એફઆઈઆઈના પ્રાઈમરી માર્કેટના રોકાણ પર પણ જોવા મળી
હું હતાશ હતો ઃ વર્લ્ડ કપમાં મારી સફળતાનો શ્રેય તેંડુલકરને જાય છે

ક્લિત્શકોના ઓલિમ્પિક ગોલ્ડ મેડલની રૃ.૫ કરોડમાં હરાજી

૪૫ દિવસમાં સોના મઢેલા કાચથી જૈન મંદિર બનાવાશે
રૃા.૨૧.૮૬ લાખની કેશ સાથેનું આખુ ATM તસ્કરો ઉઠાવી ગયા
ક્રાંકચ નજીક લાગેલી આગથી બૃહદ ગીર સિંહોના રહેણાંકો ભસ્મીભુત
સંવેદનશીલ જળસીમા અને કાંઠાળ વિસ્તારમાં ઓપરેશન સાગર કવચ
કપડવંજ તાલુકાના નિરમાલીમાં નરેગા યોજનામાં કૌભાંડ
સોના-ચાંદીમાં માર્ચ વર્ષાન્તે રેફરન્સ દરો ઘટયા
આજે IPL નું ઉદ્ઘાટન ઃ પોપ સિંગર કેટી પેરી અને બોલિવુડ સ્ટાર્સ જમાવટ કરશે
ભારતીય ક્રિકેટ બોર્ડે છ વર્ષ માટેના પ્રસારણ હક્કો રૃ. ૩૮૫૧ કરોડમાં વેચ્યા
 
 

Gujarat Samachar Plus

બોલિવુડના કલાકારોને વિદેશનું વ્યસન લાગ્યું છે
શહેરના બ્લેક એન્ડ વ્હાઇટ સ્મરણો
માઈનસ ૨૦ ડિગ્રીમાં રહેતા પક્ષીઓ ૪૦ ડિગ્રીએ પણ મોજમાં ...
 

Gujarat Samachar Plus

પરીક્ષા સમયે મેમરીને બનાવો શાર્પ
પ્રોપર હેરબ્રશ કરશે પ્રોપર હેરકેર
દિલ્હી IITમાં અમદાવાદી રોબોટ પ્રથમ
હેન્ડ બેગ્સથી મેળવો ડિફરન્ટ અને એટ્રેક્ટિવ લૂક
 

84th Oscar Awards

   
 
amul
   
   

Gujarat Samachar POLL

અંબાણીની પાર્ટીમાં તેંડુલકર અને ફિલ્મસ્ટાર્સ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved