Last Update : 25-March-2012, Sunday
 

રાષ્ટ્રપતિ-ઉપરાષ્ટ્રપતિ પદની ચૂંટણીઓમાં સરકારની ફરી અગ્નિ પરીક્ષા
મમતા હવે સરકારને ઝટકો નહીં આપે અને કોંગ્રેસ મનમાની નહીં કરે

ટોકિંગ પોઇન્ટ - સુદર્શન ઉપાધ્યાય

- નર્મદા પરિક્રમા દરમ્યાન ઘણાંને અશ્વત્થામા મળે છે ઃ તે અમર પાત્ર છે એવું જ યુપીએ સરકારમાં નરોવા-કુંજરોવા કરતું મનમોહન સિંહનું પાત્ર છે; સરકારે ઘણો સમય બંધ મુઠ્ઠી રાખી...

- સાથી પક્ષો સાથે પેચઅપથી સરકારને ટેમ્પરરી હાશકારો હવે સરકાર તેની એનર્જીનો સારી દિશામાં ઉપયોગ કરશે ઃ રાજકીય અનિશ્ચિતતાનો દોર અટકે એમ નથી

મહાભારતની કથામાં આશ્વત્થામા મરાયો એ એપિસોડ પ્રખ્યાત એટલા માટે હતો કે તેના કારણે સત્યવાદી મનાતા યુધિષ્ઠિરનો રથ એક વ્હેંત નીચે ચાલવા લાગ્યો હતો. લગભગ એવું જ દિનેશ ત્રિવેદીના કિસ્સામાં થયું હતું. દિનેશ ત્રિવેદીની હકાલપટ્ટી તેમના પક્ષના વડા મમતા બેનરજીએ ઓન-ધ-સ્પોટ કરી હતી પરંતુ ગાંધી પરિવારના મિત્ર એવા દિનેશ ત્રિવેદી અંગે સરકાર મોં ખોલવા તૈયાર નહોતી. અંતે રાજીનામું યુદ્ધિષ્ઠિર સમાન વડાપ્રધાન મનમોહનસિંહને મળ્યું છે એમ કહી સમગ્ર ઘટના પર રાજકીય વિવાદ ઊભો ના થાય તેવા પ્રયાસો કરાયા હતા.
મહાભારતમાં તો યુધિષ્ઠિર સત્યવાદી તરીકે નામના પામેલા હતા પરંતુ અહીં તો વડાપ્રધાનના ઉપરાછાપરી જુઠ્ઠાણાઓમાંનું એક આ જુઠ્ઠાણું હતું. શરૃઆતમાં દિનેશ ત્રિવેદી અંગે મૌન રાખનાર સરકારે અંતે રાજીનામાની વાત સ્વીકારી લીધી હતી. અશ્વત્થામા મરાયાની વાત પાંડવો માટે લાભદાયી હતી કેમ કે તેના પિતા દ્રોણે પુત્રના સમાચાર યુધિષ્ઠિરના મોઢે સાંભળીને શસ્ત્રત્યાગ કર્યાો હતા પરંતુ દિનેશ ત્રિવેદીના જવાથી યુપીએ સરકારને કોઈ લાભ નથી. આ કેસમાં તો સરકારે મમતાને વધુ નારાજ કર્યા છે.
જેમ યુધિષ્ઠિર અશ્વત્થામા કેસમાં નરોવાકુંજરોવા કર્યું હતું એમ વડાપ્રધાન મનમોહન સિંહે અનેક કેસોમાં કર્યું છે. વડાપ્રધાન અને યુપીએ સરકારના લોકો તેમના માટે કંઈક કરશે એવી આશા દિનેશ ત્રિવેદીને હતી પરંતુ તે ઠગારી નીવડી હતી.
દિનેશ ત્રિવેદી મોટી રાજકીય ગેમ ખેલવાના મૂડમાં હતા. તે ચાન્સ મળે કોંગ્રેસમાં ઘૂસવા તૈયાર હતા. રેલવે ખોટમાં જાય તેના બદલે શહીદ ભગતસિંહ જેવા થવામાં તેમને રસ છે એમ કહેવા પાછળનું મુખ્ય કારણ તેમને કોંગ્રેસનું પીઠબળ હતું. જો કે આ પીઠબળ બોદું હતું. આ પીઠબળે દિનેશ ત્રિવેદીનો મામલો ગુંચવી માર્યો હતો. મમતા બેનરજીની ઉપરવટ જઈને પ્રવાસી ભાડા વધારવાથી માંડીને રાજીનામું ત્વરિત નહીંઆપવા સુધીના મામલે દિનેશ ત્રિવેદી પોતાના પક્ષ તૃણમુલ કોંગ્રેસને વફાદાર રહ્યા નહોતા.
યુપીએ કેન્દ્ર સરકારે તેના સાથી પક્ષો સાથે ટાઈઅપ કરી દીધું છે એટલે હવે કેન્દ્રીય સ્તરે કોઈ રાજકીય ડખા ઉભા નહીં થાય એવી ભ્રમણામાં કોઈ રાજકારણી રહેવા તૈયાર નથી. ક્યારે કયા સાથી પક્ષને વાંકુ પડશે તે કહી શકાય એમ નથી. જ્યારે તેમના સ્વાર્થની વાત આવશે ત્યારે દેશ હિતને આ લોકો અભરાઈએ ચઢાવી દેશે. શભ્ભ ના મુદ્દે રાજ્યસભામાં લઘુમતી ધરાવતી સરકારે ગેરહાજર રહી અને સમાજવાદી પક્ષ અને બીએસપીએ સરકારને ટેકો આપ્યો હતો.
યુપીએ સરકારના મેનેજરો પ્રથમવાર પગ લંબાવીને આરામથી બેઠા હતા, બધું રાજકીય ગેમ પ્રમાણે થયું હતું પરંતુ રાજકીય અનિશ્ચિતતા હજુ ઠેરની ઠેર છે.
હોળી-ધૂળેટી પસાર થયે મહિનો થવા આવ્યો છતાં ભારતના રાજકારણની હોળી ભડભડ સળગી રહી છે. ધાર્મિક હોળી તો બીજા દિવસે સવાર સુધીમાં ટાઢી પડી જાય છે પરંતુ આ હોળી તો વધુ ને વધુ પ્રજવલ્લિત થતી જાય છે. ઉત્તર પ્રદેશમાં કોંગ્રેસની કારમી હાર પછી પ્રગટેલી રાજકીય હોળીના નાળિયેર અનેક લોકો બન્યાં છે. આ રાજકીય હોળીનું પ્રથમ નાળીયેર કોંગ્રેસના પ્રિન્સ રાહુલ ગાંધી બન્યા હતા અને છેલ્લે રેલવે પ્રધાન દિનેશ ત્રિવેદી બન્યા હતા. જેમ હોળીમાંનું નાળીયેર બહાર કાઢવા અનુભવીઓ લાકડીઓનો ઉપયોગ કરીને તેને બચાવી લે છે એવું ગાંધી વફાદારોએ રાહુલ ગાંધી માટે કર્યુ ંહતું જ્યારે દિનેશ ત્રિવેદી નામનું નાળિયેર હોળીમાંથી બહાર કાઢવા કોઈ તૈયાર નહોતું અને બિચ્ચારું શહીદ થઈ ગયું હતું.
આ એક એવી રાજકીય હોળી છે કે જે આસાનીથી ઠરી જાય એમ નથી, તે હજુ ઘણાનો ભોગ લેશે. દિનેશ ત્રિવેદી તો નવા નિશાળીયા હતા. મમતા બેનરજી જેવા એગ્રેસીવ પક્ષ પ્રમુખનો આદેશ ના પાડવાની સજા એટલે હકાલપટ્ટી એમ તેઓ ખુબ મોડે-મોડે સમજ્યા હતા. આ રાજકીય હોળી માત્ર રાજકારણીઓને નહીં પણ ઘણાં નાના પક્ષોને પણ પોતાની જ્વાળામાં ખેંચી લેશે.
પ્રજા તો બેબાકળી બની ગઈ છે. દેશની આર્થિક તાકાત વધારી શકાય એવા સમયે પણ આ રાજકીય પક્ષો તેમના રાજકીય ખેલ પાડવામાં વ્યસ્ત રહેતા હતા.
યુપીએ કેન્દ્ર સરકાર પોતાને આંગણે પ્રગટેલી હોળી ઠારવા ઘણા પ્રયાસો કરે છે, પરંતુ અહીં દોઢડાહ્યાઓનો જમેલો છે. દોઢડાહ્યા જેમ આડું વેતરે એવું કોંગી વફાદારોનું છે. આ લોકો હોળી ઠારીને સ્થિરતા લાવવાના બદલે તેને પવન પુરો પાડી રહ્યા છે.
કોંગ્રેસ કૂણી પડી છે કે સાથીપક્ષો કૂણા પડયા છે એ વિવાદમાં પડવાના બદલે રાજકીય નૈતિકતા અંગે વધુ વિચારવાની જરૃર છે. રેલવે બજેટ રજૂ કરનાર પ્રધાને જ્યારે પક્ષ પ્રમુખ કરતાં વધારે હિત વિશ્વમાં સૌથી મોટા નેટવર્ક ધરાવતી ભારતીય રેલવેનું જોયું ત્યારે તેમને ધક્કા મારીને પ્રધાનપદના હોદ્દા પરથી ઉતારી મુકવામાં આવ્યા હતા. આ રાજકીય હોળીનો એક ભાગ છે.
જે ઝાટકે મમતાએ દિનેશ ત્રિવેદીની હકાલપટ્ટી કરી તેવા જ કોઈ ઝાટકા સાથે તે સરકાર સાથે છેડો નહીં ફાડે !! મમતા પાક્કા રાજકારણી છે. દિનેશ ત્રિવેદીના કિસ્સામાં કોંગ્રેસે સમાજવાદી પક્ષ સાથે જોડાણના પ્રયાસોની વાત વહેતી મુકીને મમતાને ડરાવવાનો પ્રયાસ પણ કર્યો હતો પરંતુ મમતાએ દિનેશ ત્રિવેદીને કાઢવાની વાતને પકડી રાખી હતી.
મમતા બેનરજી જાણે છેકે કેન્દ્ર છોડાય નહીં; ડાબેરી પક્ષોએ કરેલી ભૂલ મમતા રીપીટ કરે એટલા કાચ્ચા રાજકારણી નથી. ડાબેરી નેતાઓ એવું સ્વીકારતા ફરે છે કે અમે યુપીએ સરકારની પ્રથમ ટર્મમાં ટેકો ખેંચીને મોટી ભૂલ કરી હતી. હવે આ ડાબેરી મોરચાના નેતાઓ ફરી કોંગ્રેસસાથે ઈલુ-ઈલુ કરવાના મૂડમાં છે. એવી જ દશા લાલુ પ્રસાદ યાદવની છે. તે પણ કોંગ્રેસ સાથે પેચ-અપના મૂડમાં છે. જે પક્ષને રાહુલ ગાંધી ગુંડાઓની પાર્ટી વારંવાર કહેતા હતા તે સમાજવાદી પક્ષ સાથે પણ કોંગ્રેસ પેચ-અપના મૂડમાં છે. મમતા બેનરજી નવા રાજકીય સમીકરણો રચાય એ માટે તૈયાર નથી.
તે વિરોધના પાંચ મુદ્દામાંથી ચારમાં સરકારને ઝુકાવે છે અને એક માટે વડાપ્રધાન કહે તેમ કહીશું એમ કહીને સમાધાન કરી લેશે. પશ્ચિમ બંગાળના લોકોને મમતાનું એગ્રેસીવ પોલીટીક્સ ગમે છે. પશ્ચિમ બંગાળ માટે જ્યારે સ્પેશ્યલ પેકેજ મેળવવા મમતા વડાપ્રધાનનું કાંડુ આમળે છે ત્યારે ત્યાંની પ્રજા પોતાના મુખ્યપ્રધાન પર ઓવારી જાય છે.
કોમનમેનને દિનેશ ત્રિવેદીને હટાવવાનું પગલું કિન્નાખોરીભર્યુ અને ગેરવ્યાજબી લાગે છે પરંતુ દિનેશ ત્રિવેદીએ જે રીતે પક્ષના પ્રમુખની ઉપરવટ જવાનો પ્રયાસ કર્યો તે કોઈ પ્રાદેશિક પક્ષના નેતા સાંખી ના લે તે પણ સ્વાભાવિક છે.
આ ડહોળાયેલું રાજકીય વાતાવરણ મધ્યસત્ર ચૂંટણીઓ તરફ દેશને ધકેલી રહી છે. પ્રથમ નજરે કોઈપક્ષ તૈયાર નથી પરંતુ અંદરખાને તો કોંગ્રેસ સહિતના પક્ષો મધ્યસત્ર જંગ માટે રાહ જોઈ રહ્યા છે. ચૂંટણીઓ ૨૦૧૪માં આવે કે ૨૦૧૩માં આવે પણ સરકાર તો યુપીએ જ બનાવશે તેમાં રાજકીય જોડાણ કેવી રીતે રચાશે તે પર બધો આધાર છે.
રાષ્ટ્રપતિ પદની પસંદગીનો લાભ એ થશે કે દેશને સારા રાષ્ટ્રપતિ મળશે. રાષ્ટ્રપતિ પદ પછી ઉપરાષ્ટ્રપતિ પદની ચૂંટણી આવશે. સરકાર હવેનો સમય સાચવીને ચાલશે. મમતા અને કરૃણાનિધિ સાથેનું પેચઅપ તે વધુ મજબુત બનાવવામાં વ્યસ્ત છે.
યુપીએ સરકારનું નેતૃત્વ ધરાવતી કોંગ્રેસ હવે મનમાની કરતા ચેતે એવો ડોઝ મમતાએ પીવડાવી દીધો છે.
દિનેશ ત્રિવેદીનો કિસ્સો ભારતના રાજકારણનું રીયલ ચિત્ર રજૂ કરે છે તો બીજી તરફ રાજાભૈયાને પ્રધાનમંડળમાં સમાવીને અખિલેશે નવી સ્ટાઈલનું રાજકારણ ઉભું કર્યું છે. અખિલેશ એવો ખુલાસો કરે છે કે હું દરેકને સુધરવાની તક આપું છું. જ્યારે ઉત્તરાખંડમાં કોંગ્રેસને વફાદાર એવા હરિશ રાવત બળવાખોરીના માર્ગે છે.
પુરાણ કથાઓ કહે છે કે અમર થઈ ગયેલા લોકોમાં અશ્વત્થામાનો સમાવેશ થાય છે. નર્મદાની પરિક્રમા પદયાત્રા દ્વારા કરનારાઓને અશ્વત્થામાના દર્શન થાય છે એમ કહેવાય છે એવી જ રીતે જે દિવસે રેલવે બજેટ રજૂ થયું એ જ દિવસે પ્રવાસી ભાડા વધારવાના પ્રશ્ને દિનેશ ત્રિવેદીની હકાલપટ્ટીએ લોકશાહીના ઇતિહાસમાં બોલ્ડ ટાઈપમાં લખાઈ ચૂકી છે અને હંમેશા યાદ રહેશે.
જેમ છે એમ ચાલવા દોની નીતિ અપનાવ્યાસિવાય કોંગ્રેસને છૂટકો નથી. લોકપ્રિય ટીવી સીરિયલ ક્રાઈમ પેટ્રોલમાં વારંવાર કહે છે કે હર જુલ્મ દસ્તક દેતા હૈ... એવું જ જોડાણવાળા રાજકારણમાં, સાથી પક્ષોની નારાજગી સરકારને નબળી પાડે છે, અર્થાત્ આ નારાજગી દસ્તક સમાન છે.
દિનેશ ત્રિવેદીના કેસમાં સરકારે લાંબો સમય મૌન રાખ્યું હતું. વિપક્ષો માને એમ નથી એમ લાગતા સરકારે નીચું જોખ્યું હતું. આજે દિનેશ ત્રિવેદીનો ભોગ લેવાયો છે તો આવતીકાલે કોઈ બીજો સાથી પક્ષ ફરી આડેધડ તલવાર વિંઝશે!! ઓવરઓલ નુકશાન તો કેન્દ્ર સરકારને થવાનું છે.

Share |
 

Gujarat Samachar Plus

અમદાવાદ વીસ વર્ષ પછી ફરી ગડદાબાદ બનશે?
કોમર્સના સ્ટુડન્ટનું સાયન્સનામુ
આર્યુવેદની રીતે ચૈત્રી નવરાત્રિનું શું મહત્ત્વ છે?
લગ્નજીવનની ખટાશને મીઠાશમાં કન્વર્ટ કરે હસી-મજાક
 

Gujarat Samachar Plus

પૂર્વ અને પશ્ચિમમાં લોટા અને ગ્લાસ જેટલો ફર્ક
ગરમીની સીઝનમાં મેંગો માસ્કથી લાવો ત્વચામાં નિખાર
સફળતાનો આધાર સારા લોકેશન પર રહેલો છે
તમારા કોસ્મેટિક્સની સારસંભાળ કેવી રીતે કરશો?
 
 

84th Oscar Awards

   

પાંચ રાજ્યોમાં ચૂંટણી ....

election
 
amul
   
   

Gujarat Samachar POLL

ગાંધીનગરમાં ભીષણ આગ

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved