Last Update : 16-March-2012,Friday
 

રાહુલ દ્રવિડની નિવૃત્તિ જૂના જોગીઓ માટે બોધપાઠ છે

 

હવે સચિન તેંડુલકર અને વી.વી.એસ. લક્ષ્મણ ક્યારે નવોદિત ક્રિકેટરો માટે ભારતની ટીમમાં જગ્યા કરે છે તેની રાહ જોવાઇ રહી છે
તમારે ત્યારે રિટાયર થઇ જવું જોઇએ, જ્યારે લોકો તમને પૂછે કે ''તમે કેમ રીટાયર થાવ છો?'' રાહુલ દ્રવિડે ઇન્ટરનેશનલ ક્રિકેટમાંથી રિટાયર થવા માટે આવો યોગ્ય સમય પસંદ કર્યો છે. ઘણા બીજા ક્રિકેટરો એવા છે કે જેઓ ''તમે કેમ રિટાયર નથી થતા?' એવો સવાલ પૂછાવાની રાહ જોતા હોય છે. તાજેતરની ક્રિકેટ સિરીઝોમાં ભારતની ટીમે એક પછી એક ધબડકાઓ કર્યા ત્યારબાદ ક્રિકેટ પ્રેમીઓમાં માંગણી ઉઠી હતી કે સચિન તેંડુલકર, રાહુલ દ્રવિડ અને વી. વી. એસ. લક્ષ્મણ જેવા જૂના જોગીઓએ નિવૃત્ત થઇ જવું જોઇએ અને નવોદિતોને ચાન્સ આપવા જોઇએ. આ ત્રિપુટી પૈકી રાહુલ દ્રવિડે માનભેર નિવૃત્ત થવાની જાહેરાત કરી છે. હવે બાકીના બે ધુરંધરો ક્યારે નિવૃત્ત થાય તેની રાહ જોવાઇ રહી છે.
ક્રિકેટ પ્રેમીઓમાં 'વોલ' તરીકે ઓળખાતો રાહુલ દ્રવિડ ફરીથી પેદા થાય એ શક્ય નથી. ઇ.સ. ૧૯૯૬માં રાહુલ દ્રવિડે ઇંગ્લેન્ડની ભૂમિ ઉપર ટેસ્ટ ક્રિકેટમાં પદાર્પણ કર્યું ત્યારે સચિન તેંડુલકરનો ઉદય થઇ ચૂક્યો હતો. ક્રિકેટના મહાનતમ ખેલાડીના છાયામાં રમવું અને પોતાની અલગ ઓળખ ઊભી કરવી એ સહેલું કામ નહોતું. તો પણ રાહુલ દ્રવિડે પહેલી ટેસ્ટમાં ૯૫ રનની ઝંઝાવાતી પાળી રમીને સાબિત કરી આપ્યું કે તેનામાં કાંઇક અનોખી પ્રતિભા છે. રાહુલ દ્રવિડે ૧૬૪ ટેસ્ટ મેચો અને ૩૪૪ વન-ડેમાં રમીને એવા અનેક રેકોર્ડોનું નિર્માણ કર્યું છે, જે વર્ષો સુધી તૂટવાના નથી. સચિન તેંડુલકર પછી ટેસ્ટમાં (૧૩,૨૮૮) અને વન-ડેમાં (૧૦,૮૮૯) ૧૦,૦૦૦ રન પુરા કર્યા હોય તેવો એક માત્ર ભારતીય ખેલાડી છે. તાજેતરમાં ઓસ્ટ્રેલિયાની ટેસ્ટ સિરિઝમાં ચાર ટેસ્ટની આઠ પાળીમાં માત્ર ૧૯૪ રન કર્યા પછી તેને લાગ્યું કે હવે તેના રિફ્લેક્સીસ ઝાંખા પડી રહ્યા છે ત્યારે ૩૯ વર્ષની ઉંમરે ટેસ્ટ ક્રિકેટમાંથી તેણે માનભેર નિવૃત્તિ જાહેર કરી છે.
રાહુલ દ્રવિડની ખાસિયત એ છે કે વિદેશની ભૂમિ ઉપર તે ભારતનો મુખ્ય આધારસ્તંભ બની રહેતો હતો. વિદેશની ભૂમિ ઉપર ઘણી વખત ભારતની ટીમ વિજય નજીક આવીને હારી જતી હતી. આ વિજયની તક નિર્ણયાત્મકતાથી રમીને વિજયમાં પલટાવવાની વિદ્યા રાહુલ દ્રવિડે ભારતના ખેલાડીઓને શિખવી હતી. ગમે એટલુ મુશ્કેલ પરિસ્થિતિમાં પણ ઠંડા દિમાગે રમીને તે પાળીનું ઘડતર કરતો હતો અને ટીમને વિજય ભણી લઇ જતો હતો. ઇ.સ. ૨૦૦૬માં વેસ્ટ ઇન્ડિઝની ધરતી ઉપર ૩૫ વર્ષ પછી ભારતનો ટેસ્ટ શ્રેણીનો વિજય અપાવવામાં દ્રવિડની મુખ્ય ભૂમિકા હતી તેવી જ રીતે ઇ.સ. ૨૦૦૭ની સાલમાં ઇંગ્લેન્ડની ધરતી ઉપર ૨૧ વર્ષ પછી ભારતને વિજય અપાવનારી ટીમનો સુકાની રાહુલ દ્રવિડ હતો. જો કે દ્રવિડને લાગ્યું કે કેપ્ટનશીપના બોજા હેઠળ તેની બેટીંગ પ્રતિભા દબાઇ જાય છે ત્યારે તેણે કેેપ્ટનશીપ છોડવામાં સંકોચ નહોતો રાખ્યો.
ટેસ્ટ ક્રિકેટમાં વિકેટકીપર સિવાયના ફિલ્ડરે પકડેલા ૨૧૦ કેચનો વર્લ્ડ રેકોર્ડ રાહુલ દ્રવિડના નામે છે. ઇ.સ. ૨૦૦૧માં કોલકાતા ખાતે ઓસ્ટ્રેલિયા સામેની ટેસ્ટમાં ભારતની ટીમને ફોલોઓન થવાની ફરજ પડી હતી. ત્યારપછી બીજી ઇનીંગ્સમાં ભારતે જંગી જુમલો ખડકીને ઓસ્ટ્રેલિયાને પરાજયનો સ્વાદ ચખાડયો હતો. આ મેચમાં રાહુલ દ્રવિડે વી.વી.એસ. લક્ષ્મણ સાથે પાંચમી વિકેટની ભાગીદારીમાં ૩૭૬ રન કર્યા હતા. આ પાળીમાં લક્ષ્મણનો ફાળો ૨૮૧ રનનો અને દ્રવિડનો ફાળો ૧૮૦ રનનો હતો. આ વિજય દ્વારા ભારતે ઓસ્ટ્રેલિયાને સતત ૧૬ મેચો જીતવાનો ચાલી રહેલો ઉપક્રમ તોડયો હતો અને ભારતની ટીમને ગુમાવી દીધેલો આત્મવિશ્વાસ પાછો અપાવ્યો હતો.
રાહુલ દ્રવિડ, સચિન તેંડુલકર કે વીરેન્દ્ર સેહવાગ જેવો સ્ફોટક સ્ટ્રોકમેકર નથી પણ જ્યારે ધીરજપૂર્વક મજબૂત પાળીનો પાયો નાંખવાનો હોય ત્યારે રાહુલ દ્રવિડ બેનમૂન કામગીરી બજાવતો હતો. તેમાં પણ ભારતની ટીમ જ્યારે દબાણ હેઠળ રમી રહી હોય ત્યારે ફટકાઓનું ચોક્કસાઇથી સિલેકશન કરીને સંરક્ષણ ટકાવી રાખવામાં દ્રવિડનો જોટો જડે તેમ નથી. તેની આ ખાસિયતને કારણે જ તેને 'વોલ'નું બિરૃદ આપવામાં આવ્યું હતું. ઓસ્ટ્રેલિયાના સ્પીન બોલર શેન વોર્ને પોતાની આત્મકથામાં લખ્યું છે, ''એક વખત દ્રવિડ સેટ થઇ જાય તે પછી તેને આઉટ કરવા તમારે એક ડઝન તોપમાંથી એકસાથે ગોળાઓ છોડવા પડે. લારા અને ગિલક્રિસ્ટની જેમ તે અડધા કલાકમાં તમારો વિનાશ ન કરી શકે, પણ તમને ધીમે ધીમે એવા પીસી નાંખે કે તમે તમારું ધ્યાન ચૂકી જાઓ અને તમારો પ્લાન ભૂલીને દ્રવિડને શરણે આવી જાઓ.''
ભારતના એક પછી એક બેટ્સમેનો જ્યારે તંબુભેગા થઇ રહ્યા હોય ત્યારે એક છેડો ટકાવીને ભારતની આબરૃ બચાવવાનું કામ રાહુલ દ્રવિડે અનેક વખત કર્યું છે. એવું અનેક વખત બન્યું છે છે કે રાહુલ દ્રવિડે સદી ફટકારીને ભારતને જીતાડયું હોય. ઇ.સ. ૨૦૦૨ની સાલમાં રાહુલ દ્રવિડે સતત ચાર ટેસ્ટ મેચોમાં સદીઓ ફટકારી હતી. તેમાંની ત્રણ સદી ઇંગ્લેન્ડ સામે ઇંગ્લેન્ડમાં હતી અને ચોથી વેસ્ટ ઇન્ડિઝ સામે ઘરઆંગણે હતી. ઇ.સ. ૨૦૦૨ની સાલમાં દ્રવિડે એડિલેડ ખાતે ઇંગ્લેન્ડ સામે સદી ફટકારીને ભારતની ટીમને જીત અપાવી હતી. હજી ગયાં વર્ષે ૩૮ વર્ષની ઉંમરે ઇંગ્લેન્ડમાં જ ઇંગ્લેન્ડ સામે સતત ત્રણ સદીઓ ફટકારીને તેણે પોતાના ક્લાસનો પરિચય કરાવી આપ્યો હતો. હજી ગયા વર્ષના નવેમ્બર મહિનામાં કોલકાતા ખાતે વેસ્ટ ઇન્ડિઝ સામે રમતાં રાહુલ દ્રવિડે ૧૧૯ રન કર્યા હતા. સચિન તેંડુલકર એક બાજુ પોતાની ૧૦૦મી સદીની પ્રતીક્ષા કરી રહ્યો હતો ત્યારે બીજી બાજુ રાહુલ દ્રવિડે ચાર સદીઓ ફટકારી દીધી હતી.
રાહુલ દ્રવિડે ટેસ્ટ ક્રિકેટમાં ૩૧,૧૮૯ બોલ રમવાનો વિશ્વ વિક્રમ નોંધાવ્યો છે. ઓપનીંગમાં આવીને છેલ્લે સુધી નોટઆઉટ રહેવાની વિરલ સિદ્ધિ જે ત્રણ ભારતીય બેટસમેનોના નામે છે, તેમાં સુનિલ ગાવસ્કર અને વીરેન્દ્ર સેહવાગની સાથે રાહુલ દ્રવિડનું નામ પણ આવે છે. ઇ.સ. ૨૦૧૧માં ઓવલમાં ઇંગ્લેન્ડ સામે રમતાં તેણે ૧૪૬ રન બનાવ્યા હતા અને તે આખર સુધી નોટઆઉટ રહ્યો હતો. ઇંગ્લેન્ડમાં ઇંગ્લેન્ડ સામે રમતાં બે વખત એક ટેસ્ટ સિરીઝમાં ત્રણ ત્રણ સદીઓ ફટકારવાનું પરાક્રમ વિશ્વમાં ડોન બ્રેડમેન પછી માત્ર રાહુલ દ્રવિડે કર્યું છે. રાહુલ દ્રવિડે ઇ.સ. ૨૦૦૨માં અને ૨૦૧૧માં ઇંગ્લેન્ડમાં ઇંગ્લેન્ડ સામે રમતાં ત્રણ ત્રણ સદીઓ ફટકારી હતી. આવું પરાક્રમ સચિન તેંડુલકર પણ કરી શક્યો નથી. એક મેચની બે ઇનીંગ્સમાં ડબલ સેંચુરી ફકટારવાનો વિક્રમ માત્ર ગાવસ્કર અને રીકી પોન્ટીંગ ઉપરાંત રાહુલ દ્રવિડના નામે છે.
ભારતની ટીમમાં જેન્ટલમેન તરીકેની છાપ ધરાવતો રાહુલ દ્રવિડ ગમે તેવી મુશ્કેલ પરિસ્થિતિમાં પણ પોતાના મગજની સમતુલા ગુમાવતો નહોતો. તેણે ઇ.સ. ૧૯૯૬ની સાલમાં ભારત વતી ટેસ્ટ ક્રિકેટમાં પદાર્પણ કર્યું ત્યારે જેની કલ્પના પણ નહીં કરી હોય તેવી વિરલ સિદ્ધિઓ તેને પ્રાપ્ત થઇ હતી. તેમ છતાં આ સિદ્ધિઓનું તેને ક્યારેય અભિમાન નહોતું થયું. રાહુલ દ્રવિડે પોતાના વિદાય પ્રવચનમાં અત્યંત સૂચક ઢબે કહ્યું છે કે ''ભારતના અન્ય કોઇ પણ છોકરાની જેમ એક સમયે હું પણ ભારતની ટીમ વતી રમવાનું શમણું ધરાવતો હતો. મેં ક્યારેય એવી કલ્પના નહોતી કરી કે મારી આ મુસાફરી આટલી લાંબી અને આટલી સંતોષજનક હશે. મારો સમય અદ્ભૂત હતો,પણ હવે મને લાગે છે કે મારે નવી પેઢીના ક્રિકટરો માટે જગ્યા કરવી જોઇએ, જેઓ ભારતની ક્રિકેટ ટીમને વધુ ઉજ્જવળ ઇતિહાસ તરફ દોરી જશે.'' રાહુલ દ્રવિડની ફેરવેલ સ્પીચમાં સચિન તેંડુલકર અને વી. વી. એસ. લક્ષ્મણ જેવા જૂના જોગીઓ માટે પણ કોઇ સંદેશો છૂપાયો હોય તેવું લાગે છે.
રાહુલ દ્રવિડે જે ૧૬ વર્ષ ભારતની ટીમ માટે રમ્યો તેમાં તેના ત્રણ મુખ્ય સિદ્ધાંતો હતાઃ (૧) ટીમ માટે રમવું અને બધું કરી છુટવુ. (૨) સ્વમાન સાથે રમવું. (૩) ક્રિકેટની રમતની ગરિમા જાળવી રાખવી. આ ત્રણ સિદ્ધાંતો માત્ર નવોદિત ખેલાડીઓને નહીં પણ વર્ષોથી ભારતની ટીમ માટે રમતાં કેટલાક અનુભવી ખેલાડીઓેએ પણ યાદ રાખવા જેવા છે. આજે કેટલાક ક્રિકેટરો ટીમની ચિંતા કર્યા વિના પોતાના વ્યક્તિગત રેકોર્ડ બનાવવા માટે જ રમતા હોય છે. તેમણે રાહુલ દ્રવિડ પાસેથી બોધપાઠ ગ્રહણ કરવો જોઇએ. આજના કેટલાક નવોદિત ખેલાડીઓ ઓન ફિલ્ડ અને ઓફ ધ ફિલ્ડ જે અટકચાળાઓ કરતા હોય છે અને છાકટા બનતા હોય છે તેમણે પણ રાહુલ દ્રવિડ પાસેથી કાંઇક શીખવું જોઇએ.
દેશના અન્ય કેટલાક ટોચના ખેલાડીઓની જેમ રાહુલ દ્રવિડને પણ જાહેરખબરના કરોડોના કોન્ટ્રાક્ટ મળતા હતા અને આઇપીએલમાં પણ તેને કરોડો રૃપિયા કમાવાની તક મળી હતી. થોડા વધુ સમય સુધી આ કમાણી ચાલુ રાખવાના લોભમાં રાહુલ દ્રવિડ હજી થોડો વધુ સમય ટીમમાં ચિટકી રહ્યો હોત તો સિલેક્ટરો તેને પડતો મૂકવાની ઝટ હિંમત બતાવી ન શકત અને હજી એકાદ વર્ષ સુધી તેને વાંધો આવત નહીં.
એવા કોઇ લોભમાં ફસાવાને બદલે રાહુલ દ્રવિડ યોગ્ય સમયે નિવૃત્તિની જાહેરાત કરી દીધી છે. રાહુલ દ્રવિડ નિવૃત્ત થાય છે એ ઘડી તેના માટે ગમગીનીની છે, પણ તેમાં સ્વાભિમાન પણ છૂપાયેલું છે. છેલ્લાં એક વર્ષથી સચિન તેંડુલકર માટે બોલાઇ રહ્યું છે કે તે ભારતની ટીમને જીતાડવા માટે નથી રમતો પણ પોતાની ૧૦૦ સદીનો વિક્રમ પૂરો કરવા માટે જ રમે છે. આ માટે સચિન તાજેતરમાં વન-ડે મેચો પણ રમ્યો હતો, પણ નિષ્ફળ ગયો હતો. રાહુલ દ્રવિડની નિવૃત્તિ સચિન માટે પણ પ્રેરણાત્મક બની રહેવી જોઇએ.
- સુપાર્શ્વ મહેતા

Share |

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
 

Science and Technology

માર્સ - ૫૦૦ ''પૃથ્વી પરનો સ્પેસ ટ્રાવેલનો સૌથી લાંબો પ્રયોગ''

પપુઆ ન્યુગીનીના દરિયામાં ઃ સોલ્વારા-૧
માઇફો-લિપો ફિલિંગ
વ્યાયામ અને આહારથી BP ઘટાડી શકાય... !
બ્રો-લિફટ કે પાળ લિફટ
 

Gujarat Samachar Plus

શરદીને રોકવાના સરળ ઉપાય
સ્ટેટસ વધારવા બાળકોને ખોટી ટેવ ન પાડો
 

Gujarat Samachar Plus

ક્લાસમાં ૩૦ ટકા ચશ્માધારી પપ્પુઓ
અમદાવાદને ઈજિપ્તની આર્ટ સાથે જોડતી કડી
આઘ્યાત્મ સાથે જોડાય તે જ સાત્વિક સંગીત
મોબાઈલના મહાસાગરમાં લેન્ડલાઇન લવર્સ
આંખે જોવી અને નાકે સૂંઘવી ગમતી ગલીઓ
ચાઈનીઝ રિયાલીટીનો રંગ આપણા ફૂડમાં ક્યારે?
સ્ટાઈલીશ બનવા માટે રજૂઆત સાથે રંગનું મહત્ત્વ
  More Stories
 

84th Oscar Awards

   

પાંચ રાજ્યોમાં ચૂંટણી ....

election
 
amul
   
   

Gujarat Samachar POLL

લાઠીચાર્જ @ ગાંધીનગર

webad3 lagnavisha
   

Follow Us

Facebook Twitter
   
 
   

ARCHIVES
સમાચાર સંગ્રહ જોવા અહી ક્લિક કરો

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
       
 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
   
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2012 All Rights Reserved