Last Update : 25-Dec-2011,Sunday
 

સાયકલ વાપરતા કરોડપતિ

- વજન ઘટાડવું છે ? તો સાયકલ ફેરવો
- સાયકલ વાપરો અને શરીરને સ્વસ્થ રાખો
- જર્મની, ચીન યુરોપના દેશો સાયકલ ફેરવવા ભણી વળ્યા
- મુંબઈ, અમદાવાદ, વડોદરા, સુરત, ભાવનગર, રાજકોટ વગેરે બધા શહેરોમાં પાંચ કિલોમીટર જતા મોટરમાં એક કલાક થાય અને સાયકલ પર અડધી કલાક ! વળી તંદુરસ્ત શરીર રહે, ખર્ચ પણ કશો નહીં અને પર્યાવરણ બગડે નહીં

૪૦-૫૦ વર્ષ પહેલાંની વાત છે. ત્યારે અમદાવાદ સાયકલોનું શહેર ગણાતું. પૂના, વડોદરા અને દિલ્લી પણ સાયકલોમાં અમદાવાદ સાથે હરિફાઈ કરતા. 'ગુજરાત સમાચાર' જેવા કાર્યાલયોના આંગણામાં સાયકલો, સાયકલો જ પડેલી હોય. સવારના કાપડની મીલોના ભૂંગળા વાગે ત્યારે સાયકલો જ મીલો તરફ દોડતી દેખાય. મીલોની રાતની પાળી છૂટે ત્યારે પણ અમદાવાદના રાયપુર દરવાજા બહાર કે દરિયાપુર, કાળુપુર, દિલ્લી, જમાલપુર, શાહપુર દરવાજાઓના રસ્તાઓ પર સાયકલો સાયકલો જ દેખાય.
અમદાવાદ, વડોદરા વગેરે શહેરોના રેલવે સ્ટેશનોની બહાર પાર્કીંગ એરીયામાં ચારે બાજુ સાયકલો જ ખડકેલી હોય. સિનેમા ગૃહોના પાર્કીંગમાં પણ સાયકલો જ હોય. છાપાના ફેરીયાઓ પણ સાયકલ વાપરતા. આજે દસ-પંદર મોટરોના રસાલા સાથે નીકળતા ભાજપના મુખ્યપ્રધાન નરેન્દ્ર મોદી પણ મણિનગરના હેડગેવાર ભવનથી સાયકલ ઉપર જ આવ-જા કરતા. એમની ભાજપના ગુરૃ સ્વ. નાથાકાકા પણ સાયકલ ઉપર જ ફરતા હતા અને ગુજરાતના સંઘના વડા લક્ષ્મણરાય ઇનામદાર પણ સાકલ ઉપર ફરતા હતા....
એ સાયકલ યુગ હતો. સાયકલ 'સ્ટેટસ સિમ્બોલ' ગણાતી. ત્યારે ધનાઢ્યોનો એ શોખ ગણાતી. એ વર્ષોમાં પેલી અભિનેત્રી પરવીન બાબી અમદાવાદમાં સેન્ટ ઝેવિયર્સ કોલેજમા ભણતી ત્યારે મીઠાખળી ગરનાળાવાળા રસ્તે એને સ્કર્ટ ચડ્ડીમાં સાયકલ ઉપર જતી આવતી ઘણાંએ જોયેલી.
જોકે મુંબઈમાં સાયકલનું કદી પણ સહેજ પણ જોર નથી જોવાયું. મુંબઈમાં સામાન્ય જનતા માટે ત્યારે એક આના ટ્રામમાં ફરી શકાતું અને બસ વ્યવહારનું સાધન, ટેક્સી તથા વિક્ટોરીયા ઘોડાગાડીનું જ ચલણ રહેતું.
આજે આપણા આખા દેશમાં સાયકલનું સ્થાન સ્કુટર, બાઈક અને મોટરોએ લીધું છે. અમદાવાદ અને બીજે હવે તો, દિકરો દસમા બારમામાં આવે એટલે સાયકલ ફેરવવાને હીણું લાગવા લાગ્યો છે ! સ્થિતિ નહીં હોય તો એની પાસે બાઈક-સ્કુટર નહીં હોય તો એ બસમાં સ્કુલ-કોલેજ આવ-જા કરશે.. પણ સાયકલ નહીં પકડે.
એનો અર્થ એવો નહીં કે સાયકલનું મહત્વ સમજનારા દુનિયામાં કોઈ નથી રહ્યા. જોકે આપણા દેશમાં સ્ટેટસ અને સ્ટેટસ સિમ્બોલનું આજકાલ મહત્વ વધી ગયું છે. સાયકલને ચુનાવ ચિન્હ રાખનાર રાજકીય પક્ષના નેતાઓ પણ સાયકલ નથી રાખતા અને ગરીબોના નામે ચરી ખાનારા પણ રથયાત્રામાં નીકળે છે ! (રથ મોટર ટ્રક ઉપર બાંધેલો હોય છે)
જ્યારે મલેશિયાના (કુઆલાલુમ્પુર-જેન્ટીંગ)ના વિરોધપક્ષના નેતા સંસદસભ્ય ત્યાંની સરકારે પેટ્રોલના ભાવો વધાર્યા તો એના વિરોધમાં કુઆલાલુમ્પુરની સડક ઉપર સાયકલ ઉપર નીકળે છે ! આપણા દેશમાં પેટ્રોલના ભાવો ગયા ૧૦ મહિનામાં ૧૦ વાર પેટ્રોલ મંત્રાલયના માંધાતાઓએ વધાર્યા ત્યારે પણ કોઈએ સાયકલ સરઘસ નથી કાઢ્યું ! (અત્યારે ઘટાડયા છે પણ પછી જોજો એ કેવા વધારે છે !)
અમીર ગરીબના ભેદભાવ સંતાડનારી સાયકલને આમ છતાં દુનિયા ભૂલી નથી. દુનિયાના ધનાઢ્ય દેશોની સરકારો પણ સાયકલ ફેરવવા માટે પ્રોત્સાહન આપે છે. (આપણા દેશના નેતાઓ અને સરકારો બધા જ દંભી છે. એક પણ જણ સાયકલને ચલાવવા પ્રોત્સાહન નથી આપતા. જેમ વડાપ્રધાન સ્વ. લાલબહાદુર શાસ્ત્રીએ ખર્ચ ઘટાડવા ચોખા એક દિવસ અઠવાડિયામાં ખાવાનું બંધ કરવાનું કહીને જાતે જ એનો સોમવારે ચોખા નહીં ખાવાની જાહેરાત કરીને એનો અમલ શરૃ કરેલો. એ રીતે મનમોહનસિંહ કે રાહુલ ગાંધી કે આડવાણી કે ગડકરી સાઈકલ પર એક દિવસ ફરવાનું નક્કી કરે તો એની કેવી વ્યાપક અસર થાય ? એમના પ્રભાવમાં કેવો વધારો થાય ? તેઓ એમ કરે તો ઉલટાની એમની લોકપ્રિયતા વધે ! પણ દંભ છોડવાની હિંમત જોઈએ... જે આપણા નેતાઓમાં નથી.)
કોર્પોરેટ વેબસાઈટ બનાવતી આઈડીયા કીનસીસના સીઈઓ અમિત ભૌમિક નામના છે. એમની કંપની ઓપન સોર્સ સોફટવેર એ કંપનીનું છે. તેઓ મુંબઈના સાન્તાક્રુઝમાં રહે છે અને દરરોજ ૫૦ કી.મી. સાયકલ ચલાવે છે. એમની પાસે ઇન્ડીગો સેડાન છે અને બીજી ખરીદવાની હેસીયત રાખે છે તો પણ તેઓ પોતાના ઘરાકોને મળવા સાઈકલ ઉપર જ જાય છે.
તેઓ સાયકલનો હિસાબ બતાવતા કહે છે કે... દા.ત. મારે બોરીબંદર રેલવે સ્ટેશન સામેના ટાઈમ્સ ઓફ ઇન્ડિયાની ઓફિસમાં જવું છે. ત્યાં સાંતાક્રુઝથી પહોંચતા બે કલાક થશે. હવે એ ઓફિસની બહાર ક્યાંય પાર્કીંગ કરાતું નથી એટલે મારે પાર્કિંગ માટે આઈનોક્સની પાર્કીંગની જગ્યા ઉપર જવું પડે.. જ્યાં પાર્કીંગનો ચાર્જ ૨૦૦ રૃપિયા છે. ત્યાં ગાડી પાર્ક કરીને હું ટેક્સીમાં બોરીબંદર આવું જેના ૧૦૦ રૃપિયા થાય. બાકી પેટ્રોલના ૫૦૦ રૃપિયા થાય. કુલ ૮૦૦ રૃપિયા થાય. જ્યારે સાઈકલ ઉપર હું એક જ કલાકમાં ત્યાં પહોંચી જાઉં.
આવું જ બાન્દ્રા કુર્લા કોમ્પ્લેક્સનું છે. ત્યાંના આલિશાન અને વૈભવી કંપનીઓના બિલ્ડીંગોની બહાર મર્સીડીસ, બીએમડબલ્યુ, એન્ડેવર, પીજોટ વગેરે કરોડોની કિંમતની મોટરો પાર્ક થયેલી હોય એમાં ક્યાંક એક સાયકલ પાર્ક કરેલી જોઈને અચંબો થાય એવું છે. એ સાયકલ વાધવા ગુ્રપના જનરલ મેનેજર અબ્બાસ અલી ઓખાભાઈની છે.
આ વાધવા ગુ્રપ મોટી મોટી કંપનીઓની ઇમારતોના નક્શા અને ડીઝાઈન બનાવે છે. અબ્બાસ અલીનું ઘર ત્યાંથી ૮ કી.મી. દૂર છે. અબ્બાસ અલીભાઈ કહે છે કે.. સ્ટેટસની વાત જવા દો તો... સાયકલ આપણા શરીરને જેટલો ફાયદો કરે છે એટલો ફાયદો લાખોના મશીન કે હજારોની દવા નથી કરતા. ગરીબો માટે તો એ આશિર્વાદરૃપ છે. (આપણે ત્યાં તો જોકે કડીયા-સુથાર જેવા મજૂરી કામ કરનારા પણ બાઈક ઉપર આવ-જા કરે છે.) સાયકલ વાપરનારને ફીટનેસ સેન્ટર કે હેલ્થ સેન્ટરમાં જવું નથી પડતું.
સાયકલીંગના કારણે શરીરની જાડાઈ તો ઓછી થાય જ છે. (જોજો, જેઓ સાયકલીંગની રેસમાં ભાગ લેતા હશે તેઓ કોઈ જાડું નહીં હોય) એક ભાઈ ૫૦ની ઉંમર સુધી સાયકલ વાપરતા હતા એમણે ૫૦ પછી સ્કુટર લીધું અને વાપરવું શરૃ કર્યું તો એમનું વજન જે પહેલાં ૭૦-૭૫ રહેતું હતું એ ૯૦-૯૫ થઈ ગયું.
ઉપરાંત સાયકલીંગના કારણે શરીરની માંસપેશીઓ મજબૂત થાય છે, ઘૂંટણના દર્દમાં રાહત મળે છે, એને હૃદયની બિમારી નથી થતી, ફેફસાં તંદુરસ્ત રહે છે, લોહીનું ભ્રમણ વ્યવસ્થિત ગતિએ ફરતું રહે છે વગેરે વગેરે...
દરરોજ ૫ કિલોમીટર સાયકલીંગ કરવું એ માટે પર્યાપ્ત છે. એટલું સાયકલીંગ દરરોજ કરવાથી શરીરની તંદુરસ્તી ટનાટન રહેશે. એટલું સાયકલીંગ કરવાથી શરીરને વ્યાયામ જરૃરી છે એટલો મળી રહે છે.
સ્વાસ્થ્ય વૈજ્ઞાાનિકોનું કહેવું છે કે, જેમને શરીરની કેલેરી બાળવાની જરૃર હોય એમને માટે સાયકલીંગ કરતાં વધુ શ્રેષ્ઠ કશું નથી. ખાસ કરીને ઘૂંટણના અને સાંધાના દુખાવાથી પીડાતા લોકો માટે સાયકલીંગ જેવો રામબાણ ઇલાજ બીજો એક પણ નથી.
વળી શરીર ઢીલું ઢીલું રહેતુંહોય તો પણ દરરોજ એક કલાક સાયકલીંગ કરવું જરૃરી છે.
સાયકલીંગનું પરિણામ ચોંકાવનારું આવશે.
જે દેશ દુનિયાની મોંઘી અને મજબૂત મોટરો બનાવે છે એ જર્મની ઉપરાંત ફ્રાંસ, ઇટલી, ડેન્માર્ક વગેરે બધા જ યુરોપીયન દેશોમાં સાયકલીંગને મહત્વ આપવામાં ઓ છે. શહેરના રસ્તાઓ ઉપર સાયકલ માટેની અલગ ટ્રેક હોય, હોય ને હોય જ ! એ જ રીતે સાયકલને પાર્ક કરવા માટેના સ્ટેન્ડ પણ નાનામોટા મકાનો, ઓફિસ વગેરે જાહેર સ્થળોના મકાનોની બહાર હોય જ. સાયકલને તાળા મારવાની પણ અલગ વ્યવસ્થા. વળી મોટરો ઉપર સાયકલ ઊભી રહે એવા કેરિયર પણ રાખે જેથી શહેરમાં કે બજારમાં મોટરમાં ગયા પછી મોટર પાર્ક કરીને સાયકલ પર બજારમાં જવાય.
દા.ત. બર્લિન (જર્મની)ની વસતિ ૩૫ લાખ છે એમાંથી લગભગ ૫ લાખ લોકો સાયકલ વાપરનારા હશે.
- ગુણવંત છો. શાહ

 

પાછળ નજર
ભોપાળના નરસંહારને ૨૭ વર્ષ થયા
ડિસેમ્બર ૨ ની રાત અને ૩ નો દિવસ ૧૯૮૪ એટલે આપણા દેશમાં એક ગેસના કારણે રાતોરાતમાં ૩૫૦૦ દેશવાસીઓ મરી ગયા અને એ પછી ૧૫,૦૦૦નો ભોગ લેવાયો અને જે બચ્યા, જીવ્યા એ શારીરિક અને માનસિક પીડા સાથે જીવ્યા. હજી પણ તેઓ ત્રાસ સહન કરે છે. દા.ત. કીડની અને લીવર ફેઈલ થઈ ગયા, શ્વાસ લેવાની તકલીફ છે, દ્રષ્ટિ ગુમાવી છે વગેરે.
એ કારખાનું હતું યુનિયન કાર્બાઈડ નામની અમેરિકન કંપનીનું. એ કંપનીએ રાહત માટે ૧૯૮૯માં ૪૭,૦૦,૦૦,૦૦૦ ડોલર આપ્યા.

 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
 

Science and Technology

માર્સ - ૫૦૦ ''પૃથ્વી પરનો સ્પેસ ટ્રાવેલનો સૌથી લાંબો પ્રયોગ''

પપુઆ ન્યુગીનીના દરિયામાં ઃ સોલ્વારા-૧
માઇફો-લિપો ફિલિંગ
વ્યાયામ અને આહારથી BP ઘટાડી શકાય... !
બ્રો-લિફટ કે પાળ લિફટ
 

Gujarat Samachar Plus

'રોબોટ'ની જોડી ફરી જામશે
મહારાણીના રોલમાં અમૃતા રાવ

'ડોન-૩' પણ બનાવીશઃફરહાન

યુવરાજને સાજા થવાની શુભેચ્છા ઃ દિપિકા

ઈમરાનનો ફેરારી લવ
પ્રિયંકાને કારણે 'બર્ફી'માં વિલંબ
  More Stories
 
   

કોંગી અગ્રણી ઉપર રિવોલ્વર બતાવી ઘોલાઇ કરી

Khel Maha Kumbh 2011

webad3 lagnavisha
   

Follow Us

Facebook Twitter
   

Good Bye 2011

   

ARCHIVES

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
   
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2011 All Rights Reserved