Last Update : 20-Dec-2011,Tuesday
 

આજનું પંચાગ આજનું ભવિષ્ય સુપ્રભાતમ્ આજનું ઔષધ આજ ની જોક આજની રેસીપી
 

આજ નું પંચાગ

તા. ૨૦-૧૨-૨૦૧૧ મંગળવાર
માગશર વદ દસમ
જૈન પાશ્વનાથ જયંતી
પારસી કદમી શહેરેવર મહિનાના પરભનું જસન.
દિવસના ચોઘડિયા ઃ રોગ, ઉદ્વેગ, ચલ, લાભ, અમૃત, કાળ, શુભ, રોગ.
રાત્રિના ચોઘડિયા ઃ કાળ, લાભ, ઉદ્વેગ, શુભ, અમૃત, ચલ, રોગ, કાળ.

અમદાવાદ સૂર્યોદય ઃ ૭ ક. ૧૭ મિ. સૂર્યાસ્ત ઃ ૧૭ ક. ૫૭ મિ.

 

અમદાવાદ સૂર્યોદય ઃ ૭ ક. ૧૭ મિ. સૂર્યાસ્ત ઃ ૧૭ ક. ૫૭ મિ.
સૂરત સૂર્યોદય ઃ ૭ ક. ૧૨ મિ. સૂર્યાસ્ત ઃ ૧૮ ક. ૦૦ મિ.
મુંબઇ સૂર્યોદય ઃ ૭ ક. ૦૭ મિ. સૂર્યાસ્ત ઃ ૧૮ ક. ૦૪ મિ.
નવકારસી સમય ઃ (અ) ૮ ક. ૦૫ મિ. (સૂ) ૮ ક. ૦૦ મિ. (મું) ૭ ક. ૫૫ મિ.
જન્મરાશિ ઃ- આજે જન્મેલ બાળકની તુલા (ર.ત.) રાશિ આવશે.
નક્ષત્ર ઃ- ચિત્રા સાંજના ૫ ક. ૧૨ મિ. સુધી પછી સ્વાતિ.
ગોચર ગ્રહ ઃ- સૂર્ય- ધન, મંગળ- સંિહ, બુધ- વૃશ્ચિક, ગુરૂ- મેષ, શુક્ર- મકર, શનિ- તુલા, રાહુ- વૃશ્ચિક, કેતુ- વૃષભ, હર્ષલ (યુરેનસ) મીન, નેપચ્યુન- કુંભ, પ્લુટો- ધન, ચંદ્ર-
વિક્રમ સંવત ઃ ૨૦૬૮ શોભન સં. શાકે ઃ ૧૯૩૩, ખર સં. જૈનવીર સંવત ઃ ૨૫૩૮ રા.દિ.મા. ૨૯
માગશર વદ દસમ ને મંગળવાર. આજે જૈન પાશ્વનાથ જયંતી છે. વિષ્ટી બપોરના ૧૨ ક. ૪૭ મિ. સુધી.
મુસલમાની હિજરી સન ઃ ૧૪૩૩ મોહરમ માસનો ૨૪ રોજ
પારસી શહેનશાહી વર્ષ ૧૩૮૧ અમરદાદ માસનો ૪૩ રોજ શહેરેવર કદમી શહેરેવર મહિનાના પરભનું જસન.

[Top]
 

આજ નું ભવિષ્ય

 

તા. ૨૦-૧૨-૨૦૧૧ મંગળવાર

મેષ ઃ આપને સગા સંબંધી, મિત્રવર્ગના વ્યવહારીક, સામાજીક, ધાર્મિક કામમાં, નોકરી-ધંધાના કામમાં સાનુકૂળતા રહે. આકસ્મિક કોઇને મળવાનું થાય.
વૃષભ ઃ આક્ષેપ- અપયશ- વિવાદથી- બિમારીથી સંભાળવું. ભાઇભાંડુ, નોકરચાકર, ઉપરીવર્ગ, ભાગીદારી, સાસરીપક્ષ, મોસાળપક્ષથી ચંિતા- મુશ્કેલી અનુભવાય.
મિથુન ઃ વાણીમાં મીઠાસ- વ્યવહારની નમ્રતા આપને ફાયદો- લાભ આપી જાય. સંતાન- પત્નીની જીદ- મુમતથી- બિમારીથી ચંિતા રહે. નોકરી-ધંધામાં સાનુકૂળતા રહે.
કર્ક ઃ પોતાની ગણત્રી- ધારણા પ્રમાણેનું કામ થાય નહીં. બિમાર વ્યક્તિને પીડા- વ્યગ્રતા બેચેની રહે. નોકરી-ધંધાના કામમાં મુશ્કેલી વધતી જણાય.
સંિહ ઃ બહારગામ કે પરદેશમાં રહેતા પુત્ર પૌત્રાદિક, પત્ની- પરિવારના પ્રશ્ને ચંિતા- ખર્ચ- વ્યસ્તતા રહે. તમારા પોતાના નોકરી-ધંધાના કામ અંગે ખર્ચ થાય.
કન્યા ઃ આપને નોકરી-ધંધાના કામમાં સાનુકૂળતા રહે. ચંિતા હળવી થાય. ધંધામાં આવક થાય. સગા સંબંધી- મિત્રવર્ગને મળવાનું થાય.
તુલા ઃ ધર્મકાર્યથી હૃદય-મનની શાંતિ- આનંદ અનુભવો. નોકરી-ધંધાના કામમાં માનસિક પરિતાપ, છતાં કામમાં ફાયદો- લાભ રહે.
વૃશ્ચિક ઃ બંધનમાં- નુકસાની- ખર્ચમાં આવી જાવ. ધર્મકાર્ય- યાત્રાપ્રવાસ- મીલન- મુલાકાતમાં, નોકરી-ધંધાના કામમાં જોખમી નિર્ણય કરવો નહીં.
ધન ઃ આકસ્મિક ક્ષણિક કોઇ લાભ થાય. નોકરી-ધંધાના કામમાં, ધર્મકાર્યમાં સાનુકૂળતા રહે. વ્યવહારિક, સામાજીક કામ થાય.
મકર ઃ નોકરી-ધંધામાં, સગાસંબંધી મિત્રવર્ગના, માતાપિતા વડીલવર્ગના કારણે ચંિતા- ઉચાટ રહે. મહેનત છતાં ફળ ઓછું જણાય. નાણાંકીય ચંિતા રહે.
કુંભ ઃ ધર્મકાર્યથી આનંદ રહે. મીલન- મુલાકાતથી જુના સંબંધો- સંસ્મરણો તાજા થાય. નોકરી-ધંધાના કામમાં સાનુકૂળતા જણાય.
મીન ઃ રોજીંદા કામકાજમાં હરવા ફરવામાં, વાહન ચલાવવામાં પડવા- વાગવાથી વાયરસ ઈન્ફેકશન- બિમારીથી સંભાળવું પડે.
- પ્રા. અગ્નિદત્ત પદમનાભ
જન્મ તારીખ વર્ષ સંકેત
તા. ૨૦ ડિસેમ્બર

આજની તારીખે શરૂ થઇ રહેલું આપનું જન્મવર્ષ બે તબક્કામાં વહેંચાયેલું રહેશે. જન્મવર્ષના પ્રારંભે કાર્યસફળતા- પ્રગતિથી આનંદ ઉત્સાહમાં વધારો થાય. વ્યવહારીક સામાજીક કામમાં, વિવાહ- લગ્નના પ્રશ્નમાં, નોકરી-ધંધાના કામકાજમાં સફળતા પ્રાપ્ત થાય. જ્યારે બીજા તબક્કામાં શારિરીક- માનસિક તકલીફ, પીડા જણાય. નાણાંકીય ચંિતા- મુંઝવણ- ખેંચ અનુભવો. વધારાનો ખર્ચ આવી જાય. નોકરી-ધંધામાં પીછેહઠ, આક્ષેપ- અપયશ- વિવાદના ચક્કરમાં અટવાતા જાવ. લાંચ લેનાર, ખોટું કામ કરનારની ઊંઘ હરામ થઇ જાય.
જેમનું જન્મવર્ષ ૩૨, ૩૬, ૪૦, ૪૨, ૪૪, ૫૪, ૫૬ શરૂ થયું હોય તેમણે વર્ષના ઉત્તરાર્ધમાં તન- મન- ધનથી, નોકરી-ધંધાથી સંભાળવું પડે. ભાગ્યોદય- પ્રગતિમાં રૂકાવટ આવી જાય.
સ્ત્રી વર્ગને વર્ષારંભે આનંદ રહે. અવિવાહીતને વિવાહ-લગ્નનું નક્કી થાય. પ્રેમ- મિત્રતા- લાગણીના સંબંધમાં નિકટતા પછી વિરોધાભાસ સર્જાય, પસ્તાવો કરવો પડે. વર્ષનો ઉત્તરાર્ધ ચંિતા- બિમારીથી તકલીફવાળો રહે.
વિદ્યાર્થીવર્ગને ભણવામાં પ્રગતિ છતાં મિત્રવર્ગના વિચારો- સોબતના કારણે પરીક્ષાનું પરિણામ નિરાશાજનક આવવાથી કારકિર્દીના ઘડતર- ભણતરમાં તકલીફ પડે.

 

સુપ્રભાતમ્

- બોલાવવો પડે તે પહેલાં આવી પહોંચે, હંમેશાં દરવાજે હાજર રહે અને કંઈ પૂછવામાં આવે ત્યારે સાચી વાત ટૂંકાણમાં કહે તેવો માણસ રાજાના સેવક તરીકે યોગ્ય છે.
- અનુ. કુલીનચંદ્ર યાજ્ઞિક

રાજા લોકોનું કલ્યાણ કરતો હોય તો પણ સેવકો વગર શોભતો નથી. જેમ સૂર્ય જાતે તેજસ્વી હોવા છતાં કિરણો વગર શોભતો નથી.

- અનુ. કુલીનચંદ્ર યાજ્ઞિક

 

- રાજા માર મારે, કઠોર વાત કહે, દંડ પણ દે, તો પણ જે સેવક રાજાનું બુરૂં ઈચ્છતો નથી તે જ રાજાઓ માટે સાચો સેવક છે.
- અનુ. કુલીનચંદ્ર યાજ્ઞિક

[Top]
 
 

આજ નું ઔષધ

રુચિવર્ધક ચટણી

 

આચાર્ય દ્રઢબલને પ્રણામ કરીને આવનાર મઘ્યમ વયના કાપડના વેપારી અનંતરાયે ટૂંકમાં પોતાની સમસ્યાનું કથન કર્યું. એમને ઘણા સમયથી ભોજન વખતે રુચિ થતી નથી. ખાવાનું મન થાય અને આનંદથી ભોજન કરવાની ઈચ્છા, રુચિ તો થવી જોઈએને? છતાં તે બેય સમય પરાંણે જમતા હતા.

આચાર્ય દ્રઢબલે જોયું કે એમનું વજન તો ભારવાળુ હતું જ. પાયાની સલાહ સવાર-સાંજ સમય કાઢીને એક એક કલાક ચાલવાની આપી. બે સમય ભોજન સિવાય વચ્ચે બીજું કંઈ ભોજન કે નાસ્તાના નામે પેટમાં નાખવાનું નહિ. હાસ્તો માપસર ભોજન અને ચાલવાના નિયમથી પણ પાચન સુધરે અને જઠરાગ્નિ પ્રદીપ્ત થતા ભોજનની રુચિ પણ થાય. રુચિવર્ધક એક ચટણી પણ બતાવી. જે ભોજનના આરંભ પહેલા ચાટી ચાટીને ખાધા પછી ભોજન શરૂ કરવાનું.

કોથમીરના પાન, કાળા મરીના દાણા, જીરૂં, જરાક હંિગ, નમક, ગોળ આ બધામાં આદુનો રસ પણ ઉમેરવો. એમાં લીંબુ પણ નીચોવવું. આ બધા જ દ્રવ્યોને લસોટીને એની ચટણી બનાવવી. આજના સમયમાં મિક્સરમાં નાખીને પણ તે બનાવી શકાય.

આ રુચિવર્ધક ચટણી છે. આ ચટણીના દ્રવ્યો જઠરાગ્નિને પ્રદીપ્ત કરશે. ભોજનના આરંભે આવી ચટણીનું સેવન હંમેશા પથ્ય છે. સજીવ દેહમાં ભૂખ લગાડનાર, પાચન કરનાર સત્ય તે જઠરાગ્નિ છે. જઠરાગ્નિ મંદ હોય તો અનેક રોગો-વિકારો થાય. બેઠાડું જીવન હોવા છતાં સમય કાઢીને ચાલવાનો નિયમ પાળવો. આ પાયાના સત્ય છે. અગ્નિ પ્રદીપ્ત હોય અને સુપેરે પાચન થતું હોય તો કોઈ રોગ ન થાય.
- લાભશંકર ઠાકર

Top]
 

આજ ની જોક

છગનને એની પત્ની લીલી નાતાલની ઉજવણી વિષે કહી રહી હતી, ‘આપણે ત્રણ દિવસ સુધી દરરોજ ફિલ્મ જોવા જઈશું અને પછી ખરીદી કરવા જઈશું...’
‘અને એ પછી,’ છગને કહ્યું, ‘આપણે મંદિર જઈશું...’
‘બરોબર,’ લીલી બોલી, ‘આવો આઈડિયા ક્યાંથી આવ્યો ?’
‘કારણ કે,’ છગને કહ્યું, ‘ત્યાં જઈને ભીખ માગવા બેસવું પડશે ને ?’

[Top]
 

આજ ની રેસીપી

 

જૈન પુલાવ વીથ કબાબ

 

સામગ્રી ઃ (કબાબ માટે) ૧ કપ ચણાની દાળ, ૧૦૦ ગ્રામ જરદાળુ, પ્રમાણસર મીઠું, ૧/૪ ચમચી ખાવાનો સોડા, ૧ ચમચી મરચાની ચટણી, ૬ પાઉની સ્લાઈસ ( ખુણા કાપેલી), ૧/૨ કપ ખમણેલું નાળિયેર, ૧/૨ કપ બારીક કરેલી કોથમીર, ૨ ચમચા તેલ, ૧ ચમચી લીંબુનો રસ, ૧ ચમચો ધાણા અને ખસખસનો અધકચરો ભૂકો.
પુલાવ માટે ઃ ૨ કપ બાસમતી ચોખા,૧ નાળિયેરનું જાડું દૂધ, ૧ કપ બારીક કોથમીર, ૧ ચમચો સાકર, ૧/૨ કિલો ટામેટા, ૨ ચમચી ઘી, ૧ ચમચી લાલ મરચું, ૧ ચમચી મરચાની ચટણી, પ્રમાણસર મીઠું, ૧ ચમચી જીરું, ૧ ચમચી કોર્નફ્‌લોર, સુકો મસાલો, ૫ લવંિગ, ૧૦ મરીના દાણા, ૭ ઈલાયચી, ૪ તજના કટકા.
રીત ઃ (કબાબની) ચણાની દાળને સાત કલાક ઠંડા પાણીમાં પલાળો. પથ્થર પર વાટવી તેમાં જરદાળું સિવાય ઉપરનો બધો મસાલો નાખવો. પાઉં પાણીમાં પલાળી દબાવી નાખવા. જરદાળુને ૬ કલાક પાણીમાં પલાળવા. બહાર કાઢી લેવી. બદામને બારીક સમારી ભાત પર પાથરવી. દરેક જરદાળુના બે ભાગ કરવા.
ચણાની દાળનું પુરણ લઈ તેની હાથમાં નાની પુરી બનાવવી. તેમાં અડઘું જરદાળું મુકી બંધ કરવું. આ પ્રમાણે બધા કબાબ બનાવી ગરમ તેલમાં તળી બાજુ પર રાખવા.
પુલાવની રીત ઃ ટમેટાના બારીક ટુકડા કરી ઈલેક્ટ્રીક બ્લેન્ડરમાં ચર્ન કરી સૂપના સંચાની બારીક જાળીથી ગાળી લેવું.
૦ ચોખાને ૨ કલાક ભીંજવી છૂટો કરી જરા કડક ભાત બનાવો. તેમાં મીઠુ નાખી બાજુ પર મૂકી દેવું.
૦ નાળિયેરનું દૂધ અને ટમેટાનો રસ ભેગા કરી તેમાં કોર્નફ્‌લોર નાખી બરાબર હલાવવું. મીઠું, મરચું, મરચાની ચટણી અને સાકર નાળિયેરના દૂધમાં ભેગા કરી તે ગ્રેવી બાજુ પર રાખવી.
પુલાવ બનાવવા માટેના વાસણમાં ઘી ગરમ કરવા મુકવું. તેમાં જીરું નાખી બારીક કોથમીર નાખવી. નાળિયેરના દૂધની ગ્રેવી નાખી ભાત ઉમેરવો. સૂકો મસાલો ભેળવી વાસણ ઢાંકીને ધીમે તાપે ૧૦ મિનિટ ગેસ પર ચડવા દેવું.
૦ પીરસતી વખતે ભાત લાંબી પ્લેટમાં પાથરવો. તેના ઉપર તળેલા કબાબ ગોઠવવા. ઉપર બદામ ભભરાવવી.

ત્રિરંગી બટેટાંટોપ
સામગ્રી ઃ એક કિલો બટાટા, અડધો કિલો વટાણા, અડધો કીલો રતાળું, કોપરું, તજ, લવંિગ, તલ, લાલ દ્રાક્ષ, કોથમીર, આદુ-મરચાં, લસણ, વાટેલ સીંગદાણા, મીઠું, ખાંડ, હળદર, જોઈતા પ્રમાણમાં ગરમ મસાલો, ત્રણ ચમચા ઘઉંનો અથવા ચણાનો લોટ.
રીત ઃ સૌપ્રથમ બટેટાને બાફી તેનો છુંદો કરી નાખવો અને તેમાં થોડું મીઠું તેમજ ત્રણ ચમચા ઘઉંનો અથવા ચણાનો લોટ ભળી દેવો. રતાળુને વરાળથી બાફી નાખી તેનો છુંદો કરવો અને તેમાં પણ થોેડુંક મીઠું ભેળવવું. લીલા વટાણાને ગ્રાઈન્ડરમાં પીસી નાખવા ત્યારબાદ તજ લવંિગનો વઘાર કરી સાંતળવા અને તેમાં કોપરું થોડા તલ, લાલ દ્રાક્ષ, કોથમીર, આદુ, મરચાં, લસણ, વાટેલા સીંગદાણા ા, મીઠું, ખાંડ, હળદર, ગરમ મસાલો વગેરે સરખી રીતે મિક્સ કરી દેવો.
ત્યારબાદ કથરોટના જેવું પહોળું તપેલું લઈ તેમાં તેલ લગાવવું અને તેમાં બટેટાનો રોટલો થાપી મુકી દેવો. આ રોટલા ઉપર વટાણાનો જે મસાલો ઉપર તૈયાર કર્યો છે તેનું પડ પાથરવું અને આ પડની ઉપર રતાળુનો રોટલો બનાવી મુકી દેવો. ફરી તેના પર જેટલા પડ બનાવવા હોય તેટલા બનાવી શકાય છે. તપેલામાં તેલ જરા વધારે રેડવું અને તવેથા વડે સરખું ગોળ બનાવી દેવું. ત્યારબાદ વાસણને એકદમ ધીમા તાપે મુકવું અને લાલ રંગનું પડ થાય ત્યારે ઉતારી લેવું. ત્યારબાદ તેના પર કોથમીર અને કોપરાનું ડેકોરેશન કરવું. આ વાનગીને કેકની જેમ કાપી શકાશે અને ત્રણ રંગની દેખાશે. ખાવામાં ખૂબ જ સ્વાદિષ્ટ લાગે છે.
બટાટાંની બરફી
સામગ્રી ઃ ૫૦૦ ગ્રામ બટાટા, ૧ કિલો સાકર, ૨૫૦ ગ્રામ માવો, એક છટાંક કોપરું, એક છટાંક કીસમીસ, એક તોલો ઈલાયચી, ૨ નંગ ચાંદીના વરખ, એક છટાંક પીસ્તા બદામ.
રીત ઃ બટાટા બાફી, છોલી, છીણી નાખો. ત્યારબાદ ઘીમાં સાંતળી નાખો, સાકરની જાડી ચાસણી કરી તેમાં બટાટાનું પુરણ, માવો કોપરું, કીસમીસ અને છેલ્લે બદામ નાખો. બઘુ ંએકરસ થાય અને પાણી બિલકુલ રહે નહિ ત્યાં સુધી હલાવો. થાળીમાં ઘી લગાવી તૈયાર થયેલા પુરણને તેના પર પાથરી દો, એલચીના દાણા, પીસ્તાના ટુકડા અને ચાંદીના વરખ, શોેભા માટે તેના પર લગાવો ઠરી ગયા પછી તેના કડકા કરો.

 

 

[Top]
   

2G Spectrum Scam Exposed

webad3 lagnavisha
   

Follow Us

Facebook Twitter
   

Archives

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
   
 
plus
 

આજનું કાર્ટુન

arc archive

પૂર્તિઓ


 
 
Gujarat Samachar © 2011 All Rights Reserved