Last Update : 11-Dec-2011,Sunday
 

મુંબઈમાં નરસંહાર કરનાર ૨૬/૧૧ના પાકિસ્તાની ગુનેગારોને મેળવવા કે સજા કરવા મનમોહન સરકારે ત્રણ વર્ષમાં પત્રો લખ્યા સિવાય કંઇ કર્યું છે ખરું?

- આપણા વિદેશપ્રધાન ત્યાંના વિદેશપ્રધાનના અને આપણા વડાપ્રધાન ત્યાંના વડાપ્રધાનના વખાણ કરે છે તથા મુંબઈ ઉપરના પાકિસ્તાની આતંકવાદીઓના હુમલાને ભૂલી જાય છે!
- મનમોહન સરકારને પાકિસ્તાન પણ ઠોંસો મારે, અમેરિકા પણ ઠોંસો મારે, ચીન પણ ઠોંસો મારે, અણ્ણા હજારે પણ ડરાવે, વિરોધ પક્ષો સંસદ ચાલવા ન દે, ભાજપ પણ ઠોંસો મારે, મમતા અને માયા પણ ઠોંસો મારે!
- મનમોહન સરકાર પાકિસ્તાનને મુંબઈ પરના હુમલા વિષે પત્રો લખે છે જેને પાકિસ્તાન સરકાર કચરા ટોપલીમાં નાંખી દે છે!

‘‘નબળા ધણીની બૈરીને આખું ગામ કનડે’’ એવી ગુજરાતી કહેવત આપણી મનમોહન સરકારને બરોબર લાગુ પડે છે.
મનમોહન સરકારને કોઇ ટપલાં મારે છે તો કોઇ ઠોંસો મારે છે અને મનમોહનસંિહ મોઢું મલકાવતા વઘુ વખત વિદેશોમાં અને ઓછો વખત સ્વદેશમાં ફરતા ફરે છે.
કોઇ પણ સંજોગોમાં આ ન ચાલે.
મુંબઈ ઉપર પાકિસ્તાની આતંકવાદીઓએ હુમલો કરીને આપણા નિર્દોષ નાગરિકોનો નરસંહકાર કર્યો એને ૩ વર્ષ થયાની યાદ હમણાં જ ગઇ.
એને યાદ કરીને મુંબઇના નાગરિકોએ કેટલીક સંસ્થાઓએ, સરકારે મીણબત્તીઓ પેટાવી... બસ! મનમોહન સરકારે કે દિલ્લીમાં બેઠેલા રાજકીય પક્ષોએ કે એના નેતાઓએ ૨૬/૧૧ને યાદ પણ ન કરી!
જવા દો! આવું તો આપણા આવડા મોટા દેશમાં ઘણું બન્યા કરે પણ ૨૬/૧૧ જેવું ફરી ન થાય, નર સંહાર ન થાય કે હુમલો કરવાની કોઇ હંિમત ન કરે એ માટે આપણી મનમોહન સરકારે શું કર્યું?
આ સવાલના જવાબમાં ત્રણ વર્ષ પછી પણ મોટું મીંડું છે!
આ ત્રણ વર્ષ દરમ્યાન તો પછી મનમોહન સરકારે શું કર્યું?
મનમોહન સરકારે લખાપટ્ટી કરી બસ એટલું જ!
અરે, જે એક આતંકવાદી પકડાયો છે એ અજમલ કસાબને આપણા જનતાના ખર્ચે કરોડો અબજો રૂપિયા વાપરીને (કોના...?) જીવતો, તાજોમાજો રાખવામાં આવે છે. જેણે આપણા ડઝનબંધ નાગરિકોને મુંબઇના બોરીબંદર સ્ટેશનના પ્લેટફોર્મ પર મારી નાંખ્યા એને જીવતો શા માટે રાખવો જોઇએ?
મહારાષ્ટ્ર સરકારના ગૃહમંત્રાલયે હમણાં જ જાહેરાત કરી કે એને તાજોમાજો જીવતો રાખવા માટે મહારાષ્ટ્ર સરકારે આપણા જનતાના રૂપિયા ૧૬,૦૦,૦૦,૦૦૦ ૨૦૧૦ સુધીમાં ખર્ચ્યા! (કોના...?)
મુંબઇના બોમ્બે સેન્ટ્રલ રેલવે સ્ટેશનની બહાર નીકળતા સામે જ મરાઠામંદિર નામનું થિએટર આવે છે અને પાછળ મહારાષ્ટ્રનું એસ.ટી. બસોનું વડુંમથક છે.
એ રસ્તા ઉપર જ થોડુંક આગળ જતાં આર્થરરોડ જેલ આવે છે.
એ જેલમાં આ કસાબ ‘‘સાહેબ’’ને સુખ વૈભવમાં રાખવા આપણા જનતાના ખર્ચે, મહારાષ્ટ્ર સરકારે રૂપિયા ૫,૨૪,૦૦,૦૦૦ ખર્ચીને ખાસ જેલ બનાવેલી! (આ ત્રણ વર્ષમાં સરકારે શું કર્યું એ જુઓ!) એ ઉપરાંત સરકારે આતંકવાદ વિરોધી ખાસ કોર્ટ એ જેલમાં બાંધી.
વઘુમાં, એ કસાબ ‘‘સાહેબ’’ બિમાર ન પડે એટલે બોમ્બે સેન્ટ્રલ રેલવે સ્ટેશનની બાજુમાં આવેલી જે.જે. હોસ્પીટલમાં રૂપિયા ૧,૫૦,૦૦,૦૦૦ના આપણા જનતાના ખર્ચે મહારાષ્ટ્ર સરકારે ખાસ જેલ ઊભી કરી.
એ કસાબ ‘‘સાહેબ’’ની તબિયત સારી રાખવા માટે આપણા જનતાના ખર્ચે મહારાષ્ટ્ર સરકારે રૂપિયા ૨૬,૯૫૩ ખર્ચા! (કોના...?)
આ બઘું ‘‘નાટક’’ શા માટે? કોની કેડ ઉપર? જે માણસ હાતમાં ગન સાતે હત્યા કરતો રંગે હાથ પકડાયો છે એની ઉપર કેસ શાનો વળી? માનો કે, એને પોલિસે પકડતા પકડતા બોરીબંદરના પ્લેટફોર્મ પર જ ઉડાડી દીધો હોત તો?
તો આપણા જનતાના આ કરોડો અબજો વેડફાયા ન હોત અને કસાબને જોઇને જનતાના હૃદયમાં અરેરાટી થાય છે એ ન થાત!)
આ બધા ખર્ચા ઉપરાંત હજી બીજા ખર્ચ જૂઓ!
મહારાષ્ટ્ર સરકારના ગૃહખાતાના સેક્રેટરી મેઘા ગાડગીલના કહેવા મુજબ કસાબ ‘‘સાહેબ’’ની સુરક્ષા માટે ૨૦૦૯ના ૨૮ માર્ચથી ૨૦૧૦ના ૩૦ સપ્ટેમ્બર સુધીમાં તિબેટન બોર્ડર પોલિસ દળ માટે રૂપિયા ૧૦,૮૭,૦૦,૦૦૦ ખર્ચવામાં આવ્યા છે. (એટલે માર્ચ ૨૮ ૨૦૦૯ પહેલાં અને ૨૦૧૦ના ૩૦ સપ્ટેમ્બર પછી જે ખર્ચ થયો છે એ આમાં નથી ગણાયો જે પણ લગભગ આટલો જ હશે.)
આ ઉપરાંત સ્ટેટ રિઝર્વ પોલિસ ફોર્સ (એસ આર પી) પણ કસાબ ‘‘સાહેબ’’ની તહેનાતમાં રખાયેલો એનો ખર્ચ દરરોજનો લગભગ રૂપિયા ૩,૫૦,૦૦૦ (દરરોજનો) થતો હતો એ જૂદો ગણવાનો... ઉમેરવાનો.
આ બધા ખર્ચમાં વકીલનો ખર્ચ પણ ઉમેરવાનો છે. કસાબ સામેનો કેસ લડવા માટે જે ખાસ પબ્લીક પ્રોસીક્યુટર ઉજ્જલ નિકમ રાખેલા એમની ફી દરરોજની રૂપિયા ૫૦,૦૦૦ વત્તા વિમાનમાં બિઝનેસ ક્લાસમાં જવા આવવાનું ભાડું અને રાજ્યના ગેસ્ટ હાઉસમાં એક વી આઈ પી સ્યુટ રહેવા માટે. એટલે હવે ગુણકાર કરીને હિસાબ કરી જોજો.
હકીકતમાં સાચી વાત એ છે કે.... કસાબ જેવા આતંકવાદીને અને રંગેહાથ પકડાયેલા નરસંહારકને તાજોમોજો રાખવા માટે આપણા જનતાના રૂપિયા ૪૮,૭૫,૦૦,૦૦૦ સરકારે વાપર્યા! (કોના...?)
વઘુમાં, આર્થર રોડ જેલમાં કસાબને અંદર જેલમાં ને જેલમાં લઇ જવા લાવવા માટે રૂપિયા ૧,૫૦,૦૦,૦૦૦ ખર્ચથી ખાસ વાહન વ્યવસ્થા કરવામાં આવેલી.
જ્યારે સામે પક્ષે પાકિસ્તાને આપણને અંગુઠો જ બતાવતું રહ્યું.
દા.ત. આપણે ૨૬/૧૧ના નરસંહાર વિષે પાકિસ્તાનને લખ્યું તો જવાબમાં પાકિસ્તાને લખ્યું કે, ભારતે તો ફક્ત બનાવની માહિતી જ આપી છે પણ કોઇ નક્કર પુરાવા નથી આપ્યા.
આવા પાકિસ્તાનના વડાપ્રધાન યુસુફ રજા ગિલાનીએ આપણા મનમોહનસંિહે માલદીવ ટાપુ પર સંમેલન હતું એ વખતે ‘‘અમન પસંદ ઈન્સાન’’ કહીને નવાજ્યા.
૨૬/૧૧ના મુંબઇના આતંકવાદી હુમલા પછી એ ગિલાનીએ આપણા દેશ ઉપર ચાર મોટા આતંતવાદી હુમલા કર્યા અને આપણા વડાપ્રધાન મનમોહનસંિહ ‘‘શાંતિના દૂત’’ કઇ રીતે કહી શકે? જે માણસે (રાક્ષસે કહો) મુંબઈ ઉપર હુમલો કરાવ્યો એ યુસુફ રજા ગિલાનીના પ્રભાવમાં આવીને મનમોહનસંિહ આવું બાફે એ કેમ ચાલે? મનમોહનસંિહ શું મુંબઇ ઉપરના હુમલા સહિત દિલ્લી ઉપરના હુમલાને ભૂલી ગયા? એ બધા હુમલાઓની યોજના પાકિસ્તાનની ધરતી ઉપર થઇ અને ત્યાંથી જ એ આતંકવાદીઓ ભારત આવ્યા અને આપણા નાગરિકોની હત્યા કરીને ત્યાં પાકિસ્તાન જ ચાલ્યા ગયા જેને એ જ ગિલાની આશરો આપીને બીજા હુમલા માટે તૈયારી કરવા સગવડ આપે છે.
એ ગિલાનીને મનમોહનસંિહ ‘‘શાંતિના દૂત’’ કેમ કહી જ શકે?
મુંબઇ ઉપરના હુમલાનું પાકિસ્તાનમાં બેઠાબેઠા સેટેલાઇટ મોબાઇલથી માર્ગદર્શન આપનાર જમાત ઉદ દાવાના સ્થાપક જકી ઉપર રહેમાન લખનવી આજે પાકિસ્તાનમાં છૂટથી હરેફરે છે. પેલા ગિલાની એનું રક્ષણ કરે છે.
એને મનમોહનસંિહ કઇ રીતે ‘‘શાંતિના દૂત’’ કહી શકે?
પાકિસ્તાનને આપણી સરકારે જે ૪૦ ‘‘વોન્ટેડ’’ની યાદી આપી છે એમાં એક આ પણ છે. ગિલાની એને જ છૂટો ફરવા દે છે તો મનમોહનસંિહ એ જાણતા નથી?
માલદીવમાં મનમોહનસંિહ એક બાજુ ગિલાનીના વખાણ કરી રહ્યા હતા ત્યારે આપણા વિદેશપ્રધાન પાકિસ્તાનના સૌંદર્યવાન વિદેશપ્રધાન હીના રબ્બાનીની ‘‘આરતી’’ ઉતારી રહ્યા હતા!
ટૂંકમાં, મુંબઇ ઉપરના પાકિસ્તાની આતંકવાદીઓના હુમલા પછીના ત્રણ વર્ષ પછી પણ આપણા કારણે જ આપણા હાથ ખાલી છે. કસાબ જેવો પણ હજી લીલા લહેર કરે છે.
- ગુણવંત છો. શાહ

 

સાચવી રાખો
દાંત દુખતા કે હલતા ફટકડી રામબાણ ઈલાજ
દસ રૂપિયામાં ખોબો ભરીને મળતી ફટકડી જેવી વસ્તુ આપણા શરીર માટે કેવું રામબાણ કામ કરે છે એ જૂઓ.
દાંત હલતો હોય, દુઃખતો હોય, પડાવી નાંખવાનું મન થતું હોય તો થોડુંક થોભો!
દાંતના દર્દ માટે સાવ સહેલો ઉપાય છે દરરોજ સવારે કોગળા કરવાનું જે પાણી હોય એમાં ફટકડીના ટુકડાને પાંચ-દસ વાર ફેરવીને ટુકડાને કાઢીને બીજા દિવસ માટે રાખી મૂકો અને પેલા પાણીથી કોગળા કરો. હલતો દાંત પાંચ-દસ પંદર દિવસે હાલતો બંધ થઇ જશે અથવા વઘુ પડતો હલતો હશે તો ડોકટરના ઓજાર વિના સીધેસીધો ખબર ન પડે એ રીતે પડી જશે.
અમસ્તું પણ દરરોજ કોગળા કરવાનું ફટકડી ફેરવેલા પાણીથી જ કોગળા કરવાનું રાખવું. દાંત સારા રહેશે ને મોં સાવ સ્વચ્છ થઇ જશે.
ફટકડી અને મરીને વાટીને દાંતના મૂળમાં ઘસવાથી દાંતોની પીડા દૂર થશે.
હલતા દાંતનો એક બીજો ઉપાય પણ છે... થોડી શેકેલી ફટકડી એક તોલો, કાથો એક તોલોનું મંજન વાટીને બનાવો અને પછી એને રોજ લગાવો તો દાંતોની પીડા દૂર થશે અને દાંત મજબૂત અને સુદ્રઢ થશે.

 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 
 

Science and Technology

માર્સ - ૫૦૦ ''પૃથ્વી પરનો સ્પેસ ટ્રાવેલનો સૌથી લાંબો પ્રયોગ''

પપુઆ ન્યુગીનીના દરિયામાં ઃ સોલ્વારા-૧
માઇફો-લિપો ફિલિંગ
વ્યાયામ અને આહારથી BP ઘટાડી શકાય... !
બ્રો-લિફટ કે પાળ લિફટ
 

Gujarat Samachar Plus

શા માટે કેક પર મીણબત્તી હોય છે?
બીગ બીને ટાગોરના રોલ માટે રાજી કરવાની કોશિશ

વિવેકની આગામી ફિલ્મના નામમાં ચેન્જ

ભારતીય સેલિબ્રીટીની છાપ બદલવી છે.-ફ્રેડા પિન્ટો

વિપુલ સાથે કોઇ મતભેદ નથીઃ અક્કી
અલવિદા સિક્સ પેક-શાહરૂખ ખાન
  More Stories
 
   
webad3 lagnavisha
   

Follow Us

Facebook Twitter
   

Archives

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
   
 
plus
 

આજનું કાર્ટુન

arc archive

પૂર્તિઓ

 
 
Gujarat Samachar © 2011 All Rights Reserved