Last Update : 04-July-2011, Monday
 
ભગવાન જગન્નાથની રથયાત્રા સંપન્ન

 

'હાથી ઘોડા પાલકી જય કનૈયાલાલ કી'ના નારા ગુંજ્યા
મોડાસા, ઇડર અને ખેડબ્રહ્મામાં નીકળેલી રથયાત્રા
ભગવાન જગન્નાથના દર્શન કરી હજારો લોકો ધન્ય

મુસ્લિમ બિરાદરો દ્વારા ઠેર-ઠેર રથયાત્રાનું ભવ્ય સ્વાગત કરાયું
મોડાસા,ઈડર,ખેડબ્રહ્મા,તા.૩
સાબરકાંઠા જિલ્લામાં અષાઢી બીજના રોજ નીકળેલી ભગવાન જગન્નાથની રથયાત્રા રંગેચંગે સંપન્ન થઈ હતી. મોડાસા,ઈડર,શામળાજી અને ખેડબ્રહ્મામાં નીકળેલી રથયાત્રામાં હજારો લોકો જોડાયા હતા અને ભગવાન જગન્નાથના દર્શન કરી પાવન બન્યા હતા. રથયાત્રાનું ઠેર-ઠેર મુસ્લિમ બિરાદરો દ્વારા સ્વાગત કરવામાં આવતાં કોમી એખાલસનાં દ્રશ્યો સર્જાયા હતા. ભગવાન જગન્નાથના ભક્તો માટે ઠેર-ઠેર ઠંડા પાણીથી લઈ લીંબુ શરબતની વ્યવસ્થા કરવામાં આવી હતી. જિલ્લાના સંવેદનશીલ ગણાતા મોડાસા અને ઈડરમાં નિર્વિઘ્ને રથયાત્રા સપન્ન થતાં પોલીસ તંત્રએ રાહતનો દમ લીધો હતો. 'જય રણછોડ માખણચોર'અને 'હાથી ઘોડા પાલકી, જય કનૈયાલાલ કી'ના ગનનભેદી નારાઓ સાથે લોકો ભક્તિમય બની ગયા હતા અને ભગવાન જગન્નાથ કૃપા દ્રષ્ટિ વરસાવી વરસાદનું આગમન કરાવે તેવી પ્રાર્થનાઓ પણ કરી હતી.
જિલ્લામાં પરંપરાગત ઉમંગભેર નીકળેલી રથયાત્રા શાંતિપૂર્ણ માહોલમાં સંપન્ન થાય તેની આગોતરી સુરક્ષા બંદોબસ્તની વ્યવસ્થા જિલ્લા પોલીસ વડા ડી.આર. પટેલે કરી હતી અને મોડાસા સહિત જ્યાં જ્યાં રથયાત્રાનું આયોજન થયું હતું ત્યાં તમામ ઠેકાણે સુંદર સુરક્ષા બંદોબસ્ત ગોઠવી દેતાં પોલીસ અધિકારીઓ, પોલીસ કર્મીઓ, ઘોડેશ્વાર પોલીસ અને હોમગાર્ડ ઉપરાંત એસ.આર.પી. કંપનીના જવાનોએ ખડેપગે રહી સુરક્ષા વ્યવસ્થા પૂરી પાડી હતી. મોડાસા શહેરમાં રથયાત્રા ઉત્સવ સમિતિના ઉપક્રમે પ્રતિવર્ષની જેમ ચાલુ વર્ષે પણ ભવ્ય રથયાત્રાનું આયોજન પ્રમુખ નાનાલાલ પ્રજાપતિ, રમેશભાઈ કડિયા, જયેશભાઈ ભાવસાર, ભરતભાઈ ભાવસાર, વાડીલાલ કડિયા, હસમુખભાઈ ભાવસાર અને મુકેશભાઈ કડિયાએ એક ટીમ બનીને રથયાત્રાનો પ્રસંગ વાજતેગાજતે અને પરંપરાગત રીતે શ્રધ્ધા-ઉમંગથી સંપન્ન કર્યો હતો.
મોડાસા બાલકદાસજી મંદિરેથી પ્રારંભ થઈ રથયાત્રા આઝાદચોક, ગોકુલનાથજી મંદિર, ગાંધીવાડા, સોનીવાડા, ભોઈવાડા, વિનાયક ટોકીઝ, નંદનવન સોસાયટી, કુંભારવાડા ઢાળે, સગરવાડા મહાકાળી મંદિર, સરસ્વતિ બાલમંદિર થઈને ચાર રસ્તા, એસ.ટી. સ્ટેન્ડ, કડિયાવાડા, ભાવસારવાડા, હોળીચકલા, ટેલીફોન એક્ષચેન્જ, નગરપાલિકા પરવડી ચોક, જૈન દેરાસર થઈ નીજ મંદિરે પૂર્ણાહુતિ થઈ તે તમામ રથયાત્રા દરમિયાન મોડાસામાં ડી.વાય.એસ.પી. કે.કે. મયસોરવાલા, પી.આઈ. કે.જે. ચૌધરીએ શહેરમાં તૈનાત સુરક્ષા પોલીસ અધિકારીઓ, કર્મચારીઓને તેમના માર્ગદર્શન સૂચના મુજબ ઘોડેસ્વાર પોલીસ સહિત સૌએ કરેલી સુરક્ષા વ્યવસ્થા દાદ માગી લે તેવી હતી. સમગ્ર શહેરમાં હૈયે હૈયું ચંપાય તેવો માનવ મહેરામણ રથયાત્રામાં ઘોડેશ્વાર, ઢોલી, અખાડા, ભજન મંડળીઓ, આકર્ષક આધ્યાત્મિક ઝાંખીઓ તથા વાજિંત્રો સંગીતની સજાવટ સાથે જોડાઈને શોભાયાત્રાને દર્શનીય અને ખૂબ હૃદયસ્પર્શી બનાવી હતી. 'જય રણછોડ માખણચોર'ના જય જયકારથી મોડાસા શહેરનું અંતરિક્ષ ગજવીને ધન્યતા અનુભવી હતી.
ઈડરમાં સાંજે બરાબર ૧૧.૦૦ કલાકે ભગવાન જગન્નાથજીની ૧૩મી રથયાત્રા ભારે હર્ષોલ્લાસ સાથે રામદ્વારા મંદિરથી નીકળી હતી. ઢોલનગારા અને ''જય રણછોડ માખણ ચોર''ના ગગનભેદી નારા વચ્ચે નીકળેલ આ યાત્રામાં હજારોની સંખ્યામાં ભક્તો જોડાયા હતા. પોલીસતંત્રના ચુસ્ત બંદોબદસ્ત સાથેની યાત્રા શહેરની પરિક્રમા બાદ સાંજે હેમખેમ નિજ મંદિરે પહોંચી સંપન્ન થઈ હતી.
આ અગાઉ રથયાત્રામાં રથમાં બિરાજેલ ભગવાન જગન્નાથ, ભ્રાતા બલરામ અને બહેન સુભદ્રાના દર્શન કરવા લોકો ઠેરઠેર પડાપડી કરતા નજરે પડયા હતાં. રથની સાથે અસંખ્ય ટ્રેકટરો-જીપો, ભજન મંડળી ઉપરાંત મોટી સંખ્યામાં સાધુ-સંતો અને નગરજનો જોડાયા હતા. યાત્રા નિર્ધારીત માર્ગે આગળ વધી મુસ્લિમ વિસ્તારમાં પ્રવેશતાં મુસ્લિમ સમાજના અગ્રણી યુસુફભાઈ તેમજ નાગોરી સાહેબ વગેરેએ રથ અને મહંતનું સ્વાગત કરી કોમી એકતાનું ઉત્તમ ઉદાહરણ પૂરું પાડયું હતું. બાદમાં નગર પાલિકા આગળ શહેરના મેયર ઉપરાંત કોર્પોરેટરો અને અગ્રણીઓએ રથ અને મહંતનું સ્વાગત કર્યું હતું. આજે દિનભર અસહ્ય ઉકળાટ અને ગરમીનું વાતાવરણ હોવા છતાં રથયાત્રાના તમામ માર્ગે દર્શનાર્થીઓની હકડેઠઠ ભીડ જામી હતી. લોકો મગ-જાંબુ, કાકડીની પ્રસાદી લઈ ધન્યતા અનુભવતા હતાં. માર્ગ પર અખાડીયનોએ વિવિધ સાહસભર્યા દાવપેચ રજુ કરી ઉપસ્થિત જનમેદનીને મંત્રમુગ્ધ કરી દીધી હતી. લોકો દ્વારા ઠેર ઠેર ઠંડા પાણીની વ્યવસ્થા કરાઈ હતી. બાદમાં યાત્રા નાયકનગર-રેલવે સ્ટેશન વિસ્તારમાં પહોંચતાં અહીં ભગવાનનું મામેરૃ ભરાયું હતું. તેમજ યાત્રામાં જોડાયેલ તમામ મેદની માટે ચા નાસ્તાપાણીની વ્યવસ્થા કરાઈ હતી. બાદમાં યાત્રા મુખ્ય બજારથી ખરીદી બજાર થઈ નિર્વિઘ્ને નિજ મંદિરે પહોંચતા, આરતી બાદ યાત્રા સંપન્ન કરાઈ હતી.
ખેડબ્રહ્મા ખાતે આજે ભગવાન જગન્નાથજી, ભાઈ બલભદ્ર તથા બહેન સુભદ્રાની રથયાત્રા ગામમાં બ્રહ્માજી મંદિર પાસે આવેલ શ્રી રાધાકૃષ્ણ મંદિરમાંથી નીકળી હતી. જેમાં મોટી સંખ્યામાં વેપારી મિત્રો ભક્તો જોડાયા હતા.
રથયાત્રા રાધાકૃષ્ણ મંદિરથી ગામ વિસ્તારમાં ફરી મહાકાલી મંદિર થઈ સ્ટેશન વિસ્તારમાં કાશી વિશ્વનાથ મહાદેવ મંદિર, સરદાર ચોક થઈ દાતા હસસુખલાલ મોદીના નિવાસસ્થાને પહોંચી હતી અને ત્યાં મામેરૃ ભરાયુ હતું. રથયાત્રામાં ભક્તો માટે ઠંડા પાણી, સરબત, છાશ સહીતની વ્યવસ્થાઓ કરવામાં આવી હતી. રથયાત્રામાં શણગારેલા ટ્રેક્ટર, ઘોડા તેમજ વેશભૂષાનું આકર્ષણ રહ્યું હતું. વિસામાના સ્થળે હસમુખલાલ મોદી તરફથી ભોજન મહાપ્રસાદની વ્યવસ્થા કરવામાં આવી હતી. રથયાત્રામાં પોલીસ બંદોબસ્ત ગોઠવવામાં આવ્યો હતો. રથયાત્રા વિસામા બાદ સાંજના નીજ મંદિરમાં પરત ફરી હતી.

 

Share |
 

Read More News From

International   National Entertainment Business Sports  
             

More News from Gujarat

  Ahmedabad Vadodara Surat Rajkot  
    Bhavnagar Kheda-Anand Kutch North Gujarat
  More News
ભગવાનના દર્શન કરવા મધરાતથી મંદિર બહાર લાંબી લાઇનો લાગી
ભગવાન જગન્નાથજીની આરતી મંદિરના મહંતે ઉતારી
સરસપુરની પોળોમાં દોઢ લાખ શ્રધ્ધાળુઓને ભાવભર્યુ ભોજન
રૃડીબાનું વર્ષોજૂનું રસોડું આજેપણ ધમધમે છે
દરિયાપુરમાં 'સ્વયંભૂ લોકોત્સવ' રથયાત્રાને અભૂતપૂર્વ આવકાર
૧૯૦૦૦ની સપાટીને સ્પર્શ્યા બાદ પીછેહઠ ઃ સેન્સેક્સ ૮૩ પોઈન્ટ તુટયો
ચાંદીના ભાવો રૃ.૧૨૩૫ તૂટી રૃ.૫૨૦૦૦ની અંદર જતા રહ્યા
એનએસઈએલ ડેઈલી રિપોર્ટ...
એમસીએક્સ ડેઈલી રિપોર્ટ...
  More News
હાઈકોર્ટમાં ઑનલાઈન કોર્ટ ફી ભરવાની વ્યવસ્થા શરૃ કરાઈ.
પેઇન્ટર અને લેખક આબિદ સુરતીએ કુમાર મંગત અને વોર્નર બ્રધર્સ સામે કેસ કર્યો
બાંગ્લાદેશની એક કમનસીબ યુવતીને મુંબઈ પોલીસે કામાઠીપુરામાંથી ઉગારી
મહારાષ્ટ્રનાં ૧૬ હજાર બાળકો ગુમ થયા બાબતે હાઇકોર્ટે દર્શાવેલી ચિંતા
મુંબઈગરા પર ગેસ્ટ્રોએન્ટરાઈટિસની પકડ સખત થયાનો ડૉક્ટરોનો દાવો
કાબુલમાં હોટલ પર ૨૬/૧૧ જેવો આતંકી હુમલો ૧૯ના મોત
ક્રિસ્ટીન લૈગાર્ડ આઇએમએફના નવા પ્રમુખ તરીકે નિયુક્ત થયા
ભારત રોકાણ માટે સુરક્ષિત સ્થાન ઃ ઉદ્યોગપતિ લોર્ડ પોલ
મોરેશ્યસ સાથે ટેક્સ કરારની સમીક્ષા થશે ઃ પ્રણવ
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 

Science and Technology

ZEHST 'શ્રીનગર થી કન્યાકુમારી માત્ર અડધા કલાકમાં પહોંચી શકાશે.'

ફળોને પકવવાની સાચી-નરસી ટેકનોલોજી
ડ્રાઈવર વિનાની ગુગલ કાર...!
યચ્યુઈંગ ગમથી ફાયદા જ ફાયદા... !
સર્જરી દરમ્યાન ચેતા ક્યાય જાય તો... ?
 

Gujarat Samachar Plus

મહિલાઓના e-શોપીંગમાં બુક્સ-સીડી ફેવરિટ
ઇન્ફેકશન રિસર્ચ માટે હોંગકોંગની સ્ટુડન્ટ્‌સ વડોદરામાં
રથયાત્રા કરતાં પશ્ચિમી ઉત્સવોમાં વઘુ રસ
રસ્તા પર ચાલે છે રોટલાના કોચંિગ ક્લાસ
 
   
lagnavisha arc
 

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 
plus
 

આજનું કાર્ટુન

   
   
webad3
   
usalet archive

Follow Us

Twitter Facebook

પૂર્તિઓ

 
 
 
Gujarat Samachar © 2011 All Rights Reserved