Last Update : 30-June-2011, Thursday
 

સવાલોનો સવાલ

- હિન્દી ફિલ્મ જગતની સર્વપ્રિય અભિનેત્રી ઐશ્વર્યા રાય બચ્ચનને ‘‘સારા દિવસો’’ જાય છે એથી સૌ ખુશખુશ છે પણ સૌના મનમાં એ પણ સવાલ છે કે ઐશ્વર્યા કયા અરસામાં માતા બનશે ?

જાજરમાન ભારતીય અભિનેત્રી તરીકે ઐશ્વર્યા રાય બચ્ચન ફ્રાન્સના પેરીસથી મોટર રસ્તે એકાદ કલાક દૂર આવેલા કેન્સ શહેરમાં (એનો ઉચ્ચાર ‘‘કાન’’ છે) યોજાતા ફિલ્મ મહોત્સવમાં ગયા વર્ષની જેમ આ વર્ષે પણ હમણાં ગયેલી ત્યારે એને ઝીણવટથી જોનારાઓએ પૂછેલું એ વખતે ઐશ્વર્યાએ વાતને નકારી કાઢેલી. કાનમાં આંતરરાષ્ટ્રીય ફિલ્મ મહોત્સવ થાય છે જેની એવોર્ડ કમિટીમાં ગયા વખતે ઐશ્વર્યા પણ હતી. દર વર્ષે એપ્રિલમાં એ થતો હોય છે. ઐશ્વર્યા ત્યાંની ઝાકઝમાળમાં ભારતનું નામ રહે એવા પોષાક અને ઠસ્સો રાખતી હોય છે.
એ વખતે ઐશ્વર્યાએ પોતાને ‘‘સારા દિવસો’’ હોવાની વાતને ઈન્કારી કાઢી હતી પણ આવી બાબતોમાં ખાસ નજર ધરાવનારાઓની નજરથી એ છૂપું તો ન જ રહી શકે.
આવી બાબતોમાં ઘણા માણસો વહેમ પણ રાખતા હોય છે એટલે પણ ઐશ્વર્યાએ ત્યારે વાતને ઈનકારી કાઢી હોય એ બની શકે છે.
પછી તો, દરેક સગર્ભા સ્ત્રીનું વજન વધતું હોય એમ છે. ઐશ્વર્યાનું પણ વજન વધતું હતું એટલે પેલી શુભ શંકાને બળ મળવા લાગ્યું.
ઐશ્વર્યા અને અભિષેકના લગ્નને ૪ વર્ષ થઈ ગયા છે એટલે ‘‘સારા સમાચાર’’ સાંભળવા સૌ આતુર ઈંતેજાર હોય એ સ્વાભાવિક છે.
અખબારોમાં પણ ઈશારા મળવા લાગેલા. પરિણામે અમિતાભના ઘરે ચાહકોના ફોનોના દરોડા શરૂ થયા.
અત્યારે ઐશ્વર્યા જે ફિલ્મમાં શુટીંગ આપી રહી છે એ ‘‘હીરોઈન’’ નામની ફિલ્મમાં અમુક દ્રશ્યોમાં ઐશ્વર્યા થોડીક જાડી દેખાવી જરૂરી હોવાથી ફિલ્મના દિગ્દર્શક મઘુર ભંડારકરને ફાવતું મળી ગયું હતું.
જોકે ફેશન ડીઝાઈનરો અને મઘુર ભંડારકર ખુદ તો એમ જ માનતા હતા કે... ફિલ્મમાં જાડા દેખાવાનું હોવું જરૂરી હોવાથી ઐશ્વર્યાએ જાતે જ વજન વધાર્યું છે. એમની નજરમાં એટલું કાચાપણું.
છતાં ગણગણાટ તો ચાલુ જ હતો. લોકોની નજરથી વાત તો છૂપી રહી શકે જ નહીં ને? અને આવી વાત માટે પત્રકારો તો ટાંપીને બેઠા હોય છે. જોકે ઐશ્વર્યા વાતને ઢાંકેલી રાખવા વિદેશમાં વઘુ દિવસો રહેવાનું ગોઠવવા લાગેલી પણ ફિલ્મનું શુટીંગ કરવાની ભીંસ હતી એટલે સ્વદેશ આવ્યા વિના છૂટકો નહોતો. હવે, કોઈ પણ સ્ત્રીથી આ વાત છૂપી રહી શકે જ નહીં અને દાદી થવાની રાહ જોતી રહેલી સાસુ જયા બચ્ચનથી તો આ વાત છૂપાવી છૂપાવી શકાય તેમ નહોતી. અંતે ૨૧ જૂનની રાત્રીના સમયે અમિતાભે પોતાના ‘‘ટ્‌વીટર’’ પર આ હર્ષભરી વાતનો ફોડ પાડી દીધો. (અમિતાભ બચ્ચન ટ્‌વીટરનો બહુ શોખીન છે. અભિનેત્રી પ્રિયંકા ચોપરા પણ ટ્‌વીટરની એવી જ શોખીન છે.)
અમિતાભના ટ્‌વીટરનો નંબર ્‌૪૧૦ છે. એમાં અમિતાભે લખ્યું, ‘‘શઈઉજી શઈઉજી શઈઉજી ! ૈં છસ્ ર્ય્ંૈંશય્ ર્‌ં મ્ઈર્ભંસ્ઈ છ ય્ઇછશઘખછ્‌લ્લઈઇ... છજીલ્લઉછઇરૂછ ઈઠઁઈભ્‌શશય્... ર્જીં લ્લછઁઁરૂ છશઘ ્‌લ્લઇૈંન્ન્ઈઘ. ’’
કોઈપણ પિતાની દાદા બનવાની ખ્વાહિશ હોય છે એમ કોઈપણ પતિની પિતા બનવાની અને કોઈપણ પત્નીની અમુક વર્ષના અંતર પછી પણ માતા બનવાની ખ્વાહિશ હોય છે.
અભિષેકનો જન્મ ૧૯૭૬ના ૨ ફેબુ્રઆરીનો... એટલે ૩૪ વર્ષનો... પરફેક્ટ ફાધર થવાને લાયક.
હવે સવાલોનો સવાલ એ છે કે... ઐશ્વર્યા એના પહેલા સંતાનનો જન્મ કયા અરસામાં આપશે?
આ બાબતમાં જેઓ નિષ્ણાત છે એમનું કહેવું... નવેમ્બરની ૧ આસપાસનો દિવસ છે. (અમિતાભનો જન્મદિન ૧૧ નવેમ્બર છે અને એની બધી મોટરોના નંબર પણ ૧૧ ઉપર જ હોય છે.) ઐશ્વર્યાનો જન્મદિન પણ ૧ નવેમ્બર છે.
ડૉ. મિનાક્ષી આહુજા નામના ગાયનોકોલોજીસ્ટ કહે છે કે... ‘‘ઐશ્વર્યાનો પાછળનો ભાગ જોતા કહી શકાય કે એને ત્રણ મહિના તો થઈ જ ગયા હશે.’’
જ્યારે ઐશ્વર્યાના તાજા ફોટા જોનારા કહે છે કે... ‘‘એને ચાર મહિના થઈ ગયા હોવા જોઈએ.’’ એક ડૉ. અનુરાધા કપુર તથા ડૉ. વીણા ભાટ ગાયનેકોલોજીસ જ છે... એ બન્ને પણ એમ જ કહે છે કે ત્રીજા-ચોથાની વચમાં દિવસો જતા હશે.
અમદાવાદના એક જ્યોતિષીનું કહેવું એમ છે કે ૧૧મી માર્ચ ૨૦૧૨ના રોજ ઐશ્વર્યાને પુત્રી અવતરશે.
જોકે ઐશ્વર્યાએ મુંબઈમાં સ્ટાર સ્ક્રીનના એવોર્ડના ફંકશનમાં જાન્યુઆરીમાં નૃત્ય કરેલું એ પછી એણે સ્ટેજ ઉપર જવાનું બંધ કરી દીધેલું.
અભિષેકના બાળપણનો મિત્ર અને હવે નિર્માતા ગોલ્ડી બહલ કહે છે કે... ‘‘અભિષેક ખરેખર આનંદથી વિભોર થઈ ગયો છે.’’
એપ્રિલ ૨૦૦૭માં અભિષેક-ઐશ્વર્યાના લગ્ન થયા પછી પહેલી વાર ઐશ્વર્યાએ પોતાના ઘરની બહાર અનાજના દાણા નાંખ્યા ત્યારથી ઐશ્વર્યાના ‘‘સારા દિવસો’’ની વાતો થવા લાગેલી.
એ પછી ૨૦૦૮માં મે મહિનામાં સરકારરાજ ફિલ્મની દિલ્લીમાં રજૂઆત વખતે એણે લોંગકોટ પહેરેલો ત્યારે એના ‘‘સારા દિવસો’’ની વાતો થવા લાગેલી.
એ પછી મુંબઈના એક ફરફરીયા દૈનિકે એવા સમાચાર છાપેલા કે ઐશ્વર્યાને યુટેરસમાં ટીબી થએલો હોવાથી એ માતા થઈ શકે તેમ નથી... ત્યારે બચ્ચન પરિવારે ૨૦૧૦ના ફેબુ્રઆરીમાં એ દૈનિકને નોટીસ મોકલીને એ સમાચાર પાયા વિનાના છે... એવું છપાવેલું.

 

* સખળડખળ

 

- મુંબઈના ભાજપના નેતા ગોપીનાથ મુંડેએ શું મેળવ્યું અને શું ગુમાવ્યું ?
- કોંગ્રેસની જેમ ભાજપ પણ અંદર અંદરની ટાંટીયા ખેંચથી સડી રહી છે

ખાસ કરીને કોંગ્રેસમાં વાંકા અંગો જોઈને ખુશ થઈને તાળીઓ પાડીને બ્યુગલો વગાડનાર ભાજપના પણ પેલા ઊંટની જેમ અઢારેય અંગ વાંકા જ છે. દા.ત. સુષમા સ્વરાજ અને અરૂણ જેટલી કેન્દ્રમાં દિલ્લીમાં, બિહારમાં રવિશંકર પ્રસાદ અને શત્રુધ્નસંિહા, ઉમા ભારતીને ઉત્તરપ્રદેશનો હવાલો સોંપ્યો પણ એણે મઘ્યપ્રદેશમાં પગ નહીં મૂકવાનો, તો સંજય જોષીને દેશનો હવાલો સોંપ્યો તો એણે ગુજરાતમાં પગ નહીં મૂકવાનો, (અગાઉ એના કરતાં ઉલટું હતું... નરેન્દ્ર મોદીને દેશનો હવાલો સોંપેલો પણ ગુજરાતમાં પગ નહીં મૂકવાનો)... એ રીતે મુંબઈના ગડકરીને ભાજપના રાષ્ટ્રીય પ્રમુખ બનાવ્યા તો એમણે મુંબઈના ગોપીનાથ મુંડેનો છેદ ઉડાડવાની રમત રમવા માંડી !
આ તો ઉપરના નેતાઓની વાત કરી બાકી આવી ટાંટીયાખેંચ ભાજપમાં લત્તેલત્તે અને વોર્ડે વોર્ડે ચાલુ જ છે. કોઈક ઠેકાણે ન ચાલતી હોય તો કહેશે, ‘‘કેમ તમારે ત્યાં બઘું સમુંસુતર છે? કંઈ જ અખળડખળ નથી?’’
ગડકરીને ભલે પક્ષના પ્રમુખ બનાવ્યા હોય (કોંગ્રેસમાં કે ભાજપમાં કે બીજા એક પણ પક્ષમાં પ્રમુખ માટે ચૂંટણી થતી જ નથી... પેલા અણ્ણા હજારે અને કેજરીવાલ તો રાજકીય પક્ષના નથી અને સીવીલ સોસાયટી નામની કોઈ અજાણી સંસ્થાના છે પણ એ સંસ્થાના કોઈ બીજા સભ્ય પણ નથી અને એ બન્ને ખુરશી ઉપર ચઢી બેઠા છે... અને ૧ અબજની જનતાની વાતો કરે છે અને લોકશાહી... લોકશાહી કરે છે. પેલા સુબ્રણ્યમ્‌ સ્વામિ પણ એવા જ છે... એમના પક્ષના એ એક જ સભ્ય છે! એના પક્ષમાં બીજો કોઈ સભ્ય જ નથી. પ્રમુખ પણ એ અને સભ્ય પણ એ જ! આવાઓને મહત્ત્વ જ આપવાનું શાનું હોય? આંતરિક ચૂંટણી જીત્યા વિના ખુરશી ઉપર ચઢી બેટા હોય એને મહત્ત્વ શાનું આપવાનું હોય? અણ્ણા કે કેજરીવાલ કે ભાજપના ગડકરીએ પણ કદી મ્યુનિસિપાલિટીની ચૂંટણી પણ નથી લડી! પછી વિધાનસભાની કે લોકસભાની તો વાત જ ક્યાં કરવાની? જ્યારે મૂંડે તો લોકસભાની અને એ પહેલાં વિધાનસભાની ચૂંટણી લડીને જીતેલા છે. અત્યારે પણ મૂંડે લોકસભાના વિરોધ પક્ષના ઉપનેતા છે,
હકીકતમાં ગડકરી કરતાં મૂંડેનો પગ મોટો છે.
જોકે મૂંડે પણ સોજ્જા નથી. મુંબઈ- મહારાષ્ટ્ર ભાજપના જ્યારે એ સર્વેસર્વા હતા ત્યારે એમને મળવા માંગનારને એ કલાકો સુધી પોતાની ઓફિસની બહાર બેસાડી રાખતા... એવી એમની ‘‘દાદાગીરી’’ હતી. ગડકરીને પણ એમણે એ રીતે ઘણીવાર બેસાડી રાખેલા. ગડકરીને એમણે ઊંચા જ આવવા દીધેલા નહીં.
ગડકરી તો રાષ્ટ્રીય પ્રમુખ થયા પછી દેશ ગડકરીને ઓળખતો થયો બાકી મૂંડેને તો દેશ ક્યારનો ય વર્ષોથી ઓળખતો હતો.
મુંબઈના બેતાજ બાદશાહ શિવસેનાના બાળ ઠાકરે અને ઉઘ્વવ ઠાકરેને મળવા જતા ગડકરીને આજેય વિચારવું પડે જ્યારે મૂંડે અને ઠાકરે વર્ષો સુધી સાથે રહીને કોંગ્રેસ સામે બાંયો ચઢાવતાં રહેલા છે.
મુંડેને મનાવવા માટે પહેલીવાર દિલ્લી બોલાવ્યા ત્યારે એમની નારાજગી દૂર કરી શકાઇ નહોતી કારણ કે ત્યારે ભાજપના લોકસભામાંના નેતા સુષમા સ્વરાજ દિલ્લીમાં નહોતા. એટલે ફરી વાર એમને દિલ્લી બોલાવ્યા ત્યારે પણ લાગતું તો એવું હતું કે સમાધાન નહીં થાય પણ સુષમા સ્વરાજમાં સમાધાન કરાવવાની આવડતે કામ કર્યું. કર્ણાટકમાં મુખ્યપ્રધાન યેદુરપ્પા સામે રેડ્ડી બંઘુ પડેલા ત્યારે પણ સુષમાએ જ રેડ્ડી બંઘુની નારાજગી દૂર કરવાનું કામ કરેલું. એ જ રીતે ઉમાભારતીનો ભાજપમાં પુનઃપ્રવેશ અટકી પડ્યો હતો ત્યારે પણ સુષમા સ્વરાજ જ કામ આવેલા.
આમ, જે કામ ગડકરીએ અથવા આડવાણીએ કરવું જોઈએ એ તેઓ કે કોઈ નથી કરતા પણ સુષમા સ્વરાજ કરે છે.
બાકી અત્યારે મૂંડેએ ભલે એમ કહ્યું હોય કે તેઓ ભાજપના જ છે અને ભાજપમાં જ રહેશે... પણ ભવિષ્યનું કંઈ કહી શકાય તેમ નથી કારણ કે ગડકરી મૂંડેને ઈચ્છતા નથી.
જોકે કોંગ્રેસ મૂંડેને આવકારવા તૈયાર છે. કોંગ્રેસને મુંબઈ મહારાષ્ટ્રમાં પોતાની સ્થિતિ મજબૂત કરવાની જરૂર છે ત્યારે મૂંડે કામ લાગે તેમ છે કારણ કે શરદ પવાર અને બાળઠાકરેની દાદાગીરીને મૂંડેના કારણે ખાળી શકાય તેમ છે.
ગુણવંત છો. શાહ

 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 

Science and Technology

ZEHST 'શ્રીનગર થી કન્યાકુમારી માત્ર અડધા કલાકમાં પહોંચી શકાશે.'

ફળોને પકવવાની સાચી-નરસી ટેકનોલોજી
ડ્રાઈવર વિનાની ગુગલ કાર...!
યચ્યુઈંગ ગમથી ફાયદા જ ફાયદા... !
સર્જરી દરમ્યાન ચેતા ક્યાય જાય તો... ?
 

Gujarat Samachar Plus

અમદાવાદના વિદ્યાર્થીઓ કેમ્બ્રિજની સફરે સફળતાનો સ્ટડી, સપનાંની ટૂર `
બજાર કરતા સાવ ઓછા ભાવનું શાક વડોદરાના પાનશેરીમાંથી મળે
ફર્સ્ટ સ્ટેપ વિથ ફ્રેશર્સ પાર્ટી

નુડલ્સના સ્વાદમાં ભળે છે સ્નેહ અને સેવાની સોડમ

અથાણાની ભેળસેળઃ જીભનો ચટકો પણ આરોગ્યને ફટકો
 
   
lagnavisha arc
 

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 
plus
 

આજનું કાર્ટુન

   
   
webad3
   
usalet archive

Follow Us

Twitter Facebook

પૂર્તિઓ

 
 
Gujarat Samachar © 2011 All Rights Reserved