Last Update : 15-June-2011, Wednesday
 
સંગીતની સરગમમાં રિયાલિટીનો સૂર

- એક અભિજિત સાવંત હતો. મુંબઈમાં વસતો સાધારણ મઘ્યમવર્ગિય છોકરો આજે સેલિબ્રિટી થઈ ચૂક્યો છે. એવી જ એક હતી શ્રેયા ઘોષાલ. એ પણ કોલકાતાના સાધારણ ખાનદાનમાંથી આવતી યુવતી. આજે હરકોઈ સંગીતપ્રેમી તેનું નામ જાણે છે અને કામ પર આફરિન પોકારે છે. બસ, યહી તો બાત હૈ.. દરેક મા-બાપ પોતાના બાળકને રિયાલિટી શોની વહેતી ગંગામાં ડૂબકી મરાવીને સામા કાંઠે ઊભેલા નેમ-ફેમ એન્ડ મનીની દિશામાં મોકલવા માંગે છે. સરવાળે, મોટા શહેરોના સંગીતક્લાસ હાઉસફૂલ થઈ રહ્યા છે.

આઠ-દસ વર્ષ ભણવામાં ગાળવા, આકરી મહેનત કરવી, પછી નોકરી મેળવવા માટના પ્રયત્નો કરવા અને પછી પ્રગતિની સીડી ચડવા માટેની હરિફાઈમાં ઊભા રહી જવું. અત્યાર સુધી સાધારણ માણસની જંિદગીની સરેરાશ આ જ દાસ્તાન રહી છે. ટેલેન્ટ હોય, મહેનત કરવાની ધગશ હોય પરંતુ તક જ ન હોય તો સફળતાના આસમાનને ચૂમવાનું બધા માટે એટલું આસાન નથી બનતું. પણ હવે સિનારિયો બદલાઈ રહ્યો છે. સક્સેસ મિલે ચૂટકી મેં, કરલો દુનિયા મુઠ્ઠીમેં એવા સૂત્રમાં માનતી નવી જનરેશન માટે રાતોરાત સફળ થઈ જવું, નેમ-ફેમ એન્ડ મનીના મહાસાગરમાં ડૂબકી મારવી એ પ્રત્યેક જવાનિયાની આંખોમાં અંજાઈ ગયેલું સપનું બની ચૂક્યું છે ત્યારે લોકોની ખ્વાહિશની રોકડી કરી લેવા માટે રિઆલિટી શોની ભરમાર પણ ઉમટી પડે તે સ્વાભાવિક છે. જોકે રાતોરાત સફળ, જાણીતા અને ધનિક બનાવી દેતા આ રિઆલિટી શોને લીધે જ યુવાઓમાં એક શોખ નવી ઢબે, નવેસરથી વિકસી રહ્યો છે. એ શોખ છે સંગીત. જી હા, સંગીત સંબંધિત જાતભાતના રિઆલિટી શોમાં ચમકીને સક્સેસનો શોર્ટકટ મેળવવાની લ્હાયમાં આજકાલ યુવાનોમાં સંગીત શીખવાનો ક્રેઝ પૂરબહારમાં ખીલી રહ્યો છે.

 

સંગીત એક આર્ટ છે, અને આ આર્ટ જન્મજાત શક્તિ છે. પરંતુ રિઆલિટી શોની ભરમારમાં આ બધા ભેદ ભૂંસાઈ જાય છે અને વઘુમાં વઘુ લોકોને તક મળે તો પોતાના શોને પણ વ્યાપક ટીઆરપી મળે તેવું ગણિત સમજી ગયેલી ચેનલ્સ પણ મહત્તમ સ્પર્ધકોને તક મળે તેવું ફોર્મેટ ગોઠવે છે. આ બહેતી ગંગામાં ડૂબકી મારીને પ્રસિદ્ધિના કાંઠે પહોંચવાના પ્રયાસમાં યંગસ્ટર્સને વિશેષ રસ પડે તે સ્વાભાવિક છે. રિયાલિટી શો જોઇને દરેક બાળક ઇન્ડિયન આઇડલ બનવા માગે છે. બાળકોમાં સંગીતનો ક્રેઝ વધવા લાગ્યો છે. તેથી સંગીત ક્લાસીસમાં સંગીત શીખવવા માટે પડાપડી થાય છે. બાળકોના મતે ઓછા સમયમાં સંગીત શીખીને કોમ્પિટિશનમાં ભાગ લેવો છે. અને ઇન્ડિયન આઇડલ બનવું છે. બાળકોના મા- બાપ પણ બાળકને ઇન્ડિયન આઇડલ બનાવીને પોતાની આખી જંિદગીની આકરી મજૂરીનો જવાબ બહુ ઝડપથી મેળવી લેવા માંગે છે.

 

આ અંગે સાગર ચીરાગ કહે છે કે, મારે ઇન્ડિયન આઇડલ બનવું છે. હું રોજના ત્રણથી ચાર કલાક સંગીતની પ્રેક્ટિસ કરું છું. મારે આતીફ અસલમ જેવા સંિગર બનવું છે. મને વેસ્ટર્ન સંગીત ખૂબ જ ગમે છે. છેલ્લા એક મહિનાથી હું સતત મહેનત કરું છું, કારણ કે મારે સંગીતની કોમ્પિટિશનમાં ભગ લેવો છે. મારા મમ્મી- પપ્પા પણ મને મહાન સંગીતકાર તરીકે જોવા માગે છે. વોકાલિસ્ટ ઉપરાંત મારે ગીટારિસ્ટ પણ બનવું છે. આ અંગે નિનાદ શુક્લ કહે છે કે, ટેલિવિઝન ઉપર આવતા રિયાલિટી શો જોઇને મને સંગીત શીખવાનો શોખ જાગ્યો છે. હું પણ કોઈને કોઈ રિઆલિટી શોના માઘ્યમથી હિરો બનવા માગું છુંં. તેથી મે સંગીતના ક્લાસ શરૂ કર્યા છે. છેલ્લા ચાર મહિનાથી હું માત્ર સંગીતની જ પ્રેક્ટિસ કરું છું અને દિવસના ચાર કલાક હું સંગીત પાછળ આપું છું. મને લાગે છે કે હું સારો સંગીતકાર બનીશ. મારા મમ્મી- પપ્પા પણ મને ખૂબ જ સહ્યોગ આપે છે. આ અંગે અદ્વેત ત્રિવેદી કહે છે કે મારે બ્રેન એડમ્સ જેવું બનવું છે જેના કારણે હું ખૂબ જ મહેનત કરું છું. સંગીતના ક્લાસીસ પણ શરૂ કર્યા છે. મારું સ્વપ્ન છે હું મારો અવાજ એક દિવસ આખી દુનિયા સાંભળે મને જોવા માટે લોકોના ટોળા ઉમટે. મારે કોમ્પિટિશનમાં ભાગ લેવો છે જેથી હું સંગીત શીખવા માટે ખૂબ મહેનત કરું છું.

 

જોકે સંગીતશિક્ષક ડેનિસ મેકવાન યુવાઓ અને તેમનાં વાલીઓા આ ઉત્સાહ પર બ્રેક મારતાં કહે છે કે, સંગીત એ કોઈ બેઝિક કમ્પ્યૂટર કોર્સ નથી કે દોઢ-બે મહિનામાં શીખી શકાય.સંગીત એ સાધના છે. વળી, દરેક સંગીત શીખવા માટે કેટલીક નૈસર્ગિક ક્ષમતા હોવી પણ જરૂરી છે. પરંતુ લોકો પોતાના સંતાનોને રાતોરાત પ્રસિદ્ધિની ટોચ પર જોવા માંગે છે અને સંગીત માટે સમયનો ભોગ આપવા તૈયાર નથી. આમ છતાં લોકોમાં સંગીત શીખવા પ્રત્યે ચાહના ઊભી થઈ છે એ જરૂર આવકાર્ય ગણવી જ રહી. એ બહાને પણ ૧ ટકા જેટલા વિદ્યાર્થીઓ પણ સંગીતના સાચા સ્વરૂપ પ્રત્યે આકર્ષિત થાય તો ય એ હકારાત્મક પરિણામ ગણાશે. યુવાઓને મુખ્યત્વે ગાયકીમાં વિશેષ રસ છે. કારણ કે મોટાભાગના રિયાલિટી શો ગાયકી આધારિત હોય છે. આ ઉપરાંત વેસ્ટર્ન મ્યુઝિકના ક્રેઝને લીધે ગિટારિસ્ટ થવાનો મોહ બીજા નંબરે આવે છે. ભારતીય શાસ્ત્રીય સંગીત શીખીને સંગીતમાં પારંગત થવાની ભાગ્યે જ કોઈની તૈયારી છે તેનું કારણ એ છે કે શાસ્ત્રીય સંગીત શીખવા માટ ેવરસો સુધી એકધારી લગન અને ધગશથી મચી પડવું પડે. એ માટે કોઈને રસ નથી. કારણ કે, મા-બાપ હોય કે વિદ્યાર્થી, સૌનો રસ આજના રિયાલિટી શોની ચટ મંગની પટ બ્યાહ જેવી સફળતા મેળવવાની જ છે.

 

રોહિતભાઈ શાહ તેમના દીકરા નિર્માણ અને દીકરી હેત્વીને નિયમિત રીતે સંગીતક્લાસિઝમાં મોકલે છે. તેઓ કહે છે કે, અમે ભણ્યા-ગણ્યા, આખી જંિદગી મહેનત કરી અને તેમ છતાં જે નામ અને દામ નથી મેળવ્યા એ આજકાલના જવાનિયાઓ ચૂટકી વગાડતા મેળવી શકે તેવી તક ઊભી થઈ રહી હોય તો શા માટે એવી તક ન ઝડપવી? એટલા માટે જ હું મારા બંન ેસંતાનોને અત્યારથી જ સંગીત માટે તૈયાર કરૂં છું. આ એક તક છે. મળે તો બેડો પાર અને ન મળે તો અભ્યાસ અને નોકરી તો છે જ. તેમની ગણતરી સાવ ખોટી તો નથી જ. પરંતુ એમ ટૂંકાગાળામાં સંગીતમાં પારંગત થઈ શકાય ખરૂં? સંગીતશિક્ષક મિનાક્ષીબહેન કહે છે, આવા કિસ્સામાં અમે બાળકની સૂર-તાલની નૈસર્ગિક સમજને પારખીને પછી જ આગળ વધીએ છીએ. મોટાભાગના કિસ્સામાં તો મા-બાપનો ભ્રમ તૂટી જાય છે પરંતુ કેટલાંક બાળકો ખરેખર સૂરીલા અને હલકમાં ગાતાં હોય તો તેમને થોડીક તાલિમ પછી રિયાલિટી શો માટે તૈયાર જરૂર કરી શકાય પરંતુ એ માટે તેમણે આકરી મહેનત તો કરવી જ પડે.

 

એકંદરે રિયાલિટી શો એ વહેતી ગંગા છે. જેમાં ડૂબકી મારવાની, જો સફળતા મળી તો સામા કાંઠે નેમ-ફેમ એન્ડ મની તૈયાર જ છે. અભિજિત સાવંત, શ્રેયા ઘોસાલ જેવી સફળતા ભલે સૌ કોઈને ન મળવાની હોય પરંતુ એ સફળતા માટેની હોડમાં સૌ કોઈને ઊભા રહેવું છે ત્યારે આવી સ્થિતિ સર્જાય તેમાં નવાઈ પામવા જેવું નથી.

 

Share |
  More News
ભાજપ અને કોંગ્રેસે આંદોલનો કરવાનાં આયોજનો શરૃ કર્યા
પૂનમની રાત્રે અમાસ સર્જાશેઃ ગ્રહણના ગાળામાં રાશિ બદલાશે
'નકલી પોલીસ' બની લૂંટતી બે ઈરાની ગેંગના ૭ શખ્સો પકડાયા
શેટ્ટી પે કમીશનના લાભો ચૂકવવામાં સરકારના ગલ્લાં-તલ્લાં તિરસ્કાર સમાન
સરકારી સમારંભોમાં વિદ્યાર્થીઓનો ભીડ તરીકે ઉપયોગ કરવામાં આવે છે
નબળા શોટ સિલેક્શનના કારણે પરાજય સહન કરવો પડયોઃરૈના
ચેપલે ટીમમાં અમારી જરૃર જ ન હોય તેવું વાતાવરણ સર્જ્યુ હતું
મરેએ ભારે સંઘર્ષ બાદ સોંગાને હરાવીને ક્વિન્સ ટાઇટલ જીત્યું
જમૈકા અને બાર્બાડોસની પીચ પર બેટ્સમેનોની કસોટી થશે
  More News
દેશની ૨૧ હાઈ કોર્ટ માટે ફાળવાયેલી જજોની ૮૯૫ જગ્યામાંથી ૨૮૮ ખાલી
જ્નના ૧૨ દિવસની સરેરાશ કરતાં મુંબઈમાં આ વર્ષે સાતગણો વરસાદ
૨૬/૧૧ના મુંબઈ પરના હુમલા માટે આઇ.એસ.આઇ.ની જ આર્થિક લશ્કરી સહાય
પોતાનું સંતાન હોવાનું અમેરિકન ગે કપલનું સ્વપ્ન મુંબઇમાં પૂરું થયું
વીઆઈપી સુરક્ષા માટે તહેનાત કરાતા પોલીસની સંખ્યા ત્રણ વર્ષમાં ૩૪૦ ટકા વધી
એકતા કપૂરની ફિલ્મની સિકવલ સોનાક્ષી સિંહાને ફાળે જાય તેવી શક્યતા
હૃતિક રોશન હવે તેને ત્રેવડી ભૂમિકામાં ચમકાવતી 'ક્રિશ-૨'ના શૂટિંગ માટે તૈયાર
કરિશ્મા કપૂરે પુનરાગમન કરવા વિક્રમ ભટ્ટની ફિલ્મ પસંદ કરી
ઓનલાઇન સર્વેમાં સલમાન અને ઐશ્વર્યાને મળ્યો સૌથી વધારે સર્ચ થતી સેલિબ્રિટીનો ખિતાબ
 
News from International National Entertainment Business Sports    
Ahmedabad Vadodara Surat Bhavnagar Rajkot Kheda-Anand Kutch North Gujarat

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 

Science and Technology

'એન્ટી હાઇડ્રોજન'

ગરમીના મોજાં પશુ પંખીઓમાં મોટી તબાહી મચાવે છે
મધ- અખરોટનો આકર્ષક કોમ્બો...!
ડૉગ પણ સર્ફિંગ કરી શકે છે...!
ઝીરો ફેટ અને તાંતણાં સભર લીચી !
 

Gujarat Samachar Plus

સંગીતની સરગમમાં રિયાલિટીનો સૂર
રથયાત્રા પૂર્વે ધમધમી રહ્યા છે અમદાવાદના અખાડાઓ
કરિયરના બજારમાં વિજ્ઞાન ગગડ્યું
ભાવિના હંિચકે ઉમ્મિદનો હિલોળો...
 
   
lagnavisha arc

સ૫ના જેવી ભાસતી ભવિષ્યની અનેકહાઈટેક ટેકનોલોજી....

 

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 
plus
   
   

આજનું કાર્ટુન

webad3
   
usalet archive

Follow Us

Twitter Facebook

પૂર્તિઓ

 
 
 
Gujarat Samachar © 2011 All Rights Reserved