Last Update : 11-June-2011, Saturday
 

પાકિસ્તાનના ગિલાની અને ઝરદારીનું બચવું મુશ્કેલ

- પાકિસ્તાન ઉપર એક બાજુ અમેરિકાની ભીંસ વધી રહી છે તો બીજી બાજુ પાકિસ્તાન ચીનના જડબામાં વઘુને વઘુ જઈ રહ્યું છે
- અમેરિકાની નજરે ગિલાની અને ઝરદારીની દગાખોરી ખુલ્લી પડી ગઈ છે અને ચીન અમેરિકાની દુશ્મનાવટ વહોરી લેવા તૈયાર નથી

ખુંખાર આતંકવાદી ઓસામા બિન લાદેનનો અમેરિકાના પ્રમુખ બારાક ઓબામાની વ્યૂહરચનાથી ખુડદો બોલાવાયો પછી... એને છ વર્ષથી આશરો આપીને સંતાડી રાખનાર પાકિસ્તાનના પ્રમુખ અને વડાપ્રધાન ગિલાની અને ઝરદારીની ઊંઘ હરામ થઈ ગઈ છે.

 

ઝરદારી અને ગિલાનીની દગાખોરી અમેરિકા પાસે ખુલ્લી પડી ગઈ છે. અમેરિકા ઘણા વખતથી આ સમજી ગયું હતું એટલે એણે એ બન્નેના નાક કાપીને એમના જ હાથમાં મૂક્યા. અમેરિકાની આંખ ફરી ગઈ છે એ પાકિસ્તાન સમજી ગયું છે.

 

મેની બીજી તારીખે અમેરિકાએ લાદેનનો ખુડદો બોલાવી દીધો અને પંદર જ દિવસમાં પાકિસ્તાનના વડાપ્રધાન યુસુફ રઝા ગિલાની ચીનના સત્તાવાળાઓને મળવા ઉપડ્યા.

 

આપણી સામેની પાકિસ્તાનની દુશ્મનાવટ ખાતર પાકિસ્તાને શસ્ત્ર અને સહાય માટે પહેલાં અમેરિકાનો ખોળો પસંદ કર્યો અને પછી ચીનનો પણ ખોળો પસંદ કરીને અમેરિકાને ‘બ્લેક મેઈલ’ કરવાની લુચ્ચાઈ કરી. ચીન પાકિસ્તાનને એમને એમ ખોળામાં બેસવા દે એવું નથી. દોસ્તીની પણ કંિમત માગે એવું ચીન છે. ચીને પાકિસ્તાને અણુશસ્ત્રો બનાવવામાં મદદ કરી જેના બદલામાં પાકિસ્તાન પાસેથી આપણો પડાવી લીધેલો કાશ્મીર (એ કાશ્મીરને ‘ગુલામ કાશ્મીર’ તરીકે આપણે ઓળખાવવું જોઈએ અને એ ‘ગુલામ કાશ્મીર’ને આપણે ‘મુક્ત’ કરવાની નીતિ રાખવી જોઈએ.)નો જે ભાગ છે એનો અમુક ભાગ પાકિસ્તાને ચીનને આપી દીધો.

 

એટલે ૧૯૪૭ પહેલાં આપણું ભારતનું જે કાશ્મીર હતું એનો ગીલગીટ, બાલ્ટિસ્તાન જેવો આંતરરાષ્ટ્રીય દ્રષ્ટિએ મહત્ત્વનો વ્યૂહાત્મક ભાગ કહેવાય એ આપી દીધો. ચીને એનો કબજો લઈને તિબેટથી ત્યાં સુધીની સડક પણ બાંધી.

 

ચીન પાસેથી વઘુ લાભ લેવા પાકિસ્તાને કરાચી નજીક ગ્વાદર નામનું વ્યૂહાત્મક બંદર છે એનો હવાલો ૪૦ વર્ષના પટ્ટે આપ્યો. પાકિસ્તાનના પ્રમુખ પરવેઝ મુશર્રફ હતા ત્યારે એમણે ૨૦૦૭ના ફેબુ્રઆરીમાં આ અંગેના કરાર કર્યા હતા.

 

ભારત, ઈરાન અને પાકિસ્તાન તથા હંિદમહાસાગર ઉપર ચોકી નજર રાખી શકે એવું આ બંદર છે. હમણાં ગિલાની ચીન ગયા ત્યારે એમની સાથે ગયેલા પાકિસ્તાનના સંરક્ષણ પ્રધાન ચૌધરી અહમદ મુખ્તારે કહ્યું હતું કે... ‘‘અમારી વિનંતીને માન્ય કરીને ચીને ગ્વાદર બંદરનો હવાલો વહેલામાં વહેલી તકે લેવાની ખાતરી આપી છે.’’

 

મુખ્તારે વઘુમાં કહ્યું હતું કે, ‘‘ગ્વાદરનું બંદર ચીને બાંધી આપ્યું એથી અમે ચીનના ખૂબજ આભારી છીએ. હવે એ બંદર ઉપર ચીન નૌકામથક બાંધી આપે તો અમે એના વઘુ આભારી રહીશું.’’

 

પાકિસ્તાનના વડાપ્રધાનની ચાર દિવસની આ મુલાકાતના અંતે મેની ૨૦ તારીખે જે સંયુક્ત નિવેદન બહાર પાડ્યું એમાં રીવાજ મુજબ પરસ્પરના વખાણ તો કર્યા જ કરે છે એ સાથે ચીને પાકિસ્તાન આતંકવાદ સામે લડીને જે ભોગ આપે છે એના પણ વખાણ કર્યા છે.

 

જોકે ‘ચાઈના ટુડે’ નામનું ચીન સરકારનું જે દૈનિક છે એણે લખ્યું હતું કે, ‘‘લાદેનના મરણના કારણે પાકિસ્તાન, અમેરિકા અને ચીન વચ્ચે સંબંધોની ખીણ ઊભી થવાના બદલે ત્રણે દેશો નજીક આવી ગયા છે અને આતંકવાદને નાથવાનો સંઘર્ષ ત્રણે દેશો ભેગા થઈને લડશે. આતંકવાદ વિરોધી ત્રણે દેશોનું અભિયાન હજી ચાલુ જ છે.’’

 

ઓસામા બિન લાદેનનું મરણ અમેરિકાના હાથે થયું એને ચીને આવકાર્યું છે. એ સાથે ચીને પાકિસ્તાનના સાર્વભૌમત્વના મહત્વને પણ માન આપ્યું છે. બીજી બાજુ અબોટાબાદમાં લાદેન છૂપાયેલો એની જાણકારી પાકિસ્તાને છૂપાવેલી એને ચીને ઉવેખી છે અને આતંકવાદનું પાકિસ્તાન ભોગ બનતું રહ્યું છે એને ચીને મહત્વ આપ્યું છે. એમ પાકિસ્તાન ઉપર અમેરિકાની નજર બગડી રહી છે એને ચીને મહત્વ નથી આપ્યું.

 

બન્ને દેશો વચ્ચે ચાર દિવસમાં થયેલી વાતચીતોમાં ભારત તો ચમક્યું હોય જ પણ જે નિવેદનો થયા એમાં ક્યાંય ભારતનો ઉલ્લેખ નથી થયો.

 

આ બતાવે છે કે ચીન પાકિસ્તાન સાથે ફૂંકી ફૂંકીને પગ મૂકવા માંગે છે. ચીન ગમે તેટલું શક્તિશાળી થયું છે પણ અત્યારના તબક્કે અમેરિકા સાથે બાથ ભીડીને પોતે મેળવેલી શક્તિ ગુમાવવા તૈયાર નથી. એટલે અમેરિકાએ લાદેનનો જે રીતે ખુડદો બોલાવી દીધો એની ટીકા ટીપ્પણી કરવાથી એ દૂર રહ્યું છે. પેલા સંયુક્ત નિવેદનમાં એણે તોળી તોળીને એટલે શબ્દો વાપર્યા છે.

 

જ્યારે અમેરિકાને ચીન કે બીજા કોઈની પડી જ નથી. એને તો અમેરિકા ઉપર હુમલો કરનારના દાંત ખાટા કરવાની જ લગની છે. એ માટે પહેલાં એણે લાદનને લાદેન બનાવનાર અફઘાનિસ્તાનના તાલિબાનોનો સફાયો કર્યો અને પછી અમેરિકા ઉપર હુમલો કરનાર ભેજાઓને વીણીવીણીને નાબૂદ કરવાનો વ્યૂહ કર્યો.

 

વીરતાની વાતો કરનાર પેલા બાબા રામદેવ સ્ત્રીનો વેષ પહેરીને જેમ ભાગીને સંતાઈ ગયા અથવા પેલો દાઉદ ઈબ્રાહિમ છૂપાતો ફરે છે એમ લાદેન પણ નાસતો ફરતો હતો પણ અમેરિકાએ એને શોધી કાઢ્‌યો. પેલા ઈઝરાઈલીઓની બુઘ્ધિ અને હંિમત જેવી શક્તિઓ દેખાડીને અમેરિકન પ્રમુખ ઓબામાએ લાદેનનો જે રીતે ખાતમો બોલાવી દીધો એથી, પાકિસ્તાનની ઊંઘ ઉડી ગઈ અને અમેરિકનોની ઊડી ગયેલી ઉંઘ પાછી આવી. અમેરિકાનો ક્લીન્ટન અને બુશ (બન્ને) વખતથી પાકિસ્તાન વિશેનો જે મોહ હતો એ ઓબામાએ તોડીને પાકિસ્તાનને દુનિયા સમક્ષ ખુલ્લું કર્યું.

 

કરવેરા ભરનાર અમેરિકાની ૩૦ કરોડ કરતાં વઘુ જનતાને જરા પણ અંદાજ નહોતો કે વર્ષોથી અમારા પરસેવાના અબજોખર્વો ડોલર આપીને જેને પોષીને કદાવર કરી રહ્યા હતા એ પાકિસ્તાન આવું નાપાક દગાખોર નીકળશે... એ પ્રજાના ખાસ હત્યારાને જ એ પાકિસ્તાન આશરો આપશે!

 

અમેરિકનોમાં પાકિસ્તાન વિરોધી લાગણી એટલી બધી તીવ્ર થઈ ગઈ કે અમેરિકન સંસદ (કોંગ્રેસ કહે છે તેઓ એને) પાકિસ્તાનને લગતા બે ઠરાવ અમેરિકાએ પસાર કરવા પડ્યા... (૧) લાદેનને અબોટાબાદમાં સંતાડી રાખીને રક્ષણ આપવામાં પાકિસ્તાન સરકારની ભૂમિકા છે કે નહીં એની તપાસ કરવી અને (૨) પાકિસ્તાનને જે આર્થિક સહાય આપવામાં આવે છે એમાં કઈ રીતે કાપ મૂકવો (પાકિસ્તાનને વર્ષોથી દર વર્ષે ડોલર ૧,૫૦,૦૦,૦૦,૦૦,૦૦૦ (૧ ખર્વ ૫૦ અબજ) અમેરિકા મદદ કરે છે. એ સિવાય બીજી મદદ કરે એ અલગ. હવે આટલા બધા ડોલરની મદદ ૩૦ કરોડ અમેરિકનોના પરસેવાના ભોગે પાકિસ્તાને અમેરિકા કરતું હોય છતાં પાકિસ્તાન અમેરિકાના (અને દુનિયાના) પહેલાં નંબરના શત્રુને છાનુંમાનું રક્ષણ આપીને પોષતું હોય તો અમેરિકનો રોષે ભરાય જ ને? (દા.ત. બાબા રામદેવ અબજો અબજો અબજો રૂપિયાની સંપત્તિ ભેગી કરીને ધાર્મિક ટ્રસ્ટના નામે એક રૂપિયો પણ ઇન્કમટેક્ષ ન ભરે... એ પણ એક પ્રકારનું કાળું નાણું જ એટલે ભ્રષ્ટાચાર થયો. આર.એસ.એસ. પણ ગુરુદક્ષિણાના નામે ૮૦ વર્ષથી ફંડ ભેગું કરીને ધાર્મિક ટ્રસ્ટના નામે ઇન્કમટેક્ષ ભરતો નથી. એટલે એ બાબા રામદેવને ટેકો આપવા દોડે જ ને? ... ચોરનો ભાઈ ઘંટી ચોર!) આ મદદ પાકિસ્તાન આતંકવાદનો નાશ કરવાના નામે લેતું આવ્યું છે.

 

હવે એના બદલે પાકિસ્તાન એ મદદનો ઉપયોગ આતંકવાદ વધે એમાં કરે તો અમેરિકનો કઈ રીતે ચલાવી લે? એનો આડકતરો અર્થ એવો થયો કે પાકિસ્તાન અમેરિકાની મદદનો ઉપયોગ અમેરિકા સાથે જ કરતું હતું!

 

હવે, કોઈપણ વ્યક્તિ કે દેશ કે કંપની એવું કેમ ચલાવી લે?ચીન પણ આ ન સમજતું હોય એવું ભોટ નથી. એટલે જ એ પાકિસ્તાન સાથે ફૂંકીફૂંકીને પગ મૂકી રહ્યું છે.

 

- ગુણવંત છો. શાહ

 

- સાંકળ

લાંચ લેતા ઝડપાયેલા ભાજપના માજી પ્રમુખ બાંગરૂ લક્ષ્મણનો કેસ દસ વર્ષ પછી હવે ચાલશે?૨૦૦૧માં લાંચ લેતા એક સ્ટીંગ ઓપરેશનમાં ટીવી કેમેરામાં ઝડપાયેલા અને જેમને પછી પ્રમુખપદેથી દૂર કરેલા એ ભાજપના રાષ્ટ્રીય પ્રમુખ અને આરએસએસના ત્યારના વડા સુદર્શન કૃપાપાત્ર બાંગરુ લક્ષ્મણ ઉપરનો કેસ પેલી ફાંસીની સજાની જેમ હવે ચાલવા ઉપર આવ્યો છે!
સીબીઆઈની સ્પેશ્યલ કોર્ટે બાંગરૂ લક્ષ્મણ ઉપર કેસ તૈયાર કરવાનો સીબીઆઈને હુકમ કર્યો છે.

 

- બોનાન્ઝા

વર્લ્ડબેન્ક ગંગાના શુઘ્ધિકરણ માટે ૪૦,૦૦,૦૦,૦૦,૦૦૦ રૂપિયા આપશે કરવું કંઈ નહીં અને કોઈ કરતું હોય એમાં વાંધાવચકા ઊભા કરવા, રોડાં નાખવા, તાયફા કરવા વગેરેની ઘણી વ્યક્તિઓને અને કેટલાક પક્ષોને ટેવ પડી હોય છે. ભાજપ એમાં આગળ છે.
પવિત્ર નદી ગંગા તટ ઉપર હરિદ્વારમાં અબજો ખર્વો રૂપિયા અનુયાયીઓના તથા બીજી જનતાના લઈને વૈભવી સામ્રાજ્ય ઉભું કરનાર બાબા રામદેવે ગંગા માટે એમાંથી એક રૂપિયો પણ નથી વાપર્યો જ્યારે ગંગાની ગંદકી દૂર કરવા સર્વપ્રથમ કોંગ્રેસ સરકારના વડાપ્રધાન અને આતંકવાદ સામે લડતા પોતાની માતાની જેમ શહીદ થનાર સ્વ. રાજીવ ગાંધીએ અભિયાન ચલાવેલું જ્યારે હિન્દુ અને ગંગા-હિન્દુત્વ-વગેરેના નામે ચરી ખાનાર ભાજપે એના છ વર્ષના શાસનમાં ગંગા માટે રૂપિયો પણ વાપરેલો નહીં. જ્યારે આડવાણી દર વર્ષે આપણા જનતાના ખર્ચે લડાખ જઈને સિન્ઘુ નદી ઉપર સિન્ઘુ ઉત્સવ ઉજવતા!
જ્યારે મનમોહન સરકારે ગંગાની અપવિત્રતા દૂર કરીને ગંગાને પવિત્ર કરવાના કાર્યક્રમરૂપે ૨૦૦૯માં ‘નેશનલ ગંગા રીવર બેસીન ઓથોરીટી’ની રચના કરી છે.
એ ઉપરાંત ‘ગંગા નોલેજ સેન્ટર’ નામનું કેન્દ્ર પણ શરૂ કર્યું છે. ગંગાને ગંદકી અને પ્રદૂષણથી મુક્ત કરવા માટે સહાયરૂપ થવા વર્લ્ડ બેન્કે હમણાં ભારત સરકારને ૪૦ અબજ રૂપિયા આપ્યા છે.

 

- સાચવી રાખો!

શરીરની રોગ પ્રતિકાર શક્તિ વધારવા લીંબુ, મોસંબી, સંતરા લો! લીંબુ, સંતરા, મોસંબી જેવા ખાટા ફળમાં વિટામીન સી ભરપૂર પ્રમાણમાં હોય છે રોગ પ્રતિકાર શક્તિ આપે છે. એ ઉપરાંત એમ દાંતને પણ મજબૂત કરે છે.
આહારના ચિકિત્સક વૈજ્ઞાનિકોનું કહેવું છે કે... દરેક જણે વીટામીન સી વાળો ખોરાક વઘુ પ્રમાણમાં લેવાનું રાખવું જોઈએ. ‘વીટામીન સી’ની સારી વાત એ છે કે એ વઘુ પ્રમાણમાં લેવાય તો પણ વાંધો નથી આવતો. વીટામીન સી તો પણ ‘અતિ વર્જયતે’ની જેમ વધારે લેવાથી કીડની ઉપર અવળી અસર થાય છે. જેઓ ઘૂમ્રપાન કરે છે એમને વીટામીન સી વઘુ જોઈએ છે.
વીટામીન સીમાં એન્ટીઓક્સીડેન્ટ હોવાથી અને હવામાનમાં જે રેડીકલ્સ હોય છે એનાથી એ રક્ષણ આપે છે. એ રીડેકલ્સ હવામાનમાં ઓગળીને શરીરને નુકસાન પહોંચાડે છે. ‘વીટામીન સી’ એનાથી બચાવે છે. એજ રીતે સૂર્યના તડકામાં જે અલ્ટ્રા વાયોલેટ હોય છે એનાથી ચામડીને વીટામીન સી બચાવે છે.

 
 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 

Science and Technology

એઇડ્સ જંગ જીતવાનો છે

શીતનની ઊર્જા POWER OF COOL
સેલફોન યુવાનો માટે અસલામત?!
સ્ટીવ જોબ અને લિવર ટ્રાન્સપ્લાન્ટ
શરબત માટે અવનવું સ્ટેન્ડ
 

Gujarat Samachar Plus

માર્કસ લાવવામાં અવ્વલ પણ ફોર્મ ભરવામાં ઢબ્બુ
પથ્થરની ભાષામાં લખાતી કલાની કવિતા
મુર્દા દિલ ક્યા ખાક જિયા કરતે હૈ?
સાંજે શાકભાજી નથી ખાધા પણ એક એક માર્કસ માટે આખું પરિવાર ઝઝૂમ્યું
 
   
lagnavisha arc

સ૫ના જેવી ભાસતી ભવિષ્યની અનેકહાઈટેક ટેકનોલોજી....

 

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
 
plus
   
   

આજનું કાર્ટુન

webad3
   
usalet archive

Follow Us

Twitter Facebook

પૂર્તિઓ

 
 
Gujarat Samachar © 2011 All Rights Reserved