Last Update : 14-Feb-2011, Monday

અસહ્ય વિલંબ, આવકારપાત્ર સજા

ભારતમાં ભ્રષ્ટાચાર બદલ મંત્રીઓને તો ઠીક, અફસરોને કે બીજાં મોટાં માથાંને પણ સજા થાય એવું ભાગ્યે જ બને છે. તેના લીધે ન્યાયપ્રક્રિયામાંથી લોકોનો વિશ્વાસ ઓછો થતો જાય છે. એ સ્થિતિમાં કેરળના ભૂતપૂર્વ ઉર્જામંત્રી આર.બાલકૃષ્ણન્ પિલ્લાઇ અને તેમના બીજા બે સહયોગીઓને સર્વોચ્ચે અદાલતે ભ્રષ્ટાચારના ગુનામાં ફરમાવેલી એક વર્ષની સજા થોડી ખાસ ઉલ્લેખનીય છે.

અલબત્ત, ન્યાયપ્રક્રિયા તેના કુખ્યાત વિલંબિત લયમાં જ ચાલી છે. કેરળના ઇદમલયાર બંધનો બાંધકામ કોન્ટ્રાક્ટ આપતી વખતે ભ્રષ્ટાચાર થયો હોવાની બૂમ ઉઠી હતી. બંધનો કોન્ટ્રાક્ટ અપાયો ૧૯૮૨માં, જ્યારે ભ્રષ્ટાચારના યાદગાર કિસ્સા જેવો બોફર્સકાંડ બહાર આવ્યો ન હતો. બાલકૃષ્ણન્ ત્યારે કેરળ રાજ્યના ઉર્જામંત્રી હતા. તેમની વિરુદ્ધ ભ્રષ્ટાચારની ફરિયાદ ૧૯૯૧માં થઇ અને વીસ વર્ષ પછી અદાલતી ચુકાદામાં તેમને ભ્રષ્ટાચાર માટે દોષી ઠરાવવામાં આવ્યા છે. મંત્રીશ્રીએ બે કરોડ રૃપિયાની લાંચ લઇને, કોન્ટ્રાક્ટરોેને બજારભાવ કરતાં ઊંચા ભાવે બંધ બાંધવાનો કોન્ટ્રાક્ટ આપ્યો હતો, એ આરોપ આખરે પુરવાર થયો છે.

મંત્રી દ્વારા થયેલો બે કરોડ રૃપિયાનો ભ્રષ્ટાચાર ૨૦૧૧માં કોઇને હાસ્યાસ્પદ લાગી શકે. કારણ કે એ.રાજા જેવા મંત્રી અમુક હજાર કરોડ રૃપિયાના ભ્રષ્ટાચાર માટે ગવાઇ ગયા છે. છેલ્લાં પાંચેક વર્ષમાં કૌભાંડોમાં સંકળાયેલાં નાણાંની માત્રા વધીને અમુક લાખ કરોડ રૃપિયામાં પહોંચી છે. સામાન્ય માણસ આટલી મોટી રકમનો અંદાજ સુદ્ધાં ન બાંધી શકે. પરંતુ બાલકૃષ્ણન્ને સંડોવતો કેસ ૧૯૮૨નો હતો એ યાદ રાખવું પડે.

ન્યાયની પ્રક્રિયા આટલી ધીમી ચાલે તેનો શો અર્થ? અને આ જાતનો ન્યાય ગમે તેટલો સારો કે સાચો હોય તો પણ તેનાથી દાખલો બેસાડવાનો મૂળ આશય કેટલી હદે સિદ્ધ થાય, એ સવાલ ઉભો રહે છે. સતત પલટા લેતા રાજકીય પ્રવાહોમાં ૩૦ વર્ષ દરમિયાન કેટલું બધું બની શકે છે. આટલા લાંબા ગાળામાં આરોપી પોતે દુનિયામાંથી કૂચ કરી જાય એવું પણ બને. કેરળના ભ્રષ્ટાચાર કેસમાં ગુનેગાર ઠરેલા બાલકૃષ્ણન્ પિલ્લાઇ અત્યારે ૭૬ વર્ષના છે. કેરળમાં તેમણે કોંગ્રેસથી અલગ થઇને પોતાના નામે કોંગ્રેસ (બી) નામનો જુદો ચોકો રચ્યો છે. ચુકાદો આવ્યા પછી તેમણે રિવ્યુ પિટીશન કરવાની અનિચ્છા દર્શાવીને વળતો આરોપ કર્યો છે કે 'કેરળના મુખ્ય મંત્રી અચ્યુતનંદન પચીસ વર્ષથી મારી પાછળ પડયા છે. આ રાજકીય કિન્નાખોરી છે. હવે (મને સજા થવાથી) ભલે તે રાજી થાય..મારું અંતઃકરણ સાફ છે.'

અચ્યુતાનંદનને આ કિસ્સામાં અંગત રસ હતો અને વડી અદાલતના ચુકાદા સામે તેમણે પોતે સર્વોચ્ચ અદાલતમાં અરજી કરી હતી, એ ખરું. પરંતુ તેનાથી અદાલતી ફેંસલામાં સિદ્ધ થયેલી હકીકત બદલાઇ જતી નથી. શાણી વાતો કરવામાં નેતાઓને કોણ પહોંચે? સર્વોચ્ચ અદાલતે જેમને આટલા લાંબા ગાળા પછી કસૂરવાર ઠેરવ્યા હોય, એવા નેતાનું 'સાફ અંતઃકરણ' પ્રજાને શા કામનું, એવો સવાલ સહજ થવો જોઇએ. આ કેસનો ચુકાદો આપતી વખતે સર્વોચ્ચ અદાલતે એવી પણ ટીપ્પણી કરી હતી કે રાજકીય નેતાઓને સાંકળતા ભ્રષ્ટાચારના કેસનું પ્રમાણ દેશમાં ઘણું વધી ગયું છે અને તે અનંત કાળ સુધી લંબાયા કરે છે. એવા કેસનો ઝડપી નિકાલ કરવાનું સર્વોચ્ચ અદાલતે બીજી અદાલતોને સૂચવ્યું છે. પરંતુ સરકારી તપાસની ઢીલાશથી માંડીને અદાલતોમાં થયેલો કેસનો ભરાવો જોતાં, સર્વોચ્ચ અદાલતનો આશાવાદ ફળે એવું લાગતું નથી.

ખાસ ગુનો, ખાસ અદાલત

'ઇસરો'ના સ્પેક્ટ્રમ સોદાના પગલે જેને 'અસલી સ્પેક્ટ્રમ કૌભાંડ' કહેવું પડે તે ૨-જી સ્પેક્ટ્રમ કૌભાંડ હવે કાનૂની પ્રક્રિયાના હવાલે છે. સી.બી.આઇ. તેની તપાસ કરી રહી છે અને સર્વોચ્ચ અદાલતે ઠરાવ્યું છે કે તેના સિવાય બીજી કોઇ અદાલત સી.બી.આઇ.ના કામમાં દખલગીરી કરી શકશે નહીં. સાથોસાથ, અદાલતે ૨-જી સ્પેક્ટ્રમ કૌભાંડના આટાપાટાની તપાસ કરવા માટે એક ખાસ અદાલત રચવાનું સૂચવ્યું છે અને એ સૂચન અંગે કેન્દ્ર સરકારનો પ્રતિભાવ માગ્યો છે.

સ્પેક્ટ્રમ કૌભાંડના અસલી લાભાર્થીઓ કોણ છે અને આખું કાવતરું શું હતું, એ શોધી કાઢવા માટે સર્વોચ્ચ અદાલતે સીબીઆઇને જણાવ્યું હતું. સીબીઆઇએ આ મુદ્દે પોતાનો અહેવાલ બંધ કવરમાં સર્વોચ્ચ અદાલતને સુપ્રત કર્યો છે અને ૩૧ માર્ચ સુધીમાં તે ૨-જી કૌભાંડ કેસનું ચાર્જશીટ રજૂ કરશે એમ પણ જણાવ્યું છે. દરમિયાન, ૧ માર્ચના રોજ સર્વોચ્ચ અદાલતમાં સુનાવણી થશે ત્યારે સરકાર વતી એટર્ની જનરલ વહાણવટી ખાસ અદાલત રચવા અંગે સરકારનો જવાબ અદાલતને જણાવશે. સરકારનો જવાબ જે હોય તે, પણ છેલ્લા થોડા સમયમાં જે રીતે અને જે માત્રામાં મોટી રકમનાં કૌભાંડ એક પછી એક બહાર આવી રહ્યાં છે, એ જોતાં દરેક કૌભાંડ દીઠ એક એક ખાસ અદાલત ખોલવાની નોબત આવે તો નવાઇ નહીં.

Share |
  More News
વર્લ્ડ કપ અગાઉની પ્રેક્ટિસ મેચ ચેતવણી સમાન
પ્રેક્ટિસ મેચમાં ભારતીય બેટ્સમેનોના નાલેશીભર્યા ધબડકાથી ચાહકો નિરાશ
મોટાભાગની મેચોને ચાહકો જબરદસ્ત આવકાર આપશે ભારતનો ક્વાર્ટર ફાઇનલમાં પ્રવેશ લગભગ નિશ્ચિત જ છે
પ્રેક્ટિસ મેચ બાદ સ્મિથ અને ચિગુમ્બુરાએ નારાજગી વ્યક્ત કરી
ચેપોક સ્ટેડિયમની પીચ વર્લ્ડ કપની મેચ માટે હજુ તૈયાર નથી ઃસ્મિથ
રૈના વર્લ્ડ કપમાં ઝંઝાવાત જગાવવા તૈયાર
હવે શોર્ટ-પિચ બોલિંગ સામે પણ આસાનીથી રમી શકું છું
સૈફ-કરીનાએ તેમના લગ્ન વિશે વાત કરવાનું બંધ કર્યું
પ્રિયદર્શનની આગામી એકશન ફિલ્મ માટે હોલીવૂડના એકશન દિગ્દર્શકની મદદ લેવાઈ
સંજય દત્ત તેના પિતાની ફિલ્મ 'મુઝે જિને દો'ની રિમેક બનાવશે
પ્રોડયુસર્સ ગિલ્ડને આપખુદશાહીથી ચલાવવાનો યશ ચોપરા પર આક્ષેપ
ખારઘરમાં પ્રસ્તાવિત બૉલીવૂડ પાર્ક યોજના માટે રિ-ટેન્ડરિંગની શક્યતા
  More News
ડી.બી. રિયલ્ટીએ થાણે નજીક ૧૦૮ એકરનો રૃ.૧૫૦૦ કરોડનો પ્લૉટ લેવાનું માંડી વાળ્યું
એકસમાન કરવેરાની હિમાયત કરતા પૃથ્વીરાજ ચવ્હાણ
મહારાષ્ટ્રનાં રાજભવનમાં સારાં કપ-રકાબી માટે છ મહિનાથી ફંડની પ્રતીક્ષા
વિશેષ આર્થિક ઝોનની જેમ મહારાષ્ટ્ર સરકાર હવે ઍગ્રો ઇકૉનૉમિક ઝોન સ્થાપશે
હવે નવી કાર માટે જૂનીના નંબરનો ઉપયોગ કરી શકાશે
ગુજરાત સ્ટેટ ઇલેક્ટ્રીસિટી કંપનીની ખોટ વધીને રૃપિયા ૩૨૭ કરોડ થઈ
વાપીમાં પેપર મિલો દ્વારા રોજનો ૮૦ ટન પ્લાસ્ટિક વેસ્ટ
'કાયમી ગ્રાહક' બની ટોળકી ૧૦ લાખના દાગીના લઈ ગઈ
'અમદાવાદ દર્શન'ની બસને પ્રવાસીઓ જ મળતા નથી
 
News from International National Entertainment Business Sports    
Ahmedabad Vadodara Surat Bhavnagar Rajkot Kheda-Anand Kutch North Gujarat

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 

Science and Technology

ખતરનાક અને જીવલેણ રોગોને કાયમી ધોરણે નાબુદ કરી શકાશે?
૨૦૦૧માં પણ આ જ દિવસે નાસાના યાન 'નીઅર શુમેકર'નું લઘુગ્રહ 'ઇરોઝ' પર ઉતરાણ થયું હતું.૧૪ ફેબુ્રઆરી ૨૦૧૧એ મિલન
કાન નહિ આંખને પણ ખીલવે એવા વિશ્વના શ્રેષ્ઠ હેડફોન હવે હાથવેંતમાં...!
દરિયાની સપાટીમાં બે મીટરનો વધારો થશે ત્યારે ?!
 

Gujarat Samachar Plus

વેલેન્ટાઈન ડેના કાઉન્ટ ડાઉન સાથે સરપ્રાઈઝ પાર્ટીનો ક્રેઝ
કોમ્પ્યુટર કાર્નિવલમાં મેથ્સ-સાયન્સનું મેજીક
થર્મોકોલમાંથી બનાવ્યું કાંકરિયાનું મિનિએચર
ગોવાની માટી કરતા ગુજરાતની માટી ઉત્તમ
 
lagnavisha arc
   

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
   
   
usa a

આજનું કાર્ટુન

webad3
   
usalet archive

Follow Us

Twitter Facebook

પૂર્તિઓ

 
 
Gujarat Samachar © 2011 All Rights Reserved