Last Update : 14-Feb-2011, Monday

પાકિસ્તાનનો સૂર્યાસ્ત થવાની ઘડી હાથવેંતમાં...?

- હિન્દુ અને ખ્રિસ્તી લોકોની સાથોસાથ લઘુમતી ગણાતા અહમદિયા લોકો પણ તક મળ્યે દેશ છોડી જઇ રહ્યા છે.

'ગઇ કાલ સુધી કરાંચીના આ વિસ્તારોમાં સાંજે ઝળહળાટ જોવા મળતો. વિદેશી કાર્સ, ફોરેન એજ્યુકેટેડ દોસ્તોની મહેફિલ, પાર્ટીઓ અને વિવિધ પરફ્યૂમ્સનો મઘમઘાટ...આજે ત્યાં સાંજ પડે ઘોર અંધકાર છવાઇ જાય છે. મોટા ભાગના હવેલીનુમા બંગલા ખાલી થઇ ચૂક્યા છે. એના બાશિંદાઓ સલામત સ્થળોએ શીફ્ટ થઇ ચૂક્યા છે. રોજરોજના હિંસા અને રક્તપાતથી એ લોકો કંટાળ્યા હતા. આખરે માદરે વતનને અલવિદા કહીને ચાલ્યા ગયા...' પાકિસ્તાનના સૌથી લોકપ્રિય કટારલેખકોમાં જેમની ગણના થાય છે એવા કામરાન શફીએ ગયા સપ્તાહે લખ્યું હતું. પૈસે ટકે સુખી લોકો તો કેનેડા, ઇંગ્લેંડ, મલેશિયા કે દૂબઇ ચાલ્યા ગયા. ગઇ કાલ સુધી ઉદારમતવાદી ગણાતા કરાંચી શહેરનું ધીમે ધીમે તાલિબાનાઇઝેશન થઇ ગયું છે. આમ આદમીની સાથોસાથ ઇસ્લામના જગવિખ્યાત સ્કોલર મનાતા અલ્લામા જાવેદ અહમદ ઘમીદી પણ લાગ જોઇને પાકિસ્તાન છોડી ગયા. એમને પણ ઇસ્લામનો સાચો અર્થ સમજાવવા બદલ જાન લેવાની ધમકી મળી હતી.

માણસ વેપાર-ધંધા કે આર્થિક પ્રગતિ માટે સ્થળાંતર કરી જાય એ સમજી શકાય. પાકિસ્તાનમાં ઊલટું બની રહ્યું છે. લોકો પોતાના જાનમાલની સલામતી માટે અહીંથી નીકળી રહ્યા છે. કહેવાતી સરકાર લોકોના રક્ષણ માટે કશું કરતી નથી. બિનજરૃરી હિંસા રોજની થઇ પડી છે. અપહરણ, જોરતલબીથી પૈસા કઢાવવા, પૈસા મળી ગયા પછી પણ ઘણીવાર માત્ર સ્થાનિક લોકો પર ધાક બેસાડવા અપહૃત વ્યક્તિની હત્યા, ધોળે દિવસે લૂંટફાટ અને ધર્મનિંદા (બ્લાસફેમીના) નામે લઘુમતી પ્રજાની વધી રહેલી કનડગત- પાકિસ્તાનના સિનિયર પત્રકારો અને સમીક્ષકો માને છે કે પાકિસ્તાન નરી અરાજકતા અને સિવિલ વૉર (આંતરવિગ્રહ) તરફ ઘસડાઇ રહ્યું છે. જેમના હાથમાં જીવલેણ હથિયારો છે એ લોકો મજહબના નામે લોહી વહાવી રહ્યા છે.

હિન્દુ અને ખ્રિસ્તી લોકોની સાથોસાથ લઘુમતી ગણાતા અહમદિયા લોકો પણ તક મળ્યે દેશ છોડી જઇ રહ્યા છે. એજ રીતે અપહરણ અને લૂંટફાટનો ભોગ બની રહેલા વેપારીઓ અને ઉદ્યોગપતિઓ પણ સ્વેચ્છાએ દેશવટો અપનાવી રહ્યા છે. પંજાબના ગવર્નર સલમાન તાસીરની હત્યા પછી મોટા ભાગના લઘુમતી લોકો હતાશા અનુભવે છે. બ્રિટિશ કોમનવેલ્થ બ્રોડકાસ્ટીંગ કોર્પોરેશનના મોનીસા હાશમી અને પાકિસ્તાનમાં લશ્કરી ભ્રષ્ટાચાર વિશે સનસનીખેજ પુસ્તક લખનારા આયેશા સિદ્દીકી જેવા લોકો કહે છે કે હવે ઉદારમતવાદી બની રહેવું જોખમી બનતું જાય છે. એમાં સીધું જાનનું જોખમ રહે છે. અદનાન રહમત નામના સિનિયર પત્રકાર તો અફસોસ વ્યક્ત કરતાં કહે છે કે ૧૯૬૦ અને '૭૦ ના દાયકામાં તો અહીંના ઘણા વિસ્તારોમાં રમઝાનના પાક મહિનામાં રોજ સાંજે તમે સાડીધારી અને પંજાબી કમીઝ-સલવારમાં સજ્જ હિન્દુ ગૃહિણીઓને રેસ્ટોરાંમાં વિવિધ વાનગી માણતી જોઇ શકાતી. દાઢી અને બૂરખાધારી લોકો તો ભાગ્યેજ જોવા મળતા. ઉન સબ કો કિસી કી બૂરી નજર લગ ગઇ...કહાં ગયે વો દિન ?

સલમાન તાસીરની તુલનાએ એના હત્યારાને વધુ શાબાશી મળી. ફેસબુક અને ઇન્ટરનેટ પર સૌથી વધુ અભિનંદન મૂમતાઝ કાદરીને મળ્યા, એ હકીકત પાકિસ્તાનના બૌદ્ધિકો માટે ચિંતાનો વિષય છે. લાહોર યુનિવર્સિટીના મેનેજમેન્ટ સાયન્સીઝના વડા ડૉક્ટર રસુલ બક્ષ રૈસે કહ્યું કે આ લોકો હાથમાં હથિયાર રાખીને ધર્મની વાત કરી રહ્યા છે. ઇસ્લામ તો શાંતિનો મજહબ છે. મજહબની વાતમાં હથિયાર ક્યાંથી ઘુસી ગયા ?શેરીઓમાં હજારો લોકોને ભેગાં કરીને મજહબના નામે તેમના દિમાગમાં ઝેર રેડવામાં આવે છે. ટોળાની માનસિકતા (મૉબ સાયકોલોજી)નો ગેરલાભ ઊઠાવાઇ રહ્યો છે. આ વાતને બીજી રીતે રજૂ કરતાં 'ધ ન્યૂઝલાઇન' સામયિકના તંત્રી રેહાના હકીમ કહે, એમની પાસે લેટેસ્ટ મશીનગન છે, અમારી પાસે કશું નથી. એ લોકો મજહબના નામે જાંફેસાની કરવા તત્પર છે, અમારે કૂતરાના મોતે મરવું નથી. એમને શહીદ થઇને જન્નત મેળવવું છે, અમે તો અહીં જ શાંતિથી જીવવા ઉત્સુક છીએ. પરંતુ આ લોકોને શાંતિ ખપતી નથી.

આતંકવાદીઓએ પાકિસ્તાનની સરકારને ખુલ્લો પડકાર ફેંક્યો છે. સરકાર એટલી બધી નબળી અને લશ્કરના ખૌફ હેઠળ જીવતી છે કે આ પડકાર ઝીલી લેવાની તેની ઇચ્છા કે તૈયારી બંનેમાંથી કશું નથી. સમાજ કેળવણીથી બદલે છે. સરકારે મુલ્ક આખામાં એક અભ્યાસક્રમ દાખલ કરવો જોઇએ. એને બદલે અહીં તો મુલ્લા-મૌલવીઓ કહે એમ ભણાવાય છે. જે મુલ્લાઓ પોતે કુર્રાને શરીફ કે હજરત મોહમ્મદ પયગંબર (સ.અ.વ.)ની હદીસોને પૂરી સમજ્યા નથી એ લોકો ઊગતી પેઢીના બચ્ચાંઓને શું ભણાવવાના હતા, પ્રખર સમાજશાસ્ત્રી ડૉક્ટર દુશ્કા સૈયદ નિસાસો નાખતાં કહે છે. યહાં કલ ક્યા હોગા કોઇ નહીં જાનતા...

Share |
  More News
વર્લ્ડ કપ અગાઉની પ્રેક્ટિસ મેચ ચેતવણી સમાન
પ્રેક્ટિસ મેચમાં ભારતીય બેટ્સમેનોના નાલેશીભર્યા ધબડકાથી ચાહકો નિરાશ
મોટાભાગની મેચોને ચાહકો જબરદસ્ત આવકાર આપશે ભારતનો ક્વાર્ટર ફાઇનલમાં પ્રવેશ લગભગ નિશ્ચિત જ છે
પ્રેક્ટિસ મેચ બાદ સ્મિથ અને ચિગુમ્બુરાએ નારાજગી વ્યક્ત કરી
ચેપોક સ્ટેડિયમની પીચ વર્લ્ડ કપની મેચ માટે હજુ તૈયાર નથી ઃસ્મિથ
રૈના વર્લ્ડ કપમાં ઝંઝાવાત જગાવવા તૈયાર
હવે શોર્ટ-પિચ બોલિંગ સામે પણ આસાનીથી રમી શકું છું
સૈફ-કરીનાએ તેમના લગ્ન વિશે વાત કરવાનું બંધ કર્યું
પ્રિયદર્શનની આગામી એકશન ફિલ્મ માટે હોલીવૂડના એકશન દિગ્દર્શકની મદદ લેવાઈ
સંજય દત્ત તેના પિતાની ફિલ્મ 'મુઝે જિને દો'ની રિમેક બનાવશે
પ્રોડયુસર્સ ગિલ્ડને આપખુદશાહીથી ચલાવવાનો યશ ચોપરા પર આક્ષેપ
ખારઘરમાં પ્રસ્તાવિત બૉલીવૂડ પાર્ક યોજના માટે રિ-ટેન્ડરિંગની શક્યતા
  More News
ડી.બી. રિયલ્ટીએ થાણે નજીક ૧૦૮ એકરનો રૃ.૧૫૦૦ કરોડનો પ્લૉટ લેવાનું માંડી વાળ્યું
એકસમાન કરવેરાની હિમાયત કરતા પૃથ્વીરાજ ચવ્હાણ
મહારાષ્ટ્રનાં રાજભવનમાં સારાં કપ-રકાબી માટે છ મહિનાથી ફંડની પ્રતીક્ષા
વિશેષ આર્થિક ઝોનની જેમ મહારાષ્ટ્ર સરકાર હવે ઍગ્રો ઇકૉનૉમિક ઝોન સ્થાપશે
હવે નવી કાર માટે જૂનીના નંબરનો ઉપયોગ કરી શકાશે
ગુજરાત સ્ટેટ ઇલેક્ટ્રીસિટી કંપનીની ખોટ વધીને રૃપિયા ૩૨૭ કરોડ થઈ
વાપીમાં પેપર મિલો દ્વારા રોજનો ૮૦ ટન પ્લાસ્ટિક વેસ્ટ
'કાયમી ગ્રાહક' બની ટોળકી ૧૦ લાખના દાગીના લઈ ગઈ
'અમદાવાદ દર્શન'ની બસને પ્રવાસીઓ જ મળતા નથી
 
News from International National Entertainment Business Sports    
Ahmedabad Vadodara Surat Bhavnagar Rajkot Kheda-Anand Kutch North Gujarat

 

વૈવિધ્ય

• તંત્રી લેખ • પ્રસંગપટ
• દિલ્હીની વાત • આસપાસ
• ન્યુઝ વ્યુઝ •વાતવાતમાં
• નેટવર્ક • અવસાન નોંધ
 

Science and Technology

ખતરનાક અને જીવલેણ રોગોને કાયમી ધોરણે નાબુદ કરી શકાશે?
૨૦૦૧માં પણ આ જ દિવસે નાસાના યાન 'નીઅર શુમેકર'નું લઘુગ્રહ 'ઇરોઝ' પર ઉતરાણ થયું હતું.૧૪ ફેબુ્રઆરી ૨૦૧૧એ મિલન
કાન નહિ આંખને પણ ખીલવે એવા વિશ્વના શ્રેષ્ઠ હેડફોન હવે હાથવેંતમાં...!
દરિયાની સપાટીમાં બે મીટરનો વધારો થશે ત્યારે ?!
 

Gujarat Samachar Plus

વેલેન્ટાઈન ડેના કાઉન્ટ ડાઉન સાથે સરપ્રાઈઝ પાર્ટીનો ક્રેઝ
કોમ્પ્યુટર કાર્નિવલમાં મેથ્સ-સાયન્સનું મેજીક
થર્મોકોલમાંથી બનાવ્યું કાંકરિયાનું મિનિએચર
ગોવાની માટી કરતા ગુજરાતની માટી ઉત્તમ
 
lagnavisha arc
   

aaj

આજનું પંચાગ

આજનું ભવિષ્ય
સુપ્રભાતમ્

આજનું ઔષધ

આજની જોક આજની રેસીપી
   
   
usa a

આજનું કાર્ટુન

webad3
   
usalet archive

Follow Us

Twitter Facebook

પૂર્તિઓ

c
 
 
Gujarat Samachar © 2011 All Rights Reserved