ઓસી. બોર્ડ હોવર્ડને નકારવાનુ કારણ માંગ્યું

સિંગાપોરમાં મળેલી આઇસીસીની એક્ઝિક્યુટિવ બોર્ડની બેઠકમાં આફ્રો-એશિયન બ્લોકે હોવર્ડના નામ સામે વિરોધ નોંધાવતા તેમને પડતા મુકવામાં આવ્યા હતા. આ પછી આઇસીસીએ ઓસ્ટ્રેલિયા અને ન્યુઝીલેન્ડને અન્ય કોઇ નામ સૂચવવાની ભલામણ કરી હતી. ઓસ્ટ્રેલિયન બોર્ડે તેના નિવેદનમાં કહ્યું કે, અમે અગાઉ લીધેલા નિર્ણય અનુસાર આ પદ માટે શ્રેષ્ઠ ઊમેદવાર હોવર્ડ જ છે અને એટલે જ અમે આ ઊમેદવારી માટે અન્ય કોઇના નામ પર વિચારણાં કરી જ નથી. ન્યુઝીલેન્ડ ક્રિકેટે આ પદ માટે આઇસેકની ઊમેદવારી રજુ કરી છે, જેને અમે સમર્થન આપવાના છીએ.

ઓસ્ટ્રેલિયાના બોર્ડે એમ પણ કહ્યું કે, અમે આઇસીસીના એક્ઝિક્યુટિવ બોર્ડના નિર્ણયથી ખુબ જ નારાજ છીએ અને અમને ચિંતા એ વાતની છે કે હોવર્ડની ઊમેદવારીને કેમ નકારવામાં આવી તે અંગે કોઇ કારણ પણ રજુ કરવામાં આવ્યું નથી. તેઓ આ અંગે હજુ કોઇ સ્પષ્ટતાં કરતાં નથી. અમે અમારા નિર્ણય પર અફર છીએ કે હોવર્ડ જ અમારા તરફથી આઇસીસીના ઉપપ્રમુખના શ્રેષ્ઠ ઊમેદવાર છે. જો તેઓ તેમને નથી ઇચ્છતાં તો અમે બીજા કોઇ ઊમેદવારને ઊભો રાખળાના નથી. હોવર્ડે પોતાને ક્રિકેટની કરૃણતાં ગણાવ્યા હતા. હોવર્ડને તેમની વિવાદિત રાજકિય નિતીઓને કારણે આઇસીસીના ઊપપ્રમુખ તરીકેના નોમિનેશનને ગુમાવવું પડયું હતુ. આઇસીસીમાં ૧૦માંથી ૬ સભ્ય દેશોએ તેમની વિરૃદ્ધમાં મત આપ્યો હતો.