૮નાં મોત ઃ રાજધાની બેઇજિંગ સહિત ઠેર ઠેર બરફના થર ઃ માર્ગો પર વાહનોની લાંબી કતાર

સૂત્રોના જણાવ્યા પ્રમાણે બેઇજીંગ અને ચીનના ઉત્તરીય પ્રાંતો શાન્કિ, બિઓનિંગ અને હેબેઈ-માં છેલ્લા ત્રણ દિવસથી ભારે બરફવર્ષા અને તોફાની પવનોના કારણે ભયની સ્થિતિનું નિર્માણ થયું છે. જેમાં જુદી જુદી ઘટનાઓમાં પાંચ લોકો માર્યા ગયા છે. હેબેઈ પ્રાંતમાં હિમપાતના કારણે શાળાની ઈમારતમાં કેટલોક ભાગ તૂટી પડતાં ત્રણ વિદ્યાર્થીઓ માર્યા ગયા અને ૨૮ને ઇજા પહોંચી છે.

શાળામાં બનેલી આ કરુણ ઘટનાને પગલે તંત્રએ પ્રાંતની રાજધાની શિજિઝુઆંગમાં તમામ શૈક્ષણિક સ્કૂલો ૩ દિવસ માટે બંધ કરવાની ફરજ પડી છે. ઉલ્લેખનીય છે કે હાલની બરફવર્ષા ચીનમાં છેલ્લા ૫૪ વર્ષમાં પહેલીવાર જોવા મળી છે. સૂત્રોના જણાવ્યા પ્રમાણે તંત્રએ તમામ શાળાની ઈમારતોની તપાસ પણ ચાલુ કરી દીધી છે અને સલામતી માટેના પગલાં લેવાયા છે. સ્થાનિક અધિકારીએ જણાવ્યું હતું કે, હિમપાતના કારણે અંદાજે ૩૦ હજાર જેટલા વાહનો રસ્તામાં અટવાઈ ગયા છે અને આ સ્થિતિ બેઇજિંગ અને તેની આસપાસના વિસ્તારોમાં જોવા મળી છે. હિમવર્ષાના કારણે વિમાનોના આવાગામનમાં પણ વિપરીત અસર પડી છે અને અનેક ફ્લાઇટોના સમયપત્રકમાં ૮ કલાક કરતા વધુ સમયનો ફેરફાર કરાયો છે. ઉલ્લેખનીય છે કે ચીનના શાન્કિ પ્રાંતમાં આવેલી પ્રખ્યાત ગુફાઓને પણ બરફવર્ષાના કારણે તાત્કાલીક બંધ કરવાની ફરજ પડી છે.