છોટે બંધુની આગેવાનીમાં બડે બંધુના સથવારે દિગ્ગજો ખાસ બિગબુલ અને એલીફન્ટની જુગલજોડી દ્વારા ખેલાઈ રહેલા બે-તરફી તોફાની ખેલમાં આજે ફરી ગુમરાહ કરતી ચાલમાં છેલ્લે આ દિગ્ગજોએ મંગળવારના છેલ્લી ઘડીના ઘટાડાની જેમ શોર્ટ કવરીંગ કર્યાંનો છેતરામું ચિત્ર ઊભુ કર્યું હતું. જોકે વ્હાઈટ એન્ડ વ્હાઈટ દિગ્ગજ અને ભોલે શંકરે આજે ફરી ઉછાળે વેચીને વેપાર કર્યાની ચર્ચા હતી.
બેંક નિફટીમાં હેજ ફંડ સાથે વ્હાઈટ દિગ્ગજ વેચવાલઃ નિફટી નવેમ્બર ૫૦૧૪ થઈ ૪૯૨૪ સુધી ગબડયો
એનએસઈનો નિફટી કેશ ઈન્ડેક્ષ આગલા બંધ ૫૦૦૩.૯૫ સામે ૫૦૦૪.૪૦ ખુલી અફડાતફડી વચ્ચે ઉપરમાં ૫૦૧૪.૪૦ અને નીચામાં ૪૯૨૪.૭૫ વચ્ચે અથડાતા રહી અંતે ૫૧.૩૦ પોઈન્ટના ઘટાડે ૪૯૫૨.૬૫ મથાળે બંધ રહ્યો હતો. ડેરીવેટીવ્ઝમાં નિફટી બેઝડ ઉછાળે દિગ્ગજોની વેચવાલીની ચર્ચાએ નિફટી નવેમ્બર ફયુચર ૬૪૩૫૦૦ કોન્ટ્રેક્ટસમાં રૃ.૧૫૯૯૦ કરોડના ટર્નઓવરે ૫૦૦૯.૭૫ સામે ૪૯૯૮ ખુલી ઉપરમાં ૫૦૧૭થી નીચામાં ૪૯૧૭.૫૫ સુધી જઈ અંતે ૪૯૬૯.૦૫ બોલાતો હતો. બેંક નિફટી નવેમ્બર ફયુચર પણ હેજ ફંડોની સાથે વ્હાઈટ દિગ્ગજની વેચવાલીની ચર્ચાએ ૩૩૧૪૭ કોન્ટ્રેક્ટસમાં રૃ.૧૫૧૦ કરોડના ટર્નઓવરે ૯૩૩૬.૮૦ સામે ૯૩૦૦ ખુલી ઉપરમાં ૯૩૩૦.૫૦થી નીચામાં ૯૦૧૧.૨૦ સુધી જઈ અંતે ૯૧૩૦ બોલાતો હતો. કેબીનેટ દ્વારા હીટ નીતિને મંજૂરીને પગલે આઈટી- ટેલીકોમ શેરોમાં લેવાલી નીકળી હતી. વાયર એન્ડ વાયરલેસ રૃ.૩.૪૦ ઉછળીને રૃ.૨૦.૪૦, મોઝર બેયર રૃ.૪.૨૫ વધીને રૃ.૮૪.૦૫, રહ્યા હતા. 'એ' ગુ્રપના પ્રમુખ અન્ય વધનાર શેરોમાં સ્પાઈસ ટેલી રૃ.૪.૬૫ ઉછળીને રૃ.૬૫.૦૫, જયુબીલન્ટ ઓર્ગેનોસીસ રૃ.૧૬.૩૦ વધીને રૃ.૨૮૮.૯૦, રેણુકા સુગર દ્વારા બ્રાઝિલની કંપનીને રૃ.૩૮૦ કરોડમાં હસ્તગત કરાતા શેર રૃ.૯.૨૫ વધીને રૃ.૨૨૭.૬૫, જય કોર્પ રૃ.૮.૯૦ વધીને રૃ.૨૩૫.૮૦, સેન્ચુરી ટેક્સટાઈલ રૃ.૧૬.૮૫ વધીને રૃ.૪૭૯.૨૫, ફોર્ટીસ હેલ્થકેર રૃ.૩.૧૫ વધીને રૃ.૧૦૮.૨૫, આકૃતિ સિટી રૃ.૧૪.૭૫ વધીને રૃ.૫૧૧.૭૦, મુંદ્રા પોર્ટ રૃ.૧૪.૭૦ વધીને રૃ.૫૪૧.૮૫,રહ્યા હતા.
નિફટી, બેંક નિફટી, રીયાલ્ટી, મેટલ શેરોમાં દિગ્ગજો- બિગબુલ, એલીફન્ટ, વ્હાઈટ દિગ્ગજની વેચવાલીની ચર્ચા સામે સ્ટોક સ્પેસિફિક આ દિગ્ગજોમાં બિગબુલે ડીશ ટીવી, રેણુકા સુગરમાં મોટું લેણ કર્યાની અને એલીફન્ટ ઈન્વેસ્ટર- ટ્રેડરે આઈડીબીઆઈ બેંક, સેન્ચુરી ટેક્સટાઈલ, પ્રાજ ઈન્ડસ્ટ્રીઝમાં મોટુ લેણ કર્યાની ચર્ચા હતી. જ્યારે બિગબુલે રીયાલ્ટી શેરો ઈન્ડિયાબુલ્સ રીયલ એસ્ટેટ, ડીએલએફ સહિતમાં અને એલીફન્ટે ટાટા સ્ટીલ, સ્ટેટ બેંકમાં વેચીને વેપાર કર્યો હતો.
માર્કેટબ્રેડથ નેગેટીવઃ ૧૫૧૬ શેરો ઘટયા
સેન્સેક્ષ- નિફટી બેઝડ ઉછાળે આંચકા સાથે સ્મોલ- મિડ કેપ શેરો અને રોકડાના અન્ય સંખ્યાબંધ શેરોમાં નવી મોટી લેવાલીથી દૂર વેચીને હળવા થવાના માનસે માર્કેટબ્રેડથ નેગેટીવ રહી હતી. બીએસઈમાં આજે કુલ ટ્રેડીંગ થયેલી ૨૮૦૬ સ્ક્રીપમાંથી ઘટનારની સંખ્યા ૧૫૧૬ અને વધનારની ૧૨૦૧ રહી હતી. આમ છતાં ૨૧૩ શેરોમાં ઓનલી બાયરની તેજીની ઉપલી સર્કિટ રહી હતી. જ્યારે ૧૨૩ શેરોમાં ઓનલી સેલરની મંદીની નીચલી સર્કિટ રહી હતી.
આઈટી શેરો ઊંચકાયા
ભારતનો આઈટી ઉદ્યોગ પ્રોત્સાહક વૃધ્ધિ હાંસલ કરશે એવા નાસ્કોમના અધ્યક્ષના નિવેદન અને ઈન્ફોસીસ ટેકનોલોજીસના બીપીઓ એકમ દ્વારા યુ.એસ.ની બેક ઓફીસ સર્વિસ પૂરી પાડતી કંપની મેકકેમીશ સિસ્ટમ્સને ૩૮૦ લાખ ડોલરમાં હસ્તગત કરવાના નિવેદનની પોઝિટીવ અસરે અને તેમજ કેબીનેટની હીટ નીતિને મંજૂરી સાથે રૃપિયા સામે ડોલર નબળો પડતા અટકતા આઈટી શેરોમાં શોર્ટ કવરીંગ સાથે વેલ્યુબાઈંગ થયું હતું. ઈન્ફોસીસ રૃ.૧૪ વધીને રૃ.૨૩૨૨.૭૦, વિપ્રો રૃ.૮.૮૫ વધીને રૃ.૬૨૫.૧૦, ટીસીએસ રૃ.૯.૧૫ વધીને રૃ.૬૫૪.૨૦, એચસીએલ ટેકનોલોજી રૃ.૧૨.૦૫ વધીને રૃ.૩૩૩.૭૫, રોલ્ટા રૃ.૩.૯૫ વધીને રૃ.૧૭૮.૪૦ રહ્યા હતા.
રીયાલ્ટી ઈન્ડેક્ષ ૧૨૪ પોઈન્ટ તૂટયો
હોમ લોન ધિરાણ વ્યાજ દરોમાં વધારો થવાની ધારણાએ રીયાલ્ટી શેરોની નરમાઈમાં ડીએલએફ સાથે ઘટનારમાં પાર્શ્વનાથ ડેવલપર્સ રૃ.૬.૧૦ ઘટીને રૃ.૧૧૨.૯૦, યુનીટેક રૃ.૪.૪૫ ઘટીને રૃ.૮૪.૪૫, ઓર્બીટ કોર્પોેરેશન રૃ.૧૧.૪૦ ઘટીને રૃ.૨૯૬.૪૦, રહ્યો હતો. ફુગાવાનો દર વધી રહ્યા સાથે ઔદ્યોગિક ઉત્પાદનમાં પ્રોત્સાહક ૯.૧ ટકાની વૃધ્ધિએ ફરી સ્ટીમ્યુલસમાં પીછેહઠની અટકળો અને ધિરાણ વ્યાજ દરોમાં વધારો થવાની ધારણાએ બેંક, ઓટો, રીયાલ્ટી શેરોમાં નરમાઈ હતી. સ્ટેટ બેંક સાથે ઘટનાર અન્ય શેરોમાં બેંક ઓફ ઈન્ડિયા રૃ.૧૩.૬૦ ઘટીને રૃ.૩૬૪.૧૫, ફેડરલ બેંક રૃ.૭.૪૦ ઘટીને રૃ.૨૩૦.૭૫, યશ બેંક રૃ.૭.૧૫ ઘટીને રૃ.૨૬૬, કોટક બેંક રૃ.૨૧.૦૫ ઘટીને રૃ.૭૯૧.૩૫, એક્સીસ બેંક રૃ.૨૫.૯૫ ઘટીને રૃ.૯૭૯.૧૫, બેંક ઓફ બપોડા રૃ.૧૨.૨૫ ઘટીને રૃ.૫૪૩.૯૫, પંજાબ નેશનલ બેંક રૃ.૧૯.૩૦ ઘટીને રૃ.૯૧૧, ઈન્ડસઈન્ડ બેંક રૃ.૨.૫૫ ઘટીને રૃ.૧૩૩.૬૦ રહ્યા હતા. બીએસઈ બેંકેક્ષ ઈન્ડેક્ષ ૨૬૩.૩૧ પોઇન્ટ તૂટીને ૧૦૧૨૭.૯૭ રહ્યો હતો. સ્મોલ- મિડ કેપ ઘટનાર શેરોમાં સિટી યુનીયન બેંક રૃ.૩.૭૦ તૂટીને રૃ.૨૬.૨૫, શ્રેણુજ રૃ.૩.૧૦ ઘટીને રૃ.૩૭.૪૫, શાંતી ગીયર રૃ.૨.૭૫ ઘટીને રૃ.૪૩.૫૦, એસઆરએફ લિ. રૃ.૧૦.૬૫ ઘટીને રૃ.૧૮૮.૯૫, જેકે સિમેન્ટ રૃ.૫.૮૫ ઘટીને રૃ.૧૨૧.૫૦, રહ્યા હતા.
ઉત્પાદનમાં ૯.૧ ટકાની ધારણાથી વધુ વૃધ્ધિ છતાં નિકાસમાં ઘટાડો સ્ટીમ્યુલસમાં પીછેહઠ