ગુરૂવારે ઓપરેશન રાહ-એ-નિજાત દરમિયાન સિક્યોરિટી દળોને આવાં કેલેન્ડર સ્પાન્કાઇના એક મદરેસામાં મળી આવ્યાં હતાં એમ જીઓ ન્યૂઝે જણાવ્યું હતું.

સિક્યોરિટી દળો માને છે કે આ સૂસાઇડ બોંબરોને સ્પાન્કાઇ વિસ્તારમાં તાલીમ આપવામાં આવી હશે. આ ફોટોગ્રાફમાં પ્રતિબંધિત આતંકવાદી સંસ્થા તહેરિક-એ-તાલિબાન પાકિસ્તાનના નેતાઓના ફોટોગ્રાફનો પણ સમાવેશ હતો. અહીં મળેલા ફોટોગ્રાફમાં દસથી પંદર વરસના બાળકોને અપાતી તાલીમના ફોટોગ્રાફ પણ હતા.

પાકિસ્તાની લશ્કર છેલ્લા થોડા સમયથી દક્ષિણ વઝિરિસ્તાનમાં તાલિબાન સામે લડી રહ્યું છે. તાલિબાનોએ એનો બદલો લેવાની જાહેરાત કરી હતી.