જો કે આ ૫૪ વિધાનસભ્યોએ સ્પીકરને રાજીનામાં આપવાને બદલે પોતાના નેતા જનાર્દન રેડ્ડીને રાજીનામાં આપ્યાં હતાં. યેદીયુરપ્પાને ખસેડવા જનાર્દન રેડ્ડી હાલ દિલ્હીમાં ટોચના ભાજપી નેતાઓને મળી રહ્યા છે.

યેદીયુરપ્પા તો દિલ્હીમાં જ છે. રાજીનામાં આપનારા સભ્યોએ પોતાનાં રાજીનામાં સ્પીકરને આપવાનો આગ્રહ રાખ્યો હતો પરંતુ જનાર્દન રેડ્ડીએે  રાજીનામાં પોતાની પાસે રાખ્યાં છે.

ભાજપની ટોચની નેતાગીરીએે  મુખ્ય પ્રધાનને ખસેડવાના કરેલા ઇનકારના પગલે તેમના પર દબાણ વધારવા સામૂહિક રાજીનામાંનું આ  પગલું ભરવામાં આવ્યું છે. રેડ્ડી ભાઇઓએ સ્પષ્ટતા કરી છે કે યેદીયુરપ્પાને ખસેડવામાં નહીં આવે ત્યાં સુધી અમે નમતું નહીં આપીએ.