કરાચીની વૈભવી મેરિયટ હૉટલમાં ચાર દિવસના ફૅશન વીકનું ઉદ્ઘાટન તાલિબાનોના ડર વિના થયું હતું. સાઉથ વઝિરિસ્તાનમાં પાકિસ્તાની લશ્કર ધર્મઝનૂનીઓ સાથે ખરાખરીનો જંગ ખેલી રહ્યું છે ત્યારે કરાચીના ટોચના ફૅશન ડિઝાઇનરોનાં સર્જનને અહીં મોેડેલોએ રજૂ કર્યા ત્યારે વિદેશી પત્રકારો સ્તબ્ધ થઇ ગયા હતા કારણ કે અહીં મહિલાઓ પોતાના શરીરની જરા અમથી ચામડી દેખાય એવાં વસ્ત્રો પહેરે તો હંગામો મચી જાય છે.

આમ તો આ ફૅશન વીક ઑક્ટોબરમાં યોજાવાનું હતું પરંતુ ત્યારે સુરક્ષા પરિસ્થિતિ વણસેલી હતી એટલે વિલંબ થયો એમ આયોજકોએ કહ્યું હતુું.